Pharmed

Prosulpin 200 mq N30 tablet

PROSULPİN tabletlər
PROSULPIN®

Beynəlxalq patentləşdirilməmiş adı: Sulpiride
 

Tərkibi

Təsiredici maddələr: 1 tabletin tərkibində 50 mq və ya 200 mq sulpirid vardır.
Köməkçi maddələr: kartof nişastası, laktoza monohidrat, susuz kolloidal silisium dioksid, 
 metilhidroksipropilsellüloza K4M, metilhidroksipropilsellüloza 
 K15M, maqnezium stearat, talk.

Farmakoterapevtik qrupu

Antipsixotiklər. Benzamidlər

İstifadəsinə göstərişlər

Böyüklərdə və 6 yaşdan yuxarı uşaqlarda kəskin və xroniki şizofreniya.
Böyüklərdə psixotik depressiyanın və depressiyanın ağır formalarının müalicəsi, antidepressantlarla 
müalicə uğurlu olmadıqda.
Böyüklərdə Menyer xəstəliyi kimi periferik labirintin başgicəllənməsi. 

Əks göstərişlər

- Alkoqolla, yuxugətirici vasitələrlə və analgetiklərlə kəskin zəhərlənmə
- Sulpiridə qarşı yüksək həssaslıq
- hipertoniya xəstəliyinin 2-3-cü mərhələsi
- Feoxromositoma
- Psixomotor oyanıqlıq
- Ehtiyatla – hamiləlik, laktasiya dövrü, yenidoğulmuşlar, yaşlı xəstələr, ürək-damar xəstəlikləri, 
böyrək çatışmazlığı, parkinsonizm, epilepsiya.

Hamiləlik və laktasiya dövründə istifadəsi

Hamiləlik dövrü 
Eksperimental tədqiqatlarda preparatın teratogen effekti təsdiq olunmamışdır. 
Preparatın istifadəsi ilə nəzarət olunan klinik tədqiqatlar aparılmamışdır. Prosulpin preparatının hamiləlik 
dövründə istifadəsi müddətində dölün zədələnməsi ehtimalı çox aşağıdır. Bununla belə, klinik təcrübənin 
olmamasını nəzərə alaraq, hamiləlik dövründə preparatın istifadəsi yalnız, risklər hərtərəfli 
qiymətləndirildikdən sonra və son dərəcədə zərurət yarandığı hallarda və maksimal qısa müddət ərzində 
mümkündür. Hamiləlik dövrünün üçüncü trimestrində antipsixotik preparatların (Prosulpin preparatı da 
daxil olmaqla) təsirinə məruz qalmış yenidoğulmuş körpələr, ekstrapiramid və/və ya abstinent 
simptomlar da daxil olmaqla, əlavə effektlər riski ilə daha çox üzləşə bilərlər. Göstərilən simptomlar 
davametmə müddətinə və ağırlıq dərəcəsinə görə fərqlənə bilər. Narahatlıq, hipotoniya, əzələ tonusunun 
dəyişməsi (həddindən artıq yüksək və ya həddindən artıq aşağı), tremor, yuxuya meyllilik, respirator 
distress sindrom, bradikardiya, taxikardiya, qalça bağırsaq problemləri, mekoniumun bağırsaqdan 
keçməsinin ləngiməsi, bağırsaqlarda qazın toplanması və ya qida qəbulu pozğunluqları halları qeyd 
olunmuşdur. Bu səbəbdən, yenidoğulmuşların vəziyyətlərinə hərtərəfli nəzarət etmək lazımdır. 
Laktasiya dövrü 
Klinik təcrübənin olmamasını nəzərə alaraq, laktasiya dövründə Prosulpin preparatının istifadəsi yalnız, 
risklər hərtərəfli qiymətləndirildikdən sonra və son dərəcədə zərurət yarandığı hallarda və maksimal qısa 
müddət ərzində mümkündür, çünki, preparatın təsiredici maddəsi ana südü ilə xaric olunur və südəmər 
körpələrə təsir göstərə bilər. Südəmər körpələrin müşahidəsinin aparılması tələb olunur. Laktasiya 
dövründə sulpiridin uzunmüddətli istifadəsi məqsədəuyğun deyildir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə zamanı nəqliyyat vasitələrini idarə etməkdən və yüksək diqqət və sürətli psixomotor reaksiya 
tələb edən digər potensial təhlükəli fəaliyyət növlərindən, həmçinin alkoqolun istifadəsindən çəkinmək 
lazmdır.

İstifadə qaydası və dozası

Dozalanması 
Şizofreniyanın müalicəsi 
Böyüklərdə sulpiridlə müalicəni sutkada 3 dəfə 100 mq dozanın istifadəsindən başlamaq və gələcəkdə 
müalicəni, daha yüksək dəstəkləyici dozanın istifadəsi ilə davam etdirmək lazımdır ki, bu da, bir qayda 
olaraq, böyüklərdə sutkada 400-800 mq sulpirid təşkil edir və 3 dəfəyə bölünərək qəbul edilir. 
Sulpiridin ümumi sutkalıq dozası 1000 mq təşkil edir və yalnız xüsusi psixiatrik səbəblər əsasında sulpiridin bu dozası, maksimal 1600 mq-a qədər artırıla bilər. 
Yaşı 6-dan yuxarı olan uşaqlarda və 18 yaşa qədər yeniyetmələrdə sulpiridin sutkalıq dozası 2-3 dəfəlik 
qəbula bölünmüş 3-10 mq/kq bədən kütləsi təşkil edir və bu dozanı artırmaq olmaz. Sulpiridlə müalicə 
sutkada 1-2 mq/kq bədən kütləsi dozadan başlamalı və sulpiridin dəstəkləyici dozası sutkada 5 mq/kq 
bədən kütləsi təşkil etməlidir. 
Bundan əlavə həmçinin, 1 tabletin tərkibində 50 mq sulpirid olan dərman preparatı da mövcuddur. 
Psixotik depressiyanın və depressiyanın ağır formalarının müalicəsi 
Sulpiridlə müalicəni sutkada 50-150 mq dozanın istifadəsindən başlamaq lazımdır; sulpiridin 
dəstəkləyici dozası adətən, sutkada 3 dəfəlik qəbula bölünmüş 150-300 mq təşkil edir. Daha yüksək 
sutkalıq dozaların istifadəsi adətən tələb olunmur. 
Bundan əlavə həmçinin, 1 tabletin tərkibində 50 mq sulpirid olan dərman preparatı da mövcuddur.
Başgicəllənmənin müalicəsi 
Böyüklərdə sulpiridlə müalicəni sutkada 50-150 mq dozanın istifadəsindən başlamaq lazımdır; sulpiridin 
dəstəkləyici dozası adətən, sutkada 3 dəfəlik qəbula bölünmüş 150-300 mq təşkil edir. 
Bundan əlavə həmçinin, 1 tabletin tərkibində 50 mq sulpirid olan dərman preparatı da mövcuddur. 
Yaşlı pasiyentlər (65 yaşdan yuxarı) 
Yaşlı pasiyentlərə böyüklər üçün yuxarıda göstərilən dozanın yarısı təyin olunur. 
Böyrək funksiyalarının pozğunluqları qeyd olunan pasiyentlər 
Renal (böyrək) funksiyalarının pozğunluqları qeyd olunduqda, sulpiridin dozası, böyrək funksiyalarının 
pozulması dərəcəsindən asılı olaraq, aşağı salınmalıdır.

Kreatinin Klirensi və Doza

Pediatrik populyasiyada istifadəsi 
“Şizofreniyanın müalicəsi” hissəsinə bax. 
Pasiyentin vəziyyətindən asılı olaraq, preparatın sutkalıq dozasının təxminən 1-3 həftədən sonra, aşağı 
salınması və ya artırılması mümkündür. 
Uzunmüddətli müalicə aparıldıqda, hər 3-6 aydan bir gələcək müalicə təkrar nəzərdən keçirilməlidir. 
İstifadə qaydası 
Preparat peroral yolla istifadə üçün nəzərdə tutulmuşdur. 
Tabletlər bütöv, kifayət qədər maye (1 stəkan su) ilə birlikdə daxilə qəbul edilməlidir. Tabletlər qida 
qəbulundan asılı olmayaraq istifadə edilir. 
Preparatın mərkəzi stimullaşdırıcı effektinin mövcudluğunu nəzərə alaraq, yuxu ilə əlaqəli 
problemlərdən qaçınmaq məqsədi ilə sulpiridin sonuncu dozasını saat 16.00-a qədər qəbul etmək tövsiyə 
olunur.

Buraxılış forması

50 mq və ya 200 mq-lıq tabletlər.
10 tablet, blisterdə. 3 blister, içlik vərəqə ilə birlikdə karton qutuya qablaşdırılır.

Saxlanma şəraiti

25ºC-dən yuxarı olmayan temperaturda, işıqdan qorunan, quru və uşaqların əli çatmayan yerdə 
saxlamaq lazımdır.
Uşaqların əli çatmayan yerdə saxlamaq lazımdır.
Utilizasiya zamanı xüsusi tədbirlər
Xüsusi tələb yoxdur.

Yararlılıq müddəti

4 il. 
Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Pro.Med.CS Praha a.s., Czech Republic.
Telcska 377/1, Michle, 140 00, Praha 4, Czech Republic.
COOPHARMA s.r.o., Czech Republic.
Zeleny pruh 1090, 140 00 Praha 4, Czech Republic.

Qeydiyyat vəsiqəsinin sahibi

Pro.Med.CS Praha a.s., Czech Republic.
Telcska 377/1, Michle, 140 00, Praha 4, Czech Republic.