Grindex
VENLAKSOR 75MG N30 TB
VENLAKSOR
Beynəlxalq patentləşdirilməmiş adı: Venlafaxine
VENLAKSOR Tərkibi
Təsiredici maddə: 1 tabletin tərkibində 37,5 mq və ya 75 mq venlafaksin (hidroxlorid
şəklində) vardır.
Köməkçi maddələr:susuz kalsium hidrofosfat, susuz laktoza, natrium nişastaqlikolyat (А tipi),
maqnezium stearat, susuz kolloidal silisium dioksid, qırmızı dəmir
oksidi (E 172).
Farmakoterapevtik qrupu
Antidepressantlar. Digər antidepressantlar.
АТC kodu: N06AХ16.
Farmakoloji xüsusiyyətləri
Farmakodinamikası:
İnsanlarda depressiyanı azaldan venlafaksinin təsir mexanizmi mərkəzi sinir sistemində (MSS)
neyromediator aktivliyi gücləndirmək qabiliyyəti ilə bağlıdır. Venlafaksin və onun əsas
metaboliti, O-dezmetilvenlafaksin (ODV), serotoninin və noradrenalinin geriyə tutulmasının
inhibitorlarıdır. Venlafaksin həmçinin dofaminin geriyə tutulmasının zəif inhibitorudur.
Venlafaksin və onun aktiv metaboliti həm birdəfəlik, həm çoxsaylı istifadəsindən sonra β-adrenergik cavab reaksiyalarını azaldır. Venlafaksinin və ODV-nin neyromediatorların geriyə
tutulmasına və müvafiq reseptorlara ümumi təsiri çox oxşardır.
Venlafaksin in vitro muskarin, xolinergik, H1-histaminergik və α1-adrenergik reseptorlara faktiki
olaraq oxşarlığa malik deyil. Bu reseptorlarda farmakoloji aktivliyi, digər antidepressantların
istifadəsi zamanı məsələn, antixolinergik, sedativ və ürək-damar əlavə təsirləri ilə müşayiət olunan,
müxtəlif əlavə təsirlərlə bağlı ola bilər.
Venlafaksinin monoaminooksidazaya (MAO) inhibəedici təsiri yoxdur.
İn vitro tədqiqatlarda venlafaksinin opiat və ya benzodiazepin reseptorlarına oxşarlığının
olmaması təsdiq olunmuşdur.
Farmakokinetikası:
Venlafaksin əsasən O-dezmetilvenlafaksin (ODV) adlı aktiv metabolitə qədər ekstensiv olaraq
qaraciyərdə metabolizmə uğrayır. Venlafaksinin və ODV-nin plazmada orta yarımparçalanma
dövrü müvafiq olaraq 5 və 11 saat təşkil edir. Daxilə çoxsaylı qəbulundan sonra venlafaksinin və
ODV-nin stabil konsentrasiyası 3 gün ərzində əldə edilir. 75mq-dan 450mq/günə qədər doza
diapazonunda venlafaksinin və ODV-nin kinetikası xətti xarakter daşıyır.
Sorulması:
Birdəfəlik dozanın daxilə qəbulundan sonra venlafaksinin təxminən 92%-i sorulur.
Presistem metabolizm ilə əlaqədar bioloji mənimsənilməsi 40-45% təşkil edir. Venlafaksinin və
ODV-nin maksimal konsentrasiyası müvafiq olaraq 2 və 3 saat ərzində əldə olunur. Qida
məhsulları venlafaksinin və ODV-nin bioloji mənimsənilməsinə təsir göstərmir.
Paylanması:
Venlafaksin və ODV terapevtik konsentrasiyalarda plazma proteinləri ilə minimal dərəcədə
bağlanırlar (müvafiq olaraq 27% və 30%).
Biotransformasiyası:
Venlafaksin qaraciyərdə metabolizmə uğrayır. İn vitro və in vivo tədqiqatlar göstərir ki,
venlafaksinin əsas metabolitə, ODV-yə bioloji transformasiyası CYP2D6 izofermentinin iştirakı
ilə baş verir. Venlafaksinin daha aşağı aktivliyə malik olan metabolitə, N-dezmetilvenlafaksinə,
çevrilməsi CYP3А4 izofermentinin iştirakı ilə baş verir. Venlafaksin CYP2D6 izofermentinin
zəif inhibitorudur, CYP1A2, CYP2C9 və CYP3A4 izofermentlərini inhibə etmir.
Xaric olması:
Venlafaksin və onun metabolitləri əsasən böyrəklər vasitəsilə xaric olunur. Venlafaksinin
dozasının təxminən 87%-i 48 saat ərzində dəyişilməmiş venlafaksin (5%), konyuqasiya
olunmamış ODV (29%), konyuqasiya olunmuş ODV (26%) və ya qeyri-aktiv metabolitlər
şəklində sidiklə xaric olunur. Venlafaksinin və ODV-nin plazmada stabil konsentrasiyasının orta
klirensi müvafiq olaraq 1,3 l/saat/kq və 0,4 l/saat/kq təşkil edir.
Xüsusi pasiyent qrupları:
Yaş və cinsiyyət:
Pasiyentlərin yaşı və cinsiyyəti venlafaksinin və ODV-nin farmakokinetik xüsusiyyətlərinə
əhəmiyyətli dərəcədə təsir göstərmir.
CYP2D6 zəif/güclü metabolizatorları:
Plazmada venlafaksinin konsentrasiyası CYP2D6-nin güclü metabolizatorları ilə müqayisədə
zəif metabolizatorlarda daha yüksəkdir. Venlafaksinin və ODV-nin ümumi təsiri (AUC) zəif və
güclü metabolizatorlarda eyni olduğundan, venlafaksinin istifadəsində fərqli bir rejim yaratmaq
lazım deyil.
Qaraciyər funksiyasının pozğunluğu olan pasiyentlər:
Qaraciyər funksiyasının yüngül və orta dərəcəli pozğunluqları olan pasiyentlərdə sağlam
insanlarla müqayisədə venlafaksinin və ODV-nin yarımparçalanma dövrü daha çox,
venlafaksinin və ODV-nin peroral klirensi – daha az olmuşdur. Pasiyentlər arasında böyük
dəyişkənlik müşahidə olunub. Qaraciyər funksiyasının ağır pozğunluqları olan pasiyentlər üçün
kifayət qədər məlumat yoxdur.
Böyrək funksiyasının pozulması olan pasiyentlər:
Sağlam insanlarla müqayisədə dializdə olan pasiyentlərdə venlafaksinin yarımxaricolma dövrü
180% artıq, klirens təxminən 57% aşağıdır; ODV-nin yarımxaricolma dövrü təxminən 142%
artıq, klirens isə təxminən 56% aşağıdır. Böyrək funksiyalarının ağır pozğunluqları olan
pasiyentlərdə və hemodializdə olan pasiyentlərdə dozanın tənzimlənməsi tələb olunur.
İstifadəsinə göstərişlər
- Depressiyanın bütün növləri, eləcə də, həyəcan ilə əlaqəli depressiyalar.
- Spesifik həyəcan halları (o cümlədən, uzunmüddətli müalicə).
- Sosial fobiyalar və generalizəolunmuş həyəcan, o cümlədən uzunmüddətli müalicə.
- Aqarofobiya ilə və ya onsuz panika tutmaları, o cümlədən uzunmüddətli müalicə.
- Depressiya tutmalarının residivlərinin və ya depressiyanın yeni epizodlarının
profilaktikası.
Əks göstərişlər
- Venlafaksinə və ya preparatın hər hansı köməkçi maddəsinə qarşı yüksək həssaslıq.
- Monoaminooksidazanın (MAO) geridönməyən inhibitorları ilə eyni vaxtda istifadə, belə
ki, ajitasiya, əsmə və hipertermiya kimi simptomlarla serotonin sindromu riski vardır.
Venlafaksinlə müalicəyə MAO-nun geridönməyən inhibitorları ilə müalicə bitdikdən 14
gün sonra başlamaq lazımdır. Venlafaksinlə müalicəni, MAO-nun geridönməyən
inhibitorları ilə müalicəyə başlamazdan ən azı 7 gün əvvəl dayandırmaq lazımdır.
Yuxarıda qeyd edilən xəstəliklərdən və ya vəziyyətlərdən hər hansı biri olduqda, preparatı
istifadə etməzdən əvvəl bu barədə həkimə məlumat vermək lazımdır.
Xüsusi göstərişlər və ehtiyat tədbirləri
Suisid/suisidal fikirlər və ya xəstəliyin klinik ağırlaşması
Depressiya suisidal fikirlər, özünə zərər və suisid (intihar) riskinin artması ilə bağlıdır. Bu risk
əhəmiyyətli remissiya başlamayana qədər mövcuddur. Müalicə başlayandan ilk bir neçə həftə
ərzində və ya daha uzun müddət ərzində yaxşılaşma baş verməyə bilər, bu səbəbdən əhəmiyyətli
remissiyaya nail olana qədər pasiyentlərə diqqətli nəzarət olunmalıdır. Ümumi klinik təcrübə
göstərir ki, erkən sağalma mərhələsində suisidal cəhdlərin riski arta bilər.
Həmçinin müalicəsi üçün venlafaksindən istifadə edilən digər psixi pozğunluqlar da suisidal
cəhdlərin riskinin artması ilə bağlı ola bilər. Bundan əlavə, bu pozğunluqlar depressiya ilə yanaşı
ola bilər. Bu səbəbdən, depressiyanın müalicəsində olduğu kimi, digər psixi pozğunluqları olan
pasiyentlərin müalicəsi zamanı ehtiyatlı olmaq lazımdır.
Anamnezdə suisid halları olan və ya müalicəyə başlamazdan əvvəl aydın ifadə olunmuş suisidal
fikirləri qeyd edilən pasiyentlərdə, suisidal fikirlər və ya suisid cəhdləri riski daha yüksəkdir, bu
səbəbdən belə pasiyentlər diqqətli müşahidə altında olmalıdır. Plasebo qəbul edən pasiyentlər ilə
müqayisədə, 25 yaşdan aşağı olan və antidepressantlar qəbul edən pasiyentlərdə yüksək suisidal
davranış riski aşkar olunmuşdur.
Preparatın qəbulu zamanı, xüsusən də müalicənin başlanğıcında və dozanın korreksiyasından
sonra, pasiyentlər, əsasən də yüksək risk qrupuna aid olanlar, diqqətli müşahidə altında
olmalıdır. Pasiyentlər və onlara qulluq edən şəxslər klinik pisləşməni, suisidal davranışları və
suisid cəhdlərini, həmçinin qeyri-adi davranış dəyişikliyi müşahidə etmək zərurəti barədə
xəbərdar edilməlidir. Həmçinin onları xəbərdar etmək lazımdır ki, qeyd edilən əlamətlər
yarandıqda dərhal həkimə müraciət etmək lazımdır.
18 yaşa qədər uşaqlarda və yeniyetmələrdə istifadəsi:
Venlafaksin 18 yaşa qədər uşaqlarda və yeniyetmələrdə istifadə edilməməlidir. Uşaqların və
yeniyetmələrin iştirakı ilə aparılan klinik tədqiqatlarda plasebo qəbul edənlərlə müqayisədə daha
çox antidepressiv müalicədə olanlarda suisidə meyillik (intihar cəhdləri və suisidal fikirlər),
həmçinin aqressivliyi (əsasən, aqressivlik, düşmənçilik, qəzəb) göstərən davranış əlamətləri
müşahidə edilmişdir. Klinik ehtiyacı nəzərə alaraq, müalicəyə başlama qərarı verilirsə, intihara
meyilliyi göstərən davranış əlamətləri vaxtında müəyyən etmək üçün pasiyent diqqətli müşahidə
altında olmalıdır. Bundan əlavə uşaqlar və yeniyetmələrdə preparatın uzunmüddətli istifadəsinin
təhlükəsizliyinə, o cümlədən onların böyüməsinə və yetişməsinə, koqnitiv inkişafa və davranış
inkişafına təsirinə dair kifayət qədər məlumat yoxdur.
Serotonin sindromu:
Digər serotoninergik vasitələrin istifadəsində olduğu kimi, venlafaksinin istifadəsi zamanı, xüsusilə
də onun digər serotoninergik vasitələrlə (serotoninin geriyə tutulmasının selektiv inhibitorları,
serotoninin və noradrenalinin geriyə tutulmasının inhibitorları və triptanlar daxil olmaqla), MAO
inhibitorları (məsələn, metilen abısı) kimi serotoninin metabolizmini azaldan vasitələrlə və ya
antipsixotik vasitələrlə və ya dofaminin digər antaqonistləri ilə birgə istifadəsi zamanı həyat üçün
təhlükəli olan serotonin sindromu və ya bədxassəli neyroleptik sindroma oxşar reaksiyalar inkişaf
edə bilər.
Serotonin sindromunun əlamətləri psixi vəziyyətin dəyişməsini (məsələn, qıcıqlanma,
hallüsinasiyalar, koma), avtonom sinir sisteminin qeyri-stabilliyini (məsələn, taxikardiya, labil qan
təzyiqi, hipertermiya), sinir-əzələ fəaliyyətinin pozulmasını (məsələn, reflekslərin güclənməsi,
diskoordinasiya) və/və ya həzm sisteminin əlamətlərini (məsələn, ürəkbulanma, qusma, diareya)
daxil edə bilər. Serotonin sindromunun ən ağır forması həyati vacib göstəricilərin mümkün olan
kəskin dəyişiklikləri və psixi vəziyyətin dəyişkənliyi ilə olan hipertermiyanı, əzələ rigidliyini,
vegetativ sinir sisteminin qeyri-stabilliyini daxil edən bədxassəli neyroleptik sindromu (BNS)
xatırlada bilər.
Neyrotransmitter - serotoninergik və/və ya dofaminergik - sistemlərə təsir edə biləcək vasitələrin
venlafaksinlə birgə istifadəsi klinik cəhətdən əsaslandıqda, pasiyentlərin ciddi nəzarət altında
olması tələb olunur, xüsusilə də müalicənin əvvəlində və dozanın artırılması zamanı.
Venlafaksinin serotonin sələfləri (məsələn, tərkibində triptofan olan qida əlavələri) ilə birgə
istifadəsi tövsiyə olunmur.
Qapalı bucaqlı qlaukoma:
Venlafaksinin istifadəsi ilə əlaqədar midriaz inkişaf edə bilər. Gözdaxili təzyiqin yüksəlməsi ilə
pasiyentləri və kəskin qapalı bucaqlı qlaukoma inkişaf riski olan pasiyentləri diqqətlə izləmək
lazımdır
Qan təzyiqi:
Venlafaksinin istifadəsi ilə əlaqədar qan təzyiqinin dozadan asılı yüksəlməsi barədə məlumat
verilmişdir. Qeydiyyatdan sonrakı dövrdə əldə olunan təcrübə təcili müalicəyə ehtiyacı olan çox
yüksək qan təzyiqi hallarını təsdiq edir. Bütün pasiyentlərdə qan təzyiqi ölçülməlidir və pasiyentdə
əvvəllər hipertenziya olduqda, müalicəyə başlamazdan əvvəl ona nəzarət edilməlidir. Müalicəyə
başlamazdan sonra qan təzyiqi mütəmadi olaraq yoxlanılmalıdır, onu dozanın artırılmasından
sonra da yoxlamaq lazımdır. Qan təzyiqinin yüksəlməsi əsas xəstəlikləri (məsələn ürək
funksiyasının zəifləməsini) ağırlaşdıra bilən pasiyentlərin müalicəsi zamanı diqqətli olmaq
lazımdır.
Ürək yığılmalarının tezliyi:
Xüsusən dozaların artırılması zamanı ürək yığılmaları sürətlənə bilər. Ürək yığılmalarının
sürətlənməsi əsas xəstəliklərini pisləşdirə bilən pasiyentlərin müalicəsi zamanı diqqətli olmaq
lazımdır.
Ürək xəstəlikləri və aritmiya riski:
Venlafaksin anamnezində yaxınlarda miokard infarktı və ya qeyri-stabil stenokardiya qeyd olunan
pasiyentlər üzərində yoxlanılmayıb. Bu səbəbdən bu cür pasiyentlər venlafaksindən ehtiyatla
istifadə etməlidirlər.
Qeydiyyatdan sonrakı dövrdə əldə olunan təcrübə venlafaksinin istifadəsi nəticəsində, xüsusilə də
doza həddinin aşılması zamanı, ürək aritmiyasının ölümlə nəticələnən hallarını təsdiq edir. Ciddi
aritmiya riski yüksək olan pasiyentlərdə venlafaksini istifadə etməzdən əvvəl fayda/risk nisbətini
qiymətləndirmək lazımdır.
Qıcolmalar:
Venlafaksinin istifadəsi zamanı qıcolmalar inkişaf edə bilər. Bütün digər antidepressantlar kimi,
anamnezdə qıcolmaları olan pasiyentlərdə venlafaksinin istifadəsinə ehtiyatla başlanılmalıdır və
bu pasiyentlərin ciddi nəzarət altında olması tələb olunur. Pasiyentdə qıcolmalar müşahidə
olunduqda, müalicəni dayandırmaq lazımdır.
Hiponatriemiya:
Venlafaksinin istifadəsi zamanı hiponatriemiya və/və ya antidiuretik hormonun qeyri-adekvat
sekresiyası sindromu inkişaf edə bilər. Bu əksər hallarda maye itkisi və ya dehidratasiyası olan
pasiyentlərdə qeyd olunur. Diuretik vasitələr qəbul edən yaşlı pasiyentlərdə və digər səbəblərdən
dehidratasiya yaranan pasiyentlərdə bu əlavə təsirin yaranma riski yüksəkdir.
Patoloji qanaxma:
Serotoninin geriyə tutulmasını inhibə edən preparatlar trombositlərin funksiyasının zəifləməsinə
səbəb ola bilər. Venlafaksin qəbul edən pasiyentlərdə, mədə və bağırsaq qanaxma riski daxil
olmaqla, dəridən, selikli qişalardan qanaxma arta bilər. Serotoninin geriyə tutulmasının digər
inhibitorları kimi, venlafaksin qanaxmalara meyilli pasiyentlərdə, həmçinin antikoaqulyantları və
trombosit aqreqasiyasının inhibitorlarını qəbul edən pasiyentlərdə ehtiyatla istifadə olunmalıdır.
Serotoninin geriyə tutulmasının selektiv inhibitorları və serotoninin və noradrenalinin geriyə
tutulmasının selektiv inhibitorları (SGTSİ/SNGTSİ) doğuşdan sonrakı qanaxma riskini artıra
bilər.
Zərdabda xolesterin:
Plasebo-nəzarət olunan klinik tədqiqatda ən azı 3 ay ərzində venlafaksin qəbul edən pasiyentlərdə
zərdabda klinik əhəmiyyət kəsb edən xolesterinin səviyyəsinin yüksəlməsi 5,3% hallarda, plasebo
alan pasiyentlərin 0,0% qeyd edilmişdir. Uzunmüddətli müalicə zamanı zərdabda xolesterinin
səviyyəsini təyin etmək lazımdır.
Çəkini azaldan vasitələrlə eyni vaxtda istifadəsi:
Venlafaksinin çəkini azaldan vasitələrlə, o cümlədən fenterminlə, eyni vaxtda istifadəsinin
təhlükəsizliyi və effektivliyi haqqında məlumat yoxdur. Venlafaksini çəkini azaldan vasitələrlə eyni
vaxtda istifadəsi tövsiyə edilmir. Çəkini azaltmaq məqsədilə tək venlafaksini və ya digər
preparatlarla kombinasiyada istifadə etmək tövsiyə edilmir.
Maniya/hipomaniya:
Venlafaksin daxil olmaqla antidepressantlar qəbul edən, əhval pozğunluğu olan pasiyentlərin az bir
hissəsində maniya/hipomaniyanın yaranması mümkündür. Anamnezdə və ya ailəsində bipolyar
pozğunluqları olan pasiyentlərə venlafaksin, digər antidepressantlar kimi, ehtiyatla istifadə
olunmalıdır.
Aqressiya:
Venlafaksin daxil olmaqla antidepressantları qəbul edən az sayda pasiyentlərdə aqressiya yarana
bilər. Aqressiyanın yaranması haqqında müalicənin əvvəlində, dozanın dəyişdirilməsi zamanı və
müalicənin dayandırılması zamanı məlumat verilir.
Anamnezlərində aqressiyası olan pasiyentlərə venlafaksin, eləcə də digər antidepressantlar, ehtiyatla
istifadə olunmalıdır.
Müalicənin dayandırılması:
Müalicənin dayandırılması, xüsusilə də qəflətən dayandırılması, zamanı tez-tez ləğvetmə sindromu
müşahidə edilir. Klinik tədqiqatlarda müalicənin dayandırılması zamanı (dozanın azaldılması zamanı
və sonra) xoşagəlməz əlamətlər venlafaksin qəbul edən pasiyentlərin təxminən 31%-da və plasebo
alan pasiyentlərin 17%-da müşahidə olunur.
Ləğvetmə sindromu əlamətlərinin yaranma riski bir çox faktorlardan asılıdır, o cümlədən müalicənin
müddətindən, dozadan və onun azaldılması sürətindən. Ən çox başgicəllənmə, həssaslığın pozulması
(o cümlədən paresteziyalar), yuxu pozğunluğu (o cümlədən yuxusuzluq və parlaq yuxular), oyanıqlıq
və qorxu, ürəkbulanma və/və ya qusma, titrəmə və baş ağrısı kimi reaksiyalar barədə məlumat verilir.
Bu əlamətlərin əksəriyyəti yüngül və ya orta dərəcəli olur, lakin bəzi pasiyentlərdə onlar ağır ola
bilər. Əlamətlər, adətən, müalicənin dayandırılmasından sonra ilk günlər ərzində meydana çıxır,
lakin çox nadir hallarda preparatın dozasını təsadüfən qəbul etməyi unudan pasiyentlərdə də bu
əlamətlərin inkişafı barədə məlumat verilmişdir. Adətən, bu əlamətlər 2 həftə ərzində öz-özünə
keçib-gedir, amma bəzi pasiyentlərdə onlar uzun müddət davam edə bilər (2-3 ay və daha çox). Bu
səbəbdən müalicəni dayandırdıqda venlafaksinin dozasını pasiyentin ehtiyaclarına uyğun olaraq bir
neçə həftə və ya ay ərzində tədricən azaltmaq tövsiyə olunur.
Akatiziya/psixomotor narahatlıq:
Venlafaksinin istifadəsi subyektiv olaraq xoşagəlməz və ya mane olan narahatlıq və sakit
oturmaq və ya yerində dayana bilməmək ilə müşayiət olunan tez-tez hərəkət etmək ehtiyacı ilə
xarakterizə olunan akatiziyanın inkişafı ilə bağlıdır. Bu əlamətlər daha tez-tez müalicənin ilk
həftələrində inkişaf edir. Bu əlamətlər inkişaf edən pasiyentlərə dozanın artırılması zərərli ola
bilər.
Ağızda quruluq:
Venlafaksin istifadə edən pasiyentlərin 10%-da ağızda quruluq kimi əlavə təsir haqqında
məlumat verilir. Bu baxımdan kariyes təhlükəsi yüksələ bilər, bu səbəbdən pasiyentlərə dişlərin
gigiyenasına ciddi riayət etmək tövsiyə edilməlidir.
Şəkərli diabet:
Şəkərli diabetli pasiyentlərdə venlafaksinlə müalicə qlikemiyanın nəzarətinə təsir göstərə bilər.
İnsulinin və/və ya peroral antidiabetik vasitənin dozasının korreksiyası tələb oluna bilər.
Seksual disfunksiya:
Venlafaksin kimi preparatlar (SGTSİ/SNGTSİ ) seksual disfunksiya əlamətlərinə səbəb ola bilər.
Bəzi hallarda bu simptomlar hətta terapiya dayandırıldıqdan sonra da davam edir.
Dərman vasitələri-laborator analizlərini qarşılıqlı təsiri
Venlafaksinlə müalicə olunan pasiyentlərdə analizin spesifikliyinin olmaması səbəbindən sidik
analizində fensiklidin və amfetaminin yanlış müsbət nəticələribildirilmişdir. Yanlış müsbət test
nəticələri venlafaksinlə müalicə dayandırıldıqdan bir neçə gün sonra gözlənilir. Venlafaksin
xüsusi testlərlə fensiklidin və amfetamindən fərqləndirilə bilər.
Köməkçi maddələr haqqında xüsusi məlumat:
Venlafaksin preparatının tərkibində laktoza vardır, bu səbəbdən preparat nadir irsi qalaktoza
dözümsüzlüyü, Lapp-laktaza defisiti və ya qlükoza-qalaktoza malabsorbsiyası olan pasiyentlərin
müalicəsi üçün istifadə edilməməlidir.
Digər dərman vasitələri ilə qarşılıqlı təsiri
Monoaminooksidazanın inhibitorları (MAOİ)
Geri dönməyən qeyri-selektiv MAOİ
Venlafaksin preparatını geri dönməyən qeyri-selektiv MAOİ ilə birlikdə istifadə etmək olmaz.
Venlafaksin preparatının istifadəsini geri dönməyən qeyri-selektiv MAOİ-nın istifadəsi
dayandırıldıqdan sonra 14 gündən tez başlamaq olmaz. Venlafaksin preparatının istifadəsini geri
dönməyən qeyri-selektiv MAOİ-nın istifadəsini başlamazdan ən azı 7 gün əvvəl dayandırmaq
lazımdır.
Geri dönən selektiv MAOİ (moklobemid):
Serotonin sindromu riski ilə əlaqədar venlafaksin preparatının geri dönən və selektiv MAOİ,
məsələn, moklobemid preparatı ilə kombinasiyası tövsiyə edilmir. MAOİ ilə müalicədən sonra
və venlafaksin preparatının istifadəsinə başlamazdan əvvəl ləğvetmə müddəti ən azı 14 gündür.
Dönən MAOİ ilə müalicədən ən azı 7 gün əvvəl venlafaksin preparatının istifadəsini
dayandırmaq tövsiyə edilir.
Geridönən qeyri-selektiv MAOİ (linezolid):
Antibakterial dərman vasitəsi olan linezolid, zəif geri dönən və qeyri-selektiv təsirli MAOİ-dir
və müalicə zamanı venlafaksin preparatı qəbul edən pasiyentlərə linezolid təyin etmək olmaz.
Venlafaksin istifadəsinə başlamazdan əvvəl MAOİ-nın istifadəsini qısa müddət dayandıran
pasiyentlərdə və ya MAOİ-nın istifadəsinə başlamazdan əvvəl venlafaksin istifadəsini qısa
müddət dayandıran pasiyentlərdə ciddi əlavə təsirlərın baş verməsi barədə məlumatlar var. Bu
cür əlavə təsirlərə titrəmə, mioklonus (əzələlərin xəstəliyi), diaforez (həddindən artıq tərləmə),
ürəkbulanma, qusma, dərinin qızarması, başgicəllənmə, bədxassəli neyroleptik sindromu
xatırladan əlamətlərlə hipertermiya, qıcolmalar və ölüm aiddir.
Serotonin sindromu:
Venlafaksinlə müalicə, digər serotoninegik preparatlarla müalicə kimi, həyat üçün potensial
təhlükəli vəziyyətin – serotonin sindromun meydana çıxmasına səbəb ola bilər, xüsusilə
serotoninergik neyroötürülmə sisteminə təsir edən digər preparatlarla (o cümlədən, triptan,
serotoninin geriyə tutulmasının selektiv inhibitorları, serotoninin və noradrenalinin geriyə
tutulmasının selektiv inhibitorları, litium, sibutramin, tramadol, dazıotu [Нypericum perforatum]
preparatları), serotoninin metabolizmini zəiflədən dərman vasitələri (məsələn MAOİ, metilen
abısı kimi) və ya serotonin sələfləri (məsələn, tərkibində triptofan olan qida əlavələri) ilə birlikdə
istifadə edildikdə.
Venlafaksin preparatını SGTSİ, SNGTSİ və ya serotonin reseptorlarının aqonisti ilə (triptofan)
eyni zamanda istifadəsi klinik cəhətdən əsaslandırıldıqda, pasiyentlərə ciddi nəzarət etmək
tövsiyə edilir, xüsusilə müalicənin əvvəlində və doza artırıldıqda. Venlafaksini serotonin sələfləri
ilə (məsələn, tərkibində triptofan olan qida əlavələri) eyni zamanda istifadə etmək tövsiyə
edilmir.
MSS-ə təsir edən preparatlar:
Venlafaksinin və MSS-nə təsir göstərən digər preparatların eyni zamanda istifadə edilməsi riski
sistematik şəkildə tədqiq edilməyib. Bu səbəbdən, venlafaksini MSS-nə təsir göstərən digər
preparatlarla eyni zamanda ehtiyatla istifadə etmək lazımdır.
Etil spirti
Venlafaksin etil spirtinin istifadəsi nəticəsində baş verən psixi və hərəki fəaliyyətin pisləşməsini
gücləndirmir. Lakin, MSS-nə təsir göstərən digər preparatların istifadəsi zamanı olduğu kimi,
venlafaksinin istifadəsi zamanı alkoqolun istifadəsi tövsiyə olunmur.
QT intervalını uzadan preparatlar:
Venlafaksini QTc intervalının uzadan digər preparatlarla birlikdə istifadə etdikdə, QTc
intervalının uzanma və/və ya mədəcik aritmiyası (məsələn, torsades de pointes) riski yüksəlir.
Bu cür dərman preparatlarının eyni zamanda istifadəsindən çəkinmək lazımdır.
Bu növ dərman vasitələrinə aşağıdakılar aiddir:
˗ Ia və III-cü sinif antiaritmik preparatlar (məsələn, xinidin, amiodaron, sotalol,
dofetilidin);
˗ bəzi antipsixotik preparatlar (məsələn, tioridazin);
˗ makrolid qrupundan olan bəzi antibiotik preparatlar (məsələn, eritromisin);
˗ bəzi antihistamin preparatlar;
˗ xinolon qrupundan olan bəzi antibiotik preparatlar (məsələn, moksifloksasin).
Yuxarıda göstərilən siyahı tam deyil, bu səbəbdən QT intervalını uzadan digər preparatların
istifadəsindən çəkinmək lazımdır.
Venlafaksin preparatının sitoxrom P450 izofermentləri vasitəsi ilə metabolizmə uğrayan digər
preparatlara təsiri
İn vivo tədqiqatlarda venlafaksinin CYP2D6 izofermentinin nisbətən zəif inhibitoru olması
müəyyən edilib. Venlafaksin, in vivo şəraitdə CYP3A4 (alprazolam və karbamazepin), CYP1A2
(kofein) və CYP2C9 (tolbutamid) və ya CYP2C19 (diazepam) izofermentlərini inhibə etmir.
Digər dərman preparatlarının venlafaksinə təsiri
Ketokonazol (CYP3A4 izofermentinin inhibitoru)
Ketokonazolun istifadəsi ilə aparılan farmakokinetik tədqiqat zamanı, ketokonazolun
istifadəsindən sonra venlafaksinin CYP2D6 izofermentinin güclü və zəif metabolizatorlarının
AUC göstəriciləri (müvafiq olaraq 70 % və 21 %) və O-dezmetilvenlafaksinin AUC göstəricisi
(müvafiq olaraq 33 % və 23 %) artır. Venlafaksin preparatının CYP3A4 izofermentinin
inhibitorları ilə (məsələn, atazanavir, klaritromisin, indinavir, intrakonazol, vorikonazol,
posakonazol, ketokonazol, nelfinavir, ritonavir, sakvinavir, telitromisin) eyni zamanda istifadəsi
venlafaksinin və O-dezmetilvenlafaksinin konsentrasiyalarının yüksəlməsinə səbəb ola bilər. Bu
səbəbdən, CYP3A4 inhibitorlarını və venlafaksini eyni zamanda istifadəsi zamanı ehtiyatlı
olmaq lazımdır.
Venlafaksinin digər dərman vasitələrinə təsiri:
Litium:
Venlafaksinin litiumla eyni zamanda istifadəsi zamanı serotonin sindromu inkişaf edə bilər
(“Serotonin sindromuna” baxın).
Diazepam:
Venlafaksin diazepamın və onun aktiv metabolti olan dezmetildiazepamın farmakokinetika və
farmakodinamikasına təsir göstərmir. Ehtimal edilir ki, diazepam həmçinin, venlafaksinin və Odezmetilvenlafaksinin farmakokinetikasına təsir göstərmir. Venlafaksinin digər
benzodiazepinlərlə farmakokinetik və/və ya farmakodinamik qarşılıqlı təsirin olması məlum
deyil.
İmipramin:
Venlafaksin imipraminin və 2-OH-imipraminin farmakokinetikasına təsir göstərmir. Gündə 75
mq-dan 150 mq-a qədər dozada venlafaksin istifadə etdikdə 2-OH-imipraminin AUC
göstəricisinin 2,5 – 4,5 dəfə dozadan asılı artması müşahidə olunur. İmipramin venlafaksinin və
O-dezmetilvenlafaksinin farmakokinetikasına təsir göstərmir. Bu qarşılıqlı təsirin klinik
əhəmiyyəti məlum deyil. İmipramin və venlafaksinin eyni zamanda istifadəsi zamanı ehtiyatlı
olmaq lazımdır.
Haloperidol:
Haloperidolun istifadəsi ilə aparılan farmakokinetik tədqiqat göstərmişdir ki, haloperidolun
ümumi peroral klirensi 42 % aşağı düşür, AUC göstəricisi 70 % yüksəlir, Cmax 88 % artır, lakin
yarımxaricolma dövrü dəyişmir. Haloperidol və venlafaksin preparatlarını eyni zamanda istifadə
etdikdə bunları nəzərə almaq lazımdır. Bu qarşılıqlı təsirin klinik əhəmiyyəti məlum deyil.
Risperidon:
Venlafaksin risperidonunu AUC göstəricisini 50 % artırır, lakin ümumi aktiv qalığın (risperidon
+ 9-hidroksirisperidon) farmakokinetik profilini əhəmiyyətli dərəcədə dəyişmir. Bu qarşılıqlı
təsirin klinik əhəmiyyəti məlum deyil.
Metoprolol:
Hər iki preparatın farmakokinetik qarşılıqlı təsirlərinin tədqiqatında, sağlam könüllülərdə eyni
zamanda venlafaksin və metoprolol preparatlarını eyni zamanda istifadə etdikdə, qan plazmasında
metoprololun konsentrasiyası təxminən 30-40 % yüksəlir, onun aktiv metaboliti olan αhidroksimetoprololun konsentrasiyası dəyişmir. Hipertenziyadan əziyyət çəkən pasiyentlərdə bu
qarşılıqlı təsirin klinik əhəmiyyəti məlum deyil. Metoprolol venlafaksinin və ya onun aktiv
metaboliti olan O-dezmetilvenlafaksinin farmakokinetik profilini dəyişmir. Venlafaksin və
metoprolol preparatlarını eyni zamanda ehtiyatla istifadə etmək lazımdır.
İndinavir:
İndinavirin istifadəsi ilə aparılan farmakokinetik tədqiqat göstərir ki, onun AUC göstəricisi 28 %
aşağı düşür, lakin Cmax 36 % aşağı düşür. İndinavir venlafaksinin və O-dezmetilvenlafaksinin
farmakokinetikasına təsir göstərmir. Bu qarşılıqlı təsirin klinik əhəmiyyəti məlum deyil.
Peroral kontraseptiv vasitələr:
Qeydiyyatdan sonrakı dövrdə, venlafaksinlə eyni zamanda peroral kontraseptiv vasitələrdən
istifadə edən qadınlarda arzuolunmaz hamiləliklərin baş verməsi barədə məlumatlar var. Bu
hamiləliklərin venlafaksinlə qarşılıqlı təsirin nəticəsi olması barədə kifayət qədər məlumat
yoxdur. Hormonal preparatlarla qarşılıqlı təsirin öyrənilməsi istiqamətində araşdırmalar
aparılmayıb.
Preparatla müalicəyə başlamazdan əvvəl hər hansı digər preparatların qəbulu barədə həkimi
məlumatlandırmaq lazımdır.
Hamiləlik və laktasiya dövründə istifadəsi
Hamiləlik:
Hamilələrdə venlafaksinin istifadəsi barədə kifayət qədər məlumat yoxdur.
Heyvanlar üzərində aparılan tədqiqatlar reproduktiv toksikliyin olmasını göstərmişdir. İnsanlar
üçün potensial risk məlum deyil. Hamilə qadınlara venlafaksin ana üçün gözlənilən fayda döl
üçün potensial təhlükədən üstün olduqda istifadə oluna bilər.
Venlafaksin qısa müddət doğumdan əvvəl tətbiq olunduqda, yenidoğulmuşlarda ləğvetmə
sindromu əlamətləri baş verə bilər. Hamiləliyin üçüncü trimestrində venlafaksinin təsirinə məruz
qalan bəzi yenidoğulmuşlarda ağırlaşmalar inkişaf etmişdir, onların müalicəsi üçün zond
vasitəsilə qidalanma, süni tənəffüs və uzunmüddətli hospitalizasiya tələb olunmuşdur. Bu cür
ağırlaşmalar doğumdan dərhal sonra baş verə bilər.
Hamiləliyin sonuncu aylarında venlafaksinin tətbiqi yenidoğulmuşlarda persistə olunmuş ağciyər
hipertenziyanın riskini artıra bilər.
Hamiləliyin son dövründə tətbiqi zamanı yenidoğulmuşda ləğvetmə simptomları müşahidə oluna
bilər: qıcıqlanma, titrəmə, hipotoniya, daimi ağlama, əmmənin çətinləşməsi və ya yuxu
pozğunluğu. Çox hallarda bu ağırlaşmalar doğumdan dərhal sonra müşahidə olunur və ya 24 saat
ərzində inkişaf edir.
Hamiləliyin sonuna yaxın venlafaksinin qəbulu zamanı, xüsusən də anemnezdə qanaxma
pozğunluqları olduqda, doğuşdan sonrakı qanaxma riski artır. Həkimin pasiyentin venlafaksin
qəbul etdiyi barədə məlumatı olmalıdır ki, ona müvafiq məsləhətləri verə bilsin.
Laktasiya dövrü:
Venlafaksin və onun metaboliti ana südü ilə ifraz olunur. Qeydiyyatdan sonrakı dövrdə əldə
edilən təcrübə körpələrdə ağlama, qıcıqlanma və yuxu pozğunluğunu sübut edir. Venlafaksinin
ləğvetmə sindromu əlamətləri ana südü ilə qidalandırmanın dayandırılmasından sonra da
müşahidə olunur. Ana südü ilə qidalandırılan körpələrdə riski istisna etmək mümkün deyil.
Bu səbəbdən, uşağı ana südü ilə qidalandırmaq və ya qidalandırmanı dayandırmaq, həmçinin
venlafaksinlə müalicənin davam etdirilməsi/dayandırılması qərarını vermək üçün ana südü ilə
qidalandırmanın uşaq üçün faydasını və venlafaksinlə müalicənin qadın üçün faydasını
qiymətləndirmək lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Sinir sisteminə təsir göstərən digər preparatlar kimi, venlafaksin nəqliyyat vasitələrini və digər
potensial təhlükəli mexanizmləri idarəetmə qabiliyyətinə təsir göstərə bilər. Preparatın istifadəsi
zamanı nəqliyyat vasitəsini idarə etməzdən və ya texniki cihazlarla işləməzdən əvvəl, əmin
olmaq lazımdır ki konsentrasiya qabiliyyəti və hərəkətlərin koordinasiyası pozulmayıb.
VENLAKSOR İstifadə qaydası və dozası
Daxilə qəbul üçün nəzərdə tutulub.
Preparatı yemək vaxtı və hər gün eyni vaxtda qəbul etmək tövsiyə olunur. Tabletləri bütöv
şəkildə, kifayət qədər maye ilə qəbul etmək lazımdır.
Böyüklər
Adi başlanğıc doza 75 mq təşkil edir. Sutkalıq doza 2 birdəfəlik dozaya bölünür. Ehtiyac
olduqda, 2 həftədən sonra dozanı 2-3 qəbula bölməklə 150 mq-a qədər artırmaq olar. Terapevtik
effektədn asılı olaraq, dozanı sonradan 225 mq-a qədər artırıla bilər. Adətən dozanı hər 4 gündən
bir 75 mq artırmaq olar.
Stasionar şəraitlərdə ağır xəstəliklər zamanı başlanğıc gündəlik doza 150 mq təşkil edir, ehtiyac
olduqda, doza tədricən 3 birdəfəlik dozaya bölünməklə maksimal gündəlik dozaya 375 mq-a
qədər artırılır.
Terapevtik effekt əldə edildikdən sonra doza tədricən azaldılır.
Yaşlı pasiyentlərdə dozanın korreksiysı tələb edilmir. Müalicəni ehtiyatla aparmaq lazımdır
(məsələn, böyrəklərin fəaliyyətinin posulması mümkünlüyü ilə əlaqədar olaraq,
neyromediatorlara qarşı həssaslığın və oxşarlığın dəyişməsi mümkündür). Hər zaman dozanın
artırılmasına ehtiyac oduqda, ən aşağı effektiv dozanı seçmək və pasiyentin vəziyyətinə ciddi
nəzarət etmək lazımdır.
Qaraciyərin yüngül və orta dərəcəli pozğunluğu olan pasiyentlər üçün dozanın 50%-ə qədər
azaldılmasını nəzərdən keçirmək olar. Lakin klirensin fərdi dəyişməsini nəzərə alaraq, dozanın
fərdi korreksiyası tələb edilə bilər. Qaraciyər fəaliyyətinin ağır pozğunluğu olan pasiyentlərdə
ehtiyatlı olmaq və dozanı 50%-dən artıq azaldılmasını nəzərdən keçirmək məsləhət görülür.
Qaraciyər fəaliyyətinin ağır pozğunluğu olan pasiyentlərin müalicəsi zamanı mümkün fayda-risk
nisbətini qiymətləndirmək lazımdır.
Yumaqcıq filtrasiyasının sürəti (YFS) 30-70 ml/dəqiqə ilə böyrək fəaliyyətinin pozğunluğu olan
pasiyentlərdə dozanı dəyişməyə ehtiyac yoxdur, lakin ehtiyatlı olmaq məsləhət görülür.
Hemodializ vacib olan və böyrək funksiyasının ağır pozğunluğu (YFS ˂30 ml/dəqiqə) olan
pasiyentlərdə dozanı 50%-ə qədər azaltmaq lazımdır. Klirensin fərdi dəyişməsilə əlaqədar
dozanın korreksiyası tələb oluna bilər.
Uşaqlar və 18 yaşdan aşağı yeniyetmələrdə venlafaksinin istifadəsinin effektivliyi və
təhlükəsizliyi barədə məlumat olmadığı üçün preparatın qəbulu əks göstərişdir.
Venlafaksinin istifadəsinin dayandırılması zamanı ləğvetmə simptomları
Venlafaksinlə müalicəni qutaran zaman ləğvedilmə reaksiyasının inkişafı riskinin qarşısını
almaq üçün dozanı ən azı bir və ya iki həftə ərzində tədricən azaltmaq lazımdır. Dozanın
azaldılmasından və ya müalicəni dayandırdıqdan sonra həddindən artıq həyəcan simptomları
yarandıqda, əvvəlki dozanın bərpasını nəzərdən keçirmək lazımdır. Bundan sonra həkim dozanı
tədricən azalda, lakin asta-asta azaltmağa davam edə bilər.
Preparatın istifadəsi ötürüldükdə, dərhal unudulan dozanı qəbul etmək lazımdır. Ötürülən
dozanın əvəzinə ikiqat doza qəbul etmək olmaz. Sonra preparatın istifadəsini həkim tövsiyəsi ilə
davam etdirmək lazımdır.
Əlavə təsirləri
Ən çox rast gəlinən əlavə təsirlərə ürəkbulanma, ağızda quruluq, başağrı və tərləmə (gecə
tərləmələri daxil olmaqla) aiddir.
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100
- < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir
hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün
deyil).
Qan və limfa sisteminin pozğunluqları
Məlum deyil – trombositopeniya, aqranulositoz, aplastik anemiya, neytropeniya, pansitopeniya
daxil olmaqla qan sisteminin pozğunluqları.
İmmun sisteminin pozğunluqları
Məlim deyil – anafilaktik reaksiyalar.
Endokrin sisteminin pozğunluqları
Məlum deyil – antidiuretik hormonun ifrazının qeyri-müvafiq sindromu.
Maddələr mübadiləsi və qidalanma pozğunluqları
Tez-tez – iştahanın azalması.
Məlum deyil – hiponatriemiya.
Psixikanın pozğunluqları
Tez-tez – çaşqınlıq hissi, depersonalizasiya, anorqazmiya, cinsi həvəsin azalması, nervozluq,
yuxusuzluq, qeyri-adi yuxular.
Bəzən – hallüsinasiyalar, derealizasiya, ajitasiya, dəyişilmiş orqazm (qadınlarda), apatiya,
hipomaniya, bruksizm.
Nadir hallarda – maniya.
Məlum deyil – suisidal fikirlər və suisidal davranış*, deliriy, aqressiya*.
Sinir sisteminin pozğunluqları
Çox tez-tez – başgicəllənmə, başağrı**.
Tez-tez – yuxululuq, əsmə, paresteziya, hipertoniya.
Bəzən – akatiziya, psixomotor narahatlıq, bayılma, mioklonus, koordinasiyanın dəyişməsi,
tarazlığın pozulması, dadbilmənin pozulması.
Nadir hallarda – konvulsiyalar.
Məlum deyil – bədxassəli neyroleptik sindrom (BNS), serotoninergik sindrom, distoniya və
diskineziya daxil olmaqla ekstrapiramid pozğunluqlar, gecikmiş diskeniziya.
Gözlərın pozğunluqları
Tez-tez – görmənin pozulması, o cümlədən, qeyri-aydın görmə, midriaz, akkomodasiyanın
pozulması.
Məlum deyil – qapalı bucaqlı qlaukoma.
Eşitmə və labirint pozğunluqları
Tez-tez – qulaqlarda küy.
Məlum deyil – vertiqo.
Ürək funksiyasının pozğunluğu
Tez-tez – ürək döyüntülərinin artması.
Bəzən – taxikardiya.
Məlum deyil – mədəcik fibrillyasiyası, mədəcik taxikardiyası (torsade de pointes daxil
olmaqla).
Qan sisteminin pozğunluqları
Tez-tez – hipertenziya, qan damarlarının genişlənməsi (ən çox qizartı kimi).
Bəzən – ortostatik hipotenziya.
Məlum deyil – hipotenziya, qanaxma (o cümlədən, selikli qişalardan).
Tənəffüs sistemi, döş qəfəsi və divararalığı orqanlarının pozğunluqları
Tez-tez - əsnəmə.
Bəzən – təngnəfəslik.
Məlum deyil – ağciyərlərin eozinofiliyası.
Mədə-bağırsaq sisteminin pozğunluqları
Çox tez-tez – ürəkbulanma, ağızda quruluq.
Tez-tez – qusma, diareya, qəbizlik.
Bəzən – mədə-bağırsaq sistemində qanaxma.
Məlum deyil – pankreatit.
Qaraciyər və/ya öd yollarının pozğunluqları
Məlum deyil – hepatit, qaraciyər funksiyasının göstəricilərinin dəyişməsi.
Dəri və dərialtı toxumanın pozğunluqları
Çox tez-tez – çox tərləmə (o cümlədən gecələr);
Bəzən – angioedem, fotohəssaslıq reaksiyaları, dərialtı qanaxmalar, səpgilər, alopesiya.
Məlum deyil – Stivens-Conson sindromu, multiformalı eritema, toksik epidermal nekroliz,
qaşınma, övrə.
Skelet-əzələ sistemi və birləşdirici toxumanın pozğunluqları
Məlum deyil – rabdomioliz.
Böyrəklər və sidikçıxarıcı yolların pozğunluqları
Tez-tez – dizuriya (əsasən, sidiyəgetmə qabiliyyətinin olmaması), pollakiuriya.
Bəzən – sidiyin ləngiməsi.
Nadir hallarda – sidiyin saxlanmazlığı.
Reproduktiv sistemi və süd vəzilərinin pozğunluqları
Tez-tez – qeyri-müntəzəm və ya güclü qanaxma ilə əlaqədar olan menstrual siklin pozulması
(məsələn, menorragiya, metrorragiya), eyakulyasiyanın pozulması, erektil disfunksiya, doğuşdan
sonrakı qanaxmalar ***.
Ümumi pozğunluqlar və istifadə nahiyəsində reaksiyalar
Tez-tez – asteniya, yorğunluq, titrətmə.
Müayinələr
Tez-tez – qanda xolesterinin səviyyəsinin artması.
Bəzən – bədən çəkisinin artması və ya azalması.
Məlum deyil – elektrokardioqramda QT intervalının uzanması, qanın laxtalanmasının ləngiməsi,
qanda prolaktinin səviyyəsinin yüksəlməsi.
*Venlafaksinin istifadəsi zamanı və ya istifadəsi dərhal dayandırıldıqdan sonra suisidal fikirlər
və suisidal davranış barədə məlumatlar qeyd edilmişdir (“Xüsusi göstərişlər və ehtiyat
tədbirləri” bölməsinə baxın).
**“Xüsusi göstərişlər və ehtiyat tədbirləri” bölməsinə baxın.
***Birləşmiş klinik tədqiqatlarda venlafaksinin istifadəsi zamanı başağrının baş vermə tezliyi,
venlafaksin və plaseboda eyni olmuşdur.
**** Bu hal SGTSİ/SNRGTSİ terapevtik sinfi üçün bildirilmişdir.
Müalicənin dayandırılması:
Venlafaksinlə müalicənin dayandırılması zamanı tez-tez ləğvedilmə sindromu yaranır (xüsusilə
qəflətən). Ən çox aşağıdakı reaksiyalar barədə məlumat verilib: başgicəllənmə, həssaslığın
pozulması (o cümlədən, paresteziya), yuxu pozğunluğu (o cümlədən, yuxusuzluq və parlaq
yuxular), oyanıqlıq və ya narahatlıq, ürəkbulanma və/ya qusma, əsmə, başağrı və qrip sindromu.
Bu simptomlar, əsasən, yüngül və ya orta təzahürlü olur və öz-özünə keçir, lakin bəzi
pasiyentlərdə bu əlamətlər, nəzərəçarpan və/ya uzunmüddətli ola bilər. Bu səbəbdən artıq
venlafaksinlə müalicə tələb edilmədikdə, onun istifadəsini dozanı tədricən azaltmaqla,
dayandırmaq məsləhət görülür.
Uşaqlar və 18 yaşa qədər yeniyetmələr:
Pediatrik pasiyentlərdə xüsusilə aşğıdakı əlavə təsirlər müşahidə edilmişdir: qarın nahiyəsində
ağrı, narahatlıq, dipepsiya, qansızma, burun qanaxması və mialgiya.
Ümumilikdə, venlafaksanın uşaqlarda və yeniyetmələrədə əlavə təsirlərin profili (6-17 yaş),
böyüklərdə olduğu kimidir. Böyüklərdə o cümlədən, iştahanın azalması, bədən çəkisinin
azalması, qan təzyiqinin və zərdabda xolesterinin səviyyəsinin yüksəlməsi müşahidə edilmişdir.
Pediatrik klinik tədqiqatlarda suisidal fikirlərlə əlaqədar olan əlavə təsirlər müşahidə edilmişdir.
Düşmənçilik hissi və depressiyanın xüsusi pozulma vəziyyəti, özünəqəsd barədə məlumat
verilmişdir.
Yuxarıda qeyd edilən və içlik vərəqədə qeyd edilməyən əlavə təsirlər yarandıqda, həkimə
müraciət etmək vacibdir.
Doza həddinin aşılması
Qeydiyyatdan sonrakı dövrdə əldə edilən təcrübə göstərir ki, venlafaksin ilə doza həddinin
aşılması, əsasən, eyni vaxtda alkoqol və/ya digər preparatların qəbulu ilə əlaqədardır.
Simptomları:
Taxikardiya, şüur səviyyəsinin dəyişməsi (yuxululuqdan komaya qədər), midriaz, qıcolmalar və
qusma. Digər simptomlara elektrokardioqramda dəyişikliklər (məsələn, QT intervalının
uzanması, ürəyin elektrik impulslarının keçiriciliyinin pozulması, QRS intervalının uzanması),
mədəcik taxikardiyası, bradikardiya, hipotenziya, başgicəllənmə və yüksək ölüm riski daxildir.
Müalicəsi:
Müalicə simptomatikdir, ürək ritminə və digər həyati vacib göstəricilərə nəzarət tələb olunur.
Aspirasiya riski mövcud olduqda, qusma yaratmaq məsləhət görülmür. Preparatın istifadəsindən
dərhal sonra və ya müvafiq simptomları olan pasiyentlərin mədəsini yumaq olar. Təsiredici
maddənin sorulmasını aktivləşdirilmiş kömürün istifadəsi ilə məhdudlaşadırmaq olar.
Gücləndirilmiş diurezin, dializin, hemoperfuziyanın və ya qanın mübadiləli köçürülməsinin
faydalı olması az ehtimal edilir. Venlafaksinin spesifik antidotları məlum deyil.
Doza həddinin aşılması halında həkimə müraciət etmək lazımdır.
Buraxılış forması
10 tablet polivinilxlorid örtüklü və alüminium folqalı blisterdə. 3 blister içlik vərəqə ilə birlikdə
karton qutuya qablaşdırılır.
Aptekdən buraxılma şərti
Resept əsasında buraxılır.