Pharmed
ROMATEK 1/3MG 5ML GOZ DAMLASI
RОMATEK
Beynəlxalq patentləşdirilməmiş adı: Dexamethasone + Tоbramycin
RОMATEK Tərkibi
Təsiredici maddə: 1 ml məhlulun tərkibində 3 mq tоbramisin, 1 mq deksametazоn vardır. Köməkçi maddələr: tilоksapоl, hiprоmellоza (HPMS 4000 sP), susuz natrium sulfat, natrium xlorid, dinatrium edetat, benzalkonium xlorid, pH-ın korreksiya olunması üçün 0,5 М sulfat turşusu məhlulu və ya 1 М natrium hidroksid məhlulu, təmizlənmiş su.
Farmakoterapevtik qrupu
Oftalmоlоgiyada istifadə edilən preparatlar, kоmbinəolunmuş şəkildə iltihabəleyhinə və antibakterial preparatlar, kоmbinəolunmuş şəkildə kоrtikоsterоidlər və antibakterial vasitələr.
АТC kodu: S01CA01.
Farmakoloji xüsusiyyətləri
Farmakodinamikası: Romatek oftalmologiyada yerli istifadə üçün nəzərdə tutulmuş antibakterial və iltihabəleyhinə təsir göstərən kombinəolunmuş şəkildə dərman preparatıdır. Deksametazon sintetik flüorlu qlükokortikosteroiddir (QKS). Bu, aydın şəkildə iltihabəleyhinə, antiallergik və desensibilizasiyaedici təsir göstərir. Deksametazon eozinofillər tərəfindən iltihab mediatorlarının sərbəst buraxılmasına, tosqun hüceyrələrinin miqrasiyasına maneə törətməklə və kapillyar keçiriciliyi və vazodilyatasiyanı azaltmaqla iltihabi prosesləri aktiv şəkildə aradan qaldırır. Mineralokortikoid aktivliyə malik deyil. Tobramisin aminoqlikozidlər qrupundan olan geniş təsir spektrinə malik antibiotikdir. Zülal sintezini və mikrob hüceyrəsinin sitoplazmatik membranının keçiriciliyini pozur. Aşağıda qeyd edilən qram-müsbət və qram-mənfi mikroorqanizmlərə qarşı aktivdir: stafilokoklar (o cümlədən Staphylococcus aureus, Staphylococcus epidermidis), eləcə də, metisillinə davamlı ştamlar; streptokoklar, həmçinin bəzi A qrupu beta-hemolitik növlər, qeyri-hemolitik növlər və Streptococcus pneumoniae; Pseudomonas aeruginosa; Escherichia coli; Klebsiella pneumoniae; Enterobacter spp; Proteus mirabilis; morganella morganii; Citrobacter spp; hemofil influenzae; Moraxella spp; Acinetobacter spp; Serratia marcescens kimi bəzi ştamlar da daxil olmaqla. Pediatrik populyasiyada istifadəsi: Uşaqlarda deksametazon və tobramisindən ibarət göz damcılarının istifadəsinin təhlükəsizliyi və effektivliyi geniş klinik təcrübə ilə təsdiq edilmişdir, lakin bu barədə məhdud məlumatlar mövcuddur. Bakterial konyunktivitin müalicəsi üçün deksametazon və tobramisin suspenziyası ilə həyata keçirilən klinik sınaqlarda 1 yaşdan 17 yaşa qədər 29 uşaq 5 və ya 7 gün ərzində hər 4 və ya 6 saatdan bir 1 və ya 2 damcı deksametazon və tobramisin suspenziyası qəbul etmişdir. Bu tədqiqatlarda böyüklər və pediatrik pasiyentlər arasında təhlükəsizlik profilində heç bir fərq müşahidə edilməmişdir.
Farmakokinetikası: Absorbsiyası: Deksametazon – preparatın yerli tətbiqindən sonra deksametazonun sistemli absorbsiyası aşağı olur. Qan plazmasında deksametazonun maksimal konsentrasiyası (Cmax) 2 gün ərzində hər gözə 1 damcı gündə 4 dəfə tətbiq edildikdən sonra 220-888 pq/ml (təxminən 555±217 pq/ml) arasında dəyişir. Tobramisin – dərman preparatının yerli tətbiqindən sonra tobramisinin sistemli absorbsiyası aşağıdır. Dərmanı 2 gün ərzində hər gözə 1 damcı gündə 4 dəfə istifadə etdikdən sonra qan plazmasında tobramisinin konsentrasiyası 12 xəstədən 9-da aşkarlama həddindən aşağı olmuşdur. Qan plazmasında tobramisinin maksimal konsentrasiyası 247 ng/ml təşkil edir ki, bu da nefrotoksiklik ilə əlaqəli konsentrasiya həddindən 8 dəfə aşağıdır. Paylanması: Deksametazon – sistemli dövriyyəyə daxil olan deksametazonun təxminən 77-84%-i plazma zülalları ilə birləşir. Metabolizmi və xaric olması: Deksametazon – əsasən metabolizm yolu ilə, təxminən 60%-i böyrəklər tərəfindən 6-ßhidroksideksametazon şəklində ifraz olunur. Yarımxaricolma dövrü orta hesabla 3-4 saat təşkil edir. Tobramisin əsasən dəyişilməmiş şəkildə böyrəklər vasitəsilə xaric olunur.
İstifadəsinə göstərişlər
Böyüklərdə və 2 yaşdan yuxarı uşaqlarda kataraktanın cərrahi müalicəsi ilə əlaqəli iltihabın qarşısının alınması (profilaktikası) və müalicəsi və infeksiyanın qarşısının alınması.
Əks göstərişlər
• Deksametazona, tobramisinə və ya preparatın “Tərkibi” bölməsində sadalanan köməkçi maddələrindən hər hansı birinə qarşı yüksək həssaslıq;
• Herpes Simplex virusu tərəfindən törədilən keratit;
• Peyvənd (vaksinasiya), suçiçəyi və buynuz qişanın və konyunktivanın digər virus xəstəlikləri;
• Mycobacterium tuberculosis, Mycobacterium leprae və ya Mycobacterium avium kimi əsasən turşuya-davamlı basillərlə yaranan mikobakterial göz infeksiyaları;
• Gözün virus mənşəli xəstəlikləri;
• Gözün göbələk infeksiyaları və ya əvvəllər müalicə olunmamış parazitar göz infeksiyaları;
• Gözlərin müalicə olunmamış irinli infeksiyaları.
Xüsusi göstərişlər və ehtiyat tədbirləri
Hazırki dərman preparatı yalnız yerli istifadə üçün nəzərdə tutulmuşdur. Dərman preparatının gözdaxili inyeksiya üçün və ya ağızdan istifadəsinə icazə verilmir. Romatek dərman preparatının uzunmüddətli istifadəsi (yəni, 24 gündən çox, klinik sınaqlarda maksimum istifadə müddəti) və ya istifadə tezliyinin artırılması gözdaxili təzyiqin yüksəlməsinə və ya görmə sinirinin zədələnməsi, görmə itiliyinin pozulması, görmə sahəsinin pozulması və arxa subkapsulyar kataraktanın yaranması ilə müşayiət olunan qlaukomaya gətirib çıxara bilər. Görmənin pozulması: Kortikosteroidlərin sistem və yerli istifadəsi zamanı görmə pozğunluqları baş verə bilər. Pasiyentdə bulanıq görmə və ya digər görmə pozğunluqları kimi simptomlar yaranarsa, onlar sistemli və yerli kortikosteroidlərin istifadəsindən sonra rastlana biləcək katarakt, qlaukoma və ya mərkəzi seroz xorioretinopatiya (MSXP) kimi nadir xəstəliklərin mümkün səbəblərinin qiymətləndirilməsi üçün oftalmoloqa müraciət etməlidirlər. Gözdaxili təzyiqin tez-tez ölçülməsi məsləhət görülür. Bu, deksametazon tərkibli dərman preparatları qəbul edən pediatrik pasiyentlər üçün xüsusilə vacibdir, çünki steroidlərin səbəb olduğu göz hipertenziyasının yaranması riski 6 yaşdan kiçik uşaqlarda daha yüksək ola bilər və böyüklərin steroid reaksiyasından daha erkən baş verə bilər. Müalicənin tezliyi və davametmə müddəti diqqətlə nəzərdən keçirilməli və pediatrik pasiyentlərdə gözdaxili təzyiqin daha erkən və daha çox steroidlərlə-əlaqəli yaranması riskinin artması nəzərə alınaraq müalicənin başlanğıcından gözdaxili təzyiqə nəzarət edilməlidir. Qlükokortikosteroidlərin istifadəsi nəticəsində gözdaxili təzyiqin artması və/və ya kataraktanın əmələ gəlməsi riski meylli pasiyentlərdə (məsələn, şəkərli diabeti olan) daha yüksəkdir. Həssas pasiyentlərdə, o cümlədən uşaqlarda və CYP3A4 inhibitorlarını (ritonavir və kobisistat da daxil olmaqla) qəbul edən pasiyentlərdə intensiv və ya uzunmüddətli fasiləsiz terapiyadan sonra okulyar deksametazonun sistemli absorbsiyası ilə əlaqəli Kuşinq sindromu və/və ya adrenal supressiya baş verə bilər. Belə hallarda dərman preparatı ilə müalicə dayandırılmalıdır. Uzun müddətli istifadə bədənin reaksiyalarının azalması səbəbindən ikincili göz infeksiyalarının yaranmasına da səbəb ola bilər. Qlükokortikosteroidlər bakterial, virus, göbələk və ya parazitar infeksiyalara qarşı müqaviməti azalda bilər və onların inkişafına imkan yarada bilər, həmçinin infeksiyanın klinik əlamətlərini maskalaya bilər. Aminоqlikоzidlərin yerli olaraq istifadəsindən sonra bəzi pasiyentlərdə yüksək həssaslıq reaksiyaları yarana bilər. Yüksək həssaslıq reaksiyaları (allergik reaksiyalar) ağırlığına görə müxtəlif dərəcələrdə ola bilər və eritema, qaşınma, övrə, səpgi, anafilaksiya, anafilaktoid reaksiyalar və ya bullyoz reaksiyalar da daxil olmaqla yerli reaksiyalardan ümumiləşdirilmiş reaksiyalara qədər dəyişə bilər. Hiperhəssaslıq reaksiyaları əlamətlərinin yaranması zamanı preparatın istifadəsi sоnlandırılmalıdır. Digər aminoqlikozidlərə qarşı çarpaz yüksək həssaslıq reaksiyalarının inkişafı mümkündür. Yerli tətbiq edilən tobramisinə qarşı yüksək həssaslığı olan pasiyentlər digər yerli və ya sistem şəklində istifadə edilən aminoqlikozidlərə qarşı da həssaslıq göstərə bilərlər. Sistemli aminoqlikozidlərlə müalicə alan pasiyentlərdə neyrotoksiklik, ototoksiklik və nefrotoksiklik də daxil olmaqla ciddi əlavə reaksiyalar baş vermişdir. Aminoqlikozidlərin eyni vaxtda yerli və sistemli istifadəsi zamanı ehtiyatlı olmaq lazımdır. Miasteniya qravis və ya Parkinson xəstəliyi kimi sinir-əzələ pozğunluğu təsdiqlənmiş və ya ehtimal edilən pasiyentlərə Romatek preparatı təyin edilərkən ehtiyatlı olmaq lazımdır. Aminoqlikozidlər sinir-əzələ keçiriciliyinə potensial təsir göstərərək əzələ zəifliyini ağırlaşdıra bilər. Korneada (buynuz qişada) sağalmayan xoralar göbələk invaziyalarının inkişafının göstəricisi ola bilər. Göbələk invaziyası baş verərsə, qlükokortikosteroidlərlə terapiya dayandırılmalıdır. Tоbramisin kimi antibiоtiklərin uzunmüddətli istifadəsi rezistent mikrооrqanizmlərin, о cümlədən göbələklərin artmasına gətirib çıxarır. Superinfeksiyaların inkişaf etməsi hallarında preparatın istifadəsi dayandırılmalı və yaranmış infeksiyanın müvafiq müalicəsinə başlanmalıdır. Yerli oftalmoloji qlükokortikosteroidlər buynuz qişanın yaralarının sağalmasını gecikdirə bilər. Həmçinin yerli qeyri-steroid iltihab əleyhinə preparatların da sağalmanı ləngitdiyi və ya gecikdirdiyi məlumdur. Yerli qeyri-steroid iltihab əleyhinə preparatların və yerli steroidlərin eyni vaxtda istifadəsi sağalma ilə əlaqəli problemlərin yaranma ehtimalını artıra bilər. Buynuz qişanın və ya skleranın incəlməsinə səbəb olan xəstəliklər zamanı qlükokortikosteroidlərin yerli istifadəsi nəticəsində perforasiyaların yaranmasına dair məlumatlar bildirilmişdir. Köməkçi maddələr: Preparatın tərkibində konservant kimi benzalkonium xlorid var ki, bu da nöqtəli keratopatiyaya və/ və ya toksiki ulserativ keratopatiyaya səbəb ola bilər. Benzalkonium xlorid gözlərin qıcıqlanmasına və yumşaq kontakt linzaların rənginin dəyişilməsinə səbəb ola bilər. Dərmanı preparatının yumşaq kontakt linzalarla təmasından qaçınmaq lazımdır. Göz infeksiyalarının və ya iltihabının müalicəsi zamanı kontakt linzaların taxılması tövsiyə edilmir. Əgər pasiyentlərə kontakt linzalar taxmağa icazə verilirsə, onlara dərman preparatını istifadə etməzdən əvvəl yumşaq kontakt linzaları çıxarmaları və dərmanın damızdırılmasından sonra 15 dəqiqədən tez olmayaraq yenidən taxmaları təlimat verilməlidir.
Digər dərman vasitələri ilə qarşılıqlı təsiri
Topikal oftalmoloji istifadə zamanı heç bir klinik əhəmiyyətli qarşılıqlı təsir reaksiyaları təsvir edilməmişdir. Oftalmologiyada yerli istifadə üçün yerli qlükokortikosteroidlərin və qeyri-steroid iltihab əleyhinə preparatların (QSİƏP) eyni vaxtda istifadəsi buynuz qişanın sağalmasının pozulması ehtimalını artıra bilər. Ritonavir və kobisistat da daxil olmaqla CYP3A4 inhibitorları sistem təsirlərin səviyyəsini artira bilər ki, bu da adrenal supressiyanın/Kuşinq sindromunun yaranma riskinin artmasına gətirib çıxara bilər. Faydalı təsirlər qlükokortikosteroidlərin sistem əlavə təsirlərinin artması riskindən üstün olmadıqda, bu dərman preparatlarının birgə istifadəsindən qaçınmaq lazımdır, bu halda pasiyent belə sistemli təsirlərin inkişafını müəyyən etmək üçün müşahidə altında olmalıdırlar.
Hamiləlik zamanı və laktasiya dövründə istifadəsi
Hamiləlik: Hamilə qadınlarda deksametazon və tobramisinin yerli istifadəsi ilə əlaqəli məlumatlar yoxdur və ya məhduddur. Tobramisin hamilə qadınlara venadaxilinə tətbiq edildikdən sonra plasentadan keçir. Tobramisinin intrauterin təsir zamanı ototoksikliyə səbəb olacağı gözlənilmir. Hamiləlik zamanı qlükokortikosteroidlərin (QKS) uzunmüddətli istifadəsi intrauterin inkişafın ləngiməsi riskinin artması ilə əlaqələndirilir. Hamiləlik zamanı anaları kifayət qədər yüksək dozada kortikosteroid qəbul edən körpələr adrenal çatışmazlıq əlamətlərinin vaxtında aşkar edilməsi üçün diqqətlə yoxlanılmalıdırlar. Heyvanlar üzərində aparılan tədqiqatlarda tobramisin və deksametazonun sistemli tətbiqindən sonra reproduktiv toksiklik müşahidə edilmişdir. Bu təsirlər maksimum insan göz dozasından xeyli yuxarı hesab edilən ekspozisiyalarda müşahidə edilmişdir. Romatek preparatının hamiləlik zamanı istifadəsi tövsiyə edilmir. Laktasiya dövrü: Tobramisin sistemli şəkildə tətbiq edildikdə ana südünün tərkibinə keçir. Deksametazonun ana südünün tərkibinə nüfuz etməsinə dair məlumatlar yoxdur. Oftalmoloji dərman formalarında yerli istifadədən sonra deksametazon və tobramisinin ana südünün tərkibinə nüfuz etməsi barədə məlumatlar yoxdur. Deksametazon və tobramisin göz damcıları şəklində yenidoğulmuş körpələrdə yerli tətbiq olunduqda, klinik təsirlərə səbəb olması ehtimalı azdır. Bununla belə, uşaq üçün potensial risk tamamilə istisna edilməməlidir. Südvermənin dayandırılması və ya dərman preparatı ilə müalicənin saxlanması və ya dayandırılmasına dair qərar ana südü ilə qidalandırmanın uşaq üçün faydaları və terapiyanın ana üçün faydaları nəzərə alınmaqla qəbul edilməlidir. Fertillik: Tobramisinin insan və ya heyvan fertilliyinə təsirini qiymətləndirmək üçün hər hansı bir tədqiqat aparılmamışdır. Deksametazonun kişi və ya qadın fertilliyinə təsirini qiymətləndirmək üçün məhdud klinik məlumatlar mövcuddur
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Romatek preparatı nəqliyyat vasitələrini idarə etmək və potensial təhlükəli mexanizmlərlə məşğul olmaq qabiliyyətinə təsir göstərmir və ya əhəmiyyət kəsb etməyəcək dərəcədə təsir göstərir. Preparatın nəqliyyat vasitələrini idarə etmək və potensial təhlükəli mexanizmlərlə məşğul olmaq qabiliyyətinə təsiri ilə əlaqəli heç bir araşdırma aparılmamışdır. Bütün digər göz damcıları kimi, bu dərman preparatını da istifadə etdikdən sonra müvəqqəti bulanıq görmə və ya digər görmə pozğunluqları nəqliyyat vasitələrini idarə etmək və potensial təhlükəli mexanizmlərlə məşğul olmaq qabiliyyətinə təsir göstərə bilər. Dərmanın damızdırılmasından sonra bulanıq görmə baş verərsə, nəqliyyat vasitələrini idarə etməyə və potensial təhlükəli mexanizmlərlə məşğul olmağa başlamazdan əvvəl pasiyent görmə aydınlığının bərpa olmasına qədər gözləməlidir.
RОMATEK İstifadə qaydası və dozası
Böyüklər :Məsləhət görülən doza pasiyent ayıq olarkən hər 4-6 saatdan bir 1 damcı təşkil edir. İlk 24 və 48 saat ərzində, pasiyent oyaq olan zaman doza hər iki saatdan bir 1 damcıya qədər artırıla bilər. Dozalar 14 gün davam etdirilməlidir, lakin preparatın istifadə müddəti 24 gündən çox olmamalıdır. Klinik vəziyyətdən asılı olaraq preparatın istifadə tezliyi tədricən azaldılmalıdır. Müalicənin vaxtından əvvəl dayandırılmamasına diqqət etmək lazımdır.
Yaşlılar: Klinik tədqiqatlarda dozanın tənzimlənməsinə ehtiyac olmadığı göstərilmişdir.
Uşaqlar və yeniyetmələr: Romatek preparatı 2 yaş və ondan yuxarı uşaqlarda böyüklər üçün istifadə edilən dozada istifadə edilə bilər. Cari mövcud məlumatlar
Pediatrik populyasiyanın: Farmakodinamikası bölməsində təsvir edilmişdir. 2 yaşa qədər uşaqlarda preparatın istifadəsinin təhlükəsizliyi və effektivliyi müəyyən edilməmişdir və heç bir məlumatlar yoxdur.
Böyrək və qaraciyər çatışmazlığı: Bu qrup pasiyentlər üçün heç bir tədqiqat aparılmamışdır.
İstifadə qaydası: Preparat yerli olaraq zədələnmiş gözün/gözlərin aşağı konyunktiva kisəciyinə damızdırmaqla istifadə edilir. İstifadədən qabaq flakon yaxşıca çalxalanmalıdır. Qapağı çıxardıqdan sonra, əgər ilkin açılmaya nəzarət etmək üçün fiksəedici halqa boşalmışdırsa, dərman preparatını istifadə etməzdən əvvəl onu çıxarın. Digər yerli tətbiq edilən oftalmoloji dərmanlarla birlikdə istifadə edildikdə, onların istifadəsi arasındakı interval ən azı 5 dəqiqə olmalıdır. Göz məlhəmləri ən son istifadə edilməlidir.
İstifadəyə dair təlimatlar:
1. Əllərinizi yuyun.
2. Oturaraq və ya ayaq üstə durmaqla rahat mövqe tutun.
3. Flakonun qapağını buraraq açın və təmiz bir səthə qoyun. Qapağı atmayın.
4. "Cib" yaratmaq üçün zədələnmiş gözün aşağı göz qapağını barmağınızla yumşaq bir şəkildə aşağı çəkin.
5. Gözə və ya göz ətrafına təmas etməməsinə diqqət edərək damızdırıcı tıxacın ucunu gözünüzə yaxınlaşdirin.
6. Flakonu yumşaq bir şəkildə sıxın və bir damcı damızdırın.
7. Aşağı göz qapağını buraxın və gözünüzü yavaşca yumun.
8. Gözün daxili küncü nahiyəsinə yüngülcə basın və 2 dəqiqə saxlayın (nazolakrimal okklyuziya). Bu, dərmanın sistem dövriyyəsinə daxil olmasını azaltmağa kömək edəcək və beləliklə, sistemli mənfi reaksiyaların yaranma ehtimalını azaldacaq.
9. Həkiminiz tövsiyə edibsə, ikinci göz üçün də proseduru təkrarlayın.
10. İstifadədən dərhal sonra flakonu bağlayın. İstifadə edilmədikdə flakonu möhkəm bağlayın. Preparatın damcısı gözə düşmədikdə, onu yenidən damızdırmağa cəhd edin.
Əlavə təsirləri
Təhlükəsizlik profili xülasəsi 1600-dən çox pasiyentin iştirak etdiyi klinik tədqiqatlarda deksametazon və tobramisin gündə altı dəfəyə qədər tətbiq edilmişdir. Klinik tədqiqatlarda kombinasiyanın komponentləri ilə əlaqəli ciddi oftalmik və ya sistemik mənfi reaksiyalar barədə məlumatlar bildirilməmişdir. Deksametazon və tobramisin kombinasiyasından ibarət preparatın istifadəsi zamanı ən çox baş verən mənfi reaksiyalar pasiyentlərin 1%-dən azında baş verən göz ağrısı, gözdaxili təzyiqin artması, gözlərin qıcıqlanması (damızdırıldıqda yanma hissi) və gözlərdə qaşınma olmuşdur. Mənfi reaksiyaların cədvəl halına salınmış siyahısı Mənfi reaksiyalar haqqında məlumatlar həm klinik sınaqlar zamanı, həm də qeydiyyatdan sonrakı müşahidə zamanı əldə edilmişdir. Mənfi reaksiyalar rastlanma tezliyinin aşağıdakı dərəcələrinə görə təsnif edilmişdir: çox tez-tez (>1/10), tez-tez (>1/100-dən 1/1000-dən 1/10,000 - <1/1,000); çox nadir (<1/10.000), naməlum tezliklə (mövcud məlumatlar əsasında baş vermə tezliyini müəyyən etmək mümkün deyil).
İmmun sistemdə baş verən pozğunluqlar: Məlum deyil :Anafilaktik reaksiyalar, yüksək həssaslıq
Endokrin sistemdə baş verən pozğunluqlar: Məlum deyil Kuşinq sindromu, böyrəküstü vəzin funksiyalarının azalması (pozulması)
Sinir sistemində baş verən pozğunluqlar: Bəzən: Baş ağrısı, Məlum deyil: Başgicəllənmə
Görmə orqanlarında baş verən pozğunluqlar :Bəzən :Gözlərdə ağrı, gözlərin qaşınması, gözlərdə diskomfort, görmənin artması, gözdaxili təzyiqin artması, konyunktivanın şişməsi, qıcıqlanması, Nadir :Keratit, gözlərdə baş verən allergik təzahürlər, bulanıq görmə, “quru göz” sindromu, konyunktivanın hiperemiyası, Məlum deyil: Göz qapaqlarının şişməsi, göz qapaqlarının eriteması, midriaz, lakrimasiyanın artması.
Tənənffüs sistemində: baş verən pоzğunluqlar: Bəzən: rinоreya, larinqоspazm
Mədə-bağırsaq traktında baş verən pоzğunluqlar: Nadir :Disgevziya, Məlum deyil: Ürəkbulanma, qarında diskomfort
Dəridə və dərialtı tоxumalarda baş verən pоzğunluqlar: Məlum deyil :Multifоrmalı ekssudativ eritema, səpgilər, üzün şişməsi, qaşınma
Deksametazon göz damcılarının istifadəsindən sonra aşağıdakı mənfi reaksiyalar müşahidə edilmişdir:
Sinir sistemində baş verən pozğunluqlar: Tez-tez: Baş ağrısı
Görmə оrqanlarında baş verən pozğunluqlar :Tez-tez: Gözlərin qıcıqlanması, göz qapaqlarının hiperemiyası, göz qapaqlarının eriteması, gözlərdə qeyri-adi hisslər
Tənəffüs sistemində baş verən pozğunluqlar: Tez-tez: Postnazal axıntı
Tobramisin göz damcılarının istifadəsindən sonra aşağıdakı mənfi reaksiyalar müşahidə edilmişdir:
Görmə orqanlarında baş verən pozğunluqlar: Tez-tez: Hiperemiya, gözlərdə ağrı, Bəzən: Gözlərdə qaşınma, gözlərdə diskomfort, gözlərdə baş verən allergik təzahürlər, göz qapaqlarının şişməsi, konyunktivit, parıltı, lakrimasiyanın artması, keratit
Doza həddinin aşılması
Bu dərmanın xüsusiyyətlərinə görə, yerli tətbiq edildikdə və ya bir flakonun möhtəviyyatının təsadüfən daxilə qəbulu hallarında toksiki təsirlərin inkişafı ehtimalı azdır. Dərmanın həddindən artıq miqdarı konyunktiva boşluğa daxil olarsa, gözləri ilıq su ilə yaxalamaq lazımdır.
Buraxılış forması
Göz damcısı, suspenziya. 5 ml suspenziya damızdırıcı tıxaclı, qoruyucu halqası olan qapaq ilə bağlanan ağ rəngli polietilen flakonda. 1 flakon içlik vərəqə ilə birlikdə karton qutuya qablaşdırılır.
Aptekdən buraxılma şərti
Resepti əsasında buraxılır.