Pharmed
NATRIYA XLORID 0,9% 10ML N10 AMP (RUS)
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“_____”______________ 2021-ci il
Dərman vasitəsinin istifadəsi üzrə təlimat (xəstələr üçün)
NATRİUM XLORİD inyeksiya üçün dərman forması hazırlamaq üçün həlledici
SODIUM CHLORIDE
Beynəlxalq patentləşdirilməmiş adı: Sodium chloride
Tərkibi
Təsiredici maddə: 100 ml məhlulun tərkibində 9,0 mq natrium xlorid vardır.
Köməkçi maddələr:inyeksiya üçün su.
Təsviri
Şəffaf rəngsiz mayedir.
Farmakoterapevtik qrupu
Həlledici.
ATC kodu: V07AB.
Farmakoloji xüsusiyyətləri
Substratların uyuşması və effektivliyi üçün optimal şəraiti təmin edən inyeksion/infuzion məhlul
hazırlamaq üçün mayedir.
İstifadəsinə göstərişlər
0,9%-li natrium xlorid məhlulu toz, liofilizat və konsentrat dərman formasından steril
inyeksion/infuzion məhlul hazırlamaq üçün daşıyıcı və ya durulaşdırıcı qismində istifadə edilir.
Preparat dərman vasitələrinin onların istifadəsi üzrə tibbi təlimatına müvafiq bilavasitə
venadaxili, əzələdaxili və ya dərialtı yeridilmədən əvvəl durulaşdırılması və ya həll edilməsi
üçün nəzərdə tutulub.
Əks göstərişlər
Dərman vasitəsinin hazırlanması üçün digər həlledici nəzərdə tutulduğu halda əks göstərişdir.
Xüsusi göstərişlər və ehtiyat tədbirləri
Preparatı inyeksiya üçün yağlı məhlullarla qarışdırmaq olmaz.
Digər dərman vasitələri ilə qarşılıqlı təsiri
Digər dərman vasitələrilə (inyeksion/infuzion məhlullar, tozlar, inyeksiya hazırlamaq üçün quru
maddələr) qarışdırılan zaman uyuşasına görə vizual nəzarət vacibdir (buna baxmayaraq,
görünməz və terapevtik uyuşmazlıq mümkündür).
İstifadə qaydası və dozası
Doza və yeridilmə sürəti hazırlanan dərman vasitəsinin dozalanması üzrə təlimatına müvafiq
olmalıdır.
0,9 %-li natrium xlorid məhlulunun istifadəsilə dərman vasitələrinin hazırlanması (ampulun
açılması, şprisin doldurulması və dərman vasitəsinin həcmi) aseptik şəraitdə aparılmalıdır.
Buraxılış forması
Dərman formalarının hazırlanması üçün 0,9%-li həlledici.
2 ml, 5 ml və ya 10 ml məhlul, neytral şüşə ampulda. 5, 10, 30, 50 və ya 100 ampul, ampul
skarifikatıru və içlik vərəqə ilə birlikdə karton qutuya qablaşdırılır.
5 və ya 10 ampul,ampul skarifikatoru və içlik vərəqə ilə birlikdə arakəsməli karton qutuda və ya
5 və ya 10 ampul, karton və ya polovinilxlorid örtüklü konturlu-yuvalı qablaşmada.
1, 2, 3, 4, 5, 6, 10, 15, 20 və ya 30 konturlu-yuvalı qablaşma, ampul skarifikatoru və içlik vərəqə
ilə birlikdə xrom və ya xrom-erzas markalı istehlakçı qablaşmasında karton qutuya qablaşdırılır.
10, 15, 20, 30, 40, 50, 60 və ya 100 konturlu-yuvalı qablaşma, 5-10 içlik vərəqə və 5-10 ampul
skarifikatoru ilə birlikdə büzməli karton qutuya qablaşdırılır (stasionar üçün).
Açma nişanı və ya sınma halqası olan ampulların istifadəsi zaman skarifikator qoyulmur.
Saxlanma şəraiti
25ºС temperaturdan yüksək olmayan və uşaqların əli çatmayan yerdə saxlamaq lazımdır.
Dondurmaq olmaz.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
“Eskom” elmi-istehsalat konserni ASC.
Rusiya, 366107, Stavropol ş., Staromaryevskoye şossesi, 9Q.
Tel.: (8652) 94-68-08.
e-mail: info@escom.pro
Qeydiyyat vəsiqəsinin sahibi/İradları qəbul edən təşkilat
“Medprom Kapital” MMC.
Rusiya, 195279, Sankt-Peterburq ş., Revolyusiya şossesi, ev 69,
liter A, sahə 27-H, ofis 4.
Tel.: (812) 520-64-00.
Faks: (812) 520-64-01.