Pharmed
ROVASTAT 20MG N28 TB
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
_______________________ 2023-cü il
Dərman vasitəsinin istifadəsi üzrə təlimat (xəstələr üçün)
ROVASTAT 20 mq örtüklü tabletlər
ROVASTAT
Beynəlxalq patentləşdirilməmiş adı: Rosuvastatin
Tərkibi
Təsiredici maddə: 1 tabletin tərkibdə 20 mq rozuvastatinə ekvivalent 20,8 mq rozuvastatin kalsium
vardır.
Köməkçi maddələr:mikrokristallik sellüloza (tip 200), laktoza qranulları (inək südü) (112 mq),
susuz natrium karbonat, krospovidon (kollidon CL), maqnezium stearat.
Örtük: çəhrayı opadri AMB 80W34464 (titan dioksid (E171), talk, qırmızı dəmir oksidi
(E172), sarı dəmir oksidi, lesitin (12 mq), ksantan kitrəsi, qismən hidrolizə
edilmiş polivinil spirti).
Təsviri
Tünd çəhrayı, uzunsov, həriki tərəfi qabarıq, hər iki tərəfdə bölünmə xətti olan bərabər yarıya
bölünə bilən örtüklü tablet.
Farmakoterapevtik qrupu
HMQ-KoA-reduktazanın inhibitorları.
ATC kodu: C10AA07.
Farmakoloji xüsusiyyətləri
Təsir mexanizmi
Rozuvastatin – 3-hidroksi-3-metilqlütarilkoenzim A-nın xolesterinin sələfi olan mevalonata
çevrilməsində iştirak edən HMQ-KoA-reduktaza fermentinin selektiv və rəqabətli inhibitorudur.
Rozuvastatinin təsir orqanı xolesterolu azaltmaq üçün hədəf orqan olan qaraciyərdir.
Rozuvastatin hüceyrə səthində qaraciyərin ASLP reseptorlarının sayını artırır, ASLP-nin udulmasını
və katabolizmini artırır və ÇASLP-nin qaraciyərdə sintezinə maneə törədir, bununla da ÇASLP və
ASLP-nin ümumi sayını azaldır.
Farmakodinamikası
Rovastat ASLP xolesterininin, ümumi xolesterinin və triqliseridlərin yüksək miqdarını aşağı salır,
YSLP xolesterinin miqdarını artırır. Həmçinin, apolipoprotein B-nin (ApoB), qeyri-YSLP-X-in,
ÇASLP-X, ÇASLP-in, triqliseridlərin miqdarını aşağı salır və apolipoprotein A-I-in (APOA-I)
miqdarını artırır (cədvəl 1.). Rovastat ASLP-X/YSLP-X, ümumi X/YSLP-xolesterin, qeyri-YSLP- X
/YSLP-X və ApoB/ApoA-I nisbət göstəricilərinin azalmasına səbəb olur.
Cədvəl 1. Birincili hiperxolesterinemiya (IIa və IIb) olan xəstələrdə dozadan asılı cavab reaksiyası
(ilkin göstərici ilə müqayisədə, orta düzəliş edilmiş faiz dəyişikliyi).
Terapevtik effekt Rovastat ilə müalicəyə başlandıqdan sonra 1 həftə ərzində, 2 həftədən sonra
maksimal mümkün effektin 90 %-i əldə olunur. Maksimal mümkün terapevtik effekt adətən, 4
həftədən sonra əldə olunur və dərmanın istifadəsi müddətində saxlanılır.
Klinik effektivlik və təhlükəsizlik
Rovastat irqindən, cinsindən və ya yaşından asılı olmayaraq hiperhiperxolesterinemiyası olan və
hipertriqliseridemiyası olan böyüklərdə və diabet xəstələri kimi xüsusi xəstə qruplarında və ya ailəvi
hiperhiperxolesterinemiyası olan xəstələrdə effektivdir.
III faza tədqiqatlarının ümumi məlumatlarının analizində göstərilmişdir ki, rozuvastatin IIa və IIb
tipli hiperxolesterinemiyalı xəstələrin (ASLP-X-in orta ilkin göstəriciləri təxminən 185 mq/dL (4,8
mmol/l)) əksəriyyətinin müalicəsi zamanı göstəricilərin, Aterosklerozun öyrənilməsi üzrə Avropa
Cəmiyyətinin hədəf göstəricilərinə (EAS, 1998) müvafiq azaldılması məqsədi ilə effektivdir;
Rovastatın 10 mq dozada istifadəsi ilə müalicə alan xəstələrin təxminən 80 %-də ASLP-X-in, EAS
tərəfindən tövsiyə olunan hədəf göstəriciləri (<116 mq/dL (< 3 mmol/l)) əldə olunmuşdur.
Heteroziqot ailəvi hiperxolesterinemiyası olan 435 xəstənin iştirakı ilə aparılan irimiqyaslı tədqiqatda
Rovastat gücləndirilmiş titrlənmə rejimində 20 mq-dan 80 mq-a qədər dozalarda qəbul edilmişdir.
Bütün dozalar lipid konsentrasiyalarının və terapevtik məqsədlərin əldə edilməsinə müsbət təsir
göstərmişdir. Preparat sutkalıq 40 mq dozaya qədər (12 həftəlik müalicə müddətində) titrləndikdən
sonra, ASLP-X-in konsentrasiyaları 53 % azalmışdır. Xəstələrin 33 %-də ASLP-X-in, EAS
tərəfindən tövsiyə olunan hədəf göstəriciləri (<116 mq/dL (< 3 mmol/l)) əldə olunmuşdur.
Gücləndirilmiş titrlənmənin istifadəsi ilə aparılan açıq tədqiqatda ailəvi hiperxolesterinemiyanın
homoziqot forması qeyd olunan 42 xəstədə rozuvastatinin 20-40 mq dozada istifadəsi zamanı əldə
olunan nəticə qiymətləndirilmişdir. Həmin xəstə qruplarında ASLP-X-in konsentrasiyasının ümumi
orta azalması 22% olmuşdur. Məhdud sayda xəstə ilə aparılan klinik tədqiqatlarda Rovastatın
fenofibratla birlikdə istifadə edildikdə triqliseridləri azaltmaqda və niasinlə birlikdə istifadə edildikdə
YSLP-X səviyyələrini artırmaqda əlavə effektivliyə malik olduğu göstərilmişdir.
Çoxmərkəzli ikiqat kor plasebo nəzarətli klinik tədqiqatda (METEOR) ürəyin işemik xəstəliyinin
aşağı riski qeyd olunan (10 ildən artıq müddət ərzində Freminhem risk şkalasına (FRŞ) əsasən < 10
%) və ASLP-X-in orta göstəricisi 154,5 mq/dl (4,0 mmol/l ) olan və eyni zamanda, aterosklerozun
subklinik formasına ( Karotid İntima Media (KİM) qalınlığına əsasən müəyyən edilir) malik olan 45
yaşdan 70 yaşa qədər 984 xəstə, rozuvastatinin sutkada 40 mq dozada və ya plasebonun 2 il
müddətində istifadəsi üçün randomizə olunmuşdur.
Plasebo ilə müqayisədə, rozuvastatin yuxu arteriyasının 12 sahəsində KİM-nın – 0,0145 mm/ildə
(95% etibarlılıq intervalı – 0,0196, − 0,0093; p < 0,0001) qalınlaşma sürətinin əhəmiyyətli dərəcədə
ləngiməsinə səbəb olmuşdur. Plasebo üçün +0,0313 mm/il (1,12%/il (p<0,0001)) proqressivləşmə
ilə müqayisədə ilkin göstəricidən dəyişiklik rosuvastatin üçün -0,0014 mm/il (-0,12%/il (əhəmiyyətli
deyil)) olmuşdur. KİM-nın azalması ilə ürək-damar hadisələri riskinin azalması arasında birbaşa
əlaqə hələ məlum deyil. METEOR tədqiqatında tədqiq olunan xəstələr populyasiyasında ürəyin
işemik xəstəliyinin riski aşağı olmuşdur və həmin populyasiya, 40 mq dozada rozuvastatinin istifadəsi
ilə müalicə üçün hədəf xəstə qrupuna uyğun deyildir. 40 mq doza yalnız yüksək ürək-damar riski olan
ağır hiperkolesterolemiyası olan xəstələrə təyin edilməlidir. 40 mq doza yalnız yüksək ürək-damar
riski olan ağır hiperxolesterinemiyası olan xəstələrə təyin edilməlidir.
Tədqiqatda iştirak edən xəstələr təsadüfi olaraq plaseboya (n=8901) və ya gündə bir dəfə 20 mq
rozuvastatinə (n=8901) təyin edilmiş və orta hesabla 2 il müddətində müşahidə edilmişdir.
ASLP-X-in konsentrası plasebo qrupu ilə müqayisədə, rozuvastatindən istifadə edən qrupda 45 %
azalmışdır (p < 0,001).
Yüksək risk qeyd olunan və FRŞ əsasında ilkin göstərici > 20 % olan xəstələr yarımqrupundan (1558
xəstə) əldə olunan məlumatların retrospektiv analizində plasebo ilə müqayisədə, rozuvastatindən istifadə edən qrupda ürək-damar xəstəlikləri, insult və miokard infarktı səbəbli ölümün
kombinəolunmuş son nöqtəsinin əhəmiyyətli dərəcədə azalması göstərilmişdir (p = 0,028).
Hər 1000 xəstə-il müddətində ağırlaşmalar tezliyi əsasında riskin mütləq azalması 8,8 təşkil etmişdir.
Bu yüksək risk qrupunda ümumi ölüm göstəricisi dəyişməmişdir (p = 0,193). Yüksək risk qeyd
olunan xəstə yarımqrupundan (ümumi 9302 xəstə) və risk göstəricisinin başlanğıc qiyməti ≥ 5% olan
xəstələrdən (65 yaşdan yuxarı xəstələr daxil olmaqla ekstrapolyasiya olunmuşdur) əldə olunan
məlumatların retrospektiv analizində plasebo qrupu ilə müqayisədə, rozuvastatindən istifadə edən
qrupda ürək-damar xəstəlikləri, insult və miokard infarktı səbəbli ölümün kombinəolunmuş son
nöqtəsinin əhəmiyyətli dərəcədə azalması müşahidə edilmişdir (p = 0,0003). Hər 1000 xəstə-il
müddətində ağırlaşmalar tezliyi əsasında riskin mütləq azalması 5,1 olmuşdur.
Göstərilən yüksək risk qrupunda ümumi ölüm göstəricisi dəyişməmişdir (p = 0,076).
JUPITER tədqiqatında rozuvastatindən istifadə edən qrupda xəstələrin 6,6 %-i və plasebo qrupunda
xəstələrin 6,2 %-i əlavə təsirlərin inkişaf etməsi nəticəsində müalicəni dayandırmışdır. Müalicənin
dayandırılmasına gətirib çıxaran ən tez-tez müşahidə edilən əalvə təsirlərə aşağıdakılar aiddir:
mialgiya (rozuvastatin qrupunda 0,3 %, plasebo qrupunda 0,2 %), qarın nahiyəsində ağrı
(rozuvastatin qrupunda 0,03 %, plasebo qrupunda 0,02 %) və səpgi (rozuvastatin qrupunda 0,02 %,
plasebo qrupunda 0,03 %).
Plasebo qrupunda qeyd olunanlardan daha tez-tez və ya eyni tezliklə müşahidə olunan ən tez-tez
meydana çıxan əlavə təsirlər aşağıdakılardır: sidik-ifrazat yollarının infeksiyaları (rozuvastatin
qrupunda 8,7 %, plasebo qrupunda 8,6 %), nazofaringit (rozuvastatin qrupunda 7,6 %, plasebo
qrupunda 7,2 %), bel nahiyəsində ağrı (rozuvastatin qrupunda 7,6 %, plasebo qrupunda 6,9 %) və
mialgiya (rozuvastatin qrupunda 7,6 %, plasebo qrupunda 6,6 %).
Pediatriyada
12 həftə müddətində davam edən ikiqat kor randomizə olunmuş çoxmərkəzli plasebo nəzarətli
tədqiqatın (n = 176, 97 kişi və 79 qadın) davam olaraq 40 həftə müddətində aparılan rozuvastatinin
dozasının titrlənməsi zamanı (n = 173, 96 kişi və 77 qadın), heteroziqot ailəvi hiperxolesterinemiya
qeyd olunan 10-17 yaşlı xəstələr (Tanner şkalası əsasında II-V mərhələ, qızlarda menstruasiyalar
başladıqdan minimum 1 il sonra) 12 həftə müddətində hər gün 5 mq, 10 mq və ya 20 mq dozada
rozuvastatindən və ya plasebodan istifadə etmişdirlər və bundan sonra, bütün xəstələr 40 həftə
müddətində hər gün Rovastat qəbul etmişdirlər.
Tədqiqata daxil edildikdə, xəstələrin təxminən 30 %-i 10-13 yaşlı olmuşdur və təxminən 17, 18, 40
və 25 %-i Tanner şkalasına əsasən, müvafiq olaraq, II, III, IV və V mərhələlərə uyğun olmuşdur.
Plasebo qrupunda 0,7 % ilə müqayisədə, 5 mq, 10 mq və ya 20 mq dozada Rovastatla müalicə
müddətində ASLP-X-in konsentrasiyaları müvafiq olaraq, 38,3 %, 44,6 % və 50,0 % aşağı
düşmüşdür. Gündə 1 dəfə maksimum 20 mq təşkil edən hədəf dozaya qədər 40 həftə müddətində
davam edən açıq etiketli titrlənmə dövrü sona çatdıqda, 173 xəstədən 70-də (40,5 %-i) ASLP-X-in
konsentrasiyalarının hədəf göstəriciləri 2,8 mmol/l-dən aşağı olmuşdur. 52 həftəlik tədqiqatda
müalicədən sonra böyümə, çəki, BKİ və ya cinsi yetkinliyə heç bir əlavə təsir aşkar edilməmişdir. Bu
tədqiqat (n=176) nadir hallarda baş verən əlavə təsirlərin müqayisəsi üçün uyğun deyildir.
Rozuvastatinin istifadəsi həmçinin, heteroziqot ailəvi hiperxolesterinemiyalı 6 yaşdan 17 yaşa qədər
198 uşağın (88 kişi və 110 qadın, Tannerə əsasən, < II-V mərhələ) iştirakı ilə hədəf dozaya qədər açıq
etiketli titrlənmə dövrünün 2 il müddətində aparılan tədqiqatında öyrənilmişdir. Bütün xəstələr üçün
preparatın başlanğıc dozası, gündə 1 dəfə daxilə 5 mq təşkil etmişdir. 6 yaşdan 9 yaşa qədər (n = 64)
xəstələrdə dozanın gündə 1 dəfə maksimum 10 mq-a qədər, 10-17 yaşlı xəstələrdə (n = 134) isə
dozanın gündə 1 dəfə maksimum 20 mq-a qədər artırılması mümkündür.
Rozuvastatinin istifadəsi ilə 24 ay müddətində aparılan müalicədən sonra, ASLP-X-in orta faiz
göstəricisinin ilkin göstərici ilə müqayisədə azalması – 43 % təşkil etmişdir (ilkin göstərici: 236 mq/dl
(6.1mmol/l), 24 ay: 133 mq/dl). Hər bir yaş qrupunda ASLP-X-in ilkin göstəricilərlə müqayisədə,
orta faiz azalması 6-dan < 10-a qədər, 10-dan < 14-ə qədər və 14-dən < 18-ə qədər yaş qruplarında,
müvafiq olaraq, – 43 % (ilkin göstərici: 234 mq/dl(6.1mmol/l), 24 ay: 124 mq/dl(3,2 mmol/l)), – 45
% (ilkin göstərici: 234 mq/dl (6.1mmol/l), 124 mq/dl(6.1mmol/l)) və – 35 % (ilkin göstərici: 241
mq/dl(6,2 mmol/l), 24 ay: 153 mq/dl(4 mmol/l)) təşkil etmişdir. Rozuvastatini 5 mq, 10 mq və 20 mq
dozalanmada qəbul edən xəstələrdə həmçinin, aşağıda göstərilən ikincili lipid və lipoprotein
dəyişənlərində ilkin göstəricilərlə müqayisədə, statistik əhəmiyyətli orta dəyişikliklər əldə edilmişdir:
YSLP-X, ümumi xolesterin, qeyri-YSLP-X, ASLP-X/YSLP-X, ümumi xolesterin/YSLP-X, ümumi xolesterin/YSLP-X, qeyri-YSLP-X/YSLP-X, ApoB (apolipoprotein B), ApoB/ApoA-1. Göstərilən
dəyişikliklər, lipidlərin aparılan müalicəyə qarşı cavabının yaxşılaşmasına səbəb olmuşdur və 2 il
müddətində dəyişməz qalmışdır. 24 ay müddətində aparılan müalicədən sonra, preparatın xəstənin
boy artımına, bədən kütləsinə, bədən kütləsi indeksinə (BKİ) və ya cinsi yetişkənliyinə heç bir təsiri
aşkar edilməmişdir.
Rosuvastatin homoziqot ailəvi hiperxolesterinemiyası olan 14 uşaq və yeniyetmədə (6-17 yaş)
arasında randomizə edilmiş, ikiqat kor, plasebo-nəzarət edilən, ikiqat kor plasebo-nəzarətli
çoxmərkəzli çarpaz tədqiqatda gündə bir dəfə 20 mq qəbulu plasebo ilə müqayisə edilmişdir.
Tədqiqat xəstənin 10 mq dozada rozuvastatinin istifadəsi ilə pəhrizin 4 həftəlik aktiv giriş
mərhələsini, preparatın istifadəsindən əvvəl və ya sonra 6 həftə müddətində plasebo ilə aparılan
müalicə dövrü ilə rozuvastatinin 20 mq dozalanmasının istifadəsi ilə 6 həftəlik müalicə dövründən
ibarət olan çarpaz müalicə mərhələsini və bütün xəstələr 20 mq dozada rozuvastatindən istifadə edən
12 həftəlik dəstəkləyici mərhələni əhatə etmişdir. Tədqiqata daxil olan zaman ezetimib və ya aferez
müalicəsi alan xəstələr bütün tədqiqat boyu bu müalicələrə davam etmişdir. Rozuvastatinin 20 mq
dozada istifadəsi ilə 6 həftə müddətində aparılan müalicədən sonra, plasebo ilə müqayisədə, ASLP-
X-in statistik əhəmiyyət kəsb edən (p = 0,005) azalması (22,3 %, 85,4 mq/dl və ya 2,2 mmol/l)
müşahidə olunmuşdur.
Ümumi xolesterinin (20,1%, p = 0,003), qeyri-YSLP-X-in (22,9%, p = 0,003) və ApoB-nin (17,1%,
p = 0,024) səviyyələrinin statistik əhəmiyyətli azalması müşahidə olunmuşdur. Bundan əlavə,
rozuvastatinin 20 mq dozada istifadəsi ilə 6 həftə müddətində aparılan müalicədən sonra, plasebo ilə
müqayisədə, ümumi xolesterinin, ASLP-X/YSLP-X, ümumi xolesterin/YSLP-X, qeyri-YSLP-
X/YSLP-X və ApoB/ApoA-1-in konsentrasiyalarının azalması, həmçinin qeyd olunmuşdur.
Homoziqot ailəvi hiperxolesterinemiyalı uşaqlarda və yeniyetmələrdə plasebo ilə 6 həftə müddətində
aparılan müalicədən sonra, 20 mq dozalanmada rozuvastatinin istifadəsi ilə 6 həftə müddətində
müalicədə aparıldıqda, ASLP-X-in səviyyəsinin azalması, fasiləsiz aparılan müalicənin 12 həftəsi
müddətində saxlanılmışdır. Preparatın 40 mq dozasının istifadəsi ilə 6 həftə müddətində aparılan
müalicədən sonra doza artırıldıqda, bir xəstədə ASLP-X-in (8,0 %), ümumi xolesterinin (6,7 %) və
qeyri-YSLP-X-in (7,4 %) davamlı azalması müşahidə olunmuşdur.
Genişləndirilmiş açıq müalicə müddətində rozuvastatinin 20 mq dozasını 90 həftəyə qədər müddət
ərzində istifadə edən həmin xəstələrdən 9-da ASLP-X-in səviyyəsinin azalması – 12,1 %-dən, – 21,3
%-ə qədər intervalda saxlanılmışdır. Gücləndirilmiş titrlənmənin istifadəsi ilə aparılan açıq etiketli
tədqiqatda iştirak edən qiymətləndirilə bilən homoziqot ailəvi hiperxolesterinemiyalı uşaqların və
yeniyetmələrin (8 yaşdan 17 yaşa qədər) 7-də ilkin səviyyə ilə müqayisədə, 20 mq dozada
rozuvastatinlə aparılan müalicədən 6 həftə sonra, ASLP-X-in (21,0 %), ümumi xolesterinin (19,2 %)
və qeyri-YSLP-X-in (21,0 %) səviyyələrinin azalmasının faiz göstəricisi, yuxarıda göstərilən
tədqiqatda iştirak edən homoziqot ailəvi hiperxolesterinemiyalı uşaqlarda və yeniyetmələrdə
müşahidə olunan göstəriciyə uyğundur.
Avropa Dərman Preparatları Agentliyi homoziqot ailəvi hiperxolesterinemiyanın, birincili
kombinəolunmuş (qarışıq) dislipidemiyanın müalicəsi və ürək-damar xəstəliklərinin profilaktikası
zamanı uşaq qruplarının bütün yarımqruplarında rozuvastatin tərkibli dərman vasitələri ilə aparılan
tədqiqatların nəticələrinin təqdim edilməsindən imtina qərarı vermişdir.
Farmakokinetikası
Sorulması
Müvafiq dozanın daxilə istifadəsindən 5 saat sonra, qan plazmasında rozuvastatinin maksimal
konsentrasiyası əldə olunur. Preparatın mütləq biomənimsənilməsi təxminən 20 % təşkil edir.
Paylanması
Rozuvastatin əsasən, xolesterinin və ASLP-X-in əsas sintez nahiyəsi olan, qaraciyər tərəfindən
tutulur. Rozuvastatinin paylanma həcmi təxminən 134 l təşkil edir. Rozuvastatinin 90 %-i qan
plazmasının zülalları, əsasən, albumin ilə birləşir.
Biotransformasiyası
Preparat məhdud metabolizmə məruz qalır (təxminən 10 %). İnsan hepatositlərindən istifadə edilən
in vitro metabolizm tədqiqatları göstərir ki, rozuvastatin sitoxrom P450 əsaslı metabolizm üçün zəif
substratdır. CYP2C9 əsas izoferment olmuş, 2C19, 3A4 və 2D6 daha az iştirak etmişdir. Müəyyən
edilmiş əsas metabolitlər N-desmetil və lakton metabolitləridir. N-desmetil metaboliti
rozuvastatindən təxminən 50% az aktivdir, lakton forması isə klinik cəhətdən qeyri-aktiv hesab olunur. Rosuvastatin dövriyyədə olan HMQ-KoA reduktaza inhibitorlarının aktivliyinin 90%-dən
çoxunu təşkil edir.
Xaric olması
Rozuvastatinin təxminən 90 %-i orqanizmdən dəyişilməmiş halda nəcis ilə xaric olunur (adsorbsiya
olunmuş və adsorbsiya olunmamış rozuvastatin də daxil olmaqla), qalan hissəsi isə sidik ilə xaric
olunur. Təxminən 5 %-i dəyişilməmiş halda sidik ilə xaric olunur. Qan plazmasından yarımxaricolma
dövrü təxminən 19 saat təşkil edir. Doza artırıldıqda, bu göstərici dəyişmir. Orta həndəsi plazma
klirensi təxminən 50 l/saat (variasiya əmsalı 21,7 %) təşkil edir. HMQ-KoA-reduktaza fermentinin
digər inhibitorlarında olduğu kimi, rozuvastatinin qaraciyər tərəfindən tutulması prosesində OATP-
C membran daşıyıcısı iştirak edir. Göstərilən daşıyıcı rozuvastatinin qaraciyər tərəfindən xaric
olmasında mühüm rol oynayır.
Xəttiliyi
Rozuvastatinin sistem ekspozisiyası, preparatın dozasına müvafiq olaraq artır. Preparatı gündə bir
neçə dəfə istifadə etdikdə, farmakokinetik parametrlərdə dəyişiklik baş verməmişdir.
Müxtəlif xəstə qruplarında xarakteristikası
Yaş və cins
Yaşlı xəstələrdə yaşın və ya cinsin rozuvastatinin farmakokinetikasına klinik əhəmiyyətli təsiri aşkar
edilməmişdir. Heteroziqot ailəvi hiperxolesterinemiyalı uşaqlarda və yeniyetmələrdə preparatın
ekspozisiyası, rosuvastatinin farmakokinetikası yetkin könüllülərinkinə oxşar olmuşdur.
İrq
Farmakokinetik tədqiqatlar ağ irqlə müqayisədə Asiya subyektlərində (Yapon, Çin, Filippin,
Vyetnam və Koreyalılar) orta AUC və Cmax-ın təqribən 2 dəfə artdığını göstərir. Hindistan əsilli
asiyalılarda orta AUC və Cmax təxminən 1,3 dəfə artır. Populyasion farmakokinetik analiz zamanı
avropeoid və neqroid irqindən olan xəstələr arasında farmakokinetik parametrlərdə klinik əhəmiyyət
kəsb edən fərqlər aşkar edilməmişdir.
Böyrək çatışmazlığı
Yüngül və orta dərəcəli böyrək çatışmazlığı olan xəstələrdə rozuvastatinin və ya N-desmetil
metabolitin plazmadakı konsentrasiyaları əhəmiyyətli dərəcədə dəyişmir. Sağlam könüllülərlə
müqayisədə, ağır böyrək çatışmazlığı qeyd olunan xəstələrdə (kreatinin klirensi (KK) 30
ml/dəqiqədən az) qan plazmasında rozuvastatinin konsentrasiyası 3 dəfə, N-desmetil metabolitin
konsentrasiyası isə 9 dəfə yüksəkdir. Sağlam könüllülərlə müqayisədə, hemodializ qəbul edən
xəstələrdə qan plazmasında rozuvastatinin konsentrasiyası təxminən 50 % yüksək olmuşdur.
Qaraciyər çatışmazlığı
Çayld-Pyu şkalasına əsasən 7 bal və daha aşağı qiymətləndirilmiş müxtəlif dərəcəli qaraciyər
çatışmazlığı olan xəstələrdə rozuvastatinin ekspozisiyasının artması aşkar edilməmişdir. Bununla
belə, Çayld-Pyu şkalasına əsasən 8 və 9 bal ilə qiymətləndirilmiş 2 xəstədə sistem ekspozisiyanın
artması qeyd olunmuşdur ki, bu da Çayld-Pyu şkalasına əsasən daha aşağı göstəricilərə malik olan
xəstələrlə müqayisədə, təxminən 2 dəfə çoxdur. Çayld-Pyu şkalasına əsasən 9 baldan yuxarı
qiymətləndirilmiş xəstələrdə rozuvastatinin istifadəsi barədə heç bir məlumat yoxdur.
Genetik polimorfizm
HMQ-KoA-reduktaza fermentinin inhibitorlarının, o cümlədən, rozuvastatinin də
farmakokinetikasında OATP1B1 və BCRP daşıyıcı zülallar da iştirak edir. SLCO1B1 (OATP1B1)
və/və ya ABCG2 (BCRP) genlərin polimorfizmi qeyd olunan xəstələrdə rozuvastatinin
ekspozisiyasının artması riski mövcuddur. SLCO1B1 c.521TT və ya ABCG2 c.421CC genotiplərlə
müqayisədə, SLCO1B1 c.521CC və ABCG2 c.421AA genotiplərin fərdi polimorfizmi rozuvastatinin
ekspozisiyasının (AUC göstəricisinin) müvafiq artması ilə əlaqəlidir. Bu spesifik genotip klinik
praktikada müəyyən edilməmişdir, lakin belə polimorfizmləri olan xəstələr üçün Rovastatın aşağı
dozaları tövsiyə olunur.
Pediatriyada
Heteroziqot ailəvi hiperxolesterinemiyası olan 10-17 və ya 6-17 yaşlı pediatrik xəstələrdə (cəmi 214
xəstə) rozuvastatinin (tablet) iki farmakokinetik tədqiqatı göstərir ki, pediatrik xəstələrdə
rozuvastatinin ekspozisiya dərəcəsi böyüklər ilə müqayisə oluna bilən və ya daha az olmuşdur.
Rozuvastatinin ekspozisiyasə dozadan və vaxtdan asılı olaraq 2 il ərzində proqnozlaşdırıla bilən
olmuşdur.
Klinikayaqədərki təhlükəsizlik məlumatları
Təhlükəsizliyin, genotoksikliyin və kanserogen potensialın farmakologiyasının öyrənilməsi
istiqamətində aparılan ənənəvi preklinik tədqiqatlardan əldə olunan məlumatlara əsasən, insan üçün
preparatın xüsusi riskləri aşkar edilməmişdir. Preparatın hERG genə təsiri qiymətləndirilməmişdir.
Klinik tədqiqatlarda müşahidə olunmayan, lakin klinik ekspozisiya səviyyələrinə bənzər səviyyələrdə
heyvanlarda müşahidə edilən əlavə təsirlər aşağıdakı kimi olmuşdur: Təkrar dozaların toksikliyinin
öyrənilməsi istiqamətində aparılan tədqiqatlarda qaraciyərdə, ehtimal ki, rozuvastatinin farmakoloji
təsiri nəticəsində meydana çıxan histopatoloji dəyişikliklər qeydə alınmışdır; həmin effektlər siçanlar,
siçovullar və nisbətən az dərəcədə itlər üzərində aparılan tədqiqatlarda heyvanların öd kisəsində
müşahidə olunduğu halda, meymunlarda qeydə alınmamışdır. Bundan əlavə, daha yüksək dozalarda
meymun və itlərdə xayalarda toksiklik müşahidə edilmişdir. Siçovullar üzərində aparılan
tədqiqatlarda reproduktiv toksiklik aşkar edilmişdir ki, bunlar da balalamanın azalması, bala
heyvanların kütləsinin aşağı düşməsi və ana üçün toksik dozaların istifadəsi zamanı sağqalmanın
aşağı düşməsi ilə özünü biruzə verir və bu zaman, sistem ekspozisiya terapevtik dozaların istifadəsi
zamanı ekspozisiya bir neçə dəfə yüksək olmuşdur.
İstifadəsinə göstərişlər
Hiperxolesterinemiyanın müalicəsi
Böyüklərdə, yeniyetmələrdə və 10 yaşdan yuxarı uşaqlarda birincili hiperxolesterinemiya
(heteroziqot ailəvi hiperxolesterinemiya da daxil olmaqla, IIa tipi) və ya qarışıq dislipedimiya (IIb
tipi) – pəhriz və digər qeyri-medikamentoz müalicə metodları (məsələn, fiziki hərəkətlər, bədən
çəkisinin azalması) yetərli olmadığı hallarda, pəhriz müalicəsinə əlavə kimi istifadə olunur.
Homoziqot ailəvi hiperxolesterolemiyası olan böyüklərdə, yeniyetmələrdə və 6 yaşdan yuxarı
uşaqlarda, pəhriz və digər lipid səviyyəsini azaldan müalicələrə (məsələn, ASLP aferezi) əlavə olaraq
və ya bu cür müalicələr uyğun olmadıqda istifadə olunur.
Ürək-damar ağırlaşmalarının profilaktikası
Birincili ürək-damar ağırlaşmalarının yüksək riski qeyd olunan xəstələrdə ağır ürək-damar
ağırlaşmalarının profilaktikası, digər risk faktorlarının korreksiyasına əlavə təyin edilir.
Əks göstərişlər
Rovastat əks göstərişdir:
- Rovastatın tərkibində soya yağı vardır. Fıstıq və ya soyaya qarşı allergiyası olan xəstələrə bu
preparatdan istifadə etmək olmaz.
- rozuvastatinə və ya köməkçi maddələrdən hər hansı birinə qarşı yüksək həssaslıq;
- qaraciyər xəstəliklərinin aktiv mərhələsi, o cümlədən, transaminazaların aktivliyinin
davamlı yüksəlməsi və eləcə də qan zərdabında transaminazaların aktivliyinin normanın
yuxarı həddi (NYH) ilə müqayisədə, 3 dəfədən artıq yüksəlməsi;
- ağır böyrək çatışmazlığı olan xəstələrdə (kreatinin klirensi <30 ml/dəq);
- miopatiyası olan xəstələrdə;
- eyni vaxtda sofosbuvir/velpatasvir/voksilaprevir qəbul edən xəstələrdə;
- eyni vaxtda siklosporin qəbul edən xəstələrdə;
- hamiləlik və laktasiya dövründə və müvafiq kontraseptiv vasitələrdən istifadə etməyən
reproduktiv yaşda olan qadınlarda.
Rovastat 40 mq dozada miyopatiya/rabdomiyoliz üçün inkişaf etməsinə meyllilik faktorları olan
xəstələrdə istifadəsi əks göstərişdir. Belə amillərə aşağıdakılar daxildir:
- orta dərəcədə böyrək çatışmazlığı (kreatinin klirensi < 60 ml/dəq);
- hipotireoz;
- irsi əzələ xəstəliklərinin şəxsi və ya ailə tarixi
- anamnezdə HMQ-KoA-reduktaza fermentinin digər inhibitorlarının və ya fibratların
istifadəsi fonunda miotoksikliyin olması;
- alkoqoldan sui-istifadə;
- plazma səviyyəsinin artmasına səbəb ola biləcək vəziyyətlər;
- Asiya irqinə məxsus xəstələr;
- fibratların (gemfibrozil və ya fenofibrat) eyni vaxtda istifadəsi.
Xüsusi göstərişlər və ehtiyat tədbirləri
Böyrəyə təsiri
Rozuvastatini daha yüksək dozalarda, xüsusən də 40 mq qəbul edən xəstələrdə, əksər hallarda
müvəqqəti və ya aralıq xarakter daşıyan, şkalalı çubuq ilə aşkar edilən və əsasən boru mənşəli
proteinuriya müşahidə edilmişdir. Proteinuriyanın kəskin və ya proqressivləşən böyrək xəstəliyini
proqnozlaşdırdığı göstərilməmişdir. Post-marketinq istifadəsində 40 mq dozadan daha yüksək
dozalarda ciddi böyrək hadisələri bildirilmişdir. Rovastatı 40 mq dozada qəbul edən xəstələrin
müntəzəm monitorinqi zamanı böyrək funksiyasının qiymətləndirilməsi nəzərə alınmalıdır.
Skelet əzələlərinə təsiri
Rozuvastatin qəbul edən xəstələrdə bütün dozalarda, xüsusən də > 20 mq dozada mialgiya, miopatiya
və nadir hallarda rabdomioliz bildirilmişdir. Ezetimibin HMQ-KoA reduktaza inhibitorları ilə
birlikdə istifadəsi ilə çox nadir hallarda rabdomioliz halları bildirilmişdir. Farmakodinamik qarşılıqlı
təsiri istisna etmək olmaz və onların birgə istifadəsi zamanı ehtiyatlı olmaq tövsiyə olunur. Digər
HMQ-KoA reduktaza inhibitorları kimi, 40 mq dozada post-marketinqdə rozuvastatinin istifadəsi ilə
əlaqəli rabdomioliz ilə əlaqəli məlumat daha çoxdur.
Kreatinkinazanın müəyyən edilməsi
Kreatinkinaza (KK) gərgin fiziki məşqdən sonra və ya fermentinin artmasına gətirib çıxaran digər
alternativ səbəb olduğu halda həyata keçirilməməlidir. KK səviyyələri başlanğıcda əhəmiyyətli
dərəcədə yüksəldikdə (>5xNYH) 5-7 gün ərzində təsdiqləyici analiz aparılmalıdır. Təkrar analiz ilkin
KK >5xNYH-i təsdiq edildiyi halda, müalicəyə başlamaq olmaz.
Müalicədən əvvəl
Rosuvastatin, digər HMQ-KoA reduktaza inhibitorları kimi, miyopatiya/rabdomiyoliz üçün
əvvəlcədən təsir göstərən amilləri olan xəstələrə ehtiyatla təyin olunmalıdır. Belə amillərə
aşağıdakılar daxildir:
- böyrək çatışmazlığı;
- hipotireoz;
- xəstənin fərdi və ya ailə anamnezində irsi əzələ xəstəliklərinin mövcudluğu;
- anamnezdə HMQ-KoA-reduktaza fermentinin digər inhibitorlarının və ya fibratların
istifadəsi fonunda miotoksikliyin olması (gemfibrozil, fenofibrat);
- alkoqoldan sui-istifadə;
- >70 yaş;
- plazmada səviyyəsinin artmasına səbəb ola biləcək vəziyyətlər;
- fibratlarla eyni vaxtda istifadə (gemfibrozil, fenofibrat).
Belə xəstələrdə müalicə ilə bağlı fayda-risk nisbətinin nəzərə alınması və klinik monitorinq tövsiyə
olunur. KK səviyyələri başlanğıcda əhəmiyyətli dərəcədə yüksəldikdə (>5xNYH) müalicəyə
başlamaq olmaz.
Müalicə müddətində
Xəstələrə izah oluna bilməyən əzələ ağrıları, zəiflik və ya qıcolmalar, xüsusən də halsızlıq və ya
qızdırma halları barədə dərhal məlumat verməkləri tövsiyə olunur. Bu xəstələrdə KK səviyyələri
ölçülməlidir.
KK səviyyələri əhəmiyyətli dərəcədə yüksəldikdə (>5xNYH) və ya əzələ simptomları şiddətli
olduqda və gündəlik narahatlığa səbəb olduğu halda (KK səviyyələri ≤ 5x NYH olsa belə) müalicə
dayandırılmalıdır.
Simptomlar aradan qalxdıqda və KK fermentinin aktivliyi normaya qayıtdığı halda, Rovastatinin
təkrar təyin edilməsi və ya xəstənin yaxından monitorinqi ilə, HMQ-KoA-reduktaza fermentinin
alternativ inhibitorunun daha aşağı dozalarının təyin edilməsi nəzərdən keçirilməlidir. Asimptomatik
xəstələrdə KK səviyyələrinin müntəzəm monitorinqi tələb olunmur. Rozuvastatin də daxil olmaqla,
statinlərlə müalicə zamanı və müalicədən sonra çox nadir hallarda immun səbəbli nekrozlaşan
miopatiya (İNM) çox nadir hallarda bildirilmişdir. İNM klinik olaraq statinlərlə müalicənin
dayandırılmasına baxmayaraq davamlı proksimal əzələ zəifliyi və plazmada kreatin kinazanın artması
ilə xarakterizə olunur.
Klinik tədqiqatlarda Rovastat və eyni vaxtda müalicə alan az sayda xəstələrdə skelet əzələlərinin
təsirinin artmasına dair heç bir sübut aşkar edilməmişdir.
Bununla belə, siklosporin, nikotin turşusu, azol törəməsi olan antifunqal preparatlar, proteaza
inhibitorları və makrolid qrupu antibiotikləri daxil olmaqla, digər HMQ-KoA reduktaza
inhibitorlarını fibroy turşusu törəmələri ilə (gemfibrozil və fenofibrat) birlikdə qəbul edən xəstələrdə miozit və miopatiyanın tezliyində artım müşahidə edilmişdir. Gemfibrozil bəzi HMQ-KoA reduktaza
inhibitorları ilə eyni vaxtda qəbul edildikdə miyopatiya riskini artırır. Buna görə də, Rovastat və
gemfibrozilin birlikdə istifadəsi tövsiyə edilmir. Rovastatın və fibratların (gemfibrozil və fenofibrat)
və ya nikotin turşusunun eyni zamanda istifadəsi müddətində lipidlərin konsentrasiyasının
dəyişməsinin fayda-risk nisbəti hərtərəfli qiymətləndirilməlidir. 40 mq dozada Rovastatın fibratlarla
eyni vaxtda istifadəsi əks göstərişdir.
Rovastatı və sistem istifadə üçün nəzərdə tutulmuş fuzidi turşusu preparatlarını eyni zamanda və ya
fuzidi turşusunun istifadəsi dayandırıldıqdan sonra 7 gün müddətində istifadə etmək olmaz. Fuzidi
turşusunun sistemli istifadəsi vacib olduqda, fuzidi turşusu ilə müalicə zamanı statinlərlə müalicə
dayandırılmalıdır. Fuzidi turşusu və statinləri birgə qəbul edən xəstələrdə rabdomioliz (bəzi ölüm
halları da daxil olmaqla) barədə məlumatlar var. Xəstəyə hər hansı əzələ zəifliyi, ağrı və ya həssaslıq
əlamətləri olduqda, dərhal həkimə müraciət etmələri tövsiyə edilməlidir. Statinlə müalicəyə fuzidi
turşusunun son dozasından 7 gün sonra başlanıla bilər. Müstəsna hallarda, fuzidi turşusunun
uzunmüddətli sistem istifadəsi tələb olunduqda, məsələn, ağır infeksiyaların müalicəsi aparıldıqda,
Rovastatın və fuzidi turşusunun eyni zamanda istifadəsinin zəruriliyini bir halda və ciddi tibbi
müşahidə altında nəzərdən keçirmək lazımdır. Miopatiyadan əziyyət çəkən kəskin, ağır xəstəlikləri
olan və ya rabdomioliz fonunda ikincili böyrək çatışmazlığının inkişaf etmə ehtimalı (məsələn, sepsis,
hipotenziya, ağır cərrahi müdaxilə, travma, ağır metabolik sindrom, nəzarət olunmayan qıcolmalar,
endokrin və elektrolit pozğunluqlar) olan xəstələrə Rovastatı təyin olunmamalıdır.
Qaraciyərə təsiri
Digər HMQ-KoA reduktaza inhibitorları kimi, Rovastat da həddindən artıq miqdarda alkoqol qəbul
edən və/və ya qaraciyər xəstəliyi olan xəstələrdə ehtiyatla istifadə edilməlidir. Rovastat ilə müalicəyə
başlamazdan əvvəl və ondan 3 ay sonra qaraciyər funksiyası analizlərinin aparılması tövsiyə olunur.
Plazmada transaminazaların səviyyəsi normanın yuxarı həddindən 3 dəfə çox olduqda, Rovastatla
müalicə dayandırılmalı və ya doza azaldılmalıdır. Post-marketinq istifadəsində ciddi qaraciyər
hadisələri (əsasən artan qaraciyər transaminazalarından ibarətdir) üçün hesabat tezliyi 40 mq dozada
daha yüksəkdir. Hipotireoz və ya nefrotik sindrom nəticəsində ikincili hiperxolesterinemiya qeyd
olunan xəstələrdə Rovastatın istifadəsinə başlamazdan əvvəl əsas xəstəliyin müalicəsi aparılmalıdır.
İrq
Farmakokinetik tədqiqatlar ağ irqlə müqayisədə Asiya subyektlərində ekspozisiyanın artdığını
göstərir.
Proteaza inhibitorları
Rozuvastatinin və proteaza inhibitorlarının ritonavirlə kombinasiyalarının birlikdə istifadəsi
müddətində rozuvastatinin sistem təsirinin artması müşahidə olunmuşdur.
Proteaza inhibitorları qəbul edən İİV xəstələrində rozuvastatinin istifadəsi ilə lipidlərin azalmasının
faydası və proteaza inhibitorları ilə müalicə olunan xəstələrdə Rovastatla müalicəyə başlanması və
dozanın titrlənməsi zamanı plazmada rozuvastatinin konsentrasiyasının artması potensialı nəzərə
alınmalıdır. Rozuvastatinin dozasının korreksiyası aparılmadan proteaza inhibitorlarının eyni vaxtda
istifadəsi tövsiyə olunmur.
Ağciyərlərin interstisial xəstəliyi
Bəzi statinlərlə, xüsusən də uzunmüddətli müalicə ilə əlaqədar interstisial ağciyər xəstəliyinin
müstəsna halları bildirilmişdir. Təqdim olunan xüsusiyyətlərə təngnəfəslik, bəlğəmsiz öskürək və
ümumi sağlamlığın pisləşməsi (yorğunluq, çəki itkisi və qızdırma) daxil ola bilər. Xəstədə interstisial
ağciyər xəstəliyinin inkişaf etdiyindən şübhələndikdə, statinlərlə müalicə dayandırılmalıdır.
Şəkərli diabet
Digər HMQ-KoA reduktaza inhibitorları kimi, rozuvastatin qəbul edən xəstələrdə də HbA1c və
plazmada qlükoza səviyyəsinin artması müşahidə edilmişdir.
Diabet üçün risk faktorları olan xəstələrdə rozuvastatinin istifadəsi ilə diabet hallarının artması
bildirilmişdir.
Bununla belə, statinlər tərəfindən damar ağırlaşmaları riskinin azaldılmasındakı faydası həmin
riskdən üstündür və bu səbəbdən, statinlərin istifadəsi ilə müalicənin dayandırılması tələb olunmur.
Risk qrupuna daxil olan xəstələrdə (acqarına qlükoza 100-125 mq/dL (5,6-6,9 mmol/L),
BKI>30kq/m2
, triqliseridlərin artması, hipertoniya) klinik və biokimyəvi göstəricilərin milli
təlimatlara uyğun olaraq monitorinqi aparılmalıdır. Acqarına qlükoza 100-125 mq/dL (5,6-6,9
mmol/L) olan xəstələrdə rozuvastatinlə müalicə diabet riskinin artması ilə əlaqələndirilir.
“JUPITER” tədqiqatında şəkərli diabet hallarının ümumi tezliyi, rozuvastatin qrupunda 2,8 % və
plasebo qrupunda 2,3 % təşkil etmişdir; bu göstəricilər əsasən, acqarına qlükoza konsentrasiyası 100-
125 mq/dL (5,6-6,9 mmol/L) olan xəstələrdə qeydə alınmışdır.
Pediatriyada
Rozuvastatindən istifadə edən 6-17 yaş arası pediatrik xəstələrdə cinsi yetkinliyin ikincili
xüsusiyyətlərinin xətti böyümə (boy), çəki, BKİ (Bədən Kütləsi İndeksi) və Tannerin şkalası ilə
qiymətləndirilməsi iki illik dövrlə məhdudlaşır. İki illik tədqiqat müalicəsindən sonra böyümə, çəki,
BMİ və ya cinsi yetkinliyə heç bir təsir aşkar edilməmişdir.
52 həftə ərzində rozuvastatin qəbul edən uşaqlar və yeniyetmələr üzərində aparılan klinik tədqiqatda,
böyüklərdə aparılanlar ilə müqayisədə, məşq və ya artan fiziki aktivlikdən sonra KK-nın >10xNYH
yüksəlməsi və əzələ simptomları daha tez-tez müşahidə edilmişdir.
Laktozaya qarşı dözümsüzlük
Preparatın tərkibində laktoza vardır. Nadir irsi qalaktoza qarşı dözümsüzlük, ümumi laktaza
çatışmazlığı və ya qlükoza-qalaktoza malabsorbsiya sindromu olan xəstələr bu preparatı qəbul
etməməlidirlər.
Digər dərman vasitələri ilə qarşılıqlı təsiri
Birgə qəbul edilən dərmanların rosuvastatinə təsiri
Daşıyıcı zülalların inhibitorları
Rozuvastatin, qaraciyər tutulmasının daşıyıcısı OATP1B1 və efflyuks daşıyıcı BCRP də daxil
olmaqla, bəzi daşıyıcı zülalların substratıdır. Rovastatın bu daşıyıcı zülalların inhibitorları olan
dərman preparatları ilə eyni vaxtda qəbulu rozuvastatinin plazmada konsentrasiyasının artmasına və
miopatiya riskinin artmasına səbəb ola bilər.
Siklosporin
Rovastat və siklosporin ilə eyni vaxtda müalicə zamanı rosuvastatinin AUC göstəricisi sağlam
könüllülərdə müşahidə edilənlərdən orta hesabla 7 dəfə yüksək olmuşdur. Rovastatın siklosporinlə
eyni vaxtda istifadəsi əks göstərişdir. Rovastat və siklosporinin eyni vaxtda istifadəsi siklosporinin
plazmadakı konsentrasiyasına təsir göstərməmişdir.
Proteaza inhibitorları
Qarşılıqlı təsir mexanizminin dəqiq məlum olmamasına baxmayaraq, proteaza inhibitorlarının eyni
vaxtda istifadəsi rozuvastatinin təsirini əhəmiyyətli şəkildə artıra bilər. Farmakokinetik tədqiqatda
sağlam könüllülər tərəfindən 10 mq dozada rozuvastatinin və tərkibində 2 proteaza inhibitoru olan
kombinəolunmuş preparatın (300 mq atazanavir/100 mq ritonavir) eyni zamanda istifadəsi
müddətində, rozuvastatinin AUC göstəricisinin 3 dəfə və Cmax göstəricisinin 7 dəfə yüksəlməsi aşkar
edilmişdir.
Rozuvastatinin və proteaza inhibitorlarının bəzi kombinasiyalarının eyni zamanda istifadəsi,
rozuvastatinin ekspozisiyasının gözlənilən artması əsasında Rovastatın dozasının dəqiq
seçilməsindən sonra mümkündür.
Atazanavir/ritonavir və ya lopinavir/ritonavir kombinasiyasından istifadə edən xəstələrdə
rosuvastatinin gündəlik istifadəsi 10 mq ilə məhdudlaşdırılmalıdır.
Gemfibrozil və digər lipid səviyyəsini azaldan preparatlar
Rovastatın və gemfibrozilin eyni vaxtda istifadəsi rozuvastatinin Cmax və AUC göstəricilərinin 2 dəfə
artması ilə nəticələnmişdir.
Xüsusi qarşılıqlı təsir tədqiqatlarının məlumatlarına əsasən, fenofibrat ilə heç bir farmakokinetik
qarşılıqlı təsir gözlənilmir, lakin farmakodinamik qarşılıqlı təsir baş verə bilər.
Gemfibrozil, fenofibrat, digər fibratlar və lipid səviyyəsini azaldan dozalarda (> və ya gündə 1 q-a
bərabər) niasinin (nikotin turşusu) HMQ-KoA reduktaza inhibitorları ilə eyni vaxtda qəbulu
miyopatiya riskini artırır, çox güman ki, təkbaşına verildikdə də miyopatiya yarada bilər. Rovastatın
40 mq dozada və fibratların (gemfibrozil, fenofibrat) eyni zamanda istifadəsi əks göstərişdir. Bu qrup
xəstələrə tövsiyə olunan başlanğıc doza 5 mq-dır.
Ezetimib
10 mq Rovastat və 10 mq ezetimibin eyni vaxtda istifadəsi hiperxolesterinemiyalı xəstələrdə
rozuvastatinin AUC-nin 1,2 dəfə artması ilə nəticələnmişdir (Cədvəl 2). Bununla belə, əlavə təsirlər
baxımından rozuvastatin və ezetimib arasında farmakodinamik qarşılıqlı təsirlər mövcuddur.
Antasidlər
Rozuvastatinin digər dərman vasitələrinə təsiri
Vitamin K antaqonistləri
Digər HMQ-KoA reduktaza inhibitorları kimi, K vitamini antaqonistləri (məsələn, varfarin və ya
digər kumarin antikoaqulyantı) ilə eyni vaxtda müalicə alan xəstələrdə müalicənin başlanması və ya
rozuvastatinin dozasının artırılması Beynəlxalq Normallaşdırılmış Nisbətin (BNN) artması ilə
nəticələnə bilər. Rovastatın qəbulunun dayandırılması və ya azaldılması BNN-nin azalması ilə
nəticələnə bilər. Belə hallarda BNN-nin müvafiq monitorinqi aparılmalıdır.
Peroral kontraseptivlər/ əvəzedici hormonal müalicə
Rovastat və peroral kontraseptivlərin eyni vaxtda istifadəsi etinil estradiol və norgestrel AUC-nin
müvafiq olaraq 26% və 34% artması ilə nəticələnmişdir. Peroral kontraseptivlərin dozasını seçərkən
plazmadakı bu artmış səviyyələr nəzərə alınmalıdır. Rovastatın və əvəzedici hormonal müalicə üçün
nəzərdə tutulmuş preparatların eyni zamanda istifadəsi barədə heç bir farmakokinetik məlumat
yoxdur və bu səbəbdən, göstərilən kombinasiyanın istifadəsi zamanı analoji təsirin mövcudluğu
istisna edilməməlidir. Bununla belə, preparatların göstərilən kombinasiyası klinik tədqiqatlarda
qadınlar tərəfindən geniş istifadə edilmişdir və yaxşı tolerə edilmişdir.
Digər dərman vasitələri
Diqoksin
Xüsusi qarşılıqlı təsir tədqiqatlarından əldə edilən məlumatlara əsasən, diqoksin ilə klinik cəhətdən
qarşılıqlı təsir gözlənilmir.
Fuzidi turşusu
Rozuvastatin və fuzidi turşusu ilə qarşılıqlı əlaqə tədqiqatları aparılmamışdır.
Statinlərin və fuzidi turşusunun eyni zamanda sistem istifadəsi zamanı rabdomioliz də daxil olmaqla,
miopatiya riski yüksələ bilər. Bu qarşılıqlı təsir mexanizmi (farmakodinamik, farmakokinetik
qarşılıqlı təsirlərin ayrılıqda və ya hər iki növün eyni zamanda mövcudluğu) məlum deyildir. Bu
kombinasiyadan istifadə edən xəstələrdə rabdomioliz halları (ölümlə nəticələnən bir neçə hadisə də
daxil olmaqla) barədə məlumatlar bildirilmişdir. Fuzidi turşusunun sistem istifadəsi ilə müalicənin
aparılması zəruri olduğu halda, Rovastatla müalicə dayandırılmalıdır.
Xüsusi xəstə qruplarına dair əlavə məlumat
Pediatriyada
Qarşılıqlı təsir tədqiqatları yalnız böyüklərdə aparılmışdır. Pediatrik xəstələrdə qarşılıqlı təsir barədə
məlumat yoxdur.
Hamiləlik və laktasiya dövründə istifadəsi
Ümumi tövsiyə
Hamiləlik kateqoriyası: X.
Uşaq doğmaq qabiliyyətinə malik qadınlar/Kontrasepsiya
Rovastat qəbul edən reproduktiv yaşda olan qadınlar müvafiq kontraseptiv vasitələrdən istifadə
etməlidirlər. Dərmanın istifadəsi zamanı xəstə hamilə qalarsa, müalicə dərhal dayandırılmalıdır.
Hamiləlikdə
Rovastatın hamiləlik dövründə qəbul edildikdə, ciddi anadangəlmə qüsurlara səbəb ola biləcəyi
ehtimal edilir. Rovastatın qəbulu hamiləlik dövründə əks göstərişdir.
Xolesterol və xolesterin biosintezinin digər məhsulları dölün inkişafı üçün vacib olduğuna görə,
HMQ-KoA reduktazasının inhibəsinin potensial riski hamiləlik dövründə Rovastatla müalicənin
faydasından çoxdur. Heyvanlar üzərində aparılan tədqiqatlarda reproduktiv toksikliyə dair sübutlar
məhduddur.
Laktasiya
Rovastatın qəbulu laktasiya dövründə əks göstərişdir. Rosuvastatin siçovullarda süd ilə xaric olur.
İnsanlarda südlə xaric olması ilə bağlı məlumat yoxdur.
Fertillik
Heyvanlar üzərində aparılan tədqiqatlarda reproduktiv toksiklik haqqında məlumatlar məhduddur.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Rovastatın nəqliyyat vasitələrini idarə etmək və mexanizmlərlə işləmək qabiliyyətinə təsirini öyrənən
tədqiqatlar aparılmamışdır. Bununla belə, Rovastatın farmakodinamik xüsusiyyətlərinə əsasən, onun
bu qabiliyyətə təsir göstərməsi ehtimalı azdır. Nəqliyyat vasitələrini və ya digər mexanizmləri idarə
edərkən müalicə zamanı başgicəllənmənin baş vermə ehtimalını nəzərə almaq lazımdır.
İstifadə qaydası və dozası
Pozologiya, istifadə tezliyi və müddəti
Müalicəyə başlamazdan əvvəl xəstəyə müalicə müddətində standart xolesterolu azaldan pəhriz təyin
edilməlidir. Rovastatın dozası müalicənin məqsədinə və xəstənin reaksiyasına uyğun olaraq cari
təlimatlardan istifadə etməklə tənzimlənməlidir.
Hiperxolesterinemiyanın müalicəsi
Həm əvvəllər statinlərdən istifadə etməmiş xəstələr, həm də HMQ-KoA-reduktaza fermentinin digər
inhibitorları ilə müalicədən sonra, göstərilən preparatın istifadəsinə keçirilən xəstələr üçün preparatın
tövsiyə olunan başlanğıc dozası sutkada 1 dəfə 5 mq və ya 10 mq təşkil edir.
Preparatın başlanğıc dozası seçildikdə, hər bir xəstədə xolesterinin səviyyəsini və eləcədə, ürək-
damar ağırlaşmalarının inkişafı üçün ehtimal riskləri və əlavə effektlərin meydana çıxması üçün
potensial riskləri nəzərə almaq lazımdır. Lazım gəldikdə, 4 həftədən sonra dozanı artırmaq olar.
Aşağı dozalarla müqayisədə 40 mq doza ilə əlavə təsirlərin bildirilmə tezliyi artdığı üçün, yalnız
yüksək ürək-damar riski olan 20 mq dozanın istifadəsi zamanı arzuolunan nəticənin əldə edilməsi
mümkün olmayan və ağır hiperxolesterinemiyası olan xəstələrdə (xüsusilə ailəvi
hiperxolesterinemiyası olanlarda) maksimum 40 mq dozaya yekun titrləmə nəzərə alınmalıdır. Bu
xəstələrə mütəmadi olaraq nəzarət edilməlidir. 40 mq dozaya başlandıqda mütəxəssis nəzarəti
(kardioloq və ya endokrinoloq) tövsiyə olunur.
Ürək-damar ağırlaşmalarının qarşısının alınması
Ürək-damar ağırlaşması riskinin azaldılması tədqiqatında istifadə olunan doza gündə 20 mq
olmuşdur.
İstifadə qaydası
Rovastat günün istənilən vaxtı, yeməklə və ya acqarına qəbul edilə bilər.
Xüsusi xəstə qruplarına dair əlavə məlumat
Böyrək çatışmazlığı
Yüngül və ya orta dərəcəli böyrək çatışmazlığı olan xəstələrdə dozanın tənzimlənməsinə ehtiyac
yoxdur. Orta dərəcəli böyrək çatışmazlığı olan xəstələrdə (kreatinin klirensi <60 ml/dəq) tövsiyə
olunan başlanğıc doza 5 mq təşkil edir. Orta dərəcəli böyrək çatışmazlığı olan xəstələrdə 40 mq
doza əks göstərişdir. Ağır böyrək çatışmazlığı olan xəstələrdə Rovastatın istifadəsi bütün dozalar
üçün əks göstərişdir.
Qaraciyər çatışmazlığı
Çayld-Pyu balları 7 və ya daha aşağı olan xəstələrdə rosuvastatinin sistem konsentrasiyasının
yüksəlməsi aşkar edilməmişdir. Bununla belə, Çayld-Pyu balları 8 və 9 olan xəstələrdə preparatın
sistem konsentrasiyasının yüksəlməsi müşahidə olunmuşdur. Bu xəstələrdə böyrək funksiyasının
qiymətləndirilməsi nəzərə alınmalıdır. Çayld-Pyu balları 9-dan yuxarı olan xəstələrə dair məlumat
yoxdur. Rovastatın istifadəsi aktiv qaraciyər xəstəliyi olan xəstələrdə əks göstərişdir.
Pediatriyada
Uşaqlara yalnız həkim tərəfindən təyin edilməlidir.
6 yaşdan 17 yaşa qədər uşaqlar və yeniyetmələr (Tanner mərhələsi Rovastat < II-V).
Heteroziqot ailəvi hiperxolesterolemiya
Ailəvi heteroziqot hiperxolesterinemiyalı uşaqlarda və yeniyetmələrdə adi başlanğıc doza gündə 5
mq-dır.
- Ailəvi heteroziqot hiperxolesterinemiyası olan 6 yaşdan 9 yaşa qədər olan uşaqlarda adi doza
diapazonu gündə bir dəfə daxilə 5-10 mq-dır. Bu qrup xəstələrdə 10 mq-dan çox dozanın
təhlükəsizliyi və effektivliyi öyrənilməmişdir.
- Ailəvi heteroziqot hiperxolesterinemiyası olan 10-17 yaş arası uşaqlarda adi doza diapazonu
gündə bir dəfə daxilə 5-20 mq-dır. Bu qrup xəstələrdə 20 mq-dan çox dozanın təhlükəsizliyi
və effektivliyi öyrənilməmişdir.
Pediatrik xəstələrdə dozanın titrlənməsi müalicənin tövsiyələrinə müvafiq olaraq, fərdi reaksiya və
dözümlülük əsasında aparılmalıdır. Rosuvastatinlə müalicəyə başlamazdan əvvəl uşaqlar və
yeniyetmələr aşağı xolesterin tərkibli məhsulların istifadəsi ilə standart pəhriz saxlamalıdır və
həmin pəhriz, bütün müalicə dövrü müddətində də davam etdirilməlidir.
Ailəvi homoziqot hiperxolesterinemiya
6 - 17 yaş arası ailəvi homoziqot hiperxolesterinemiyalı uşaqlarda preparatın maksimal tövsiyə
olunan dozası gündə 1 dəfə 20 mq-dır.
Başlanğıc tövsiyə olunan doza yaş, çəki və əvvəllər statin istifadəsindən asılı olaraq gündə bir dəfə
5-10 mq-dır. Dozanın maksimal gündə 1 dəfə 20 mq-a qədər titrlənməsi, uşaqlarda preparatın
istifadəsi tövsiyələrində qeyd edildiyi kimi, xəstənin müalicəyə fərdi cavabına və tolerantlığa əsasən
aparılmalıdır. Rozuvastatinin istifadəsi ilə müalicəyə başlamazdan əvvəl uşaqlar və yeniyetmələr,
aşağı xolesterin tərkibli məhsulların istifadəsi ilə standart pəhriz saxlamalıdır və həmin pəhriz, bütün
müalicə dövrü müddətində də davam etdirilməlidir. Bu xəstə qrupunda 20 mq-dan fərqli dozaların
istifadə təcrübəsi məhduddur.
40 mq tablet pediatrik xəstələrdə istifadə üçün uyğun deyil.
6 yaşdan kiçik uşaqlar
6 yaşdan kiçik uşaqlarda istifadənin təhlükəsizliyi və effektivliyi öyrənilməmişdir. Buna görə də,
Rovastatın 6 yaşdan kiçik uşaqlarda istifadəsi tövsiyə edilmir.
Yaşlılarda
70 yaşdan yuxarı xəstələrə tövsiyə olunan başlanğıc doza 5 mq-dır. Yaşla əlaqədar olaraq dozanın
tənzimlənməsinə ehtiyac yoxdur.
Digər
İrq
Asiya subyektlərində sistematik təsirin artması müşahidə edilmişdir. Asiya mənşəli xəstələr üçün
tövsiyə olunan başlanğıc doza 5 mq-dır. Bu xəstələrdə 40 mq dozanın istifadəsi əks göstərişdir.
Genetik polimorfizm
Rozuvastatinin ekspozisiyasını artmasına səbəb ola biləcək spesifik genetik polimorfizm növləri
məlumdur. Bu cür spesifik polimorfizm növləri olan xəstələr üçün Rovastatın daha aşağı gündəlik
dozalarda istifadəsi tövsiyə olunur.
Miopatiyaya meyllilik amilləri olan xəstələrdə dozalanma
Miyopatiyaya meyllilik amilləri olan xəstələrdə tövsiyə olunan başlanğıc doza 5 mq-dır. Bu xəstələrin
bəzilərində 40 mq doza əks göstərişdir.
Yanaşı müalicə
Rozuvastatin müxtəlif daşıyıcı zülalların (məsələn, OATP1B1 və BCRP) substratıdır.
Rozuvastatinin daşıyıcı zülallarla qarşılıqlı təsir nəticəsində qan plazmasında rozuvastatinin
konsentrasiyasını artıran preparatları (məsələn, siklosporin, ritonavirin atazanavirlə, lopinavirlə və/və
ya tipranavirlə kombinasiyaları da daxil olmaqla) ilə eyni zamanda istifadə etdikdə, miopatiyanın
(rabdomioliz də daxil olmaqla) inkişaf etmə riski arta bilər. Mümkün olduqda, alternativ dərmanlar
nəzərdən keçirilməli və zəruri hallarda Rovastatla müalicəsinin müvəqqəti dayandırılması
düşünülməlidir.
Bu preparatların Rovastatla birgə istifadəsinin zəruri olduğu hallarda, eyni vaxtda müalicənin fayda-
risk nisbəti və Rovastatın dozasının tənzimlənməsi diqqətlə nəzərdən keçirilməlidir.
Atazanavir/ritonavir və ya lopinavir/ritonavir kombinasiyasından istifadə edən xəstələrdə
rosuvastatinin gündəlik istifadəsi 10 mq doza ilə məhdudlaşdırılmalıdır.
Əlavə təsirləri
Əlavə təsirlər ümumiyyətlə mülayim və müvəqqətidir. Nəzarət edilən klinik sınaqlarda Rovastat ilə
müalicə xəstələrin 4%-dən az hissəsində əlavə təsirlərə görə dayandırmışdır.
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - <
1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (<
1/10000); məlum deyil (əldə olan məlumatlara görə tezliyi qiymətləndirmək mümkün deyil).
Qan və limfa sistemində baş verən pozğunluqlar
Nadir: trombositopeniya.
İmmun sistemdə baş verən pozğunluqlar
Nadir: angionevrotik ödem də daxil olmaqla, hiperhəssaslıq reaksiyaları.
Endokrin sistemdə baş verən pozğunluqlar
Tez-tez: 2-ci tip şəkərli diabet1
.
Psixi pozğunluqlar
Məlum deyil: depressiya.
Sinir sistemində baş verən pozğunluqlar
Tez-tez: baş ağrı, başgicəllənmə.
Çox nadir: polineyropatiya, yaddaşın itməsi
Məlum deyil: periferik neyropatiya, yuxu pozğunluqları (yuxusuzluq və gecələr dəhşətli
yuxugörmələr də daxil olmaqla).
Tənəffüs sistemində, döş qəfəsi və divararası orqanlarda baş verən pozğunluqlar
Məlum deyil: öskürək, təngnəfəslik.
Mədə-bağırsaq traktında baş verən pozğunluqlar
Tez-tez: qəbizlik, ürəkbulanma, qarın nahiyəsində ağrı.
Nadir: pankreatit.
Məlum deyil: diareya.
Hepatobiliar pozğunluqlar
Nadir: qaraciyər transaminazalarının aktivliyinin yüksəlməsi.
Məlum deyil: sarılıq, hepatit.
Dəri və dərialtı toxuma pozğunluqları
Nadir:qaşıntı, səpgi və övrə.
Məlum deyil: Stivens-Conson sindromu, DRESS sindromu.
Skelet-əzələ sistemində və birləşdirici toxumada baş verən pozğunluqlar
Tez-tez: mialgiya.
Nadir: miyopatiya (miyozit daxil olmaqla) və rabdomiyoliz.
Çox nadir: artralgiya.
Məlum deyil: bəzən yırtılma ilə ağırlaşmış vətər xəstəlikləri, immun səbəbli nekrozlaşan miopatiya.
Böyrəklərdə və sidik-ifrazat yollarında baş verən pozğunluqlar
Çox nadir: hematuriya.
Reproduktiv orqanlarda və süd vəzilərində baş verən pozğunluqlar
Çox nadir: ginekomastiya.
Ümumi pozğunluqlar və yeridilmə nahiyəsində baş verən dəyişikliklər
Tez-tez: asteniya.
Nadir: ödem.
1 Tezlik risk faktorlarının mövcud olub-olmamasından asılı olacaqdır (acqarına qlükozanın
konsentrasiyası ≥ 100 mq/dL (5,6 mmol/L), BKİ > 30 kq/m2
, triqliseridlərin konsentrasiyalarının
yüksəlməsi, anamnezdə arterial hipertenziyanın qeyd olunması).
Yupiter tədqiqatında ən çox acqarına qanda qlükozanın miqdarı 100-125 mq/dL (5,6-6,9 mmol/L)
olan xəstələrdə müşahidə edilmişdir.
Digər HMQ-KoA reduktaza inhibitorlarında olduğu kimi, dərmanın əlavə təsirlərinin tezliyi
dozadan asılı olur.
Böyrəyə təsiri
Rovastatla müalicə olunan xəstələrdə şkalalı çubuq ilə aşkar edilən və əsasən boru mənşəli olan
proteinuriya müşahidə edilmişdir. Rozuvastatini 10 mq və 20 mq dozalarda istifadə edən xəstələrin 1
%-dən azında və 40 mq dozada istifadə edən xəstələrin təxminən 3 %-də sidikdə zülal miqdarının
dəyişməsi - yox və ya iz miqdarlarının mövcudluğundan “++” və daha yüksək səviyyəyə qədər aşkar
edilmişdir. 20 mq dozada heç və ya izdən +-a keçiddə cüzi artım müşahidə edilmişdir. Əksər hallarda,
davamlı müalicə ilə proteinuriya azalır və ya kortəbii şəkildə yox olur. Klinik tədqiqatlardan və
preparatın postmarketinq dövründə istifadəsi təcrübəsindən əldə olunan məlumatların analizində
proteinuriya və böyrəklərin kəskin və ya proqressivləşən xəstəlikləri arasında səbəb əlaqəsi müəyyən
edilməmişdir. Rovastatla müalicə alan xəstələrdə hematuriya müşahidə edilmişdir və kliniki sınaq
məlumatları bu halların az olduğunu göstərir.
Skelet-əzələ sistemində və birləşdirici toxumada baş verən pozğunluqlar
Rovastatın istənilən dozasından, xüsusilə, 20 mq-dan yüksək dozasından istifadə edən xəstələrdə
mialgiyanın, miopatiyanın (miozit də daxil olmaqla) və nadir hallarda – kəskin böyrək çatışmazlığı
ilə əlaqəli və ya əlaqəsiz rabdomiolizin meydana çıxmasına səbəb olan skelet əzələlərinə təsiri
müşahidə olunmuşdur.
Rozuvastatin qəbul edən stasionar xəstələrdə KK səviyyələrində doza ilə bağlı artım müşahidə
edilmişdir; halların əksəriyyəti yüngül, simptomsuz və müvəqqəti olmuşdur. KK miqdarı artdıqda
(>5xNYH), müalicə dayandırılmalıdır.
Qaraciyərə təsiri
Digər HMQ-KoA reduktaza inhibitorlarında olduğu kimi, rozuvastatin qəbul edən az sayda xəstədə
transaminazalarda doza ilə bağlı artım müşahidə edilmişdir; halların əksəriyyəti yüngül,
asimptomatik və müvəqqəti olmuşdur.
Bəzi statinlərlə aşağıdakı əlavə təsirlər bildirilmişdir:
- Cinsi disfunksiya;
- Çox nadir hallarda – xüsusilə, uzunmüddətli müalicə zamanı ağciyərlərin interstisial xəstəliyi.
Rabdomioliz, ciddi böyrək və qaraciyər ağırlaşmaları (əsasən qaraciyər transaminazalarının artması)
40 mq doza qəbulu zamanı daha çox baş vermişdir.
Xüsusi xəstə qruplarına dair əlavə məlumat
Pediatriyada
Uşaqlarda və yeniyetmələrdə 52 həftəlik klinik tədqiqatda böyüklərlə müqayisədə məşqdən və ya
fiziki aktivlikdən sonra kreatin kinazanın artımı >10xNYH və əzələ simptomları daha tez-tez
müşahidə edilmişdir. Digər aspektlərdə Rovastatın təhlükəsizlik profili böyüklər ilə müqayisədə
uşaqlar və yeniyetmələrdə oxşar olmuşdur.
Doza həddinin aşılması
Doza həddinin aşılması halında spesifik müalicə yoxdur. Doza həddinin aşılması halında simptomatik
müalicə aparılmalı və lazım olduqda dəstəkləyici tədbirlər görülməlidir. Qaraciyər funksiyasına və
KK səviyyələrinə nəzarət edilməlidir. Hemodializ effektiv deyil.
Buraxılış forması
7 tablet Alu/Alu blisterdə. 2 və ya 12 blister içlik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan, işıqdan qorumaqla və uşaqların əli çatmayan yerdə saxlamaq
lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Abdi İbrahim İlaç San. ve Tic. A.Ş., Turkey.
Orhan Gazi Mahallesi, Tunç Cad. No:3 Esenyurt, İstanbul, Türkiyə.
Qeydiyyat vəsiqəsinin sahibi
Abdi İbrahim İlaç San. ve Tic. A.Ş., Turkey.
Reşitpaşa Mahallesi Eski Büyükdere Caddesi No: 4 34467 Maslak Sarıyer İstanbul.