Pharmed
NISTATIN 500000 IU N20 TB (BELARUS)
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“___”__________ 2020-ci il
Dərman vasitəsinin istifadəsi üzrə təlimat (xəstələr üçün)
NİSTATİN 500000 TV örtüklü tabletlər
NYSTATIN
Beynəlxalq patentləşdirilməmiş adı: Nystatin
Tərkibi
Təsiredici maddə: 1 tabletin tərkibində 500 000 TV nistatin vardır.
Köməkçi maddələr: kartof nişastası, laktoza monohidrat, stearin turşusu, talk, jelatin, vanilin,
opadray II (o cümlədən, qismən hidrolizə məruz qalmış polivinil spirti, talk,
makroqol 3350, lesitin (soya), sarı rəngli boya piqmenti (tərkibində titan
dioksid E 171, indiqokarmin E 132, xinolin sarısı E 104 və günəş qürubu
sarısı E 110 vardır).
Təsviri
Yaşılımtıl çalarlı açıq sarı rəngli, vanilin qoxulu, hər iki səthi qabarıq örtüklü tabletlərdir.
Farmakoterapevtik qrupu
Bağırsaq mikrobəleyhinə preparatlar. Antibiotiklər.
ATC kodu: A07AA02.
İstifadəsinə göstərişlər
Mədə-bağırsaq traktında (MBT) Candida növlü göbələklərin artmasına səbəb olan dərman
vasitələrilə (məsələn, geniş təsir spektrinə malik antibiotiklər, kortikosteroidlər, sitostatiklər)
müalicə zamanı nistatinə qarşı həssas Candida növlü maya göbələklərinin mədə-bağırsaq
traktında törətdiyi bağırsaq infeksiyalarının müalicəsi üçün istifadə olunur.
Əks göstərişlər
Hiperhəssaslıq, 13 yaşa qədər uşaqlar.
Xüsusi göstərişlər və ehtiyat tədbirləri
Sistem mikozların müalicəsi üçün istifadə etmək olmaz.
Tam müalicə kursunun sona çatdırılması vacibdir. Bütün kurs müddətində müalicə rejiminə və
sxeminə ciddi riayət etmək, dərman vasitəsini bərabər vaxt intervalları ilə qəbul etmək və dozanı
ötürməmək lazımdır. Doza ötürüldükdə, onu mümkün qədər tez qəbul etmək lazımdır, lakin
növbəti dozanın qəbulunun vaxtı çatdıqda, ötürülən dozanı əvəz etmək üçün ikiqat doza qəbul
etmək olmaz.
Nistatin, dərinin günəş şüalanmasına qarşı həssaslığını yüksəldə bilər, bu səbəbə görə müalicə
dövründə birbaşa günəş şüalarının və süni ultrabənövşəyi şüalanmanın təsirindən çəkinmək
lazımdır.
Dərman vasitəsinin tərkibində laktoza vardır. Qalaktozaya qarşı dözümsüzlük, Lapp laktoza
çatışmazlığı, qlükoza-qalaktoza malabsorbsiyası kimi nadir irsi xəstəliklərdən əziyyət çəkən
pasiyentlərdə dərman vasitəsinin istifadəsi məsləhət görülmür.
Tabletlərin örtüyünün tərkibində allergik reaksiyaların baş verməsinə səbəb ola bilən qida
azorəngləyiciləri (E 104, E 110, E 132) vardır.
Tabletlərin tərkibində soya lesitini (E 322) olduğu üçün araxisə və ya soyaya qarşı yüksək
həssaslığa malik şəxslərdə dərman vasitəsini istifadə etmək olmaz.
Digər dərman vasitələri ilə qarşılıqlı təsiri
Klotrimazol ilə eyni vaxtda istifadəsi zamanı klotrimazolun göbələkəleyhinə aktivliyi aşağı
düşür, xloramfenikolla – mikrobəleyhinə təsirin qarşılıqlı zəifləməsi müşahidə olunur; bu
preparatların birlikdə istifadəsindən çəkinmək lazımdır.
Hamiləlik və laktasiya dövründə istifadəsi
Baxmayaraq ki, Nistatin MBT-dən əhəmiyyətsiz dərəcədə sorulur, hamilə qadının dərman
vasitəsinin qəbul etməsinin dölə zərər yetirə biləcəyi indiyə qədər məlum deyil. Dərman vasitəsi,
yalnız o zaman istifadə edilə bilər ki, ana üçün gözlənilən fayda dölə və ya körpəyə olan
potensial riskdən yüksək olsun.
Nistatinin ana südü ilə xaric olub-olmaması məlum deyil, bu səbəbə görə laktasiya dövründə
preparatın istifadəsinə ehtiyac olduqda, ana südü ilə qidalanmanın dayandırılması barədə qərar
qəbul etmək lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Nistatin terapevtik dozalarda istifadə edildikdə, nəqliyyat vasitəsini və digər potensial təhlükəli
mexanizmləri idarəetmə qabiliyyətinə təsir göstərmir.
İstifadə qaydası və dozası
Preparat qida qəbulundan asılı olmayaraq, daxilə qəbul edilir. Tabletləri çeynəmədən udmaq
lazımdır.
Böyüklərə sutkada 3-4 dəfə 500000 TV təyin edilir. Sutkalıq doza 3-6 tablet (1500000-3000000
TV), ağır hallarda 8-12 tablet (4000000-6000000 TV) təşkil edir.
13 yaşdan yuxarı uşaqlara sutkada 3-4 qəbula 500000 TV təyin edilir.
Müalicə müddəti 10-14 gündür.
Xroniki residivləşən və yayılmış kandidozlar zamanı 2-3 həftəlik fasilə ilə təkrar müalicə kursu
keçirmək olar.
Adı gedən dərman forması 13 yaşa qədər uşaqların istifadəsi üçün nəzərdə tutulmayıb.
Göstərilən yaş qrupu pasiyentləri üçün preparatın suspenziya forması təyin edilir.
Əlavə təsirləri
Həzm sistemində baş verən pozğunluqlar: ağızda acı dad, dispeptik hallar, ürəkbulanma, qusma,
qastralgiya, diareya.
Allergik reaksiyalar: bədən temperaturunun yüksəlməsi, titrətmə, səpgi, övrə, qaşınma,
bronxospazm, üz nahiyəsinin ödemi daxil olmaqla, angionevrotik ödem, nadir hallarda-Stivens-
Conson sindromu.
Digər: fotosensibilizasiya, taxikardiya, qeyri-spesifik mialgiya; rezistent göbələk formalarının
inkişaf etmə riski mümkündür ki, bu da, dərman vasitəsinin istifadəsinin dayandırılmasını tələb
edir.
Doza həddinin aşılması
Simptomları
Əlavə təsirlərin güclənməsi mümkündür. Nistatinin sutkada 500000 TV-dən artıq peroral
dozaları ürəkbulanmaya və mədə-bağırsaq pozuntularına səbəb olmuşdur. Nistatin MBT-dən
əhəmiyyətsiz dərəcədə sorulduğu üçün doza həddinin aşılması sistem toksikliyin inkişaf
etməsinə səbəb olmur.
Müalicəsi
Dərman vasitəsinin istifadəsinin dayandırılması, simptomatik terapiya.
Buraxılış forması
10 tablet, polivinilxlorid və alüminium folqa örtüklü konturlu-yuvalı qablaşdırmada. 2 konturlu-
yuvalı qablaşdırma içlik vərəqə ilə birlikdə karton qutuya qablaşdırılır.
Saxlanma şəraiti
25° C-dən aşağı temperaturda, işıqdan və rütubətdən qorunan və uşaqların əli çatmayan yerdə
saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
“Borisov Dərman Preparatları Müəssisəsi” ASC, Belarus Respublikası,
Minsk vilayəti, Borisov ş., Çapayev k., 64.
E-mail market@borimed.com
http //www.borimed.com
Tel.:/Faks: +375 (177) 73 56 12; 73 11 56.