Pharmed
LONOREF 10ML DAMLA
LONOREF
Beynəlxalq patentləşdirilməmiş adı: Cetirizine HCL
LONOREF Tərkibi
Təsiredici maddə: 1 ml məhlulun tərkibində 10 mq setirizin dihidroxlorid vardır. Köməkçi maddələr:metilparahidroksibenzoat (metilparaben ), propilparahidroksibenzoat (propilparaben ), qliserin, sorbitol, natrium hidroksid (PH 5,5 ) qədər, banan dadverici, təmizlənmiş su.
Farmakoterapevtik qrupu
Sistem istifadə üçün antihistaminlər. Piperazin törəmələri.
ATC kodu: R06AE07.
Farmakoloji xüsusiyyətləri
H1 histamin reseptorlarının yüksək aktivliyə malik spesifik blokatoru olub uzunmüddətli təsir edir. Lonoref histaminin tosqun hüceyrələrdən xaric olmasını tormozlayır.Selektiv olaraq H1 reseptorları blokadaya alır və histaminin saya əzələlərə və damarlara təsirinin qarşısını alır. Kapilyarların keçiriciliyini azaldır,eksudasiyanı tormozlayır,qaşınma və eritemanı azaldır. Allergik reaksiyaların qarşısını alır və gedişini yüngülləşdirir. Lonoref -in antiallergik təsiri onun qəbulundan 30 dəq sonra başlayır və 24 saat davam edir.Preparat hematoensefalitik baryeri keçmir və ona görə antixolinergik və sedativ təsir göstərmir. Lonoref mədə - bagırsaq traktından yaxşı sorulur. Qəbulundan 1,3-2,5 saat sonra qan plazmasında maksimal konsentrasiyası yaranır. T1/2 7-8 saatdır. Sidiklə dəyişilməmiş şəkildə xaric olur.
İstifadəsinə göstərişlər
Allergik konyuktivit; mövsümi və il boyu müşahidə olunan allergik rinit (o cümlədən pollinoz); kəskin övrə və Kvinke ödemi (o cümlədən xroniki idiopatik forma). Həşəratların dişləməsi ilə əlaqədar meydana çıxan allergik reaksiyalar; qaşınan allergik dermatozlar (kontakt allergik dermatitlər, xroniki ekzema).
Əks göstərişlər
Cetirizinə qarşı fərdi yüksək həssaslıq, qaraciyər funksiyasının ağır pozğunluğu. Kreatininin klirensi ˃ 10 ml/dəqiqə olan böyrək çatışmazlığı olan pasiyentlər. 2 yaşdan aşağı uşaqlar.
Xüsusi göstərişlər və ehtiyat tədbirləri
Böyrək çatışmazlığı zamanı dozanı azaltmaq lazımdır. Epilepsiyalı pasiyentlərdə ehtiyatla istifadə edilməlidir. Metilparahidroksibenzoat və propilparahidroksibenzoat allergik reaksiyalara səbəb ola bilər.
Digər dərman vasitələri ilə qarşılıqlı təsiri
Farmakokinetik, farmakodinamik cəhətdən və tolerantlıq profilinə görə digər dərman vasitələri ilə qarşılıqlı əlaqə gözlənilmir. Faktiki olaraq dərman vasitələri ilə qarşılıqlı təsirini öyrənən farmakokinetik tədqiqatlarda, onların arasında əhəmiyyətli farmakodinamik qarşılıqlı əlaqə haqda məlumatlar qeydə alınmamışdır (əsasən psevdoefedrin və teofillinlə - 400 mq/gün). Qida qəbulu setirizinin absorbsiya tamlığına təsir etmir, ancaq absorbsiyanın sürəti bir qədər zəifləyir.
Hamiləlik və laktasiya dövründə istifadəsi
Əks göstərişdir. Preparatın istifadəsinə mütləq göstəriş olarsa, ana südü ilə qidalandırma dayandırılmalıdır. Hamiləlik dövründə yalnız həyatı göstəriş olduqda təyin oluna bilər.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Yuxululuq və başgicəllənmi kimi əlavə təsirlərin yaranması ilə əlaqədar olaraq, nəqliyyat idarə etməkdən və yüksək diqqət və sürətli psixomotor reaksiyalar tələb edən digər potensial təhlükəli fəaliyyət növlərilə məşğul olmaqdan çəkinmək lazımdır.
LONOREF İstifadə qaydası və dozası
Böyüklər və 12 yaşdan yuxarı uşaqlar : gündə 1 dəfə 10 mq ( 20 damcı ). 6-12 yaşlı uşaqlar: gündə 10 mq ( 20 damcı : 10 damcı səhər və 10 damcı axşam). 2 - 6 yaşlı uşaqlar: gündə 5mq ( 10 damcı: 5 damcı səhər və 5 damcı axşam).
Əlavə təsirləri
Bütün dərmanlar kimi, bu preparatın da əlavə təsirləri vardır, lakin bu əlavə təsirlər hər xəstədə meydana çıxmır. Əgər Sizdə aşağıda göstərilən əlavə təsirlərdən hər hansı biri əmələ gələrsə, preparatın qəbulunu ləğv edib, müalicə həkiminizə müraciət edin:
- üzdə və boğazda ödem törədən ağır allergik reaksiya (angionevrotik ödem);
- bütün orqanizm tərəfindən ağır reaksiya (anafilaktik şok);
- intihar barədə fikirlər (intihar etməyə yonəldilmiş fikirlər və ya intihar ilə bağlı təkrar və yenidən qayıdan fikirlər);
- yaddaşın itməsi (amneziya), yaddaşın pozulması;
- sidik kisəsini boşaltmağa mümkün olmama (sidiyin ləngiməsi);
- bayılma;
- qıcolma tutması.
Tez-tez baş verən əlavə təsirlər (100 xəstədən 1-10-da rast gələn):
- yuxuyameyillilik
- başgicəllənmə, başağrısı
- zökəm, faringit (boğazın iltihabı)
- ishal (uşaqlarda), ürəkbulanma, ağızda quruluq
- yorğunluq
Bəzən baş verən əlavə təsirlər (1000 xəstədən 1-10-da rast gələn):
- oyanma
- paresteziyalar (dəridə anormal hissi)
- qarında ağrı, ishal
- qaşınma, dəri səpgisi
- asteniya (nəzərə çarpalı zəiflik), ümumi halsızlıq hissi
Nadir hallarda baş verən əlavə təsirlər (10000 xəstədən 1-10-da rast gələn):
- allergik reaksiyalar
- depressiya, hallyusinasiyalar, aqressivlik, şüurun qarışığı, yuxusuzluq
- qıcolma tutmaları
- taxikardiya (ürək yığılmaların tezliyinin artırılması)
- qaraciyər funksiyasının pozulması
- övrə
- bədən kütləsinin artırılması
Çox nadir hallarda baş verən əlavə təsirlər (10000 xəstədən 1-dən az rast gələn):
- trombositopeniya (qan lövhəciklərin sayının azalması)
- ağır allergik reaksiyaları, üzdə və ya boğazda şişkinlik törədən (angionevrotik ödem), bütün orqanizm tərəfindən ağır reaksiya (anafilaktik şok), qeyd edilmiş toksidermiya (dəri səpgisi, hansı eyni bir yerdə baş verir)
- tik (əzələlərin qəflətən, anormal, təkrarlı dartırılması), titrətmə
- bayılma
- dadbilmə hissinin pozulması
- qeyri-aydın görmə, akkomodasiyanın pozulması (gözün təsvirin fokusatapma qabiliyyəti), sidiyin gecə saxlanmaması, ağrılı və ya çətin sidik ifrazı.
Tezliyi məlum deyil (mövcud olan məlumatlara əsasən başvermə tezliyini müəyyən etmək mümkün olmur):
- iştahın artması
- suisidal fikirlər (intihar barədə fikirlər və ya bununla bağlı təkrar fikirlər)
- yaddaşın itməsi, yaddaşın pozulması
- vertiqo (başgicəllənmə, fırlatma hissi ilə müşayiət edilən)
- sidiyin ləngiməsi (sidik kisəsini tam boşaltmağa mümkün olmama). Əlavə təsirlər barədə məlumatın verilməsi Hər hansı bir əlavə təsir meydana çıxarsa, həmçinin bu içlik vərəqədə qeyd edilməyən əlavə təsirlər meydana çıxarsa, həkiminizə və ya əczaçıya müraciət edin. Verilmiş məlumatların köməyi ilə Siz bu preparatın təhlükəsizliyi barədə daha ətraflı məlumat əldə edilməsinə kömək etmiş olacaqsınız.
Doza həddinin aşılması
Bu halda mədə yuyulur. Simptomatik müalicə aparılır.
Buraxılış forması
10 ml məhlul, şüşə flakonda. 1 flakon damcısalan və içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.