Grindex
LOPERAMID 2MG N10 TB(GRINDEX)
LOPERAMİD QRİNDEKS kapsullar LOPERAMID GRINDEKS
Beynəlxalq patentləşdirilməmiş adı: Loperamide
LOPERAMİD, Tərkibi
Təsiredici maddə: 1 kapsulda 2 mq loperamid hidroxlorid vardır.
Köməkçi maddələr:laktoza monohidrat, qarğıdalı nişastası, maqnezium stearat.
Kapsulun gövdəsi: titan dioksid (E 171), patentləşdirilmiş göy V boya maddəsi (E 131), al qırmızı 4R boya maddəsi (E 124), jelatin.
Kapsulun qapağı: titan dioksid (E171), xinolin sarısı boya maddəsi (E 104), patentləşdirilmiş göy V boya maddəsi (E 131), sarı dəmir oksidi (E 172), jelatin.
İstifadəsinə göstərişlər
Böyüklərdə və 12 yaşdan yuxarı uşaqlarda kəskin diareyanın simptomatik müalicəsi.
Əks göstərişlər
- Preparatın istənilən komponentinə qarşı yüksək həssaslıq;
- divertikulyoz;
- bağırsaq keçməzliyi (o cümlədən, peristaltikanın zəifləməsindən çəkinməyə ehtiyac olduqda), meqakolon və toksik meqakolon;
- geniş təsir spektrinə malik antibiotiklərin istifadəsilə əlaqədar kəskin xoralı kolit və ya psevdomembranoz kolit;
- Salmonella, Shigella və Campylobacter ailəsindən olan mikroorqanizmlərlə törədilən bakterial enterokolit;
- preparatın metabolizmi üçün vacib olan qaraciyər funksiyasının pozulması, belə ki, bu doza həddinin nisbətən aşılmasına səbəb ola bilər;
- qızdırma və qan qarışığı ilə yanaşı kəskin diareya;
- hamiləlik (I trimestr) və laktasiya dövrü;
- 12 yaşa qədər uşaqlar;
- laktaza defisiti, qalaktozaya qarşı dözümsüzlük, qlükoza-qalaktoza malabsorbsiyası. Pasiyentdə yuxarıda qeyd edilən xəstəlik və ya vəziyyətlərdən istənilən biri qeyd edildikdə, preparatı qəbul etməzdən əvvəl bu barədə həkimə məlumat vermək lazımdır.
Hamiləlik və laktasiya dövründə istifadəsi
Preparatın teratogen və embriotoksik xüsusiyyətləri barədə məlumatın olmasına baxmayaraq, loperamidi hamiləlik dövründə, xüsusilə I trimestrdə, yalnız o zaman təyin etmək olar ki, gözlənilən terapevtik effekt dölə/uşağa olan potensial riskdən üstün olsun.
Loperamid az miqdarda ana südünə nüfuz edir, bu səbəbə görə preparatın istifadəsinə ehtiyac olduqda, ana südü ilə qidalandırmanı dayandırmaq lazımdır.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Loperamid, adətən, texnika ilə işləmək və nəqliyyat idarə etmək qabiliyyətinə təsir etmir, lakin
yüksək yorğunluq, yuxululuq və ya başgicəllənmənin yaranması zamanı avtonəqliyyat idarə etmək və ya digər mexanizmlərlə işləmək məsləhət görülmür.
LOPERAMİD, İstifadə qaydası və dozası
Kapsullar çeynənilmədən, bir qədər maye ilə daxilə qəbul edilir.
Böyüklər və 12 yaşdan yuxarı uşaqlar
Başlanğıc doza 2 kapsuldur (4 mq), bağırsağın hər duru boşalmasından sonra 1 kapsul (2 mq) qəbul edilir. Maksimal sutkalıq doza 6 kapsulu (12 mq) aşmamalıdır.
12 yaşdan aşağı uşaqlar
İstifadəsi əks göstərişdir.
Yaşlı və böyrək funksiyası pozulmuş pasiyentlər
Dozanın korreksiyası tələb edilmir.
Qaraciyər funksiyası pozulmuş pasiyentlər
Qaraciyər funksiyası pozulmuş pasiyentlərdə preparatın təsiri barədə farmakokinetik məlumatlar olmasa da, belə pasiyentlərə onlarda ilin metabolizmin gedişinin ləngiməsinə görə preparatı
ehtiyatla təyin etmək lazımdır.
İstifadə müddəti 48 saatı aşmamalıdır. 2 gün ərzində simptomlar azalmadıqda, preparatın qəbulunu dayandırmaq və həkimə müraciət etmək lazımdır. Bağırsağın boşalması tez normallaşdıqda,
preparatı dayandırmaq lazımdır.
Preparatın növbəti qəbulu ötürüldükdə, onu dərhal qəbul etmək lazımdır. Ötürülən dozanı əvəz etmək üçün ikiqat doza qəbul etmək olmaz. Qəbul həkim tövsiyəsi üzrə davam etdirilməlidir.
Əlavə təsirləri
Loperamidin istifadəsi zamanı daha çox qəbizlik, qazın toplanması, başağrı və ürəkbulanma kimi əlavə təsirlər barədə məlumat verilmişdir.
Aşağıda əlavə təsirlər orqan sistemləri və MedDRA üzrə rastgəlmə tezliyilə məlumat bazası
təsnifatına müvafiq sadalanmışdır: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 -
< 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil).
İmmun sistemdə baş verən pozuntular: nadir hallarda – yüksək həssaslıq reaksiyaları, anafilaktik reaksiyalar (o cümlədən, anafilaktik şok), anafilaktoid reaksiyalar.
Sinir sistemində baş verən pozuntular: tez-tez – başağrı; bəzən – yuxululuq, başgicəllənmə; nadir hallarda – huşun itməsi, stupor, şüur səviyyəsinin zəifləməsi, hipertoniya, koordinasiyanın
pozulması.
Gözlərdə baş verən pozuntular: nadir hallarda – mioz.
Mədə-bağırsaq sistemində baş verən pozuntular: tez-tez – qəbizlik, ürəkbulanma, qazın toplanması; bəzən – qarın nahiyəsində ağrı, qarın nahiyəsində diskomfort hissiyyatı, ağızda quruluq hissi, qarnın yuxarı nahiyəsində ağrı, qusma, dispepsiya; nadir hallarda – ileus (o cümlədən, paralitik ileus),
meqakolon (o cümlədən, toksik meqakolon), qlossodiniya, qarında köp; məlum deyil – kəskin pankreatit.
Dəridə və dərialtı toxumada baş verən pozuntular: bəzən – səpgi; nadir hallarda – bullyoz səpgi (o cümlədən, Stivens-Conson sindromi, toksik epidermal nekroliz və multiformalı eritema), angionevrotik ödem, övrə, qaşınma.
Böyrəklərdə və sidikçıxarıcı yollarda baş verən pozuntular: nadir hallarda – sidiyin ləngiməsi.
Ümumi və yeridilmə nahiyəsində baş verən pozuntular: nadir hallarda – yorğunluq.
Sadalanan əlavə təsirlər yarandıqda, eləcə də təlimatda qeyd edilməyən əlavə təsirlər baş verdikdə, həkimə müraciət etmək vacibdir.