Pharmed

RINGER LAKTAT 500ML SISTEM (POLIFARMA)

POLİFLEKS RİNGER LAKTAT 

Beynǝlxalq patentlǝşdirilmǝmiş adı: Electrolytes

POLİFLEKS RİNGER LAKTAT Tǝrkibi

Təsiredici maddə: 100 ml məhlulun tərkibində 0,6 q natrium xlorid, 0,04 mq kalium xlorid 0,03 mq kalsium xlorid dihidrat, 0,3 q natrium laktat vardır. Köməkçi maddələr: inyeksiya üçün su. İon tərkibi: natrium ionları – 130 mEq/l, xlorid ionları – 112 mEq/l, laktat ionları – 27 mEq/l, kalsium ionları – 4 mEq/l, kalium ionları – 5 mEq/l. Nəzəri osmolyarlığı – 275,52 mOsm/l.

Farmakoterapevtik qrup

Elektrolit balans pozğunluqlarının korreksiyası üçün məhlullar. Elektrolitlər.

ATC kodu: B05BB01.

Farmakoloji xüsusiyyǝtlǝri

Preparat tǝrkibinǝ vǝ osmolyarlığına görǝ hüceyrǝdǝnkǝnar mayeyǝ uyğundur. Bu sǝbǝbdǝn hüceyrǝdǝnkǝnar mayenin vǝ elektrolitlǝrin bǝrpası, elǝcǝdǝ turşu-qǝlǝvi balansının tǝnzimlǝnmǝsi üçün istifadǝ olunur. Laktat orqanizmdǝ bikarbonata qǝdǝr metabolizǝ olunur, bu sǝbǝbdǝn mǝhlul qǝlǝvilǝşdirici tǝsirǝ malikdir.

İştifadǝsinǝ göstǝrişlǝr

Eritrositlǝrin bǝrpası tǝlǝb olunmadıqda, elǝcǝ dǝ şok, kollaps, yanıq, donma, uzunmüddǝtli qusma, ishal zamanı plazmaǝvǝzedici vasitǝ kimi. Kǝskin yayılmış peritonit va bağırsaq keçmǝzliyi, bağırsaq fistulası zamanı su vǝ elektrolit balansının korreksiyası üçün; müxtǝlif etiologiyalı dehidratasiya; maye itkisi ilǝ müşayiǝt edilǝn yüngül-orta metabolik asidoz (laktik asidoz istisna olmaqla).

Əks göstǝrişlǝr

Natrium laktata qarşı yüksək həssaslığı olan xəstələr. Hüceyrədənkənar hiperhidratasiya və ya hipervolemiya. Kəskin böyrək çatışmazlığı (oliquriya/anuriya ilə birlikdə). Dekompensasiya olunmuş ürək çatşmazlığı. Hiperkaliemiya. Hiperkalsiemiya. Metabolik alkaloz. Assitli sirroz. Kəskin metabolik asidoz. Laktatın səviyyəsi yüksəldikdə (hiperlaktemiya), o cümlədən laktat istifadəsi pozulduqda, məsələn, laktasidoz və ya ağır qaraciyər çatışmazlığı. 28 gündən kiçik yeni doğulmuş körpələrdə, digər kalsium tərkibli məhlullar kimi, Polifleks Ringer Laktat-ın da seftriakson ilə birlikdə istifadəsi (qan dövranında ölümcül seftriaksonkalsium duzunun çökməsi səbəbindən), hətta ayrı-ayrı infuziya xətlərindən tətbiq olunsa belə əks göstərişdir. Preparatın tərkibinə daxil olan hər hansı komponentə qarşı hiperhəssaslıq.

Xüsusi göstərişlər və ehtiyat tədbirləri

Yüksək həssaslıq reaksiyası Dərman qəbulu zamanı yüksək həssaslıq reaksiyası nəticəsində hər hansı əlamət və ya simptomlar yaranarsa, infuziya dərhal dayandırılmalıdır. Klinik zəruri hallarda müvafiq terapevtik müdaxilələr edilməlidir. Uyuşmazlığı Seftriakson Yaşı 28 gündən çox olan xəstələrdə, o cümlədən böyüklərdə, seftriakson kalsium tərkibli məhlullarla, o cümlədən Polifleks Ringer Laktat ilə eyni infuziya xəttindən eyni vaxtda istifadə edilməməlidir. Eyni tətbiq dəsti ardıcıl tətbiqlər üçün istifadə ediləcəksə, tətbiqdən əvvəl dəst uyğun məhlullarla yaxşıca yuyulmalıdır. 28 gündən kiçik yeni doğulmuş körpələrdə Polifleks Ringer Laktatın seftriaksonla istifadəsi üçün "Əks göstərişlər"ə baxın. Elektrolit balansı Hipernatremiya Preparatın tərkibində natrium laktatın mövcudluğunu nəzərə alaraq, hipernatremiyaya meyilli olan pasiyentlərdə (məsələn, adrenokortikal çatışmazlıq, şəkərsiz diabet və ya massiv toxuma zədələnməsi qeyd olunan pasiyentlərdə) və ürək xəstəliklərindən əziyyət çəkən pasiyentlərdə preparat xüsusi ehtiyatla istifadə edilməlidir. Hiperxloremiya Hiperxloremiya hallarında preparat yalnız əsas xəstəliyin səbəbi diqqətlə araşdırıldıqdan sonra və alternativ venadaxili maye müalicəsinin tətbiqi mümkün olmadıqda istifadə edilməlidir. Belə hallarda plazma xlorid səviyyəsini və plazma turşu-qələvi balansının vəziyyətini izləmək tövsiyə olunur. Hiperxloremiyaya qarşı həssaslığı olan xəstələrdə (məsələn, böyrək çatışmazlığı və böyrək boru asidozu, şəkərsiz diabet), sidik ifrazının dəyişdirilməsi və ya müəyyən diuretiklər (asetazolamid kimi karbonik anhidraz inhibitorları) və ya steroidlər (androgenlər, estrogenlər, kortikosteroidlər) qəbul edən xəstələrdə preparat xüsusi diqqətlə tətbiq edilməlidir. Kalium çatışmazlığı olan xəstələrdə istifadəsi Preparatın tərkibindəki kaliumun miqdarı plazmadakı ilə eyni olsa da, məhlul kəskin kalium çatışmazlığı hallarında faydalı təsir göstərəcək səviyyədə olmadığı üçün bu məqsədlə istifadə edilməməlidir. Hiperkaleimiya riski olan xəstələrdə istifadəsi Preparat hiperkaliemiyaya (məsələn, ağır böyrək çatışmazlığı və ya adrenokortikal çatışmazlıq, kəskin dehidrasiya və ya geniş toxuma zədələnməsi və ya yanıqlar) və ürək xəstəliyinə qarşı həssaslığın artdığı hallarda xüsusi ehtiyatla tətbiq edilməlidir. Hiperkaliemiya riski olan xəstələrdə plazmada kalium səviyyəsinin diqqətdə saxlanılması tövsiyə olunur. Hiperkalsiemiya riski olan xəstələrdə istifadəsi Kalsium xlorid qıcıqlandırıcıdır; bu səbəbdən venadaxili və ya əzələdaxili tətbiq edərkən venadan heç bir məhlul çıxmamasına diqqət yetirilməlidir. Böyrək funksiyası pozulmuş və ya sarkoidoz kimi yüksək vitamin D səviyyəsi olan xəstələrdə kalsium duzları olan məhlullar ehtiyatla istifadə edilməlidir. Bundan əlavə, böyrəklərində kalsium daşı olan xəstələrdə istifadədən çəkinmək lazımdır. Böyrək funksiyası pozulmuş xəstələrdə istifadəsi Preparatın böyrək funksiyası pozulmuş xəstələrdə istifadəsinə xüsusi diqqət yetirilməlidir. Belə xəstələrdə preparatın qəbulu natrium və/və ya kaliumun yığılmasına səbəb ola bilər. Maye və/və ya həll olunan maddənin yüklənməsi və elektrolitlərin pozulması riski olan xəstələrdə tətbiqi Tətbiq olunan həcmdən və tətbiq sürətindən asılı olaraq preparatın venadaxili yeridilməsi aşağıdakı hallara səbəb ola bilər: − Maye və/və ya məhlulun həddindən artıq yeridilməsi və həddindən artıq ödemə səbəb olan hidratasiya halları (o cümlədən ağciyər ödemi və periferik ödem). − Klinik əhəmiyyətli elektrolit pozğunluqları və turşu-qələvi balanssızlığı. Uzunmüddətli parenteral yeridilmə zamanı, mayenin venadaxili sürətlə yeridilməsi tələb olunduqda, xəstənin vəziyyəti və ya laboratoriya vəziyyəti və laboratoriya parametrləri müntəzəm olaraq yoxlanılmalıdır. Ürək və ya ağciyər çatışmazlığı olan xəstələrdə yüksək həcmli infuziyalar xüsusi nəzarətlə tətbiq edilməlidir. Turşu-əsas balansı Alkaloz riski olan xəstələrdə istifadəsi Preparat alkaloz riski olan xəstələrdə xüsusi ehtiyatla tətbiq edilməlidir. Laktat bikarbonata metabolizə olunduğundan, belə xəstələrdə məhlul metabolik alkaloza səbəb ola bilər və ya mövcud metabolik alkalozu ağırlaşdıra bilər. Laktatın səbəb olduğu alkaloz vəziyyətində qıcolma yarana bilsə də, bu, ümumi deyil. Digər xəbərdarlıqlar Sitratın antikoagulyasiya edilmiş/saxlanmış qanla birgə tətbiqi Tərkibində kalsium olduğuna görə preparatın sitratla antikoaqulyant/saxlanmış qana əlavə edilməsi, eyni vaxtda tətbiq edilməsi və ya eyni infuziya sistemindən birlikdə tətbiq edilməsi tövsiyə edilmir. II tip şəkərli diabetdən əziyyət çəkən pasiyentlərdə istifadəsi Laktat qlükoneogenez substratıdır və bu səbəbdən, II tip şəkərli diabetdən əziyyət çəkən pasiyentlərdə qanda qlükoza səviyyəsinə diqqətlə nəzarət edilməlidir. Digǝr dǝrman vasitǝlǝri ilǝ qarşılıqlı tǝsiri Məhlulun tərkibində olan natriumla əlaqəli qarşılıqlı təsirlər − Kortikosteroidlər kimi natrium və mayenin yüklənməsi riskini artıra bilən dərmanlardan istifadə edən xəstələrdə (ödem və hipertoniya ilə) preparatın ehtiyatla tətbiqi tövsiyə olunur. Məhlulun tərkibində olan kaliumla əlaqəli qarşılıqlı təsirlər Preparatın tərkibində kalium olduğundan, hiperkaliemiyaya səbəb olan və ya hiperkaliemiya riskini artırdığı məlum olan aşağıdakı dərmanlarla birlikdə ehtiyatla istifadə etmək tövsiyə olunur: − kaliumtutucu diuretiklər (amilorid, spironolakton, triamteren, tək və ya kombinasiyada). Angiotenzinçevirici ferment (AÇF) inhibitorları və angiotenzin II reseptor antaqonistləri. − Takrolimus, siklosporin. Məhlulun tərkibində olan kalsiumla əlaqəli qarşılıqlı təsirlər − Təsirləri kalsium istifadəsi zamanı artan və ciddi və ya ölümcül ürək aritmiyasına səbəb ola bilən digital qrupundan olan qlikozidlər − Kalsiumla birlikdə istifadə edildikdə hiperkalsiemiya riskini artıra bilən tiazid qrupu diuretiklər və ya D vitamin − Kalsiumla birlikdə istifadə edildikdə nüfuzetməsi azalan biofosfonatlar, flüoridlər, bəzi flüorxinolonlar və tetrasiklinlər − Kalsiumla birlikdə istifadə edildikdə ölümcül ola bilən seftriakson kalsium duzu çöküntüsü riski səbəbilə seftriakson Məhlulun tərkibində olan laktatla əlaqəli qarşılıqlı təsirlər Laktat mübadiləsi nəticəsində əmələ gələn bikarbonat sidiyi qələviləşdirdiyindən salisilatlar, barbituratlar və litium kimi turşu preparatlarının ifrazı artır Simpatomimetik dərmanlar (məsələn, efedrin, psevdoefedrin) və stimullaşdırıcı dərmanlar (məsələn, deksamfetamin sulfat, fenfluramin hidroxlorid) kimi qələvi dərmanların böyrəklərdən xaric edilməsi yavaşlayır.

Hamilǝlik vǝ laktasiya dövründǝ istifadǝsi

Dərman preparatının hamiləlik dövründə istifadəsinin öyrənilməsi istiqamətində tədqiqatlar aparılmamışdır. Preparatın ana südünə daxil olması barədə heç bir məlumat yoxdur, bununla belə, laktasiya dövründə dərman preparatını ehtiyatla təyin etmək lazımdır.

Nǝqliyyat vasitǝlǝrini vǝ digǝr potensial tǝhlükǝli mexanizmlǝri idarǝetmǝ qabiliyyatinǝ tǝsiri

Bu preparat Sizin sürücülük mexanizmlǝri idarǝetmǝ bacarıqlarınııa heç bir tǝsir göstǝrmir.

POLİFLEKS RİNGER LAKTAT İstifadǝ qaydası vǝ dozası

Preparat vena daxilinə damcı üsulu ilə yeridilməlidir. Preparatın dozası və infuziya sürəti, pasiyentin yaşı, ağırlığı, klinik və bioloji vəziyyətindən (turşu-qələvi balansı) asılı olaraq, həkim tərəfindən müəyyən edilir. Qanaxma hallarında normal qan həcmini təmin etmək üçün itirilən qan miqdarının 3-5 qatı qədər ringer laktat məhlulu tələb olunur. Ümumiyyətlə, böyüklər üçün gündə 500-3000 ml, uşaqlar üçün gündə hər kiloqram bədən çəkisi üçün 20-100 ml doza tövsiyə olunur. Preparatın böyüklər üçün maksimal sutkalıq dozası 40 ml/kq/sutkada (orta hesabla 60 damcı/dəqiqədə sürətlə 2500 ml) təşkil edir. Müalicənin davametmə müddəti pasiyentin vəziyyətindən asılıdır.

Əlavǝ tǝsirlǝri

Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil). İmmun sistem pozğunluqları Məlum deyil: Angioödem, döş qəfəsində ağrı, döş qəfəsində narahatlıq, ürək döyüntüsünün azalması, taxikardiya, qan təzyiqinin azalması, tənəffüs çətinliyi, bronxospazm, təngnəfəslik, öskürək, ürtiker, qaşınma, eritema, üz və/və ya boyun qızarması, boğazda qıcıqlanma, paresteziya, oral hipoesteziya, disqevziya, ürəkbulanma, narahatlıq, qızdırma və baş ağrısı simptomlarından biri və ya bir neçəsi ilə müşahidə oluna bilən həssaslıq/infuziya reaksiyaları (anafilaktik/anafilaktoid reaksiyalar daxil olmaqla). Sinir sistemi pozğunluqları Bəzən: laktatla əlaqəli alkalozun səbəb olduğu qıcolmalar Psixoloji pozğunluqlar Tez-tez: həyəcan, narahatlıq Çox nadir hallarda: panik atak Ürək xəstəlikləri Çox tez-tez: hiperhidratasiya və ürək çatışmazlığı Tez-tez: taxikardiya, bradikardiya Tənəffüs yolları, döş qəfəsi və divararalığı pozğunluqları Çox tez-tez: öskürək, asqıraq, bronxospazm və/və ya nəfəs alıb-vermədə çətinlik Tez-tez: döş qəfəsində darlıq, ağrı (taxikardiya və bradikardiya ilə) Dəri və dərialtı toxuma pozğunluqları Çox tez-tez: qaşınma Əgǝr preparatın ǝlavǝ tǝsirlǝri ciddi şǝkil alarsa, yaxud Siz bu içlik vǝrǝqǝdǝ göstǝrilmǝmiş hǝr hansı ǝlavǝ tǝsirlǝ üzlǝşsǝniz, hǝkiminizǝ bu haqda mǝlumat verin.

Doza hǝddinin aşılması

Preparatın həddindən artıq dozası və ya çox sürətli tətbiqi, xüsusuilə də böyrəklərdən natrium ifrazının pisləşdiyi hallarda ödem riskinə səbəb ola biləcəcək su və natriumun həddindən artıq yüklənməsinə yol aça bilər. Belə hallarda hemodializ müalicəsinə ehtiyac yarana bilər. Kaliumun həddindən artıq dozada qəbulu böyrək çatışmazlığı olan xəstələrdə hiperkaliemiyaya səbəb ola bilər. Hiperkaliemiyanın simptomlarına paresteziya, əzələ zəifliyi, iflic, ürək aritmiyaları, ürəyin tıxanması, ürəyin dayanması və zehni çaşqınlıq daxildir. Həddindən artıq kalsiumun qəbulu hiperkalsiemiyaya səbəb ola bilər. Hiperkalsiemiyanın simptomlarına anoreksiya, ürəkbulanma, qusma, qəbizlik, qarın ağrısı, əzələ zəifliyi, psixi pozğunluqlar, polidipsiya, poliuriya, nefrokalsinoz və böyrək daşlarının əmələ gəlməsi, daha ağır hallarda isə ürək aritmiyaları və koma daxildir. Kalsium duzlarının çox sürətli infuziyası ağızda təbaşir kimi dadın yaranmasına, bədəndə və xüsusən də üzdə qəfil qızartıya və periferik vazodilatasiyaya, həmçinin hiperkalsiemiyanın bir çox digər simptomlarına səbəb ola bilər. Yüngül asimptomatik hiperkalsiemiya kalsium və hiperkalsiemiyaya səbəb olan D vitamini kimi dərmanların dayandırılması ilə yox olur. Hiperkalsiemiya şiddətli olarsa, ilgək diuretikləri, hemodializ, kalsitonin, bifosfonat və trisodium edetat kimi müalicələrə dərhal başlamaq lazımdır. Natrium laktatın həddindən artıq dozası xüsusilə böyrək çatışmazlığı olan xəstələrdə metabolik alkaloza və hipokaliemiya səbəb ola bilər. Simptomlara əhval-ruhiyyənin dəyişməsi, yorğunluq, təngnəfəslik, əzələ zəifliyi və ürək döyüntülərinin nizamsızlığı daxildir. Xüsusilə hipokalsiemiya müşahidə edilən xəstələrdə əzələ hipertonusu, əzələ dartınmaları və tetanik qıcolma inkişaf edə bilər. Bikarbonatın həddindən artıq dozası ilə əlaqəli metabolik alkalozun müalicəsi əsasən maye və elektrolit balansının düzgün tənzimlənməsini əhatə edir. Kalsium, xlorid və kalium çatışmazlığının əvəz edilməsi xüsusilə vacibdir. Doza həddinin aşılması məhlula əlavə edilən dərmanlarla əlaqədardırsa, həddindən artıq doza ilə bağlı əlamətlər və simptomlar əlavə edilən dərmandan asılı olacaq.

Buraxılış forması

250 ml, 500 ml vǝ ya 1000 ml infuziya üçün mǝhlul, polipropilen kisədə.

Aptekdǝn buraxılma şǝrti

Resept ǝsasında buraxılır