Pharmed
RABEZOL 20MG N28 TB
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“___”__________ 2020-ci il
Dərman vasitəsinin istifadəsi üzrə təlimat (xəstələr üçün)
RABEZOL bağırsaqda həll olan örtüklü tabletlər
RABEZOL
Beynəlxalq patentləşdirilməmişadı: Rabeprazole
Tərkibi
Təsiredici maddə: 1 tabletin tərkibində 20 mq rabeprazol natrium vardır.
Köməkçi maddələr:mannitol, maqnezium oksid, hidroksilpropil sellüloza, povidon, qarğıdalı
nişastası, natrium stearil fumarat, hipromelloza, hipromelloza ftalat, trietil sitrat,
talk, titan dioksid, hidroksipropilmetilsellüloza, titan dioksid, makroqol, sarı
dəmir oksidi.
Təsviri
Dairəvi formalı, ağ rəngli örtüklü tabletlərdir.
Farmakoterapevtik qrupu
H+/K+-ATF-azanın inhibitoru. Xora əleyhinə preparat.
ATC kodu: A02BC04.
Farmakoloji xüsusiyyətləri
Farmakodinamikası
Rabezol –əvəzolunmuş benzimidazol törəməsi olub, proton pompasının inhibitorudur. Parietal
hüceyrələrin hüceyrədaxili kanalcıqlarında toplanır və H
+
/K+
-ATF-aza ferment sistemi ilə kovalent
birləşmə yaradaraq xlorid turşusu sintezinin son fazasını blokadaya alır.Rabezol mədənin parietal
hüceyrələrində toplanır və aktiv sulfenamidə çevrilir. İn vitro aparılan tədqiqat zamanı məlum
olmuşdur ki, rabeprazolun yarımparçalanma dövrü, turşuluq mühitinin pH-1,2 səviyyəsində
olduqda,78 saniyə təşkil edir. 20 mq Rabezolun antisekretor effekti daxilə qəbul edildikdən 1 saat
sonra başlayır. İlkin dozadan sonra 24 saat ərzində mədə turşusunun sekresiyasına orta inhibəedici
təsiri maksimal 88% təşkil edir.Rabezol 20mq bazal və pepton qida ilə qıcıqlandırılmış mədə
turşusunun sekresiyasını müvafiq olaraq 86% və 95% inhibə edir və xəstələrdə 24 saat ərzində pH>3
səviyyəsini 10%- dən 65%- ədək artırır.Rabeprazolun uzunmüddətli antisekretor təsiri H+/K+ATF-
azanın davamlı inaktivləşməsilə əlaqədardır.
Farmakokinetikası
Rabezol 20 mq təsiredici maddəsi tədricən azad olan örtüklü tabletdir, mədədən nisbətən
dəyişilməmiş şəkildə onikibarmaq bağırsağa keçir. Daxilə qəbul olunduqda preparatın plazmada
maksimal konsentrasiyası (Cmax) 2-5 saat müddətində müəyyən olunur. Rabeprazolun 10 mq-dan 40
mq-adək qəbulu zamanı onun Cmax və AUC göstəriciləri arasında xətti mütənasibliyi mövcuddur.
Rabezol hər 24 saatda 10mq-dan 40 mq-dək qəbul olunduqda onun əhəmiyyətli dərəcədə
kumulyasiyası müşahidə olunmur; preparatın farmakokinetikası bir dəfə və təkrar qəbulu zamanı
dəyişmir. Rabeprazolun plazmada yarımparçalanma dövrü 1-2 saat təşkil edir.
Sorulması
Preparatın biomənimsənilməsi 52% təşkil edir. Rabeprazol yağlı qida ilə qəbul edildikdə onun Tmax
dəyişir və sorulma müddəti 4 saat və ya daha uzunmüddətli ola bilər, lakin bu zaman preparatın Cmax
və absorbsiya dərəcəsi (AUC) əhəmiyyətli dəyişmir. Beləliklə, Rabezol yeməkdən asılı olmayaraq
qəbul oluna bilər.
Paylanması
Preparatın qanın zülalları ilə birləşməsi 96,3% təşkil edir.
Metabolizmi
Rabezol qaraciyərdə geniş metabolizmə uğrayır. Tioefir və sulfon - rabeprazolun plazmada təyin
olunan ilkin metabolitləridir. Bu metabolitlər yüksək antisekretor təsirə malik deyil. İn vitro aparılan
tədqiqatlarda rabeprazol qaraciyərdə ilk olaraq P450 3A (CYP3A)və P450 2C19 (CYP2C19)
sitoxromlar vəsitəsi ilə, müvafiq olaraq, sulfon və dismetil metabolitlərinə çevrilir.
Rabeprazoluntioefir metaboliti isə preparatın qeyri-fermentativ yolla parçalanması nəticəsində
yaranır.Bəzi əhali qrupları arasında CYP2C19 fermentinin (3-5% qafqazlılar və 15-20% asiyalılar)
defisiti ilə əlaqəli rabeprazolun parçalanmasının ləngiməsi halları müşahidə oluna bilər.
Xaric olması
Rabezol 20 mq daxilə qəbul olunduqda onun 90%-i orqanizmdən sidiklə metabolitlər şəklində, qalan
hissəsi isə bağırsaqla xaric olunur. Rabeprazol dəyişilməmiş şəkildə sidikdə və ya nəcisdə aşkar
edilməmişdir.
Yaşlılarda istifadəsi
Yaşlılarda rabeprazol 7 gün müddətində gündə bir dəfə 20 mq qəbul olunduqda AUC göstəricisinin
ikiqat artması və Cmax 60%-dək çoxalması müşahidə olunur. Preparat gündə bir dəfə qəbul
olunduqda orqanizmdə kumulyasiya effekti yaranması təsdiqlənməmişdir.
Pediatriyada istifadəsi
Dərman preparatının farmakokinetikası 18 yaşdan kiçik uşaqlarda tədqiq olunmamışdır.
Xüsusi klinik hallarda farmakokinetikası
Böyrəklərin funksiyasının pozğunluğu, o cümlədən hemodializdə olan xəstələrdə aparılan tədqiqat
zamanı rabeprazol gündə 1 dəfə 20 mq qəbul olunduqda onun farmakokinetik göstəriciləri sağlam
şəxslərin göstəricilərinə uyğun olmuşdur.
Qaraciyərin yüngül və orta ağır çatışmazlığı olan xəstələrdə Rabezol gündə 1 dəfə 20 mq qəbul
olunduqda AUC göstəricisinin ikiqat artması, yarımparçalanma dövrünün 2-3 dəfə uzanması və
ümumi bədəndən xaric olunma göstəricisinin yarıya qədər azalması müşahidə olunmuşdur.
Qaraciyərin yüngül və orta ağır çatışmazlığı olan xəstələrdə Rabezol 8 gün müddətində gündə 20
mq təyin olunduqda AUC0-∞ və Cmax göstəricilərinin 20% artması müşahidə olunmuşdur.
Qaraciyərin ağır çatışmazlığı olan xəstələrdə Rabezolun istifadəsi haqqında məlumat yoxdur.
İstifadəsinə göstərişlər
• Mədə və 12-barmaq bağırsağın xora xəstəliyi.
• Qastroezofaqeal reflüks xəstəliyi, eroziv ezofaqit.
• Zollinger-Ellison sindromu.
Əks göstərişlər
Preparatın hər hansı komponentinə qarşı yüksək həssaslıq.
Hamiləlik və laktasiya dövrü.
Xüsusi göstərişlər və ehtiyat tədbirləri
Rabeprazol ilə müalicəyə simptomatik cavabın olması mədə və qida borusunda bədxassəli
törəmənin olmasını istisna etmir, bunu nəzərə alaraq rabeprazol ilə müalicəni başlamazdan xəstədə bədxassəli törəmənin mövcüdluğu istisna olunmalıdır. Uzunmüddətli, xüsusilə də, 1 ildən çox
müalicə qəbul edən xəstələr mütəmadi nəzarətdə saxlanılmalıdır. Rabeprazol ilə müalicə olunan
xəstələrdə digər proton pompası inhibitorları və əvəzolunmuş benzimidazollar ilə çarpaz
hiperhəssaslıq reaksiyalarının yaranma riski istisna olunmur.
Rabezol tabletlərin çeynənilmədən və əzilmədən, bütöv halda qəbul olunması haqqında xəstələr
məlumatlandırılmalıdır. Rabeprazolun uşaqlarda istifadəsi tövsiyə olunmur, bu qrup xəstələrdə
istifadə təcrübəsi yoxdur və istifadəsi yaxşı öyrənilməyib. Postmarketinq tədqiqatlarda
trombositopeniya və neytropeniya kimi hallar haqqında məlumatlar verilmişdir. Əksər zaman, ciddi
olmadıqda və etiologiyası aşkar edilmədikdə rabeprazolun istifadəsi dayandırıldığında bu hallar
aradan qalxır.
Dərman vasitəsinin klinik təcrübədə istifadəsinə başlandığından və həmçinin klinik tədqiqatlarda
xəstələrdə qaraciyər fermentlərinin normal göstəricilərinin pozulması qeydə alınmaqdadır; əksər
hallarda rabeprazolun istifadəsini dayandırıldıqda bu vəziyyət aradan qalxır.
Ağır qaraciyər çatışmazlığı olan xəstələrdə rabeprazolun istifadəsinə dair məlumatlar olmadığına
görə bu qrup xəstələrdə dərman vasitəsi xüsusi ehtiyatla təyin edilməlidir.
Rabeprazolun atazanavirlə birlikdə istifadəsi məsləhət görülmür. Rabeprazol daxil olmaqla proton
pompası inhibitorları ilə müalicə zamanı mədə-bağırsaq infeksiyalarının yaranma riski artır (məs.
salmonellaların, kampilobakterlərin və Clostridium difficile). Proton pompası inhibitorlarının
yüksək dozalarda və uzunmüddətli (>1 il) istifadəsi bud, bilək və onurğa sümüklərinin sınıqlarına
səbəb ola bilər, xüsusilə də yaşlı və digər risk faktorları mövcüd olan xəstələrdə. Müşahidəli
tədqiqatlarda proton pompası inhibitorlarının istifadəsində sınıqların riski 10-40% artması
göstərilmişdir; bu artımın digər risk faktorları ilə də əlaqəsi istisna edilmir. Klinik tövsiyələrə uyğun
olaraq rabeprazol təyin edilən və osteoporoz riski olan xəstələrə xüsusi diqqət yetirilməli, həmçinin
müvafiq dozalarda D vitamini və kalsium qəbul etməlidirlər.
Hipomaqneziemiya
Ən azı 3 ay, əksər hallarda isə 1 il proton pompa inhibitorlarını qəbul edən xəstələrdə güclü
hipomaqneziemiya halları müşahidə olunmuşdur. Şiddətli hipomaqneziemiyanın əlamətlərinə
yorğunluq, qıcolma, sayıqlama, başgicəllənmə və mədəcik aritmiyası aid edilə bilər, bu əlamətlər
gizli gedib diqqətdən yayına bilər. Əksər xəstələrdə maqnezium qəbulu il yanaşı proton pompası
inhibitorunun qəbulunun dayandırılması hipomaqneziemiyanı aradan qaldırır. Proton pompası
inhibitorları ilə uzunmüddətli müalicə olunanlarda, və ya proton pompası inhibitorları ilə yanaşı
diqoksin və ya hipomaqneziemiyaya səbəb olan digər dərman vasitələri (məsələn, diuretiklər) qəbul
edən xəstələrdə müalicədən öncə və müalicə müddətində mütəmadi olaraq maqneziumun səviyyəsi
qiymətləndirilməlidir.
Rabeprazolun metotreksat ilə yanaşı qəbulu.
Elmi ədəbiyyata əsasən, metotreksatın (xüsusilə, yüksək dozada) PPİ-lər ilə birgə istifadəsində
zərdabda metotreksatın və ya onun metabolitinin qanda səviyyəsinin artması və üzünmüddətli
aşkarlanması ehtimal edilir ki, bu da metotreksatın toksikliyini artıra bilər. Metotreksatın yüksək
dozası təyin edildikdə PPİ qəbulunun müvəqqətı dayandırılması məsələsi gündəmə gələ bilər.
B 12 vitamininin sorulmasına təsiri.
Mədə turşusu əleyhinə digər dərman vasitələrinə bənzər olaraq rabeprazol natrium da hipo- və ya
axlorhidriya səbəbilə B12 vitamininin (sianokobalamin) sorulmasını azalda bilər; B12 vitamininin
orqanizmda ehtiyyatının azalması və ya azalmasına gətirən risk faktorları olduqda, həmçinin
uzunmüddətli müalicədə və ya qeyd edilən vəziyyətin klinik əlamətləri müşahidə olunduqda
rabeprazolun B12 vitamininin sorulmasına təsiri nəzərə alınmalıdır.
Yarimkəskin qırmızı qurdeşənəyi (YQQ)
Proton pompası inhibitorlarının istifadəsində çox nadır hallarda YQQ baş verməsi hadisələri qeyd
olunur. Rabeprazolun təyin edildikdən sonra xüsusilə günəş şüalarına məruq qalmış dəri
nahiyələrində hər hansı pozulmalar meydana çıxdıqda, və artralgiya ilə müşahidə edildikdə xəstə
dərhal həkimə müraciət etməlidir. YQQ yaranma riski növbəti PPİ istifadəsi zamanı artır.
Laborator müayinələrə təsiri
Xromoqranin A (CgA) yüskək səviyyəsi neyroendokrin törəmələr müayinəsinə təsir edə bilər. Bu
məqsədlə, CgA səviyyəsinin qiymətləndirilməsindən ən azı 5 gün əvvəl rabeprazol ilə müalicə
dayandırılmalıdır. İlk müayinədən sonra CgA və qastrin göstəricilərinin diapazonu istinad
göstəricilərinə qayıtmadıqda PPİ qəbulunun dayandırıldıqdan 14 gün sonra müayinə təkrar
edilməlidir.
Digər dərman vasitələri ilə qarşılıqlı təsiri
Rabezol qaraciyərdə P450 (CYP450) fermenti vasitəsi ilə metabolizmə uğrayır. Tədqiqatlar
göstərdi ki, rabeprazol bu sistemdə metabolizmə uğrayan digər preparatlarla birgə: məs., varfarinlə,
teofillinlə birədəfəlik peroral dozada, diazepamla birdəfəlik venadaxili dozada və fenitoinlə
birdəfəlik venadaxili qəbulu zamanı heç bir əlavə təsir törətmir. Mədə turşusunun sekresiyasını
inhibə etdiyinə görə 20mq rabeprazolun qəbulu zamanı sorulması mədə turşuluğundan asılı olan
digər dərman vasitələri ilə qarşılıqlı təsiri müşahidə oluna bilər. Məsələn, ketokonazolun
biomənimsənilməsinin 30% azalmasına və diqoksinin AUC və Cmax göstəricilərinin, müvafiq
olaraq, 19% və 29% artmasına səbəb olur. Belə preparatların birgə istifadəsi zamanı bu preparatların
dozasının tənzimlənməsi tövsiyə olunur.
Hamiləlik və laktasiya dövründə istifadəsi
B kateqoriyası.
Hamilə qadınlarda preparatın təhlükəsizliyi haqqında kifayət qədər məlumat yoxdur. Rabezol hamilə
qadınlarda yalnız preparatın qəbuluna mütləq göstəriş olduqda təyin oluna bilər.
Rabezolun ana südünə ekskresiya olunması haqda dəqiq məlumat yoxdur. Lakin məlumdur ki,
əksər preparatlar ana südündə aşkarlanır və rabeprazolun da qəbulundan sonra südəmər uşaqda
potensial əlavə təsirlərin yaranma riskini nəzərə alaraq uşağın ana südü ilə qidalandırılmasının və ya
ana tərəfindən preparatın qəbulunun dayandırılması haqda qərar verilməlidir.
İstifadə qaydası və dozası
Qastroezofaqeal reflüks xəstəliyinin müalicəsi
Rabezolun gündəlik dozası 20 mq təşkil edir və 4-8 həftə müddətinə təyin olunur. Xəstə tam
sağalmadıqda müalicə müddətinin əlavə 8 həftəyədək artırılması mümkündür.
Zollinger-Ellison sindromu zamanı patoloji hipersekresiyanın müalicəsi
Gündəlik tövsiyə olunan doza fərdidir. Fərdi patoloji hipersektor vəziyyətindən asılı olaraq tövsiyə
olunan ilkin gündəlik doza 60 mq təşkil edir. Mualicə müddəti klinik vəziyyətdən asılı olaraq təyin
olunur. Bəzi xəstələrdə preparatın gündəlik dozası 2 dəfəyə bölünür.
Mədə və 12-barmaq bağırsağın xora xəstəliyinin müalicəsi
Rabezolun gündəlik dozası 20 mq təşkil edir. Müalicə müddəti 4-8 həftə təşkil edir. Ehtiyac
yarandıqda müalicə müddəti uzadıla bilər.
Rabezol klaritromisin və amoksisillin ilə kombinasiyada 3 dərman rejimi şəklində H.pylori
infeksiyası və 12-barmaq bağırsağın xorası olan (aktiv və ya 5-illik xəstəlik tarixçəsi) xəstələrdə H.
pylori-nin eradikasiyasında göstərişdir. H. pylory-nin eradikasiyası 12-barmaq bağırsaqda xoranın
residivləşmə riskini azaldır.
Rabezol bütov halda, çeynnmədən və bölünmədən qəbul edilməlidir. Preparatın qəbulu yeməkdən
asılı deyil.
Əlavə təsirləri
Rabeprazol ilə aparılan nəzarətli kliniki tədqiqatların nəricələri göstərmişdir ki, əlavə təsirlərdən
əsasən bağ ağrısı, diareya, qarında ağrı, asteniya, meteorizm, səpgi və ağızda quruluq müşahidə
olunmuşdur. Bu zamanı müşahidə olunan əlavə təsirlərin əksəriyyəti zəif və ya keçici olmuşdur.
Klinik tədqiqatlar və postmarketinq araşdırmalara əsasən aşağıda göstərilən əlavə təsirlər müşahidə
olunmuşdur.
Doza həddinin aşılması
Həddindən artıq dozanın qəbulu ilə əlaqəli patoloji hallar haqqında heç bir məlumat
yoxdur.Rabezolun 80mq maksimal dozada qəbulu haqqında 7 məlumat vardır. Bu zaman heç bir
patoloji əlamət müşahidə olunmamışdır. Zollinger-Ellison sindromu ilə xəstələrin müalicəsi zamanı
Rabezolun gündəlik 120 mq dozada istifadəsi haqqında məlumat mövcuddur. Rabezolun antidotu
məlum deyil.
Doza həddinin aşılması ehtimal olunduqda simptomatik müalicə aparılmalıdır. Rabezol hemodializ
vasitəsi ilə xaric olunmur.
Buraxılış forması
14 tablet, blisterdə. 2 blister, içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən aşağı temperaturda, quru, qaranlıq və uşaqların əli çatmayan yerdə saxlamaq lazımdır.
Yararlılıq müddəti
Yararlılıq müddəti qablaşdırıldığı qutunun üzərində göstərilmişdir.
Yararlılıq müddəti bitdikdən sonra preparatı istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
İlko İlac San.ve Tic. A.Ş.
42050, Selchuklu / Konya / Turkiye.
Lisenziya sahibi
İlko İlac San.ve Tic. A.Ş.
34885 Sancaktepe/İstanbul/Turkiye.