Pharmed
NUROFEN 20MG 100ML SUSP
NUROFEN® uşaqlar üçün daxilə qəbul etmək üçün suspenziya (portağallı və ya çiyələkli)
NUROFEN for children
Beynəlxalq patentləşdirilməmiş adı: İbuprofen
Tərkibi
Təsiredici maddə: 5 ml suspenziyanın tərkibində 100 mq ibuprofen vardır.
Köməkçi maddələr: polisorbat 80, qliserin, maltitol şirəsi, natrium saxarinat, limon turşusu monohidrat, natrium sitrat, ksantan kitrəsi, natrium xlorid, domifen bromid, portağal və ya çiyələkli aromatizator, saflaşdırılmış su.
Təsviri
Ağ və ya demək olar ki, ağ şərbətəbənzər konsistensiyalı portağal və ya çiyələk ətirli
suspenziyadır.
Farmakoterapevtik qrupu
Qeyri-steroid iltihabəleyhinə preparat (QSİƏP).
ATC kodu: M01AE01.
Farmakoloji xüsusiyyətləri
Farmakodinamikası
Qeyri-steroid quruluşlu iltihabəleyhinə preparatlar sırasından olan propion turşusu törəməsi İbuprofenin təsir mexanizmi ağrı, iltihab və hipertermik reaksiya mediatorları – prostaqlandinlərin sintezini inhibə etməkdir. Preparat siklooksigenaza 1 (SOG-1) və siklooksigenaza 2 (SOG-2) fermentlərini qeyri-selektiv blokada edərək, prostaqlandinlərin sintezini tormozlayır. Bundan əlavə, İbuprofen trombositlərin aqreqasiyasını müvəqqəti olaraq tormozlayır. Ağrıkəsici, qızdırmasalıcı və iltihabəleyhinə təsir göstərir. İltihab xarakterli ağrılarda daha güclü ağrıkəsici təsir göstərir. Preparatın təsiri 8 saata qədər davam edir.
Farmakokinetikası
Nurofenin absorbsiyası yüksəkdir. Mədə-bağırsaq sistemindən tez və tam sorulur (preparatın 90% qan plazmasının zülalları ilə birləşır). Acqarına qəbul edildikdən 15 dəqiqə sonra İbuprofen qanda aşkar edilir, qan plazmasında preparatın maksimal qatılığı isə (Сmax) 60 dəqiqədən sonra qeydə alınır. Yemək zamanı dərman qəbulu preparatın qanda maksimal qatılığının əldə edilməsini (ТСmax) 1-2 saata qədər uzada bilər. Orqanizmdən yarımxaricolma dövrü (Т1/2) – 2 saatdır. Nurofen oynaq boşluqlarına tədricən nüfuz edir, sinovial mayedə yubanır və burada qanın plazmasına nisbətən daha yüksək konsentrasiya törədir.
Absorbsiyadan sonra preparatın təxminən 60% farmakoloji cəhətdən qeyri-fəal R-formadan tədricən fəal S-formaya keçir. Qaraciyərdə metabolizmə uğrayır. Əsasən böyrəklər (1%-ə qədər dəyişməz halda), az qismi isə öd yolları vasitəsilə orqanizmdən xaric olur.
Məhdud tədqiqatlarda İbuprofen çox aşağı konsentrasiyalarda ana südündə aşkar edilib.
İstifadəsinə göstərişlər
Uşaqlar üçün Nurofen® 3 aylıqdan 12 yaşa qədər uşaqlarda bədən temperaturunun yüksəlməsi ilə müşayiət edilən kəskin respirator xəstəliklərin (o cümlədən qripin), uşaq infeksion xəstəliklərinin, müxtəlif infeksion-iltihabi vəziyyətlərin, peyvənddən sonrakı reaksiyaların simptomatik müalicəsində qızdırmasalıcı vasitə kimi istifadə edilir.
İbuprofen zəif və orta dərəcəli ağrı sindromunda simptomatik ağrıkəsici vasitə kimi diş, baş, əzələ, oynaq, qulaq, boğaz ağrılarında, miqren zamanı, nevralgiyalarda, vətərlərin zədələnməsində baş verən ağrılarda və revmatik ağılarda istifadə olunur.
Preparat istifadə müddətində simptomatik terapiya məqsədilə ağrının və iltihabın azaldılması
üçün istifadə edilir və xəstəliyin şiddətlənməsinə təsir etmir.
Əks göstərişlər
- İbuprofenə və/və ya preparatın hər hansı komponentinə qarşı yüksək həssaslıq;
- bronxial astma, burun və burunətrafı sinusların residivləşən polipozu, asetilsalisil turşusuna və ya digər QSİƏP-lərə qarşı dözümsüzlüyün tam və ya qismən birgə mövcudluğu;
- anamnezdə QSİƏP-ın istifadəsi nəticəsində baş verən mədə-bağırsaq qanaxmaları və ya
mədə xorasının perforasiyası;
- mədə-bagırsaq traktı orqanlarının eroziv-xoralı xəstəlikləri (o cümlədən, mədə və
onikibarmaq bağırsağın xora xəstəliyi, Kron xəstəliyi, xoralı kolit) və ya aktiv fazada
yaxud anamnezdə (xora xəstəliyinin və ya xora qanaxmasının təsdiqlənən iki epizodu) xora
qanaxması;
- ağır böyrək catışmazlığı və aktiv fazada qaraciyər xəstəliyi;
- orta dərəcəli böyrək çatışmazlığı (kreatin klirensi < 30 ml/dəqiqə), təsdiqlənmiş
hiperkaliemiya;
- aortokoronar şuntlamadan sonrakı dövrdə baş verən dekompensator ürək çatışmazlığı;
- serebrovaskulyar və ya digər mənşəli qanaxmalar;
- hemofiliya və qan laxtalanmasının digər pozğunluqları (o cümlədən hipokoaqulyasiya), hemorragik diatezlər;
- hamiləliyin III trimestri;
- fruktozaya qarşı dözümsüzlük;
- bədən kütləsi 5 kq-dan az olan uşaqlar.
Xüsusi göstərişlər və ehtiyat tədbirləri
İbuprofeni xəstəliyin əlamətlərini aradan qaldırmaq üçün minimal effektiv dozada və
mümkün qədər qısa müddətdə qəbul etmək lazımdır.
Uzunmüddətli müalicə zamanı periferik qanın göstəricilərinə, qaraciyər və böyrəklərin funksional vəziyyətinə nəzarət etmək vacibdir. Qastropatiya əlamətləri meydana çıxdıqda ezofaqoqastroduodenoskopik müayinə, qanın ümumi analizi (hemoqlobinin təyini) və nəcisdə gizli qanın təyini kimi müayinələr aparılmalıdır. Qanda 17-kortikosteroidlərin təyinini aparmaq lazım gəldikdə müayinədən 48 saat əvvəl İbuprofenin qəbulu dayandırılmalıdır.
İbuprofenlə müalicə müddətində spirtli içkilər və etanol tərkibli preparatlar qəbul etmək olmaz. Preparatın tərkibində maltitol olduğuna görə fruktoza keçilməzliyindən əziyyət çəkən xəstələrə İbuprofen qəbul etmək olmaz.
Preparatın tərkibində şəkər olmadığı üçün Nurofen® şəkərli diabeti olan uçaqların
müalicəsində istifadə edilə bilər.
Preparatdan istifadə etdikdə böyrəklərin funksional vəziyyətinin pisləşməsi riski olduğu üçün, böyrək çatışmazlığınadan əziyyət çəkən pasientlər İbuprofeni istifadə etməzdən əvvəl həkimlə məsləhətləşməlidir.
Preparat mayenin orqanizmdə qalmasını ləngidir, arterial təzyiqi yüksəldir və ödemlərin əmələ gəlməsinə səbəb olur, buna görə də hipertoniyası olan (hətta anamnezdə) və/və ya xroniki ürək çatışmazlığınadan əziyyət çəkən xəstələr İbuprofeni istifadə etməzdən əvvəl həkimlə məsləhətləşməlidir.
Suçiçəyi virusuna yoluxan uşaqlara QSİƏP ehtiyatla təyin olunur, çünki bu zaman dərinin və dərialtı piy qatının infeksion-iltihabi xəstəliklərinin (nekrozlaşan fassit) meydana çıxması riski artır. Bunun üçün suçiçəyi zamanı İbuprofenin istifadəsini məhdudlaşdırmaq lazımdır. Nurofen® aşağıdakı hallarda ehtiyatla təyin olunur:
- digər QSİƏP-lə birgə;
- anamnezdə, mədə xorası, mədə-bağırsaq qanaxmaları, qastrit, enterit, kolit, xoralı kolit, Helicobacter pylori infeksiyasının mövcudluğu;
- bronxial astma və allergik reaksiyaların kəskinləşmə dövründə və ya anamnezdə bu
xəstəliklərin olmasında – bronxospazm inkişaf edə bilər;
- ağır somatik xəstəliklər, qırmızı qurdeşənəyi xəstəliyi, Şarp sindromu (birləşdirici toxumanın qarışıq xəstəliyi) zamanı – aseptik meningit baş verə bilər;
- suçiçəyi xəstəliyində;
- böyrək çatışmazlığı, o cümlədən susuzlaşma zamanı (kreatin klirensi < 30-60 ml/dəqiqədə), mayenin orqanizmdə ləngiməsi, ödemlər, qaraciyər çatışmazlığı, arterial hipertenziya və/və ya ürək çatışmazlığı, serebrovaskulyar xəstəliklər, dislipidemiya/hiperlipidemiya, şəkərli diabet, periferik arteriyaların patologiyası, etiologiyası bilinməyən qan xəstəlikləri (leykopeniya, anemiya) zamanı;
- xora və ya qanaxmaların yaranma riskini artıran digər preparatlarla birgə, xüsusən qlükokortikosteroidlər (o cümlədən prednizolon), antikoaqulyantlar (o cümlədən varfarin), serotoninin geri zəbtinin selektiv inhibitorları (o cümlədən sitaloprama, flüoksetin, paroksetin, setralin) və ya antiaqreqantlar (o cümlədən asetilsalisil turşusu,klopidoqrel);
- hamiləliyin I-II trimestri, laktasiya dövrü, yaşlı adamlara.
Digər dərman vasitələrilə qarşılıqlı təsiri
İbuprofeni aşağıdakı dərman preparatları ilə eyni zamanda istifadə etmək tövsiyə edilmir:
- Asetilsalisil turşusu ilə birgə istifadə əlavə təsirlərin inkişaf riskini yüksəldir. Həkim tərəfindən təyin olunmuş kiçik dozada asetilsalisil turşusunun (sutkada 75 mq qədər) istifadəsinə icazə verilir.
Asetilsalisil turşusu ilə eyni vaxtda istifadə edildikdə İbuprofen asetilsalisil turşusunun iltihabəleyhinə və antiaqreqant təsirlərini zəiflədir (İbuprofenin qəbulundan sonra antiaqreqant terapiyası kimi kiçik dozada asetilsalisil turşusu qəbul edən xəstələrdə kəskin koronar çatışmazlığının inkişaf tezliyi arta bilər).
- Digər QSİƏP, həmçinin SOG-2-nin selektiv inhibitorları – 2 və daha çox QSİƏP-in birgə istifadəsi əlavə təsirlərin inkişaf riskini yüksəldir;
- Antikoaqulyantlar və trombolitik preparatlar – İbuprofen antikoaqulyantların təsirini gücləndirə bilər, xüsusən də varfarinin və trombolitik preparatların təsirini;
- Hipotenziv maddələr (AÇF-in inhibitorları və angiotenzin II-nin antaqonistləri) və diuretiklər – QSİƏP bu qrup preparatların təsirini zəiflədə bilər. Diuretiklər və AÇF-in inhibitorları İbuprofenin nefrotoksikliyini yüksəldə bilər;
- Qlükokortikosteroidlər – mədə-bağırsaq traktında xora və qanaxmaların yaranma riskini
yüksəldir;
- Antiaqreqantlar və serotoninin geri tutulmasının inhibitorları – mədə-bağırsaq traktında qanaxmaların yaranma riskini yüksəldir;
- Ürək qlikozidlərinin İbuprofenlə birgə təyini ürək çatışmazlığının ağırlaşmasına, qlomerulyar filtrasiyanın sürətinin ləngiməsinə və ürək qlikozidlərinin qatılığının qanın plazmasında yüksəlməsinə səbəb ola bilər;
- Litium preparatları – QSİƏP-ın istifadəsi fonunda qanın plazmasında litiumun qatılığının
artım ehtimalı barədə məlumatlar var;
- Metotreksat – İbuprofenin istifadəsi fonunda qanın plazmasında metotreksatın qatılığının artım ehtimalı barədə məlumatlar var;
- Siklosporin – İbuprofenlə birgə istifadə edildikdə nefrotoksiklik riskini yüksəldir;
- Mifepriston – İbuprofenin qəbulunu Mifepriston qəbulu bitdikdən 8-12 gün sonra başlamaq lazımdır, çünki İbuprofen Mifepristonun təsir effektini zəiflədə bilər;
- Takrolimus – İbuprofenlə birgə istifadə edildikdə nefrotoksiklik riskini yüksəldir;
- Zidovudin - İbuprofenlə birgə istifadə edildikdə hematotoksiklik riskini yüksəldir. Zidovudin və İbuprofenlə birgə müalicə alan HİV-müsbət hemofiliya xəstələrində hemartroz və hematomaların əmələ gəlmə riskinin yüksəlməsi barədə məlumatlar var;
- Xinolon törəmələri – İbuprofenlə birgə istifadə edildikdə xəstələrdə qıcolmaların baş vermə riskini yüksəldir.
Hamiləlik və laktasiya dövründə istifadəsi
Hamiləlik III trimestrində preparatdan istifadə etmək olmaz. Hamiləliyin I-II trimestrində və laktasiya dövründə preparatın qəbulundan əvvəl həkimlə məsləhətləşmək lazimdır.
Müalicə müddətində ana südü ilə qidalandırmanı dayandırmaq lazımdır. İbuprofenin körpənin sağlamlığına mənfi təsir göstərmədən az miqdarda ana südünə nüfuz eməsi barədə məlumatlar var.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparatla müalicə zamanı başgicəllənmə, yuxuya meyillilik, görmə qabiliyyətinin pisləşməsi müşayidə edilən xəstələrə nəqliyyat vasitələrini və digər potensial təhlükəli mexanizmləri idarə etmək olmaz.
İstifadə qaydası və dozası
Uşaqlar üçün Nurofen® - xüsusi olaraq uşaqlar üçün hazırlanmış suspenziyadır. Daxilə qəbul edilir. Mədə həssaslığı yüksək olan xəstələrə preparat yemək zamanı təyin olunur. Nurofen® qısamüddətli istifadə üçün suspenziyadır.
İstifadədən əvvəl flakonu çalxalamaq lazımdır. Dozanın dəqiq ölçülməsi üçün flakona ölçü
şprisi əlavə edilib.
Ölçü şprisinin istifadəsi
Ölçü şprisini flakonun boğazına kip yerləşdirib, flakonu çevirib, porşeni aşağı çəkərək lazımi miqdar preparat yığmaq lazımdır. Sonra flakonu əvvəlki vəziyyətə qaytarıb, şprisi içindən çıxarmaq lazımdır. Doldurulmuş şprisi xəstənin ağız boşluğuna yerləşdirərək, tədricən dərmanı yeritmək lazımdır.
İstifadə etdikdən sonra şprisi ilıq su ilə yuyub, qurudmaq və uşaqların əli çatmayan yerdə
saxlamaq lazımdır.
Bədən temperaturu yüksəldikdə (qızdırma) və ağrı zamanı istifadə olunur.
Təyin edilən doza uşağın yaşından və bədən kütləsindən asılıdır. Maksimal sutkalıq doza 6-8 saatlıq intervalla 30 mq/kq-dan artıq olmamalıdır.
3–6 aylıq uşaqlara (bədən kütləsi 5 kq-dan 7,6 kq qədər): 24 saat ərzində 3 dəfəyə qədər 2,5 ml (50 mq), sutkada 7,5 ml-dən (150 mq) artıq olmamaq şərti ilə.
6–12 aylıq uşaqlara (bədən kütləsi 7,7 kq-dan 9 kq qədər): 24 saat ərzində 3-4 dəfəyə qədər 2,5
ml (50 mq), sutkada 10 ml-dən (200 mq) artıq olmamaq şərti ilə.
1–3 yaşlı uşaqlara (bədən kütləsi 10 kq – 16 kq): 24 saat ərzində 3 dəfəyə qədər 5 ml (100 mq), sutkada 15 ml-dən (300 mq) artıq olmamaq şərti ilə.
4–6 yaşlı uşaqlara (bədən kütləsi 17 kq – 20 kq): 24 saat ərzində 3 dəfəyə qədər 7,5 ml (150 mq), sutkada 22,5 ml-dən (450 mq) artıq olmamaq şərti ilə.
7–9 yaşlı uşaqlara (bədən kütləsi 21 kq – 30 kq): 24 saat ərzində 3 dəfəyə qədər 10 ml (200 mq), sutkada 30 ml-dən (600 mq) artıq olmamaq şərti ilə.
10–12 yaşlı uşaqlara (bədən kütləsi 31 kq – 40 kq): 24 saat ərzində 3 dəfəyə qədər 15 ml (300 mq), sutkada 45 ml-dən (900 mq) artıq olmamaq şərti ilə.
Müalicə müddəti 3 gündən artıq olmamalıdır. Doza həddini aşmaq olmaz.
Dərman müalicəsi başladıqdan 24 saat (3-5 aylıq uşaqlarda) və ya 3 gün (6 aydan böyük uşaqlarda) ərzində simptomlar keçməzsə və ya şiddətlənərsə müalicəni dayandırıb dərhal həkimə müraciət etmək lazımdır.
Peyvənddən sonra qızdırma zamanı
6 aylığa qədər uşaqlara – 2,5 ml (50 mq) preparat təyin olunur. Ehtiyac yaranarsa 6 saatdan sonra dozanı – 2,5 ml (50 mq) – təkrarlamaq olar. 24 saat ərzində 5 ml-dən (100 mq) istifadə etmək olmaz.
Əlavə təsirləri
Simptomları aradan qaldırmaq üçün İbuprofeni qısa müddət və minimal effektiv dozada
istifadə edərək əlavə təsirlərin əmələ gəlməsini minimuma endirmək mümkündür.
Əlavə təsirlərin meydana çıxması preparatın dozasından asılıdır.
Aşağıda göstərilən əlavə təsirlər preparatın sutkada 1200 mq-dan az doza qısamüddətli istifadəsi zamanı qeydə alınıb.
Xroniki vəziyyətlərin müalicəsi və İbuprofendən uzunmüddətli istifadə zamanı digər əlavə təsirlərin meydana çıxması mümkündür.
Əlavə təsirlərin başvermə tezliyi aşağıdakı kimi təsnif edilir: çox tez-tez ( ≥ 1/10); tez-tez (≥ 1/100 - < 1/10); bəzən ( ≥ 1/1000 - < 1/100); bəzən (≥ 1/10 000 - < 1/1000), nadir hallarda (< 1/10 000), məlum olmayan (kifayət qədər məlumat olmadığından əlavə təsirlərin başvermə tezliyini müəyyən etmək mümkün deyil).
Qan və limfa sistemində baş verən pozğunluqlar:
nadir hallarda – qanyaranma prosesinin pozulması (anemiya, leykopeniya, aplastik anemiya, hemolitik anemiya, trompositopeniya, pansitopeniya, aqranulositoz). Qanyaranmanın pozulmasının ilk simptomları – titrətmə, boğaz ağrısı, ağız boşluğunda səthi yaraların əmələ gəlməsi, qripəbənzər simptomlar, ümumi zəiflik, burun qanaxmaları, dəri altına qansızmalar, etiologiyası məlum olmayan qanaxma və qansızmalar.
İmmun sistemdə baş verən pozğunluqlar:
- bəzən – hiperhəssaslıq reaksiyaları – qeyri-spesifik allergik və anafilaktik reaksiyalar, tənəffüs yollarında baş verən reaksiyalar (bronxial astma və onun kəskinləşməsi, bronxospazm, təngnəfəslik, dispnoe), dəri reaksiyaları (qaşınma, övrə, Kvinke ödemi, purpura, eksfoliativ və bulloz dermatozlar, o cümlədən epidermal nekroliz, Layell sindromu, Stivens- Conson sindromu, multiformalı eritema), allergik rinit, eozinofiliya;
- nadir hallarda – ağır hiperhəssaslıq reaksiyaları, o cümlədən üzün, dilin, qırtlağın ödemi, təngnəfəslik, taxikardiya, arterial hipotenziya (anafilaksiya, Kvinke ödemi və ya ağır anafilaktik şok);
Mədə-bağırsaq sistemində baş verən pozğunluqlar:
- bəzən – qarın ağrısı, ürəkbulanma, dispepsiya;
- bəzən – diareya, meteorizm, qəbizlik, qusma;
- nadir hallarda – peptik xora, mədə-bağırsaq qanaxması və ya perforasiya, melena,
qanqusma, xoralı stomatit, qastrit;
- məlum olmayan – xoralı kolitin və Kron xəstəliyinin kəskinləşməsi.
Qaraciyərdə və öd yollarında baş verən pozğunluqlar:
nadir hallarda – qaraciyər fəaliyyətinin pozulması.
Böyrək və sidik yollarında baş verən pozğunluqlar:
- nadir hallarda – uzunmüddətli istifadə zamanı qanın plazmasında sidik cövhərinin qatılığının yüksəlməsi, ödemlərin əmələ gəlməsi və papillar nekrozla müşayiət olunan kəskin böyrək çatışmazlığına (kompensəedilmiş və dekompensəolunmuş formaları) səbəb ola bilər.
Sinir sistemində baş verən pozğunluqlar:
- bəzən – başağrısı;
- nadir hallarda – aseptik meningit (autoimmun xəstəliklərdən əziyyət çəkən pasientlərdə).
Ürək-damar sistemində baş verən pozğunluqlar:
məlum olmayan – ürək çatışmazlığı, periferik ödemlər, uzunmüddətli istifadə zamanı trombotik fəsadların artma riski (miokard infarktı, insult), arterial təzyiqin yüksəlməsi. Tənəffüs sistemi və divararası orqanlarda baş verən pozğunluqlar:
məlum olmayan – bronxial astma, bronxospazm, təngnəfəslik.
Digər əlavə təsirlər:
nadir hallarda – ödemlər, o cümlədən periferik ödemlər.
Doza həddinin aşılması
Uşaqlarda doza həddinin aşılması simptomları preparatı 400 mq/kq-dan artıq dozada qəbul etdikdən sonra baş verə bilər. Böyüklərdə doza həddinin aşılması simptomları özünü zəif biruzə verir. Doza həddinin aşılması zamanı preparatın yarımxaricolma dövrü 1,5-3 saatdır. Simptomları: ürəkbulanma, qusma, epiqastral nahiyyədə ağrılar, diareya, qulaqlarda küy, baş ağrısı, mədə-bağırsaq qanaxmaları. Ağır hallarda mərkəzi sinir sisteminində baş verən dəyişikliklər meydana çıxır – yuxuya meyillilik, oyanıqlıq, qıcolmalar, dezoriyentasiya, koma. Lap ağır vəziyyətlərdə - metabolik asidoz, protrombin müddətinin artması, qaraciyər çatışmazlığı, qaraciyər toxumasının zədələnməsi, sianoz, arterial təzyiqin aşağı düşməsi, tənəffüs çatışmazlığı qeyd edilə bilər.Müalicəsi: xəstənin vəziyyəti normalaşana qədər tənəffüs yollarının keçilməsi təmin olunaraq, EKQ monitorinqi və həyati vacib funksiyaların nəzarətilə simptomatik müalicə aparılır. İbuprofenin potensial toksik dozasının qəbulundan sonra 1 saat ərzində mədə yuyulur və aktiv kömür təyin edilir. Preparat qana sorulduqdan sonra turşu törəməsi olan İbuprofeni böyrəklər vasitəsilə orqanizmdən xaric etmək məqsədilə xəstəyə qələvi məhlullar içirilir, gücləndirilmiş diurez. Qıcolma baş verdikdə venadaxilinə diazepam və ya lorazepam təyin olunur. Bronxial astma tutmaları kəskinləşdikdə bronxodilatatorlar təyin edilir.
Laborator göstəricilər
- hematokrit və ya hemoqlobin (aşağı düşə bilər);
- qanaxma müddəti (arta bilər);
- qanın plazmasında qlükozanın qatılığı (aşağı düşə bilər);
- kreatinin plazmadakı qatılığı (arta bilər);
- “qaraciyər” transaminazalarının fəallığı (arta bilər);
Buraxılış forması
100 mq/5 ml daxilə qəbul etmək üçün suspenziya (portağallı, çiyələkli).
İçərisində 100, 150, 200 ml suspenziya olan arakəsməli kiçik sıxlıqlı polietilen və ya polipropilen qapaqlı polietilentereftalat flakon.
Flakon ölçü şprisi ilə komplekt şəkildə içlik vərəqə ilə birlikdə karton qutuya
qablaşdırılır.
Saxlanma şəraiti
250 C-dən aşağı temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Flakon açıldıqdan sonra 6 ay ərzində istifadə edilməlidir. Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
Rekkit Benkizer Helsker (Birləşmiş Krallıq) Limited, Densom Leyn, Hall, İst Yokşir, HU8 7DS, Böyük Britaniya.
Rekkit Benkizer Helsker Hindistan Prayvit Limited, Кхаsra № 701/534, Sandholi qəsəbəsi, Baddi – Nalaqar Roud, Baddi, Solan rayonu (Himaçal Pradeş), Hindistan (daxilə qəbul etmək üçün suspenziya (portağallı)).
Qeydiyyat vəsiqəsinin sahibi
“Rekitt Benkizer Helsker İnterneşnl Ltd”, Teyn Roud, Nottingem, NG90 2DB, Birləşmiş Krallıq.
Rusiyadakı nümayəndəlik/İstehlakçıların iradlarını qəbul edən təşkilat
“Rekitt Benkizer Helsker” MMC.
Rusiya, 115114, Moskva ş., Şlüzovaya sahilkenarı, ev 4. Tel.: 8-800-200-82-20 (Rusiya üçün zənglər pulsuzdur). сontact_ru@rb.com