Pharmed

LIMENDA 750/200MG N7 VAG SAM

LİMENDA

Beynəlxalq patentləşdirilməmiş adı: Metronidazole + Miconazole

LİMENDA Tərkibi

Təsiredici maddələr: 1 şamın tərkibində 750 mq metronidazol, 200 mq mikonazol nitrat vardır. Köməkçi maddə: bərk piy (Vitepsol S55).

Farmakoterapevtik qrupu

Ginekologiyada istifadə olunan antiseptik və mikrobəleyhinə vasitələr, kortikosteroid tərkibli kombinəolunmuş prepratlar istisna olmaqla. İmidazol törəmələrinin kombinasiyası.

ATC kodu: G01AF20.

Farmakoloji xüsusiyyətləri

Farmakodinamikası: Limendanın tərkibində antibakterial və trixomonadəleyhinə vasitə kimi metronidazol və göbələkəleyhinə vasitə kimi mikonazol nitrat vardır. Metronidazol 5-nitroimidazol qrupundan olan antiprotozoy antibakterial vasitə hesab olunur, ibtidailərin törətdiyi infeksiyalara qarşı və anaerob bakteriyaların törətdiyi əksər infeksiyalara qarşı effektivdir. Metronidazol anaerob streptokokklar daxil olmaqla anaerob bakteriyalara qarşı, həmçinin Trichomonas vaginalis və Gardnerella vaginalis qarşı effektivdir. Mikonazol nitrat geniş təsir spektrli imidazolun sintetik törəməsi hesab olunur, patogen göbələklərə, o cümlədən Candida albicans qarşı effektivdir, bundan əlavə, mikonazol nitrat qrammüsbət bakteriyalara qarşı effektivdir. Mikonazol nitrat sitoplazmatik membranda erqosterol sintezinə təsir göstərir. Mikonazol nitrat Candida növlərində in vitro mikotik hüceyrənin keçiriciliyini dəyişir və hüceyrədə qlükozanın istifadəsini inhibə edir. Metronidazol və mikonazol sinergist və ya antaqonist hesab olunmurlar. 750 mq metronidazol/200 mq mikonazol nitrat kombinasiyasının effektivlik və təhlükəsizlik tədqiqatı vaginiti olan 104 pasiyentin iştirak etdiyi birmərkəzli açıq idarəolunmayan kliniki tədqiqatda aparılmışdır. Bu kombinasiyanın kandidoz, bakterial və trixomonad vaginiti və qarışıq infeksiyalar zamanı 7 gün ərzində istifadəsi müvafiq olaraq hadislərin 96,6% 98,1%, 97,3% və 98% kliniki sağalmasına gətirib çıxarmışdır. Mikrobioloji sağalma müvafiq olaraq hadisələrin 89,8%, 96,2%, 100% və 91,7% -də əldə olunmuşdur. 750 mq metronidazol/200 mq mikonazol nitrat kombinasiyasının digər randomizəolunmuş açıq müqayisəli effektivlik, təhlükəsizlik və orqanizm tərəfindən mənimsənilməsi tədqiqatında müəyyən olunmuşdur ki, kliniki və mikrobioloji sağalma dərəcəsi müvafiq olaraq 84% və 76% təşkil edir.

Farmakokinetikas: Absorbsiyası: Uşaqlıqdaxili istifadəsi zamanı metronidazolun biomənimsənilməsi daxilə qəbul ilə müqayisədə 20% təşkil edir. Şamların istifadəsindən sonra tarazlıq vəziyyəti əldə olunduğu zaman plazmada metronidazolun konsentrasiyası 1,1-5,0 mkq/ml təşkil edir. İntravaginal (uşaqlıqdaxili) yeridilməsi zamanı mikonazol nitrat cüzi absorbsiya olunur (dozanın 1,4%-ə qədəri). Şamların istifadəsindən sonra mikonazol nitrat plazmada aşkar olunmamışdır. Paylanması: Metronidazol plazmatik konsentrasiyalara yaxın konsentrasiyalarda toxumalarda və orqanizm mayelərində, o cümlədən öd, sümüklər, süd vəziləri və ana südü, serebral abses, onurğabeyin mayesi, qaraciyər və qaraciyər absesi, ağız suyu, toxum mayesi və vaginal sekret daxil olmaqla, paylanır. Metronidazol plasentar baryerdən keçir və dölün qan dövranına daxil olur. Plazma zülalları ilə birləşmə dərəcəsi 20%-dən az təşkil edir. Paylanma həcmi 0,25-0,85 l/kq təşkil edir. Mikonazol nitrat 90-93% plazma zülalları ilə birləşir. Onurğabeyin mayesinə praktiki olaraq keçmir, lakin digər toxumalarda geniş yayılır. Paylanma həcmi 1400 l təşkil edir. Biotransformasiyası: Metronidazol qaraciyərdə oksidləşmə zamanı metabolizə olunur. Hidroksil metaboliti aktiv hesab olunur. Sidiklə ifraz olunan iki əsas metabolit hidroksil metaboliti və sirkə turşusu ilə birləşməsi hesab olunur. Hidroksil metaboliti metronidazolun 30% bioloji aktivliyinə malikdir. Mikonazol nitrat iki qeyri-aktiv metabolit əmələ gətirməklə qaraciyərdə metabolizə olunur. Xaricolma: Metronidazolun yarımxaricolma dövrü 6-11 saat təşkil edir. Sistem və ya yerli istifadəsi zamanı dozanın 6-15%-i nəcislə xaric olunur, dozanın 60-80%-i sidiklə xaric olunur (bu miqdarın 20%-i dəyişilməmiş şəkildə). Mikonazol nitratın yarımxaricolma dövrü 24 saat təşkil edir. 1%-dən az hissəsi böyrəklərlə xaric olunur. Təxminən 50% nəcislə əsasən dəyişilməmiş şəkildə xaric olunur.

İstifadəsinə göstərişlər

- Candida albicans törətdiyi vulvovaginit;

- Gardnerella vaginalis və anaerob bakteriyaların törətdiyi bakterial vaginoz;

- Trichomonas vaginalis törətdiyi trixomonad vaginit;

- qarışıq vaginal infeksiyalar.

Əks göstərişlər

- Preparatın komponentlərinə qarşı və ya digər imidazol törəmələrinə qarşı yüksək həssaslıq;

- müalicə zamanı və ya müalicənin qurtarmasından sonra 3 gün ərzində alkoqol istifadəsi;

- müalicə zamanı və ya müalicəyə qədər 2 həftə ərzində disulfiram qəbulu;

- qaraciyər funksiyasının ağır pozulmaları;

- epilepsiya;

- porfiriya;

- hamiləliyin birinci trimestri.

Xüsusi göstərişlər və ehtiyat tədbirləri

Müalicə zamanı və müalicədən sonra 3 gün ərzində disulfiramabənzər reaksiyalar mümkün olduğu üçün alkoqol qəbulundan qaçmaq lazımdır. Yüksək dozalarda sistem və uzun müddət ərzində istifadəsi zamanı metronidazol periferik neyropatiya və qıcolmalara səbəb ola bilər. Preparatı bakirə qızlarda və cinsi yetkinliyə çatmamış qızlarda istifadə etmək olmaz. Limenda şamlarını digər vaginal preparatlar ilə (məsələn, tamponlar, vaginal duş və spermisidlər) eyni vaxtda istifadə etmək olmaz. Trixomonad vaginit olan pasiyentlərdə cinsi partnyorun da eyni vaxtda müalicə qəbul etməsi vacibdir. Lateks prezervativlərin və ya vaginal antibakterial preparatlarla diafraqmaların eyni vaxtda istifadəsi lateks kontraseptiv vasitələrin effektivliyini azalda bilər. Bu səbəbdən, mikonazol tərkibli şamları lateks prezervativlər və ya lateks diafraqmalar ilə eyni vaxtda istifadə etmək olmaz. Hiperhəssaslıq reaksiyaların, o cümlədən anafilaksiya və angionevrotik ödemin inkişaf etməsi ehtimalı mövcuddur, belə əlavə təsirlər yarandıqda müalicəni dayandırmaq lazımdır. Ağır hepatotoksiklik/kəskin qaraciyər çatışmazlığı hadisələri, o cümlədən Kokeyn sindromlu pasiyentlərdə sistem istifadə üçün metronidazol tərkibli preparatlar ilə müalicəyə başladıqdan sonra çox sürətlə inkişaf edən ölüm hadisələri barədə məlumat verilmişdir. Bu səbəbdən, bu populyasiyada metronidazolu risk/fayda diqqətlə qiymətləndirildikdən sonra və yalnız alternativ müalicə olmadığı halda istifadə etmək lazımdır. Qaraciyər funksiyasının diaqnostikası terapiyaya başlamadan bilavasitə öncə və qurtardıqdan sonra qaraciyər funksiyası normal göstəricilər sərhəddində olana qədər və ya əsas göstəricilər əldə olunana qədər aparılmalıdır. Əgər müalicə zamanı qaraciyər sınaqlarının müayinə nəticələri əhəmiyyətli dərəcədə yüksək olarsa, preparatın qəbulunu dayandırmaq lazımdır. Kokeyn sindromlu pasiyentlər qaraciyər funksiyasının hər-hansı pozulması simptomu barədə dərhal həkimə məlumat verməli və metronidazol qəbulunu dayandırmalıdır.

Digər dərman vasitələri ilə qarşılıqlı təsiri

Metronidazolun absorbsiyası nəticəsində aşağıdakı dərman qarşılıqlı təsirlər ola bilər: Alkoqol: alkoqola qarşı dözümsüzlük (disulfiramabənzər reaksiyalar riski). Amiodaron: kardiotoksiklik riskinin artması (QT intervalının uzanması, “piruet” tipli taxikardiya, ürəyin dayanması). Astemizol və terfenadin: bu birləşmələrin metabolizminin inhibə olunması və onların plazmada konsentrasiyasının yüksəlməsi. Disulfiram: mərkəzi sinir sistemi tərəfindən pozulmalar (psixotik reaksiyalar). Fenitoin: fenitoin səviyyəsinin artması və plazmada metronidazol səviyyəsinin azalması. Fenobarbital: plazmada metronidazol səviyyəsinin azalması. Flüorurasil: plazmada flüorurasil səviyyəsinin artması və onun toksikliyinin yüksəlməsi. Karbamazepin: plazmada karbamazepin konsentrasiyasının artması. Litium: litiumun toksiki təsirinin güclənməsi. Peroral antikoaqulyantlar: antikoaqulyant effektin güclənməsi (qanaxma riskinin yüksək olması) Siklosporin: siklosporinin toksiki təsirinin güclənməsi. Simetidin: plazmada metronidazol səviyyəsinin artması və nevroloji pozulmaların inkişaf etməsi riski. Qanda qaraciyər fermentlərin, qlükoza (heksokinaz üsulu ilə təyini zamanı), teofillinin və prokainamidin səviyyələrinə təsir etməsi mümkündür. Mikonazol nitratın absorbsiyası nəticəsində aşağıdakı dərman qarşılıqlı təsirləri ola bilər: Asenokumarol, anizindion, dikumarol, fenindion, fenprokumon, varfarin: qanaxma riskinin yüksəlməsi. Astemizol, sizaprid, terfenadin: bu preparatların metabolziminin inhibə olunması və onların plazma konsentrasiyalarının yüksəlməsi. Fenitoin və fosfenitoin: fenitoinin toksiki effektləri riski (ataksiya, hiperrefleksiya, nistaqm, tremor). Fentanil: opioid preparatların təsir müddətinin artması (mərkəzi sinir sisteminin və tənəffüsün ləngiməsi). Qlimepirid: hipoqikemiyanın inkişaf etməsi. Karbamazepin: karbamazepin metabolizminin azalması. Oksibutinin: oksibutinin metabolizminin inhibə olunması, bunun nəticəsində onun plazma konsentrasiyası yüksəlir (ağızda quruluq, qəbizlik, başağrısı). Oksikodon: plazmada oksikodon konsentrasiyasının artması və onun klirensinin azalması. Pimozid: kardiotoksiklik rikinin yüksəlməsi (QT intervalının uzanması, “piruet” tipli taxikardiya, ürəyin dayanması). Siklosporin: siklosporinin toskiki effektinin güclənməsi riski (böyrəklərin funksiyasının pozulması, xolestaz, paresteziyalar). Tolterodin: sitoxrom P450 2D6 aktivliyi zəifləmiş pasiyentlərdə tolterodinin biomənimsənilməsinin artması. Trimetreksat: trimetreksatın toksiki effektinin artması (sümük iliyinin ləngiməsi, böyrəklər və qaraciyər funksiyasının azalması, mədə-bağırsaq traktının zədələnməsi). Xüsusi qrup pasiyentlər: Xüsusi qrup pasiyentlər üzərində qarşılıqlı təsir tədqiqatları aparılmayıb. Pediatrik populyasiya: Uşaqlarda qraşılıqlı təsir tədqiqatları aparılmayıb.

Hamiləlik və laktasiya dövründə istifadəsi

Doğuş potensialına malik qadınlar/kontrasepsiya Limenda preparatı ilə müalicə zamanı müvafiq kontrasepsiya üsullarından istifadə etmək lazımdır, belə ki, preparatın təsiredici maddələrinin dölün inkişafına təsiri məlum deyildir. Hamiləlik: Heyvanlar üzərində aparılan tədqiqatlardan əldə olunan məlumatlar hamiləliyə, embrional/fetal inkişafa, doğuşa və/və ya postnatal inkişafa təsiri baxımından kifayət etmir. İnsan üçün potensial riski məlum deyildir. Preparatın hamiləliyin birinci trimestrində istifadəsinə dair məlumatlar kifayət qədər deyildir. Limenda şamlarını hamiləliyin birinci trimestrində istifadə etmək olmaz. Hamiləliyin ikinci və üçüncü trimestrlərində fayda və risk nisbəti həkim tərəfindən qiymətləndirilməlidir, aşkar ehtiyac olmadığı halda hamiləlik zamanı preparatı qəbul etmək olmaz. Laktasiya: Müalicə zamanı ana südü ilə qidalandırmanı dayandırmaq lazımdır, belə ki, metronidazol ana südünə keçir. Ana südü ilə qidalandırmanı müalicə qurtardıqdan sonra 24-48 saat sonrası bərpa etmək olar. Fertillik: Metronidazol və mikonazol nitratın ayrı-ayrılıqda istifadəsi zamanı insan fertilliyinə mənfi təsirini sübut edən dəlillər yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Metronidazol sistem istifadə zamanı nəqliyyat vasitələrini və mexanizmləri idarəetmə qabiliyyətinə təsir göstərə bilər. Vaginal yeridilməsi zamanı sistem istifadə ilə müqayisədə metronidazol daha az dərəcədə absorbsiya olunur. Limenda başhərlənmə, ataksiya, yorğunluq və zəiflik yarada bildiyi üçün nəqliyyat vasitəsi və mexanizmləri idarəetmə qabiliyyətinə təsir göstərə bilər.

LİMENDA İstifadə qaydası və dozası

Preparat intravaginal istifadə olunur, gecə 1 şam uşaqlıq yoluna dərinə yeridilir 7 gün ərzində və ya həkimin digər təyinatına uyğun olaraq. Residivləşən vaginitlər və ya digər növ müalicələrə rezistent vaginitlər zamanı preparatı gecə 1 şam 14 gün ərzində istifadə etmək lazımdır. Limenda vaginal şamları arxasıüstə uzanmış vəziyyətdə, qutunun içində olan birdəfəlik barmaq ucluqları vasitəsilə yeritmək lazımdır. Udmaq və ya hər-hansı digər üsulla istifadə etmək olmaz. Aybaşı dövründə preparatı istifadə etmək olmaz, belə ki, onun effektivliyinin azalması mümkündür. Böyrək/qaraciyər çatışmazlığı Böyrək çatışmazlığı zamanı metronidazolun yarımxaricolma dövrü dəyişmir. Beləlikə, metronidazolun dozasını azaltmağa ehtiyac yoxdur, lakin hemodializ tələb edən ağır böyrək çatışmazlığı zamanı dozanı korreksiya etmək lazımdır. Ağır qaraciyər çatışmazlığı zamanı metronidazolun klirensi azalır. Qaraciyər ensefalopatiyası olan pasiyentlərdə ehtiyatla istifadə etmək lazımdır, belə ki, plazmada metronidazolun konsentrasiyasının artması ehtimalı olduğu üçün ensefalopatiya simptomları güclənə bilər. Qaraciyər ensefalopatiyası olan pasiyentlərdə metronidazolun gündəlik dozası üçdə birinə qədər azaldılmalıdır. Pediatrik populyasiya: Preparat 12 yaşa qədər uşaqlarda istifadə üçün nəzərdə tutulmayıb. Yaşlı pasiyentlər: 65 yaşdan yuxarı yaşlı pasiyentlər üçün dozalanma rejiminin korreksiyası tələb olunmur.

Əlavə təsirləri

Əlavə təsirlərin tezlik parametrləri aşağıdakı şəkildə müəyyən olunur: çox tez-tez (≥ 1/10); tez-tez (≥ 1/100, lakin < 1/10); bəzən (≥ 1/1000, lakin < 1/100); nadir (≥ 1/10000, lakin < 1/1000); çox nadir (< 1/10000); tezliyi məlum deyil (əldə olan məlumatlara əsasən qiymətləndirmək mümkün deyil). Metronidazolun vaginal yeridilməsi peroral qəbulu ilə müqayisədə plazmada çox aşağı səviyyələrə (2-12%) gətirib çıxardığı üçün, sistem əlavə təsirlərin baş verməsi tezliyi də həmçinin çox aşağı olur. Mikonazol nitrat 2-6% hallarda uşaqlıq yolunun qıcıqlanmasına səbəb olur (yandırma, qaşınma), vaginal istifadə olunan digər göbələkəleyhinə imidazol törəmələri kimi. Vaginit zamanı uşaqlıq yolu selikli qişasının iltihabı səbəbindən birinci şamın yeridilməsindən sonra və ya müalicənin 3-cü gününə uşaqlıq yolunun qıcıqlanması simptomları (yandırma, qaşınma) güclənə bilər. Müalicə davam etdirildiyi təqdirdə bu simptomlar tezliklə itir. Güclü qıcıqlanma zamanı müalicəni dayandırmaq lazımdır. Təsiredici inqrediyentlərin sistem istifadəsi zamanı ehtimal edilən əlavə təsirlər aşağıda sadalanmışdır:

Qan və limfatik sistemə: tezliyi məlum deyil – leykopeniya.

İmmun sistem tərəfindən: tezliyi məlum deyil – hiperhəssaslıq reaksiyaları, allergik reaksiyalar (ağır hallarda anafilaksiya inkişaf edə bilər).

Psixiki pozğunluqlar: bəzən – depressiya; çox nadir – psixiki dəyişikliklər.

Sinir sisteminə: tez-tez- başhərlənmə, başağrısı; tezliyi məlum deyil- yorğunluq, zəiflik, ataksiya, qıcolmalar, yüksək dozaların istifadəsi zamanı və/və ya metronidazolun uzunmüddətli istifadəsi zamanı periferik neyropatiya.

Mədə-bağırsaq sisteminə: tezliyi məlum deyil – dadbilmə hissinin dəyişməsi, ağızda metallik dad, ürəkbulanma, qusma, qəbizlik, ağızda quruluq, diareya, iştahanın itirilməsi, qarında ağrı və ya spazmlar.

Qaraciyərə: məlum deyil-xolestaz, sarılıq, qaraciyər fermentlərinin səviyyəsinin artması.

Ümumi pozğunluqlar və istifadə üsulu ilə əlaqəli dəyişikliklər: çox tez-tez – vaginal ifrazat; teztez- vaginit, uşaqlıq yolunun qıcıqlanması, çanaq nahiyəsində diskomfort; bəzən- susuzluq hissi; nadir- vaginal yandırma, qaşınma, qıcıqlanma, qarında ağrılar, dəri səpgisi; tezliyi məlum deyilyerli qıcıqlanma və sensibilizasiya, kontakt dermatit.

Laborator testlərinə təsiri: sidiyin rənginin tündləşməsi. İntravaginal yeridilmə zamanı əlavə təsirlər daha az tezliklə rast gəlinir, belə ki, metronidazolun qanda səviyyəsi daha aşağı olur.

Doza həddinin aşılması

Çox sayda şam istifadə olunduğu halda metronidazolun sistem effektlərinin inkişaf etməsi mümkündür. Vaginal istifadəsi zamanı metronidazolun həyati təhlükəli simptomlar yaratması az ehtimal olunur. Metronidazol ilə doza həddinin aşılması zamanı ürəkbulanma, qusma, qarında ağrı, diareya, qaşınma, ağızda metal dadı, ataksiya, başhərlənmə, paresteziya, qıcolmalar, leykopeniya, sidiyin tündləşməsi mümkündür. Mikonazol nitrat ilə doza həddinin aşılması zamanı ağızda və boğazda yandırma hissi, anoreksiya, ürəkbulanma, qusma, başağrısı, diareya baş verə bilər. Çox sayda şamın təsadüfən daxilə qəbulu zamanı lazım olduqda mədənin yuyulması icra oluna bilər. Daxilə 12 q-a qədər metronidazol qəbul etmiş şəxslərdə bundan sonra vəziyyətin yaxşılaşması əldə oluna bilər. Xüsusi antidotu yoxdur. Simptomatik və dəstəkləyici terapiya tövsiyə olunur.

Buraxılış forması

Vaginal şamlar. 7 şam, stripdə. 1 və ya 2 strip, barmaq ucluqları ilə (müvafiq olaraq 7 və ya 14 ədəd) və içlik vərəqə ilə birlikdə karton qutuya qablaşdırılır.

Aptekdən buraxılma şərti

Resept əsasında buraxılır.