Pharmed

OBLEPIXOVOE MASLO 500MG N10 SAM (FARMAPRIM)

ÇAYTIKANI YAĞI

Beynəlxalq patentləşdirilməmiş adı: Oleum hippophaes

ÇAYTIKANI YAĞI Tərkibi

Təsiredici maddə: 1 şamın tərkibində 500 mq çaytikanı yağı vardır. Köməkçi maddələr: butilhidroksianizol, butilhidroksitoluol, susuz kolloidal silisium dioksid, bərk yağ.

Farmakoterapevtik qrupu

Babasilin yerli müalicəsi üçün preparat.

ATC kodu: С05АХ.

Farmakoloji xüsusiyyətləri

Çaytikanı yağı – karotin və karotinoidlərin qarışığından, tokoferolların, xlorofill birləşmələrinin, olein, lenolen, palmitin və stearin turşularının qliseridlərinin məcmusundan ibarətdir. Bioloji aktiv maddələrin kompleksi düz bağırsağın selikli qişasının müxtəlif mənşəli zədələnmələrində reparativ prosesləri stimullaşdırır.

İstifadəsinə göstərişlər

Babasil, düz bağırsağın çat və xoraları, qeyri-spesifik proktitlər, proktosiqmoiditlər, yoğun bağırsaqda rekonstruktiv cərrahi müdaxilələrdən sonrakı dövrdə, yoğun bağırsağın aşağı şöbələrinin selikli qişasının şüa zədələnmələri.

Əks göstərişlər

Preparatın hər hansı komponentinə qarşı yüksək həssaslıq;

Xüsusi göstərişlər və ehtiyat tədbirləri

Preparat təmizləyici imalədən sonra və ya bağırsağın sərbəst boşalmasından sonra istifadə olunur. Yüksək həssaslığa malik olan xəstələrə ehtiyatla təyin olunmalıdır.

Digər dərman vasitələri ilə qarşılıqlı təsiri

Məlumat yoxdur.

Hamiləlik və laktasiya dövründə istifadəsi

Hamiləlik və laktasiya dövründə istifadəsinə heç bir məhdudiyyət qoyulmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir etmir.

ÇAYTIKANI YAĞI İstifadə qaydası və dozası

Rektal yolla istifadə olunur. Suppozitoriyalar qablaşdırmadan azad edilir, təmizləyici imalədən və ya bağırsağın sərbəst boşalmasından sonra, düz bağırsağın mümkün qədər dərinliyinə yeridilir. Böyüklərə, adətən gündə 1-2 dəfə, səhər və axşam 1 suppozitoriya təyin edilir. Müalicə kursunun orta müddəti 10-15 gündür.

Əlavə təsirləri

Allergik reaksiyalar, düz bağırsaqda yanğı hissi. Uzun müddət istifadə etdikdə - ağrı.

Doza həddinin aşılması

Doza həddinin aşılması halları barədə məlumat yoxdur.

Buraxılış forması

5 suppozitoriya, polivinilxlorid blisterdə. 2 blister içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır.