Pharmed

VELAXIN 37,5MG N28 CAP

VELAKSİN 37,5 mq, 75 mq, 150 mq uzunmüddətli təsirə malik kapsullar
VELAXIN®

Beynəlxalq patentləşdirilməmiş adı: Venlafaksin

Bu dərman preparatının istifadəsinə başlamazdan əvvəl, bu içlik vərəqəni sona qədər və diqqətlə
oxumaq lazımdır, çünki burada pasiyent üçün mühüm məlumat yerləşdirilib.
Bu içlik vərəqəni saxlamaq lazımdır. Ehtimal var ki, onun təkrar oxunması tələb oluna bilər.
Əlavə suallar meydana çıxdıqda, həkimə və ya əczaçıya müraciət etmək lazımdır.
Bu dərman preparatı hər bir pasiyentə fərdi olaraq təyin olunur. Onu digər şəxslərə vermək
olmaz. Digər şəxslərdə eyni xəstəlik simptomlarının olmasına belə baxmayaraq, preparat onların
sağlamlığı üçün zərərli ola bilər.
Hər hansı əlavə effekt meydana çıxdıqda və ya bu içlik vərəqədə qeyd olunmayan əlavə effektlər
aşkar olunduğu halda, həkimi və ya əczaçını məlumatlandırmaq vacibdir.

VELAKSIN Tərkibi

Təsiredici maddə: 1 kapsulda 37,5 mq, 75 mq və 150 mq venlafaksin (müvafiq olaraq, 42,42
 mq, 84,84 mq və 169,68 mq venlafaksin hidroxlorid şəklində) vardır.
Köməkçi maddələr: mikrokristallik sellüloza, natrium xlorid, etilsellüloza, talk, dimetikon,
 kalium xlorid, kopovidon, susuz kolloid silisium, ksantan kitrəsi, sarı
 dəmir oksid.
Örtük: CONI-SNAP-3 (Velaksin® 37,5 mq) kapsulları: sarı dəmir oksid,
 indiqokarmin FD və C göy 2, eritrozin FD və C qırmızı 3, titan dioksid,
 jelatin.
 CONI-SNAP-2 (Velaksin® 75 mq) və CONI-SNAP-0EL (Velaksin® 150 mq)
 kapsulları: sarı dəmir oksid, qırmızı dəmir oksid, titan dioksid, jelatin.

Təsviri
Velaksin® 37,5 mq: rəngsiz, şəffaf gövdəli 43000 və açıq-narıncı rəngli qapaqlı L530,
özübağlanan, CONI-SNAP 3 bərk jelatin kapsullardır.
Velaksin® 75 mq: rəngsiz, şəffaf gövdəli 43000 və narıncı-qonur rəngli qapaqlı L570,
özübağlanan, CONI-SNAP 2 bərk jelatin kapsullardır.
Velaksin® 150 mq: rəngsiz, şəffaf gövdəli 43000 və narıncı-qonur rəngli qapaqlı L570,
özübağlanan, CONI-SNAP 0EL bərk jelatin kapsullardır.
Kapsulların üzərində heç bir nişanlanma yoxdur. Kapsulların səthində heç bir zədələnmə və ya
toz izləri olmamalıdır. Kapsulların içərisində qoxusuz və ya demək olar ki, qoxusuz, ağ və sarı
rəngli pellet vardır.

ATC kodu: N06AX16.

Farmakoloji xüsusiyyətləri
Velaksin® preparatının təsiredici maddəsi venlafaksindir.
Velaksin® preparatının uzunmüddətli təsirə malik kapsulları noradrenalinin və serotoninin geri
tutulmasının inhibitorları (NSGTİ) qrupundan olan antidepressantdır. Həmin qrup dərman
preparatları depressiyanın və həyəcanlılıqla müşayiət olunan pozğunluqlar kimi digər
vəziyyətlərin müalicəsi üçün istifadə olunurlar. Hesab olunur ki, depressiyadan və/və ya
həyəcanlılıqla müşayiət olunan pozğunluqdan əziyyət çəkən pasiyentlərin baş beynində
serotoninin və noradrenalinin səviyyələri aşağıdır. Antidepressantların təsiri tam
öyrənilməmişdir, lakin, ehtimal edilir ki, onlar baş beyində serotoninin və noradrenalinin
səviyyələrini yüksəldərək, vəziyyətin düzəlməsinə kömək edirlər.

İstifadəsinə göstərişlər
Velaksin® preparatı böyüklərdə depressiyanın müalicəsi üçün istifadə olunur. Velaksin®
preparatının uzunmüddətli təsirə malik kapsulları həmçinin, böyüklərdə aşağıda göstərilən
həyəcanlılıqla müşayiət olunan pozğunluqların müalicəsi üçün istifadə olunur: həyəcanlılıqla
müşayiət olunan generalizəolunmuş pozğunluqlar, həyəcanlılıqla müşayiət olunan sosial
pozğunluqlar (sosial vəziyyətlərdən qorxu hissi və ya çəkinmə) və panik pozğunluqlar (panik
hücumlar). Depressiyanın və həyəcanlılıqla müşayiət olunan pozğunluqların müalicəsinin
düzgün aparılması, pasiyentin əhvalının yaxşılaşdırılması üçün vacibdir. Depressiyanı və ya
həyəcanlılıqla müşayiət olunan pozğunluqları müalicə etmədikdə, bu vəziyyətlər öz-özünə
aradan qalxmır və əksinə, pisləşə bilər və gələcəkdə onun müalicəsi daha çətin ola bilər.

VELAKSIN Əks göstərişlər

Aşağıdakı hallarda Velaksin® preparatının uzunmüddətli təsirə malik kapsullarını istifadə etmək

olmaz:
- pasiyentdə venlafaksinə (preparatın təsiredici maddəsi) və ya “Tərkibi” bölməsində qeyd
olunmuş Velaksin® preparatının uzunmüddətli təsirə malik kapsullarının köməkçi maddələrindən
hər hansı birinə qarşı allergiya qeyd olunduqda;
- hal-hazırda və ya son 14 gün müddətində pasiyent depressiyanın və ya Parkinson xəstəliyinin
müalicəsi üçün istifadə olunan və monoaminooksidaza fermentinin geri dönməyən inhibitorları
(MAOi) kimi məlum olan hər hansı preparatdan istifadə etdiyi halda. Geri dönməyən MAOi-nin
digər preparatlarla, o cümlədən, Velaksin® preparatının uzunmüddətli təsirə malik kapsulları ilə
birlikdə istifadəsi, ağır dərəcəli və ya hətta, həyat üçün təhlükəli əlavə effektlərin meydana
çıxmasına səbəb ola bilər. Həmçinin, Velaksin® preparatının uzunmüddətli təsirə malik
kapsullarının istifadəsi dayandırıldıqdan sonra, istənilən digər geri dönməyən MAOi-nin
istifadəsinə başlamazdan əvvəl, ən azı 7 günün keçməsini gözləmək vacibdir (həmçinin, “Digər
dərman vasitələri ilə qarşılıqlı təsiri” bölməsinə və “Serotonin sindromu” hissəsinə bax).

Xüsusi göstərişlər və ehtiyat tədbirləri
Velaksin® preparatının uzunmüddətli təsirə malik kapsullarının istifadəsinə başlamazdan əvvəl,
həkimlə və ya əczaçı ilə məsləhətləşmək lazımdır.
Pasiyentdə aşağıda göstərilən vəziyyətlərdən hər hansı biri müşahidə olunduğu halda, bu
preparatın istifadəsinə başlamazdan əvvəl həkimlə məsləhətləşmək mütləqdir:
- pasiyent, Velaksin® preparatının uzunmüddətli təsirə malik kapsulları ilə birlikdə istifadə
edildikdə, serotonin sindromunun inkişaf etməsi riskini yüksəldə bilən digər preparatlardan
istifadə etdiyi halda (“Digər dərman vasitələri ilə qarşılıqlı təsiri” bölməsinə bax);
- pasiyentdə göz xəstəlikləri, məsələn, qlaukomanın (gözdaxili təzyiqin yüksəlməsi) bəzi növləri
müşahidə olunduqda;
- pasiyentin anamnezində yüksək arterial təzyiq qeyd olunduğu halda;
- pasiyentin anamnezində ürək xəstəlikləri qeyd olunduqda;
- pasiyentdə ürək aritmiyası (ürək ritminin pozulması) müşahidə olunduqda;
- pasiyentdə əvvəllər qıcolmalar (qıcolma tutmaları) qeyd olunduqda;
- pasiyentdə əvvəllər qanda natriumun aşağı səviyyəsi (hiponatriemiya) müəyyən olunduqda;
- pasiyentdə qançırların əmələ gəlməsinə və ya qanaxmaların baş verməsinə meyllilik müşahidə
olunduqda (anamnezdə qanın laxtalanma qabiliyyətinin pozulması qeyd olunduğu halda) və ya
pasiyent, qanaxmalar riskinin yüksəlməsinə gətirib çıxara bilən digər preparatlardan, məsələn,
varfarindən (antikoaqulyant) istifadə etdiyi halda;
- pasiyentdə xolesterinin səviyyəsi yüksəldiyi halda;
- pasiyentdə və ya pasiyentin ailə üzvlərində əvvəllər maniakal və ya bipolyar pozğunluqlar
(həddindən artıq oyanıqlıq və ya eyforiya) müşahidə olunduqda;
- pasiyentdə əvvəllər aqressiv davranış müşahidə olunduqda;
- pasiyent şəkərli diabetdən əziyyət çəkdiyi halda.
Velaksin ® preparatının istifadəsi ilə aparılan müalicənin ilk bir neçə həftəsi müddətində,
preparat narahatlıq vəziyyətinin və ya bir yerdə oturmaq və ya durmaq qabiliyyətinin
olmamasının meydana çıxmasına səbəb ola bilər. Göstərilən vəziyyətlər meydana çıxdığı halda,
həkimi məlumatlandırmaq lazımdır.
Suisidal düşüncələr və depressiyanın və ya həyəcanlılıq vəziyyətinin pisləşməsi
Pasiyent depressiyadan və/və ya həyəcanlılıq vəziyyətindən əziyyət çəkdikdə, bəzən onda intihar
və ya özünə zərər yetirmək barədə fikirlər meydana çıxa bilər. Oxşar bütün dərman
preparatlarının təsirinin müəyyən müddətdən (bir qayda olaraq, 2 həftə və ya bəzi hallarda, daha
çox müddət) sonra başlamasını nəzərə alaraq, göstərilən vəziyyətlər, antidepressantların
istifadəsi ilə aparılan müalicənin başlanğıc mərhələsində güclənə bilərlər.
Aşağıda göstərilən hallarda oxşar düşüncələrin meydana çıxma ehtimalı daha yüksəkdir:
- pasiyentdə əvvəllər intihar və ya özünə zərər yetirmək barədə düşüncələr qeyd olunduğu
hallarda;
- pasiyent yetkin yaşlı gənc (yaşı 25-dən aşağı) insan olduqda.
* Klinik tədqiqatlardan əldə olunan məlumatlar, psixi pozğunluqlardan əziyyət çəkən
antidepressantlardan istifadə edən yaşı 25-dən aşağı olan yetkin yaşlı gənc pasiyentlərdə suisidal
davranış riskinin yüksəlməsini göstərmişdir.
Pasiyentdə, intihar və ya özünə zərər yetirmək barədə düşüncələr meydana çıxdıqda, həkimi
məlumatlandırmaq və ya dərhal xəstəxanaya müraciət etmək lazımdır.
Ehtimal var ki, pasiyent qohumlarından və ya yaxın dostlarından hər hansı birinə depressiyadan
və ya həyəcanlılıq vəziyyətindən əziyyət çəkdiyini bildirsə və onlardan, həmin içlik vərəqənin
oxunmasını xahiş etsə, bu onun üçün faydalı ola bilər. Həmin şəxslərdən xahiş etmək olar ki,
pasiyentin depressiyasının və ya həyəcanlılıq vəziyyətinin güclənməsini və ya onlar pasiyentin
vəziyyətinin dəyişməsini müşahidə etdikləri barədə, pasiyenti məlumatlandırsınlar.

Ağızda quruluq
Venlafaksindən istifadə edən pasiyentlərin 10 %-də ağızda quruluq qeyd olunur. Bu vəziyyət,
karies riskinin yüksəlməsinə səbəb ola bilər. Bu səbəbdən, ağız boşluğunun gigiyenası
aparıldıqda, xüsusilə ehtiyatlı olmaq vacibdir.

Şəkərli diabet
Velaksin ® preparatının istifadəsi ilə aparılan müalicə fonunda, pasiyentdə qanda şəkərin
səviyyəsi dəyişə bilər. İnsulinin və/və ya peroral diabetəleyhinə preparatların dozalarının
dəyişdirilməsi zərurəti meydana çıxa bilər.

Uşaqlar və 18 yaşa qədər yeniyetmələr
Bir qayda olaraq, Velaksin® preparatının uzunmüddətli təsirə malik kapsullarını uşaqlara və 18
yaşa qədər yeniyetmələrə təyin etmək olmaz. Həmçinin, nəzərə almaq vacibdir ki, bu qrup
dərman preparatlarının həmin yaş qrupu pasiyentləri tərəfindən istifadəsi, suisid cəhdləri,
suisidal düşüncələr və düşmənçilik (əsasən, aqressivlik, müxalif davranış və qəzəb) kimi, əlavə
effektlər riskinin ehtimal edilən yüksəlməsi ilə əlaqəlidir. Buna baxmayaraq, preparatın
pasiyentə faydalı olması ehtimal edildiyi halda, həkim yaşı 18-ə qədər olan pasiyentlərə
Velaksin® preparatının uzunmüddətli təsirə malik kapsullarını təyin edə bilər. Həkim, yaşı 18-ə
qədər olan pasiyentə Velaksin® preparatının kapsullarını təyin etdiyi halda, pasiyent bunu
müzakirə etmək üçün həkimə müraciət etməlidir. Eyni zamanda, Velaksin® preparatının
uzunmüddətli təsirə malik kapsullarından istifadə edən yaşı 18-ə qədər olan pasiyentlərdə
yuxarıda qeyd olunan simptomların hər hansı birinin inkişaf etməsi və ya pisləşməsi barədə,
həkimi məlumatlandırmaq vacibdir. Bundan əlavə, həmin yaş qrupu pasiyentlərində Velaksin®
preparatının uzunmüddətli təsirə malik kapsullarının uzunmüddətli effektlərinin inkişafa,
yetkinliyə və həmçinin, koqnitiv funksiyaya və davranışa təsirinin təhlükəsizliyi indiyə qədər
nümayiş etdirilməmişdir.
Bu dərman preparatının tərkibində natrium vardır.

Velaksin® 37,5 mq və 75 mq preparatının hər bir kapsulunun tərkibində 1 mmol (23 mq) natrium
vardır, yəni demək olar ki, preparatın tərkibində natrium yoxdur.
Velaksin® 150 mq preparatının hər bir kapsulunun tərkibində 36 mq natrium vardır ki, bu da
natriumun böyüklər üçün tövsiyə olunan sutkalıq dozasının 1,8 %-nə müvafiqdir.

Digər dərman vasitələri ilə qarşılıqlı təsiri
Hal-hazırda və ya bir müddət əvvəl istifadə edilən və ya istifadəsi planlaşdırılan istənilən dərman
preparatları barədə həkimi və ya əczaçını məlumatlandırmaq lazımdır.
Velaksin® preparatının uzunmüddətli təsirə malik kapsullarının və digər preparatların birlikdə
istifadəsi barədə qərarı həkim qəbul etməlidir.
Həkimlə və ya əczaçı ilə məsləhətləşmədən heç bir dərman preparatının, o cümlədən,
apteklərdən reseptsiz buraxılan preparatların, təbii və bitki mənşəli preparatların istifadəsinə
başlamaq və ya onların istifadəsini dayandırmaq olmaz.
Aşağıda göstərilən dərman preparatlarının istifadəsi barədə həkimi məlumatlandırmaq
mütləqdir:
- depressiyanın və Parkinson xəstəliyinin müalicəsi üçün istifadə olunan monoaminooksidaza
fermentinin inhibitorlarını (MAOi: “Əks göstərişlər” bölməsinə bax) Velaksin ® preparatı ilə
birlikdə istifadə etmək olmaz. Son 14 gün müddətində, pasiyentin oxşar preparatlardan istifadə
etməsi barədə, həkimi məlumatlandırmaq lazımdır.

Serotonin sindromu
Venlafaksinlə müalicə aparıldıqda, xüsusilə, digər dərman preparatları ilə birlikdə istifadə
edildikdə, həyat üçün potensial təhlükəli vəziyyət – bədxassəli neyroleptik sindrom inkişaf edə
bilər (“Əlavə təsirləri” bölməsinə bax).

Qeyd olunan dərman preparatlarına aşağıdakılar aiddir:
- triptanlar (miqrenin müalicəsi üçün istifadə olunan preparatlar);
- depressiyanın müalicəsi üçün istifadə olunan digər preparatlar, məsələn, noradrenalinin və
serotoninin geri tutulmasının inhibitorları (NSGTİ), serotoninin geri tutulmasının selektiv
inhibitorları (SGTSİ), trisiklik antidepressantlar və ya litium-tərkibli preparatlar;
- amfetamin-tərkibli preparatlar (diqqət çatışmazlığı və hiperaktivlik sindromunun,
narkolepsiyanın və piylənmənin müalicəsi üçün istifadə olunan preparatlar);
- antibiotik – linezolid (infeksiyaların müalicəsi üçün istifadə olunan preparat);
- moklobemid-tərkibli dərman preparatları, MAOi (depressiyanın müalicəsi üçün istifadə olunan
preparatlar);
- sibutramin-tərkibli dərman preparatları (bədən kütləsinin aşağı salınması üçün istifadə olunan
preparatlar);
- tramadol-, fentanil-, tapentadol-, petidin- və ya pentazosin-tərkibli dərman preparatları (güclü
ağrıkəsicilər);
- dekstrometorfan-tərkibli dərman preparatları (öskürəkəleyhinə preparatlar);
- metadon-tərkibli dərman preparatları (opiat-tərkibli narkotik vasitələrdən asılılığın müalicəsi
üçün və ya şiddətli ağrıların müalicəsi üçün istifadə olunan preparatlar);
- tərkiblərində metilen abısı olan dərman preparatları (qanda methemoqlobinin tərkibinin
yüksəlməsi ilə müşayiət olunan vəziyyətlərin müalicəsi üçün istifadə olunan preparatlar);
- dazıotu-tərkibli dərman preparatları (Hypericum perforatum, depressiyanın yüngül formalarının
müalicəsi üçün istifadə olunan təbii və ya bitki vasitəsidir);
- triptofan-tərkibli preparatlar (yuxu pozğunluqlarının və depressiyanın müalicəsi üçün istifadə
olunan preparatlar);
- antipsixotik preparatlar (pasiyentin reallıqda mövcud olmayan səsləri eşitməklə, görməklə və
ya hiss etməklə, həqiqətdə baş verməyən hadisələrə inanmaqla, həddindən artıq şübhəli olmaqla
və ya özünə qapanmaqla müşayiət olunan vəziyyətlərin müalicəsi üçün istifadə olunan
preparatlar).
Serotonin sindromun əlamətləri və simptomlarına aşağıda göstərilənlər aid ola bilər:
narahatlıqla müşayiət olunan vəziyyət, hallyusinasiyalar, hərəkətlərin koordinasiyasının itməsi,
ürək ritminin sürətlənməsi, bədən temperaturunun yüksəlməsi, arterial təzyiqin tez-tez
dəyişməsi, reflekslərin güclənməsi, diareya, koma, ürəkbulanma, qusma.
Serotonin sindromun ən ağır forması bədxassəli neyroleptik sindroma (BNS) oxşaya bilər.
BNS-in əlamətləri və simptomlarına aşağıda göstərilənlər aiddir: qızdırma, ürək ritminin
sürətlənməsi, tər ifrazının yüksəlməsi, ağır dərəcəli əzələ rigidliyi, şüurun dumanlanması, əzələ
fermentlərinin səviyyəsinin yüksəlməsi (qanın laborator analizi vasitəsi ilə müəyyən olunur).
Pasiyentdə serotonin sindromunun meydana çıxması ehtimal edildikdə, dərhal həkimə məlumat
vermək və ya təcili yardım şöbəsinə müraciət etmək lazımdır.

Pasiyent ürək ritminə təsir göstərən dərman preparatlarından istifadə etdikdə, həkimi
məlumatlandırmaq mütləqdir.
Həmin preparatlara aşağıdakılar aiddir:
- ürək ritmi pozğunluqlarının müalicəsi üçün istifadə olunan preparatlar, məsələn, xinidin,
amiodaron, sotalol və ya dofetilid;
- antipsixotik preparatlar, məsələn tioridazin (“Serotonin sindromu” hissəsinə bax);
- antibiotiklər, məsələn, eritromisin və ya moksifloksasin (bakterial infeksiyaların müalicəsi üçün
istifadə olunan preparatlar);
- antihistamin preparatlar (allergiyanın müalicəsi üçün istifadə olunan preparatlar).
Aşağıda qeyd olunan dərman preparatları Velaksin ® preparatı ilə qarşılıqlı təsir göstərə bilərlər
və bu səbəbdən, ehtiyatla istifadə edilməlidirlər. Pasiyentin aşağıda göstərilən tərkibli dərman
preparatlarından istifadə etməsi barədə həkimi və ya əczaçını məlumatlandırmaq xüsusilə
vacibdir:
- ketokonazol (göbələkəleyhinə preparat);
- haloperidol və ya risperidon (psixiatrik vəziyyətlərin müalicəsi üçün istifadə olunan
preparatlar);
- metoprolol (yüksək arterial təzyiqin və ürək xəstəliklərinin müalicəsi üçün istifadə olunan betablokator), litium, imipramin.

Velaksin® preparatının uzunmüddətli təsirə malik kapsullarının qida və alkoqolla birlikdə
istifadəsi
Velaksin® preparatının uzunmüddətli təsirə malik kapsullarını yemək zamanı qəbul etmək
lazımdır (“İstifadə qaydası və dozası” bölməsinə bax).
Velaksin® preparatı kapsullarının istifadə müddətində alkoqolun istifadəsindən çəkinmək
lazımdır.

Hamiləlik və laktasiya dövründə istifadəsi
Hamiləlik dövrü
Pasiyent hamilə olduqda, körpəsini ana südü ilə qidalandırdıqda, hamilə olduğunu ehtimal
etdikdə və ya hamilə olmasını planlaşdırdığı halda, bu preparatın istifadəsinə başlamazdan əvvəl,
həkimi və ya əczaçını məlumatlandırmalıdır.
Hamiləlik dövründə Velaksin® preparatının uzunmüddətli təsirə malik kapsullarını yalnız,
preparatın dünyaya hələ gəlməmiş uşaq üçün potensial fayda və risk nisbətini həkimlə birlikdə
müzakirə etdikdən sonra, istifadə etmək olar.
Əmin olmaq lazımdır ki, mamaça və/və ya həkim, pasiyentin Velaksin® preparatının
uzunmüddətli təsirə malik kapsullarının istifadəsi barədə məlumatlıdırlar. Hamiləlik dövründə
analoji dərman preparatlarından (serotoninin geri tutulmasının spesifik inhibitorlarından) istifadə
etdikdə, ciddi vəziyyət – yenidoğulmuş körpələrdə tənəffüsün tezləşməsinə və dəri rənginin
göyərməsinə gətirib çıxaran, yenidoğulmuşların davamlı ağciyər hipertenziyasının inkişaf etməsi
riskinin yüksəlməsi müşahidə oluna bilər. Göstərilən simptomlar, bir qayda olaraq, uşaq dünyaya
gəldikdən sonra, ilk 24 saat müddətində inkişaf edirlər. Bu vəziyyətdə, dərhal mamaçaya və/və
ya həkimə müraciət etmək lazımdır.
Hamiləlik dövründə bu preparatdan istifadə edən qadınların dünyaya gətirdikləri uşaqlarda
tənəffüs pozğunluqlarından başqa, qida qəbulu pozğunluqları da müşahidə oluna bilər.
Yenidoğulmuş körpədə göstərilən simptomlar qeyd olunduqda və pasiyenti bu vəziyyət narahat
etdiyi halda, məsləhət almaq üçün həkimə və/və ya mamaçaya müraciət etmək lazımdır.

Laktasiya dövrü
Velaksin® preparatının təsiredici maddəsi ana südünə nüfuz edir. Bu zaman, preparatın uşağa
təsir riski mövcuddur. Ana südü ilə qidalanan südəmər körpələrdə yüksək oyanıqlıq, tez-tez
ağlama, yuxu ritminin pozulması kimi simptomların inkişaf etməsi qeyd olunmuşdur. Həmin
simptomlar venlafaksinin istifadəsi dayandırıldıqdan sonra da müşahidə olunmuşdur. Bu
səbəbdən, yuxarıda qeyd olunanları həkimlə müzakirə etmək lazımdır və həkim, ana südü ilə
qidalanmanın və ya Velaksin® preparatının istifadəsi ilə aparılan müalicənin dayandırılması
barədə qərar qəbul etməlidir.
Hamiləlik və ya laktasiya dövründə istənilən dərman preparatlarının istifadəsinə başlamazdan
əvvəl həkimlə və ya əczaçı ilə məsləhətləşmək vacibdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Velaksin® preparatının pasiyentə göstərdiyi təsir müəyyən edilməyənə qədər, nəqliyyat vasitələrini və digər potensial təhlükəli mexanizmləri idarə etmək olmaz.

VELAKSIN İstifadə qaydası və dozası

Velaksin® preparatını hər zaman həkim təyinatına müvafiq istifadə etmək vacibdir. Preparatın
istifadəsi ilə əlaqəli suallar meydana çıxdıqda, həkimə və ya əczaçıya müraciət etmək lazımdır.

Dozalanma rejimi
Depressiyanın, həyəcanlılıqla müşayiət olunan generalizəolunmuş pozğunluqların və
həyəcanlılıqla müşayiət olunan sosial pozğunluqların müalicəsi aparıldıqda, preparatın tövsiyə
olunan başlanğıc dozası sutkada 75 mq təşkil edir. Əsas depressiv epizodların müalicəsi zamanı,
zərurət yarandıqda, həkim preparatın dozasını tədricən, sutkada 375 mq maksimal dozaya qədər
artıra bilər. Doza iki həftə və daha artıq müddət ərzində artırıla bilər.
Panik pozğunluqların müalicəsi üçün, həkim preparatın istifadəsini daha aşağı dozadan (37,5
mq) başlaya bilər və dozanı tədricən artıra bilər.
Həyəcanlılıqla müşayiət olunan generalizəolunmuş pozğunluqların və həyəcanlılıqla müşayiət
olunan sosial pozğunluqların müalicəsi üçün preparatın maksimal dozası 225 mq/sutkada təşkil
edir.

İstifadə qaydası
Kapsulları bütöv, kifayət qədər su ilə birlikdə daxilə qəbul etmək lazımdır. Kapsulları bölmək,
xırdalamaq, çeynəmək və ya həll etmək olmaz.
Velaksin® preparatının uzunmüddətli təsirə malik kapsullarını hər gün, sutkanın təxminən eyni
vaxtında – səhər və ya axşam – qəbul etmək lazımdır. Kapsulları yemək zamanı qəbul etmək
vacibdir.
Qaraciyər və ya böyrək xəstəlikləri qeyd olunduqda, həkimlə məsləhətləşmək lazımdır; ehtimal
ki, preparatın dozasının korreksiyası tələb oluna bilər.
Velaksin® preparatının uzunmüddətli təsirə malik kapsullarının istifadəsini, həkim məsləhəti
olmadan, dayandırmaq olmaz (“Velaksin® preparatının istifadəsinin dayandırılması” hissəsinə
bax).

Velaksin® preparatının istifadəsinin ötürülməsi
Preparatın bir dozasının istifadəsi ötürüldükdə, onu mümkün qədər tez qəbul etmək lazımdır.
Lakin, növbəti dozanın istifadə vaxtı çatdıqda, ötürülən dozanı qəbul etmək olmaz – adətən
istifadə edildiyi kimi, bir dozanı qəbul etmək lazımdır. Velaksin® preparatı kapsullarını, həkim
tərəfindən təyin olunan sutkalıq dozadan artıq istifadə etmək olmaz

.
Velaksin® preparatının istifadəsinin dayandırılması
Pasiyentin vəziyyəti yaxşılaşdıqda belə, heç bir zaman, həkimlə məsləhətləşməmiş müalicəni
dayandırmaq və ya preparatın dozasını aşağı salmaq olmaz. Həkim, Velaksin® preparatının
uzunmüddətli təsirə malik kapsullarının istifadəsinin dayandırlması barədə qərar verdikdə, o,
müalicə tam dayandırılmayana qədər, preparatın dozasını tədricən aşağı salmağı pasiyentə icazə
verə bilər. Velaksin® preparatının istifadəsini dayandırdıqda, xüsusilə, yüksək dozalarının
qəbulundan sonra preparatın istifadəsi qəflətən dayandırıldığı halda, əlavə effektlərin meydana
çıxması barədə məlumatlar mövcuddur. Bəzi pasiyentlərdə aşağıda göstərilən simptomlar
müşahidə oluna bilər: yorğunluq, başgicəllənmə, bayğınlıqdan əvvəlki vəziyyət, baş ağrısı,
yuxusuzluq, gecələr dəhşətli yuxugörmələr, ağızda quruluq, iştahanın itməsi, ürəkbulanma,
diareya, yüksək oyanıqlıq, psixomotor oyanıqlıq, şüurun dumanlanması, qulaqlarda cingilti,
hərlənmə hissi ilə müşayiət olunan başgicəllənmə (vertiqo), sancma hissi və ya nadir hallarda –
elektrik cərəyanı ilə vurulma hissi, zəiflik, tər ifrazının yüksəlməsi, qıcolma tutmaları və ya qrip
üçün xarakterik simptomlar.
Velaksin® preparatının uzunmüddətli təsirə malik kapsullarının istifadəsinin tədricən
dayandırlmasının qaydası barədə, həkim pasiyenti məlumatlandırmalıdır. Pasiyentdə yuxarıda
göstərilən və ya narahatlığa səbəb olan digər simptomlar meydana çıxdıqda, həkimlə
məsləhətləşmək vacibdir.
Bu preparatın istifadəsi ilə əlaqəli əlavə suallar meydana çıxdıqda, həkimə və ya əczaçıya
müraciət etmək lazımdır.

Əlavə təsirləri
Bütün dərman vasitələri kimi, bu preparat da əlavə reaksiyaların meydana çıxmasına səbəb ola
bilər, lakin həmin reaksiyalar hər pasiyentdə müşahidə olunmur.
Velaksin® preparatının uzunmüddətli təsirə malik kapsullarının istifadəsindən sonra, pasiyentin
nəcisində kiçik ağ rəngli qranullar göründükdə, narahat olmaq lazım deyil. Velaksin®
preparatının uzunmüddətli təsirə malik kapsullarının tərkibində sferoidlər – içərisində
venlafaksin aktiv maddəsi olan kiçik ölçülü ağ rəngli kürəciklər vardır. Həmin sferoidlər,
kapsulların içərisindən çıxaraq, həzm traktına daxil olurlar. Sferoidlər həzm traktında
irəlilədikcə, venlafaksin tədricən azad olur. Sferoidlərin “örtüyü” həzm traktında həll olunmur və
nəcis vasitəsi ilə orqanizmdən xaric olunur. Bu səbəbdən, hətta pasiyentin nəcisində sferoidlər
göründüyü halda belə, venlafaksinin daxilə qəbul edilmiş dozası sorulmuşdur.
Aşağıda göstərilən simptomlardan hər hansı biri meydana çıxdıqda, Velaksin® preparatının
uzunmüddətli təsirə malik kapsullarının istifadəsini dayandırmaq və dərhal həkimi
məlumatlandırmaq və ya ən yaxında yerləşən xəstəxananın təcili yardım şöbəsinə müraciət
etmək vacibdir.
Bəzən meydana çıxan əlavə təsirlər (1000 pasiyentdən 1-10-da müşahidə olunur):
- üz nahiyəsinin, ağızın, dilin, boğazın, əllərin və ya ayaqların şişməsi; dəri üzərində qabaran,
qaşınan səpgilər (övrə); tənəffüsün və ya udma qabiliyyətinin çətinləşməsi.
Nadir hallarda meydana çıxan əlavə təsirlər (10000 pasiyentdən 1-10-da müşahidə olunur):
- döş nahiyəsində sıxılma hissi, fışıltılı tənəffüs, udma qabiliyyətinin və ya tənəffüsün
çətinləşməsi;
- ağır dərəcəli səpgilər, qaşınma və ya övrə (əksər hallarda qaşınan, dəri üzərində qabaran
qırmızı rəngli və ya solğun ləkələr);
- serotonin sindromunun əlamətləri və simptomları: narahatlıqla müşayiət olunan vəziyyət,
hallyusinasiyalar, hərəkətlərin koordinasiyasının pozulması, ürək yığılmaları tezliyinin
yüksəlməsi, bədən temperaturunun yüksəlməsi, arterial təzyiqin tez-tez dəyişməsi, reflekslərin
güclənməsi, diareya, koma, ürəkbulanma, qusma. Serotonin sindromun ən ağır forması
bədxassəli neyroleptik sindromdur (BNS). BNS-in əlamətlərinə və simptomlarına aşağıda
göstərilənlər aiddir: qızdırma, ürək yığılmaları tezliyinin yüksəlməsi, tər ifrazının yüksəlməsi,
ağır dərəcəli əzələ rigidliyi, şüurun dumanlanması, əzələ fermentlərinin səviyyəsinin yüksəlməsi
(qanın laborator analizi vasitəsi ilə müəyyən olunur);
- yüksək bədən temperaturu, vicə, titrəmə, baş ağrısı, tər ifrazının yüksəlməsi, qripəbənzər
simptomlar daxil olmaqla, infeksiya əlamətləri. Bu vəziyyət, qan sistemində baş verən
pozğunluqların nəticəsi ola bilər və infeksiyanın inkişaf etməsi riskinin yüksəlməsinə səbəb ola
bilər;
- suluqların və dərinin soyulmasının əmələ gələməsinə gətirib çixara bilən, dəri üzərində ağır
dərəcəli səpgilər;
- heç bir məlum səbəb olmadan meydana çıxan əzələ ağrısı, əzələlərin həssaslığı və ya zəifliyi –
bu, rabdomioliz əlaməti ola bilər.
Aşağıda göstərilən digər əlavə reaksiyaların meydana çıxması barədə həkimi məlumatlandırmaq
lazımdır (həmin əlavə effektlərin baş vermə tezliyi aşağıda, “Ehtimal edilən digər əlavə
effektləri” hissəsində göstərilmişdir):
- öskürək, fışıltılı tənəffüs, havanın çatışmaması hissi və bədən temperaturunun yüksəlməsi;
- qara, qatranabənzər nəcis və ya nəcisdə qan;
- dərinin və ya gözlərin skleralarının saralması, qaşınma və ya sidiyin tünd rəngə boyanması –
bunlar, qaraciyər iltihabının (hepatitin) simptomları ola bilərlər;
- ürək ritminin pozulması – məsələn, ürək ritminin sürətlənməsi və ya qeyri-müntəzəm ürək
ritmi, arterial təzyiqin yüksəlməsi;
- görmə qabiliyyətinin pozulması, məsələn, görmə qabiliyyətinin qeyri-aydın olması, göz
bəbəklərinin genişlənməsi;
- sinir sistemində baş verən pozğunluqlar, məsələn, başgicəllənmə, sancma hissi, hərəki
pozğunluqlar (əzələ spazmları və ya rigidliyi), qıcolma tutmaları;
- psixikada baş verən pozğunluqlar, məsələn, hiperaktivlik və həddindən artıq oyanıqlıq hissi;
- ləğvetmə simptomları (“İstifadə qaydası və dozası” bölməsində “Velaksin® preparatının
istifadəsinin dayandırılması” hissəsinə bax);
- qanaxma müddətinin uzunması: pasiyentin bir yeri kəsildikdə və ya yaralandıqda, qanaxmanın
dayandırılması üçün adətən olduğundan, daha uzun müddətin keçməsi lazım ola bilər.

Ehtimal edilən digər əlavə effektləri
Əlavə effektlərin baş vermə tezliyi (baş vermə ehtimalı) aşağıdakı qaydada təsnif olunmuşdur:
çox tez-tez (10 pasiyentdən 1-dən çoxunda müşahidə olunur), tez-tez (100 pasiyentdən 1-10-da
müşahidə olunur), bəzən (1000 pasiyentdən 1-10-da müşahidə olunur), nadir hallarda (10000
pasiyentdən 1-10-da müşahidə olunur), tezlik məlum deyil (əldə olunan məlumatlar əsasında
tezliyi hesablamaq mümkün deyil).
Çox tez-tez:
- başgicəllənmə, baş ağrısı, yuxuya meyllilik;
- yuxusuzluq;
- ürəkbulanma, ağızda quruluq, qəbizlik;
- tər ifrazının yüksəlməsi (gecələr tərləmə daxil olmaqla).
Tez-tez:
- iştahanın pisləşməsi;
- şüurun dumanlanmış vəziyyəti, özündən uzaqlaşma (və ya özünə qapanma) hissi, orqazm
hissinin olmaması, cinsi marağın aşağı düşməsi, həyəcanlılıq, əsəbilik, qeyri-normal
yuxugörmələr;
- titrəmə, narahatlıq və ya bir yerdə oturmaq və ya durmaq qabiliyyətinin olmaması, sancma
hissi, dadbilmə qabiliyyətinin dəyişməsi, əzələ tonusunun yüksəlməsi;
- görmə qabiliyyətinin pozulması, görmə qabiliyyətinin qeyri-aydın olması, göz bəbəklərinin
genişlənməsi, gözlərin fokusu uzaqda yerləşən cismdən yaxında yerləşən cismə avtomatik
dəyişdirilməsi qabiliyyətinin olmaması;
- qulaqlarda küy/cingilti;
- ürək yığılmaları tezliyinin yüksəlməsi, güclü ürək çırpınması hissi;
- arterial təzyiqin yüksəlməsi, qan axınları;
- havanın çatışmaması hissi, əsnəmə;
- qusma, diareya;
- dəri üzərində yüngül səpgilər, qaşınma;
- sidik ifrazı tezliyinin yüksəlməsi, sidik ifrazı qabiliyyətinin olmaması, sidik ifrazının
çətinləşməsi;
- menstrual pozğunluqlar, məsələn, daha şiddətli qanaxma və ya şiddətli, qeyri-müntəzəm
qanaxma, patoloji eyakulyasiya; erektil disfunksiya (impotensiya);
- zəiflik (asteniya), yorğunluq, vicə;
- bədən kütləsinin artması və ya aşağı düşməsi;
- qanda xolesterinin miqdarının artması.
Bəzən:
- yüksək aktivlik, bir-birini sürətlə əvəz edən müxtəlif fikirlər, yuxuya olan tələbatın azalması
(maniya);
- hallüsinasiyalar, psixomotor oyanıqlıq, reallıqdan uzaqlaşma hissi, patoloji orqazm, yüksək
oyanıqlıq, diş qıcırtısı;
- bayğınlıq, qeyri-iradi əzələ hərəkətləri, hərəkətlərin koordinasiyasının və müvazinətin
pozulması;
- başgicəllənmə (xüsusilə, qəflətən ayağa durduqda), arterial təzyiqin aşağı düşməsi;
- qanlı qusma, qara qatranabənzər nəcis və ya nəcisdə qan – bunlar, daxili qanaxmanın
mövcudluğunu göstərə bilər;
- işığa qarşı yüksək həssaslıq, qançırlar, səpgilər, tüklərin qeyri-normal tökülməsi;
- sidik ifrazının nəzarət olunmaması;
- əzələ rigidliyi, əzələ spazmları, qeyri-iradi hərəkətlər;
- qanda qaraciyər fermentlərinin səviyyəsinin əhəmiyyət kəsb etməyən dəyişməsi.
Nadir hallarda:
- aqranulositoz, aplastik anemiya, pansitopeniya, neytropeniya, anafilaktik reaksiyalar;
- qıcolmalar və ya qıcolma tutmaları;
- yüksək bədən temperaturu ilə müşayiət oluna bilən, öskürək, fışıltılı tənəffüs, havanın
çatışmaması hissi;
- səmtləşdirmə qabiliyyətinin pozulması (dezoriyentasiya) və əksər hallarda hallyusinasiyalarla
müşayiət olunan şüurun dumanlanması (delirium);
- maye qəbulu tələbatının qeyri-normal yüksəlməsi (antidiuretik hormonun sekresiyasının
pozulması sindromu);
- qanda natriumun miqdarının aşağı düşməsi;
- şiddətli göz ağrısı, görmə qabiliyyətinin pisləşməsi və ya görmə qabiliyyətinin qeyri-aydın
olması;
- ürək yığılmaları tezliyinin qeyri-normal yüksəlməsi, qeyri-ritmik ürək yığılmaları – bu,
bayğınlığın meydana çıxmasına səbəb ola bilər;
- qarın nahiyəsində şiddətli ağrı, bel nahiyəsində ağrı (bu, ağır dərəcəli bağırsaq, qaraciyər və ya
mədəaltı vəzi xəstəliyinin mövcudluğunu göstərə bilər);
- qaşınma, dərinin və ya göz skleralarının sarı rəngə boyanması, sidiyin rənginin tündləşməsi,
qripəbənzər simptomlar – qaraciyər iltihabının simptomları.
Çox nadir hallarda:
- qanaxma müddətinin uzanması; bu, qan lövhəciklərinin miqdarının azalmasını göstərə bilər (bu
zaman, qançırların və ya qanaxmaların meydana çıxma riski yüksəlir);
- gözlənilmədən baş verən qanaxmalar (məsələn, damaqlardan), sidikdə və ya qusuntu
kütlələrində qan və ya gözlənilmədən qançırların meydana çıxması və ya damar (vena)
divarlarının tamlığının pozulması;
- süd vəzilərindən südün qeyri-normal ifraz olunması.
Məlum deyil:
- suisidal düşüncələr və suisidal davranış. Venlafaksinlə aparılan müalicə fonunda və ya müalicə
dayandırıldıqdan bilavasitə sonra, suisidal düşüncələrin və suisidal davranışın meydana çıxması
barədə məlumatlar daxil olmuşdur (“Əks göstərişlər” bölməsinə bax);
- aqressiya (təcavüz);
- hərlənmə hissi ilə müşayiət olunan başgicəllənmə (vertiqo).
Velaksin® preparatının istifadəsi nəticəsində, bəzən pasiyentin özünün hiss etmədiyi
arzuolunmayan effektlər meydana çıxa bilər, məsələn, arterial təzyiqin yüksəlməsi və ya ürək
ritminin pozulması, qanda qaraciyər fermentlərinin, natriumun və ya xolesterinin səviyyələrinin
əhəmiyyət kəsb etməyən dərəcədə dəyişməsi. Nadir hallarda, Velaksin® preparatı qanda
trombositlərin (qan lövhəciklərinin) funksiyalarının aşağı düşməsinə səbəb ola bilər və bunun
nəticəsində, qançırların və ya qanaxmaların meydana çıxma riski yüksəlir. Bu səbəbdən, müalicə
müddətində, xüsusilə, Velaksin® preparatından uzun müddət ərzində istifadə etdikdə, həkim
vaxtaşırı qan analizlərinin aparılmasını təyin edə bilər.

Əlavə effektlər barədə məlumatlar
Yuxarıda qeyd olunan əlavə effektlər aşkar olunduqda və ya bu içlik vərəqədə qeyd olunmayan
effektlər meydana çıxdıqda, həkimə və ya əczaçıya müraciət etmək lazımdır.
Əlavə effektlərin meydana çıxması barədə həmçinin, əlavə effektlərin Milli qeydiyyat sisteminə
bilavasitə məlumat vermək olar.
Əlavə təsirlər barədə məlumat verməklə, bu dərman preparatının təhlükəsizliyi barədə daha çox
məlumat əldə etmək mümkündür.

Doza həddinin aşılması
Pasiyent Velaksin® preparatını, həkim tərəfindən təyin olunduğundan artıq miqdarda istifadə
etdikdə, dərhal həkimə və ya əczaçıya müraciət etməlidir.
Doza həddinin aşılmasının ehtimal edilən simptomlarına aşağıdakılar aiddir: ürək yığılmaları
tezliyinin yüksəlməsi, şüurun dəyişməsi (yuxuya meyllilikdən komaya qədər), görmə
qabiliyyətinin qeyri-aydın olması, qıcolma tutmaları və ya qıcolmalar və həmçinin, qusma.

Buraxılış forması
Uzunmüddətli təsirə malik 14 kapsul, PVX/PVDX/alüminium folqa blisterdə. 2 blister, içlik
vərəqə ilə birlikdə karton qutuya qablaşdırılır.

Saxlanma şəraiti
30° C-dən yuxarı olmayan temperaturda, quru, nəmdən qorumaq üçün orijinal qablaşdırmada və
uşaqların əli çatmayan yerdə saxlamaq lazımdır.
Keyfiyyətin pisləşməsinin aşkar əlamətləri qeyd olunduqda, Velaksin® preparatının
uzunmüddətli təsirə malik kapsullarını istifadə etmək olmaz.
Dərman preparatlarını məişət tullantılarına və ya axar sulara atmaq olmaz. Lazım olmayan
preparatın qalıqlarının ləğv olunması tələb olunduqda, əczaçı ilə məsləhətləşmək lazımdır. Bu
tədbirlər, ətraf mühitin çirklənməsinin qarşısını almağa kömək edir.

Yararlılıq müddəti
Yararlılıq müddəti qutunun üzərində göstərilmişdir.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
“EGİS əczaçılıq zavodu” QSC.
H-9900 Körmend, Matyaş kiray küç., 65.
Macarıstan.
1165 Budapeşt, Bokenifoldi ut 118-120, Macarıstan.

Qeydiyyat vəsiqəsinin sahibi
“EGİS əczaçılıq zavodu” QSC.
1106 Budapeşt, Keresturi küç., 30-38.
Macarıstan.