Pharmed
MELARENA 3MG N30 TB
MELARENA® örtüklü tabletlər MELARENA®
Beynəlxalq patentləşdirilməmiş adı: Melatonin
Tərkibi
Təsiredici maddə: 1 tabletin tərkibində 0,30 mq və ya 3,00 mq melatonin vardır.
Köməkçi maddələr:kalsium hidrofosfat dihidrat, mikrokristallik sellüloza, natrium kroskarmelloza, povidon K 25, kolloidal silisium dioksid, talk, kalsium stearat.
Örtük: 0,3 mq: hipromelloza, trietilsitrat, titan dioksid.
3 mq: hipromelloza, makroqol-400, titan dioksid, göy alüminium lakı FD&C № 2 (E132), göy alüminium lakı FD&C № 1 (E133), xinolin sarısı lakı (E104),
qara dəmir oksidi boya maddəsi (E172).
Təsviri
Dairəvi formalı, hər iki tərəfi qabarıq, ağ rəngdən demək olar ki, ağ rəngə (0,3 mq doza üçün) və ya mavi rəngə qədər (3 mq doza üçün) örtüklü tabletlərdir. Tabletin nüvəsi ağ rəngdən demək olar ki, ağ rəngə qədərdir.
Farmakoterapevtik qrupu
Adaptogen vasitə.
ATC kodu: N05CH01.
Farmakoloji xüsusiyyətləri
Farmakodinamikası
Melatonin əzgiləbənzər cismin (epifiz) hormonunun sintetik analoqudur; adaptogen, sedativ,
yuxugətirici təsir göstərir. Sirkad ritmləri normallaşdırır. Orta beyində və hipotalamusda qamma- aminoyağ turşusunun (QAYT) və serotoninin konsentrasiyasını yüksəldir, QAYT-ın, dofaminin və serotoninin sintezində iştirak edən piridoksalkinazanın aktivliyini dəyişir. Yuxu-ayıqlıq siklini,
lokomotor aktivliyin və bədən temperaturunun sutka ərzində dəyişməsini tənzimləyir, beynin intellektual-mnestik funksiyasına, emosional-şəxsi sferaya müsbət təsir göstərir. Bioloji ritmin təşkilinə və gecə yuxusunun normallaşmasına səbəb olur. Yuxunun keyfiyyətini yaxşılaşdırır,
yuxuyagetməni sürətləndirir, gecə oyanmalarının sayını azaldır, səhər ayılmasından sonra əhval- ruhiyyəni yaxşılaşdırır, oyanma zamanı zəiflik, əzginlik və yorğunluq hissiyyatına səbəb olmur. Yuxugörməni parlaq və emosional cəhətdən zəngin edir.
Orqanizmi saat qurşaqlarının tez dəyişməsinə adaptasiya edir, stress reaksiyalarını azaldır,
neyroendokrin funksiyanı tənzimləyir. Meteohəssas şəxslərin orqanizmini dəyişkən hava şəraitinə adaptasiya edir. İmmunostimuləedici və antioksidant təsir göstərir. Qonadotropinlərin, az dərəcədə isə digər adenohipofiz hormonların (kortikotropin, tireotrop hormon, somatotrop hormon)
sekresiyasını tormozlayır. Vərdişolma və asılılıq yaratmır.
Farmakokinetikası
Absorbsiyası
Peroral qəbulundan sonra melatonin mədə-bağırsaq traktından sürətlə sorulur. Yaşlılarda sorulma dərəcəsi 50% azala bilər. 2-8 mq diapazonunda melatoninin kinetikası xəttidir. Peroral olaraq 3 mq dozada qəbul edildikdə qan plazmasında və ağız suyunda Cmax müvafiq olaraq 20 dəqiqə və 60
dəqiqədən sonra əldə edilir. Qan zərdabında maksimal konsentrasiyasına çatma vaxtı Tmax 60
dəqiqədir (normal diapazon 20-90 dəqiqədir). 3-6 mq melatoninin qəbulundan sonra qan zərdabında maksimal konsentrasiyası Cmax, bir qayda olaraq, gecə qan zərdabında endogen melatoninin
konsentrasiyasından 10 dəfə çoxdur. Eyni zamanda qida qəbulu melatoninin absorbsiyasını ləngidir.
Biomənimsənilməsi
Melatoninin oral biomənimsənilməsi 9%-dən 33%-ə qədər dəyişir (təxminən 15% təşkil edir).
Paylanması
In vitro tədqiqatlarda melatoninin plazma zülalları ilə bağlanması 60% təşkil edir. Melatonin əsasən albumin, 1-turşu qlikoprotein və yüksək sıxlıqlı lipoproteinlərlə birləşir. Paylanma həcmi Vd təxminən 35 litrdir. Ağız suyunda sürətlə paylanır və hematoensefalik baryerdən keçir, plasentada müəyyən edilir. Serebrospinal mayesində konsentrasiyası plazmada olandan 2,5 dəfə aşağıdır.
Biotransformasiyası
Melatonin ilk növbədə qaraciyərdə metabolizmə uğrayır. Qəbul edildikdən sonra melatonin
qaraciyərdən ilkin keçid zamanı əhəmiyyətli dərəcədə dəyişir, burada hidroksilləşir və sulfat və qlükuronid ilə birləşərək 6-sulfatoksimelatonin əmələ gəlir; ilk keçid metabolizminin səviyyəsi 85%
-ə çata bilər. Eksperimental tədqiqatlar göstərir ki, sitoxrom P450 sisteminin CYP1A1, CYP1A2 və ehtimal ki, CYP2C19 izofermentləri melatonin metabolizmi prosesində iştirak edir. Melatoninin
əsas metaboliti 6-sulfatoksimelatonin qeyri-aktivdir.
Xaric olması
Melatonin orqanizmdən böyrəklər tərəfindən xaric edilir. Melatoninin orta yarımxaricolma dövrü (T1/2) 45 dəqiqə təşkil edir. Xaricolunma sidiklə həyata keçirilir, təxminən 90% 6- hidroksimelatoninin sulfat və qlükuron konyuqatları şəklində, təxminən 2-10% isə dəyişməz şəkildə xaric olunur.
Farmakokinetik parametrlərə yaş, kofeinin qəbulu, siqaretçəkmə, oral kontraseptivlərin qəbulu təsir göstərir. Ağır vəziyyətdə olan pasiyentlərdə sürətlənmiş absorbsiya və eliminasiyanın pozğunluğu müşahidə olunur.
Yaşlı pasiyentlər
Melatoninin metabolizminin yaşla zəifləməsi məlumdur. Yaşlılarda melatoninin müxtəlif
dozalarında konsentrasiya-zaman əyrisi altında olan sahənin (AUC) və Cmax –ın daha yüksək dəyərləri əldə edilmişdir ki, bu da bu qrup pasiyentlərdə melatonin metabolizminin azaldığını göstərir.
Böyrək funksiyasının pozğunluğu olan pasiyentlər
Uzunmüddətli müalicə zamanı melatoninin kumulyasiyası müşahidə edilməmişdir. Bu məlumatlar insanlarda melatoninin qısa yarımxaricolma dövrü ilə uyğun gəlir.
Qaraciyər funksiyasının pozğunluğu olan pasiyentlər
Qaraciyər melatoninin metabolizmində iştirak edən əsas orqandır, bu səbəbdən qaraciyər
xəstəlikləri endogen melatoninin konsentrasiyasının artmasına səbəb olur. Qaraciyər sirrozu olan pasiyentlərdə melatoninin plazma konsentrasiyası gündüz əhəmiyyətli dərəcədə artır.
İstifadəsinə göstərişlər
Tabletlər 0,3 mq
Profilaktika və kurs müalicəsi:
- Yer kürəsinin saat qurşaqları arasında sürətli yerdəyişmə nəticəsində desinxronoz (normal sirkad ritmin pozulması); işıq rejiminin pozulması, o cümlədən, növbəli və ya yerdəyişməli əməklə məşğul olan şəxslərdə.
- Meteohəssaslıq.
- Zəiflik, yuxu pozğunluğu (o cümlədən, yaşlı pasiyentlərdə).
- Depressiv sindrom.
Tabletlər 3 mq
- Yer kürəsinin saat qurşaqları arasında sürətli yerdəyişmə nəticəsində desinxronoz (normal sirkad ritmin pozulması); işıq rejiminin pozulması, o cümlədən, növbəli və ya yerdəyişməli əməklə məşğul olan şəxslərdə.
- Yuxu pozğunluqları.
Əks göstərişlər
Melatoninə və preparatın digər komponentlərinə qarşı hiperhəssaslıq; autoimmun xəstəliklər, allergik xəstəliklər; limfoqranulomatoz, leykoz, limfoma, mieloma, epilepsiya, şəkərli diabet, xroniki böyrək çatışmazlığı; böyrək funksiyasının ağır pozğunluqları (3 mq dozada); qaraciyər çatışmazlığı; hamiləlik, laktasiya dövrü; 18 yaşa qədər uşaqlar və yeniyetmələr (istifadənin effektivliyi və təhlükəsizliyi müəyyən edilməmişdir).
Xüsusi göstərişlər və ehtiyat tədbirləri
Melarena® preparatı ilə müalicə dövründə parlaq işıq altında olmaqdan çəkinmək lazımdır.
Hamiləliyi planlaşdıran qadınlara preparatın zəif kontraseptiv təsirə malik olması barədə məlumat vermək vacibdir.
Autoimmun xəstəlikləri olan pasiyentlərdə melatoninin istifadəsi ilə bağlı heç bir klinik məlumat yoxdur və bu səbəbdən bu kateqoriyaya aid pasiyentlərdə istifadəsi tövsiyə edilmir.
Alkoqol melatoninin effektivliyini azaldır və bu səbəbdən preparatla eyni zaman qəbul edilməməlidir.
Yaşla, melatoninin metabolizmi zəifliyir, bu da yaşlı pasiyentlər üçün dozalanma rejiminin seçilməsi zamanı nəzərə alınmalıdır.
Digər dərman vasitələri ilə qarşılıqlı təsiri
Farmakokinetik qarşılıqlı təsiri
Məlumdur ki, terapevtik konsentrasiyadan əhəmiyyətli dərəcədə yüksək olan konsentrasiyalarda melatonin in vitro CYP3A izofermentini induksiya edir. Bu fenomenin klinik əhəmiyyəti tam aydınlaşdırılmamışdır. İnduksiya əlamətlərinin inkişafı halında, eyni vaxtda istifadə olunan preparatların dozasının azaldılmasına diqqət yetirilməlidir.
Terapevtik konsentrasiyadan əhəmiyyətli dərəcədə yüksək konsentrasiyalarda melatonin in vitro CYP1A qrupunun izofermentlərini induksiya etmir. Bu səbəbdən melatoninin CYP1A qrupunun izofermentlərinə təsiri nəticəsində melatoninin digər preparatlarla qarşılıqlı təsiri əhəmiyyətsizdir. Melatoninin metabolizmi əsasən CYP1A izofermentləri tərəfindən həyata keçirilir. Bu səbəbdən melatoninin CYP1A qrupunun izofermentlərinə təsiri nəticəsində digər preparatlarla qarşılıqlı təsiri mümkündür.
CYP1A2 və CYP2C19 sitoxrom P450 (CYP) izofermentləri tərəfindən melatoninin metabolizminin tormozlanması hesabına onun konsentrasiyasını (AUC 17 dəfə və Cmax 12 dəfə artması) artıran
fluvoksamin qəbul edən pasiyentlərdə ehtiyatlı olmaq lazımdır. Bu cür kombinasiyadan qaçınmaq lazımdır.
Melatoninin metabolizmini inhibə etməsi səbəbindən onun konsentrasiyasını artıran 5- və 8- metoksipsoralen qəbul edən pasiyentlərdə ehtiyatlı olmaq lazımdır.
Simetidin (CYP2D izofermentlərinin inhibitoru) qəbul edən pasiyentlərdə ehtiyatlı olmaq lazımdır, çünki melatonini inhibə edərək onun plazmada səviyyəsini artırır.
Siqaretçəkmə CYP1A2 izofermentinin induksiyası səbəbindən melatoninin konsentrasiyasını azalda bilər.
Melatoninin CYP1A1 və CYP1A2 izofermentləri ilə metabolizmini inhibə edilməsi səbəbindən onun konsentrasiyasını artıran estrogenləri (məsələn, kontraseptivlər və ya hormonal əvəzedici terapiya) qəbul edən pasiyentlərdə ehtiyatlı olmaq lazımdır. Xinolonlar kimi CYPA2 izofermentlərinin inhibitorları melatoninin ekspozisiyasını artıra bilər.
CYP1A2 izofermentinin induktorları, məsələn, karbamazepin və rifampisin, melatoninin plazma konsentrasiyasını azalda bilər.
Müasir ədəbiyyatda adrenergik və opioid reseptor aqonistləri / antaqonistləri, antidepressantlar, prostaqlandin inhibitorları, benzodiazepinlər, triptofan və alkoqolun endogen melatoninin ifrazına təsiri ilə bağlı çoxlu məlumatlar vardır. Bu preparatların melatoninin dinamikasına və ya kinetikasına qarşılıqlı təsiri ilə bağlı tədqiqatlar aparılmamışdır.
Farmakodinamik qarşılıqlı təsiri
Melatoninin qəbulu zamanı, alkoqol qəbul olunmamalıdır, çünki bu, preparatın effektivliyini azaldır.
Melatonin zaleplon, zolpidem və zopiklon kimi benzodiazepin və qeyri-benzodiazepin yuxugətirici preparatların sedativ təsirini gücləndirir. Klinik tədqiqatda, onların qəbulundan bir saat sonra
melatonin və zolpidem arasında keçici farmakodinamik qarşılıqlı təsirin aydın əlamətləri qeyd
olunmuşdur. Kombinəolunmuş istifadə zolpidemlə monoterapiya ilə müqayisədə diqqətin, yaddaşın və koordinasiyanın proqressivləşən pozulmasına səbəb ola bilər.
Tədqiqatlarda melatonin mərkəzi sinir sisteminə təsir edən preparatlar olan tioridazin və imipramin ilə birlikdə tətbiq edilmişdir. Heç bir halda klinik əhəmiyyətli farmakokinetik qarşılıqlı təsir
müşahidə edilməmişdir. Bununla belə, melatoninlə eyni vaxtda qəbulu imipraminlə monoterapiya ilə müqayisədə sakitlik hissinin artmasına və müəyyən tapşırıqların yerinə yetirilməsinin
çətinləşməsinə, eləcə də tioridazinlə monoterapiya ilə müqayisədə “beynin dumanlanması” hissinin artmasına səbəb olmuşdur.
Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi əks göstərişdir.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Müalicə dövründə nəqliyyat idarə etməkdən və yüksək diqqət və sürətli psixomotor
reaksiyalar tələb edən digər potensial təhlükəli fəaliyyət növlərilə məşğul olmaqdan çəkinmək lazımdır (yuxululuq yaranma riski).
İstifadə qaydası və dozası
Preparat daxilə qəbul olunur. Tabletlər 0,3 mq
1 tablet sutkada bir dəfə yatmazdan 30-40 dəqiqə əvvəl. Müalicə kursunun müddəti fərdi olaraq müəyyən edilir (6 həftədən 8 həftəyə qədər). Təkrar kurslar mümkündür.
Tabletlər 3 mq
Yuxu pozğunluğu, desinxronoz halında - yatmazdan 30-40 dəqiqə əvvəl sutkada bir dəfə 1 tablet.
Saat qurşaqlarının dəyişməsi zamanı adaptogen kimi istifadə edildikdə uçuşdan 1 gün əvvəl və sonrakı 2-5 gün yatmazdan 30-40 dəqiqə əvvəl 3 mq təyin edilir.
Maksimal sutkalıq doza 6 mq təşkil edir.
Yaşlı pasiyentlər
Yaşla, melatoninin metabolizmi zəifliyir, bu da yaşlı pasiyentlər üçün dozalanma rejiminin
seçilməsi zamanı nəzərə alınmalıdır. Bunu nəzərə alaraq, yaşlı pasiyentlərdə preparatı yatmazdan 60-90 dəqiqə əvvəl qəbul etmək olar.
Böyrək çatışmazlığı
Müxtəlif dərəcəli böyrək çatışmazlığının melatoninin farmakokinetikasına təsiri öyrənilməmişdir, bu səbəbdən belə pasiyentlərdə melatonindən ehtiyatla istifadə edilməlidir. Ağır böyrək çatışmazlığı olan pasiyentlərdə preparatın istifadəsi tövsiyə edilmir.
Qaraciyər çatışmazlığı
Qaraciyər funksiyasının pozğunluğu olan pasiyentlərdə melatoninin istifadəsi ilə bağlı təcrübə yoxdur. Qaraciyər funksiyasının pozğunluğu olan pasiyentlərdə gündüz saatlarında endogen
melatoninin əhəmiyyətli dərəcədə artmış plazma konsentrasiyaları müşahidə edilmişdir. Qaraciyər çatışmazlığı olan pasiyentlərdə preparatın istifadəsi tövsiyə edilmir.
Əlavə təsirləri
Əlavə təsirlərin orqan və sistemlərə görə təsnifatı onların baş vermə tezliyinin parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil).
İnfeksion və parazitar xəstəliklər Nadir hallarda: kəmərləyici dəmrov. Qan və limfa sisteminin pozğunluqları
Nadir hallarda: leykopeniya, trombositopeniya.
İmmun sisteminin pozğunluqları
Məlum deyil: hiperhəssaslıq reaksiyaları.
Metabolizm və qidalanma pozğunluqları
Nadir hallarda: hipertriqliseridemiya, hipokaliemiya, hiponatriemiya.
Psixi pozğunluqlar
Bəzən: qıcıqlanma, əsəbilik, narahatlıq, yuxusuzluq, qeyri-adi yuxular, qarabasmalar, narahatlıq. Nadir hallarda: əhval dəyişikliyi, aqressivlik, ajitasiya, ağlağanlıq, stress simptomları, dezoriyentasiya, səhər tezdən oyanma, libidonun artması, əhvalın pisləşməsi, depressiya.
Sinir sisteminin pozğunluqları
Bəzən: migren, baş ağrısı, zəiflik, psixomotor hiperaktivlik, başgicəllənmə, yuxululuq.
Nadir hallarda: bayılma, yaddaşın pozğunluğu, diqqətin konsentrasiyasının pozulması, delirium, “narahat ayaqlar” sindromu, yuxunun keyfiyyətinin pisləşməsi, paresteziya.
Görmə orqanının pozğunluğu
Nadir hallarda: görmə kəskinliyinin azalması, bulanıq görmə, lakrimasiyanın artması.
Eşitmə və labirint pozğunluqları
Nadir hallarda: vertiqo, mövqedən asılı vertiqo.
Ürək-damar sisteminin pozğunluqları
Bəzən: arterial hipertenziya.
Nadir hallarda: stenokardiya, ürək döyüntüsü hissi, qanaxını.
Mədə-bağırsaq traktının pozğunluqları
Nadir hallarda: abdominal ağrı, qarının yuxarı hissəsində abdominal ağrı, dispepsiya, xoralı stomatit, ağızda quruluq, ürəkbulanma.
Nadir hallarda: qastroezofaqeal xəstəlik, mədə-bağırsaq traktının pozğunluğu, bullyoz stomatit,
xoralı qlossit, qusma, peristaltikanın artması, qarında köp, ağız suyunun hipersekresiyası, halitoz, abdominal diskomfort, mədənin diskineziyası, qastrit.
Qaraciyər və öd yollarının pozğunluqları
Bəzən: hiperbilirubinemiya.
Dəri və dərialtı toxumaların pozğunluqları
Bəzən: dermatit, gecə tərləməsi, qaşınma və generalizəolunmuş qaşınma, səpgi, dəridə quruluq.
Nadir hallarda: ekzema, eritema, əllərdə dermatit, psoriaz, generalizəolunmuş səpgi, qaşınan səpgilər, dırnaqların zədələnməsi.
Tezliyi məlum deyil: angionevrotik ödem, ağzın selikli qişasının ödemi, dilin ödemi.
Əzələ-skelet sistemi və birləşdirici toxumanın pozğunluqları
Bəzən: ətraflarda ağrı.
Nadir hallarda: artrit, əzələ spazmı, boyun ağrısı, gecə spazmları.
Böyrək və sidik yollarının pozğunluqları
Bəzən: qlükozuriya, proteinuriya.
Nadir hallarda: poliuriya, hematuriya, nikturiya.
Cinsi orqanlarının və süd vəzilərinin pozğunluqları
Bəzən: menopauza simptomları. Nadir hallarda: priapizm, prostatit. Məlum deyil: qalaktoreya.
Ümumi və inyeksiya nahiyəsində pozğunluqlar
Bəzən: asteniya, sinədə ağrı.
Nadir hallarda: yorğunluq, ağrı, susuzluq hissi.
Laborator və instrumental məlumatlar
Bəzən: qaraciyər funksiyasının göstəricilərinin normadan kənara çıxması, çəkinin artması. Nadir hallarda: "qaraciyər" transaminazalarının aktivliyinin artması, qanda elektrolitlərin səviyyəsinin normadan kənara çıxması, laboratoriya testlərinin nəticələrinin dəyişiklikləri.
Bu içlik vərəqədə göstərilən əlavə təsirlərdən hər hansı biri ağırlaşdıqda və ya bu içlik vərəqədə
qeyd edilməyən hər hansı digər əlavə təsirlər müşahidə olunduqda, preparatın qəbulu dayandırmalı və bu barədə həkimə məlumat verilməlidir.
Doza həddinin aşılması
Mövcud ədəbiyyat məlumatlarına görə, melatoninin 300 mq-a qədər gündəlik dozada istifadəsi
klinik cəhətdən əhəmiyyətli əlavə təsirlərə səbəb olmamışdır. Bir neçə həftə ərzində 3000-6600 mq dozada melatoninin istifadəsi zamanı qızartı, qarın spazmları, diareya, baş ağrısı və skotoma
müşahidə edilmişdir. Melatoninin çox yüksək dozalarda (1 q-a qədər) istifadəsi zamanı huşun itirilməsi müşahidə edilmişdir. Doza həddinin aşılması yuxululuğa səbəb ola bilər.
Müalicə - mədənin yuyulması və aktivləşdirilmiş kömürün istifadəsi, simptomatik terapiya. Aktiv maddənin klirensi qəbuldan sonra 12 saat ərzində gözlənilir.
Buraxılış forması
Örtüklü tabletlər 0,3 mq, 3 mq.
10 tablet çap olunmuş laklı alüminium folqalı və polivinilxlorid və poliamid örtüklə
laminatlaşdırılmış alüminium folqalı konturlu-yuvalı qablaşdırmada. 1 və ya 3 konturlu-yuvalı qablaşdırma içlik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Hemofarm” MMC, Rusiya.
249035, Kalujskaya vilayəti, Obninsk ş., Kiyevskoye şossesi, ev 62.
Qeydiyyat vəsiqəsinin sahibi/İstehlakçılardan iradları qəbul edən təşkilat
“Nijfarm” SC, Rusiya.
603105, Nijniy Novqorod ş., Salqanskaya k., ev 7. Tel.: (831) 278-80-88.
Fak: (831) 430-72-28.
E-mail: med@stada.ru