Pharmed
Metaspan 4 mq 1 ml N3 ampul
METASPAN 4 mq/1 ml inyeksiya üçün məhlul
METASPAN
Beynəlxalq patentləşdirilməmiş adı: Betamethasone
Tərkibi
Təsiredici maddə: 1 ampulda 5,263 mq betametazon natrium fosfat (4 mq betametazona
ekvivalent) vardır.
Köməkçi maddələr:fenol, natrium sitrat dihidrat, susuz limon turşusu, inyeksiya üçün su.
Farmakoterapevtik qrupu
Qlükokortikoidlər.
İstifadəsinə göstərişlər
İstifadə olunduğu təhlükəli hallar: şok (cərrahi və travmatik, yanıq nəticəsində); kəskin anafilaktik
və allergik reaksiyalar (boğazın ödemi, dərmanlara qarşı və qan köçürülməsindən sonrakı allergiya);
astma halları; böyrəküstü vəzinin kəskin çatışmazlığı, Addison xəstəliyi, Simmonds xəstəliyi,
böyrəküstü vəzinin götürülməsi və ya kortikosteroidlərin uzunmüddətli qəbuluna görə böyrəküstü
vəzilərin supressiyası; “tennis dirsəyi” kimi tanınan yumşaq toxumaların zədələnmələri və ÇİYİN oynağının periartriti zamanı (yerli inyeksiya formasında). Betametazon şok və astmanın
müalicəsində istifadə olunan digər preparatları əvəz etmir, amma onların effektivliyini artırır.
Daxilə qəbulun əvəz edilməsi: kortikosteroid preparatları daxilə qəbul etmək mümkün olmadığı
hallarda (qusma, davamlı ishal hallarında, üz-çənə cərrahi əməliyyatlardan sonra).
Əks göstərişlər
Preparatın tərkibində olan maddələrə qarşı yüksək həssaslıq reaksiyaları. Spesifik infeksiyaəleyhinə
müalicə aparılmadığı hallarda sistem infeksiyalar. Yüksək dozalarda kortikoidlər qəbul edən
xəstələrdə nevroloji əlavə təsirlərin və qeyri-kafi anticisim reaksiyalarının yaranma ehtimalı olduğu
üçün zəifləmiş viruslarla immunizasiya və digər immunizasiya tədbirləri aparılmamalıdır.
Betametazon birbaşa vətərlərə yeridilməməlidir.
Hamiləlik və laktasiya dövründə istifadəsi
Hamilə qadınlara yalnız ciddi zərurət olduqda, həkim nəzarəti altında istifadə olunur.
Hamiləlik dövründə istifadə zamanı hormonların səviyyəsinin azalması aşkar olunub. Amma bu
dəyişikliklərin əhəmiyyəti öyrənilməyib. Tədqiqatlar, vaxtından əvvəl doğuş riski olan qadınlarda,
betametazonun qısamüddətli antenatal istifadəsi nəticəsində neonatal hipoqlikemiya riskinin yüksək
olmasını göstəriblər. Hamiləlik dövrünün sonunda betametazon qəbul edən qadınların
yenidoğulmuş körpələrində qanda şəkərin səviyyəsi aşağı ola bilər.
Ana südü ilə xaric olduğu üçün kortikoidlərin laktasiya dövründə yüksək dozalarda istifadəsinə
yalnız ciddi zərurət olduqda yol verilə bilər.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Müalicə dövründə nəqliyyat idarə etməkdən və yüksək diqqət və sürətli psixomotor reaksiyalar
tələb edən digər potensial təhlükəli fəaliyyət növləri ilə məşğul olmaqdan çəkinmək lazımdır.
Preparat nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsir etmir.
İstifadə qaydası və dozası
İnyeksiya üçün kortikosteroidlərlə müalicə zamanı dozalanma xəstəliyin gedişatı və pasiyentin
müalicəyə fərdi reaksiyasından asılıdır. Adətən birdəfəlik doza 4 mq təşkil edir və arzuolunan
terapevtik nəticə əldə olunana qədər təkrarlanır. Bəzi hallarda birdəfəlik inyeksiya üçün doza 10-15 mq və ya artıq ola bilər; bu doza gün ərzində hər 3-4 saatdan bir təyin oluna bilər. Lazım olduqda preparat standart infuziya üçün məhlullara əlavə oluna bilər.
Metaspan ampullarda təcili və güclü təsir tələb edən hallarda əzələdaxili və venadaxili istifadə üçün.lazım olan miqdarda natrium vardır.Metaspan ampulları, xüsusi terapevtik tələblərə görə də xərçəng ocağı daxilinə, oynaqdaxili, endoplevral, göz damcısı və aerozol şəklində istifadə oluna bilər. Belə hallarda Metaspan AMPULLARI yüksək təsirli, orqanizm tərəfindən yaxşı mənimsənilən kortizonun steril məhlulunun bütün müsbət keyfiyyətlərini özündə əks etdirir.
Buraxılış forması
1 ml məhlul ampulda. 3 ampul içlik vərəqə ilə birlikdə karton qutuya qablaşdırılır.
Saxlanma şəraiti
25°C temperaturdan yüksək olmayan, işıqdan qorumaqla və uşaqların əli çatmayan yerdə saxlamaq
lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
LABORATORİO FARMACOLOGİCO MİLANESE S.R.L.
via Monterosso 273 – 21042 Caronno Pertusella (Va) – Italy.
Qeydiyyat vəsiqəsinin sahibi
Laboratorio Farmacologico Milanese s.r.l.,
Via Monterosso 273, 21042 Caronno Pertusella (Varese) Italy.