Pharmed

VESSEL DUE F 250 LSU N50 CAP

VESSEL DUE F venadaxili və əzələdaxili inyeksiya üçün məhlul; kapsullar
VESSEL DUE F

Beynəlxalq patentləşdirilməmiş adı: Sulodexid

VESSEL DUE F Tərkibi
 

Venadaxili və əzələdaxili inyeksiya üçün məhlul
Təsiredici maddə: 2ml (1 ampul) məhlulun tərkibində 600 LV* Sulodeksid vardır.
Köməkçi maddələr: natrium-xlorid, inyeksiya üçün su.
Kapsullar
Təsiredici maddə: 1 kapsulda 250 LV* Sulodeksid vardır.
Köməkçi maddələr: natrium laurilsarkozinat, kolloidal silisium 4-oksid, triqliseridlər.
Kapsul örtüyünün tərkibi: jelatin, qliserol, natrium etilparaoksibenzoat, natrium
propilparaoksibenzoat, titan dioksid (E171), qırmızı dəmir
oksidi (E172).

*- lipoproteinlipaza vahidi

Təsviri
Venadaxili və əzələdaxili inyeksiya üçün məhlul- açıq sarı və ya sarı şəffaf məhlul.
Kapsul – kərpici-qırmızı rəngli, möhtəviyyatı ağımtıl boz rəngli suspenziya olan, oval yumşaq
jelatin kapsullar. Kapsulun tərkibinin çəhrayı və ya çəhrayı-krem rəngli olması yolveriləndir.

Farmakoterapevtik qrupu
Birbaşa təsirli antikoaqulyant dərman vasitəsi.
ATC kodu: B01AB11.

Farmakoloji xüsusiyyətləri
Vessel Due F (sulodeksid) təbii məhsul olub, donuzların nazik bağırsağının selikli qişasından
alınır. Təbii qlikozaminqlikan qarışığı (QAQ) kimi: molekul kütləsi 8000 dalton (80%) olan
heparinəbənzər fraksiya və dermatansulfat (20%) dan ibarətdir.
Sulodeksidin təsir mexanizmi iki xüsusiyyəti ilə şərtlənir:
Tez təsir göstərən heparinəbənzər fraksiya antitrombin III (ATIII) ilə, dermatan isə – heparin
kofaktoru II (KH II) ilə uyğundur.
Antikoaqulyant, angioprotektiv, profibrinolitik, antitrombotik farmokoloji təsirə malikdir.

Farmakodinamikası
Antikoaqulyasion təsiri trombini inaktivləşdirən heparin kofaktoru II (KH II) ilə uyğunluğuna
əsaslanır.
Antitrombotik təsir mexanizmi aktivləşmiş X faktorunu ləngitməsi, prostasiklin(PGI2) sintezi və
sekresiyasının gücləndirməsi, qan plazmasında fibrinogen səviyyəsini aşağı salmasına əsaslanır.
Profibrinolitik təsiri damar endotelinin funksional tamlığının və strukturunun bərpası, damar bazal
membranının dəliklərinin mənfi elektrik yüklənməsinin normal sıxlığının bərpası ilə əlaqədardır.
Bundan əlavə, dərman vasitəsi triqliseridlərin səviyyəsini aşağı salması (lipolitik ferment –
lipoproteinlipazanı stimulə edir, ASLP tərkibinə daxil olan triqliseridləri hidroliz edir) hesabına
qanın reoloji xüsusiyyətlərini normallaşdırır.
Diabetik nefropatiyalarda dərman vasitəsinin effektivliyi sulodeksidin bazal membran qalınlığını,
mezangium hüceyrələrinin proliferasiyasını azaltmaqla ekstrasellülar matriks istehsalını aşağı
salması ilə müəyyən olunur.

Farmakokinetikası
Sulodeksidin 90%-i damar endotelində absorbsiya olunduğu üçün, onun konsentrasiyası digər
toxuma və orqanlarda 20-30 dəfə çox olur və nazik bağırsaqdan sorulur. Qaraciyər və böyrəklərdə
metabolizə olunur. Fraksiyalaşmamış heparin və kiçikmolekullu heparinlərdən fərqli olaraq,
sulodeksid antitrombotik fəallığının azalması və orqanizmdən eliminasiyasını əhəmiyyətli
dərəcədə sürətləndirən desulfatlaşma prosesinə uğramır. Orqanlar üzrə paylanması onu göstərir ki,
dərman vasitəsi böyrəklərdə metabolizmə uğrayır və yeridilməsindən 4 saat sonra xaric olur.
Dərman vasitəsinin venadaxili yeridilməsindən 24 saat sonra sidiklə ekskresiyası birləşmənin
50%-ni, 48 saat sonra isə - 67%-ni təşkil edir.

İstifadəsinə göstərişlər
- Damar səbəbli tromboz-təhlükəli damar xəstəliklərinin müalicəsi üçün məsləhət gösrülür.
- Periferik arterial xəstəliklər.
- Xroniki venoz çatışmazlıq.

Əks göstərişlər
− Preparatın istənilən komponentinə, heparinə və heparinoidlərə qarşı yüksək həssaslıq;
− hemorragik diatez və qanın laxtalanmasının azalması ilə müşaiyət olunan xəstəliklər;
− hamiləliyin I trimestri, laktasiya dövrü.
18 yaşa qədər uşaqlar.

Xüsusi göstərişlər və ehtiyat tədbirləri
Dərman vasitəsinin təyini zamanı koaquloqrammaya nəzarət olunmalıdır. Müalicənin başlanğıcı
və sonunda aşağıdakı göstəricilərin müəyyən edilməsi məqsədəuyğundur: hissəvi aktivləşmiş
tromboplastin zamanı, antitrombin III, qanyaranma və laxtalanma müddəti.
Vessel Due F hissəvi aktivləşmiş tromboplastin zamanı normal göstəricilərini təxminən 1,5 dəfə
artırır.

Digər dərman vasitələri ilə qarşılıqlı təsiri
Vessel Due F dərman vasitəsinin digər dərman vasitələri ilə əhəmiyyətli qarşılıqlı təsiri müəyyən
olunmayıb. Sulodeksid istifadəsi ilə eyni zamanda hemostaz sisteminə antikoaqulyant qismində
(birbaşa və dolayı) təsir göstərən və digər antiaqreqantların təyin olunması məsləhət görülmür.
Hamiləlik və laktasiya dövründə istifadəsi
Hamiləlik zamanı ciddi həkim nəzarəti altında təyin olunur. I, II tip şəkərli diabet xəstələrində
damar ağırlaşmalarının və hamiləliyin III trimestrində gecikmiş toksikozun müalicəsi və
profilaktikası üçün sulodeksidin təyininə aid müsbət nəticilər əldə olunmuşdur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir
göstərmir.

VESSEL DUE F İstifadə qaydası və dozası

Venadaxili və əzələdaxili inyeksiya üçün məhlul.
Daxilə qəbul üçün kapsul.
Müalicənin başlanğıcında 1 ampulun möhtəviyyatı (2 ml sulodeksid) əzələdaxili və ya 150-200 ml
fizioloji məhlulda həll edilib venadaxili damcı üsulu və ya bolyus üsulu ilə 15-20 gün ərzində hər
gün yeridilir. Sonra, 30-40 gün ərzində müalicə dərman vasitəsini daxilə qəbul etməklə davam
etdirilir: gündə 2 dəfə 1 kapsul yeməklərarası. Tam müalicə kursunu ildə 2 dəfədən az olmayaraq
təkrarlamaq lazımdır.
Klinik-diaqnostik müayinələrin nəticələrindən asılı olaraq, həkimin göstərişlərinə əsasən
dozalanma rejimi dəyişdirilə bilər.

Əlavə təsirləri
MBT-na: ürəkbulanma, qusma, epiqastral nahiyədə ağrılar, mədə qanaxması.
Allergik reaksiyalar: müxtəlif lokalizasiyalı dəri səpgiləri, ekzema, övrə.
Digər: inyeksiya yerində ağrı, yandırıcı hiss, hematoma, periferik ödem.
Sinir sisteminə: başağrı, bayılma, vertiqo.
Kapsullar üçün tezliyi məlum olmayan əlavə təsirlər
Anemiya, epiqastralgiya, milena, meteorism, dispepsiya, angionevrotik ödem, ekxunoz, eritema,
genital ödem, genital eritema, polimenoreya.
İnyeksion məhlul üçün tezliyi məlum olmayan əlavə təsirlər
Qıcolma, tremor, görmənin pozulması, palpitasiya, purpura, yayılmış eritema, sidik kisəsinin
stenozu, dizuriya, sinədə ağrı.

Doza həddinin aşılması
Simptomlar: qansızma və ya qanaxma.
Müalicəsi: dərman vasitəsindən istifadənin dayandırılması, simptomatik müalicə.

Buraxılış forması
Venadaxili və əzələdaxili inyeksiya üçün məhlul
600 LV/2ml, ampulda. 5 və ya 10 ampul, ikonturlu-yuvalı qablaşdırmada. 2 (2x5) və ya 1 (1x10)
konturlu-yuvalı qablaşma, içlik vərəqə ilə birlikdə karton qutuya qablaşdırılır.
Kapsullar
250LV. 25 kapsul, blisterlərdə. 2 blister (50 kapsul) içlik vərəqə ilə birlikdə karton qutuya
qablaşdırılır.

Saxlanma şəraiti
30°C-dən yuxarı olmayan temperaturda və uşaqların əli çatmayan yerdə saxlanmalıdır.

Yararlılıq müddəti
5 il
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
Kapsullar
“Catalent İtaly S.p.A”, İtaliya, Via Nettunense Km. 20,100-04011 – Aprilia (LT), İtaly
Keyfiyyətə nəzarət, seriya buraxlışı – “Alfasigma S.p.A”, İtaliya, Via E. Fermi 1, 65020 Alanno
(Peskariya), İtaliya.
İnyeksiya üçün məhlul:
“Alfasigma S.p.A”, İtaliya, Via E. Fermi 1, 65020 Alanno (Peskariya), İtaliya.