Pharmed

ROLINOZ 10MG 20ML DAMLA

ROLİNOZ

Beynəlxalq patentləşdirilməmiş adı: Cetirizine

ROLİNOZ Tərkibi

Təsiredici maddə: 1 ml məhlulun tərkibində 10 mq setirizin dihidroxlorid vardır. Köməkçi maddələr:qliserin, propilenqlikol, natrium saxarin, metilparahidroksibenzoat, propilparahidriksibenzoat, natrium asetat trihidrat, buzlu sirkə turşusu, təmizlənmiş su.

Farmakoterapevtik qrupu

Sistem istifadə üçün antihistamin vasitələr. Piperazin törəmələri.

ATC kodu: R06AE07.

Farmakoloji xüsusiyyətləri

Farmakodinamikası: Təsir mexanizmi Setirizin hidroksizinin metabolitidir; periferik histamin H1 reseptorlarının güclü, selektiv antaqonistidir. Preparatın müxtəlif növ reseptorlara bağlanmasını öyrənən in vitro tədqiqatlarda setirizinin yalnız histamin H1 reseptorlarına yaxınlığı (miqdari ölçülmüş) aşkar edilmişdir. Farmakodinamik təsirləri Setirizin, antihistamin təsirinə əlavə olaraq, həm də allergiya əleyhinə təsir göstərir: sutkada bir və ya iki dəfə 10 mq dozada allergenlərə məruz qalan atopiyalı pasiyentlərdə dəri və konyunktivada eozinofil miqrasiyasının gec fazasını inhibə edir. Klinik effektivliyi və təhlükəsizliyi Sağlam könüllülərin iştirakı ilə aparılan tədqiqatların nəticələri göstərir ki, 5 mq və 10 mq dozada setirizin dəridə histamin konsentrasiyasının əhəmiyyətli dərəcədə artması ilə əlaqəli suluqların meydana gəlməsinin və eritematoz reaksiyaların inkişafının qarşısını alır (preparatın effektivliyi ilə korrelyasiyası təsdiq olunmamışdır). Yüngül və orta dərəcəli astma ilə müşayiət olunan allergik riniti olan 186 pasiyentin iştirakı ilə aparılan 6 həftəlik plasebo nəzarətli tədqiqatında sutkada bir dəfə 10 mq setirizin ağciyər funksiyasına təsir etmədən rinit simptomlarını yaxşılaşdırmışdır. Tədqiqatın nəticələri allergik xəstəliyi və yanaşı yüngül və orta dərəcəli bronxial astması olan pasiyentlərdə preparatın təhlükəsizliyini təsdiqləyir. Plasebo-nəzarətli tədqiqatda, 7 gün ərzində 60 mq yüksək sutkalıq dozada setirizinin istifadəsi zamanı QT intervalının statistik əhəmiyyətli uzanması müşahidə edilməmişdir. Tövsiyə olunan dozalarda setirizin mövsümi və ilboyu allergik riniti olan pasiyentlərin həyat keyfiyyətini yaxşılaşdırdığı aşkar edilmişdir. Uşaqlar 5-12 yaşlı uşaqların iştirakı ilə aparılan 35 günlük tədqiqatda setirizinin antihistamin təsirlərinə (suluqların əmələ gəlməsi və səpgilərin inkişafı) tolerantlıq əlamətləri aşkar edilməmişdir. Preparatla müalicə dayandırıldıqdan sonra (çoxsaylı istifadə), histaminə qarşı normal dəri reaksiyası 3 gün ərzində bərpa edilmişdr. Farmakokinetikası: Sorulması: Qan plazmasında setirizinin maksimal konsentrasiyası (Cmax) 1,0 ± 0,5 saatdan sonra əldə edilir və tarazlıq vəziyyətində təxminən 300 nq/ml təşkil edir. Cmax və “konsentrasiya-zaman” əyrisi altında olan sahə (AUC) kimi farmakokinetik parametrləri qiymətləndirərkən müəyyən edilmişdir ki, qan plazmasında setirizinin konsentrasiyası tək kameralı farmakokinetik modelin kəmiyyət qanunlarına uyğun olaraq dəyişir. 5-60 mq doza diapazonunda setirizin xətti kinetika nümayiş etdirir. Qida qəbulu setirizinin sistem absorbsiya dərəcəsinə təsir göstərmir, lakin onun sorulma sürəti azalır. Setirizinin həm damcı şəklində, həm də kapsul və ya tablet şəklində peroral qəbulu zamanı biomənimsənilmə göstəriciləri oxşar dəyərlərə malikdir. Paylanması: Setirizinin zahiri paylanma həcmi 0,50 l/kq; plazma zülallarına bağlanma dərəcəsi 93 ± 0,3% təşkil edir. Setirizin varfarinin plazma zülallarına bağlanma dərəcəsinə təsir göstərmir. Metabolizmi: Setirizin əhəmiyyətli presistem eliminasiyaya məruz qalmır. Xaric olmas: Preparatın terminal yarımxaricolma dövrü təxminən 10 saat təşkil edir, qəbul edilən dozanın təxminən 2/3 hissəsi sidiklə dəyişilməmiş şəkildə xaric olunur. Setirizinin sutkada 10 mq dozada 10 gün ərzində istifadəsi zamanı orqanizmdə yığılmadığı müəyyən olunmuşdur.

Xüsusi pasiyent qrupları:

Böyrək çatışmazlığı olan pasiyentlər: Böyrək funksiyasının pozğunluğu olan pasiyentlərdə (kreatinin klirensi (Clcr) 40 ml/dəq-dən çox) setirizinin farmakokinetik parametrləri sağlam könüllülərdəkinə oxşar olmuşdur. Orta dərəcəli böyrək çatışmazlığı olan pasiyentlərdə sağlam könüllülərdə oxşar göstəricilərlə müqayisədə preparatın yarımxaricolma dövrü 3 dəfə artmışdır və klirensi 70% azalmışdır. Farmakokinetik parametrlərdə oxşar dəyişikliklər, həmçinin hemodializdə (Clcr 7 ml/dəq-dən az) olan pasiyentlərdə 10 mq setirizinin birdəfəlik dozasının qəbulu zamanı müşahidə edilmişdir. Preparat orqanizmdən hemodializ vasitəsilə yalnız əhəmiyyətsiz dərəcədə xaric edilir. Ağır və ya orta dərəcəli böyrək çatışmazlığı olan pasiyentlərdə Rolinoz preparatının dozasının tənzimlənməsi tələb olunur.

Qaraciyər çatışmazlığı olan pasiyentlər :10 və ya 20 mq dozada setirizinin birdəfəlik dozasını qəbul edən xroniki qaraciyər xəstəliyi (hepatosellülyar, xolestatik və biliar sirrozu) olan pasiyentlərdə sağlam subyektlərdə dərman vasitəsinin analoji parametrləri ilə müqayisədə yarımxaricolma dövrünün 50% artması və klirensin 40% azalması müşahidə edilmişdir. Rolinoz preparatının dozası yalnız qaraciyər çatışmazlığı ilə eyni vaxtda böyrək çatışmazlığı olan pasiyentlərdə tənzimlənməlidir.

Ahıl yaşlı pasiyentlər: Yaşlı pasiyentlərdə, 10 mq dozada setirizinin birdəfəlik daxilə qəbulundan sonra, gənc pasiyentlərdə analoji farmakokinetik parametrlərlə müqayisədə preparatın yarımxaricolma dövrü 50% artmışdır və klirensi 40% azalmışdır. Yaşlı pasiyentlərdə setirizinin klirensinin azalması böyrək funksiyasının pozulması ilə əlaqəli olduğu ehtimal edilmişdir.

Uşaqlar: 6-12 yaşlı pasiyentlərdə setirizinin yarımxaricolma dövrü 6 saat, 2-6 yaşlı pasiyentlərdə isə 5 saat təşkil etmişdir; 2 yaşa qədər pasiyentlərdə 3,1 saata qədər azalmışdır.

İstifadəsinə göstərişlər

Böyüklərdə və 2 yaşdan yuxarı uşaqlarda Rolinoz simptomatik müalicə üçün göstərişdir:

- mövsümi allergik rinit və ilboyu allergik rinit (nazal və oftalmoloji simptomlar);

- xroniki idiopatik övrə.

Əks göstərişlər

- Preparatın istənilən komponentinə və ya digər piperazin törəmələrinə qarşı hiperhəssaslıq;

- böyrək çatışmazlığının terminal mərhələsi (yumaqcıq filtrasiyasının hesablanmış sürəti (hYFS) 15 ml/dəqiqədən az).

- 2 yaşdan kiçik uşaqlarda istifadəsi.

Xüsusi göstərişlər və ehtiyat tədbirləri

Terapevtik dozalarda setirizinin alkoqolla klinik cəhətdən əhəmiyyətli qarşılıqlı təsiri aşkar edilməmişdir (qan plazmasında etil spirtinin konsentrasiyası 0,5 q/l). Bununla belə, Rolinoz preparatı ilə müalicə zamanı alkoqolun qəbulu zamanı ehtiyatlı olmaq lazımdır. Sidiyin tutulmasına meylli pasiyentlərdə (məsələn, onurğa beynin zədələnməsi, prostat vəzinin hiperplaziyası) preparatın istifadəsi zamanı ehtiyatlı olmaq lazımdır, çünki setirizinin istifadəsi zamanı sidiyin ləngiməsi riski arta bilər. Rolinoz preparatını epilepsiya olan pasiyentlərdə, eləcə də qıcolma risk faktorları olan pasiyentlərdə istifadəsi halında ehtiyatlı olmaq tövsiyə olunur. Antihistamin vasitələr allerqoloji dəri testləri zamanı dəri reaksiyalarını zəiflədir, bu səbəbdən testdən üç gün əvvəl Rolinoz prepartının istifadəsi dayandırılmalıdır. Setirizinlə müalicə dayandırıldıqdan sonra, hətta müalicədən əvvəl olmadıqda belə, qaşınma və/və ya övrə kimi simptomlar inkişaf edə bilər. Bəzi hallarda bu simptomlar əhəmiyyətli dərəcədə ağır ola bilər, bu da terapiyanın yenidən başlanmasını tələb edə bilər; onlar, adətən, preparatın istifadəsi bərpa edildikdən sonra yox olur. Uşaqlar: Rolinoz preparatını 2 yaşa qədər uşaqlarda istifadə etmək tövsiyə edilmir. Köməkçi maddələr haqqında xüsusi məlumat Rolinoz preparatının tərkibində metilparahidroksibenzoat və propilparahidroksibenzoat var ki, bu da allergik reaksiyalara səbəb ola bilər (gecikmiş reaksiyalar daxil olmaqla). Rolinoz preparatının 1 ml-də 1 mmol-dan az natrium (23 mq) vardır, yəni demək olar ki tərkibində "natrium yoxdur". Rolinoz preparatının 1 ml-də 350 mq propilenqlikol vardır.

Digər dərman vasitələri ilə qarşılıqlı təsiri

Setirizinin farmakokinetik və farmakodinamik profilinə, həmçinin təhlükəsizlik profilinə dair məlumatlara əsasən, setirizinin digər preparatlarla qarşılıqlı təsiri gözlənilmir. Preparatların qarşılıqlı təsirinə dair tədqiqatlarda setirizinin, xüsusən də psevdoefedrin və ya teofillinlə (sutkada 400 mq doza) əhəmiyyətli farmakodinamik və ya farmakokinetik qarşılıqlı təsiri müşahidə edilməmişdir. Qida ilə eyni vaxtda qəbul edildikdə preparatın sorulma dərəcəsi azalmır, lakin sorulma sürəti azalır. Yüksək həssaslığı olan pasiyentlərdə setirizin ilə terapiya zamanı alkoqolun qəbulu və ya mərkəzi sinir sisteminə tormozlayıcı təsir göstərən digər preparatların istifadəsi diqqətin və iş qabiliyyətinin əlavə azalmasına səbəb ola bilər, baxmayaraq ki setirizin alkoqolun təsirini gücləndirmir (plazmada etil spirtinin konsentrasiyası 0 ,5 q/l olduqda).

Hamiləlik və laktasiya dövründə istifadəsi

Hamiləlik: Prospektiv tədqiqatlarda əldə edilmiş hamiləlik dövründə qadınlarda setirizinin istifadəsi ilə bağlı məlumatlara əsasən, preparat ana və ya embrion/dölə potensial toksik təsir göstərmir. Heyvanlar üzərində aparılan tədqiqatlar göstərmişdir ki, setirizinin hamiləliyə, embrion/dölün inkişafına, doğuşa və ya postnatal inkişafa birbaşa və ya dolayı mənfi təsiri yoxdur. Rolinoz preparatı hamiləlik dövründə qadınlarda ehtiyatla istifadə edilməlidir. Laktasiya: Setirizin ana südünə nüfuz edir; onun ana südündəki konsentrasiyası preparatın qəbulundan sonra nümunə götürmə vaxtından asılı olaraq qan plazmasındakı konsentrasiyanın 25-90%-i təşkil edir. Uşaq üçün əlavə təsirlərin riskini istisna etmək olmaz, bu səbəbdən Rolinoz preparatını laktasiya zamanı qadınlarda ehtiyatla istifadə etmək lazımdır. Fertillik: Setirizinin insanlarda fertilliyə təsiri ilə bağlı məlumatlar məhduddur, lakin preparatın istifadəsi zamanı potensial risklər müəyyən edilməmişdir. Heyvanlar üzərində aparılan tədqiqatlardan əldə edilən məlumatlara əsasən, preparatın insanlarda reproduktiv funksiyaya mənfi təsiri gözlənilmir.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Tövsiyə edilən 10 mq dozada obyektiv qiymətləndirilmə zamanı setirizinin avtonəqliyyat idarə etmək qabiliyyətinə, konveyerdə əmək məhsuldarlığına və yuxunun müddətinə klinki əhəmiyyətli təsiri aşkar edilməmişdir. Buna baxmayaraq, Rolinoz qəbul edən zaman yuxululuq yaranan pasiyentlərə avtonəqliyyat və mexanizmləri idarə etmək və həyat üçün təhlükəli olan potensial təhlükəli fəaliyyət növü ilə məşğul olmaq olmaz; onlar setirizini məsləhət görülən dozadan artıq qəbul etməməlidirlər, eləcə də orqanizmin dərman vasitəsinə qarşı reaksiyasını nəzərə almaq məsləhət görülür.

ROLİNOZ İstifadə qaydası və dozası

Dozalanma: Tövsiyə olunan doza sutkada bir dəfə 10 mq (20 damcı məhlul) təşkil edir.

Xüsusi pasiyentlər qrupları :

Ahıl yaşlı pasiyentlər: Böyrək funksiyasının normal olması şərtilə, mövcud məlumatlar yaşlı pasiyentlərdə dozanın azaldılmasına ehtiyac olmadığını göstərir.

Böyrək çatışmazlığı olan pasiyentlər: Böyrək çatışmazlığı olan pasiyentlərdə setirizinin istifadəsinin effektivliyi/təhlükəsizliyi nisbətinə dair məlumat yoxdur

Qaraciyər çatışmazlığı olan pasiyentlər: İzoləolunmuş qaraciyər çatışmazlığı olan pasiyentlərdə dozanın tənzimlənməsi tələb olunmur; qaraciyər və böyrək çatışmazlığı olan pasiyentlərdə dozalanma rejimi böyrək funksiyasından asılı olaraq tənzimlənməlidir (cədvələ baxın).

Uşaqlar və yeniyetmələr:

Tövsiyə olunan doza:

˗ 2 yaşdan 6 yaşa qədər uşaqlar

- 2,5 mq (5 damcı məhlul) sutkada iki dəfə;

˗ 6 yaşdan 12 yaşa qədər uşaqlar

- 5 mq (10 damcı məhlul) sutkada iki dəfə;

˗ 12 yaşdan yuxarı yeniyetmələr

- 10 mq (20 damcı məhlul) sutkada bir dəfə. Böyrək çatışmazlığı olan 2 yaşdan yuxarı uşaqlarda dozalanma rejimi böyrək funksiyası, yaş və bədən çəkisi nəzərə alınmaqla fərdi olaraq seçilməlidir.

İstifadə qaydası: Damcı daxilə qəbul edilir. Preparat durulaşdırılmamış (qaşıqda) və ya əvvəlcədən su ilə durulaşdırılmış şəkildə qəbul edilə bilər. Preparatı durulaşdırdıqda, xüsusən də uşaqlarda istifadəsi zamanı nəzərə alınmalıdır ki, damcıların əlavə olunduğu suyun həcmi pasiyentin birdəfəlik qəbul edə biləcəyi həcmə uyğun olmalıdır. Durulaşdırılmış məhlul hazırlandıqdan dərhal sonra istifadə edilməlidir.

Əlavə təsirləri

Klinik tədqiqatlardan əldə edilən məlumatlar: Təhlükəsizlik profilinin qısa təsviri Klinik tədqiqatlarda, setirizin terapevtik istifadə üçün tövsiyə olunan dozalarda istifadəsi zamanı mərkəzi sinir sistemi (MSS) tərəfindən əhəmiyyətsiz dərəcəli əlavə təsirlər, o cümlədən yuxululuq, yorğunluq, başgicəllənmə və baş ağrısı müşahidə edilmişdir, bəzi hallarda mərkəzi sinir sisteminə paradoksal stimullaşdırıcı təsiri qeyd olunmuşdur. Setirizinin periferik H1 histamin reseptorlarının selektiv antaqonisti olmasına və praktiki olaraq heç bir antixolinergik aktivliyə malik olmamasına baxmayaraq, preparatın istifadəsi zamanı sidik ifrazının çətinləşməsi, akkomodasiya pozğunluğu və ağızda quruluq barədə məlumatlar vardır. Qaraciyər funksiyasının pozulması, o cümlədən qaraciyər fermentlərinin və plazma bilirubinin səviyyəsinin artması barədə bildirilmişdir; yuxarıda göstərilən dəyişikliklərin əksəriyyəti geridönən olmuşdur və setirizin ilə müalicə dayandırıldıqdan sonra yox olmuşdur.

Əlavə təsirlərin siyahısı: Plasebo və ya digər antihistamin vasitələrlə müqayisədə sutkada 10 mq tövsiyə olunan dozada setirizinin təhlükəsizliyini qiymətləndirən ikiqat kor nəzarətli klinik tədqiqatlarda (3200-dən çox pasiyent) pasiyentlərin 1% -dən çoxunda (plasebo nəzarətli tədqiqatlarda) aşağıdakı əlavə təsirlər müşahidə edilmişdir:

˗ psixikanın pozğunluqları: yuxululuq (9,63%);

˗ sinir sisteminin pozğunluqları: başgicəllənmə (1,10%), baş ağrısı (7,42%);

˗ mədə-bağırsaq traktının pozğunluqları: qarında ağrı (0,98%), ağızda quruluq (2,09%), ürəkbulanma (1,07%);

˗ tənəffüs sistemi, döş qəfəsi və divararalığı orqanlarının pozğunluqları: faringit (1,29%); ˗ ümumi və yeridilmə nahiyəsində pozğunluqlar: yorğunluq (1,63%). Yuxululuq statistik olaraq plasebo ilə müqayisədə setirizinlə daha tez-tez müşahidə olunsa da, əksər hallarda yüngül və ya orta dərəcəli olmuşdur. Sağlam gənc könüllülərdə aparılan obyektiv tədqiqatlarda tövsiyə olunan dozada setirizinin gündəlik fəaliyyətə təsiri qeyd olunmamışdır. Plasebo nəzarətli klinik tədqiqatlarda 6 aydan 12 yaşa qədər olan pasiyentlərin 1%-dən çoxunda aşağıdakı əlavə təsirlər müşahidə olunmuşdur:

˗ psixikanın pozğunluqları: yuxululuq (1,8%);

˗ mədə-bağırsaq traktının pozğunluqları: diareya (1,0%);

˗ tənəffüs sistemi, döş qəfəsi və divararalığı orqanlarının pozğunluqları: rinit (1,4%);

˗ ümumi və yeridilmə nahiyəsində pozğunluqlar: yorğunluq (1,0%). Postmarketinq tədqiqatlarından əldə edilən məlumatlar Klinik tədqiqatlar zamanı müşahidə edilən yuxarıda göstərilən əlavə təsirlərə əlavə olaraq, postmarketinq təcrübəsində MedDRA sistem orqan siniflərinə uyğun olaraq sadalanan aşağıdakı əlavə təsirlər bildirilmişdir. Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil).

Qan və limfa sisteminin pozğunluqları:

çox nadir hallarda – trombositopeniya.

İmmun sisteminin pozğunluqları:

nadir hallarda – hiperhəssaslıq reaksiyaları;

çox nadir hallarda – anafilaktik şok.

Maddələr mübadiləsi və qidalanma pozğunluqları :

məlum deyil – iştahanın artması.

Psixikanın pozğunluqları:

bəzən – ajitasiya;

nadir hallarda – aqressivlik, şüurun qarışıqlığı, depressiya, hallüsinasiyalar, yuxusuzluq;

çox nadir hallarda – tik;

məlum deyil – suisidal fikirlər, qarabasmalar.

Sinir sisteminin pozğunluqları :

bəzən – paresteziya;

nadir hallarda – qıcolmalar;

çox nadir hallarda – disgevziya, bayılma, tremor, distoniya, diskineziya;

məlum deyil – amneziya, yaddaşın pozulması.

Görmə orqanının pozğunluqları :

çox nadir hallarda – akkomodasiya pozğunluğu, görmə dəqiqliyinin pozulması, okulogir kriz.

Eşitmə orqanının və labirint pozğunluqları:

məlum deyil – vertiqo.

Ürək pozğunluqları:

nadir hallarda – taxikardiya.

Mədə-bağırsaq traktının pozğunluqları:

bəzən – diareya.

Qaraciyər və öd yollarının pozğunluqları:

nadir hallarda – qaraciyər funksiyasının pozulması (qan plazmasında transaminazaların, qələvi fosfatazanın, γ-qlutamil transpeptidazanın və bilirubinin səviyyəsinin artması);

məlum deyil – hepatit.

Dəri və dərialtı toxumaların pozğunluqları:

bəzən – qaşınma, səpgilər;

nadir hallarda – övrə;

çox nadir hallarda – angionevrotik ödem, davamlı dərman eriteması;

məlum deyil- generalizəolunmuş kəskin ekzantematoz pustulyoz.

Əzələ-skelet sistemi və birləşdirici toxumanın pozğunluqları:

məlum deyil – artralgiya, mialgiya.

Böyrəklər və sidik yollarının pozğunluqları:

çox nadir hallarda – dizuriya, enurez;

məlum deyil – sidiyin ləngiməsi.

Ümumi və yeridilmə nahiyəsində pozğunluqlar:

bəzən – asteniya, halsızlıq;

nadir hallarda – ödemlər.

Laborator və instrumental tədqiqatların nəticələrinə təsiri:

nadir hallarda – bədən çəkisinin artması.

Seçilmiş əlavə təsirlərin təsviri :Setirizinlə müalicə dayandırıldıqdan sonra qaşınma (əhəmiyyətli dərəcəli qaşınma daxil olmaqla) və/və ya övrə halları bildirilmişdir.

Doza həddinin aşılması

Simptomları :Setirizinin doza həddinin aşılmasının zamanı inkişaf edən simptomlar dərman vasitəsinin əsasən MSS-ə və onun antixolinergik təsirilə əlaqədardır. Setirizinin tövsiyə edilən dozasını ən azı 5 dəfə aşan dozada istifadəsindən sonra qeyd edilən əlavə təsirlərə şüurun dumanlanması, diareya, başgicəllənmə, yorğunluq, başağrı, süstlük, midriaz, qaşınma, əsəbilik, sedasiya, yuxululuq, stupor, taxikardiya, tremor və sidiyəgetmənin ləngiməsi daxil olmuşdur. Müalicəsi: Spesifik antidotu yoxdur. Setirizinlə doza həddinin aşılması zamanı simptomatik və ya dəstəkləyici müalicə aparmaq lazımdır. Mədənin yuyulması məsələsini, yalnız o zaman nəzərdən keçirmək olar ki, preparatın peroral qəbulundan sonrakı müddət 2 saatdan artıq olmasın. Setirizin hemodializ vasitəsilə orqanizmdən praktik olaraq xaric olmur.

Buraxılış forması

20 ml məhlul damcısalan-tıxaclı və burulan qoruyucu qapaqlı sarı şüşə flakonda. 1 flakon içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır.