Pharmed
LEMOKSOL 1GR N1 FLK
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
_______________________ 2023-cü il
Dərman vasitəsinin istifadəsi üzrə təlimat (xəstələr üçün)
LEMOKSOL inyeksiya məhlulu hazırlamaq üçün toz
LEMOXOL
Beynəlxalq patentləşdirilməmiş adı: Ceftazidime
Tərkibi
Təsiredici maddə: 1 flakonda 0,5 q və ya 1 q seftazidim pentahidrat vardır.
Köməkçi maddə: susuz natrium karbonat.
Təsviri
Ağ və ya ağa yaxın rəngli, qoxusuz, kristal şəkilli tozdur.
Farmakoterapevtik qrupu
III nəsil sefalosporin antibiotiki.
ATC kodu: J01DD02.
Farmakoloji xüsusiyyətləri
Üçüncü nəsil sefalosporin antibiotikidir. Bakterisid təsir göstərir. Mikrob əleyhinə geniş təsir
spektrinə malikdir. Aerob və anaerob, qrammüsbət və qrammənfi mikroorqanizmlərə, o cümlədən
göy-yaşıl irin çöplərinə təsir göstərir.
Təsir spektri: Qrammüsbət törədicilər: Staphylococcus aureus, Staphylococcus epidermidis,
Streptococcus pyogenes, Streptococcus pneumoniae.
Qrammənfi törədicilər: Pseudomonas aeruginosa, Klebsiella pneumoniae, Proteus mirabilis, Proteus
vulgaris, Proteus rettgeri, Morganella morganii, Providensia spp., Escherichia coli, Enterobacter
spp., Citrobacter spp., Serratia spp., Salmonella spp., Shigella spp., Yersinia enterocolitica,
Pasteurella multocida, Acinetobacter spp., Neisseria gonorrhoeae, Neisseria meningitides,
Haemophilus influenzae.
Anaerob törədicilər: Peptococcus spp., Peptostreptococcus spp., Clostridium perfringens,
Fusobacterium spp., Bacteroides spp.
Qrammüsbət və qrammənfi mikroorqanizmlərin beta-laktamazasına qarşı davamlıdır. Lemoksol
ampisillinə, metisillinə, aminoqlikozidlərə və bir çox sefalosporinlərə rezistent olan ştamlara qarşı
fəaldır.
Lemoksol sitoplazmatik membran səthindəki spesifik penisillinbirləşdirici zülallara təsir göstərərək,
hüceyrə membranı peptidoqlikanının sintezini dayandırır, hüceyrə membranının autolitik
fermentlərini fəallaşdırır, bu da mikrobun zədələnməsinə və məhv olmasına səbəb olur. Vena daxilinə
yeridildikdən 5-10 dəqiqə sonra qanda konsentrasiyası maksimuma (Cmaх) – 42-170 mkq/ml-ə çatır
(dozadan asılı olaraq). Əzələ daxilinə yeridildikdən sonra isə, Cmaх (17-39 mkq/ml) 35-40 dəqiqədən
sonra müəyyən olunur. 10%-i plazma zülalları ilə birləşir. Histohematik baryerlərdən (o cümlədən,
hematoensefalik və plasentar baryerlərdən) asan keçir. Orqan və toxumalara – sümüyə, gözə, bəlğəmə,
sinovial, plevral və peritoneal mayelərə yaxşı nüfuz edir. Əsasən böyrəklərlə (sutka ərzində 80-90%-
i dəyişikliyə uğramadan) ekskresiya olunur. Belə ki, 1-ci 2 saatda 50%, 4 saatdan sonra 20%, 8 saatdan
sonra isə 12% xaric olur. Lemoksol mikroorqanizmlərin həssaslığı müəyyən olunanadək, ilkin seçim
preparatı kimi monoterapiyada tətbiq edilə bilər.
İstifadəsinə göstərişlər
Tənəffüs yollarının infeksion-iltihabi xəstəlikləri (bronxit, pnevmoniya, ağciyərin absesi, plevranın
empieması, mukovissidoz, psevdomonadaların törətdiyi ağciyər infeksiyaları)
Burun, boğaz və qulağın infeksion-iltihabi xəstəlikləri
Böyrək və sidik yollarının infeksion-iltihabi xəstəlikləri (qlomerulonefrit, pielonefrit, pielit, böyrək
absesi, sistit və s.)
Hemodializ və peritoneal dializdən sonra meydana çıxan infeksiyalar
Cinsiyyət üzvlərinin infeksion-iltihabi xəstəlikləri (endometrit, salpinqooforit, parametrit, prostatit,
qonoreya, sifilis)
Mədə-bağırsaq traktının, öd yollarının və qarın boşluğunun infeksion-iltihabi xəstəlikləri (enterit,
kolit, proktit, хolangit, хolesistit, pankreatit, öd kisəsinin empieması)
Sümük və oynaqların infeksion xəstəlikləri (osteomielit)
Dəri və yumşaq toxumaların infeksion xəstəlikləri
Mərkəzi sinir sisteminin infeksion xəstəlikləri
Neytropeniyalı xəstələrin infeksion xəstəlikləri
Ağır infeksion-iltihabi xəstəliklər (sepsis, bakteriemiya, peritonit, meningit, mastit, endokardit,
zəifləmiş, üzgün xəstələrdəki infeksiyalar, immuniteti zəifləmiş xəstələr, reanimasiya və intensiv
terapiya şöbələrində olan xəstələr)
İnfeksiyalaşmış yaralar və yanıqlar, yanıq xəstəliyinin infeksion ağırlaşmaları
Abdominal, ginekoloji, kardiovaskulyar, ortopedik və digər cərrahi əməliyyatlardan sonra infeksion
ağırlaşmaların profilaktikası
Əks göstərişlər
Dərman vasitəsinin komponentlərindən hər hansı birinə qarşı yüksək həssaslıq.
Anamnezdə digər beta-laktam antibiotiklərinə qarşı yüksək həssaslıq.
Xüsusi göstərişlər və ehtiyat tədbirləri
Diqqət: Seftazidimlə müalicəyə başlamazdan əvvəl xəstənin seftazidimə, sefalosporinlərə,
penisillinlərə və ya digər preparatlara qarşı yüksək həssaslığının olub-olmaması müəyyən edilməlidir.
Seftazidim I tip allergik reaksiyalar və ya penisillinə və ya digər β-laktamlara yüksək həssaslığı olan
xəstələrə çox ehtiyatla təyin olunmalıdır. Sefalosporinlərə məlum olan yüksək həssaslıq halında,
Seftazidim ilə müalicə qəti şəkildə əks göstərişdir.
Seftazidime qarşı allergik reaksiya baş verdikdə, müalicə dayandırılmalıdır. Ağır allergik reaksiyalar
adrenalin, hidrokortizon, antihistaminlər verməklə və ya digər təcili tibbi yardım ilə müalicə edilə
bilər.
Böyrəklərlə ekskresiya olunduğundan, böyrək patologiyalarında preparatın dozası tənzimlənməlidir.
Uzunmüddətli istifadə zamanı ona həssas olmayan mikroorqanizmlərin inkişaf etməsi mümkündür.
Yanlış olaraq müsbət Kumbs reaksiyası verə bilər.
Digər dərman vasitələri ilə qarşılıqlı təsiri
Uyğunluq tədqiqatları olmadıqda bu dərman vasitəsi digər dərman vasitələrilə qarışdırılmamalıdır.
Seftazidim digər intravenoz mayelərə nisbətən Natrium Bikarbonatda daha az sabitdir, tövsiyə
olunmur. Seftazidim və aminoglikozidlər eyni sistem və ya şprisdə qarışdırmaq olmaz. Seftazidim
olan məhlula vankomisin əlavə olunduqda çöküntülər yaranır. Buna görə də onların hər ikisindən sıra
ilə istifadə zamanı sistem və onun xətləri yuyulmalıdır. Seftazidim aminofillinlə uyğun gəlmir.
Pentamid ilə də mümkün uyğunsuzluq vardır.
Hamiləlik və laktasiya dövründə istifadəsi
Preparatın hamiləlik dövründə istifadəsi barədə məlumat məhduddur. Preparat, yalnız o zaman
istifadə edilə bilər ki, ana üçün gözlənilən fayda dölə olan potensial riskdən üstün olsun.
Hamiləliyin I trimestrində Lemoksol ehtiyatla işlədilməlidir. Ana südü ilə az miqdarda ifraz
olunduğundan, ana südü ilə qidalandırma zamanı ehtiyatlı olmalı və yaxud müalicə müvəqqəti
dayandırılmalıdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Seftazidim başgicəllənmə verərsə, nəqliyyat vasitəsini və digər potensial təhlükəli mexanizmləri idarə
etmək olmaz.
İstifadə qaydası və dozası
Doza
Doza infeksiyanın ağırlığından, patogenlərin preparata qarşı həssaslığından, infeksiyanın növündən,
xəstənin yaşından və böyrək funksiyasından asılıdır.
Böyüklərdə
1-2 q seftazidim hər 8 və ya 12 saatdan bir venadaxili və ya əzələdaxili olaraq yeridilir.
Sidik yollarının infeksiyaları və daha az ağırlaşmış infeksiyalarda hər 12 saatda 500 mq və ya 1 q
dozada;.
Əksər infeksiyalarda hər 8 saatda 1 q və ya hər 12 saatda 2 q dozada;
Ağırlaşmış infeksiyalar və əsasən immunosupressiv xəstələr, o cümlədən neytropeniyası olan xəstələr
üçün hər 8 saatda 2 q dozada yeridilir. Pseudomonas tərəfindən törədilən kistik fibroz və ağciyər
infeksiyaları olan böyüklər üçün hər üçün gündə 100-150 mq/kq (bədən çəkisi) olmaqla, gündə üç
dozaya bölünür.
Uşaqlar və 2 aydan yuxarı yenidoğulmuşlarda
Gündəlik 30-100 mq/kq (bədən çəkisi) olmaqla, gündə 2-3 dozaya bölünür.
Gündəlik doza maksimum 150 mq/kq (maksimum ümumi gündəlik doza 6 q) olmaqla, 3 dozaya
bölünərək immunosupressiv, kistik fibrozu və ya meninqit olan uşaqlara verilə bilər.
2 ay və daha kiçik yenidoğulmuşlarda
Gündəlik 25-60 mq/kq (bədən çəkisi) olmaqla, 2 dozaya bölünür. Yenidoğulmuşlarda və 2 aya qədər
uşaqlarda seftazidimin qan zərdabında yarımxaricolma dövrü, böyüklərlə müqayisədə, 3-4 dəfə
yüksək ola bilər.
Yaşlılarda
Yaşlılarda kəskin infeksiyaların müalicəsində, əsasən 80 yaşdan yuxarı xəstələrdə seftazidimin
klirensinin azalmasına görə gündəlik tövsiyə olunan doza 3 q-dan çox olmamalıdır.
Qaraciyər çatışmazlığı
Qaraciyər çatışmazlığı olan xəstələrdə dozanın tənzimlənməsinə ehtiyac yoxdur.
Böyrək çatışmazlığı
Seftazidim böyrəklər tərəfindən olduğu kimi xaric olunur. Sonradan böyrək çatışmazlığı olan
xəstələrdə Seftazidimin dozasının azaldılması tövsiyə olunur. Seftazidimin başlanğıc dozası 1 q
olmalıdır. Dəstəkləyici doza qlomerulyar dializin dərəcəsindən asılıdır
Ağır infeksiyalar olan xəstələrdə vahid doza 50% artırılmalı, əks halda doza intervalı artırılmalıdır.
Bu xəstələrdə plazma konsentrasiyasına nəzarət edilməli və 40 mq/l-dən çox olmamalıdır. Kreatinin
klirensinin hesablanması üçün aşağıdakı düsturdan (Kokkroft tənliyi) istifadə edilə bilər. Plazmada
kreatinin səviyyəsi böyrək funksiyasının sabit vəziyyətini təmsil etməlidir:
Kişilərdə Kreatinin klirensi (ml/dəq) = Bədən çəkisi (kq) × (140-yaş)
72 × plazmada kreatinin (mq/dL)
Qadınlarda: 0.85-dən yuxarı.
Uşaqlarda
Kreatinin klirensinin dəyəri onların bədən çəkisinə və ya bədən səthinə uyğun olaraq korreksiya
edilməlidir və böyrək çatışmazlığı hallarında dozalar böyüklərdə olduğu kimi azaldılmalıdır.
Hemodializ
Hemodializ zamanı plazmada seftazidimin yarımxaricolma ömrü 3- 5 saat arasında dəyişir.
Seftazidimin tövsiyə olunan dəstəkləyici dozasının istifadəsi yuxarıdakı cədvələ uyğun olaraq hər
hemodializdən sonra təkrarlanmalıdır.
Peritoneal dializ
Seftazidim peritoneal dializ və müntəzəm ambulator peritoneal dializ (MAPD) zamanı istfiadə
edilməlidir. Seftazidimi vena daxilinə yeritməklə yanaşı, dializatla birlikdə, 2 litr dializ üçün məhlula
125-250 mq dozada yeritmək mümkündür. Böyrək çatışmazlığı olan xəstələrə və intensiv terapiyada
davamlı arteriovenoz hemofiltrasiya və ya yüksək hemodializ axını zamanı gündə 1 q ya tək dozada,
ya da kiçik dozalara bölünərək təyin edilməlidir. Aşağı hemodializ axınında böyrək çatışmazlığı olan
xəstələr üçün müntəzəm dozaj tövsiyə olunur.
İstifadə qaydası
Seftazidim 1q venadaxili inyeksiya və ya infuziya şəklində və ya böyük sağrı əzələsinin əzələsinin
yuxarı xarici kvadrantı və ya bud nahiyəsinin lateral hissəsinə dərin əzələdaxili olaraq yeridilə bilər.
Seftazidim 2 q yalnız venadaxili yeridilir.
Əzələdaxili yeridilmə
Seftazidim inyeksiya üçün suda, inyeksiya üçün lidokain HCl 0,5% və ya inyeksiya üçün lidokain
HCl 1,0% ilə durulaşdırılmalıdır.
Venadaxili yeridilmə
Bakterial septisemiya, bakterial meningit, peritonit və ya digər ağır və həyati təhlükəsi olan
infeksiyaları olan xəstələrə venadaxili yeridilməsi tövsiyə olunur. Bu yeridilmə üsulu qidalanma,
xəsarət, cərrahi əməliyyatlar, diabet, ürək çatışmazlığı və ya xərçəng səbəbiylə huşunu itirmiş
xəstələrə və xüsusilə katapleksiya gözlənildiyi və ya baş verdiyi hallarda tövsiyə olunur.
Davamlı və ya fasilələrlə venadaxili yeridilmə
Seftazidim inyeksiya üçün su ilə durulaşdırılmalıdır. Ən azı 3-5 dəqiqə ərzində yavaş-yavaş birbaşa
venaya və ya venadaxili kanyula vasitəsilə uyğun bir venadaxili məhlul ilə yeridilir.
Seftazidim məhlulları, eləcə də əksər-laktam, aminoqlikozid qrupundan olan preparatlarla birlikdə
istifadə edilməməlidir, çünki uyuşmazlıq riski var.
Seftazidim və aminoqlikozid ilə kombinə edilmiş müalicəyə göstəriş olduqda, bu antibiotiklərin hər
biri ayrılıqda istifadə edilməlidir.
Əlavə təsirləri
Lemoksolu xəstələr yaxşı qəbul edir. Nadir hallarda baş ağrıları, başgicəllənmə, allergik reaksiyalar
müşahidə edilə bilər. Bunlardan əlavə aşağıdakı əlavə təsirlər meydana çıxa bilər:
− eozinofiliya, trombositoz, trombositopeniya, neytropeniya, hemolitik anemiya, limfositoz,
aqranulositoz;
− venadaxili inyeksiya zamanı – flebit və ya tromboflebit, əzələdaxili inyeksiya zamanı – inyeksiya
yerində ağrı və ya iltihablaşma;
− ishal, ağızda pis dad, abdominal ağrı, ürəkbulanma, qusma;
− qaraciyər fermentlərinin səviyyəsinin tranzitor yüksəlməsi, sarılıq;
− makulopapular və yaxud urtikar səpgilər, qaşınma, toksik epidermal nekroz, Stivens-Conson
sindromu, multiformalı eritema, angioödem, qızdırma.
Doza həddinin aşılması
Doza aşılması, ensefalopatiya, qıcolmalar və koma daxil olmaqla, nevroloji təsirlərə səbəb ola bilər.
Doza həddinin aşılması əlamətləri böyrək çatışmazlığı olan xəstələrdə doza azaldılması düzgün
aparılmadığı zaman görülə bilər. Sefazidimin serum səviyyəsi hemodializ və ya peritoneal dializlə
azaldıla bilər.
Buraxılış forması
0,5 q və ya 1 q preparat toz flakonda. 1 flakon içlik vərəqə ilə birlikdə karton qutuya qablaşdırılır.
Saxlanma şəraiti
15-25ºC temperaturda, orijinal qablaşdırmasında, quru, işıqdan qorunan və uşaqların əli çatmayan
yerdə saxlamaq lazımdır.
Preparat həll edildikdən sonra otaq temperaturunda 24 saat, soyuducuda isə 7 gün ərzində saxlanıla
bilər.
Yararlılıq müddəti
Yararlılıq müddəti qablaşdırıldığı qutunun üzərində göstərilmişdir.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/Qeydiyyat vəsiqəsinin sahibi
DEMO S.A. Pharmaceutical Industry, Greece.
21st km National Road Athens-Lamia, 145 68 Krioneri, Athens, Greece.
Tel.: +30 210 8161802.
Faks.: +30 210 8161587.
exports@demo.gr