Grindex
VERIKORT 100MKG 10ML BURUN SPREYI
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
___________________ 2022-ci il
Dərman vasitəsinin istifadəsi üzrə təlimat (xəstələr üçün)
VERİKORT nazal sprey, suspenziya
VERICORT®
Beynəlxalq patentləşdirilməmiş adı: Budesonide
Tərkibi
Təsiredici maddə: 1 ml suspenziyanin tərkibində 1 mq və ya 2 mq budesonid vardır.
Bir püskürtmə spreyin tərkibində 100 mkq budesonid olur.
Köməkçi maddələr:susuz qlükoza, mikrokristallik sellüloza, natrium karboksimetil sellüloza,
natrium karmelloza, kalium sorbat, polisorbent 80, dinatrium edetat,
xlorid turşusu, təmizlənmiş su.
Təsviri
Ağ rəngli suspenziyadır.
Farmakoterapevtik qrupu
Qlükokortikosteroidlər.
ATC kodu: R01AD05.
Farmakoloji xüsusiyyətləri
Farmakodinamikası
Budesonid inhalyasion yolla istifadə üçün sintetik qlükokortikosteroiddir (QKS), demək olar ki,
sistem təsirə malik deyil. Budesonid iltihabəleyhinə, allergiyaya qarşı və immunodepressiv təsirə
malikdir. A3-fosfolipazanın inhibitoru olan lipokortinin hasilatını artırır, araxidon turşusunun
azad olunmasını ləngidir, araxidon turşusunun metabolizm məhsullarının –peroksidlərin və
prostaqlandinlərin sintezinə təsir edir. Budesonid neytrofillərin toplanmasının qarşısını alır,
iltihabi ekssudatın əmələ gəlməsini və sitokinlərin hasilatını azaldır, makrofaqların miqrasiyasını
ləngidir, infiltrasiyanı azaldır, hemotaksisin yaranmasına imkan vermir və iltihab
mediatorlarının azad olmasını ləngidir “Aktiv” -adrenoresptorların miqdarını artırır, xəstənin
bronxodilatatorlara reaksiyasını bərpa edir, onların istifadə tezliyini azaltmağa imkan verir,
bronxların selikli qişasının şişkinliyini, selik hasilatını, bəlğəmin əmələ gəlməsini və tənəffüs
yollarının hiperaktivliyini azaldır. Mukosiliar daşımanı artırır.
Preparatın müalicəvi təsirinin başlanma vaxtı istifadə etdikdən sonra bir neçə saat təşkil edir.
Maksimal müalicəvi təsir müalicəyə başladıqdan 1-2 həftə sonra əldə olunur. Müntəzəm istifadə
zamanı bronxial astması olan xəstələrdə budesonid ağciyərlərdə xroniki iltihabı azaldır və
beləliklə ağciyər funksiyasını, bronxial astmanın gedişini yaxşılaşdırır, bronxların
hiperaktivliyini azaldır və xəstəliyin kəskinləşməsinin qarşısını alır.
Farmakokinetikası
Sorulması
Budesonid inhalyasiyadan sonra tez və tam sorulur, bu zaman qan plazmasında maksimal qatılığı
inhalyasiyaya başladıqdan 30 dəqiqə sonra əldə olunur. Budesonidin inhalyasiyasından sonra
preparatın ağız-udlağın selikli qişasında konsentrasiyası 73% təşkil edir.
Paylanması
Plazma zülalları ilə birləşməsi 88% təşkil edir
Metabolizmi
Sorulmadan sonra budesonid qara ciyərdə intensiv biotransformasiyaya (90%-dən yuxarı)
uğrayır və qlükokortikosteroidlərın aktivliyini artırır, metabolitlər əmələ gətirir. 6-hidroksi-
budesonidin və 16-hidroksiprednizolonun əsas metabolitlərinin qlükokortikosteroid aktivliyi
budesonidin qlükokortikosteroid aktivliyinin 1%-dən aşağıdır. Budesonid yüksək sistem
klirensinə (təqribən 1,2 l/dəq) və qısa müddətdli yarımxaricolma dövrünə (2,8 saat) malikdir.
Budesonid əsasən CYP3A4 fermentinin iştirakı ilə metabolizə olunur.
Xaric olması
10%-i bağırsaqlardan metabolitlər şəklində, 70%-i böyrəklər vasitəsilə xaric olur.
Budesonidin farmakokinetikası preparatın qəbul edilən dozası ilə mütənasibdir.
Xüsusi kliniki hallarda farmakokinetikası
Qaraciyər xəstəliyi olan xəstələrdə budesonidin qan plazmasında konsentrasiyası artır.
İstifadəsinə göstərişlər
Mövsümi, ilboyu allergik rinit və qeyri-allergik rinit.
Burun poliplərinin müalicəsi və residivi zamanı profilaktikası.
Əks göstərişlər
Preparatın komponentlərindən hər hansı birinə qarşı yüksək fərdi həssaslıq. Vərəmin aktiv
forması.
Xüsusi göstərişlər və ehtiyat tədbirləri
Göbələk və ya virus mənşəli nazal infeksiyalar,həmçinin müalicə olunmayan sistem bakterial,
göbələk və ya virus infeksiyaları və herpes göz iltihabı olan xəstələrdə Verikortun istifadəsi
zamanı ehtiyatlı olmaq lazımdır.
Vərəmdən əziyyət çəkən xəstələrdə kortikosteroid ilə müalicə zamanı baş vermə ehtimalı olan
arzuolunmaz təsirlərin qarşısını almaq üçün müalicənin fayda və risk nisbəti düzgün qiymətlən-
dirilməlidir.
İnhibitor təsirə malik olduqlarına görə nazal kortikosteroidlər dəri zədələnmələrinin sağalması,
burun çəpərində xoralar zamanı ,cərrahi müdaxilələr və ya burun nahiyəsinin travması zamanı
yalnız simptomlar tam aradan qalxdıqdan sonra istifadə oluna bilər.
Kortikosteroidin lokal istifadəsindən sonra yerli qıcıqlanmanın hər hansı bir simptomu qeydə
alınarsa, müalicə dərhal dayandırılmalıdır.
Oral kortikosteroidlərlə müalicə alan xəstələrdə Verikort burun spreyindən istifadəyə keçid
zamanı hipotalamo-hipofizar-adrenal sistemdə hər hansı bir disbalansın qarşısını almaq üçün
xüsusi nəzarət tələb olunur.Bunun üçün Verikort burun spreyinin istifadəsi, qəbul edilən oral
kortikosteroidin dozasının getdikcə azaldılması ilə birgə aparılmalıdır.
Kortikosteroid ilə inhalasiya və ya burundaxili yolla müalicədən sonra gözdaxili təzyiq,
qlaukoma və ya katarakta əmələ gələ bilər.
İdman fəaliyyəti üçün : terapevtik zərurət olmadiqda preparatın istifadəsi anti-dopinq testində
pozitiv nəticəyə səbəb ola bilər.
Dərman vasitəsini uşaqların əli çatmayan yerdə saxlamaq lazımdır.
Diabetli, qaraciyər problemi, burun qanaxması, göz infeksiyaları olan pasiyentlər preparatdan
ehtiyatla istifadə etməlidirlər.
Bir neçə kortikosteroid preparatından istifadə edildikdə, bu barədə həkimə məlumat vermək
lazımdır.
Digər dərman vasitələri ilə qarşılıqlı təsiri
Budesonid ilə eyni zamanda Simetidinin istifadə edilməsi onun farmakokinetikasında cüzi
dəyişikliyə gətirib çixara bilər.
Hamiləlik və laktasiya dövründə istifadəsi
Mütləq göstəriş olmadıqda hamiləlik dövründə budesonid istifadə edilməməlidir. Hamiləliyin ilk
üç aylıq dövründə praparatdan istifadə tövsiyə olunmur.
Laktasiya zamanı Budesonidin ana südünə keçməsi haqda məlumat yoxdur.
Hamiləlik və laktasiya dövründə preparatın istifadəsinə, yalnız həkim qərar verir.
İstifadə qaydası və dozası
Vericort preparatının dozası və müalicə müddəti həkim tərəfindən fərdi qaydada təyin
olunmalıdır. Verikort preparatı 6 yaşdan kiçik uşaqlar üçün nəzərdə tutulmayib.
Verikort preparatının 1 dozası (100 mkq) 1 püskürtməyə uyğundur.
Dozalar xəstəliyin ağırlığından və xəstənin reaksiyasından asılı olaraq, fərdi qaydada seçilir.
Böyüklərə və 12 yaşdan yuxarı uşaqlara: sutkada 1-2 dəfə 100-200 mkq budesonid.
6-12 yaşlı uşaqlara: sutkada 1-2 dəfə 200 mkq budesonid.
Uşaqlarda preparat yalnız böyüklərin nəzarəti altında istifadə edilməlidir.
Verikort preparatı iltihab əleyhinə təsir göstərir, buna görə də onu daim və hətta xəstənin
vəziyyəti yaxşılaşdıqdan sonra da müntəzəm şəkildə qəbul etmək lazımdır. Bir qayda olaraq,
Verikort preparatı uzunmüddətli və fərdi qaydada müəyyən edilən müalicə kursu üçün təyin
olunur. Bəzən bronxlarda çoxlu miqdarda sekret olduqda, preparatın iltihab zonasına daxil
olması çətinləşir. Belə hallarda peroral qəbul üçün QKS-lə qısa müalicə kursunun keçirilməsi
tövsiyə olunur. İnhalyasiyalar peroral QKS-nin dozası azaldıldıqdan sonra keçirilir.
Xəstə peroral istifadə üçün QKS qəbul edirsə, onu xəstəliyin stabil fazasında Verikortla
müalicəyə keçirirlər. QKS-ni tədricən ləğv edirlər. 7-10 gün ərzində seçilmiş dozada QKS-nin
peroral qəbulunu və yüksək dozada (sutkada 1600 mkq-ya qədər) Verikortla inhalyasiyaları
birləşdirmək lazımdır. Sonra QKS-nin dozası tədricən, hər 1-2 həftədə 2,5 mq prednizolon qədər
azaldılır.
İstifadə qaydası
Hər istifadədən əvvəl
İstifadədən qabaq flakonu yaxşıca çalxalamaq lazımdır.burun spreyinin qoruyucu başlığini
çıxarın. Flakonu şaquli şəkildə üzünüzdən kənarda tutaraq bir neçə dəfə flakondan spreyin
sixmasını yoxlayin.
Spreyi istifadə etməzdən öncə burun nahiyəsi ehtiyatla təmizlənməlidir. Preparat yeridilməyən
burun dəliyini barmaqla sıxın,sərbəst burun dəliyinə isə applikatorun ucunu yeridin. Flakonu düz
tutun və bu zaman başınizi bir qədər arxaya əyin.
Flakonun applikatorunu burun nahiyəsindən çixarın və dərman vasitəsi burunda tam yayilana
qədər işarə olunmuş istiqamətdə saxlayin.
Eyni qayda ilə digər burun dəliyinə preparatı yeridin.
İstifadədən sonra flakonun qoruyucu qapağını bağlayin.
Xəbərdarlıq
Flakon açıldıqdan sonra üç ay müddətində istifadəyə yararlıdır. Flakonun ucluq hissəsi tutularsa,
onu flakondan ayırıb, bir neçə dəqiqə isti suda saxlamaq lazımdır. Ucluğu təmizləmək üçün iti
alətlərdən istifadə etmək olmaz.
Əlavə təsirləri
Bəzi hallarda VERİKORT burun spreyindən istifadədən sonra burun seliyinin quruması və ya
asqırma halları müşahidə oluna bilər. Yüngül qanaxma və burunda qaşınma baş verə bilər .
Endokrin sistemə: nadir hallarda – böyrəküstü vəzilərinin qabıq maddəsinin funksiyasının
tormozlanması, Kuşinq sindromu, hiperkortisizm, uşaqlarda və yeniyetmələrdə boy artımının
ləngiməsi.
Görmə orqanına: məlum deyil – katarakta, qlaukoma.
Allergik reaksiyalar: məlum deyil – hiperhəssaslıq reaksiyaları, səpgi, övrə, angionevrotik ödem,
qaşınma.
MSS-ə: qeyri-adi davranış, o cümlədən depressiya (uşaqlarda rast gəlinir).
Sümük-əzələ sisteminə: sümük toxumasının mineral sıxlığının azalması.
Tənəffüs sisteminə: çox tez-tez – öskürək; nadir hallarda – paradoksal bronxospazm, ağız
boşluğu və qırtlağın selikli qişasının kandidozu, udlağın qıcıqlanması, budesonidlə müalicə
dayandırıldıqdan və ya preparatın dozası azaldıldıqdan sonra yox olan disfoniya.
Ümumi: burunda quruluq, asqırma, burunda qıcıqlanma, burun qanaxması, əzələ spazmı,
epiktaksiz, burunun selikli qişasında yaralar, səsin dəyişməsi, dumanlı görmə, dəridə göyərmə.
Doza həddinin aşılması
Dərman vasitəsini içlik vərəqəsində göstərilən və ya həkim tərəfindən təyin edilən dozada qəbul
etmək vacibdir. Yalniz həkim tərəfindən tövsiyə olunan dozada istifadə olunmalıdır, təyin
olunmuş dozadan daha az və ya daha çox istifadə simptomların kəskinləşməsinə səbəb ola bilər.
Nadir hallarda Verikortun burun daxili yolla istifadəsindən dərhal sonra hiperhəssasliq və
dermatit yarana bilər.
Buraxılış forması
VERİKORT 100 mkq nazal sprey, suspenziya.
10 ml suspenziya, flakonda. 10 ml suspenziyanın tərkibində cəmi 200 püskürtməyə ekvivalent
olan 10 mq budesonid vardır. 1 püskürtmədə 100 mkq doza olur . 1 flakon, içlik vərəqə ilə
birlikdə karton qutuya qabalaşdırılir.
Saxlanma şəraiti
25ºС-dən yüksək olmayan temperaturda, işıqdan qorunan və uşaqların əli çatmayan yerdə
saxlamaq lazımdır. Dərman vasitəsi açıldıgı gündən etibarən üç ay müddətində istifadə edilə
bilər.
Yararlılıq müddəti
Yararlılıq müddəti qablaşdırmanın üzərində qeyd olunmüşdur.
Yararlılıq müddəti düzgün və tamlığı pozulmamış qablaşdırmada saxlanılan dərman vasitəsinə
aiddir.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
VİOFAR LTD, Yunanıstan.
Ethnikis Antistaseos & 76A Trifilias str. 13671, Acharnai, Attiki, Greece.