Pharmed
Zolaksa 5 mq N30 tablet
ZOLAKSA 5 mq örtüklü tabletlər
ZOLAXA
Beynəlxalq patentləşdirilməmiş adı: Olanzapine
Tərkibi
Təsiredici maddə: 1 tabletin tərkibində 5 mq olanzapin vardır.
Köməkçi maddələr: laktoza monohidrat, povidon 30, krospovidon A, natrium nişastaqlikolyatı (A
tipli), susuz kolloidal silisium dioksid, maqnezium stearat.
Örtük: polivinil spirti, talk, titan dioksid (E 171), makroqol (tip 3350).
Farmakoterapevtik qrupu
Neyroleptiklər, diazepinlər, oksazepinlər, tiazepinlər və oksepinlər.
İstifadəsinə göstərişlər
Böyüklərdə istifadəsi
Olanzapin şizofreniyanın müalicəsi üçün istifadə olunur.
Olanzapin müalicənin başlanğıc mərhələsində müalicəyə yaxşı cavab verən pasiyentlərdə
müalicənin davam etdirilməsi zamanı klinik yaxşılaşmanı dəstəkləmək üçün istifadə zamanı
effektivdir.
Olanzapin orta və ağır dərəcəli maniakal epizodların müalicəsi üçün göstərişdir.
Maniakal epizodun müalicəsi zamanı olanzapinlə müalicəyə yaxşı cavab verən pasiyentlərdə bu
preparat bipolyar pozğunluğun residivlərinin profilaktikası üçün göstərişdir
Əks göstərişlər
Təsiredici maddəyə və ya köməkçi maddələrdən hər hansı birinə qarşı yüksək həssaslıq.
Bağlıbucaqlı qlaukomanın təsdiq olunmuş inkişaf riski olan pasiyentlər.
Hamiləlik və laktasiya dövründə istifadəsi
Preparatı istifadə etməzdən əvvəl həkimlə məsləhətləşmək lazımdır
Hamiləlik
Hamilə qadınlar üzərində adekvat və yaxşı nəzarət olunan tədqiqatlar aparılmamışdır. Pasiyent
qadınlara tövsiyə etilməlidir ki, olanzapinlə müalicə müddətində hamiləlik baş verərsə və ya
hamiləlik planlaşdırılarsa, bu barədə həkimə məlumat verilməlidir. Bununla belə, olanzapinin
hamilə qadınlarda istifadə təcrübəsinin məhdud olduğunu nəzərə alınaraq, preparat yalnız ana üçün
potensial fayda döl üçün mümkün riskdən üstün olduğu halda istifadə olunmalıdır.
Hamiləliyin üçüncü trimestrində antipsixotik vasitələrin (o cümlədən olanzapinin) təsirinə məruz
qalan yenidoğulmuşlar arzuolunmaz reaksiyaların, o cümlədən ekstrapiramid simptomların və/və
ya doğuşdan sonra ağırlıq dərəcəsinə və davametmə müddətinə görə dəyişə bilən ləğvetmə
simptomlarının inkişaf riskinə məruz qala bilərlər. Oyanıqlıq halları, hipertoniya, hipotoniya,
tremor, yuxululuq, tənəffüs pozğunluğu və qidalanmanın pozulması qeyd edilmişdir. Ona görə də
yenidoğulmuşlar ciddi müşahidə altında olmalıdırlar.
Laktasiya
Uşaq əmizdirən sağlam qadınlar üzərində aparılan tədqiqat zamanı müəyyən edilmişdir ki,
olanzapin ana südünə nüfuz edir. Tarazlıq vəziyyətində südəmər uşağın orta ekspozisiyası (mq/kq)
ananın qəbul etdiyi dozanın (mq/kq) 1,8%-ni təşkil edir. Əgər pasiyentlər olanzapin qəbul edirsə,
onlara uşaqlarını ana südü ilə qidalandırmanı dayandırmaları tövsiyə olunur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Olanzapin yuxuyameyillilik və başgicəllənmə törədə bildiyindən pasiyentlərə nəqliyyat
vasitələrini və digər potensial təhlükəli mexanizmləri idarə edərkən ehtiyatlı olmaları barədə
xəbərdarlıq etmək lazımdır.
İstifadə qaydası və dozası
Zolaksa preparatı həkimin tövsiyələrinə uyğun olaraq qəbul edilməlidir. Nəyəsə şübhə olarsa,
həkimlə məsləhətləşmək lazımdır.
İstifadə qaydası
Olanzapin qida qəbulundan asılı olmayaraq qəbul edilə bilər, belə ki, qida qəbulu onun
absorbsiyasına təsir göstərmir.
Olanzapinlə müalicəni dayandıran zaman dozanı tədricən azaltmaq lazımdır.
Doza
Вöyüklər
Şizofreniya: olanzapinin tövsiyə olunan başlanğıc dozası gündə 10 mq təşkil edir.
Маniakal epizod: monoterapiya zamanı başlanğıc birdəfəlik doza gündə 15 mq və ya
kombinəolunmuş müalicə zamanı gündə 10 mq təşkil edir.
Bipolyar affektiv pozğunluğun residivlərinin profilaktikası: olanzapinin tövsiyə olunan başlanğıc
dozası gündə 10 mq təşkil edir. Maniakal epizodların müalicəsi zamanı olanzapin alan
pasiyentlərdə resi-divlərin profilaktikası üçün müalicəni həmin dozada davam etdirmək lazımdır.
Yeni maniakal, qarışıq və ya depressiv epizodun baş verdiyi təqdirdə müalicəni olanzapinlə davam
etdirmək (lazım gələrsə, dozanı optimallaşdırmaqla) və klinik göstərişlər olduğu zaman əhvalla
bağlı simptomların əlavə müalicəsinə başlamaq lazımdır.
Şizofreniyanın, maniakal epizodların müalicəsi zamanı və bipolyar pozğunluğun residivlərinin
profilaktikası məqsədi ilə gündəlik doza pasiyentin klinik vəziyyətindən asılı olaraq, gündə 5-dən
20 mq-a qədər diapazonda müəyyən edilə bilər. Dozanın tövsiyə olunan başlanğıc dozadan daha
yüksək dozaya qədər artırılmasını yalnız klinik vəziyyətin qiymətləndirilməsindən sonra və 24
saatdan az olmayan intervallarla həyata keçirmək olar.
Ahıl yaşlı pasiyentlər
65 yaşlı və ondan böyük pasiyentlərə preparat adətən daha aşağı başlanğıc dozada (5 mq/gün) təyin
edilir, baxmayaraq ki, əgər klinik məlumatlar tələb edərsə, dozanın azaldılması nəzərdən keçirilə
bilər.
Qaraciyər və/və ya böyrək funksiyası pozulmuş pasiyentlər
Belə pasiyentlər üçün preparatın daha aşağı başlanğıc dozada (5 mq) təyin edilməsi məsələsi
nəzərdən keçirilməlidir. Qaraciyər funksiyasının orta dərəcəli poğunluğu zamanı (Çayld-Pyu
təsnifatına görə qaraciyərin A və B sinif sirrozu) preparatın başlanğıc dozası 5 mq təşkil etməlidir,
bu zaman dozanın artırılması ehtiyatla həyata keçirilməlidir.
Cins
Preparatın başlanğıc dozası və doza diapazonu adətən, pasiyentlərin cinsindən asılı olaraq
dəyişmir.
Siqaret çəkənlər
Preparatın başlanğıc dozası və doza diapazonu adətən, siqaret çəkməyən pasiyentlərlə müqayisədə
dəyişmir. Siqaret çəkmək olanzapinin metabolizmini induksiyalaşdıra bilər. Klinik monitorinq və
lazım gələrsə, olanzapinin dozasının yüksəldilməsi tövsiyə olunur.
Metabolizmin ləngiməsinə səbəb ola bilən bir neçə faktorun mövcudluğu zamanı (qadın cinsi, ahıl
yaş, siqaret çəkməmək) başlanğıc dozanın azaldılması nəzərdən keçirilməlidir. Belə pasiyentlərdə
dozanın yüksəldilməsi (lazım gələrsə) ehtiyatla həyata keçirilməlidir.
Uşaq və yeniyetmələrdə istifadəsi
Müalicənin təhlükəsizliyinə və effektivliyinə dair məlumatların kifayət qədər olmamasını nəzərə
alaraq olanzapinin uşaqlarda və 18 yaşdan aşağı yeniyetmələrdə istifadəsi tövsiyə olunmur.
Yeniyetmələrdə qısamüddətli tədqiqat zamanı böyük pasiyentlərdə aparılan tədqiqatlarla
müqayisədə bədən kütləsi artımının yüksək ifadəliliyi, lipid və prolaktin səviyyəsində dəyişiklik
qeyd edilmişdir.
Əgər preparatdan istifadə zamanı pasiyentə elə gələrsə ki, preparatın təsiri həddindən artıq güclü
və ya zəifdir, o, həkimə müraciət etməlidir.
Buraxılış forması
6 tablet, blisterdə. 5 blister, içlik vərəqə ilə birlikdə karton qutuya qablaşdırılır.
Saxlanma şəraiti
25°С-dən yüksək olmayan temperaturda, quru, qaranlıq və uşaqların əli çatmayan yerdə saxlamaq
lazımdır!
Artıq istifadə olunmayan və ya yararlılıq müddəti bitmiş dərman preparatlarını çirkab sularına və
ya məişət tullantılarının içərisinə atmaq olmaz. Belə dərman preparatları ilə nə etmək lazım
olduğunu əczaçıdan soruşmaq lazımdır. Bu tədbirlər ətraf mühitin qorunmasına xidmət edir.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Pharmaceutical Works Polpharma S.A., Poland.
19 Pelplińska St, 83-200 Starogard Gdański, Poland.
Qeydiyyat vəsiqəsinin sahibi
Pharmaceutical Works Polpharma S.A., Poland.
19 Pelplińska St, 83-200 Starogard Gdański, Poland.