pharmed

MAGNE B6 N60 TB

MAQNE В6    örtüklü tabletlər MAGNE В6®
Tərkibi
Təsiredici maddə: 1 tabletin tərkibində 470 mq maqnezium laktat dihidrat*, 5 mq piridoksin hidroxlorid vardır.
Köməkçi maddələr: saxaroza, kaolin, ərəbistan kitrəsi, karboksipolimetilen, talk, maqnezium stearat, karnaub mumu (toz), titanum dioksid.
* - 48 mq maqneziuma (Mg++) bərabərdir.

Təsviri
Hamar parlaq səthi olan, ağ rəngli, örtüklü, ikitərəfli qabarıq, girdə formalı tabletlərdir.

Farmakoterapevtik qrupu
Mineral əlavələr. Maqnezium əsasında vasitələr.
ATC kod: A12CC.

Farmakoloji xüsusiyyətləri
Farmakodinamikası
Maqnezium orqanizmin bütün toxumalarının tərkibində olan və hüceyrələrin normal fəaliyyəti üçün
lazım olan həyati vacib element olub, maddələr mübadiləsinin əksər reaksiyalarında iştirak edir. Əsasən o, sinir impulslarının ötürülməsinin və əzələlərin yığılmasının tənzimlənməsində iştirak edir.
Maqnezium orqanizmə qida ilə daxil olur. Maqnezium çatışmazlığı aşağıdakı hallarda müşahidə oluna bilər: qida rejiminin pozulması (pəhriz), maqneziuma olan tələbatın artması və ya daxil olmanın
tarazlığı pozulduğu halda, maqneziumun metabolizminin və xaric edilməsinin güclənməsi (məsələn, yüksək fiziki və əqli yüklənmə, stress, hamiləlik, diuretiklərin istifadəsi zamanı). Piridoksin (B6
vitamini) bir sıra metabolik proseslərdə, sinir sisteminin metabolizminin tənzimlənməsində iştirak edir, maqneziumun mədə-bağırsaq traktından sorulmasının və onun hüceyrələrə daxil olmasının
yaxşılaşmasına səbəb olur.
Maqneziumun qan zərdabında səviyyəsi:
12-17 mq/l (0,5-0,7 mmol/l) – orta ağır dərəcəli maqnezium çatışmazlığı; 12 mq/l-dən (0,5 mmol/l-dən) aşağı – ağır dərəcəli maqnezium çatışmazlığı. Farmakokinetikası
Maqneziumun mədə-bağırsaq traktında sorulması daxilə qəbul edilən dozanın 50%-nə qədər təşkil edir. Orqanizmdə olan maqneziumun 99%-i hüceyrələrin daxilində yerləşir. Hüceyrədaxili maqneziumun təxminən 2/3 hissəsi sümük toxumasında, 1/3 hissəsi isə saya eninəzolaqlı əzələ toxumasında yerləşir. Maqnezium əsasən sidik ilə xaric edilir (qəbul edilən dozanın ən azı 1/3 hissəsi).
İstifadəsinə göstərişlər
Müəyyən edilmiş maqnezium çatışmazlığı. Bir aylıq müalicədən sonra yaxşılaşma qeyd olunmadığı halda müalicənin davam etdirilməsi məqsədəuyğun deyil.
Əks göstərişlər
Preparatın tərkib hissələrinə qarşı yüksək həssaslıq.
Ağır dərəcəli böyrək çatışmazlığı (kreatininin klirensi 30 ml/dəq-dən aşağı). 6 yaşa qədər uşaqlar.
Fruktozaya qarşı dözümsüzlük, qlükoza-qalaktoza malabsorbsiya sindromu, saxaraza-izomaltaza çatışmazlığı.
Levodopanın yanaşı istifadəsi (“Digər dərman vasitələri ilə qarşılıqlı təsiri” bölməsinə bax).

Xüsusi göstərişlər və ehtiyat tədbirləri
Şəkərli diabet ilə pasiyentlər üçün məlumat: qabıq örtüklü tabletlərin tərkibində köməkçi maddə qismində saxaroza vardır.
Ağır dərəcəli maqnezium çatışmazlığı və ya malabsorbsiya sindromu zamanı müalicə maqnezium preparatının venadaxili yeridilməsindən başlanır.
Yanaşı kalsium çatışmazlığı zamanı maqnezium çatışmazlığı kalsium preparatların və ya tərkibində kalsium olan qida əlavələrinin qəbulundan əvvəl aradan qaldırılmalıdır.
İşlədici vasitələrin, alkoqolun tez-tez istifadəsi, gərgin fiziki və psixiki yüklənmələr zamanı
maqneziuma olan tələbat artır ki, bu da orqnizmdə maneziumun çatışmazlığının inkişafına səbəb ola bilər.
Piridoksinin uzun müddət (bir neçə ay müddətində, bəzi hallarda isə bir neçə il müddətində) yüksək dozalarda (gündə 200 mq-dan çox) qəbulu zamanı keyimə və proprioseptiv hissiyatın pozulmaları,
ətrafların distal hissələrinin tremoru və tədricən inkişaf edən sensor ataksiya (hərəkət koordinasiyasının pozulmaları) kimi simptomlar ilə müşayiət olunan sensor aksonal neyropatiya inkişaf edə bilər. Həmin pozulmalar, adətən, dönən olur və B6 vitamininin qəbulundan sonra aradan qaldırılır.
Tabletlər formasında preparat yalnız böyüklər və 6 yaşdan yuxarı uşaqlar üçün nəzərdə tutulmuşdur. Kiçik yaşlı uşaqlar üçün (1 yaşdan yuxarı) preparatın daxilə qəbulu üçün nəzərdə tutulmuş məhlul forması tövsiyə edilir.
Ehtiyatla
Orta ağırlıq dərəcəli böyrək çatışmazlığı zamanı, çünki hipermaqniyemiyanın inkişafı riski mövcuddur
Digər dərman vasitələri ilə qarşılıqlı təsiri
Əks göstərilmiş kombinasiyalar
Levodopa: levodopanın aktivliyi piridoksin ilə inhibisiya edilir (həmin preparatın qəbulu aromatik L- aminturşularının periferik dekarboksilazasının inhibitorlarının qəbulu ilə yanaşı heyata keçmədiyi halda). Levodopa aromatik L-aminturşularının periferik dekarboksilazasının inhibitorları ilə yanaşı
qəbul edilmədiyi halda, piridoksinin istənilən dozasının qəbulundan qaçınmaq lazımdır.
Tövsiyə edilməyən kombinasiyalar
Tərkibində fosfatlar, kalsium duzları və ya dəmir (II) olan preparatlar ilə yanaşı qəbulu maqneziumun bağırsaqda sorulmasını ləngidə bilər.
Nəzərə alınmalı kombinasiyalar
Peroral tetrasiklinlər, bisfosfonatlar, üskükotu qlikozidləri və natrium flüorid
Daxilə qəbulu təyin olunduğu halda onlarla Maqne B6 qəbulunun arasında ən azı 3 saat fasilə verilməlidir, çünki maqnezium preparatları bu preparatların sorulmasını ləngidir.

Hamiləlik zamanı və laktasiya dövründə istifadəsi
Hamiləlik
Preparatın kifayət qədər hamilə qadınlarda istifadəsinin klinik təcrübəsi onun dölün inkişaf qüsurlarının yaranmasına hər hansı bir arzuolunmaz təsirini və ya fetotoksik təsirini aşkarlamamışdır.
Maqne В6® preparatı hamiləlik dövründə yalnız zəruri olduğu halda və həkimin təyinatı ilə istifadə oluna bilər. Tövsiyə edilən doza gündə 4 tabletə qədərdir.
Laktasiya dövrü
Maqnezium ana südünə nüfuz edir. Laktasiya dövründə preparatın qəbulundan qaçınmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Təsir göstərmir. Xüsusi tövsiyələr yoxdur.
 
İstifadə qaydası və dozası
Preparatı qəbul etməzdən əvvəl həkim ilə məsləhətləşmək lazımdır. Böyüklər gündə 6-8 tablet qəbul etməlidir.
6 yaşdan yuxarı (bədən çəkisi 20 kq-dan çox olan) uşaqlara gündə 4-6 tablet. Gündəlik doza 2-3 qəbul bölünməlidir, qida qəbulu zamanı qəbul edilməlidir. Tabletlər 1 stəkan su ilə içilməlidir.
Maqneziumun qanda səviyyəsinin normallaşmasından sonra müalicə dayandırılmalıdır.

Əlavə təsirləri
Ümumdünya səhiyyə təşkilatının (ÜST) məlumatlarına əsasən arzuolunmaz effektlər onların rast
gəlinmə tezliyi üzrə aşağıdakı qaydada təsnif edilmişdir: çox tez-tez (≥1/10), tez-tez (≥1/100, <1/10), bəzən (≥1/1000, <1/100), nadir (≥1/10000, <1/1000), çox nadir (<1/10000); məlum deyil (əldə olan məlumatlara əsasən rast gəlinmə tezliyinin müəyyən edilməsi qeyri-mümkündür.
İmmun sistemə
Çox nadir: allergik reaksiyalar, dəri reaksiyaları daxil olmaqla (övrə, qaşınma, ekzema, eritema), angioödem.
Mədə-bağırsaqsisteminə
Məlum deyil: ishal, qarında ağrılar.
Doza həddinin aşılması
Simptomları
Böyrəklərin normal funksiyası zamanı preparatın daxilə qəbulu maqneziumun doza həddinin aşılması toksiki reaksiyaların inkişafına gətirib çıxartmır. Lakin böyrək çatışmazlığı zamanı maqnezium ilə zəhərlənmənin inkişafı mümkündür.
Doza həddinin aşılmasının simptomlarının inkişafı maqneziumun qanda səviyyəsindən asılıdır və
aşağıdakılardır: arterial təzyiqin enməsi; ürəkbulanma, qusma; mərkəzi sinir sisteminin tormozlanması, relekslərin zəifləməsi; elektrokardioqrammada dəyişikliklər; tənəffüsün pozulması, koma, ürək
fəaliyyətinin dayanması və tənəffüs iflici; anurik sindrom.
Müalicəsi
Rehidratasiya, sürətləndirilmiş diurez. Böyrək çatışmazlığı zamanı hemodializin və ya peritoneal dializin aparılması tələb olunur.

Buraxılış forması
Örtüklü tabletlər.
10 və ya 20 tablet, PVX/alüminium folqa blisterdə. 5 blister (10 tablet) və ya 3, 5 və ya 9 blister (20 tablet), içlik vərəqə ilə birlikdə karton qutuya qablaşdırılır.

Yararlılıq müddəti
2 il.
Yararlılıq müddəti bitdikdən sonra istifadə etmək olmaz.

Saxlanılma şəraiti
30℃-dən yuxarı olmayan temperaturda və uşaqların əli çatmayan yerdə saxlamaq lazımdır.

Aptekdən buraxılma şərti
Reseptsiz buraxılır.

İstehsalçı
Sanofi Winthrop Industrie, France.
56, Route de Choisy au Bac 60205 Compiegne, France.

CHINOIN Pharmaceutical and Chemical Works Private Co Ltd. Hungary Levai u. 5, Veresegyhaz, 2112, Hungary.