Pharmed
MUKALTIN 0,05GR N10 TB (RUS)
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“____”________________ 2022-ci il
Dərman vasitəsinin istifadəsi üzrə təlimat (xəstələr üçün)
MUKALTİN tabletlər
MUCALTIN
Beynəlxalq patentləşdirilməmiş adı: Extractum herbae Althaeae officinalis
Tərkibi
Təsiredici maddə: 1 tabletin tərkibində 0,05 q mukaltin (Dərman gülxətmi otunun ekstraktı)
vardır. Bərpa olan monosaxaridlərin cəmi 8,0%-dən və polisaxarid kompleksi
50,0%-dən az olmamaqla.
Köməkçi maddələr: natrium hidrokarbonat, çaxır turşusu, kalsium stearat.
Təsviri
Dairəvi formalı, yastı silindrik, iti kənarlı və xətti olan, açıq boz rəngdən daha tünd və daha açıq
çillərlə qəhvəyi-boz rəngə qədər, zəif xarakterik qoxulu tabletlərdir.
Farmakoterapevtik qrupu
Bitki mənşəli bəlğəmgətirici vasitə.
ATC kodu: R05CA.
Farmakoloji xüsusiyyətləri
Mukaltinin tərkibində dərman gülxətminin otundan alınan polisaxaridlərin qarışığı vardır.
Bəğəmgətirici xüsusiyyətə malikdir. Reflektor stimulyasiyasına görə kirpikli epitelinin aktivliyini
və bronxial vəzin ifrazatının güclənməsilə tənəffüs bronxiollarının peristaltikasını gücləndirir.
İstifadəsinə göstərişlər
Kompleks terapiyanın tərkibində tənəffüs orqanlarının yüksək özlüklü çətin ayrılan bəlğəmin
yaranması ilə müşayiət edilən kəskin və xroniki xəstəlikləri (traxeobronxit, ağciyərlərin xroniki
obstruktiv xəstəliyi, bronxoektatik xəstəlik, pnevmoniya, ağciyərlərin emfizeması, pnevmokonioz).
Əks göstərişlər
Preparatın istənilən komponentinə qarşı yüksək həssaslıq, mədə və onikibarmaq bağırsağın xora
xəstəliyi, 12 yaşa qədər uşaqlar.
Xüsusi göstərişlər və ehtiyat tədbirləri
Preparatın istifadəsi yüksək diqqət və sürətli psixomotor reaksiya (nəqliyyat idarə etmək, hərəkətli
mexanizmlərlə işləmək, dispetçer və operator işi) tələb edən potensial təhlükəli fəaliyyət növü ilə
məşğul olmaq qabiliyyətinə təsir etmir.
Digər dərman vasitələri ilə qarşılıqlı təsiri
Preparatı bronx-ağciyər xəstəliklərinin müalicəsi zamanı istifadə edilən digər preparatlarla eyni
vaxtda istifadə etmək olar.
Preparatı tərkibində kodein və digər öskürəkəleyhinə dərman vasitələrilə eyni vaxtda istifadə etmək
olmaz, belə ki, bu parçalanmış bəlğəmin ayrılmasını çətinləşdirir.
Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi həkim məsləhətilə mümkündür.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Təsir etmir.
İstifadə qaydası və dozası
Gündə 2-3 dəfə 1-2 tablet qida qəbulundan əvvəl daxilə qəbul edilir. Uşaqlarda tableti 1/3 stəkan
ilıq suda həll edib istifadə etmək olar. Müalicə kursu 7-14 gündür.
Əlavə təsirləri
Allergik reaksiyalar mümkündür, nadir hallarda-dispeptik hallar.
Qeyd edilən əlavə təsirlər kəskinləşdikdə və ya pasiyent təlimatda qeyd edilməyən istənilən digər
əlavə təsir aşkar etdikdə, bu barədə həkimə məlumat vermək lazımdır.
Doza həddinin aşılması
Hazırkı dövrə qədər doza həddinin aşılması halları qeyd edilməmişdir.
Buraxılış forması
Tabletlər 50 mq.
10 tablet konturlu-yuvasız və ya yuvalı qablaşdırmada. 200 konturlu-yuvasız və ya yuvalı
qablaşdırmada bərabər sayda içlik vərəqə ilə karton qutuya qablaşdırılır.
Saxlanma şəraiti
25ºС temperaturdan yüksək olmayan, quru və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı/Qeydiyyat vəsiqəsinin sahibi/İstehlakçılardan iradları qəbul edən təşkilat
“Vifiteh” QSC.
142279, Moskva vilayəti, Serpuxovskiy rayonu, Obolensk p., TM DEM.
Tel.:/Faks: (495) 716-15-90; 716-15-81.