Pharmed
MOLNUMED 200MG N40 KAPS
MOLNUMED bərk jelatin kapsullar MOLNUMED
Beynəlxalq patentləşdirilməmiş adı: Molnupiravir
Tərkibi
Təsiredici maddə: 1 kapsulda 200 mq molnupiravir vardır.
Köməkçi maddələr:hidroksipropilsellüloza, natrium kroskarmelloza, mikrokristallik sellüloza, maqnezium stearat.
Kapsul: jelatin, titan dioksid.
Təsviri
№1 ölçülü, gövdəsi və qapağı qeyri-şəffaf, ağ rəngli, möhtəviyyatı ağ və ya demək olar ki, ağ rəngli tozdan ibarət bərk jelatin kapsullardır.
Farmakoterapevtik qrupu
Virus əleyhinə sistem təsirli vasitə. Birbaşa təirli virus əleyhinə vasitə. Virus əleyhinə digər vasitələr.
ATC kodu: J05AX.
Farmakoloji xüsusiyyətləri
Farmakodinamikası
Təsir mexanizmi
Molnupiravir SARS-CoV-2 virusuna qarşı virus əleyhinə aktivliyə malik prodərmandır. Molnupiravir farmakoloji cəhətdən aktiv ribonukleosid trifosfat (NHC-TP) yaratmaq üçün fosforilləşdiyi hüceyrələrə paylanan ribonukleozid analoqu N-hidroksisitidinə (NHC) qədər metabolizə olunur. NHC-TP virus replikasiyası prosesi zamanı “səhvlər fəlakəti” kimi tanınan bir mexanizmlə fəaliyyət göstərir. NHC-TP-nin virus RNT polimerazası tərəfindən virus RNT-yə daxil olması, virus genomunda səhvlərin yığılmasına gətirib çıxarır ki, bu da replikasiyanın qarşısını alır. Virus əleyhinə aktivliyi
NHC, A-549 hüceyrələrində 0,67-2,66 mkM və Vero E6 hüceyrələrində 0,32-2,03 mkM arasında dəyişən 50% effektiv konsentrasiyalarla (EC50) SARS-CoV-2-yə qarşı hüceyrə kulturası analizlərində aktivlik nümayiş etdirmişdir. NHC, Alfa (B.1.1.7), Beta (B.1351), Qamma (P.1) və
Delta (B.1.617.2) SARS-CoV-2 variantlarına qarşı oxşar təsir göstərmişdir, və EC50 göstəriciləri müvafiq olaraq 1,59, 1,77, 1,32 və 1,68 mkM olmuşdur.
İn vitro tədqiqatlarda NHC digər virus əleyhinə preparatlarla (abakavir, emtrisitabin, hidroksixloroxin, lamivudin, nelfinavir, remdevir, ribavirin, sofosbuvir, tenofovir) birlikdə istifadə edildikdə NHC-nin SARS-CoV-2-yə qarşı virus əleyhinə aktivliyinə heç bir təsir qeyd olunmamışdır.
Farmakodinamik effektləri
NHC və hüceyrədaxili virus əleyhinə effektivliyə malik NHC-TP arasında qarşılıqlı əlaqə klinik olaraq qiymətləndirilməmişdir.
Rezistentlik
COVID-19-un müalicəsi üçün molnupiraviri qiymətləndirən faza II klinik tədqiqatlarında NHC-yə qarşı rezistentliklə əlaqəli SARS-CoV-2-də heç bir amin turşusu əvəz olunması müəyyən edilməmişdir. Hüceyrə kulturasında SARS-CoV-2 ilə NHC-yə qarşı rezistentlik mutasiyalarının seleksiyasını qiymətləndirmək üçün tədqiqatlar tamamlanmayıb.
Klinik effektivliyi və təhlükəsizliyi
Klinik məlumatlar faza III MOVe-OUT tədqiqatında 775 randomizə edilmiş subyektin məlumatlarının aralıq təhlilinə əsaslanır. MOVe-OUT – ağır COVID-19-a keçmə və/və ya xəstəxanaya yerləşdirmə riski altında olan yüngül və orta dərəcəli COVID-19 ilə xəstəxanaya yerləşdirilməyən pasiyentlərin müalicəsi üçün molnupiraviri öyrənən, randomizə edilmiş, plasebo- nəzarətli, ikiqat kor klinik sınaq idi. Tədqiqata daxil edilmə meyarları 18-dən yuxarı yaş, xəstəliyin inkişafı üçün bir və ya daha çox əvvəlcədən müəyyən edilmiş risk faktorların mövcüdluğu (60-dan yuxarı yaş, diabet, piylənmə (bədən çəkisinin indeksi > 30), xroniki böyrək xəstəliyi, ciddi ürək xəstəlikləri, xroniki obstruktiv ağciyər xəstəliyi və ya aktiv xərçəng) olmuşdur. Tədqiqata SARS- CoV-2-yə qarşı peyvənd olunmayan və SARS-CoV-2 infeksiyası laboratoriya tərəfindən təsdiqlənmiş və qeydiyyatdan sonra 5 gün ərzində simptomların başlanğıcı olan simptomatik subyektlər daxil edilmişdir. Subyektlər 5 gün ərzində gündə iki dəfə 800 mq molnupiravir və ya plasebo qəbul etmək üçün 1: 1 nisbətində randomizə edilmişdir. Tədqiqatın başlanğıcında, bütün randomizə edilmiş subyektlərdə orta yaş 44 (aralıq: 18-88 yaş) idi; subyektlərin 14%-i 60 yaşdan yuxarı, 3%-i isə 75 yaşdan yuxarı idi; subyektlərin 52%-i kişi idi; 52% ağ, 6% qara və ya afroamerikalı, 2% asiyalı idi; 58% ispan və ya latinoamerikalı idi. Subyektlərin 49%-i COVID-19 simptomunun başlanmasından sonra 3 gün ərzində molnupiravir və ya plasebo qəbul etmişdir.
Ən çox görülən risk faktorları piylənmə (77%), 60-dan yuxarı yaş (14%) və diabet (14%) olmuşdur. Ümumilikdə, ilkin demoqrafik və xəstəlik xüsusiyyətləri müalicə qrupları arasında yaxşı balanslaşdırılmışdır.
Cədvəl 1-də əsas son nöqtənin nəticələri təqdim edilib (hər hansı səbəbdən xəstəxanaya yerləşdirilən və ya 29-cu günə qədər vəfat edən subyektlərin faizi). Molnupiravir ilə müalicə xəstəxanaya yerləşdirmə və ya ölüm riskinin 6,8% azalması ilə nəticələnmişdir (müvafiq riskin təxminən 50% azalması). 29-cu gündə ölən 8 subyektin hamısı plasebo qrupundan idi və ölümdən öncə xəstəxanaya yerləşdirilmişdir.
Cədvəl 1. COVID-19 ilə xəstəxanaya yerləşirilməmiş böyüklərdə effektivliyin aralıq nəticələri
Molnupiravir (N = 385),
n (%) Plasebo (N = 377), n (%) Risk fərqi* (95% CI) Statistik əhəmiyyəti (p-
göstəricisi)
29 gün ərzində xəstəxanaya
yerləşdirilmənin və ya 28 (7,3%) 53 (14,1%) -6,8 0,0012
ölümün bütün səbəbləri+ (-11.3, -2.4)
Xəstəxanaya yerləşdirilmə 28 (7,3%) 52 (13,8%)
Ölüm 0 (0%) 8 (2,1%)
Məlum deyil^ 0 (0%) 1 (0,3%)
*Miettinen və Nurminen metoduna əsaslanan molnupiravir-plasebo fərqi riski, COVID-19 simptomunun başlanması zamanı (≤ 3 günlə müqayisədə > 3 [4-5] günə görə təbəqələşdirilir).
+ Xəstəxanada və ya təcili yardım şöbəsində ≥ 24 saat ərzində təcili yardımın göstərilməsi.
^ 29-cu gündə naməlum statusu olan subyektlər effektivlik təhlilində bütün səbəblərə görə xəstəxanaya yerləşdirmə və ya ölümlə nəticələnmiş kimi hesab olunurlar.
Qeyd: 29-cu gündə ölən bütün subyektlər ölümdən əvvəl xəstəxanaya yerləşdirilmişdir.
Effektivlik nəticələri yaş (>60 yaş), risk altında olan tibbi vəziyyətlər (məsələn, piylənmə, diabet) və SARS-CoV-2 variantları da daxil olmaqla subqruplar üzrə eyni idi.
Uşaqlar
Uşaqlarda molnupiravirin istifadəsi haqqında məlumat üçün " İstifadə qaydası və dozası" bölməsinə baxın.
Farmakokinetikası
Molnupiravir sistem qan dövranına keçmədən öncə NHC-yə qədər hidroliz olunan 5´-izobutiratın prodərmanıdır. NHC-nin farmakokinetikası sağlam insanlarda və COVID-19 pasiyentlərində oxşardır. Hər 12 saatdan bir 800 mq molnupiravir qəbulundan sonra NHC-nin tarazlıq vəziyyətində farmakokinetikası aşağıda Cədvəl 2-də təqdim olunmuşdur.
Cədvəl 2. Hər 12 saatdan bir 800 mq molnupiravir qəbulundan sonra NHC farmakokinetikası
NHC orta həndəsi (%CV)
AUC0-12saat (nq×saat/ml)* Cmax (nq/ml)** C12saat (nq/ml)*
8260 (41,0) 2970 (16,8) 31,1 (124)
(%CV): dəyişikliyin həndəsi əmsalı
AUC0-12saat : preparatın qəbulundan 12 saata qədər “konsentrasiya-zaman” əyrisi altında sahə. Cmax: plazmada maksimal konsentrasiyası.
C12ч: qəbulundan 12 saat sonra plazmada maksimal konsentrasiyası.
*populyasion farmakokinetika analizlərdən əldə olunmuş göstəricilər.
**göstəricilər faza I tədqiqatında sağlam subyektlərdən əldə olunmuşdur.
Absorbsiyası
800 mq molnupiravir gündə iki dəfə daxilə qəbul edildikdən sonra NHC konsentrasiyasının pik plazma orta vaxtı (Tmax) 1,5 saat olmuşdur.
Qida qəbulunun peroral absorbsiyaya təsiri
Sağlam insanlarda 200 mq birdəfəlik molnupiravir dozasının yüksək yağlı yeməklə qəbulu NHC- nin pik konsentrasiyalarının (Cmax) 35% azalması ilə nəticələnmişdir, həmçinin bu “konsentrasiya- zaman” əyrisi altında sahəyə (AUC) əhəmiyyətli dərəcədə təsir göstərməmişdir.
Paylanması
NHC plazma zülalları ilə birləşmir.
Xaric olması
NHC-nin effektiv yarımxaricolma dövrü təxminən 3,3 saatdır. Sağlam könüllülərdə sidikdə NHC şəklində ifraz olunan dozanın payı ≤ 3% təşkil etmişdir.
Digər xüsusi pasiyent qrupları Cins, irq və yaş
Populyasion farmakokinetik analizlər göstərdi ki, yaş, cins, irq və etnik mənsubiyyət NHC-nin farmakokinetikasına xüsusi təsir göstərmir.
Uşaqlar
Molnupiravirin uşaqlarda istifadəsi öyrənilməmişdir.
Böyrək çatışmazlığı
Böyrək klirensi NHC üçün xaricolma yolu deyildir. Hər hansı dərəcədə böyrək çatışmazlığı olan pasiyentlərdə dozanın dəyişdirilməsinə ehtiyac yoxdur. Populyasion farmakokinetik analizdə,yüngül və ya orta dərəcəli böyrək çatışmazlığı NHC-nin farmakokinetikasına əhəmiyyətli təsir göstərməmişdir. Molnupiravir və NHC-nin farmakokinetikası yumaqcıq filtrasiyanın sürəti (eGFR) 30 ml/dəq-dən az olan və ya dializdə olan pasiyentlərdə qiymətləndirilməmişdir.
Qaraciyər çatışmazlığı
Qaraciyər çatışmazlığı olan pasiyentlərdə molnupiravir və NHC-nin farmakokinetikası qiymətləndirilməmişdir. Klinikadan əvvəlki məlumatlar göstərir ki, qaraciyərlə eliminasiyanın NHC-nin əsas xaricolma yolu olması gözlənilmir, buna görə də qaraciyər çatışmazlığının NHC-nin xaricolmasına təsir göstərmə ehtimalı azdır. Qaraciyər çatışmazlığı olan pasiyentlərdə dozanın dəyişdirilməsinə ehtiyac yoxdur.
İstifadəsinə göstərişlər
SARS-COV-2 diaqnostik testlə təsdiqlənən və xəstəliyin ağırlaşmasına səbəb ola biləcək ən azı bir risk faktoru olan böyüklərdə yüngül və orta dərəcəli ağırlığı olan yeni koronavirus xəstəliyinin (COVID-19) müalicəsi.
Əks göstərişlər
Preparatın istənilən komponentinə qarşı hiperhəssaslıq.
Xüsusi göstərişlər və ehtiyat tədbirləri
Natrium
Molnumedin 4 kapsuldan ibarət olan birdəfəlik dozasının tərkibində 1 mmol-dan az olmayaraq (23 mq) natrium vardır, daha doğrusu praktik olaraq “tərkibində natrium yoxdur”.
Digər dərman vasitələri ilə qarşılıqlı təsiri
Mövcud məhdud məlumatlar əsasında heç bir dərman qarşılıqlı təsiri müəyyən edilməmişdir. Molnupiravir ilə qarşılıqlı təsirə dair heç bir klinik tədqiqat aparılmamışdır. Molnupiravir sistem qan dövranına keçməzdən əvvəl NHC-ə qədər metabolizə olunur. NHC-nin hüceyrələrlə qəbulu və NHC-TP-yə qədər metabolizmi endogen pirimidin mübadiləsində iştirak edən eyni yollarla baş verir. NHC dərman vasitələrin metabolizmində iştirak edən əsas fermentlərin və ya zülal- daşıyıcıların substratı hesab olunmur. İn vitro tədqiqatlara əsasən, nə molnupiravir, nə də NHC, dərman vasitələrin metabolizmində iştirak edən əsas fermentlərin inhibitorları və ya induktorları və ya zülal-daşıyıcılarının inhibitorları deyildir. Bu səbəbdən molnupiravir və ya NHC-nin eyni vaxtda qəbul edilən dərman vasitələri ilə qarşılıqlı təsirinin ehtimalı azdır.
Hamiləlik və laktasiya dövründə istifadəsi
Hamiləlik
Molnupiravirin hamilə qadınlarda istifadəsinə dair məlumatlar yoxdur. Heyvanlar üzərində aparılan tədqiqatlar reproduktiv toksikliyi nümayiş etdirmişdir.
Molnupiravir hamiləlik dövründə istifadəsi tövsiyə olunmur. Doğum potensialına malik olan qadınlar müalicə müddətində və molnupiravirin sonuncu dozasının qəbulundan sonra 4 gün müddətində effektiv kontrasepsiya vasitələrindən istifadə etməlidirlər.
Laktasiya
Molnupiravirin və ya onun metabolitlərinin ana südünə nüfuz edilməsi məlum deyildir. Molnupiravirin ana südü ifrazına və ya ana südü ilə qidalanan körpəyə təsiri məlum deyildir. Heyvanlar üzərində aparılan tədqiqatlarda, molnupiravir qəbul edən siçovul südü ilə qidalanan siçovul balalarının plazmasında NHC aşkar edilmişdir.
Molnupiravirin körpələrdə əlavə təsirlər yaratma potensialına əsaslanaraq, müalicə zamanı və molnupiravirin son dozasından sonra 4 gün ərzində ana südü ilə qidalandırmaq tövsiyə edilmir. Fertillik
İnsanlarda tövsiyə olunan dozadan təqribən 2 və 6 dəfə çox NHC təsirinə məruz qalması zamanı dişi və ya erkək siçovulların fertilliyinə heç bir təsiri olmamışdır.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Avtonəqliyyat və mexanizmləri idarə qabiliyyətinə təsirini öyrənən tədqiqatlar aparılmamışdır.
İstifadə qaydası və dozası
Dozası Böyüklər
Molnupiravirin tövsiyə olunan dozası 800 mq (dörd 200 mq kapsul) daxilə hər 12 saatdan bir 5 gün müddətində təşkil edir.
5 gündən artıq müddətdə molnupiravirin təyin olunmasının təhlükəsizliyi və effektivliyi sübut olunmamışdır.
Molnupiravir COVID-19 diaqnozu qoyulduqdan sonra mümkün qədər tez bir zamanda və simptomların başlanmasından sonra 5 gün ərzində təyin olunmalıdır.
Unudulan doza
Molnupiravirin dozasının qəbul edildiyi vaxtdan sonra 10 saat ərzində qəbulu unudulduqda, pasiyent mümkün qədər tez bir zamanda onu qəbul etməli və normal dozalanma cədvəlinə davam etməlidir. Pasiyent bir dozanı 10 saatdan çox qaçırarsa, buraxılmış dozanı qəbul etməməli və bunun əvəzinə müntəzəm olaraq təyin olunmuş vaxtda növbəti dozanı qəbul etməlidir. Buraxılmış dozanı kompensasiya etmək üçün ikiqat doza qəbul edilməməlidir.
Xüsusi pasiyentlər qrupları Yaşlı pasiyentlər
Yaşlı pasiyentlərdə dozanın tənzimlənməsinə ehtiyac yoxdur.
Böyrək funksiyasının pozğunluğu olan pasiyentlər
Böyrək çatışmazlığı olan pasiyentlərdə dozanın tənzimlənməsi tələb olunmur.
Qaraciyər funksiyasının pozğunluğu olan pasiyentlər
Qaraciyər çatışmazlığı olan pasiyentlərdə dozanın tənzimlənməsi tələb olunmur.
Uşaqlar
18 yaşdan kiçik uşaqlar və yeniyetmələrdə preparatın istifadəsinin təhlükəsizliyi və effektivliyi təyin olunmamışdır. Məlumatlar yoxdur.
İstifadə qaydası
Daxilə qəbul üçün nəzərdə tutulub.
Molnumed kapsullarını qida qəbulundan asılı olmayaraq qəbul etmək olar.
Kapsulları bütöv şəkildə, kifayət miqdarda maye ilə (məsələn, bir stəkan su ilə) qəbul etmək lazımdır. Kapsulları açmaq, əzmək və ya çeynəmək olmaz.
Əlavə təsirləri
Təhlükəsizlik profilinin qısa xülasəsi
Molnupiravir ilə müalicə olunan yüngül və orta dərəcəli COVID-19 xəstəliyi olan subyektlərin iştirakı ilə aparılan faza III tədqiqatının aralıq təhlilində (n = 386), müalicə zamanı və son dozadan sonra 14 gün ərzində ən çox görülən əlavə təsirlər (subyektlərin ≥ 1%-i) ishal (3%), ürəkbulanma (2%), başgicəllənmə (1%) və baş ağrısı (1%) olmuşdur, bunların hamısı yüngül və ya orta dərəcəli idi.
Əlavə təsirlər MedDRA sistem orqan siniflərinə uyğun olaraq aşağıda verilmişdir. Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil).
Sinir sistemi tərəfindən: tez-tez - başgicəllənmə, baş ağrısı.
Mədə-bağırsaq traktı tərəfindən: tez-tez - ishal, ürəkbulanma; bəzən – qusma. Dəri və dərialtı toxumalar tərəfindən: bəzən - səpgi, övrə.
Şübhəli əlavə təsirlərin bildirilməsi
Dərman vasitəsinin qeydiyyatından sonrakı dövrdə şübhəli əlavə reaksiyalar barədə məlumat vermək vacibdir. Pasiyentdə ciddi əlavə təsir və ya bu bölmədə qeyd edilməyən yeni əlavə təsir baş verdikdə, Milli Farmakonəzarət Sistemi vasitəsilə məlumat vermələri xahiş olunur.
Doza həddinin aşılması
Molnupiravirin doza həddinin aşılması halları barədə məlumat yoxdur. Molupiravirin doza həddinin aşılmasının müalicəsini pasiyentin klinik vəziyyətinin monitorinqi daxil olmaqla, ümumi dəstəkləyici tədbirlər əsasında aparmaq məsləhət görülür. Hemodializin NHC-nin effektiv eliminasiyasına səbəb olmayacağı ehtimal edilir.
Buraxılış forması
40 kapsul burulan plastik qapaqlı yüksək sıxlıqlı polietilen flakonda. 1 flakon içlik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan, orijinal qutusunda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/Qeydiyyat vəsiqəsinin sahibi
“WORLD MEDICINE İLAÇ SAN. VE TİC. А.Ş.”, TURKEY
15 Temmuz Mah. Cami Yolu Cad. No: 50 Güneşli Bağcılar/İstanbul.