Pharmed
LOREN 8 MG/2ML N1 AMP
LOREN 8 mq/ 2ml ə/d və v/d inyeksiya məhlulu hazırlamaq üçün liofilizəolunmuş toz
LOREN
Beynəlxalq patentləşdirilməmiş adı: Lornoxicam
Tərkibi
Təsiredici maddə: 1 flakonda 8 mq lornoksikam vardır.
Köməkçi maddələr: trometamin, mannitol, dinatrium EDTA.
Həlledici: inyeksiya üçün su.
Təsviri
Sarı rəngli tozdur.
Farmakoterapevtik qrupu
Qeyri-steroid iltihabəleyhinə və revmatizməleyhinə vasitələr, oksikamlar.
ATC kodu: M01AC05.
Farmakoloji xüsusiyyətləri
Farmakodinamikası
Lornoksikam qeyri-steroid iltihabəleyhinə maddə olub, klinik əhəmiyyətli ağrıkəsici və
iltihabəleyhinə təsirə malikdir, oksikamlar sinfinə aiddir.
Təsir mexanizminin əsasında iltihabın qarşısını alan prostaqlandinlərin sintezinin ləngiməsi
(siklooksigenaza fermentinin inhibisiyası) dayanır.
Lornoksikam orqanizmin əsas göstəricilərinə (bədən hərarəti, ürək döyüntülərinin tezliyi (ÜDT),
arterial təzyiq (AT), elektrokardioqramma göstəriciləri (EKQ), spirometriya) təsir göstərmir.
Təsir mexanizminin əsasında iltihabın qarşısını alan prostaqlandinlərin sintezinin ləngiməsi
(siklooksigenaza fermentinin inhibisiyası) dayanır.
Lornoksikam orqanizmin əsas göstəricilərinə (bədən hərarəti, ürək döyüntülərinin tezliyi (ÜDT),
arterial təzyiq (AT), elektrokardioqramma göstəriciləri (EKQ), spirometriya) təsir göstərmir.
Prostaqlandinlərin sintezinin ləngiməsi ilə əlaqəli olan mədə-bağırsaq traktına yerli qıcıqlandırıcı
təsiri və sistemli ulserogen təsiri nəticəsində QSİƏP ilə müalicə zamanı MBT tərəfindən fəsadlara
tez-tez rast gəlinir.
Farmakokinetikası
Sorulması
Lornoksikam sürətlə və demək olar ki, tam şəkildə mədə-bağırsaq traktından sorulur. Plazmada
maksimal konsentrasiyası təxminən 1-2 saatdan sonra əldə edilir.
Mütləq biomənimsənilməsi təxminən 90-100% təşkil edir. Preparatın qaraciyərdən ilkin keçid
effektləri aşkarlanmamışdır. Preparatın orta yarımxaricolma dövrü 3-4 saat təşkil edir.
Lornoksikamın qida ilə yanaşı qəbulu zamanı Cmax təxminən 30% azalır və Tmax 1,5 saatdan 2,3
saatadək yüksəlir. Lornoksikamın absorbsiyası (AUC əsasında hesablanmış) 20%-ə qədər azala bilər.
Paylanması
Lornoksikam plazmada dəyişilməz şəkildə və hidroksilləşdirilmiş metabolit şəkilində aşkarlanır.
Lornoksikamın plazma zülalları ilə birləşməsinin dərəcəsi təxminən 99% təşkil edir və
konsentrasiyadan asılı deyil.
Biotransformasiyası
Lornoksikam əhəmiyyətli dərəcədə qaraciyərdə metabolizə olunur, xüsusilə də qeyri-aktiv 5-
hidroksilornoksikama qədər hidroksilləşdirilmə yolu ilə. Lornoksikamın biotransformasiyası
CYP2C9 izofermenti vasitəsi ilə həyata keçirilir. Həmin fermenti kodlaşdıran genin polimorfizmi
nəticəsi olaraq preparatın ləng və sürətli metabolizmi ilə şəxslər mövcuddur ki, bu da ləng metabolizm
ilə şəxslərdə lornoksikamın plazmada səviyyəsinin əhəmiyyətli dərəcədə yüksəlməsinə səbəb ola
bilər. Hidroksilləşdirilmiş metabolit farmakoloji aktivliyə malik deyil. Lornoksikam tam olaraq
metabolizə olunur: preparatın təxminən 2/3 hissəsi qaraciyər, 1/3 hissəsi isə böyrəklər vasitəsi ilə
ixrac edilir.
Xaric olması
Lornoksikamın yarımxaricolma dövrü təxminən 3-4 saat təşkil edir.
Daxilə qəbuldan sonra preparatın təxminən 50%-i nəcis, 42%-i isə böyrəklər vasitəsilə, əsasən də 5-
hidroksilornoksikam şəkilində xaric edilir. Parenteral yeridilmədən (gündə 1-2 dəfə) sonra 5-
hidroksilornoksikamın yarımxaricolma dövrü təxminən 9 saat təşkil edir.
Ahıl yaşlı şəxslərdə (65 yaşdan yuxarı) preparatın klirensi 30-40% aşağıdır.
Qaraciyər və ya böyrək funksiyasının pozulması olan pasiyentlərdə lornoksikamın kinetikasının
əhəmiyyətli dəyişiklikləri qeyd olunmur, xroniki qaraciyər xəstəlikləri olan pasiyentlərdə 12 mq və
ya 16 mq gündəlik doza ilə 7 günlük müalicədən sonra kumulyasiya istisna olmaqla.
İstifadəsinə göstərişlər
− Yüngül və orta ağır dərəcəli kəskin ağrının qısamüddətli müalicəsi;
− osteoartrit zamanı ağrı və iltihabın simptomatik müalicəsi;
− revmatoid artrit zamanı ağrı və iltihabın simptomatik müalicəsi.
Əks göstərişlər
Lornoksikama və ya istənilən köməkçi maddəyə qarşı yüksək həssaslıq;
Bronxial astma, residivləşən burun və ya burun ətrafı ciblərin polipozu, rinit, angionevrotik ödem,
övrə və asetilsalisil turşusu və digər QSİƏP-a qarşı dözümsüzlük (həmçinin anamnezdə);
Trombositopeniya; leykopeniya.
Hemorragik diatez və ya qanın laxtalanmasının pozulmaları, həmçinin, qanaxma və ya natamam
hemostaz riski ilə müşayiət olunan əməliyyatlar keçirmiş pasiyentlər;
Aortokoronar şuntlamanın aparılmasından sonrakı dövr;
Dekompensə olunmuş ürək çatışmazlığı;
Mədə və ya onikibarmaq bağırsaq selikli qişasının eroziv-xoralı dəyişiklikləri, aktiv mədə-bağırsaq
qanaxması; serebrovaskulyar və ya digər qanaxma;
Anamnezdə QSİƏP qəbulu ilə bağlı mədə-bağırsaq qanaxmaları və ya xora perforasiyaları;
Aktiv peptik xora və ya anamnezdə residivləşən peptik xora;
Bağırsağın iltihabi xəstəlikləri (Kron xəstəliyi, xoralı kolit) kəskinləşmə fazasında;
Ağır qaraciyər çatışmazlığı;
Klinik əhəmiyyətli böyrək çatışmazlığı (zərdab kreatininin səviyyəsi 700 mkmol/l-dən yüksək),
proqressivləşən böyrək xəstəlikləri, təsdiq edilmiş hiperkaliyemiya;
Hamiləlik və laktasiya dövrü;
18 yaşa qədər pasiyentlər (klinik təcrübənin məhdud olduğu səbəbiylə).
Xüsusi göstərişlər və ehtiyat tədbirləri
Preparatın digər QSİƏP ilə yanaşı istifadəsi tövsiyə olunmur.
Qaraciyər zədələnməsinin əlamətləri (dəridə qaşınma, dəri örtüklərinin saralması, ürəkbulanma,
qusma, qarın nahiyəsində ağrılar, sidiyin tündləşməsi, “qaraciyər transaminalazalarının” səviyyəsinin
yüksəlməsi) meydana çıxdığı halda preparatın qəbulu dayandırılmalı və müalicə həkiminə müraciət
olunmalıdır.
Preparat trombositlərin xüsusiyyətlərini dəyişə bilər, lakin ürək-damar xəstəlikləri zamanı asetilsalisil
turşusunun profilaktik təsirini əvəz etmir.
Ehtiyatla
Aşağıda sadalanan pozulmalar zamanı LOREN yalnız müalicənin gözlənilən faydasının və mümkün
olan riskinin ciddi qiymətləndirilməsindən sonra təyin olunmalıdır:
− Böyrək funksiyasının pozulması: yüngül dərəcəli (zərdab kreatinini – 150-300 mkmol/l) və orta
ağırlıq dərəcəli (zərdab kreatinini – 300-700 mkmol/l), çünki böyrək qan dövranının dəstəklənməsi
böyrək prostaqlandinlərin səviyyəsindən asılıdır. Müalicə zamanı böyrək funksiyasının pisləşməsi
qeyd olunduğu halda Lornoksikamın qəbulu dayandırılmalıdır.
− Geniş cərrahi müdaxilə icra olunmuş pasiyentlərdə, ürək çatışmazlığı olan, diuretiklər qəbul edən
pasiyentlərdə, həmçinin, sübut edilmiş və ya ehtimal edilən nefrotoksikliyi olan preparatların
qəbulu zamanı böyrəklərin funksiyasının nəzarəti aparılmalıdır.
− Qanın laxtalanma sistemi pozğunluqları: ciddi klinik nəzarətin və laborator göstəricilərin
(məsələn, aktivləşdirilmiş parsial trombin zamanı (APTZ)) qiymətləndirilməsinin aparılması
tövsiyə olunur.
− Qaraciyər funksiyasının pozulması (qaraciyər sirrozu): lornoksikam ilə 12-16 mq gündəlik dozada
müalicə zamanı preparatın kumulyasiyası mümkün olduğu üçün müntəzəm klinik nəzarətin və
laborator göstəricilərin qiymətləndirilməsinin aparılması tövsiyə olunur.
− Uzunmüddətli müalicə (3 aydan artıq): qanın (hemoqlobin), böyrək funksiyasının (kreatinin) və
qaraciyər fermentlərinin laborator göstəricilərinin müntəzəm qiymətləndirilməsi tövsiyə olunur.
− 65 yaşdan yuxarı pasiyentlər: qaraciyər və böyrək funksiyasının nəzarətinin aparılması tövsiyə
olunur. Ahıl yaşlı pasiyentlərdə əməliyyatdan sonrakı dövrdə ehtiyat ilə istifadə olunmalıdır.
Digər QSİƏP (siklooksigenaza-2 inhibitorları daxil olmaqla) ilə yanaşı istifadəsindən çəkinmək
lazımdır.
Simptomların nəzarəti üçün kifayət olan qısa müddətdə preparatın minimal effektiv dozasını istifadə
edərək arzuolunmaz effektləri minimuma endirmək olar.
Əvvəl hər bir QSİƏP qəbulu fonunda müalicənin istənilən mərhələsində müşahidə olunan və ölüm
ilə nəticələnə bilən mədə-bağırsaq qanaxması, xora, perforasiya. Helicobacter pylori mövcudluğu.
Anamnezdə mədə-bağırsaq toksikliyinin əlamətləri, xüsusilə də ahıl yaşda.
Peroral qlükokortikosteroidlər (məsələn, prednizolon), antikoaqulyantlar (məsələn, varfarin),
serotoninin geri udulmasının selektiv inhibitorları (məsələn, sitalopram, fluoksetin, paroksetin,
sertralin) və antitrombositar preparatlar (məsələn, asetilsalisil turşusu, klopidoqrel) kimi dərman
maddələrin yanaşı istifadəsi zamanı.
Spinal və epidural anesteziyanın aparılması zamanı QSİƏP və heparinin yanaşı istifadəsi zamanı
hematomanın inkişafı riski yüksəlir.
Anamnezdə mədə-bağırsaq traktı patologiyası (xoralı kolit, Kron xəstəliyi), çünki pasiyentin
vəziyyəti pisləşə bilər.
Anamnezdə arterial hipertenziya və/və ya ürək çatışmazlığı, çünki QSİƏP istifadəsi zamanı mayenin
ləngiməsi və ödemlərin inkişafı müşahidə olunmuşdur.
Periferik arteriyaların xəstəliklərinin və ya serebrovaksulyar xəstəliklərin inkişafının risk faktorları
(məsələn, arterial hipertenziya, hiperlipidemiya, şəkərli diabet, siqaret çəkmə) mövcud olduğu halda,
LOREN, yalnız müalicənin gözlənilən faydasının və mümkün olan riskinin ciddi
qiymətləndirilməsindən sonra təyin oluna bilər.
Lornoksikam, digər QSİƏP olduğu kimi, arterial tromboembolik fəsadların (məsələn, miokard
infarktı və ya insultun) inkişafı riskini yüksəldə bilər.
Anamnezdə və ya aktiv fazada bronxial astması olan pasiyentlərdə preparat ehtiyatla təyin
olunmalıdır, çünki həmin qrup pasiyentlərdə QSİƏP bronxospazmın inkişafına səbəb ola bilər.
Çox nadir hallarda ölüm ilə nəticələnən ağır dəri reaksiyaların (həmçinin, eksfoliativ dermatit,
Stivens-Conson sindromu, toksiki epidermal nekroliz) inkişafı mümkündür.
Prostaqlandinlərin sintezini zəiflədən istənilən digər preparatın qəbulu olduğu kimi, Lornoksikamın
qəbulu mayalanma qabiliyyətinin pozulmasına səbəb ola bilər, buna görə hamiləliyi planlaşdıran
qadınlarda LOREN preparatının istifadəsi tövsiyə olunmur.
Sistemli qırmızı qurdeşənəyi (SQQE) və birləşdirici toxumanın qarışıq xəstəlikləri olan pasiyentlərdə
aseptik meninqitin inkişafı riski yüksək ola bilər.
Lornoksikam trombositlərin aqreqasiyasının ləngidir və qanaxma müddətini uzadır, bu səbəbdən
qanaxmalara yüksək meyilliliyi olan pasiyentlərdə preparat ehtiyat ilə istifadə olunmalıdır.
QSİƏP və takrolimusun yanaşı istifadəsi zamanı böyrəklərdə prostasiklin sintezinin ləngiməsi
nəticəsində nefrotoksik təsirin güclənməsi qeyd oluna bilər.
Əksər QSİƏP-larda olduğu kimi plazma transaminazaların və bilirubin səviyyəsində artım və ya digər
qaraciyər funksiyası parametrlərində, plazma kreatininin və qanda sidik cövhəri səviyyələrində
artımların olduğu digər laboratoriya anomaliyaları da bildirilmişdir.
Hər hansı bir anormallıq aşkarlandıqda və ya davam edərsə, lornoksikamın tətbiqi dayandırılmalıdır.
Su çiçəyi virusu tərəfindən törədilən infeksiyalar zamanı istifadəsindən çəkinmək lazımdır.
Digər dərman vasitələri ilə qarşılıqlı təsiri
Lornoksikam aşağıdakı dərman vasitələri ilə eyni vaxtda qəbul edildikdə
Simetidin: plazmada lornoksikamın konsentrasiyasının artması.
Antikoaqulyantlar: QSİƏP antikoaqulyantların, məs., varfarinin təsirini gücləndirə bilir.
Fenprokumon: fenprokumonun effektivliyinin azalması.
Heparin: spinal və ya epidural anesteziya zamanı heparin ilə birgə istifadə olunduqda QSİƏP
onurğabeyin və ya epidural hematomaların baş verməsi riskini yüksəldirlər.
Angiotenzin çevirici ferment inhibitorları (AÇF): AÇF-in antihipertenziv təsiri azala bilər.
Diuretiklər: İlgək diuretiklər, tiazid diuretiklər və kaliumtutucu diuretiklərin sidikqovucu və
antihipertenziv təsirinin azalması.
β-Blokatorlar: antihipertenziv effektin azalması.
Angiotenzin II reseptorların blokatorları: antihipertenziv effektin azalması.
Diqoksin: diqoksinin böyrək klirensinin azalması.
Kortikosteroidlər: mədə-bağırsaq traktı xoralarının və qanaxmaların baş verməsi riskinin artması.
Xinolon qrupu antibiotiklər: qıcolmaların baş verməsi riskinin artması.
Antiaqreqant preparatlar: mədə-bağırsaq qanaxmaları riskinin artması.
Digər QSİƏP: mədə-bağırsaq qanaxmaları riskinin artması.
Metotreksat: qan zərdabında metotreksatın konsentrasiyasının yüksəlməsi. Nəticədə metotreksatın
toksiki təsiri arta bilər.
Serotoninin geriyə udulmasının selektiv inhibitorları: mədə-bağırsaq qanaxmaları riskinin artması.
Litium: QSİƏP litiumun böyrək klirensini ləngidir, bu isə zərdabda litiumun konsentrasiyasının
yolverilən toskiklik həddindən çox artmasına gətirib çıxara bilər. Bunun nəticəsində qan
zərdabında litiumun səviyyəsi yoxlanılmalıdır, xüsusən müalicənin başlanğıcında, doza seçimi və
terapiyanın dayandırılması zamanı.
Siklosporin: qan zərdabında siklosporin konsentrasiyasının artması. Böyrək prostaqlandinlərinin
yanaşı təsiri nəticəsində siklosporinin nefrotoksikliyi arta bilər.
Sulfonil sidik cövhəri törəmələri: hipoqlikemiyanın inkişaf etməsi riskinin artması.
CYP2C9 izofermentlərin məlum induktorları və inhibitorları: lornoksikam CYP2C9
izofermentlərin məlum induktorları və inhibitorları ilə qarşılıqlı təsir göstərir.
Takrolimus: böyrəklərdə prostasiklinin sintezini azaltması nəticəsində nefrotoksik təsir riskini
artırır.
Pemetreksed: QSİƏP pemetreksedin böyrək klirensini azalda bilir ki, bu isə nefrotoksikliyin,
qastrointestinal toskikliyin və mielosupressiyanın artmasına gətirib çıxarır.
Hamiləlik və laktasiya dövründə istifadəsi
LOREN ana südünə keçməsinə dair məlumatlar yoxdur. LOREN nisbətən yüksək
konsentrasiyalarda südverən siçovulların südünə ifraz olunur. Bu səbəbdən, ana südü ilə
qidalandıran qadınlar lornoksikam qəbul etməməlidir.
Hamiləlik və laktasiya dövründə preparatın istifadəsi qadağandır.
Uşaqlarda və yeniyetmələrdə istifadəsi
Təhlükəsizliyi və effektivliyi üzrə məlumatlar olmadığı üçün lornoksikam uşaqlarda və 18 yaşdan
kiçik yeniyetmələrdə istifadə üçün tövsiyə olunmur.
Yaşlı pasiyentlər
Böyrəklərin və qaraciyərin funksional pozğunluqları olmadığı hallarda 65 yaşdan yuxarı yaşlı
pasiyentlər üçün dozanın korreksiyası tələb olunmur. Lakin lornoksikam ehtiyatla təyin
olunmalıdır, belə ki, bu qrup pasiyentlərdə mədə-bağırsaq traktı (MBT) tərəfindən baş verən əlavə
təsirlər daha ağır şəkildə keçir.
Böyrəklərin funksiyasının pozulması
Böyrək çatışmazlığı olan pasiyentlər üçün LOREN preparatının qəbulu gündə bir dəfə tövsiyə
olunur.
Qaraciyər funksiyasının pozulması
Qaraciyər çatışmazlığı olan pasiyentlər üçün qəbulu gündə bir dəfə tövsiyə olunur .
Xəstəliyin simptomlarını idarə etmək üçün tələb olunan ən qısa müalicə kursu ərzində, minimal
effektiv dozalardan istifadə etməklə əlavə təsirlərin yaranması riskini minimuma endirmək olar.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Lornoksikam psixomotor reaksiyaların sürətini zəiflətdiyi üçün, istifadə müddətində avtomobil
idarəetmə və yüksək diqqət tələb edən digər potensial təhlükəli fəaliyyət növləri ilə məşğul
olduqda xüsusi ehtiyatlı olmaq gərəkdir.
İstifadə qaydası və dozası
Dozası
Tövsiyə olunan doza: 8 mq əzələ daxili (ə/d) və ya vena daxili (v/d). Tövsiyə olunan maksimal
gündəlik doza 16 mq-dan artıq olmamalıdır. Bəzi xəstələrə ilk 24 saat ərzində əlavə 8 mq lazım
ola bilər. Bütün xəstələr üçün müvafiq doza rejimi müalicəyə fərdi cavab əsasında olmalıdır.
İstifadə qaydası
İstifadədən bilavasitə öncə flakonun içindəki tozu yanaşı təqdim olunan ampuladakı 2 ml
inyeksiya üçün su ilə həll etmək lazımdır.
Ağrı sindromu
2-3 dozaya bölünməklə 8-16 mq lornoksikam təşkil edir. Tövsiyə olunan maksimal gündəlik doza
16 mq təşkil edir.
Osteoartrit və revmatoidli artrit
Tövsiyə olunan başlanğıc doza 2-3 dozaya bölünməklə, gündə 12 mq təşkil edir. Dəstəkləyici doza
gündə 16 mq-dan çox olmamalıdır ya da həkim məsləhətinə əsasən təyin olunmalıdır.
Əlavə təsirləri
Əlavə təsirlərin tezlik parametrləri aşağıdakı şəkildə müəyyən olunur: çox tez-tez (≥1/10); tez-tez
(≥1/100, lakin <1/10); az-az (≥1/1000, lakin <1/100); nadir (≥1/10000, lakin <1/1000); çox nadir
(<1/10000); tezliyi məlum deyil (əldə olan məlumatlar əsasında qiymətləndirmək mümkün olmur).
Lornoksikam qəbulu zamanı daha çox tezliklə baş verən əlavə təsirlərə ürəkbulanma, dispepsiya,
mədə pozğunluğu, qarında ağrı, qusma, diareya, baş ağrısı və başgicəllənmə daxildir.
İnfeksiyalar və invaziyalar
Nadir: farinqit.
Qan və limfatik sistemə
Nadir: anemiya, trombositopeniya, leykopeniya, qanaxma müddətinin uzanması.
Çox nadir: ekximozlar.
İmmun sistemə
Nadir: hiperhəssaslıq, anafilaktoid və anafilaktik reaksiyalar.
Metabolizmə və qidalanmaya
Bəzən: anoreksiya, bədən çəkisi dəyişiklikləri.
Psixikanın pozulmaları
Bəzən: yuxu pozulması, depressiya.
Nadir: huşun dumanlanması, əsəbilik, həyəcan.
Sinir sisteminə
Tez-tez: qısamüddətli yüngül dərəcəli baş ağrıları, başgicəllənmə.
Nadir hallarda: yuxululuq, paresteziyalar, dadbilmənin pozulması, tremor, miqren.
Çox nadir hallarda: SQQE və birləşdirici toxumanın qarışıq xəstəlikləri olan pasiyentlərdə aseptik
meninqit.
Görmə orqanına
Bəzən: konyunktivit.
Nadir: görmə pozulmaları.
Eşitmə orqanına və labirintə
Tez-tez: başgicəllənmə, qulaqlarda küy.
Kardioloji pozulmalar
Bəzən: ürək döyüntüləri, taxikardiya, ödemlər, ürək çatışmazlığı.
Damar pozulmaları
Bəzən: istilik hissi, ödemlər.
Nadir hallarda: arterial hipertenziya, qanaxma, hematoma.
Tənəffüs sisteminə, döş qəfəsi və divaralığı orqanlarına
Bəzən: rinit.
Nadir hallarda: dispnoe, öskürək, bronxospazm.
Mədə-bağırsaq sisteminə
Tez-tez: ürəkbulanma, dispeptik əlamətlər, ishal, qusma.
Bəzən: qəbizlik, meteorizm, gəyirmə, ağızda quruluq, qastrit, mədənin xora xəstəliyi, epiqastral
nahiyədə ağrı, onikibarmaq bağırsağın xora xəstəliyi, ağız boşluğunda yaralar.
Nadir: melena, qan ilə qusma, stomatit, ezofaqit, qastroezofaqeal reflüks, disfaqiya, aftoz stomatit,
qlossit, perforativ peptik xora, mədə-bağırsaq qanaxması.
Hepatobiliar sistemə
Bəzən: qaraciyər funksiyasının göstəricilərinin (qlutamat-piruvat-transaminaza (QPT) və ya
qlutamat-oksaloasetat-transaminaza (QOT)) yüksəlməsi. Qaraciyər fermentlərinin
(alaninaminotransferaza (ALT) və aspartataminotransferaza (AST)) aktivliyinin yüksəlməsi.
Nadir: qaraciyər funksiyasının pozulması.
Çox nadir: hepatositlərin zədələnməsi.
Qaraciyər çatışmazlğının, hepatitin, sarılığın və xolestazın inkişafına səbəb ola bilən hepatotoksiklik.
Dəriyə və dərialtı toxumalara
Bəzən: səpgi, qaşınma, tərləmə, eritematoz səpgi, Kvinke ödemi, alopesiya.
Nadir: dermatit və ekzema, purpura.
Çox nadir: ödemler, bullyoz reaksiyalar, Stivens-Conson sindromu, toksiki epidermal nekroliz.
Skelet-əzələ sisteminə və birləşdirici toxumaya
Bəzən: artralgiya.
Nadir: sümüklərdə ağrılar, əzələ spazmları, mialqiya.
Böyrəklərə və sidik yollara
Nadir: nikturiya, sidik ifrazının pozulması, qanda sidik cövhəri və kreatinin səviyyəsinin yüksəlməsi.
Çox nadir: böyrək funksiyasının pozulması olan və böyrək qan axınının dəstəklənməsi üçün böyrək
prostaqlandinlərinə ehtiyacı olan pasiyentlərdə lornoksikam kəskin böyrək çatışmazlıının inkişafına
səbəb ola bilər. Müxtəlif formalarda təzahür edən nefrotoksiklik (nefrit və nefrotik sindrom daxil
olmaqla) QSİƏP-ın sinif səciyyəvi effektidir.
Ümumi pozulmalar və preparatın yeridilməsi yerində pozulmalar
Tez-tez: ümumi halsızlıq, üzün ödemi.
Nadir: asteniya.
Doza həddinin aşılması
LOREN doza həddinin aşılması zamanı aşağıdakı simptomlar ehtimal olunur: ürəkbulanma,
qusma, başhərlənmə, görmənin pozulması. Ağır simptomlara daxildir: komaya qədər irəliləyən
ataksiya və qıcolmalar, qaraciyər və böyrəklərin zədələnməsi, həmçinin qanın laxtalanma
pozğunluqları ola bilər. Real və ya ehtimal olunan doza həddinin aşılması zamanı preparatın
qəbulunu dayandırmaq lazımdır. Müalicəsi mədənin yuyulması, aktivləşdirilmiş kömür verilməsi,
həyati vacib funksiyaların nəzarətdə saxlanmasından ibarətdir. LOREN nun yarımxaricolma dövrü
qısa olduğu üçün o, orqanizmdən sürətlə xaric olunur. LOREN dializ ilə xaric olunmur. Halhazırda spesifik antidotu mövcud deyil.
Buraxılış forması
İnyeksiya məhlulu üçün liofilizə olunmuş toz.
8 mq toz, flakonda. 2 ml həlledici ampulda. 1 flakon və 1 ampul, içlik vərəqə ilə birlikdə karton
qutuya qablaşdırılır.
Saxlanma şəraiti
15-30°C temperaturda, qaranlıq, quru və uşaqların əli çatmayan yerdə saxlamaq lazımdır.
Saxlanma şəraitinə riayət edilməyən halda dərman vasitəsinin keyfiyyətinə təsir göstərə bilər.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
SAMI Pharmaceuticals (Pvt.) Ltd.
F-95, S.I.T.E., Karachi-Pakistan.
www.samipharmapk.com
Qeydiyyat vəsiqəsinini sahibi
Pharmaceuticals (Pvt.) Limited, Pakistan.
34-C, Block 6, P.E.C.H.S., Karachi-75350, Pakistan.
Eksklüziv distribyutor
EL Kompaniya MMC.