Pharmed
NATRIYA XLORID 0,9% 200ML SISTEM (ESKOM)(28)
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
___________________ 2022-ci il
Dərman vasitəsinin istifadəsi üzrə təlimat (xəstələr üçün)
NATRİUM XLORİD 0,9 % infuziya üçün məhlul
SODIUM CHLORIDE
Beynəlxalq patentləşdirilməmiş adı: Sodium chloride
Tərkibi
Təsiredici maddə: 1 litr məhlulun tərkibində 9 q natrium xlorid vardır.
Köməkçi maddələr: inyeksiya üçün su-1 l-ə qədər
Nəzəri osmolyarlığı- 308 mOsm/l.
Təsviri
Şəffaf rəngsiz mayedir.
Farmakoterapevtik qrupu
Dehidratasiyaedici vasitə.
ATC kodu: B05CB01.
Farmakoloji xüsusiyyətləri
Farmakodinamikası:
Dezintoksikasion və rehidratasiyaedici təsir göstərir. Orqanizmin müxtəlif patoloji
vəziyyətlərində natrium çatışmazlığını aradan qaldırır. 0,9%-li natrium xlorid məhlulu insan
plazmasına izotonikdir, ona görə də damar məcrasından sürətlə xaric olur, yalnız müvəqqəti
olaraq dövr edən qanın həcmini artırır (qan itkisi və şok zamanı effektivliyi kifayət qədər deyil).
Hipertonik məhlulları (3-5-10%) xaricə istifadə zamanı irinin xaric olmasına səbəb olur,
antimikrob aktivlik göstərir, venadaxili yeridilmə zamanı diurezi gücləndirir və natrium və xlor
çatışmazlığını aradan qaldırır.
Farmakokinetikası
Natriumun konsentrasiyası- 142 mmol/l (plazmanın) və 145 mmol/l (interstisial mayenin),
xloridin konsentrasiyası- 101mmol/l interstisial mayenin).
Böyrəklər vasitəsilə xaric olur.
İstifadəsinə göstərişlər
Hipoxloremik alkaloz zamanı su və elektrolit balansının pozulması; hipoxloremiya; qısamüddətli
plazmaəvəzedici terapiya; hipotonik dehidratasiya; izotonik dehidratasiya.
Əks göstərişlər:
Hipernatriemiya, asidoz, hiperxloremiya, hipokaliemiya, hüceyrədənkənar hiperhidratasiya,
ödemlə baş beynə və ağciyərlərə təhlükə yaradan sirkulyator pozğunluqlar, beş beynin ödemi,
ağciyərlərin ödemi, kəskin sol mədəcik çatışmazlığı, böyük dozalarda qlükokortikosteroidlərin
yanaşı istifadəsi.
Xüsusi göstərişlər və ehtiyat tədbirləri
Natrium xloridin izotonik məhlulunun böyük dozalarda yeridilməsi zamanı turşu-əsas balansına
və qan plazmasında və sidikdə elektrolitlərin səviyyəsinə nəzarət etmək lazımdır.
Qablaşdırmanın hermetikliyini saxlamaq şərti ilə preparatın dondurulması mümkündür.
Dekompensəolunmuş xroniki ürək çatışmazlığı, xroniki böyrək çatışmazlığı (oliqouriya,
anuriya).
Digər dərman vasitələri ilə qarşılıqlı təsiri
Kolloidal hemodinamik qanəvəzediciləri ilə uyğundur (qarşılıqlı effektin güclənməsi).
Digər dərman vasitələri ilə qarışdırdıqda uyuşmazlığa vizual nəzarət etmək lazımdır (amma
görünməyən və terapevtik uyuşmazlıq mümkündür).
Hamiləlik və laktasiya dövründə istifadəsi
Natriumun izotonik məhlulu hamiləlik və laktasiya dövründə istifadə oluna bilər.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Yalnız stasionar şəraitdə istifadə olunduğu üçün məlumat yoxdur.
İstifadə qaydası və dozası
Natrium xloridin infuziya üçün izotonik məhlulu venadaxili (adətən, damcı üsulu ilə) yeridilir.
Yeritməzdən əvvəl məhlul 36-38°C-yə qədər qızdırılır. Doza orqanizmin itirdiyi mayenin,
natrium və xlor ionlarının miqdarından asılı olaraq müəyyən edilir – orta hesabla 1 litr/gün təşkil
edir. Çoxlu miqdarda maye itkisi və ifadə olunmuş intoksikasiya zamanı 3 litr/gün-ə qədər
yeridilməsi mümkündür. Yeridilmə sürəti – 540 ml/saat (180 damcı/dəq); lazım gələrsə,
yeridilmə sürəti artırılır.
Dehidratasiya fonunda arterial təzyiqin aydın ifadə olunması zamanı (laborator parametrlər təyin
edilənə qədər) 20-30 ml/kq yeridilir. Sonradan dozalanma rejiminə laborator göstəricilərdən asılı
olaraq düzəliş edilə bilər.
Əlavə təsirləri
Asidoz, hiperhidratasiya, hipokaliemiya.
Doza həddinin aşılması
Simptomlar: ürəkbulanma, qusma, diareya, qarında spastik ağrılar, susuzluq, ağızsuyu və gözyaşı
ifrazının azalması, tər ifrazının artması, qızdırma, taxikardiya, arterial təzyiqin yüksəlməsi,
böyrək çatışmazlığı, periferik ödemlər, ağciyərlərin ödemi, tənəffüsün dayanması, başağrısı,
başgicəllənmə, narahatlıq, əsəbilik, zəiflik, əzələ qıcolmaları və regidlik, generalizəolunmuş
qıcolmalar, koma və ölüm. Natrium xloridin artıq miqdarda yeridilməsi hipernatriemiya törədə
bilər. Xloridin artıq miqdarda orqanizmə daxil olması hiperxloremik asidozun yaranmasına
gətirib çıxara bilər. Bilməyərəkdən artıq miqdarda məhlulun yeridilməsi zamanı müalicəni
dayandırmaq və pasiyentin vəziyyətini qiymətlən-dirmək lazımdır.
Müalicə: simptomatik müalicə aparılır.
Buraxılış forması
İnyeksiya üçün məhlul 0,9%.
100, 200 və ya 400 ml məhlul, şüşə flakonda.
100, 200 və ya 400 ml məhlul, müvafiq olaraq tutumu 100, 250, 500 ml olan polimer flakonda.
100, 250 və ya 500 ml məhlul, polimer konteynerdə.
Hər bir polivinilxlorid konteyner polietilen örtükdən torbaya qablaşdırılır.
1 flakon, içlik vərəqə ilə birlikdə karton qutuya qablaşdırılır.
100 və ya 250 ml-lik 28 flakon və ya 450 və ya 500 ml-lik 15 flakon müvafiq sayda içlik vərəqə
ilə birlikdə karton qutuya qablaşdırılır (stasionarlar üçün) 100 ml-lik 72 konteyner (konteynerlə torba) və ya 250 ml-lik 34 konteyner (konteynerlə torba)
və ya 500 ml-lik 22 konteyner (konteynerlə torba) müvafiq sayda içlik vərəqə ilə birlikdə karton
qutuya qablaşdırılır (stasionarlar üçün).
Saxlanma şəraiti
25ºC-dən yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti:
Resept əsasında buraxılır.
İstehsalçı/Qeydiyyat vəsiqəsinin sahibi
Mir MMC, Rusiya Federasiyası.
355035, ş.Stavropol, Staromarebskoe şose, 9 Q, s.43
Tel: (8652) 946814.