Pharmed
LEVOFLOXACIN 0,5% 100ML (UKR)
LEVOFLOKSASİN
LEVOFLOKSASİN Tərkibi
Təsiredici maddə: 100 ml məhlulun tərkibində 500 mq levofloksasin hemihidrat (100% quru
maddə hesabı ilə) vardır.
Köməkçi maddələr: natrium xlorid, dinatrium edetat, durulaşdırılmış xlorid turşusu, natriumhidroksid, inyeksiya üçün su.
Farmakoterapevtik qrupu
Xinolonlar qrupundan olan antibakterial vasitə. Flüorxinolonlar.
ATC kodu: J01MA12.
Farmakoloji xüsusiyyətləri
Farmakodinamikası:
Levofloksasin florxinolonlar qrupundan olan sintetik antibakterial vasitə olub ofloksasin dərman
maddəsinin rasemik qarışığının S-enantiomeridir.
Təsir mexanizmi:
Ftorxinolonlar qrupundan olan antibakterial vasitə kimi levofloksasin DNT-DNT-giraza və
topoizomeraza IV kompleksinə təsir göstərir.
Farmakokinetika/farmakodinamika nisbəti
Levofloksasinin bakterial aktivlik dərəcəsi qan plazmasındakı maksimal konsentrasiya
nisbətindən (Cmax) və ya farmakokinetik əyri altındakı sahədən (AUS) və minimal inhibəedici
(ləngidici) konsentrasiyadan (MİK) asılıdır.
Rezistentlik mexanizmi:
Rezistentliyin əsas mexanizmi gyr-A genində baş verən mutasiyanın nəticəsidir. In-vitro şəraitdə
levofloksasin və digər ftorxinolonlar arasında çarpaz rezistentlik mövcuddur.
Təsir mexanizmi sayəsində adətən levofloksasinlə digər növ antibakterial vasitələr arasında
çarpaz rezistentlik mövcud deyildir. Ayrı-ayrı növlər üçün rezistentliyin yayılması coğrafi və zaman baxımından dəyişkən ola bilər,
buna görə də xüsusən ağır infeksiyaların müalicəsi zamanı rezistentlik barədə lokal informasiya
əldə etmək daha məqsədəuyğundur. Lazım olan hallarda məsləhət üçün mütəxəssisə müraciət
etmək lazımdır.
Adi həssas növlər:
Aerob qram-müsbət bakteriyalar:
Staphylococcus aureus metisillinhəssas, Staphylococcus saprophyticus, Streptococci, qrup С і G,
Streptococcus agalactiae, Streptococcus pneumoniae, Streptococcus pyogenes.
Aerob qram-mənfi bakteriyalar:
Eikenella corrodens, Haemophilus influenzae, Haemophilus para-influenzae, Klebsiella oxytoca,
Klebsiella pneumoniae, Moraxella catarrhalis, Pasteurella multocida, Proteus vulgaris,
Providencia rettgeri.
Anaerob bakteriyalar:
Peptostreptococcus.
Digər:
Chlamydophila pneumoniae, Chlamydophila psittaci, Chlamidia trachomatis, Legionella
pneumophila, Mycoplasma pneumoniae, Mycoplasma hominis, Ureaplasma urealyticum.
Qazanılmış (ikincili) rezistentliyi problemli olan növlər
Aerob qram-müsbət bakteriyalar:
Enterococcus faecalis, Staphylococcus aureus метициллинрезистентный, Staphylococcus
coagulase spp.
Aerob qram-mənfi bakteriyalar:
Acinetobacter baumannii, Citrobacter freundii, Enterobacter aerogenes, Enterobacter
agglomerans, Enterobacter cloacae, Escherichia coli, Morganella morganii, Proteus mirabilis,
Providencia stuartii, Pseudomonas aeruginosa, Serratia marcescens.
Anaerob bakteriyalar:
Bacteroides fragilis
Əhəmiyyətli rezistent ştammlar
Aerob qram-müsbət bakteriyalar
Enterococcus faecium
Farmakokinetikası:
Absorbsiyası:
Venadaxili yeridilmədən və peroral qəbuldan sonra levofloksasinin farmakokinetikasında əsaslı
fərq yoxdur.
Gündə 500 mq-dan bir və ya iki dəfə dozalanma rejimində tarazlıq vəziyyəti 48 saat ərzində əldə
edilir.
Paylanması:
Levofloksasinin təxminən 30-40%-i qan plazmasının proteinləri ilə birləşir. 500 mq dozanın
birdəfəlik və ya təkrar yeridilməsindən sonra levofloksasinin orta paylanma həcmi təxminən 100
litr təşkil edir.
Orqanizm mayelərinə nüfuz etməsi:
Levofloksasin bronxların selikli qişasına, alveolyar epitelin mayesinə, alveolyar makrofaqlara,
ağciyər toxumasına, dəriyə (qovuqların möhtəviyyatına), prostat vəzin toxumasına və sidiyə
keçmək qabiliyyətinə malikdir. Lakin levofloksasin onurğa beyni mayesinə çətin keçir.
Biotransformasiyası:
Levofloksasin çox az dərəcədə metabolizə uğrayır, onun metabolitləri dismetil-levofloksasin və
levofloksasin N-oksiddir. Bu metabolitlər sidiklə xaric olan preparatın 5%-dən azını təşkil edir
ki, onlar da sidiklə xaric olurlar. Levofloksasin stereokimyəvi stabildir və xiral strukturların
inversiyasına məruz qalmır.
Xaric olması:
Peroral və venadaxili istifadə edildikdən sonra levofloksasin qan plazmasından nisbətən ləng
xaric olur (yarımxaricolma dövrü 6-8 saat təşkil edir). Xaric olunması adətən böyrəklər
vasitəsilədir (yeridilən dozanın 85%-i). Yeridilən birdəfəlik 500 mq dozadan sonra
lefofloksasinin orta nəzərə çarpan ümumi klirensi 175 ± 29,2 ml/dəq təşkil edir.
Peroral və vena daxilinə istifadə edildikdən sonra levofloksasinin farmakokinetikasında
əhəmiyyətli fərq olmur ki, bu da bu yolların qarşılıqlı əvəzlənməsinin (peroral və venadaxili)
mümkünlüyünü sübut edir.
Xəttilik:
50-dən 1000 mq doza diapazonunda levofloksasinin farmakokinetikası xəttidir.
Böyrək çatışmazlığı olan xəstələrdə
Böyrək çatışmazlığı Levofloksasinin farmakokinetikasına təsir göstərir. Böyrəklərin funksiyası
zəiflədikdə böyrəklərdən xaric olması və klirensi azalır, yarımxaricolma dövrü isə cədvəldə
göstərildiyi kimi uzanır.
Kreatinin klirensi (ml/dəq) < 20 20-49 50-80
Böyrək klirensi (ml/dəq) 13 26 57
Yarımxaricolma dövrü
(saat)
35 27 9
Qoca yaşlı xəstələrdə:
Kreatinin klirensi ilə əlaqədar olan hallar istisna olmaqla cavan və qoca yaşlı xəstələrdə
levofloksasinin farmakokinetikasında əhəmiyyət kəsb edən fərq yoxdur.
Cins fərqi:
Qadın və kişi xəstələrdə aparılan analizlər göstərmişdir ki, cinsdən asılı olaraq levofloksasinin
farmakokinetikası bir qədər fərqlənir. Cins fərqinin klinik əhəmiyyət kəsb etməsinə dair sübutlar
yoxdur.
Istifadəsinə göstərişlər
Levofloksasinə həssas mikroorqanizmlərin böyüklərdə törətdiyi bakterial iltihabi proseslərin
müalicəsi məqsədilə istifadə olunur:
- Xəstəxanadankənar pnevmoniya;
- dəri və yumşaq toxumaların infeksiyaları,
(yuxarıda qeyd olunan infeksiyalar üçün Levofloksasini yalnız o halda istifadə etmək lazımdır ki,
adətən ilkin müalicə üçün təyin edilən digər antibakterial preparatlar məqsədəuyğun hesab
olunmasın və ya mümkün olmasın);
- pielonefrit, sidik yollarının ağırlaşmış infeksiyaları;
- xroniki bakterial prostatit.
Antibakterial vasitənin rasional istifadəsi üzrə rəsmi tövsiyələri nəzərə almaq lazımdır.
Əks göstərişlər
Levofloksasinə və ya digər xinolonlara qarşı həssaslığın yüksəlməsi, epilepsiya, xinolonların
istifadəsindən sonra vətərlərdə yanaşı reaksiyalar, uşaq yaşları (18 yaşa qədər), hamiləlik dövrü
və döşlə qidalandırma.
Xüsusi göstərişlər və ehtiyat tədbirləri
Metisillin-rezistent S.aureus (MRSA) üçün flüorxinolonlara, o cümlədən levofloksasinə yanaşırezistentlik ehtimalı çox yüksəkdir. Bununlqa əlaqədar olaraq, levofloksasinə həssaslığı təsdiq
olunan hallar istisna olmaqla, törədicisi məlum MRSA olan və ya ona şübhə olan infeksiyaların
müalicəsində levofloksasin tövsiyə olunmur.
E.coli-nin flüorxinolonlara rezistentliyi müxtəlif ölkələrdə fərqlidir. Preparatı təyin edərkən
E.coli-nin flüorxinolonlara yerli yayılmış rezistentliyi nəzərə alınmalıdır.
Yeridilmə müddəti:
Levofloksasinin 250 mq infuziya üçün məhlulunun məsləhət görülən yeridilmə müddəti 30 dəq,
500 mq üçün isə 60 dəq təşkil edir. Məlumdur ki, ofloksasinin infuziyası zamanı taxikardiya və
arterial təzyiqin enməsi inkişaf edə bilər. Nadir hallarda arterial təzyiqin kəskin azalması
səbəbindən ürək-damar çatışmazlığı inkişaf edə bilər. Əgər arterial təzyiqin əhəmiyyət kəsb edən
enməsi levofloksasinin (ofloksasinin L-izomeri) infuziyası zamanı baş verərsə, onun yeridilməsi
dərhal dayandırılmalıdır.
Pəhrizində natriumun istifadəsinə nəzarət olunan xəstələrə təyin edildikdə natriumun miqdarını
nəzərə almaq lazımdır.
Tendinit və vətərin qopması:
Nadir hallarda tendinitə rast gəlinə bilər. Bu əksər hallarda axill vətərinə aid edilir və vətərin
qopmasına gətirib çıxara bilər. Qoca yaşlılarda və kortikosteroidlər istifadə edən xəstələrdə
tendinit və axill vətərinin qopması riski artır. Buna görə də levofloksasin preparatı istifadə edən
xəstələrə xüsusi nəzarət tələb olunur. Tendinitin inkişafına şübhə olan hallarda levofloksasininin
istifadəsini dərhal dayandırılmalı və müvafiq müalicəyə başlanmalıdır (məsələn, vətərin
immobilizasiyasının təmini).:
Clostridium difficile tərəfindən törənən xəstəliklər
Levofloksasin preparatı ilə müalicə zamanı və ya ondan sonra başlayan persistəedici və / və ya
hemorragik ishal Clostridium difficile tərəfindən törənən xəstəliyin simptomları ola bilər ki,
bunun da ən ağır formalarından biri psevdomembranoz kolitdir. Əgər psevdomembranoz kolitə
şübhə olarsa, dərhal preparatın infuziyası dayandırılmalı, ləngimədən dəstəkləyici vasitələr təyin
edilməli və spesifik müalicə aparılmalıdır (məsələn, peroral vankomisinin). Belə klinik
vəziyyətlərdə bağırsaqların hərəki fəaliyyətini ləngidən vasitələrin istifadəsi əks göstərişdir.
Qıcolmaya meylli olan xəstələr:
Anamnezində epilepsiyası olan xəstələrə levofloksasin infuziyası əks göstərişir. Digər xinolonlar
kimi bu preparat da qıcolmaya meylli olan, mərkəzi sinir sisteminin zədələnmələri, fenbufen,
qeyri-steroid iltihabəleyhi maddələr, qıcolma hazırlıını artıran teofillin kimi preparatlar
istifadəsini edən xəstələrdə ehtiyatla tətbiq olunmalıdır. Qıcolma meydana çıxan hallarda
levofloksasinin istifadəsini dayandırılmalıdır.
Qlükozo-6-fosfatdehidrogenaza defisiti olan xəstələrdə:
Qlükozo-6-fosfatdehidrogenazanın aktivliyinin latent və ya aşkar defekti olan xəstələr xinolon
qrupu preparatları ilə müalicə zamanı hemolitik reaksiyalara meylli ola bilərlər və buna görə də
onlarda levofloksasin ehtiyatla istifadə olunmalıdır.
Böyrək çatışmazlığı olan xəstələr:
Levofloksasin əsasən böyrəklər vasitəsilə xaric olduğundan böyrəklərin funksional çatışmazlığı
olan xəstələrdə doza korreksiya olunmalıdır.
Yüksək həssaslıq reaksiyası:
Ilkin doza qəbul edildikdə levofloksasin ciddi yüksək həssaslıq reaksiyası (angionevrotik ödem,
anafilaktik şok) törədə bilər. Belə hallarda dərhal müalicə dayandırılmalı və həkimə müraciət
etmək lazımdır.
Ağır bullyoz reaksiya:
Levofloksasindən istifadə edərkən Stivens-Conson sindromu və ya toksik epidermal nekroliz
kimi ağır bullyoz reaksiyaların meydana çıxması mümkündür. Dəri və/və ya selikli qişalar
tərəfindən hər hansı reaksiya meydana çıxan hallarda levofloksasinin istifadəsi dərhal
dayandlırılmalı, həkimə müraciət edilməli və lazım olan hallarda müvafiq müalicəyə
başlanmalıdır.
Hipoqlikemiya:
Digər xinolonlardan istifadə zamanı olduğu kimi, xüsusən şəkərli diabetli xəstələrdə müvafiq
peroral hipoqlikemik müalicə (məsələn qlibenklamid) və ya insulun alan zaman hipoqlikemiya
halları mümkündür.
Şəkərli diabetli xəstələrdə qanda şəkərin səviyyəsinə ciddi nəzarət etmək məsləhət görülür.
Fotosensibilizasiyanın profilaktikası:
Levofloksasinin istifadəsi zamanı fotosensibilizasiyanın meydana çıxması haqqında məlumatlar
vardır. Ondan çəkinmək məqsədilə lazım olmayan hallarda levofloksasin istifadəsi
dayandırıldıqdan sonra 48 saat ərzində güclü günəş şüalarının və ya süni ultrabənövşəyi
şüalanmanın təsirinə (süni ultrabənövşəyi şüalanma lampaları, solyarilər də daxil olmaqla) məruz
qalmamaq lazımdır.
K vitamininin antaqonistlərini istifadə edən xəstələr:
Levofloksasinlə eyni vaxtda K vitamininin antaqonistlərini (məsələn, varfarinlə) qəbul edən
xəstələrdə koaqulyasion testlərin yüksəlməsi və/ və ya qanaxma hallarının artması ehtimalını
nəzərə alaraq bu xəstələrdə koaqulyasiya göstəricilərinə nəzarət etmək və ya onları eyni vaxtda
qəbul etməmək lazımdır.
Psixotik reaksiyalar:
Levofloksasin də daxil olmaqla xinolonları qəbul edən xəstələrdə psixotik reaksiyalar barədə
məlumatlar vardır. Onlar çox nadir hallarda suisidal fikirlərə qədər proqressivləşir. Xəstədə bu
reaksiya meydana çıxan hallarda levofloksasinin istifadəsi dayandırılmalı və müvafiq tədbirlər
görülməlidir. Psixotik pozğunluqları olan və ya anamnezində psixi xəstəlikləri olan xəstələrdə
levofloksasin ehtiyatla istifadə olunmalıdır.
QT intervalının uzanması:
QT intervalının uzanmasının məlum risk faktorları olan aşağıdakı xəstələrdə Levofloksasin də
daxil olmaqla ftorxinolonların istifadəsinə ehtiyatla yanaşmaq lazımdır:
- QT intervalının anadangəlmə uzanma sindromu
- QT intervalını uzatma qabiliyyətinə malik olan dərman maddələrinin yanaşı istifadəsi
(məsələn, IA və III sinif antiaritmik vasitələr, trisiklik antidepressantlar, makrolidlər)
- Korrektə olunmamış elektrolit disbalansı (məsələn, hipokaliemiya, hipomaqnemiya)
- Ürək xəstəlikləri (ürək çatışmazlığı, miokard infarktı, bradikardiya)
Qoca yaşlı xəstələr və qadınlar QT intervalını uzadan preparatların təsirinə daha həssasdırlar.
Buna görə də levofloksasin də daxil olmaqla flüorxinolonları bu qrup xəstələrə ehtiyatla təyin
etmək lazımdır.
Periferik neyropatiya:
Levofloksasin də daxil olmaqla ftorxinolonlar qəbul edən xəstələrdə sensor və sensomotor
neyropatiyanın inkişafı barədə məlumatlar vardır. Xəstələrdə neyropatiyanın simptomları
meydana çıxarsa, geriyədönməz vəziyyətin meydana çıxmasının qarşısını almaq üçün preparatın
istifadəsini dayandırmaq lazımdır.
Hepatobiliar pozğunluqlar:
Ağır xəstəliklər, məsələn sepsislərdə Levofloksasinin istifadəsi zamanı həyat üçün təhlükə təşkil
edən qaraciyər çatışmazlığına gətirib çıxaran nekrotik hepatit halları barədə məlumatlara rast
gəlinir. Qaraciyər xəstəliklərinin anoreksiya, sarılıq, qara sidik, qaşınma, qarın nahiyəsində ağrı
kimi simptomları meydana çıxan hallarda müalicəni dayandırmaq və həkimə müraciət etmək
məsləhət görülür.
Miasteniya qravis-in kəskinləşməsi:
Levofloksasin də daxil olmaqla flüorxinolonlar sinir-əzələ blokadası effektinə malikdir və
miastenia gravis olan xəstələrdə əzələ zəifliyini kəskinləşdirə bilər. miastenia gravis olan
xəstələrdə flüorxinolonlar fonunda letal hallar da daxil olmaqla tənəffüsün dəstəklənməsini
tədbirlərini tələb edən ciddi əlavə təsirlər haqqında məlumatlar vardır. Anamnezində miastenia
gravis olan xəstələrə levofloksasin təyin etmək məsləhət görülmür.
Görmə pozğunluğu:
Levofloksasinin istifadəsi zamanı hər hansı görmə pozğunluğu yaranırsa və ya görmə orqanları
tərəfindən əlavə təsirlər meydana çıxarsa, dərhal həkimə müraciət edin.
Superinfeksiya:
Levofloksasindən xüsusən də uzun müddət istifadə edilməsi preparata qarşı həssas olmayan
(rezistent) mikroorqanizmlərin həddən artıq çoxalmasına gətirib çıxara bilər. Əgər müalicə
zamanı superinfeksiya inkişaf edərsə, lazımi tədbirlər görmək lazımdır.
Laborator müayinələrin nəticələrinə təsiri:
Levofloksasin istifadə edən xəstələrin sidiyində opiatların təyini yalançı müsbət nəticə verə bilər.
Opiatlara qarşı müsbət nəticənin təsdiqlənməsi üçün daha spesifik metodların köməyi lazım gələ
bilər.
Levofloksasin Mycobacterium tuberculosis-in inkişafını ləngidə və bununla da vərəmin
bakterioloji diaqnostikası zamanı yalançı-mənfi nəticələrə gətirib çıxara bilər.
Uyğunsuzluq:
Levofloksasini heparin və ya qələvi məhlullarla (məsələn, natrium bikarbonatla), “İstifadə
qaydası və dozası” bölməsində göstərilmiş dərman maddələri istisna olmaqla digər dərman
maddələri ilə qarışdırmaq olmaz.
İnfuziya üçün məhlulun digər preparatlarla qarışdırılması
Levofloksasin aşağıda qeyd edilən infuziya məhlulları ilə uyğunlaşır.
- 0,9%-li natrium xlorid
- 5%-li qlükoza monohidrat
- Ringer məhlulunda 2,5% dekstroza
- Parenteral qidalanma üçün çox kompenentli məhlullar (aminturşular, karbohidratlar,
elektrolitlər).
Digər dərman vasitələri ilə qarşılıqlı təsiri
Digər dərman maddələrinin Levofloksasin preparatına təsiri
Teofillin, fenbufen və ya oxşar qeyri-steroid iltihabəleyhi dərman maddələri.
Levofloksasinin teofillinlə farmakokinetik qarşılıqlı təsiri aşkar olunmamışdır. Lakin xinolonları
teofillin, qeyri-steroid iltihabəleyhi preparatlar və qıcıq həddini azaldan digər preparatlarla eyni
vaxtda istifadə etdikdə qıcıq həddinin əhəmiyyətli dərəcədə azalması mümkündür.
Levofloksasinin təklikdə istifadəsi ilə müqayisədə onun fenbufenlə birgə istifadəsi zamanı
levofloksasinin konsentrasiyası təxminən 13% yüksək olur.
Probenesid və simetidin:
Probenesid və simetidin levofloksasinin xaric olmasına dürüstlüklə statistik dürüst təsir göstərir.
Levofloksasinin böyrək klirensi Simetidinin olması fonunda 24%, probenesid fonunda isə 34%
azalır, belə ki, hər iki preparat levofloksasinin kanalcıq sekresiyasını blokadaya almaq
qabiliyyətinə malikdir. Ona görə də böyrək çatışmazlığı olan xəstələrdə probenesid və simetidin
kimi kanalcıq sekresiyasına təsir edən dərman vasitələrinin levofloksasinlə birgə istifadəsindən
çəkinmək lazımdır.
Digər məlumatlar:
Farmakologiyaya dair klinik tədqiqatlar göstərmişdir ki, kalsium karbonat, diqoksin,
qlibenklamid, ranitidin preparatları levofloksasinlə birgə istifadə zamanı onun
farmakokinetikasına klinik əhəmiyyət kəsb edən təsir göstərmir.
Levofloksasin preparatının digər dərman maddələrinə təsiri
Siklosporin:
Levofloksasinlə eyni vaxtda istifadə olunduqda siklosporinin yarımxaricolma dövrü 33% uzanır.
K vitamininin antaqonistləri:
K vitamininin antaqonistləri (məsələn, varfarinlə) eyni vaxtda istifadə olunduqda koaqulyasion
testlərin yüksəlməsi və/ və ya qanaxma hallarının artması haqqında məlumatlara rast gəlinir. Ona
görə də yanaşı olaraq K vitamininin antaqonistlərini istifadə edən xəstələrdə koaqulyasiya
göstəricilərinə nəzarət etmək lazımdır.
QT intervalını uzadan dərman maddələri:
Digər ftorxinolonlar kimi, levofloksasini də QT intervalını uzadan preparatlar (məsələn, IA və III
sinfindən olan aritmiyaəleyhi vasitələr, trisiklik antidepressantlar və makrolidlər) istifadə edən
xəstələrə təyin edərkən ehtiyatlı olmaq lazımdır.
Digər vacib məlumatlar:
Levofloksasin CYP1A2 fermentinin substratı olan teofillinin farmakokinetikasına təsir etmir,
ona görə də levofloksasinin CYP1A2 inhibitoru olmadığını güman etmək olar.
Hamiləlik və laktasiya dövründə istifadəsi
İnkişaf edən orqanizmdə xinolonların oynaq qığırdağına mümkün zədələyici təsiri ilə əlaqdar
olaraq levofloksasini hamilə qadınlara və və südverən analara təyin etmək olmaz. Əgər
Levofloksasinlə müalicə zamanı hamiləliyin olduğu qeydə alınarsa bu barədə müalicə həkimini
məlumatlandırmaq lazımdır.
Pediatriyada istifadəsi:
Uşaqlara və yeniyetmələrə (18 yaşa qədər) levofloksasin təyin etmək olmaz, belə ki, oynaq
qığırdaqlarının zədələnməsi istisna olunmur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Nəqliyyat vasitələrini idarə edən və potensial təhlükəli mexanizmlərlə işləyən xəstələr sinir
sistemi tərəfindən arzuolunmaz reaksiyaların (başgicəllənmə, yuxululuq, huşun qaralması, görmə
və eşitmənin pozulması, hərəki pozğunluqlar) mümkünlüyünü nəzərə almalıdırlar.
LEVOFLOKSASİN İstifadə qaydası və dozası
Preparatdan istifadə etməzdən əvvəl həssaslıq sınağı aparmaq lazımdır. Venadaxili yeritmək
üçün nəzərdə tutulan preparat rezin tıxac deşildikdən sonrakı 3 saat ərzində istifadə olunmalıdır.
Infuziya zamanı işıqdan qorumaq lazım deyil. Otaq işıqlanması şəraitində venadaxili yeritmək
üçün məhlulu işıqdan qorumasız şəraitdə 3 gündən artıq saxlamaq olmaz. Preparat yavaş-yavaş
gündə 1 və ya 2 dəfə yeridilir. Dozalanma infeksiyanın növü və ağırlıq dərəcəsindən, eləcə də
mümkün törədicinin preparata həssaslığından asılıdır.
Böyrəklərin funksiyası normal olan (kreatinin klirensi 50 ml/dəq-dən artıq) böyüklərin müalicəsi
üçün adətən preparatın aşağıdakı dozaları məsləhət görülür.
Xəstəxanadankənar pnevmoniya: 500 1-2 dəfə 7-14 gün
Pielonefrit: 500 1 dəfə 7-10 gün
Sidik yollarının ağırlaşmış infeksiyaları: 500 7-14 gün
Xroniki bakterial prostatit: 500 1 dəfə 28 gün
Dəri və yumşaq toxumaların ağırlaşmış infeksiyaları: 500 1-2 dəfə 7-14 gün
*Xəstənin vəziyyətinə uyğun olaraq bir neçə gündən sonra ilkin venadaxili infuziyalardan eyni
dozada peroral qəbula keçmək mümkündür.
Levofloksasin əsasən böyrəklərlə xaric olduğundan böyrəklərin funksiyası zəifləmiş xəstələrdə
dozanı azaltmaq lazımdır.
Böyrəklərin funksional pozğunluğu olan (kreatinin klirensi 50 ml/dəq-dən az) böyüklərin
müalicəsi üçün adətən preparatın aşağıdakı dozaları məsləhət görülür.
Kreatinin klirensi Dozalanma rejimi (infeksiyanın ağırlığından asılı olaraq)
50-20 ml/dəq 250 mq/24 saat 500 mq/24 saat 500 mq/12 saat
Ilk doza – 250 mq
Növbəti dozalar – 125
mq /24 saat
Ilk doza – 500 mq
Növbəti dozalar – 250
mq /24 saat
Ilk doza – 500 mq
Növbəti dozalar – 250
mq/12 saat
19-10 ml/dəq Ilk doza – 250 mq
Növbəti dozalar – 125
mq/48 saat
Ilk doza – 500 mq
Növbəti dozalar – 125
mq/24 saat
Ilk doza – 500 mq
Növbəti dozalar – 125
mq/12 saat
<10 ml/dəq (eləcə də
hemodializ və xroniki
ambulator peritoneal
dializ zamanı
Ilk doza – 250 mq
Növbəti dozalar – 125
mq/48 saat
Ilk doza – 500 mq
Növbəti dozalar – 125
mq/24 saat
Ilk doza – 500 mq
Növbəti dozalar – 125
mq/24 saat
Qaraciyərin funksional pozğunluğu olan xəstələr üçün dozalanma:
Dozanın korreksiya olunması lazım deyildir, belə ki, levofloksasin qaraciyərdə cüzi metabolizə
uğrayır.
Yaşlı xəstələr üçün dozalanma:
Əgər böyrəklərin funksiyası pozulmayıbsa, dozanın korreksyasına ehtiyac yoxdur.
Venadaxili infuziya üçün Levofloksasin məhlulu yavaş-yavaş damcı üsulu ilə yeridilir.
Yeridilmə vaxtı 250 mq-lıq doza üçün 30 dəq-dən, 500 mq-lıq doza üçün isə 60 dəq-dən az
olmamalıdır.
Müalicənin müddəti xəstəliyin gedişindən asılıdır. Digər antibakterial preparatların istifadəsində
olduğu kimi, levofloksasinlə müalicə bədən hərarəti normallaşdıqdan sonra və ya törədicilərin
tam məhv olunması mikrobioloji testlə təsdiqləndikdən sonra ən azı 48-72 saat ərzində
aparılmalıdır.
Əlavə təsirləri
Əlavə təsirlərin rastgəlmə tezliyi aşağıdakı şərti göstəricilərə əsasən müəyyənləşdirilir:
Çox tez-tez (≥1/10), tez-tez (≥1/100, <1/10), bəzən (≥1/1000, ≤1/100), nadir hallarda (≥1/10000,
≤1/1000), çox nadir hallarda (≤1/10000), tezliyi məlum deyildir (əldə edilən məlumatlara əsasən
qiymətləndirmək mümkün deyil).
İnfeksiyalar və invaziyalar
Bəzən: Candida növündən olan göbələklər də daxil olmaqla mikozlar. Patogen
mikroorqanizmlərə rezistentlik.
Qan sistemi və limfa sistemində:
Bəzən: leykopeniya, eozinofiliya.
Nadir hallarda: trombositopeniya, neytropeniya
Tezliyi məlum deyil: pansitopeniya, aqranulositoz, hemolitik anemiya.
Immun sistemdə
Çox nadir hallarda: Kvinke ödemi, yüksək həssaslıq.
Tezliyi məlum deyil: anafilaktik şok, anafilaktik və ya anafilaktoid reaksiya (bəzən hətta ilk
dozadan sonra).
Tezliyi məlum deyildir: yüksək həssaslıq
Metabolizm və qidalanmada
Bəzən: anoreksiya
Çox nadir hallarda: xüsusən şəkərli diabetli xəstələrdə hipoqlikemiya
Tezliyi məlum deyildir: hipoqlikemiya, hipoqlikemik koma
Psixikada
Tez-tez: yuxusuzluq
Bəzən: nevrozluq, huşun qaralması, həyəcanlılıq
Nadir hallarda: psixotik pozğunluqlar, depressiya, ajitasiya, yuxu pozğunluğu.
Tezliyi məlum deyil: düşüncə və hərəkətlərin suisidal istiqaməti də daxil olmaqla autodestruktiv
davranışla gedən psixotik reaksiyalar, hallüsinasiyalar.
Sinir sistemində
Tez-tez: başgicəllənmə, baş ağrısı
Bəzən: yuxululuq, tremor, disqevziya
Nadir hallarda: sensor və ya sensomotor periferik neyropatiya, aqevziya, bayılma, xoşxassəli
kəllədaxili hipertenziya.
Görmə orqanlarında
Nadir hallarda: görmə pozğunluğu, məsələn, görmənin dumanlı olması.
Eşitmə orqanlarında
Bəzən: vertiqo
Nadir hallarda: qulaqlarda küy.
Tezliyi məlum deyil: eşitmə pozğunluğu, eşitmənin itməsi
Ürəkdə
Nadir hallarda: taxikardiya, ürək döyünməsi
Tezliyi məlum deyil: ürəyin dayanmasına səbəb ola bilən mədəcik taxikardiyası, mədəcik
aritmiyası və “piruet” tipli mədəcik taxikardiyası (əsa etibarilə QT intervalının uzanma ehtimalı
olan xəstələrdə), elektrokardioqrammada QT-intervalının uzanması
Damar sistemində
Tez-tez: flebit (yalnız venadaxili forma üçün)
Bəzən: arterial hipotenziya
Tənəffüs orqanları, döş qəfəsi və divararalığında
Bəzən: təngnəfəslik
Tezliyi məlum deyil: allergik pnevmonit, bronxospazm
Mədə-bağırsaq traktında
Tez-tez: ürəkblanma, qusma, ishal
Bəzən: qarında ağrı, dispepsiya, qarında köp, qəbizlik.
Tezliyi məlum deyil: enterokolit, psevdomembranoz kolit də daxil olmaqla hemorragik ishal,
pankreatit.
Qaraciyər və öd yollarında
Tez-tez: qaraciyər fermentlərinin aktivliyinin artması (ALT/AST, qələvi fosfataza, QQT)
Bəzən: qanda bilirubinin səviyyəsinin artması
Tezliyi məlum deyil: hepatit, sarılıq və letal nəticələr də daxil olmaqla qaraciyərin ağır
zədələnmələri, kəskin qaraciyər çatışmazlığı.
Dəri və dərialtı toxumalarda
Bəzən: səpgi, qaşınma, məxmərək, hiperhidroz.
Tezliyi məlum deyil: toksik epidermal nekroliz, Stivens-Conson sindromu, eksudativ multiform
eriema, polimorf eritema, fotohəssaslıq, leykositoklastik vaskulit, stomatit.
Dəri reaksiyası bəzi hallarda ilk dozanın istifadəsindan sonra meydana çıxa bilər.
Sümük-əzələ sistemi və birləşdirici toxumada
Bəzən: artralgiya, mialgiya
Nadir hallarda: vətərlərin zədələnməsi, o cümlədən tendinit, vətərin qopması, əzələ zəifliyi.
Tezliyi məlum deyil:skelet əzələlərinin kəskin nekrozu (rabdomioliz), vətərlərin qopması
(məsələn, axilles vətərinin), bağın qopması, əzələnin qopması, artrit.
Böyrəklər və sidik axarlarında
Bəzən: qan plazmasında kreatininin səviyyəsinin yüksəlməsi
Nadir hallarda: kəskin böyrək çatışmazlığı (məsələn, interstisial nefrit nəticəsində).
Ümumi pozğunluqlar və preparatın yeridilmə yerinin reaksiyası
Tez-tez: infuziya yerində reaksiya (ağrı, qızartı)
Bəzən: asteniya
Tezliyi məlum deyil: ağrı (bel nahiyəsində, döş qəfəsi və ətraflarda)
Ftorxinolonların istifadəsi ulə assosiasiya olunan digər əlavə təsirlər:
- Ekstrapiramid simptomlar və hərəkətin koordinasiyasının digər pozğunluqları
- Hipersensitiv vaskulit
- Porfiriyası olan xəstələrdə porfiriya tutmaları
Doza həddinin aşılması
Levofloksasinin doza həddinin aşılmasının ən vacib simptomları mərkəzi sinir sistemi ilə
bağlıdır (huşun qaralması və pozulması, başgicəllənmə, qıcolma tutmaları). Tədqiqatların
nəticələrinə görə, terapevtik dozadan yüksək dozalar istifadə olunduqda QT-intervalının
uzanması müşahidə olunur. Doza həddinin aşılması zamanı EKQ də daxil olmaqla xəstələrə
diqqətli nəzarət olunmalıdır. Müalicəsi simptomatikdir.
Hemodializ, o cümlədən peritoneal dializ və xroniki ambulator peritoneal dializ levofloksasinin
orqanizmdən xaric edilməsində qeyri-effektivdir. Spesifik antidotu yoxdur.
Buraxılış forması
100 ml və ya 150 ml məhlul, flakonda. 1 flakon içlik vərəqə ilə birlikdə karton qutuya
qablaşdırılır.
Apteklərdən buraxılma şərti
Resept əsasında buraxılır