Pharmed

RINGER 500ML SISTEM (POLIFARMA)

POLİFLEKS RİNGER venadaxili infuziya üçün məhlul (steril)

POLIFLEKS RINGER

RINGER Tərkibi

Təsiredici maddələr: 100 ml məhlulun tərkibində 0,86 q natrium xlorid, 0,03 q kalium xlorid, 0,033 q 
 kalsium xlorid vardır.
Köməkçi maddələr: inyeksiya üçün su.

Osmolyarlığı – 309 mOsmol/l
pH – 5,0-7,5

Təsviri

Şəffaf, hissəciklərdən azad steril və apirogen məhluldur.
Farmakoterapevtik qrupu
Elektrolit tarazlığına təsir edən məhlullar. Elektrolitlər.

ATC kodu: B05BB01.

Farmakoloji xüsusiyyətləri

Farmakodinamikası
Polifleks Ringer elektrolitlərin izotonik məhluludur. Tərkibindəki maddələr və onların konsentra-
siyaları plazma ilə uyğunlaşdırılmışdır. 
Polifleks Ringerin farmakodinamik xüsusiyyətləri onun komponentlərinin farmokoloji xüsusiyyətlə-
rindən ibarətdir (su, natrium, kalium, kalsium və xlor). Polifleks Ringer preparatının əsas təsiri həm 
interstisial, həm də damardaxili mayelər daxil olmaqla, hüceyrəxarici hissəsinin genişləndirilməsidir. 
Natrium kimi ionlar, natrium nasosu (Na + / K + -ATPase) kimi müxtəlif nəqliyyat mexanizmlərindən 
istifadə edərək hüceyrə membranından keçirlər. Natrium, neyrotransmissiya, kardioloji elektro-
fiziologiya və həmçinin, böyrək metabolizmində vacib rol oynayır. 
Kalium, sinir keçiriciliyi, əzələnin yığılması və turşu-əsas tənzimlənməsi daxil olmaqla, çoxsaylı 
metabolik və fizioloji proseslər üçün vacibdir. Plazmada kaliumun normal konsentrasiyası hər litrdə 3,5-5,0 mmol arasındadır. Kalium hüceyrədaxili kationdur, əsasən əzələlərdə olur və yalnız 2%-i 
hüceyrəxarici mayedə mövcuddur. 
Kalsiumun təxminən 99%-i sümüklərdə olur. Qalan 1%-i bədən toxumalarında və mayelərdə olur. 
Normal sinir keçiriciliyi, əzələ fəaliyyəti və qan laxtalanması üçün vacib bir iondur. 
Xlorid əsasən sümükdə və kollagen kimi birləşdirici toxumanın bəzi komponentlərində yüksək 
konsentrasiyada olan hüceyrəxarici aniondur. Hüceyrədaxili xlorid qırmızı qan hüceyrələrində və 
mədə mukozasında yüksək konsentrasiyadadır. Anion və kationların tarazlığı böyrəklər tərəfindən 
tənzimlənir. Xloridin reabsorbsiyası, adətən, natriumun reabsorbsiyasından sonra baş verir.

Farmakokinetikası
Polifleks Ringer dərman vasitəsinin farmakokinetik xüsusiyyətləri onun tərkib hissələrinin 
xüsusiyyətlərindən ibarətdir (su, natrium, kalium, kalsium və xloridlər).
Absorbsiyası
Polifleks Ringer venadaxili istifadə üçün hazırlanan preparat olduğundan bu bölmə haqqında məlumat 
verilmir.
Paylanması
Hüceyrəxarici və hüceyrədaxili bölmələrin həcmi və ion tərkibi belədir:
Hüceyrəxarici maye: təxminən 19 litr
Natrium (mmol/l): 142
Kalium (mmol/l): 5
Kalsium (mmol/l): 2,5
Xlorid (mmol/l): 103
Hüceyrədaxili maye: təxminən 23 litr
Natrium (mmol/l): 15
Kalium (mmol/l): 150
Kalsium (mmol/l): 1
Xlorid (mmol/l): 1
Biotransformasiyası
Elektrolitlər biotransformasiyaya məruz qalmır.
Eliminasiyası
Natrium
Natrium, əsasən böyrək tərəfindən xaric olunur, həm də geniş renal reabsorbsiya olur. Az miqdarda 
nəcis və tərlə xaric olur.
Kalium
Kalium əsasən böyrəklərdən xaric olur. Bir miqdar kalium nəcislə və az miqdarda tərlə xaric ola bilər.
Kalsium
Kalsiumun çox hissəsi əsasən böyrək yolu ilə xaric olunur. Absorbsiya olunmamış kalsium safra və 
mədəaltı vəzin şirəsi ilə birlikdə nəcislə xaric olur. Az miqdarda kalsium tər, dəri, saç və dırnaqlarla 
itirilir. Kalsium plasentadan keçir və ana südünə ifraz olunur.
Xlorid
Böyrəklərdən xaric olur. Az miqdarda nəcis və tərlə də xaric olur.
İstifadəsinə göstərişlər
Hüceyrəxarici maye itkisinin əvəz edilməsi;
İzotonik dehidratasiyanın müalicəsində xlorid, kalsium, kalium, natrium balansının yenidən bərpası.

RINGER Əks göstərişlər

- Hüceyrəxarici hiperhidratasiya və ya hipervolemiya;
- hipertonik dehidratasiya;
- hiperkaliemiya;

hipernatriemiya;
- hiperkalsiemiya;
- hiperxloremiya;
- kəskin böyrək çatışmazlığı (oliquriya/anuriya ilə);
- dekompensasiya olunmayan ürək çatışmazlığı;
- ağır hipertenziya;
- ümumi ödem və asitlə müşayiət olunan sirroz;
- yanaşı üskükotu qlikozidləri ilə müalicə alan pasiyentlər;
- məhlulun tərkibindəki hər hansı maddəyə qarşı allergiya;
- Addison xəstəliyi olan pasiyentlərdə (Addison xəstəliyini və ya həmlələrini müalicə etmək 
üçün kaliumsuz mayelərə üstünlük verilir.);
- Elektrokoter istifadəsi tələb olunan əməliyyatlarda elektrolit ehtiva edən irriqasion məhlullar
istifadə edilməməlidir.

Xüsusi göstərişlər və ehtiyat tədbirləri

Ürək və ya ağciyər çatışmazlığı olan pasiyentlərdə yüksək həcmli infuziya xüsusi nəzarət altında 
istifadə olunmalıdır.
Natrium xlorid ehtiva edən məhlullar hipertoniya, ürək çatışmazlığı, periferik və ya ağciyər ödemi, 
böyrək funksiyası pozulmuş, preklampsiya, aldosteronizm və ya digər hallar olan və ya natrium 
ləngiməsi ilə əlaqəli müalicə alan (məsələn, kortikoidlər/steroidlər) pasiyentlərə ehiyatla tətbiq 
olunmalıdır.
Kalium duzları ehtiva edən məhlullar ürək xəstəliyi olan pasiyentlərə və ya böyrək və ya 
adrenokortikal çatışmazlıq, kəskin dehidratasiya və ya ciddi yanmalarla meydana gələn geniş toxuma 
zədəsi ilə hiperkaliemiyaya meyilli xəstələrə ehtiyatla verilməlidir. Böyrəklərin funksiyasının kəskin 
pozulması kalium ləngiməsi ilə nəticələnə bilər.
Kalsium olduğu üçün:
• venadaxili infuziya zamanı ekstravazasiyanın qarşısının alınmasına diqqət yetirilməlidir.
• məhlul böyrək funksiyası pozulmuş və ya sarkoidoz kimi yüksək D vitamini konsentrasiyaları ilə 
 əlaqəli xəstəlikləri olan pasiyentlərə ehtiyatla verilməlidir.
• yanaşı qan da köçürülərsə, eyni infuziya ilə tətbiq olunmamalıdır, çünki laxtalanma riski 
 var.
• Parenteral kalsium, üskükotu preparatları istifadə edən xəstələrə çox ehtiyatla verilməlidir.
Polifleks Ringer preparatının tərkibindəki kalium və kalsiumun konsentrasiyası bu ionların 
çatışmazlığında faydalı təsir üçün yetərsiz olduğundan məhlul bu məqsədlə istifadə edilməməlidir. 
Dehidratasiya müalicə edildikdən sonra məhlul bu ionları daha uyğun konsentrasiyalarda təmin edəcək 
dəstəkləyici mayeyə dəyişdirilməlidir.
Hipokaliemiya və ya hipokalsiemiya hallarında, Ringer məhlulu ilə birlikdə çatışmayan elektrolitləri 
əvəz etmək üçün məhlullar da istifadə olunmalıdır.
Uzunmüddətli parenteral müalicə zamanı xəstə kifayət qədər qidalanmalıdır.
Preparat nasos cihazı ilə tətbiq olunursa, konteyner quruyana qədər və ya hava emboliyası ilə 
nəticələnmədən əvvəl nasosun hərəkətinin dayanmasına diqqət etmək lazımdır.
Məhlul steril cihaz istifadə edərək, venadaxili tətbiq üçün nəzərdə tutulub.
Yalnız şəffaf, qabı və qapaqları bütöv olan məhlulları istifadə edin.
Laborator testlər
Uzun müddət davam edən parenteral müalicə zamanı və ya xəstənin vəziyyəti bu cür qiymətləndirmə 
tələb etdikdə maye balansında, elektrolit konsentrasiyasında və turşu-əsas balansında dəyişiklikləri 
izləmək üçün klinik qiymətləndirmə və periodik laborator müayinələr lazımdır.
Normal konsentrasiyalardan əhəmiyyətli kənaraçıxmalar bu dəyərlərin bu və ya alternativ məhlulla normallaşdırılmasını tələb edə bilər.
Hər ml məhlul 14,7 mmol natrium ehtiva edir. Tərkibindəki natrium, nəzarətli natrium pəhrizində olan 
pasiyentlərdə nəzərə alınmalıdır. 
Digər dərman vasitələri ilə qarşılıqlı təsiri
Natriumun mövcudluğu ilə əlaqəli qarşılıqlı təsir
Natrium və suyun ləngiməsi ilə əlaqəli olan kortikoidlər/steroidlər və karbenoksolon (ödem və 
hipertoniya ilə).
Kaliumun mövcudluğu ilə əlaqəli qarşılıqlı təsir
• Kalium qoruyucu diuretiklər (tək və ya kombinasiya şəklində amilorid, spironolakton, triamteren)
• Angiotenzin çevirici ferment inhibitorları (AÇFİ) və ekstrapolyasiya ilə, angiotenzin II reseptor 
 antaqonistləri
• Takrolimus, siklosporin (plazmadakı kalium konsentrasiyasını artıran və hiperkaliemik təsirlərin 
 artacağı böyrək çatışmazlığı vəziyyətində potensial ölümcül hiperkaliemiyaya səbəb ola biləcək).
Kalsiumun mövcudluğu ilə əlaqəli qarşılıqlı təsir
• Kalsiumun mövcudluğu ilə təsiri artan və ciddi və ya ölümcül ürək aritmiyasına səbəb ola biləcək
üskükotu qlikozidləri
• Kalsiumla birlikdə tətbiq olunduqda hiperkalsiemiyaya səbəb ola biləcək tiazid diuretikləri və ya D 
 vitamini.
• Seftriakson-kalsium duzunun çökmə riskinə görə seftriakson, kalsiumla birlikdə qəbul edildikdə 
 ölümcül ola bilər.

Hamiləlik və ya laktasiya dövründə istifadəsi

Ümumi tövsiyə
Hamiləlik kateqoriyası: C
Uşaq doğurma potensiallı qadınlar/ Kontrasepsiya
Heyvanlar üzərində aparılan tədqiqatlar hamiləliyə və embrional/fetal inkişafa/doğuma və ya 
doğumdan sonrakı inkişafa təsir baxımından yetərsizdir. İnsanlarda potensial riski məlum deyil.
Hamiləlik
Polifleks Ringer ilə əlaqəli heyvanlarda reproduktivlik tədqiqatları aparılmamışdır. Həmçinin, 
Polifleks Ringer preparatı hamilələrdə istifadə edilən zaman onun fetal toksikliyə və ya reproduktivlik 
qabiliyyətə təsiri barədə məlumat yoxdur. Polifleks Ringer hamilələrdə yalnız həqiqətən ehtiyac olarsa, 
istifadə edilməlidir. 
Laktasiya
Bu dərman vasitəsinin südə keçdiyinə dair məlumat yoxdur. Bir çox preparat insan südünə 
keçdiyindən, laktasiya dövründə olan qadınlara Polifleks Ringer də ehtiyatla tətbiq olunur.
Kalsiumun plasentanı keçdiyi və ana südünə paylandığı nəzərə alınmalıdır.
Bir dərman vasitəsi əlavə edildikdə, dərmanın təbiəti və hamiləlik və laktasiya dövründə istifadəsi 
ayrıca nəzərdən keçirilməlidir.
Reproduktivlik qabiliyyəti/ Fertillik
Məlum təsiri yoxdur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Praktiki olaraq, infuziya üçün məhlul tətbiq olunarkən, nəqliyyat vasitələrini və digər potensial 
təhlükəli mexanizmləri idarə etmək mümkün deyil. İnfuziyanın tətbiqdən sonra, nəqliyyat vasitələrinə 
və digər potensial təhlükəli mexanizmlərə təsiri məlum deyil.

RINGER İstifadə qaydası və dozası

Doza xəstənin yaşından, çəkisindən, klinik və bioloji şəraitdən və yanaşı aparılan müalicədən asılıdır.

Böyüklər, yaşlılar və yeniyetmələr üçün 500 ml-3000 ml/24 saat
Körpələrdə və uşaqlarda 20 ml-100 ml/kq/24 saat
0-10 kq: 100 ml/kq/gün
10-20 kq: 10 kq-dan yuxarı hər kq üçün 1000 ml + 50 ml/gün
>20 kq: 20 kq-dan yuxarı hər kq üçün 1500 ml + 20 ml/gün

İstifadə qaydası

Steril apirogen cihazlar ilə venadaxili yolla tətbiq edilir.
Bu preparatı tətbiq edərkən maye balansı və plazma elektrolit konsentrasiyaları (natrium, kalium, 
kalsium və xloridlər) izlənilməlidir.
İnfuziyanın sürəti yeniyetmələrdə və böyüklərdə gündəlik 40 ml/kq/24 saat-dır.
İnfuziyanın sürəti və ümumi həcmi cərrahi müdaxilədə və ya ehtiyac olduqda daha yüksək ola bilər.
Xüsusi populyasiyalar haqqında əlavə məlumat
Böyrək /Qaraciyər çatışmazlığı
Oliquriya və ya anuriya ilə müşayiət olunan ağır böyrək çatışmazlığında istifadə edilməməlidir.
Qaraciyər çatışmazlığı barədə əlavə məlumat yoxdur.
Pediatrik populyasiya
Pediatrik xəstələrdə infuziya sürəti orta hesabla, 5 ml/kq/saatdır (körpələr üçün 6-8 ml/kq/saat, 
məktəbə qədərki uşaqlarda 4-6 ml/kq/saat, məktəblilər üçün 2-4 ml/kq/saat) .
Yanıq olan uşaqlarda doza orta hesabla, yanma sonrası 24 saatda 3,4 ml/kq/faiz və 48 saat ərzində 6,3 
ml/kq/faiz yanıq nisbətində tətbiq edilir.
Ağır kəllə-beyin travması almış uşaqlarda doza orta hesabla 2850 ml/m2
-dir.
Yaşlılar
Yaşlılarda doza fərdi təyin edilməlidir.
Tətbiq üçün digər xüsusi ehtiyat tədbirləri
İnfuziya üçün məhlul istifadədən əvvəl vizual yoxlanmalıdır, bütöv qablaşdırmada yalnız şəffaf, 
hissəciksiz məhlullardan istifadə edilməlidir.
Tətbiq dəsti məhlula əlavə olunduqdan sonra istifadəyə ən qısa müddətdə başlamaq lazımdır.
Məhlul steril tətbiq dəsti ilə aseptik texnika istifadə edərək tətbiq edilməlidir. Havanın sistemə daxil 
olmasının qarşısını almaq üçün istifadədən əvvəl tətbiq dəstindən maye keçirilməlidir.
İnfuziyadan əvvəl və infuziya müddətində əlavə dərmanlar aseptik şəraitdə əlavə edilə bilər. Son 
məhlulun izotonikliyi parenteral tətbiqdən əvvəl müəyyən edilməlidir.
Əlavə edilmiş preparat xəstəyə tətbiq edilməzdən əvvəl məhlulla tamamilə qarışdırılmalıdır. Əlavə 
dərman olan həlledicilər dərman əlavə edildikdən dərhal sonra istifadə olunmalıdır, sonrakı istifadə 
üçün saxlanılmamalıdır.
Məhlula əlavə dərman qatılması və ya səhv tətbiq yolu, pirogen çirklənmə ilə əlaqəli qızdırma 
reaksiyasına səbəb ola bilər. Əlavə təsir baş verərsə, infuziya dərhal dayandırılmalıdır.

Tətbiqi üçün təlimat

1. Xarici qablaşdırmanın bütövlüyünü və sızıntı olub-olmadığını yoxlayın. Qablaşdırma zədələnmişsə, 
 istifadə etməyin.
2. Xarici qoruyucu qablaşdırmanı cıraraq açın.
3. Daxili torbanı möhkəm sıxaraq möhkəmliyi yoxlayın.
4. Torbadakı məhlulun şəffaflığını və tərkibində yad maddələrin olmadığını yoxlayın. 
5. Torbanı asın.
6. Tətbiq portundan qoruyucu qapağı çıxarın.
7. Tətbiq dəstinin spaykını tətbiq ucuna möhkəm yapışdırın. Dəsti xəstəyə tətbiq etmək üçün dəstin 
istifadəsi qaydalarına əməl edilməlidir.

Əlavə dərman vasitəsinin əlavə edilməsi

Diqqət! Bütün parenteral məhlullarda olduğu kimi məhsula əlavə ediləcək bütün maddələr preparatla 
uyuşmalıdır. Bir məhlul əlavə ediləcəksə, xəstəyə tətbiq etməzdən əvvəl son qarışıqda uyğunluq 
yoxlanılmalıdır.
Tətbiqdən əvvəl dərman əlavəsi
1. Dərman aplikatorunu dezinfeksiya edin.
2. 19-22 ölçülü iynə ilə şpris istifadə edərək əlavə ediləcək dərmanı əlavə edin.
3. Məhlulu və əlavə edilmiş dərmanı hərtərəfli qarışdırın. Kalium xlorid kimi yüksək sıxlıqlı dərmanlar 
üçün, torbanın portlarına yavaşca vurun, portlar qarışmağa imkan vermək üçün dik vəziyyətdədir.
Diqqət! Əlavə dərmanla qarışdırılmış torbaları saxlamayın.
Tətbiq zamanı dərman əlavə etmək
1. Qısqacı bağlayın.
2. Dərman aplikatorunu dezinfeksiya edin.
3. Əlavə ediləcək dərmanı 19-22 ölçülü iynəsi olan şpris istifadə edərək yeridin.
4. Məhlulu IV dirəkdən çıxarın və ters çevirin.
5. Bu vəziyyətdə, məhlul və dərmanların qarışması üçün hər iki porta yavaşca vurun.
6. Torbanı əvvəlki vəziyyətinə qaytarın və qısqacı açın və tətbiqə davam edin.

Əlavə təsirləri

Əlavə təsirlərin başvermə tezliyi aşağıdakı kimi qruplaşdırılır:
Çox tez-tez (≥1/10), tez-tez (≥1/100 və <1/10), bəzən (≥1/1,000 və <1/100), nadir (≥1/10,000 və 
<1/1,000), çox nadir (<1/10,000), məlum deyil (əldə olan məlumatlara əsasən tezliyi qiymətləndirmək 
mümkün deyil). 
Metobolizm və qidalanma pozğunluqları
Çox tez-tez: elektrolit pozğunluqları.
Kardioloji pozğunluqlar
Çox tez-tez: hiperhidratasiya və ürək çatışmazlığı (kardioloji xəstəliyi və ya ağciyər ödemi olan 
pasiyentlərdə).
Mədə-bağırsaq sistemində baş verən pozğunluqlar
Bəzən: ürəkbulanma, qusma, qarın nahiyəsində ağrı, diareya (ishal).
Ümumi və tətbiq sahəsində yaranan pozğunluqlar
Məlum deyil: febril reaksiyalar, inyeksiya edilən nahiyədə reaksiya, yerli ağrı və ya reaksiya, 
inyeksiya nahiyyəsindən başlayaraq uzanan, flebit və ya venoz tromboz, ekstravazasiya, 
hipervolemiya.
Nadir: pireksiya
Məhlula əlavə edilən dərman vasitələri ilə bağlı da əlavə təsirlər müşahidə oluna bilər.
Plazmada kalsium səviyyəsinin anormal yüksəkliyi depressiya, amneziya, başağrısı, yuxululuq, 
orientasiyanın pozulması, bayılma, hallüsinasiyalar, skelet və saya əzələlərində hipotoniya, disfagiya, 
aritmiya və koma ilə nəticələnə bilər. Kalsium defisiti spazmlar və qıcolmalar daxil olmaqla, 
neyromuskulyar oyanıqlıq ilə nəticələnə bilər.
Böyük miqdar infuziyada, xlorid ionları bikarbonat ionlarının itirlməsinə səbəb ola bilər ki, bu da 
asidləşdirici təsirlə nəticələnə bilər.
Kalium intoksikasiyası zamanı ətrafların paresteziyası, iflic, huşun dumanlanması, halsızlıq, ayaqlarda 
ağırlıq hissi, hipotenziya, ürək ritminin pozulması, ürək blokadası, elektrokardiofil anomaliyalar baş 
verə bilər.
Əlavə təsir yaranarsa, infuziyanın istifadəsi dayandırılmalıdır.

Doza həddinin aşılması

Məhlul normal böyrək funksiyası olan xəstələrdə intoksikasiya üçün yetərsiz kalium və kalsium 
konsentrasiyasını ehtiva edir.
Doza həddinin aşılması və ya preparatın çox sürətlə tətbiqi, xüsusilə, qüsurlu renal natrium ifrazı
zamanı ödem riski ilə nəticələnə bilən su və natriumun həddindən artıq yüklənməsinə səbəb ola bilər. 
Bu vəziyyətdə əlavə böyrək dializi zəruri ola bilər. Plazmada artan natrium konsentrasiyası durğunluq
ürək çatışmazlığına, hipervolemiyaya və beyin qanamasına səbəb ola bilər.
Kaliumun həddindən artıq qəbulu, xüsusilə böyrək çatışmazlığı olan xəstələrdə hiperkaliemiyanın 
inkişafına səbəb ola bilər. Hiperkaliemiya əlamətlərinə ətrafların paresteziyası, əzələ zəifliyi, iflic, ürək 
ritminin pozulması, ürəyin blokadası, ürək tutması, ağır ayaqlar, sərin dəri ilə periferik damar kollapsı, 
solğunluq, arterial təzyiqin aşağı düşməsi və zehni dumanlanma daxildir. Ringer məhlulu ilə müalicə 
zamanı plazmada kalium konsentrasiyası vaxtaşırı təyin olunmalı və EKQ çəkilməlidir. EKQ-də 
dəyişikliklər (hündür, zirvəli T dalğaları, S-T seqmentinin depressiyası, P dalğasının yox olması, QT 
intervalının uzanması və QRS kompleksinin genişlənməsi) də kalium toksikliyinin vacib 
göstəriciləridir. Hiperkaliemiyanın müalicəsinə kalsium, insulin (qlükoza ilə), natrium bikarbonat, 
mübadilə qatranları və ya dializin tətbiqi daxildir.
Kalsium duzlarının həddindən artıq istifadəsi hiperkalsiemiyaya səbəb ola bilər. Hiperkalsiemiyanın 
simptomları arasında anoreksiya, ürəkbulanma, qusma, qəbizlik, qarın nahiyəsinin ağrısı, əzələ zəifliyi, 
zehni pozğunluqlar, polidipsiya, poliuriya, nefrokalsinoz, böyrək daşları və ağır hallarda ürək ritminin 
pozulması və koma ola bilər. EKQ-də dəyişikliklər müşahidə oluna bilər. Kalsium duzlarının çox 
sürətli venadaxili inyeksiyası, hiperkalsiemiya əlamətlərinin çoxuna, eyni zamanda ağızda təbaşir 
dadına, qızartılara və periferik vazodilatasiyaya səbəb ola bilər. Yüngül asimptomatik hiperkalsiemiya 
ümumiyyətlə kalsium və D vitamini kimi köməkçi preparatların istifadəsinin dayandırılması ilə aradan 
qalxır.
Xlorid duzlarının həddindən artıq istifadəsi, asidləşdirici təsir göstərən bikarbonat itkisinə səbəb ola 
bilər.
Doza həddinin aşılması məhlullara əlavə edilən preparatlarla əlaqəli olduqda, doza həddinin 
aşılmasının əlamətləri və simptomları bu əlavə olunan preparatın təbiəti ilə əlaqəli olacaqdır.
Müalicə zamanı təsadüfən doza həddi aşılarsa, müalicə dayandırılmalı və xəstəyə tətbiq olunan 
dərmanla əlaqəli uyğun əlamət və simptomlar müşahidə edilməlidir.
Lazım olarsa, müvafiq simptomatik və dəstəkləyici tədbirlər görülməlidir.
Müalicə: natrium zəhərlənməsi diuretiklərlə müalicə olunmalı və oral və ya parenteral su və duz 
verilməməlidir. Kalium zəhərlənməsi İ.V. natrium bikarbonat, 10-25% dekstroza məhlulu və ya 
kalsium duzu ilə müalicə edilməlidir. Kalsium intoksikasiyası trisodium EDTA, furosemid və 
hemodializlə müalicə olunur.

Buraxılış forması

500 ml və 1000 ml məhlul, PVC və PP flakonda. Eyni sayda içlik və flakonlar karton qutuya 
qablaşdırılır.
Saxlanma şəraiti
25 ºC-dən yüksək olmayan temperaturda və uşaqların ıi çatmayan yerdə saxlamaq lazımdır.
Utilizasiyası və zərərsizləşdirilməsi üçün xüsusi tədbirlər
Birdəfəlik istifadə üçündür.
İstifadə müddəti keçmiş və ya istifadə olunmayan dərmanları atmayın! Müvafiq orqanın müəyyən 
etdiyi toplanma sisteminə təhvil verin.

Yararlılıq müddəti

3 il.
Yararlılıq müddəti bitdikdən sonra istifadə etmək olmaz.
Məhlula hər hansı bir maddə əlavə etməzdən əvvəl onun Polifleks Ringer-in pH-da həll qabiliyyəti və 
stabilliyi yoxlanılmalıdır.
İstifadə zamanı yararlılıq müddəti: Mikrobioloji baxımdan məhsul dərhal istifadə olunmalıdır. Dərhal 
istifadə edilmədikdə, istifadədəki saxlama müddəti və şəraitinin müəyyən edilməsi istifadəçinin 
məsuliyyətindədir və bu müddət normal olaraq nəzarətli və təsdiqlənmiş aseptik şəraitdə yenidən 
hazırlanmadıqda, 2-8 °C-də 24 saatdan çox olmayacaqdır.

Aptekdən buraxılma şərti
Resept əsasında buraxılır.

İstehsalçı

Polifarma İlaç Sanayi ve Ticaret A.Ş., Turkey.
Vakıflar OSB Mah. Sanayi Cad. No:22/1 Ergene/Tekirdağ/Turkey.
Qeydiyyat vəsiqəsinin sahibi
Polifarma İlaç Sanayi ve Ticaret A.Ş., Turkey.
Halkalı Merkez Mahallesi, Basın Ekspress Caddesi, Capital Towers İş Merkezi No:9 Kat:6 
Küçükçükmece/İstanbul, Turkey.
Tel.: +90 282 675 14 04.
Faks: +90 282 675 14 05.