Pharmed
LORISTA 50MG N28 TB
LORİSTA
Beynəlxalq patentləşdirilməmiş adı: Lozartan
LORİSTA Tərkibi
Təsiredici maddələr: 1 tabletin tərkibində 25 mq, 50 mq və ya 100 mq kalium lozartan vardır.
Köməkçi vasitələr: qarğıdalı nişastası, prejelatinləşdirilmiş nişasta, mikrokristallik sellüloza, susuz
kolloidal silisium dioksid, maqnezium stearat, sellüloza, laktoza monohidrat,
hipromelloza, talk, propilenqlikol, titan dioksid (Е171), xinolin sarısı
rəngləyicisi* (Е104).
* xinolin sarısından 25 mq-lıq tabletin hazırlanmasında istifadə olunur, 50 mq və
100 mq tabletlərin hazırlanmasında istifadə olunmur.
Farmakoterapevtik qrupu
Angiotenzin II reseptorlarının blokatoru.
ATC kodu: С09СА01.
Farmakoloji xüsusiyyətlər
Farmakodinamikası:
Lozartan – AT1 tipli angiotenzin II reseptorlarının blokatorudur. Angiotenzin II müxtəlif toxumalarda
(məsələn, damarların, böyrəküstü vəzilərin, böyrəklərin və ürəyin saya əzələ toxumasında) AT1-
reseptorları ilə birləşərək, bəzi mühüm bioloji effektlərə, o cümlədən damarların daralmasına və
aldosteronun çıxmasına səbəb olur. Angiotenzin II həmçinin saya əzələ hüceyrələrinin proliferasiyasını
stimullaşdırır. AT1-reseptorlarını blokadaya alaraq antihipertenziv təsir göstərir, sol mədəciyin
hipertrofiyasını azaldır, hemodinamikaya müsbət təsir göstərir və ürək çatışmazlığı zamanı fiziki
gərginliklərə qarşı dözümlülüyü yaxşılaşdırır, proteinuriyanın və böyrək çatışmazlığının irəliləməsini
ləngidir, həmçinin 2-ci tip şəkərli diabetdən əziyyət çəkən xəstələrdə.
Farmakokinetikası:
Lozartan mədə-bağırsaq traktından yaxşı sorulur. Qaraciyərdən “ilk keçid” zamanı aktiv metabolit
(ЕXP-3174) və bir sıra qeyri-aktiv metabolitlər əmələ gətirməklə əhəmiyyətli dərəcədə metabolizmə
uğrayır. Biomənimsənilməsi təxminən 33% təşkil edir. Preparatın qida ilə birlikdə qəbul edilməsi onun
zərdabda olan qatılıqlarına klinik əhəmiyyətli təsir göstərmir. Qan plazmasında lozartanın maksimal
qatılığına daxilə qəbul edildikdən 1 saat sonra, ЕXP-3174 metabolitinin maksimal qatılığına isə 3-4
saatdan sonra nail olunur.
Lozartan və EXP-3174 metabolitinin 99%-dən çox hissəsi qan plazmasının zülalları ilə, xüsusilə də
albuminlə birləşir. Lozartanın paylanma həcmi 34 litrə bərabərdir. Hematoensefalik baryerdən demək
olar ki, keçmir.
Lozartan aktiv metabolit olan EXP-3174 (14%) və qeyri-aktiv metabolitlər, o cümlədən zəncirin butil
qrupunun hidroksilləşməsi yolu ilə əmələ gələn iki əsas metabolit və daha az əhəmiyyətli metabolit,
N-2-tetrazol qlükuronid əmələ gətirməklə metabolizmə uğrayır.
Lozartanın və EXP-3174 metabolitinin plazma klirensi müvafiq olaraq təxminən 10 ml/san.
(600 ml/dəqiqə) və 0,83 ml/san (50 ml/dəqiqə) təşkil edir. Lozartanın və EXP-3174 metabolitinin
böyrək klirensi müvafiq olaraq təxminən 1,23 ml/san (74ml/dəqiqə) və 0,43 ml/san (26 ml/dəqiqə)
təşkil edir. Lozartanın və EXP-3174 metabolitinin yarımxaricolma dövrü müvafiq olaraq 2 saat və 6-9
saat təşkil edir. Preparatın təxminən 58%-i ödlə, 35%-i böyrəklər vasitəsilə xaric olunur.
İstifadəsinə göstərişlər
– Birincili hipertenziyanın müalicəsi.
– Arterial hipertenziyalı və sol mədəciyin hipertrofiyası olan xəstələrdə insult riskinin aşağı
salınması (EKQ ilə təsdiq olunub).
– 60 yaş və daha yuxarı yaşda olan xəstələrdə xroniki ürək çatışmazlığının müalicəsi (AÇF
inhibitorları ilə müalicə xüsusilə öskürək zamanı uyuşmazlığa görə və ya əks göstərişləri
olduğu zaman mümkün olmadığı təqdirdə)
– ≥ 0,5 q/gün proteinuriyası olan hipertenziyalı və 2-ci tip şəkərli diabet xəstələrində böyrək
xəstəliyinin antihipertenziv terapiyasının hissəsi kimi müalicəsi.
Əks göstərişlər
Lozartana və ya preparatın digər komponentlərinə qarşı yüksək həssaslıq;
Hamiləlik və laktasiya dövrü.
Ağır qaraciyər çatışmazlığı.
Lorista preparatının tərkibində aliskiren olan preparatlarla birlikdə istifadəsi şəkərli diabet
xəstəliyindən və böyrək catışmazlığından (YFS < 60 ml/dəqiqə/1,73 m2) əziyyət çəkən xəstələr üçün
əks göstərişdir.
Xüsusi göstərişlər və ehtiyat tədbirləri
Hiperhəssaslıq:
Kvinke ödemi. Anamnezində Kvinke ödemi olan (üzün, dodaqların, qırtlağın və/və ya dilin ödemi)
xəstələrə ciddi şəkildə nəzarət olunmalıdır (bax: “Əlavə təsirləri”).
Arterial hipotenziya və su-elektrolit balansının pozulması
Xüsusilə ilk dozanın qəbulundan və ya dozanın artırılmasından sonra klinik təzahürlü arterial
hipotenziya hipovolemiyalı və ya/və hiponatriemiyalı xəstələrdə yüksək dozada diuretiklərin qəbulu,
az tərkibdə xörək duzu ilə pəhriz, diareya və ya qusmanın nəticəsində yarana bilər. Bu hallara ya
lozartanı təyin etməzdən əvvəl düzəliş etmək lazımdır, ya da preparatın başlanğıc dozalarını qəbul
etmək lazımdır (bax: “İstifadə qaydası və dozası”). Bu, həmçinin 6 yaşdan 18 yaşa qədər uşaqlara
aiddir.
Elektrolit balansının pozulmaları:
Elektrolit balansının pozulması şəkərli diabetli və şəkərli diabetsiz böyrək funksiyalarının pozulduğu
xəstələrdə müşahidə olunur və bu balansa düzəliş olunmalıdır. Nefropatiyalı 2-ci tip şəkərli diabet
xəstələrinin iştirakı ilə keçirilən klinik tədqiqatlarda lozartan qəbul edən qrupda hiperkaliemiyanın
tezliyi plasebo qəbul edən qrupdakından daha çox idi (bax: “Əlavə təsirləri”). Bu onu göstərir ki, qan
plazmasında kaliumun tərkibinə və kreatinin klirensi göstəricilərinə daima nəzarət olunmalıdır. Ürək
çatışmazlığı və 30-dan 50 ml/dəqiqəyə qədər kreatinin klirensi olan xəstələrə xüsusilə ciddi şəkildə
nəzarət olunmalıdır.
Kaliumtutucu diuretiklərin, kalium preparatlarının və kalium tərkibli duz əvəzedicilərinin və ya
zərdabda kalium səviyyəsini artıra bilən digər dərmanlar (məsələn, trimetoprim olan preparatlar)
lozartanla eyni zamanda təyin olunması tövsiyə olunmur (bax: “Digər dərman vasitələri ilə qarşılıqlı
təsiri”).
Sirkulyasiya edən qanın həcmi azalmış xəstələrdə (məsələn, diuretiklərin böyük dozaları ilə müalicə
zamanı) simptomatik arterial hipotenziya inkişaf edə bilər. Lozartanın qəbuluna başlayana qədər
mövcud pozulma hallarını aradan qaldırmaq, ya da müalicəyə böyük olmayan dozalarla başlamaq
lazımdır.
Yüngül və orta dərəcədə qaraciyər sirrozu olan xəstələrin qan plazmasında lozartanın və onun aktiv
metabolitinin qatılığı daxilə qəbul edildikdən sonra sağlam şəxslərə nisbətən yüksək olmuşdur. Buna
görə də anamnezində qaraciyər xəstəlikləri olan xəstələrə daha kiçik dozalarla müalicə tövsiyə olunur.
Həm şəkərli diabetli, həm şəkərli diabetsiz böyrək funksiyaları pozulmuş xəstələrdə çox vaxt
hiperkaliemiya inkişaf edir. Müalicə yalnız nadir hallarda hiperkaliemiya səbəbindən dayandırılır.
Müalicə dövründə, xüsusilə də yaşlı xəstələrdə, böyrək funksiyalarının pozulmaları zamanı, qanda
kaliumun qatılığını müntəzəm şəkildə yoxlamaq lazımdır.
Renin-angiotenzin sisteminə təsir göstərən dərman vasitələri yeganə böyrək arteriyalarının ikitərəfli və
ya birtərəfli stenozu olan xəstələrdə qan zərdabında sidik cövhəri və kreatininin miqdarını artıra bilər.
Böyrək funksiyalarının dəyişilməsi müalicənin dayandırılmasından sonra geridönən ola bilər. Müalicə
dövründə qan zərdabında kreatininin qatılığını müntəzəm şəkildə yoxlamaq lazımdır. Preparatdan
uşaqların və 18 yaşa qədər yeniyetmələrin müalicəsi üçün istifadə etmək olmaz, çünki bu yaş
kateqoriyasında daxil olan xəstələrdə preparatdan istifadə təcrübəsi yoxdur.
Böyrək transplantasiyası:
Yaxın zamanlarda böyrək transplantasiyası əməliyyatı keçirən xəstələrin lozartanı qəbul etməsi
haqqında məlumatlar yoxdur.
Birincili hiperaldosteronizm:
Birincili hiperaldosteronizm olan xəstələrə renin-angiotenzin sistemini inhibə edən antihipertenziv
preparatlar adətən təsir göstərmir. Buna görə də bu qrup pasiyentlərin lozartanı istifadə etmələri tövsiyə
olunmur.
Ürəyin işemik xəstəliyi və serebrovaskulyar xəstəlik:
Digər antihipertenziv preparatlarda olduğu kimi, arterial təzyiqin həddindən artıq düşməsi işemik ürək
xəstəliyi və ya serebrovaskulyar xəstəliyi olan xəstələrdə miokard infarktı və ya insultla nəticələnə
bilər.
Ürək çatışmazlığı:
Renin-angiotenzin sisteminə təsir göstərən digər preparatların qəbulu zamanı olduğu kimi, böyrək
funksiyalarının pozulması ilə müşayiət olunan və ya olunmayan ürək çatışmazlığı olan xəstələrdə ağır
arterial hipotenziya riski və (tez-tez kəskin formada) böyrək funskiyalarının pozulması riski vardır.
Ürək çatışmazlığı və eyni zamanda ağır formada böyrək funksiyalarının pozulması, ağır ürək
çatışmazlığı olan (NYHA ІV dərəcədə) və ürək çatışmazlığı və həyat üçün təhlükəli olan simptomatik
aritmiyası olan xəstələrin lozartan qəbulunun kifayət qədər müalicəvi təcrübəsi yoxdur. Buna görə də
bu qrupa daxil olan xəstələr lozartanı ehtiyatla istifadə etməlidirlər. Lozartan və beta-blokatorlar
ehtiyatla istifadə olunmalıdır.
Aortal və mitral klapanların stenozu, obstruktiv hipertrofik kardiomiopatiya:
Digər vazodilatatorlarda olduğu kimi, aortal və mitral klapanların stenozu və ya obstruktiv hipertrofik
kardiomiopatiyası olan xəstələrdə preparat xüsusi diqqətlə istifadə olunmalıdır.
Renin-angiotenzin-aldosteron sisteminin (RAAS) ikiqat blokadası:
Sübut olunub ki, AÇF inhibitorları, angiotenzin II reseptorlarının blokatorları və ya aliskirenin birlikdə
qəbulu zamanı renin-angiotenzin-aldosteron sisteminin (RAAS) ikiqat blokadası hipotenziya,
hiperkaliemiya və böyrək funksiyalarının pozulması (kəskin böyrək çatışmazlığı daxil olmaqla) riskini
artırır. Buna görə də AÇF inhibitorları, angiotenzin II reseptorlarının blokatorları və ya aliskirenin
birlikdə qəbulu zamanı renin-angiotenzin-aldosteron sisteminin (RAAS) ikiqat blokadası tövsiyə
edilmir (bax. Digər dərman vasitələri ilə qarşılıqlı təsiri bölməsi).
Əgər RAAS-ın ikiqat blokadası zəruridirsə, onda müalicə mütəxəssislərin nəzarəti altında keçirilməli
və böyrək funksiyaları, elektrolitlərin tərkibinə və arterial təzyiqə dəqiq və müntəzəm şəkildə nəzarət
edilməlidir. AÇF inhibitorları və angiotenzin II reseptorlarının blokatorları diabetik nefropatiyalı
xəstələrdə eyni zamanda qəbul edilməməlidir.
Digər ehtiyat tədbirləri və xüsusi göstərişlər:
AÇF inhibitorları, lozartan və angiotenzin reseptorlarının digər blokatorlarından istifadə təcrübəsi
göstərdiyi kimi bu preparatlar digər irqlərdən olan xəstələrdən daha çox neqroid irqindən olan
xəstələrdə AT daha az effektivliklə aşağı salır. Çox güman bu həmin irqdən olan xəstələrdə renin
aktivliyinin aşağı olmasına görədir.
Köməkçi maddələrlə bağlı xüsusi ehtiyat tədbirləri:
Loristanın tərkibində laktoza olduğundan, aşağıdakı hallarda preparatı təyin etmək olmaz: laktaza
çatışmazlığı, qalaktozemiya, qlükoza/qalaktoza malabsorbiya sindromu.
Digər dərman vasitələri ilə qarşılıqlı təsiri
Digər antihipertenziv preparatlar lozartanın antihipertenziv təsirini gücləndirir. Arterial hipotenziya
yarada biləcək digər dərman vasitələri (trisiklik antidepressantlar, neyroleptiklər, baklofen və amifostin
kimi) ilə birlikdə qəbulu arterial hipotenziya riskini artıra bilər.
Lozartan sitoxrom sistemi Р450 (CYP) 2C9 iştirakı ilə karboksi turş metabolitinə qədər metabolizmə
uğrayır. Klinik tədqiqatlar zamanı müəyyən olunub ki, flukonazol (CYP2C9-un inhibitoru) aktiv
metabolitin ekspozisiyasını təxminən 50%-ə qədər aşağı salır. Müəyyən edilmişdir ki, eyni zamanda
lozartan və rifampisinlə (metabolizm fermentlərinin induktoru) müalicə qan plazmasında aktiv
metabolitin qatılığını 40%-ə qədər azaldır. Bu effektin klinik əhəmiyyəti məlum deyil. Lozartan və
fluvastatinin (CYP2C9 zəif inhibitoru) eyni zamanda qəbulu zamanı ekspozisiyada dəyişiklik olmur.
Angiotenzin II-ni və ya onun effektlərini blokadaya alan digər preparatlar kimi, kaliumtutucu
diuretiklərlə (məsələn, spironolakton, triamteren, amilorid), və ya kalium səviyyəsinə artıra biləcək
preparatlarla (məsələn, heparin, trimetoprim tərkibli preparatlar) həmçinin, kalium tərkibli qida
əlavələri və ya duzun əvəzediciləri ilə birlikdə qəbul edilməsi qan zərdabında kaliumun miqdarının
artmasına gətirib çıxarır. Bu cür vasitələrin eyni zamanda qəbul edilməsi tövsiyə olunmur.
Litium qatılığının qan zərdabında geridönən artımı, həmçinin toksikliyi litiumu AÇF inhibitorları ilə
eyni zamanda qəbul edən zaman baş verir. Həmçinin angiotenzin II reseptorlarının blokatorlarından
istifadə zamanı baş verən hallardan bəhs olunmuşdu. Litium və lozartanla eyni anda müalicəni ehtiyatla
etmək lazımdır. Əgər bu kombinasiyadan istifadə zəruridirsə, eyni anda qəbul zamanı qan zərdabına
litium səviyyələrini yoxlamaq tövsiyə olunur.
Angiotenzin II reseptorlarının blokatorları və qeyri-steroid iltihab əleyhinə preparatlar (məsələn,
siklooksigenaza-2-nin (SOG-2) selektiv inhibitorları iltihab əleyhinə təsir göstərən dozada asetilsalisil
turşusu qeyri-selektiv QSİƏP) eyni zamanda qəbul edildiyi zaman antihipertenziv təsir zəifləyə bilər.
Angiotenzin II blokatorlarının və ya diuretiklərin QSİƏP-lə eyni zamanda qəbulu kəskin böyrək
çatışmazlığı daxil olmaqla, böyrəklərin funksiyalarının pozulması riskini artıra bilər, həmçinin,
xüsusilə böyrək funksiyaları pozulmuş xəstələrdə qan zərdabında kalium səviyyəsini artıra bilər. Bu
kombinasiyanı xüsusilə yaşlı xəstələr üçün ehtiyatla təyin etmək lazımdır. Xəstələrə müvafiq
hidratasiya keçirilməli, həmçinin müvafiq müalicəyə başladıqdan sonra böyrəklərin funksiyalarının
sonralar vaxtaşırı yoxlanması məsələsini nəzərdən keçirmək lazımdır.
Klinik tədqiqatlar göstərib ki, AÇF inhibitorları, angiotenzin II reseptorlarının blokatorları və ya
aliskirenin birlikdə qəbulu zamanı renin-angiotenzin-aldosteron sisteminin (RAAS) ikiqat blokadası
hipotenziya, hiperkaliemiya və böyrək funksiyalarının pozulması (kəskin böyrək çatışmazlığı daxil
olmaqla) kimi arzuolunmaz hallara RAAS-a təsir edən preparatın monoterapiyasının tətbiqi ilə
müqayisədə daha çox rast gəlməsi ilə bağlıdır (bax: »Əks göstərişlər« və »Xüsusi göstərişlər və ehtiyat
tədbirləri«).
Hamiləlik və laktasiya dövründə istifadəsi
Hamilə qadınlarda kalium lozartandan istifadə təcrübəsi olmasa da, heyvanlar üzərində aparılan
tədqiqatlar döldə və yenidoğulmuşlarda qüsurların inkişaf etməsinin mümkünlüyünü göstərmişdir.
Lozartan hamiləliyin ikinci və üçüncü üçaylıqlarında qəbul edildikdə döl üçün risk artır. Hamiləlik
müəyyən olunduqda lozartanla müalicə mümkün qədər tez dayandırılmalıdır.
Lozartanın qadınlarda südlə xaric olub-olmaması məlum deyil, lakin siçovulların südündə lozartan və
onun aktiv metabolitinin yüksək qatılıqları aşkar edilmişdir. Südəmər uşaqlarda arzuolunmaz
effektlərin inkişaf etməsinin mümkünlüyü ilə əlaqədar olaraq, lozartanın ana üçün vacibliyi və
əhəmiyyəti nəzərə alınmaqla uşağın əmizdirilməsini dayandırmaq, ya da lozartanla müalicənin
dayandırılması haqqında məsələni həll etmək lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
istiqamətində tədqiqatlar aparılmamışdır. Bununla belə yadda saxlamaq lazımdır ki antihipertenziv
müalicənin xüsusilə də ilk dövrlərində və ya dozanın artırılması zamanı başgicəllənmə, yuxuculluq
kimi əlavə təsirlər meydana çıxa bilər.
LORİSTA İstifadə qaydası və dozalar
Qida qəbulundan asılı olmayaraq gündə 1 dəfə daxilə qəbul edilir.
Arterial hipertenziya: orta gündəlik doza 50 mq təşkil edir. Maksimal antihipertenziv effektə
müalicənin 3-6 həftəsi ərzində nail olunur. Bəzi xəstələrdə daha güclü effektə preparatın dozasını
gündə 100 mq-a qədər artırmaqla nail olmaq olar. Diuretiklərin yüksək dozalarının qəbulu fonunda
müalicəyə Loristanın gündə 25 mq dozası ilə başlamaq tövsiyə olunur.
Yaşlı xəstələrdə, həmçinin böyrək funksiyaları pozulmuş xəstələrdə, o cümlədən hemodializdə olan
xəstələrə başlanğıc dozada düzəlişlərin edilməsi tələb olunmur.
Qaraciyər funksiyaları pozulmuş xəstələrə preparatın daha kiçik dozalarını təyin etmək lazımdır.
Xroniki ürək çatışmazlığı: Ürək çatışmazlığı olan xəstələrdə adi başlanğıc doza gündə bir dəfə 12,5 mq
təşkil edir. Dozanı tədricən, dozaların artırılmaları arasında 1 həftə fasilə ilə xəstənin dözümlülüyündən
asılı olaraq artırmaq lazımdır (yəni, gündə bir dəfə 150 mq dozaya çatana qədər gündə 12,5 mq, 25 mq,
50 mq, 100 mq)
Lorista, adətən diuretiklərlə və ürək qlükozidləri ilə kombinasiyada təyin edilir.
Arterial hipertenziyalı və sol mədəciyin hipertrofiyası olan xəstələrdə insultun inkişaf riskinin
azaldırılması: Loristanın standart başlanğıc dozası gündə 1 dəfə 50 mq təşkil edir. Sonralar aşağı
dozalarda hidroxlorotiazid əlavə edilə və /və ya Loristanın dozası gündə 100 mq-a qədər artırıla bilər.
2-ci tip şəkərli diabetli və proteinuriyalı xəstələrdə nefroproteksiya: Loristanın standart başlanğıc
dozası gündə 1 dəfə 50 mq təşkil edir. Preparatın dozası AT-nin azalması nəzərə alınmaqla gündə
100 mq-a qədər artırıla bilər.
Xüsusi qrup xəstələr:
İntravaskulyar həcmin azalması olan xəstələr:
İntravaskulyar həcmin azalması olan xəstələr (yəni böyük dozada diuretiklərlə müalicə alan xəstələr)
gündə bir dəfə 25 mq başlanğıc doza qəbul edə bilər (bax. Xüsusi göstərişlər və ehtiyat tədbirləri
bölməsi).
Böyrək çatışmazlığı olan və hemodializdə olan xəstələr:
Böyrək çatışmazlığı olan və hemodializdə olan xəstələrdə başlanğıc dozaya düzəliş edilməsi tələb
olunmur.
Qaraciyər funksiyaları pozulmuş xəstələr
Anamnezdə böyrək funksiyaları pozulan xəstələrdə bununla əlaqədar olaraq preparat daha aşağı
dozada qəbul edilə bilər. Ağır formada böyrək çatışmazlığı olan xəstələrdə preparatın terapevtik qəbulu
təcrübəsi yoxdur. Ağır formada böyrək çatışmazlığından əziyyət çəkən xəstələr lozartanı qəbul edə
bilməz (bax «Əks göstərişlər» və «Ehtiyat tədbirləri və xüsusi göstərişlər» bölməsi).
Əlavə təsirləri
Lozartan aşağıdakı klinik tədqiqatlarda qiymətləndirilib:
- 18 yaşdan yuxarı 3000-dən artıq essensial hipertenziyalı xəstələrin iştirakı ilə keçirilən nəzarət
olunan klinik tədqiqatda
- 6 yaşdan 16 yaşa qədər 177 hipertenziyalı pediatrik xəstələrin iştirakı ilə nəzarət olunan klinik
tədqiqatda
- 55 yaşdan 80 yaşa qədər hipertenziyalı, sol mədəciyin hipertrofiyası olan 9000-dən artıq
xəstələrin iştirakı ilə nəzarət olunan klinik tədqiqatda
- Xroniki ürək çatışmazlığı olan 7700-dən artıq böyüklərin iştirakı ilə nəzarət olunan klinik
tədqiqatda
- 31 yaşdan yuxarı 2-ci tip şəkərli diabetli və proteinuriyalı 1500-dən artıq xəstələrin iştirakı ilə
nəzarət olunan klinik tədqiqatda
Bu klinik tədqiqatlarda daha çox rast gəlinən arzuolunmaz təsir başgicəllənmə olmuşdur.
Aşağıda sadalanan əlavə təsirlərin tezliyi aşağıdakı təsnifatdan istifadə etməklə müəyyən edilir:
Çox tez-tez (≥ 1/10); tez-tez (≥ 1/100 –dən < 1/10-a qədər); bəzən (≥ 1/1000-dən < 1/100-ə qədər);
nadir hallarda (≥ /10 000-dən < 1/1000-ə qədər); çox nadir hallarda (< 1/10 000), tezliyi məlum deyil
(mövcud olan məlumatlar əsasən müəyyən etmək mümkün deyil).
Qan və limfatik sistemdə pozulmalar: anemiya,trombositopeniya
İmmun sistemində pozulmalar:Hiperhəssaslıq,reaksiyaları, anafilaktik
reaksiyalar, angionevrotik,ödem* və vaskulit **
Psixikada pozulmalar:depressiya
Sinir sistemində pozulmalar: başgicəllənmə,yuxululuq ,baş ağrısı, yuxusuzluq,paresteziya
miqren,disgevziya
Eşitmə orqanlarında pozulmalar və labirint pozulmaları: vertiqo, Qulaqlarda küy
Ürək pozulmaları: Ürək döyüntülərinin hiss olunması,stenokardiya ,Ürəkgetmə ,
Ürək qulaqcıqlarının fibrillyasiyası.Beyin qan dövranının kəskin çatışmazlığı
Damarlarda pozulmalar:(ortostatik) arterial,hipotenziya (doza ilə bağlı ortostatik effektlər daxil olmaqla)
Tənəffüs sistemində, döş qəfəsi orqanları və divararalığında pozulmalar: Təngnəfəslik,Öskürək
Mədə-bağırsaq traktında pozulmalar: Qarında ağrı ,Qəbizlik diareya ,Ürəkbulanma ,Qusma
Qaraciyər və öd yollarında pozulmalar: pankreatit ,hepatit, Qaraciyər funksiyalarının pozulması
Dəri və dərialtı toxumalarda pozulmalar:Övrə ,Dəri qaşınması,Dəri səpgisi
Skelet-əzələ və birləşdirici toxumada pozulmalar: mialgiya,artralgiya,rabdomioliz
Böyrək və sidik ifrazı yollarında pozulmalar: Böyrək funksiyalarının pozulması,Böyrək çatışmazlığı
Cinsiyyət orqanları və süd vəzilərində pozulmalar: Erektil,disfunksiya/impotensiya
Doza həddinin aşılması
İnsanlarda doza həddinin aşılması haqqında məlumatlar məhdud dərəcədədir. Preparatın doza həddinin
aşılmasının daha çox ehtimal olunan nəticələri arterial hipotenziya və ya taxikardiya ola bilər;
parasimpatik (vagus) stimullaşma ilə əlaqədar olaraq bradikardiya inkişaf edə bilər.
Müalicəsi:
Simptomatik təzahür edən hipotenziya əmələ gəldikdə dəstəkləyici müalicə aparılır. Aktiv kömür qəbul
etmək tövsiyə olunur. Nə lozartan, nə də onun aktiv metaboliti hemodializ zamanı xaric edilmir.
Buraxılış forması
25 mq, 50 mq, 100 mq, örtüklü tabletlər.
14 tablet, blisterdə. 2 blister içlik vərəqə ilə birlikdə karton qutuya qablaşdırılır.
Aptekdən buraxılma şərti
Resept əsasında buraxılır.