Pharmed

XARTIL 5MG N28 TB

HARTİL

Beynəlxalq patentləşdirilməmiş adı: Ramipril

HARTİL Tərkibi

Təsiredici maddə: 1 tabletin tərkibində 2,5 mq, 5 mq və ya 10 mq ramipril vardır. Hartil 2,5 mq Köməkçi maddələr:natrium hidrokarbonat, laktoza monohidrat, natrium kroskarmelloza, prejelatinləşdirilmiş qarğıdalı nişastası 1500, natrium stearil fumarat, sarı dəmir oksidi (E 172). Hartil 5 mq Köməkçi maddələr:natrium hidrokarbonat, laktoza monohidrat, natrium kroskarmelloza, prejelatinləşdirilmiş qarğıdalı nişastası 1500, natrium stearil fumarat, qırmızı dəmir oksidi (E 172), sarı dəmir oksidi (E 172). Hartil 10 mq Köməkçi maddələr:natrium hidrokarbonat, laktoza monohidrat, natrium kroskarmelloza, prejelatinləşdirilmiş qarğıdalı nişastası 1500, natrium stearil fumarat.

Farmakoloji xüsusiyyətləri

Ramipril Hartil preparatının təsiredici maddəsidir, o, AÇF-in (angiotenzinçevirici ferment) inhibitorları qrupuna aiddir. Hartil preparatı orqanizmdə arterial təzyiqin yüksəlməsinə səbəb olan maddələrin hasil olmasını azaldır, qan damarlarını genişləndirir və boşaldır, qanın qovulması üzrə ürəyin işini asanlaşdırır.

İstifadəsinə göstərişlər

● Yüksəlmiş arterial təzyiq (hipertoniya).

● Böyrək xəstəliklərinin müalicəsi: − mikroalbuminuriyanın mövcudluğuna görə diaqnozlaşdırılmış diabetik nefropatiya-nın başlanğıc mərhələsi − ən azı bir ürək-damar risk faktoruna malik olan pasiyentlərdə makroproteinuriyanın olmasına görə təyin edilmiş qlomerulyar diabetik nefropatiyanın təzahürü − diabetlə əlaqədar olmayan, proteinuriyanın ≥ 3 q/gün olması ilə təyin edilən yumaqcıq nefropatiyasının təzahürü

● Miokard infarktının və ya insultun inkişafı riskinin profilaktikası.

● Ürək çatışmazlığının müalicəsi (pasiyentin ürəyi orqanizmin qan damarlarına kifayət qədər qan vurmağa qadir olmadıqda).

● Kəskin miokard infarktından sonra ikincili profilaktika: ürək çatışmazlığının klinik əlamətləri olan pasiyentlərdə kəskin miokard infarktının inkişaf etməsindən >48 saat sonra müalicənin başlanması zamanı miokard infarktının kəskin fazası ilə bağlı ölüm hallarının azaldılması.

Əks göstərişlər

● Preparatın istənilən komponentinə və angiotenzinçevirici fermentin (AÇF) digər inhibitorlarına qarşı allergiya (allergiyaya bu simptomlar xarakterikdir: dəri səpgisi, udqunmanın və ya tənəffüsün çətinləşməsi, dodaqların, üzün, boğazın və ya dilin ödemi).

● Pasiyentdə əvvələr “angionevrotik ödem” adlanan ağır allergik reaksiya olduqda. Buna aşağıdakı simptomlar xarakterikdir: intensiv qaşınma, övrə, əllərdə, ayaqlarda və boğazda qırmızı ləkələrin yaranması, boğazın və dilin ödemi, göz ətrafında və dodaqlarda ödem, udqunmanın və ya tənəffüsün çətinləşməsi.

● Sakubitril/valsartan (böyüklərdə xroniki ürək çatışmazlığının müalicəsi üçün dərman vasitəsi) qəbul etdikdə.

● Şəkərli diabetli və ya böyrək funksiyası pozulmuş pasiyentlər və arterial təzyiqi endirən aliskiren tərkibli preparatlar qəbul edən pasiyentlər.

● hemodializ və ya digər üsullarla qanın filtrasiyasını alan pasiyentlər. İstifadə edilən avadanlıqdan asılı olaraq, Hartil preparatı pasiyentə uyğun olmayan dərman vasitəsi ola bilər.

● Böyrəklərin qanla təchizatını azaldan böyrək xəstəlikləri (böyrək arteriyasının daralması).

● Hamiləlik (3 aydan artıq olan hamiləlik) (“Fertillik, hamiləlik və laktasiya dövründə istifadəsi” bölməsinə bax); hamiləliyin erkən aylarında Hartil preparatının istifadəsi məsləhət görülmür.

● Aşağı və ya qeyri-stabil arterial təzyiq; həkim müvafiq qərar verməlidir. Yuxarıda qeyd edilən hallardan istənilən biri olduqda, Hartil preparatını qəbul etmək olmaz, şübhə olduqda, həkimlə məsləhətləşmək lazımdır.

Xüsusi göstərişlər və ehtiyat tədbirləri

Hartil preparatını qəbul etməzdən əvvəl həkimlə və ya əczaçı ilə məsləhətləşmək lazımdır:

- ürək, qaraciyər və ya böyrək xəstəliyi olduqda;

- pasiyent əhəmiyyətli dərəcədə maye və ya duz itirdikdə (qusma, diareya, həddindən artıq tərləmə zamanı, məhdud duz istifadə etməklə pəhriz zaman, uzun müddət sidikqovucu vasitələrin istifadəsi zamanı, hemodializlə müalicə zamanı);

- arı və eşşəkarısının sancması zamanı allergiyanın müalicəsi məqsədilə istifadə edilən preparatlarla eyni vaxtda istifadəsi (desensibilizasiya);

- anesteziya ilə cərrahi və ya stomatoloji əməliyyat gözlənildikdə. Bu zaman əməliyyatdan 1 gün əvvəl Hartil preparatının ləğv olunmasına ehtiyac ola bilər, həkimlə məsləhətləşmək lazımdır;

- qanda kaliumun səviyyəsi yüksək olduqda (qanın laborator analizinin nəticəsi üzrə);

- qanda natriumun səviyyəsinin azlığından əziyyət çəkən və ya buna səbəb olan dərman vasitələri qəbul edən pasiyentlər. Belə halda həkim pasiyentə qanda natriumun miqdarına nəzarət üçün müntəzəm qan analizlləri təyin edə bilər, bu, xüsusilə yaşlı pasiyentlərdə vacibdir;

- angionevrotik ödemin (ağır allergik reaksiyalar) inkişafı riskini artıran dərman vasitələrinin istifadəsi: mTor inhibitorları (temsirolimus, everolimus, sirolimus), vildaqliptin və ya neprizinin (NEP) inhibitorları (rasekadotril kimi) və ya sakubitril/valsartan (“Əks göstərişləri” bölməsinə bax);

- sistem qırmızı qurdeşənəyi və ya sklerodermiya kimi kollagenoz damar xəstəliyindən əziyyət çəkən pasiyentlər;

- aşağıda qeyd edilən arterial təzyiqi endirən istənilən dərman vasitəsini qəbul edən pasiyentlər: ◦ sartanlar adlanan angiotenzin II reseptorlarının blokatorları, məsələn, valsartan, telmisartan, irbesartan, xüsusilə şəkərli diabetlə əlaqədar olan böyrək xəstəlikləri olan pasiyentlər; ◦ aliskiren;

- pasiyent hamilə olduqda, körpəsini ana südü ilə qidalandırdıqda, hamilə olmasını ehtimal etdikdə və ya hamiləliyini planlaşdırdıqda, bu barədə həkimə və ya əczaçıya məlumat verməlidir. Hamiləliyin ilk 3 ayında Hartil preparatını qəbul etmək məsləhət görülmür. 3 aydan yuxarı hamiləlik dövründə Hartil preparatı əks göstərişdir, belə ki, onun istifadəsi körpəyə ciddi ziyan vura bilər (“Fertillik, hamiləlik və laktasiya dövründə istifadəsi” bölməsinə bax). Qara dərili pasiyentlərdə digər etnik qrupdan olan şəxslərə nisbətən AÇF inhibitorları tez-tez angionevrotik ödemə səbəb olur (dəri səpgisi, udqunmanın və ya tənəffüsün çətinləşməsi, dodaqların, üzün, boğazın və ya dilin şişkinliyi yarana bilən allergik reaksiyalar). Digər AÇF inhibitorları kimi ramipril qara dərili pasiyentlərdə digər etnik qrupdan olan şəxslərə nisbətən arterial təzyiqi daha az effektiv endirə bilər. Pasiyentdə yuxarıda qeyd edilən hallardan istənilən biri olduqda, Hartil preparatını qəbul etməzdən əvvəl həkimlə məsləhətləşməlidir. Hartil preparatının tərkibində laktoza vardır. Laktozaya qarşı dözümsüzlüyü olan pasiyentlərdə tabletin tərkibində laktoza olduğunu nəzərə almaq lazımdır. Hartil 2,5 mq: 1 tabletin tərkibində 158,8 mq laktoza monohidrat vardır. Hartil 5 mq: 1 tabletin tərkibində 96,47 mq laktoza monohidrat vardır. Hartil 10 mq: 1 tabletin tərkibində 193,2 mq laktoza monohidrat vardır. Pasiyent dərman vasitəsini qəbul etməzdən əvvəl şəkərin bəzi növlərinə qarşı dözümsüzlüyünün olması barədə həkimə məlumat verməlidir.

Digər dərman vasitələri ilə qarşılıqlı təsiri

Hazırda və ya yaxınlarda istifadə olunan və ya istifadəsi planlaşdırılan hər bir dərman vasitəsi, o cümlədən, reseptsiz buraxılan, barədə həkimi və ya əczaçını məlumatlandırmaq lazımdır, belə ki, dərman vasitələri bir-birinin effektini dəyişə bilər. Pasiyent II angiotenzin reseptorlarının inhibitorlarını və ya aliskiren qəbul etdikdə, həkim preparatın dozasını dəyişə və ya digər ehtiyat tədbirlərini ala bilər (“Əks göstərişləri” və “Xüsusi göstərişlər və ehtiyat tədbirləri” bölməsinə bax). Aşağıda qeyd edilən preparatlardan hər hansı qəbul edildikdə, pasiyent həkimlə məsləhətləşməlidir, belə ki, bu, Hartil preparatının effektivliyini pisləşdirə bilər: - ibuprofen, indometasin və ya asetilsalisil turşusu kimi qeyri-steroid iltihabəleyhinə preparatlar (ağrıkəsicilər və iltihabəleyhinə vasitələr);

- aşağı arterial təzyiqin, şokun, ürək çatışmazlığının, astmanın və ya allergiyanın müalicəsi üçün dərman vasitələri, məsələn, efedrin, noradrenalin, adrenalin. Həkim arterial təzyiqə nəzarət etməlidir. Aşağıda qeyd edilən istənilən preparatların qəbulu zamanı həkimə məlumat vermək lazımdır. Bu preparatların Hartil preparatı ilə eyni vaxtda istifadəsi əlavə təsirlərin inkişafı riskini artıra bilər:

- sakubitril/valsartan-ürək çatışmazlığının uzun müddətli müalicəsi zamanı istifadə edilir (“Əks göstərişləri” bölməsinə bax);

- ibuprofen, indometasin və ya aspirin kimi qeyri-steroid iltihabəleyhinə vasitələr (ağrıkəsicilər və iltihabəleyhinə vasitələr);

- xərçəngin müalicəsi üçün preparatlar (kimyəvi terapiya);

- köçürülmüş orqanların çıxarılmasına qarşı preparatlar, məsələn, siklosporin;

- sidikqovucu vasitələr, məsələn, furosemid;

- qanda kaliumun səviyyəsini yüksəldən preparatlar, məsələn, spironolakton, triamteren, amilorid, kalium duzları və heparin (qanın durulaşdırılması üçün vasitələr);

- iltihabın müalicəsi üçün steroidlər, məsələn, prednizolon;

- allopurinol (qanda sidik turşusunun səviyyəsini azaldan vasitə);

- prokainamid (ürək ritminin pozulmasının müalicəsi üçün vasitə);

- trimetoprim və onun sulfametoksazolla kombinasiyası (ko-trimoksazol) (bakterial infeksiyaların müalicəsi üçün preparat);

- temsirolimus (xərçəngin müalicəsi üçün preparat);

- everolimus, sirolimus (köçürülmüş orqanların çıxarılmasına qarşı preparatlar);

- vildaqliptin (2-ci tipli şəkərli diabetin müalicəsi üçün preparat);

- rasekadotril (diareyanın müalicəsi üçün preparat). Antihipertenziv preparatların (məsələn, diuretiklərin) və arterial təzyiqi aşağı sala bilən digər maddələrin (məsələn, nitratların, trisiklik antidepressantların, anestetiklərin, нитратов, alkoqol qəbulu, baklofenin, alfuzozinin, doksazozinin, prazozinin, tamsulozinin, terazozinin) qəbulu zamanı: hipotenziyanın meydana çıxması riskinin yüksəlmə imkanını nəzərə almaq lazımdır. Aşağıda qeyd edilən istənilən preparatların qəbulu zamanı həkimə məlumat vermək lazımdır. Hartil preparatı onların effektivliyinə təsir edə bilər:

- diabetin müalicəsi üçün preparatlar (insulin və ya qanda şəkərin səviyyəsini azaldan daxilə qəbul edilən vasitələr). Hartil qanda şəkərin miqdarını azalda bilər. Hartil preparatı ilə müalicə zamanı qanda şəkərin səviyyəsinə müntəzəm nəzarət etmək lazımdır;

- litium (psixi pozulmaların müalicəsi üçün vasitə). Hartil qanda litiumun səviyyəsini yüksəldə bilər. Hartil preparatı ilə müalicə zamanı həkim qanda litiumun səviyyəsinə ciddi nəzarət etməlidir. Fertillik, hamiləlik və laktasiya dövründə istifadəsi: Pasiyent hamilə olduqda, körpəsini ana südü ilə qidalandırdıqda, hamilə olmasını ehtimal etdikdə və ya hamiləliyini planlaşdırdıqda, dərman vasitəsini qəbul etməzdən əvvəl bu barədə həkimə və ya əczaçıya məlumat verməlidir. Hamiləlik :Pasiyent hamilə olduqda və ya Hartil preparatının qəbulu zamanı hamilə olduğunu ehtimal etdikdə, bu barədə dərhal həkimə məlumat verməlidir. Çox güman ki, həkim pasiyentə Hartil preparatının qəbulunun dayandırılmasını və planlaşdırılan hamiləlikdən əvvəl digər antihipertenziv preparata keçməsini məsləhət görəcək. Hartil preparatını hamiləliyin ilk 12 həftəsində qəbul etmək olmaz. Hartil hamiləliyin 13-cü həftəsindən başlayaraq, əks göstərişdir, belə ki, o, körpəyə ziyanlı ola bilər. Pasiyent Hartil preparatının qəbulu zamanı hamilə olduqda, bu barədə dərhal həkimə məlumat verməlidir. Pasiyent hamiləliyi planlaşdırmadan əvvəl digər antihipertenziv preparata keçməlidir. Laktasiya dövrü :Preparatı laktasiya dövründə istifadə etmək olmaz.

Hamiləlik və laktasiya dövründə istənilən dərman

vasitəsinin qəbulundan əvvəl həkimlə məsləhətləşmək lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Hartil preparatının qəbulu zamanı pasiyentdə başgicəllənmə yarana bilər. Bu, əsasən terapiyanın əvvəlində və ya dozanın artırılması zamanı baş verir. Belə halda pasiyent nəqliyyat idarə etməkdən və mexanizmlərlə işləməkdən çəkinməlidir.

HARTİL İstifadə qaydası və dozası

Tabletlər daxilə qəbul edilir. Tabletləri bötüv şəkildə, çeynəmədən, maye ilə qəbul etmək lazımdır. Tabletləri qida qəbulundan asılı olmayaraq qəbul etmək olar. Tabletləri üzərindəki xətt üzrə iki bərabər dozaya bölmək olar. Hartil preparatını həmişə həkim təyinatına uyğun qəbul etmək lazımdır. İstənilən şübhə yarandıqda, həkimə və ya əczaçıya müraciət etmək lazımdır. Dozalanma rejimi: Arterial hipertenziya (yüksək arterial təzyiq) Məsləhət görülən başlanğıc doza gündə 1 dəfə 1,25 mq və ya 2,5 mq-dır. Arterial təzyiqin lazım olan nəzarətini əldə etmək üçün həkim pasiyentin qəbul etdiyi dozanı dəyişə bilər. Dozanı tədricən 2-4 həftə aralığında ikiqat artırmaq olar. Maksimal sutkalıq doza 10 mq-ı aşmamalıdır. Pasiyent sidikqovucu vasitələr qəbul etdikdə, həkim Hartil preparatı ilə müalicəyə başlamazdan əvvəl sidikqovucu preparatın dozasını ləğv edə və ya azalda bilər. Miokard infarktının və ya insultun inkişafı riskinin azalması Adətən məsləhət görülən başlanğıc doza gündə 1 dəfə 2,5 mq-dır. Həkim pasiyentin qəbul etdiyi dozanı dəyişə bilər. 1 və ya 2 həftəlik müalicədən sonra dozanı 2 dəfə artırmaq, 2-3 həftədən sonra dozanı gündə 1 dəfə 10 mq-a qədər artırmaq məsləhət görülür. Adətən məsləhət görülən sutkalıq doza 10 mq-dır. Böyrək xəstəliklərinin müalicəsi: Diabeti və mikroalbuminuriyası olan pasiyentlər Tövsiyə olunan başlanğıc doza gündə bir dəfə 1,25 mq ramipril təşkil edir. Pasiyentin təsiredici maddəyə qarşı dözümlülüyündən asılı olaraq dozanı tədricən artırmaq lazımdır. Müalicənin başlanmasından 2 həftə sonra dozanı gündə 1 dəfə 2,5 mq-a qədər artırmaq, daha 2 həftədən sonra isə onu gündə 5 mq-a qədər artırmaq tövsiyə olunur. Diabeti olan, ən azı bir ürək-damar risk faktoruna malik pasiyentlər Tövsiyə olunan başlanğıc doza gündə 1 dəfə 2,5 mq ramipril təşkil edir. Pasiyentin təsiredici maddəyə qarşı dözümlülüyündən asılı olaraq dozanı tədricən artırmaq lazımdır. Müalicənin başlanmasından 1 və ya 2 həftə sonra dozanı gündə 1 dəfə 5 mq-a qədər artırmaq, daha 2-3 həftədən sonra isə onu gündə 10 mq-a qədər artırmaq tövsiyə olunur. Hədəf doza 10 mq təşkil edir. Makroproteinuriya ≥ 3 q/gün üzrə təyin olunan diabetlə bağlı olmayan nefropatiyası olan pasiyentlər. Tövsiyə olunan başlanğıc doza gündə bir dəfə 1,25 mq ramipril təşkil edir. Pasiyentin təsiredici maddəyə qarşı dözümlülüyündən asılı olaraq dozanı tədricən artırmaq lazımdır. Müalicənin başlanmasından 2 həftə sonra dozanı gündə 1 dəfə 2,5 mq-a qədər artırmaq, daha 2 həftədən sonra isə onu gündə 5 mq-a qədər artırmaq tövsiyə olunur. Ürək çatışmazlığı: Adətən məsləhət görülən başlanğıc doza gündə 1 dəfə 1,25 mq-dır. Həkim pasiyentin qəbul etdiyi dozanı dəyişə bilər. Dozanı hər 1-2 həftə aralığında ikiqat artırmaq olar. Maksimal sutkalıq doza 10 mq-ı aşmamalıdır. Bu dozanı 2 qəbula bölmək məqsədəuyğundur. Ürək çatışmazlığı ilə kəskin miokard infarktından sonra ikincili profilaktika Miokard infarktının inkişafından 48 saat sonra klinik və hemodinamik stabil pasiyentlərdə başlanğıc doza 3 gün ərzində gündə 2 dəfə 2,5 mq təşkil edir. Əgər başlanğıc 2,5 mq doza pis qəbul edilərsə, dozanın gündə 2 dəfə 2,5 mq və 5 mq-a qədər qaldırılmasınadək 2 gün müddətində gündə 2 dəfə 1,25 mq doza qəbul etmək lazımdır. Əgər dozanı gündə 2 dəfə 2,5 mq-a qədər yüksəltmək mümkün olmazsa, müalicəni dayandırmaq lazımdır. Gündəlik doza sonradan gündə 2 dəfə 5 mq hədəf dəstəkləyici dozaya qədər dozanı bir gündən 3 günə qədər intervalla iki dəfə artırmaqla yüksəldilir. Əgər mümkündürsə, dəstəkləyici doza gündə 2 qəbula bölünür. Miokard infarktının inkişafından bilavasitə sonra ifadə olunmuş ürək çatışmazlığı olan (NYHAya görə IV sinif) pasiyentlərin kifayət qədər müalicə təcrübəsi bu vaxta qədər yoxdur. Əgər belə pasiyentləri müalicə etmək qərarı qəbul edilmişdirsə, müalicəni gündə 1 dəfə 1,25 mq doza ilə başlamaq, dozanın istənilən yüksəldilməsi zamanı çox ehtiyatla olmaq tövsiyə olunur. Dozanın yüksəldilməsi zamanı xüsusilə ehtiyatlı olmaq tövsiyə olunur.

Xüsusi pasiyent qrupları: Böyrəklərin funksional pozğunluğu olan pasiyentlər Böyrəklərin funksional pozğunluğu olan pasiyentlərdə gündəlik doza kreatinin klirensinə əsaslanmalıdır:

− əgər kreatinin klirensi ≥ 60 ml/dəq təşkil edərsə, başlanğıc dozaya (2,5 mq/gün) düzəliş etməyə ehtiyac yoxdur, maksimal gündəlik doza 10 mq təşkil edir;

− əgər kreatinin klirensi 30-60 ml/dəq təşkil edərsə, başlanğıc dozaya (2,5 mq/gün) düzəliş etməyə ehtiyac yoxdur, maksimal gündəlik doza 5 mq təşkil edir;

− əgər kreatinin klirensi 10-30 ml/dəq təşkil edərsə, başlanğıc doza 1,25 mq/gün təşkil edir, maksimal gündəlik doza isə - 5 mq;

− hemodializdə olan arterial hipertenziyalı pasiyentlərdə: ramipril zəif dializ olunur, başlanğıc doza 1,25 mq/gün təşkil edir, maksimal gündəlik doza isə – 5 mq; dərman preparatını hemodializin aparılmasından bir neçə saat sonra qəbul etmək lazımdır.

Qaraciyərin funksional pozğunluğu olan pasiyentlər :Qaraciyərin funksional pozğunluğu olan pasiyentlərdə ramiprillə müalicəyə yalnız diqqətli tibbi müşahidə altında başlamaq lazımdır, maksimal gündəlik doza 2,5 mq ramipril təşkil edir.

Yaşlı pasiyentlər: Həkim başlanğıc dozanı azaltmalı və lazım olan dozanı tədricən seçməlidir.

Uşaqlar və 18 yaşa qədər yeniyetmələr: Kifayət qədər klinik təcrübə olmadığı üçün Hartil preparatını uşaqlara təyin etmək olmaz. Hartil preparatının qida, içkilərlə və alkoqolla eyni vaxtda istifadəsi

● Hartil preparatı ilə müalicə zamanı alkoqoldan istifadə etdikdə, başgicəllənmə yarana bilər. Pasiyent Hartil preparatını nə qədər qəbul edəcəyinə əmin olmadıqda, həkimlə məsləhətləşməlidir, belə ki, arterial təzyiqin enməsi üçün olan preparatlar və alkoqol bir-birinin effektini gücləndirir.

● Hartil tabletlərini qida qəbulundan asılı olmayaraq qəbul etmək olar. Hartil preparatının qəbulu unudulduqda Unudulan dozanı ötürmək və preparatı adi rejimdə qəbul etmək lazımdır. Ötürülən dozanı kompensasiya etmək üçün ikiqat doza qəbul etmək olmaz. Preparatın qəbulu ilə əlaqədar əlavə sual yarandıqda, həkimə və ya əczaçıya müraciət etmək lazımdır.

Əlavə təsirləri

Bütün digər dərman vasitələri kimi bu preparat da, arzuolunmayan reaksiyalara səbəb ola bilər, lakin bu təsirlər hamıda təzahür etmir. Aşağıda sadalanan hər hansı əlavə təsirlər baş verdikdə, Hartil preparatının qəbulunu dayandırmaq və təcili tibbi yardım dərhal həkimə və ya yaxınlıqda olan xəstəxanaya müraciət etmək lazımdır, belə ki, pasiyentlə tibbi yardım lazım gələ bilər:

- udqunmanın və tənəffüsün çətinləşməsilə üzün, dodaqların, ağız və boğazın ödemi, eləcə də, qaşınma və səpgi. Bu, Hartil preparatına qarşı ağır allergiya reaksiyasının olmasına işarə ola bilər;

- dəri səpgisi, ağız boşluğunun xorası, mövcud olan dəri xəstəliklərinin pisləşməsi, dəri qızartısı, suluqlar və dərinin laylanması (Stivens-Conson sindromu, toksik epidermal nekroliz və ya multiformalı eritema) daxil olmaqla, dəri tərəfindən baş verən ağır reaksiyalar. Aşağıdakı halların inkişafı zamanı dərhal həkimə məlumat vermək lazımdır:

- ürək yığılmalarının pisləşməsi, qeyri-müntəzəm və ya güclü ürək yığılmaları (ürəkdöyünmə), sinədə ağrı, döş qəfəsində sıxılma hissi və ya daha ciddi vəziyyət (miokard infartı və insult daxil olmaqla);

- təngnəfəslik və öskürək. Bu simptomalar ağciyər tərəfindən baş verən pozulmalara işarə ola bilər;

- gözlənilmədən qanaxma (qanaxmanın normasına nisbətən daha uzun müddətli), qanaxmanın istənilən əlaməti (məsələn, damaqda qanaxma), dəridə qırmızı nöqtələrin yaranması, infeksion xəstəliklərin adi halda olduğundan tez-tez inkişafı, boğazda ağrı, yorğunluq hissi, başgicəllənmə, bayılma, dəri örtüyünün avazıması. Bu simptomlar qanın və ya sümük iliyinin xəstəliklərinə işarə ola bilər;

- kürəyə vuran qarın nahiyəsində kəskin ağrı. Bu simptomlar mədəaltı vəzinin iltihabına (pankreatit) işarə ola bilər;

- qızdırma, titrətmə, yorğunluq hissi, iştahanın itməsi, mədədə ağrı, ürəkbulanma, dərinin və ya gözlərin saralması (sarılıq). Bu simptomlar qaraciyər xəstəlikərinə, məsələn, hepatit (qaraciyərin iltihabı) və ya qaraciyərin zədələnməsinə işarə ola bilər;

- sidiyin rənginin tündləşməsi, ürəkbulanma, əzələ spazmı, şüurun dumanlanması və antidiuretik hormonun kifayət qədər hasıl olunmaması. Bu cür simptomlar baş verdikdə, dərhal həkimə müraciət etmək lazımdır.

Digər əlavə təsirlər: Aşağıda sadalanan əlavə təsirlər ciddiləşdikdə və ya bir neçə gün ərzində aradan qalxmadıqda, həkimə məlumat vermək lazımdır. Əlavə təsirlərin tezliyi aşağıda qeyd edilən parametrlər üzrə müəyyən edilir: çox tez-tez: 10 pasiyentdən 1-də və ya daha artıq rast gəlinir tez-tez: 100 pasiyentdən 1-10-da rast gəlinir bəzən: 1000 pasiyentdən 1-10-da rast gəlinir nadir hallarda: 10 000 pasiyentdən 1-10-da rast gəlinir çox nadir hallarda: 10 000 pasiyentdən 1-də rast gəlinir məlum deyil: əldə olan məlumatlara görə tezliyi müəyyən etmək mümkün deyil.

Tez-tez:

- başağrı və ya yorğunluq;

- başgicəllənmə (onun inkişafı adətən Hartil preparatı ilə müalicəyə başladıqda və ya dozanı artırdıqda ehtimal edilir);

- bayılma halları, arterial təzyiqin anormal enməsi (hipotoniya), xüsusilə oturaq və ya ayaq üstə qəflətən dəyişməsi;

- quru öskürək, əlavə burunun boşluqlarının iltihabı (sinusit), bronxit, hava çatışmazlığı;

- mədədə və ya qarın nahiyəsində ağrı, ishal, qidanın həzm olmaması, ürəkbulanma, qusma;

- dəri səthindən qalxmayan səpgi;

- sinədə ağrı;

- əzələ spazmı və ya əzələlərdə ağrı;

- qanda kaliumun səviyyəsinin artması (qan analizinin əsasında).

Bəzən:

- tarazlığın pozulması (vertiqo);

- qaşınma və ya keyləşmə, yanma hissi və ya dəridə qarışqa hissiyatı kimi dəri həssaslığının dəyişməsi (paresteziya);

- dadbilmə qabiliyyətinin dəyişməsi və ya itməsi;

- yuxunun pozulması;

- depressiya, həyəcan, əsəbilik, narahatlıq hissi;

- burun tutulması, tənəffüsün çətinləşməsi və ya mövcud astmanın pisləşməsi;

- qarın nahiyəsində ağrı, ürəkbulanma, diareya kimi simptomlarla müşayiət olunan bağırsağın angionevrotik ödemi, pankreatit;

- qıcqırma, qəbizlik, ağızda quruluq;

- sutka ərzində normadan artıq sidik ifrazı, böyrəklərin funksiyasının pozulması, böyrək çatışmazlığı;

- yüksək tərləmə, angioödem, qaşınma;

- iştahanın itməsi və ya pisləşməsi (anoreksiya);

- stenokardiya və ya miokard infarktı daxil olmaqla, miokardın işemiyası, palpitasiya;

- ürək yığılmalarının tezliyinin artması və qeyri-müntəzəmliyi;

- yuxarı və aşağı ətrafların ödemi, bu, orqanizmdə mayenin ləngiməsinə işarə ola bilər;

- istibasmalar;

- bulanıq, dumanlı görmə;

- oynaqlarda ağrı;

- qızdırma;

- kişilərdə impotensiya, kişilərdə və qadınlarda libidonun azalması;

- qan analizinin nəticəsinə əsasən ağ qan hüceyrələrinin müəyyən tipinin miqdarının artması (eozinofiliya);

- laborator tədqiqatların nəticəsinə əsasən qaraciyərin, mədəaltı vəzinin və ya böyrəklərin funksiyasının dəyişməsi.

Nadir hallarda:

- tremor və ya şüurun dumanlanması, müvazinətin pozulması;

- dilin qızarması, ödemi;

- dərinin ağır laylanması və qabıq verməsi, qaşınma ilə kəpəyəbənzər səpgi, eksfoliativ dermatit, övrə;

- dırnaqların dəyişməsi (dırnaq lövhəsinin yumşalması və ya dırnaq yatağından düşməsi);

- dəri səpgisi və ya göyərmə;

- dəridə ləkə və soyuq ətraflar;

- gözlərin qızarması, qaşınması, ödemi və ya sulanması, konyunktivit;

- eşitmənin pozulması və qulaqlarda küy;

- damarların stenozu, hipoperfuziya, vaskulit;

- zəiflik hissi, qlossit, xolestatik sarılıq, hepatosellülyar zədələnmə;

- qan analizinin nəticəsinə əsasən qırmızı və ağ qan cisimlərinin, lövhəciklərinin və ya hemoqlobinin səviyyəsinin miqdarının azalması.

Çox nadir hallarda:

- Günəş işığına qarşı yüksək həssaslıq. Baş verə bilən digər əlavə təsirlər Aşağıda sadalanan əlavə təsirlər ciddiləşdikdə və ya bir neçə gün ərzində aradan qalxmadıqda, həkimə məlumat vermək lazımdır:

- diqqətin cəmləşməsinin çətinliyi;

- anafilaktik və ya anafilaktoid reaksiyalar, antinuklear anticisimlərin səviyyəsinin yüksəlməsi;

- sümük iliyinin funksiyasının pozulması;

- ağızda ödem, avtoz stomatit;

- antidiuretik hormonun qeyr-adekvat sekresiyası sindromu;

- qan analizinin qan hüceyrələrinin həddindən artıq azalmasını göstərməsi;

- qan analizinin qanda natriumun səviyyəsinin adi halla müqayisədə həddindən artıq az olmasının göstərməsi;

- sonradan istidə sancma və ağrı hissilə (Reyno fenomeni) soyuqda əl və ayaq barmaqlarının rənginin dəyişməsi;

- kişilərdə süd vəzisinin böyüməsi;

- reaksiyaların ləngiməsi və ya pozulması;

- yanma hissi;

- iybilmə hissinin dəyişməsi;

- saçların tökülməsi;

- işemik insult və tranzitor işemik həmlə daxil olmaqla, serebral işemiya;

- kəskin qaraciyər çatışmazlığı, xolestatik və ya sitolitik hepatit;

- toksik epidermal nekroliz, Stivens-Conson sindromu, psoriazın kəskinləşməsi, psoriaz formalı dermatit, pemfiqoid və ya lixenoid ekzantema və ya enantema, qabar. Əlavə təsirlər barədə məlumatın verilməsi Pasiyentdə hər hansı arzuolunmayan reaksiya yarandıqda, həkimlə və ya əczaçı ilə məsləhətləşmək lazımdır. Bu tövsiyyə, istənilən mümkün əlavə təsirə, o cümlədən, içlik vərəqədə qeyd edilməyən arzuolunmayan reaksiyalara şamil edilir. Pasiyent, həmçinin əlavə təsirlər barədə məlumatı, dərman vasitəsinin əlavə təsirlər üzrə məlumat bazasına məlumat verə bilər, dərman vasitəsinin effektsizliyi barədə məlumat daxil olmaqla. Əlavə təsirlər barədə məlumat verməklə, bu dərman preparatının təhlükəsizliyi barədə daha çox məlumat əldə etmək olar.

Doza həddinin aşılması

Doza həddinin aşılması zamanı təcili tibbi yardım üçün dərhal həkimə və ya yaxınlıqda olan xəstəxanaya müraciət etmək lazımdır. Xəstəxanaya gedərkən avtomobil idarə etmək olmaz! Pasiyent bunu başqasının etməsini xahish etməli və ya təcili yardım çağırmalıdır. Pasiyent həkimə göstərmək üçün içlik vərəqəni və qalan tabletləri özü ilə götürməlidir.

Buraxılış forması

7 tablet, blisterdə. 2 və ya 4 blister, içlik vərəqə ilə birlikdə karton qutuya qablaşdırılır.

Aptekdən buraxılma şərti

Resept əsasında buraxılır.