Pharmed
NUROFEN EXPRESS N16 TB
NUROFEN EKSPRESS
Beynəlxalq patentləşdirilməmiş adı: İbuprofen
NUROFEN EKSPRESS Tərkibi
Təsiredici maddə: 1 kapsulda 200 mq ibuprofen vardır. Köməkçi maddələr: makroqol-600, kalium hidroksid, su. Örtük: jelatin, 76 %-li sorbitol məhlulu, rəngləyici al-qırmızı [Ponso 4R] (E124), təmizlənmiş su, ağ mürəkkəb [Opakod WB NS-78-18011] (təmizlənmiş su 48 %, titan dioksid (E171) 29 %, propilenqlikol 10 %, izopropanol 8 %, hipromelloza 5 %).
Farmakoterapevtik qrupu
Qeyri-steroid iltihabəleyhinə preparatlar (QSİƏP). Propion turşusu törəmələri.
ATC kodu: M01AE01.
Farmakoloji xüsusiyyətləri
Farmakodinamikası: Propion turşusu törəməsi olan qeyri-steroid iltihabəleyhinə preparatlar (QSİƏP) qrupuna daxil olan ibuprofenin təsir mexanizmi – ağrı, iltihab və hipertermik reaksiya mediatorları olan, prostaqlandinlərin sintezinin inhibə olunmasına əsaslanır. Preparat, siklooksigenaza 1 (SOG-1) və siklooksigenaza 2 (SOG-2) fermentlərini qeyri-selektiv inhibə edir və bunun nəticəsində, prostaqlandinlərin sintezi tormozlanır. Ağrıəleyhinə (ağrıkəsici), qızdırmasalıcı və iltihabəleyhinə yönəlmiş sürətli təsir göstərir. Bundan əlavə, ibuprofen trombositlərin aqreqasiyasını müvəqqəti inhibə edir.
Farmakokinetikası: Absorbsiyası yüksəkdir: preparat mədə-bağırsaq traktından (MBT) sürətlə və demək olar ki, tam sorulur. Preparatın 2 kapsulunu acqarına qəbul etdikdə, qan plazmasında ibuprofen 10 dəqiqədən sonra aşkar olunur, qan plazmasında ibuprofenin maksimal konsentrasiyası (Cmax) 30-40 dəqiqədən sonra əldə olunur ki, bu da Nurofen 200 mq preparatının tablet dərman formasının ekvivalent dozasının istifadəsindən sonra qeyd olunan göstəricidən, iki dəfə sürətlidir. Preparatın qida ilə birlikdə istifadəsi, maksimal konsentrasiyanın əldə olunma müddətinin (TCmax) uzanmasına səbəb ola bilər. Qan plazmasının zülalları ilə birləşməsi 90%, yarımxaricolma dövrü (T1/2) isə 2 saat təşkil edir. Preparat oynaq boşluğuna nüfuz edir, sinovial mayedə ləngiyir və bununla, qan plazmasına nisbətən, sinovial maye daxilində daha yüksək konsentrasiyaların yaranmasına səbəb olur. Absorbsiyadan sonra, preparatın farmakoloji cəhətdən qeyri-aktiv R-formasının təxminən 60%-i, tədricən aktiv S-formaya transformasiya olur. Qaraciyərdə metabolizmə məruz qalır. Orqanizmdən böyrəklər vasitəsi ilə (1%-dən artıq olmayan hissəsi dəyişilməmiş şəkildə) və daha az dərəcədə ödlə xaric olunur. Yaşlı pasiyentlərdə, daha gənc insanlarla müqayisədə, preparatın farmakokinetik profilində əhəmiyyət kəsb edən fərqlər müəyyən edilməmişdir. Məhdud tədqiqatlarda ibuprofen, ana südündə çox aşağı konsentrasiyalarda aşkar olunmuşdur.
İstifadəsinə göstərişlər
Nurofen Ekspress preparatı baş ağrısı, miqren, diş ağrısı, ağrılı menstruasiyalar, nevralgiya, bel nahiyəsində ağrılar, əzələ və revmatik ağrılar zamanı; qrip və soyuqdəymə xəstəlikləri zamanı müşahidə olunan qızdırmalı vəziyyətlərdə istifadə olunur.
Əks göstərişlər
İbuprofenə və ya preparatın tərkibində olan komponentlərdən hər hansı birinə qarşı hiperhəssaslıq. Bronxial astmanın, residivləşən burun və ya burunətrafı ciblər polipozunun və asetilsalisil turşusuna və ya digər qeyri-steroid iltihabəleyhinə preparatlara qarşı dözümsüzlüyün (o cümlədən anamnezdə) tam və ya qismən birlikdə qeyd olunması. Mədə-bağırsaq traktı orqanlarının eroziv-xoralı xəstəlikləri (o cümlədən mədə və onikibarmaq bağırsaq xora xəstəliyi, Kron xəstəliyi, xoralı kolit) və ya aktiv mərhələdə və ya anamnezdə xora qanaxmasının (xora xəstəliyinin və ya xora qanaxmasının iki və ya daha çox təsdiq olunmuş epizodu) qeyd olunması. Anamnezdə, QSİƏP-in istifadəsi nəticəsində mədə-bağırsaq traktında xora qanaxmasının və ya perforasiyanın qeyd olunması. Ağır dərəcəli ürək çatışmazlığı (NYHA, Nyu-York kardioloji Assosiasiyasının təsnifatına əsasən, IV sinif). Ağır dərəcəli qaraciyər çatışmazlığı və ya qaraciyər xəstəliyin aktiv mərhələsi. Ağır dərəcəli böyrək çatışmazlığı (kreatinin klirensi < 30 ml/dəqiqədə), təsdiq olunmuş hiperkaliemiya. Ürək çatışmazlığının dekompensasiya mərhələsi; aortakoronar şuntlama əməliyyatından sonrakı dövr. Serebrovaskulyar və ya digər mənşəli qanaxma. Hemofiliya və qanın laxtalanma qabiliyyətinin digər pozğunluqları (o cümlədən hipokoaqulyasiya), hemorragik diatezlər. Fruktozaya qarşı dözümsüzlük. Hamiləliyin 20-ci həftəsindən artıq dövrü. 12 yaşa qədər uşaqlar.
Xüsusi göstərişlər və ehtiyat tədbirləri
Aşağıda göstərilən vəziyyətlər müşahidə olunduqda, preparatı istifadə etməzdən əvvəl həkimlə məsləhətləşmək lazımdır. Digər QSİƏP-in eyni zamanda istifadəsi, anamnezdə mədə xorası xəstəliyinin və ya MBT-də xora qanaxmasının bir epizodunun qeyd olunması; qastrit, enterit, kolit, Helicobacter pylori infeksiyasının mövcudluğu, xoralı kolit; kəskinləşmə mərhələsində və ya anamnezdə bronxial astmanın və ya allergik xəstəliklərin qeyd olunması – bronxospazm inkişaf edə bilər; sistem qırmızı qurdeşənəyi və ya birləşdirici toxumanın qarışıq xəstəliyi (Şarp sindromu) – aseptik meningit riskinin yüksəlməsi; suçiçəyi infeksiyası; böyrək çatışmazlığı, o cümlədən susuzlaşma zamanı (kreatinin klirensi 30-60 ml/dəqiqədə göstəricisindən aşağı), nefrotik sindrom, qaraciyər çatışmazlığı, portal hipertenziya ilə müşayiət olunan qaraciyər sirrozu, hiperbilirubinemiya, arterial hipertenziya və/və ya ürək çatışmazlığı, serebrovaskulyar xəstəliklər, qeyri-müəyyən etiologiyalı qan xəstəlikləri (leykopeniya və anemiya), ağır dərəcəli somatik xəstəliklər, dislipidemiya/ hiperlipidemiya, şəkərli diabet, periferik arteriyaların xəstəlikləri, tütündən istifadə, alkoqolun teztez istifadəsi, xoraların və ya qanaxmaların baş vermə riskinin yüksəlməsinə səbəb ola bilən dərman preparatlarının, xüsusilə, peroral qlükokortikosteroidlərin (o cümlədən prednizolonun), antikoaqulyantların (o cümlədən varfarinin), serotoninin geriyə udulmasının selektiv inhibitorlarının (o cümlədən sitalopramın, fluoksetinin, paroksetinin, sertralinin) və ya antiaqreqantların (o cümlədən asetilsalisil turşusunun, klopidoqrelin) eyni zamanda istifadəsi, hamiləliyin 20-ci həftəsinə qədər dövr, laktasiya dövrü, yaşlı dövr. Preparatı, simptomların aradan qaldırılması üçün tələb olunan maksimal mümkün qısa müalicə kursu ilə və minimal effektiv dozada istifadə etmək tövsiyə olunur. Uzunmüddətli müalicə aparıldıqda, periferik qan mənzərəsinə və böyrəklərin və qaraciyərin funksional vəziyyətinə nəzarət etmək vacibdir. Qastropatiya simptomları meydana çıxdıqda, ezofaqoqastroduodenoskopiyanın aparılması, qanın ümumi analizi (hemoqlobin səviyyəsinin müəyyən edilməsi), gizli qanın aşkar edilməsi üçün nəcis analizi daxil olmaqla, hərtərəfli nəzarətin həyata keçirilməsi göstərişdir. 17-ketosteroidlərin müəyyən edilməsi üçün zərurət yarandıqda, müayinədən 48 saat əvvəl preparatın istifadəsini dayandırmaq lazımdır. Preparatın istifadəsi ilə aparılan müalicə müddətində etanolun istifadəsi tövsiyə olunmur. Böyrəklərin funksional vəziyyətinin pisləşməsi riskinin mövcudluğunu nəzərə alaraq, böyrək çatışmazlığından əziyyət çəkən pasiyentlər, preparatın istifadəsinə başlamazdan əvvəl həkimlə məsləhətləşməlidirlər. Preparatın istifadəsi nəticəsində orqanizmdə maye ləngiməsi, arterial təzyiqin yüksəlməsi və ödemlərin əmələ gəlməsi ehtimalını nəzərə alaraq, hipertenziyadan əziyyət çəkən, o cümlədən anamnezlərində hipertenziya qeyd olunan pasiyentlər və/və ya xroniki ürək çatışmazlığından əziyyət çəkən pasiyentlər, preparatın istifadəsinə başlamazdan əvvəl həkimlə məsləhətləşməlidirlər. Nəzarət olunmayan arterial hipertenziya, NYHA təsnifatına əsasən, II-III sinif durğunluq ürək çatışmazlığı, ürəyin işemik xəstəliyi, periferik arteriyaların xəstəlikləri və/və ya serebrovaskulyar xəstəliklər müşahidə olunan pasiyentlərə ibuprofeni yalnız, fayda-risk nisbətinin hərtərəfli qiymətləndirilməsindən sonra təyin etmək və bu zaman, ibuprofenin yüksək dozalarının (≥ 2400 mq/sutkada) istifadəsindən çəkinmək lazımdır. Suçiçəyi infeksiyası qeyd olunan pasiyentlərdə QSİƏP-in istifadəsi, dərinin və dərialtı toxumaların infeksion-iltihabi xəstəliklərinin ağır dərəcəli irinli ağırlaşmalarının (məsələn, nekrozlaşan fassitin) inkişaf etmə riskinin yüksəlməsi ilə əlaqəli ola bilər. Bu səbəbdən, suçiçəyi infeksiyası qeyd olunduqda, preparatın istifadəsindən çəkinmək tövsiyə olunur. QSİƏP-lərin istifadəsi ilə bağlı bəzən ölümcül nəticələnən eksfoliativ dermatit, Stivens-Conson sindromu və toksik epidermal nekroliz də daxil olmaqla, ciddi dəri reaksiyalarının nadir hallarda bildirilmişdir. Müalicənin başlanğıcında pasiyentlərdə bu tip reaksiyalara daha çox rast gəlinir. Tərkibində İbuprofen saxlayan məhsullarla əlaqəli kəskin yayılmış ekzantematik pustulyoz bildirilmişdir. İbuprofen, selikli qişa zədələnməsi, səpgilər və ya hər hansı bir digər yüksəkhəssaslıq əlaməti kimi şiddətli dəri reaksiyalarının əlamətləri və simptomlarının ilk təzahüründə dayandırılmalıdır. Hamilə olmağı planlaşdıran qadınlar üçün məlumat: göstərilən dərman preparatları siklooksigenaza fermentini və prostaqlandinlərin sintezini tormozlayırlar, ovulyasiyaya təsir göstərərək, qadınların reproduktiv funksiyalarının pozulmasına səbəb olurlar (həmin vəziyyət, müalicə dayandırıldıqdan sonra aradan qalxır).
Digər dərman vasitələri ilə qarşılıqlı təsiri
İbuprofenin aşağıda göstərilən dərman preparatları ilə eyni zamanda istifadəsindən çəkinmək lazımdır Asetilsalisil turşusu: həkim tərəfindən təyin olunan asetilsalisil turşusunun aşağı dozaları (sutkada 75 mq-dan yüksək olmayan) istisna olmaqla, preparatların birlikdə istifadəsi, əlavə effektlərin meydana çıxma riskinin yüksəlməsinə səbəb ola bilər. Eyni zamanda istifadə edildikdə, ibuprofen, asetilsalisil turşusunun iltihabəleyhinə və antiaqreqant təsirlərini aşağı salır (ibuprofenin istifadəsinə başladıqdan sonra, antiaqreqant vasitə şəklində asetilsalisil turşusunun aşağı dozalarından istifadə edən pasiyentlərdə, kəskin koronar çatışmazlığın inkişaf tezliyinin yüksəlməsi müşahidə oluna bilər). Digər QSİƏP, o cümlədən SOG-2 fermentinin selektiv inhibitorları: əlavə effektlərin meydana çıxma riskinin yüksəlməsi ehtimalını nəzərə alaraq, QSİƏP-lər qrupundan olan iki və daha çox preparatın eyni zamanda istifadəsindən çəkinmək lazımdır. Aşağıda göstərilən dərman preparatları ilə eyni zamanda ehtiyatla istifadə etmək lazımdır Antikoaqulyantlar və trombolitik preparatlar: QSİƏP-lər antikoaqulyantların, o cümlədən varfarinin və trombolitik preparatların effektlərini gücləndirə bilərlər. Antihipertenziv preparatlar (AÇF (angiotenzinçevirici ferment) inhibitorları və angiotenzin II reseptorlarının antaqonistləri) və diuretiklər: QSİƏP-lər, göstərilən qrup dərman preparatlarının effektivliyinin aşağı düşməsinə səbəb ola bilərlər. Diuretiklər və AÇF inhibitorları QSİƏP-in nefrotoksikliyini yüksəldə bilərlər. Qlükokortikosteroidlər: MBT xoralarının və mədə-bağırsaq qanaxmasının meydana çıxma riskinin yüksəlməsi. Antiaqreqantlar və serotoninin geriyə udulmasının selektiv inhibitorları: mədə-bağırsaq qanaxmasının meydana çıxma riskinin yüksəlməsi qeyd oluna bilər. Ürək qlikozidləri: QSİƏP-in və ürək qlikozidlərinin eyni zamanda istifadəsi, ürək çatışmazlığının ağırlaşmasına, yumaqcıq filtrasiyası sürətinin aşağı düşməsinə və qan plazmasında ürək qlikozidlərinin konsentrasiyalarının yüksəlməsinə gətirib çıxara bilər. Litium preparatları: QSİƏP-in istifadəsi fonunda, qan plazmasında litiumun konsentrasiyasının yüksəlməsi ehtimalı barədə məlumatlar mövcuddur. Metotreksat: QSİƏP-in istifadəsi fonunda, qan plazmasında metotreksatın konsentrasiyasının yüksəlməsi ehtimalı barədə məlumatlar mövcuddur. Siklosporin: QSİƏP-i və siklosporini eyni zamanda istifadə etdikdə, nefrotoksiklik riskinin yüksəlməsi müşahidə oluna bilər. Mifepriston: QSİƏP-in mifepristonun effektivliyini aşağı salma ehtimalını nəzərə alaraq, QSİƏP-in istifadəsini, mifepristonun istifadəsindən sonra, 8-12 gündən tez başlamaq olmaz. Takrolimus: QSİƏP-i və takrolimusu eyni zamanda istifadə etdikdə, nefrotoksiklik riskinin yüksəlməsi müşahidə oluna bilər. Zidovudin: QSİƏP-in və zidovudinin eyni zamanda istifadəsi, hematotoksikliyin yüksəlməsinə gətirib çıxara bilər. Zidovudin və ibuprofenlə birlikdə müalicə qəbul edən hemofiliya ilə müşayiət olunan İİV-müsbət pasiyentlərdə, hemartrozun və hematomaların meydana çıxma riskinin yüksəlməsi barədə məlumatlar mövcuddur. Xinolon sırasından olan antibiotiklər: QSİƏP və xinolon sırasından olan antibiotiklərlə birlikdə müalicə qəbul edən pasiyentlərdə, qıcolmaların meydana çıxma riskinin yüksəlməsi ehtimalı mövcuddur. Sefamandol, sefoperazon, sefotetan, valproy turşusu, plikamisin: hipoproteinemiyanın inkişaf etmə tezliyinin yüksəlməsi. Borucuq sekresiyasını blokada edən dərman preparatları: ibuprofenin xaricolmasının aşağı düşməsi və plazma konsentrasiyasının yüksəlməsi. Mikrosomal oksidləşmənin induktorları (fenitoin, etanol, barbituratlar, rifampisin, fenilbutazon, trisiklik antidepressantlar): hidroksilləşmiş aktiv metabolitlərin hasilatının artması, ağır dərəcəli intoksikasiyaların inkişaf etmə riskinin yüksəlməsi. Mikrosomal oksidləşmənin inhibitorları: hepatotoksik təsir riskinin aşağı düşməsi. Peroral hipoqlikemik dərman preparatları və insulin, sulfonilkarbamid törəmələri: effektlərin güclənməsi. Antasidlər və kolestiramin: absorbsiyanın aşağı düşməsi. Kofein: analgeziyaedici effektin güclənməsi.
Hamiləlik və laktasiya dövründə istifadəsi
Dölyanı mayenin azalması və/və ya yenidoğulmuşlarda böyrəklərin patalogiyasının (neonatal böyrək disfunksiyası) inkişafının mümkünlüyü səbəbilə hamiləliyin 20-ci həftəsindən hamilə qadınlar QSİƏP qəbul etməməlidir. Hamiləliyin 20-ci həftəsinə qədər müddətdə preparatın istifadəsindən çəkinmək, həkimlə məsləhətləşmək vacibdir. İbuprofenin, südəmər körpənin sağlamlığına heç bir mənfi təsir göstərmədən əhəmiyyət kəsb etməyən miqdarda ana südünə nüfuz etməsi barədə məlumatlar mövcuddur; bu səbəbdən, preparatdan qısa müddət ərzində istifadə etdikdə, ana südü ilə qidalanmanın dayandırılması tələb olunmur. Preparatın uzunmüddətli istifadəsi üçün zərurət yarandığı halda, preparatın istifadə müddəti ərzində ana südü ilə qidalanmanın dayandırılması barədə qərar qəbul etmək üçün, həkimə müraciət etmək lazımdır.
NUROFEN EKSPRESS İstifadə qaydası və dozası
Preparatın istifadəsinə başlamazdan əvvəl, bu içlik vərəqəni diqqətlə oxumaq vacibdir. Preparatı daxilə qəbul etmək lazımdır. Preparat yalnız, qısamüddətli istifadə üçün nəzərdə tutulmuşdur. Böyüklər və yaşı 12-dən yuxarı olan uşaqlar: sutkada 3-4 dəfə, çeynənilmədən, 1 kapsul (200 mq) daxilə qəbul edilir. Kapsulu su ilə birlikdə istifadə etmək lazımdır. Preparatın istifadəsi arasında zaman intervalı 6-8 saat təşkil etməlidir. Daha sürətli terapevtik effektin əldə olunması üçün böyüklərdə birdəfəlik dozanı sutkada 3 dəfə 2 kapsula (400 mq-a) qədər artırmaq mümkündür. Maksimal sutkalıq doza 1200 mq təşkil edir. 12-17 yaşlı uşaqlar üçün maksimal sutkalıq doza 1000 mq təşkil edir. Preparatdan istifadə etdikdə, simptomlar 2-3 gün müddətində saxlanıldıqda və ya daha da gücləndiyi halda, müalicəni dayandırmaq və həkimə müraciət etmək vacibdir.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
İbuprofendən istifadə etdikdə, başgicəllənmə, yuxuya meyillilik, tormozlanma və ya görmə qabiliyyətinin pozulması qeyd olunan pasiyentlər, nəqliyyat vasitəsini və digər potensial təhlükəli mexanizmləri idarə etməkdən çəkinməlidirlər. İstifadə qaydası və dozası Preparatın istifadəsinə başlamazdan əvvəl, bu içlik vərəqəni diqqətlə oxumaq vacibdir. Preparatı daxilə qəbul etmək lazımdır. Preparat yalnız, qısamüddətli istifadə üçün nəzərdə tutulmuşdur. Böyüklər və yaşı 12-dən yuxarı olan uşaqlar: sutkada 3-4 dəfə, çeynənilmədən, 1 kapsul (200 mq) daxilə qəbul edilir. Kapsulu su ilə birlikdə istifadə etmək lazımdır. Preparatın istifadəsi arasında zaman intervalı 6-8 saat təşkil etməlidir. Daha sürətli terapevtik effektin əldə olunması üçün böyüklərdə birdəfəlik dozanı sutkada 3 dəfə 2 kapsula (400 mq-a) qədər artırmaq mümkündür. Maksimal sutkalıq doza 1200 mq təşkil edir. 12-17 yaşlı uşaqlar üçün maksimal sutkalıq doza 1000 mq təşkil edir. Preparatdan istifadə etdikdə, simptomlar 2-3 gün müddətində saxlanıldıqda və ya daha da gücləndiyi halda, müalicəni dayandırmaq və həkimə müraciət etmək vacibdir.
Əlavə təsirləri
Preparatı, simptomların aradan qaldırılması üçün tələb olunan qısa müalicə kursu ilə, minimal effektiv dozada istifadə etməklə, əlavə effektlərin meydana çıxma riskini minimuma endirmək olar. Əlavə effektlərin meydana çıxması əsasən, dozadan asılıdır. İbuprofeni 1200 mq/sutkada (6 kapsul) dozadan artıq olmayan dozalarda, qısa müddət ərzində istifadə etdikdə, aşağıda göstərilən əlavə reaksiyalar qeyd olunmuşdur. Xroniki vəziyyətlərin müalicəsi aparıldıqda və preparatdan uzun müddət ərzində istifadə etdikdə, digər əlavə reaksiyaların meydana çıxması mümkündür. Əlavə reaksiyaların meydana çıxma tezliyinin qiymətləndirilməsi, aşağıda göstərilən kriterilər əsasında aparılmışdır: çox tez-tez (≥1/10), tez-tez (≥1/100-dən, <1/10-ə qədər), bəzən (≥1/1000-dən, <1/100-ə qədər), nadir hallarda (≥1/10000-dən, <1/1000-ə qədər), çox nadir hallarda (<1/10000), məlum deyil (əldə olunan məlumatlar əsasında qiymətləndirmək mümkün deyil). Qan və limfa sistemində baş verən pozğunluqlar: çox nadir hallarda – qanyaranma pozğunluqları (anemiya, leykopeniya, aplastik anemiya, hemolitik anemiya, trombositopeniya, pansitopeniya, aqranulositoz). Göstərilən pozğunluqların ilk simptomlarına qızdırma, boğaz ağrısı, ağız boşluğunda səthi xoraların əmələ gəlməsi, qripəbənzər simptomlar, şiddətli zəiflik, burun qanaxmaları və dəri altına qansızmalar, qeyri-müəyyən etiologiyalı qanaxmaların və qançırların meydana çıxması. İmmun sistemdə baş verən pozğunluqlar: bəzən – hiperhəssaslıq reaksiyaları: qeyri-spesifik allergik reaksiyalar və anafilaktik reaksiyalar, tənəffüs yollarında qeyd olunan reaksiyalar (bronxial astma, o cümlədən astmanın kəskinləşməsi, bronxospazm, təngnəfəslik, dispnoe), dəri reaksiyaları (qaşınma, övrə, purpura, Kvinke ödemi, eksfoliativ və bullyoz dermatozlar, o cümlədən toksik epidermal nekroliz (Layell sindromu), Stivens-Conson sindromu, multiformalı eritema), allergik rinit, eozinofiliya; çox nadir hallarda – ağır dərəcəli hiperhəssaslıq reaksiyaları, o cümlədən üz nahiyəsinin, dilin və qırtlağın ödemi, təngnəfəslik, taxikardiya, arterial hipotenziya (anafilaksiya, Kvinke ödemi və ya ağır dərəcəli anafilaktik şok). Mədə-bağırsaq traktında baş verən pozğunluqlar: bəzən – qarın nahiyəsində ağrı, ürəkbulanma, dispepsiya (o cümlədən qıcqırma, qarın köpməsi); nadir hallarda – diareya, meteorizm, qəbizlik, qusma; çox nadir hallarda – peptik xora, perforasiya və ya mədə-bağırsaq qanaxması, melena, bəzi hallarda, xüsusilə, yaşlı pasiyentlərdə ölümlə nəticələnən qanla qusma, xoralı stomatit, qastrit; məlum deyil – kolitin və ya Kron xəstəliyinin kəskinləşməsi. Qaraciyərdə və öd yollarında baş verən pozğunluqlar: çox nadir hallarda – qaraciyər funksiyalarının pozulması (xüsusilə, uzun müddət ərzində istifadə edildikdə), hepatit və sarılıq. Böyrəklərdə və sidik-ifrazat yollarında baş verən pozğunluqlar: çox nadir hallarda – xüsusilə, uzun müddət ərzində istifadə edildikdə, qan plazmasında sidik cövhəri konsentrasiyasının yüksəlməsi və ödemlərin, hematuriyanın və proteinuriyanın meydana çıxması ilə müşayiət olunan kəskin böyrək çatışmazlığı (kompensasiyaolunmuş və kompensasiyaolunmamış), nefritik sindrom, nefrotik sindrom, papillyar nekroz, interstisial nefrit, sistit. Sinir sistemində baş verən pozğunluqlar: bəzən – baş ağrısı; çox nadir hallarda – aseptik meningit. Ürək-damar sistemində baş verən pozğunluqlar: məlum deyil – ürək çatışmazlığı, periferik ödemlər, uzun müddət ərzində istifadə edildikdə, trombotik ağırlaşmalar (məsələn, miokard infarktı) riskinin yüksəlməsi, arterial təzyiqin yüksəlməsi. Tənəffüs sistemi və divararalığı orqanlarında baş verən pozğunluqlar: məlum deyil – bronxial astma, bronxospazm, təngnəfəslik. Digər əlavə təsirləri: çox nadir hallarda – ödemlər, o cümlədən periferik ödemlər. Laborator göstəricilər: hematokrit və ya hemoqlobin (aşağı düşə bilər), qanaxma müddəti (uzana bilər), qan plazmasında qlükoza konsentrasiyası (aşağı düşə bilər), kreatinin klirensi (aşağı düşə bilər), qan plazmasında kreatinin konsentrasiyası (yüksələ bilər), “qaraciyər” transaminazalarının aktivliyi (yüksələ bilər). Yuxarıda göstərilən əlavə effektlər meydana çıxdıqda, preparatın istifadəsini dayandırmaq və həkimə müraciət etmək vacibdir.
Doza həddinin aşılması
Uşaqlarda preparatı bədən çəkisinə 400 mq/kq-dan artıq dozada qəbul etdikdən sonra, doza həddinin aşılması simptomları meydana çıxa bilər. Böyüklərdə doza həddinin aşılmasının dozadan asılı effekti zəifdir. Doza həddinin aşılması baş verdikdə, preparatın yarımxaricolma dövrü 1,5-3 saat təşkil edir. Simptomları: ürəkbulanma, qusma, epiqastral nahiyədə ağrı və ya daha nadir hallarda, diareya, qulaqlarda küy, baş ağrısı və mədə-bağırsaq qanaxması. Daha ağır vəziyyətlərdə mərkəzi sinir sistemində pozğunluqların meydana çıxması müşahidə olunur: yuxuya meyillilik, nadir hallarda – oyanıqlıq, qıcolmalar, dezoriyentasiya, koma. Ağır dərəcəli zəhərlənmə baş verdiyi hallarda, metabolik asidoz və protrombin müddətinin uzanması, böyrək çatışmazlığı, qaraciyər toxumasının zədələnməsi, arterial təzyiqin aşağı düşməsi, tənəffüsün tormozlanması və sianoz inkişaf edə bilər. Bronxial astmadan əziyyət çəkən pasiyentlərdə, bu xəstəliyin kəskinləşməsi qeyd oluna bilər. Müalicəsi: pasiyentin vəziyyəti tam normallaşana qədər tənəffüs yolları keçiriciliyinin mütləq təmin olunması, EKQ və həyat fəaliyyətinin əsas göstəricilərinin monitorinqinin aparılması ilə müşayiət olunan, simptomatik müalicə təyin olunmalıdır. İbuprofenin potensial toksik dozasının istifadəsindən sonra 1 saat müddətində aktivləşdirilmiş kömürün peroral istifadəsi və mədənin yuyulması tövsiyə olunur. İbuprofen artıq absorbsiya olunduğu halda, turşu törəməsi olan ibuprofenin orqanizmdən böyrəklər vasitəsi ilə xaric olunması məqsədi ilə, qələvi tərkibli içkilərin istifadəsi, sürətləndirilmiş diurez təyin oluna bilər. Diazepamı və ya lorazepamı vena daxilinə yeritməklə, tez-tez təkrar olunan və uzunmüddətli qıcolmaları aradan qaldırmaq mümkündür. Bronxial astma pisləşdiyi halda, bronxodilatatorların istifadəsi tövsiyə olunur.
Buraxılış forması
200 mq, kapsullar. 4, 6, 8, 10 və ya 12 kapsul, PVX/PVDX/alüminium blisterdə. 1, 2 və ya 3 blister, içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.