Pharmed
ZERALGO 100MG N15 TB
ZERALQO
Beynəlxalq patentləşdirilməmiş adı: Flurbiprofen
ZERALQO Tərkibi
Təsiredici maddə: 1 tabletin tərkibində 100 mq flurbiprofen vardır
Köməkçi maddələr: mikrokristallik sellüloz PH 200, maqnezium stearat, talk, laktoza monohidrat
(tablettoza), susuz kolloidal silisium dioksid (Aerosil 200), natrium kroskarmelloza (Ac-
Di-Sol), Opadry II 85G 34747 çəhrayı.
Farmakoterapevtik qrupu
Qeyri-steroid iltihabəleyhinə preparatlar. Propion turşusunun törəmələri.
ATC kodu: M01AE09.
Farmakoloji xüsusiyyətləri
Farmakodinamikası:
Flurbiprofen ağrıkəsici, iltihabəleyhinə və qızdırmasalıcı təsirə malikdir. Bu təsirlər preparatın prostaqlandin
sintezini inhibə etməsi ilə əlaqədardır.
Farmakokinetikası:
Sorulması
Daxilə qəbuldan sonra flurbiprofen mədə-bağırsaq traktından tez sorulur və təxminən 2 saat ərzində
plazmada maksimal konsentrasiyaya çatır. Qida və ya antasidlərlə birgə istifadəsi zamanı flurbiprofenin
sorulmasının sürəti dəyişə bilsə də, sorulma dərəcəsi dəyişmir.
Paylanması
Həm R-, həm də S-flurbiprofenin faktiki paylanma həcmi təqribən 0,12 l/kq təşkil edir. Hər iki flurbiprofen
enantiomerin 99%-dən çox plazma zülalları ilə birləşir (əsasən albuminlə).
Biotransformasiya
Plazmada və sidikdə flurbiprofenin çox sayda metabolitləri aşkar olunmuşdur. Digər arilpropion turşusunun
törəmələrindən (məs., ibuprofen) fərqli olaraq R-flurbiprofenin S-flurbiprofenə metabolizə olunması
minimaldır. Flurbiprofen metabolizmi dəyişən fermentləri induksiya etmir.
Xaric olunması
Daxilə qəbuldan sonra flurbiprofenin 3%-dən azı dəyişmədən sidiklə xaric olunur; sidikdə qəbul edilən
dozanın təqribən 70%-i preparat və onun metabolitləri təşkil edir. R- və S-flurbiprofenin orta
yarımxaricolma dövrü müvafiq olaraq 4,7 və 5,7 saat təşkil edir.
İstifadəsinə göstərişlər
Revmatoid artrit, osteoartrit, ankilozlaşdırıcı spondilit, periartrit, "donmuş çiyin" sindromu (bazu-kürək
periarteriiti), bursit, tendinit, tenosinovit, bel ağrısı, gərilmələr, daralmalar və əzilmələr.
Diş ağrısı, postoperativ ağrı, dismenoreya və miqren zamanı yüngül və orta dərəcəli agrılar.
Əks göstərişlər
Flurbiprofenə və ya preparatın tərkibindəki hər hansı inqrediyentə qarşı yüksək həssaslıq.
Anamnezdə flurbiprofenə, aspirinə və ya digər qeyri-steroid iltihabəleyhinə preparatlara (QSİƏP) qarşı
yüksək həssaslıq reaksiyalar (məs., astma, rinit, angioödem, övrə).
Anamnezdə QSİƏP-lərin qəbulu ilə bağlı mədə-bağırsaq qanaxması və ya perforasiyası.
Aktiv və ya anamnezdə xoralı kolit, Kron xəstəliyi, residivləşən peptik xora və ya mədə-bağırsaq qanaxması
(xoralanmanın və ya qanaxmanın iki və ya çox sübut olunmuş fərqli epizodu).
Ağır ürək, qaraciyər və böyrək çatışmazlığı.
Hamiləliyin üçüncü trimestri.
Xüsusi göstərişlər və ehtiyat tədbirləri
Zeralqo™ preparatının QSİƏP-lərlə, SOG-2 selektiv inhibitorları daxil olmaqla, birgə istifadəsindən
çəkinmək lazımdır.
Kardiovaskulyar və serebrovaskulyar təsirlər
Klinik tədqiqatlara görə ağır kardiovaskulyar trombotik hallarda bəzi SOG-2 selektiv inhibitorlardan və ya
qeyri-selektiv QSİƏP-lərdən isifadəsinin miokard infarktın və ya insultun yaranma riskinin artması ilə
əlaqəsi ehtimal olunur. Həmin halların yaranma riski ürək-damar xəstəlikləri olan xəstələrdə daha yüksək
ola bilər. Ürək-damar sistemi tərəfindən olan əlavə təsirlərin yaranma riskini azaltmaq üçün xəstə preparatı
mümkün qədər ən qısa müddətdə ən aşağı effektiv dozalarda istifadə edilməlidir. Xəstələr ciddi
kardiovaskulyar ağırlaşmaların əlamətlərı və/və ya simptomları haqqında və onlar meydana çıxdıqda
görülən lazımi tədbirlər haqqında məlumatlandırılmalıdır. Asetilsalisil turşusu ilə birgə istifadəsi mədəbağırsaq traktı tərəfindən olan ciddi əlavə təsirlərin yaranma riskini yüksəldir.
Hipertenziya
Flurbiprofen daxil olmaqla, QSİƏP-lər hipertenziyası olan xəstələrə ehtiyatla təyin olunmalıdır.
Flurbiprofenlə müalicənin əvvəlində və müalicə zamanı qan təzyiqi nəzarət altında saxlanmalıdır.
Qastrointestinal təsirləri - mədə-bağırsaq xoralanması, qanaxması və ya perforasiyası
QSİƏP qəbul edən xəstələrdə müalicənin hər hansı bir müddətində mədə-bağırsaq traktında iltihab,
qanaxma, xoralanma və ya perforasiya kimi xəbərdaredici simptomlarla/simptomsuz müşayiət olunan ciddi
zədələnmələr müşahidə oluna bilər. Xəstələr mədə-bağırsaq traktının ağır zədələnməsinin əlamətlərı və/və
ya simptomları və onlar meydana çıxdıqda görülən lazımi tədbirlər haqqında məlumatlandırılmalıdır.
Anamnezində xora xəstəliyi və ya mədə-bağırsaq qanaxmaları olan xəstələrə, zəiflənmiş, həmçinin yaşlı
xəstələrə QSİƏP-lər xüsusi ehtiyatla təyin olunmalıdır. Mədə-bağırsaq traktı tərəfindən olan əlavə təsirlərin
yaranma riskini azaltmaq üçün preparatı mümkün qədər ən qısa müddətdə ən aşağı effektiv dozalarda qəbul
etmək lazımdır.
Anafilaktoid reaksiyalar
Digər QSİƏP-lərdən istifadə zamanı olduğu kimi Zeralqo™ qəbul edən xəstələrdə anafilaktoid reaksiyalar
müşahidə oluna bilər. Anamnezində aspirin triada olan xəstələrə preparat təyin edilmir. Anafilaktoid
reaksiyası meydana çıxdıqda təxirəsalınmaz tədbirlər keçirilməlidir.
Qaraciyərə təsiri
Böyrək funksiyasının pozulmasının əlamətləri və / və ya simptomları və ya qaraciyər fermentlərinin
dəyişilmiş göstəriciləri olan xəsətələrdə Zeralqo™ təyin olunduqda vəziyyətinin ağırlaşmasının yaranma
ehtimalı nəzərə alınmalıdır. Qaraciyər xəstəliklərinin klinik simptomları və ya sistem əlamətləri
(eozinofiliya, səpgi və s.) müşahidə olunduqda preparatın istifadəsi dayandırılmalıdır.
Böyrəyə təsiri
Zeralqo™ daxil olmaqla, QSİƏP-lərin uzunmüddətli istifadəsi papilyar nekrozun və böyrəklərin digər
zədələnmələrinə səbəb ola bilər. Belə pozulmaların ən yüksək yaranma riski böyrək, ürək və ya qaraciyər
çatışmazlığı olan, diuretikləri və ya AÇF inhibitorları qəbul edən xəstələrdə və həmçinin yaşlılarda
müşahidə oluna bilər. QSİƏP-lərin qəbulu dayandırıldıqda xəstələrin vəziyyəti normallaşır. Flurbiprofenin
metabolitləri əsasən böyrək vasitəsilə xaric olunur. Orta və ağır dərəcəli böyrək çatışmazlığı olan xəstələrdə
4-hidroksiflurbiprofenin xaric olunmasının azalması müşahidə olunur. Bu səbəbdən böyrək funksiyasının
əhəmiyyətli azalması olan xəstələrdə orqanizmdə flurbiprofenin metabolitlərinin toplanmasının qarşısının
alınması üçün preparatın dozasının azaldılması tələb oluna bilər. Belə xəstələr ciddi nəzarət altında
saxlanmalıdır.
Hematoloji reaksiyalar
Zeralqo™ daxil olmaqla, QSİƏP-lər qəbul edən xəstələrdə bəzi hallarda anemiya müşahidə oluna bilər. Buna
səbəb mayenin ləngiməsi, mədə-bağırsaq qanaxması və ya eritropoezə naməlum təsiri ola bilər. Zeralqo™
daxil olmaqla, QSİƏP-ləri uzun müddət qəbul edən xəstələrdə, hətta anemiyanın hər hansı bir ələməti və ya
simptomu olmadan hemoqlobin və hematokrit göstəriciləri müntəzəm olaraq yoxlanılmalıdır. QSİƏP-lər
trombositlərin aqreqasiyasını inhibə edə bilər və qanaxma müddətini uzada bilər. Aspirinlə müqayisədə
trombositlərin funksiyasına təsiri keyfiyyət cəhətdən daha az, daha qısa və geriyə dönəndir. Ümumiyyətlə
Zeralqo™ trombositlərin miqdarına, protrombin müddətinə və ya parsial tromboplastin müddətinə təsir
göstərmir. Laxtalanma pozulması olan və ya antikoaqulyantlar istifadə edən və trombositlərin funksiyasının
dəyişməsi ilə bağlı əlavə təsiri olan xəstələr Zeralqo™ istifadə zamanı nəzarət altında saxlanmalıdır.
Durğun ürək çatışmazlığı və ödem
Prostaqlandinlərin sintezini inhibə edən digər preparatlarda olduğu kimi, Zeralqo™ daxil olmaqla, bəzi
xəstələrdə QSİƏP-lər mayenin ləngiməsinə və ödemə səbəb ola bilər. Bu səbəbdən mayenin ləngiməsi,
hipertenziya və ya ürək çatışmazlığı olan xəstələrdə preparat ehtiyatla istifadə edilməlidir.
Astma
Astma olan xəstələrdə aspirinə həssas astma da ola bilər. Anamnezində aspirinə həssas astma olan
xəstələrdə asprinin qəbulu hətta fatal ola bilən ağır dərəcəli bronxospazmın yaranmasına səbəb ola bilər.
Aspirinə həssas olan xəstələrdə aspirin və digər QSİƏP-lər, bronxospazm daxil olmaqla, çarpaz
reaksiyaların yaranması haqqında məlumat olduğuna görə, belə xəstələrdə Zeralqo™ istifadə edilməməli və
anamnezində astma olan xəstələrdə ehtiyatla istifadə edilməlidir.
Görmə qabiliyyətinə təsiri
Zeralqo™ və digər QSİƏP-lərdən istifadə zamanı görmənin bulanması və /və ya zəifləməsi hallarının olduğu
bildirilmişdir. Gözlə bağlı şikayətləri olan xəstələr göz müayinəsindən keçməlidir.
Dəri reaksiyaları
Çox nadir hallarda eksfoliativ dermatit, Stivens-Conson sindromu və toksik epidermal nekroliz kimi
QSİƏP-lərlə bağlı ciddi dəri reaksiyaları haqqında bildirilmişdir. Bu ciddi reaksiyalar xəbərdaredici
simptomlar olmadan müşahidə oluna bilər.
Xəstələr ciddi dəri reaksiyaların əlamətləri / simptomları haqqında məlumatlandırılmalıdır və dərinin
qıcıqlanması və ya digər yüksək həssaslıq reaksiyaların hər hansı bir ilkin əlamətlərində preparatın
istifadəsi dayandırılmalıdır.
Sistem qurdeşənəyi və birləşdirici toxumasının digər xəstəlikləri
Sistem eritematoz qurdeşənəyi və birləşdirici toxumanın qarışıq xəstəlikləri olan pasiyentlərdə aseptik
meningitin yaranma ehtimalı yüksəlir.
Laborator müayinələri
Mədə-bağırsaq xoralanmaları və qanaxmaları xəbərdaredici simptomlar olmadan müşahidə oluna
biləcəyindən, xəstələr mədə-bağırsaq qanaxmaları əlamətlərinin və ya simptomlarının qarşısını almaq
məqsədilə həkimlərin nəzarəti altında saxlanmalıdırlar. QSİƏP-lərlə uzunmüddətli müalicə alan xəstələrdə
müntəzəm olaraq qanın ümumi və biokimyəvi analizi aparılmalıdır. Qaraciyər və ya böyrək xəstəliklərinin
klinik simptomları və ya sistem əlamətləri (eozinofiliya, səpgi və s.) müşahidə olunduqda preparatın
istifadəsi dayandırılmalıdır.
Qadınlarda reproduktiv funksiyaya təsiri
Zeralqo™ reproduktiv funksiyanı poza biləcəyi üçün hamiləlik planlaşdıran qadınlarda preparatın istifadəsi
tövsiyə olunmur.
Yaşlı xəstələr
Digər QSİƏP-lər kimi, yaşlı xəstələrdə (65 yaş və yuxarı) ehtiyatla iatifadə olunmalıdır. Mədə-bağırsaq
traktı tərəfindən olan əlavə təsirlərin yaranma riskini minimuma endirmək üçün preparatı mümkün qədər ən
qısa müddətdə ən aşağı effektiv dozalarda qəbul etmək lazımdır.
Zeralqo™ preparatının 1 tabletində 26 mq laktoza monohidrat vardır. Qalaktozaya qarşı irsi dözümsüzlüyü,
Lapp laktaza defisiti və ya qlükoza-qalaktoza kimi irsi xəstəlikləri olan xəstələrə preparat təyin edilmir.
Zeralqo™preparatın hər tabletində 1 mmol-dan (23 mq) az natrium var; həmin miqdarda natriumla bağlı hər
hansı əlavə təsir gözlənilmir.
Digər dərman vasitələri ilə qarşılıqlı təsiri
AÇF inhibitorları və angiotenzin II reseptorların blokatorları
QSİƏP-lər AÇF inhibitorlarının hipotenziv təsirini zəiflədə bilər; göstərilən qrup preparatları birgə istifadə
etdikdə bu nəzərə alınmalıdır.
Antikoaqulyantlar
Varfarin kimi antikoaqulyantlarla eyni zamanda QSİƏP-lərdən istifadə zamanı göstərilən qrup
preparatlardan yalnız birinin istifadəsi ilə müqayisədə ciddi qanaxmanın yaranma riski daha yüksəkdir. Bu
səbəbdən varfarinlə və ya digər antikoaqulyantlarla eyni zamanda Zeralqo™ ehtiyatla təyin edilməlidir.
Asetilsalisil turşusu
Asetilsalisil turşusu ilə eyni zamanda istifadəsi flurbiprofenin plazma konsentrasiyalarının azalmasına səbəb
olur. Digər QSİƏP-lərdə olduğu kimi, flurbiprofenin və asetilsalisil turşusunun birgə istifadəsi tövsiyə
olunmur.
Beta-adrenoblokatorlar
Beta-blokatorlarla eyni zamanda flurbiprofen istifadə edən xəstələr beta-blokatorların adekvat hipotenziv
effektinin təmin edilməsi məqsədilə nəzarət altında saxlanmalıdır.
Diuretiklər
Bəzi xəstələrdə QSİƏP-lər furosemidin və tiazidlərin natriyuretik təsirini zəiflədə bilər. Flurbiprofenlə eyni
zamanda diuretiklər qəbul edən xəstələr böyrək çatışmazlığının yaranma ehtimalına görə və diuretik effektin
əldə edilməsinin təsdiqlənməsi üçün ciddi nəzarət altında saxlanmalıdır.
Litium
QSİƏP-lər plazmada litiumun konsentrasiyasını artıraraq onun böyrək klirensini azaldır. Litiumun toksik
təsirinin yaranma ehtimalına görə xəstələr ciddi nəzarət altında saxlanmalıdır.
Metotreksat
Metotreksatın toksik effektinin artma ehtimalı olduğuna görə QSİƏP-lərlə eyni zamanda ehtiyatla istifadə
edilməlidir.
Kortikosteroidlər
QSİƏP-lərlə birgə istifadə zamanı mədə-bağırsaq xoralanması və ya qanaxması ehtimalı artır.
Antitrombotik vasitələr və serotoninin geriyə tutulmasının selektiv inhibitorları (SGTSİ)
QSİƏP-lərlə birgə istifadə zamanı mədə-bağırsaq qanaxmaların yaranma ehtimalı artır.
Diqoksin
QSİƏP-lər ürək çatışmazlığının daha da ağırlaşmasına, yumaqcıq filtrasiyasının azalmasına və plazmada
ürək qlikozidlərinin səviyyəsinin artmasına səbəb ola bilər.
Peroral hiupoqlikemik preparatlar
Flurbiprofenlə hipoqlikemik preparatların birgə istifadəsi zamanı plazmada qlükozanın konsentrasiyasının
cüzi azalmasına baxmayaraq hipoqlikemiyanın hər hansı əlamətləri və simptomları müşahidə edilməmişdir.
Xinolonlar
Xinolonların QSİƏP-lərlə birgə istifadəsi zamanı qıcolmaların yaranma ehtimalı arta bilər.
Qeyri-steroid iltihabəleyhinə preparatlar (QSİƏP)
Zidovudin, tiklopidin, takrolimus və siklosporinlə QSİƏP-lər eyni zamanda ehtiyatla istifadə edilməlidir.
Takrolimus
QSİƏP-lərlə birgə istifadə zamanı nefrotoksikliyin yaranma ehtimalı artır.
Hamiləlik və laktasiya dövründə istifadəsi
Hamiləliyin I və II trimestrlərində mütləq göstəriş olduqda istifadə oluna bilər. QSİƏP-lərin dölün ürəkdamar sisteminə təsir göstərə biləcəyindən (arterial (botallov) axacağının bağlanması) hamiləliyin son
dövründə (6-cı ayından sonra) QSİƏP-lərin istifadəsindən çəkinmək lazımdır. Laktasiya dövründə
preparatın ana üçün fayda / risk nisbəti qiymətləndirilməlidir və ana südü ilə qidalandırma və ya preparatın
istifadəsi dayandırılmalıdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
QSİƏP-lərlə müalicə zamanı başgicəllənmə, yuxululuq, yorğunluq və görmə qabiliyyətinin pozulması kimi
arzuolunmaz reaksiyaların yaranması mümkündür. Belə hallarda nəqliyyat vasitələri və digər
mexanizmlərin idarə edilməsindən çəkinmək lazımdır.
ZERALQO İstifadə qaydası və dozası
Daxilə, yeməklə və ya yeməkdən sonra qəbul olunur. Arzuolunmaz əlavə reaksiyaları minimuma endirmək
üçün ən aşağı effektiv doza isifadə edilməlidir. Bu səbəbdən müalicənin əvvəlində xəstəni müşahidə edərək
dozalanma rejimi xəstənin ehtiyacına görə tənzimləmək olar.
Gündəlik doza iki, üç və ya dörd dozaya bölünərək 150-200 mq təşkil edir. Ağır simptomları olan xəstələrdə
gündəlik doza bir neçə qəbula bölünərək 300 mq-a qədər artırıla bilər.
Revmatoid artrit və ya osteoartrit zamanı tövsiyə edilən gündəlik doza iki, üç və ya dörd dozaya bölünərək
200-300 mq təşkil edir.
Adəti ağrılar zamanı qəbulu 100 mq-dan başlamaq, sonra isə hər 4-6 saatdan bir 50-100 mq dozada davam
etdirmək olar. Maksimal gündəlik doza 300 mq-dır.
Təkrar dozalarda istifadə etdikdə tövsiyə edilən maksimal tək doza 100 mq təşkil edir.
Xüsusi qrup xəstələrə dair əlavə məlumat
Pediatrik xəstələr:
Uşaqlarda istifadəsinə dair məlumat yoxdur.
Yaşlı xəstələr:
65 yaşdan yuxarı olan xəstələrdə ehtiyatla istifadə edilməlidir. Digər QSİƏP-lərdə olduğu kimi, yaşlı
xəsətələrdə mədə-bağırsaq xoralanması və qanaxması, meteorizm və abdominal ağrı kimi mədə-bəğırsaq
traktı tərəfindən olan əlavə təsirlər cavanlarla müqayisədə yaşlı xəstələrdə daha sıx müşahidə edilir.
Əlavə təsirləri
Müşahidə olunan əlavə reaksiyalar orqan sistemlərinə və rastgəlmə tezliyinə görə aşağıdakı kimi təsnif
edilir: çox tez-tez (≥1/10); tez-tez (≥1/100-dən <1/10-dək); bəzən (≥1/1000-dən <1/100-dək); nadir
(≥1/10000-dən <1/1000-dək); çox nadir (<1/10000); məlum olmayan tezlikdə (mövcud məlumatlar
başvermə tezliyini müəyyən etmək üçün kifayət deyil).
Qanyaradıcı və limfa sisteminə
Bəzən: aplastik anemiya (aqranulositoz və pansitopeniya daxil olmaqla), hemoqlobin və hematokrit
səviyyələrinin azalması, ekximoz / purpura, eozinofiliya, hemolitik anemiya, dəmirdefisitli anemiya,
leykopeniya, trombositopeniya.
Maddələr mübadiləsinə və qidalanmaya
Tez-tez: bədən çəkisinin dəyişməsi;
Bəzən: hiperurikemiya;
Məlum olmayan tezlikdə: hiperkaliemiya.
Sinir sisteminə
Tez-tez: başağrısı, əsəbilik və mərkəzi sinir sisteminin oyanmasının digər simptomları (məs., həyəcanlıq,
yuxusuzluq, reflekslərin güclənməsi, tremor), mərkəzi sinir sisteminin tormozlama simptomları (məs.,
amneziya, asteniya, depressiya, zəiflik, yuxululuq), başgicəllənmə / vertigo;
Bəzən: ataksiya, serebrovaskulyar işemiya, şüurun dolaşıqlığı, paresteziya, dartılma;
Məlum olmayan tezlikdə: qıcolmalar, serebrovaskulyar halları, emosional dyişkənlik, hipertenziya,
meningit, miasteniya, subaraxnoidal hemorragiyalar.
Görmə orqanına
Tez-tez: görmənin pozulması;
Bəzən: konyunktivit;
Məlum olmayan tezlikdə: buynuz təbəqənin bulanması, qlaukoma, tor qişasında hemorragiyalar, optik
nevrit.
Eşitmə orqanına və labirint sisteminə
Tez-tez: qulaqlarda küy;
Bəzən: eşitmənin keçici itirilməsi.
Ürək-damar sisteminə
Bəzən: durğun ürək çatışmazlığı, hipertenziya, damar xəstəlikləri, vazodilatasiya;
Məlum olmayan tezlikdə: stenokardiya, aritmiya, miokard infarktı.
Tənəffüs sisteminə, döş qəfəsi və divararası orqanlarına
Tez-tez: rinit;
Bəzən: astma, burun qanaxması, qoxubilmə hissiyyatının pozulması (parosmiya);
Məlum olmayan tezlikdə: bronxit, təngnəfəslik, hiperventilyasiya, laringit, ağciyər arteriyasının emboliyası,
ağciyərin infarktı.
Həzm sisteminə
Tez-tez: abdominal ağrı, qəbizlik, diareya, dispepsiya / mədədə ağrılar, qaraciyər fermentləri səviyyəsinin
artması, meteorizm, mədə-bağırsaq qanaxması, ürəkbulanma, qusma;
Bəzən: qanlı diareya, qida borusunun xəstəlikləri, mədə-bağırsaq traktının selikli qişasının xoralanması,
mədə / peptik xoraları, qastrit, sarılıq (xolestatik və qeyri-xolestatik), qanlı qusma, hepatit, stomatit / qlossit;
Məlum olmayan tezlikdə: iştahanın dəyişməsi, xolesistit, kolit, ağızda quruluq, bağırsağın iltihabi
xəstəliklərinin kəskinləşməsi, peridontal absess, zülalların itirilməsi ilə bağlı iltihab.
Dəri və dərialtı piy toxumasına
Tez-tez: səpgi;
Bəzən: angioödem, ekzema, qoltuqaltı dermatit, fotosensibilizasiya, qaşınma, toksik epidermal nekroliz,
övrə;
Məlum olmayan tezlikdə: alopesiya, dərinin quruluğu, herpes simplex / zoster, dırnaqların zədələnməsi,
tərləmənin artması.
Sidik-cinsiyyət sisteminə
Tez-tez: sidikçıxarıcı yolları infeksiyalarının simptom və əlamətləri,
Bəzən: hematuriya, interstisial nefrit, böyrək çatışmazlığı;
Məlum olmayan tezlikdə: menstrual siklin pozulması, prostat vəzinin xəstəliyi, vaginal və uşaqlıq
qanaxması, vulvovaginit.
Ümumi pozulmalar və yerli reaksiyalar
Tez-tez: ödem;
Bəzən: anafilaktik reaksiyalar, titrəmə, parosmiya, qızdırma
Məlum olmayan tezlikdə: iybilmə hissiyatının dəyişməsi.
Arzuolunmaz effektlər baş verdikdə həkimə müraciət edin.
Doza həddinin aşılması
Simptomları
QSİƏP-lərdə doza həddinin kəskin aşılması zamanı yaranan simptomlar: süstlük, keyləşmə, ürəkbulanma,
qusma, epiqastral nahiyədə ağrılar. Dəstəkləyici müalicəsindən sonra bu simptomlar keçir. Mədə-bağırsaq
qanaxması müşahidə oluna bilər. Daha nadir hallarda hipertenziya, kəskin böyrək çatışmazlığı, tənəffüsün
çətinləşməsi və koma. Həmçinin QSİƏP-lərdə doza həddinin aşılması zamanı anafilaktoid reaksiyaların
yaranması mümükündür.
Doza həddinin kəskin aşılması zamanı simptomatik və dəstəkləyici müalicə aparılır. Spesifik antidotu
yoxdur.
Buraxılış forması
Zeralgo 100 mq örtüklü tabletlər. 15 tablet, blisterdə. 1 blister (15 örtüklü tablet) içlik vərəqə ilə birlikdə
karton qutuya qablaşdırılır.
Aptekdən buraxılma şərti
Resept əsasında buraxılır.