Pharmed
LEKROLIN 4% 5ML DAMLA
LEKROLİN
Beynəlxalq patentləşdirilməmiş adı: Cromoglicic acid
LEKROLİN Tərkibi
Təsiredici maddə: 1 ml məhlulun tərkibində 40 mq natrium kromoqlikat vardır. Köməkçi maddələr: benzalkonium xlorid, dinatrium edetat, qliserin, polivinil spirti, inyeksiya üçün su.
Farmakoterapevtik qrupu
Oftalmologiyada istifadə olunan preparatlar. Digər allergiyaəleyhinə preparatlar.
ATC kodu: S01GX01.
Farmakoloji xüsusiyyətləri
Allergiyaəleyhinə preparatdır; güclü membranstabilləşdirici təsir göstərir, tosqun hüceyrələrin deqranulyasiyasının və onların tərkibindən histaminin, bradikininin, leykotrienlərin (o cümlədən anafilaksiyanın ləng gedişli substansiyanın) və digər bioloji aktiv maddələrin xaric olmasının qarşısını alır. Profilaktik preparat şəklində istifadəsi daha effektivdir. Allergik xəstəliklər zamanı tam klinik effekt, preparatın istifadəsi ilə müalicəyə başladıqdan bir neçə gün və ya bir neçə həftə sonra əldə edilir.
İstifadəsinə göstərişlər
- Allergik konyunktivit;
- allergik keratit;
- keratokonyunktivit;
- allergik reaksiyalar (ətraf mühit faktorları, professional xəstəliklər, məişət kimyası vasitələri, kosmetik vasitələr, oftalmoloji preparatlar, bitki tozcuqları və ev heyvanlarının kəpəyi) nəticəsində gözün selikli qişasının qıcıqlanması.
Əks göstərişlər
Dərman preparatının tərkibində olan hər hansı komponentə qarşı yüksək həssaslıq.
Xüsusi göstərişlər və ehtiyat tədbirləri
Lekrolin preparatının tərkibində köməkçi maddə şəklində, gözlərin qıcıqlanmasına səbəb ola bilən benzalkonium xlorid konservantı vardır. Benzalkonium xlorid yumşaq kontakt linzaların üzərinə çökə bilər və onların rəngsizləşməsinə səbəb ola bilər. Lekrolin dərman preparatı ilə müalicə müddətində kontakt linzaların istifadəsi üçün mütləq zərurət yarandığı halda, göz damcılarının instillyasiyasından əvvəl kontakt linzaları çıxarmaq və dərman preparatı istifadə edildikdən sonra, 15 dəqiqədən tez olmamaqla yenidən geymək olar.
Digər dərman vasitələri ilə qarşılıqlı təsiri
İndiyə qədər natrium kromoqlikatın digər dərman preparatları ilə heç mənfi qarşılıqlı təsiri qeyd olunmamışdır.
Hamiləlik və laktasiya dövründə istifadəsi
Hamiləlik dövründə dərman preparatından istifadə etdikdə, döldə heç bir məlum əlavə effekt müşahidə olunmamışdır. Bununla belə, hamiləlik dövründə dərman preparatının istifadəsi üçün əsaslandırılmış klinik göstərişlərin mövcudluğu tələb olunur. Natrium kromoqlikatın ana südünə ekskresiya olunmasına baxmayaraq, dərman preparatını tövsiyə olunan dozalarda istifadə etdikdə, uşaqda əlavə effektlərin meydana çıxması az ehtimal edilir.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Görmə qabiliyyətinin müvəqqəti pozğunluqları meydana çıxdığı halda, pasiyent görmə qabiliyyətinin bərpa olunmasını gözləməli və yalnız bundan sonra, nəqliyyat vasitəsini və ya digər potensial təhlükəli mexanizmləri idarə etməlidir.
LEKROLİN İstifadə qaydası və dozası
Göstərilən dərman preparatını yalnız, gözlərə yeritmək olar. Flakon yalnız fərdi istifadə üçün nəzərdə tutulmuşdur. Böyüklərə və 4 yaşdan yuxarı uşaqlara: sutkada 2 dəfə hər gözün konyunktiva kisəsinə 1-2 damcı damcılatmaq lazımdır. 4 yaşdan aşağı uşaqlara: yalnız həkim təyinatına əsasən istifadə olunur. Mövsümi allergik konyunktivit zamanı müalicəni xəstəliyin ilk simptomları meydana çıxdıqdan dərhal sonra başlamaq və ya profilaktik məqsədlə çiçəklənmə dövrü başlayana qədər istifadə etmək lazımdır. Xəstəliyin simptomları saxlanıldığı halda, müalicəni çiçəklənmə dövrünün gedişində və ya daha uzun müddət ərzində davam etdirmək lazımdır. Məhlul bulanıq olduqda, göstərilən dərman preparatını istifadə etmək olmaz. Göz damcılarını damcılatmaqdan (instillyasiyadan) əvvəl: - əlləri təmiz yumaq lazımdır; - əlverişli vəziyyət qəbul etmək (oturmaq, arxası üstə uzanmaq, güzgünün qarşısında dayanmaq) lazımdır.
Göz damcılarının istifadəsi :1. Flakonu açmaq lazımdır. Flakonun möhtəviyyatının çirklənməsinin qarşısını almaq məqsədi ilə, damcıladıcının ucluğunu heç bir yerə vurmaq olmaz. 2. Başı bir qədər arxaya ataraq, flakonu gözün üzərində tutmaq lazımdır (şəkil 1). 3. Alt göz qapağını aşağı çəkmək, yuxarı baxmaq və flakonu yüngül sıxaraq, göz damcılarını gözə damcılatmaq lazımdır (şəkil 2). 4. Gözü qapamaq, onun daxili bucağını 1 dəqiqə müddətində barmaqla yüngül sıxaraq saxlamaq lazımdır. Bu, göz damcılarının burun-göz yaşı kanalına daxil olmasının qarşısını almağa, preparatın effektivliyini yüksəltməyə və mənfi sistem effektlərin meydana çıxma riskini aşağı salmağa imkan verir (şəkil 3). Flakonu kip bağlamaq lazımdır. Yerli təsirə malik bir neçə oftalmoloji preparat eyni zamanda təyin olunduqda, onların istifadəsi arasında zaman intervalı 5 dəqiqədən az olmamalıdır. Əlavə təsirləri Yerli istifadə edildikdə, natrium kromoqlikat adətən, pasiyentlər tərəfindən yaxşı keçirilir və gözlərin qıcıqlanması simptomları nadir hallarda müşahidə olunur. Tez-tez müşahidə olunan əlavə təsirlər (> 1/100): qısamüddətli yanğı hissi, gözlərin yerli qıcıqlanması və görmə qabiliyyətinin, tezliklə aradan qalxan dumanlanması. Çox nadir hallarda müşahidə olunan əlavə effektlər (< 1/10000): allergik reaksiyalar.
Doza həddinin aşılması
Heyvanlar üzərində aparılan tədqiqatlarda göstərilmişdir ki, natrium kromoqlikatın yerli və sistem toksikliyi çox aşağıdır. Preparatın yerli istifadəsi nəticəsində doza həddinin aşılması simptomlarının meydana çıxma ehtimalı azdır. Bununla belə, doza həddinin aşılması simptomları meydana çıxdığı halda, zərurət yarandıqda, simptomatik müalicənin aparılması tövsiyə olunur.
Buraxılış forması
5 ml, ilk açılmaya nəzarətli ağ rəngli burulan qapaqlı və damcısalan-tıxaclı aşağı sıxlıqlı ağ rəngli polietilen flakonda. 1 flakon içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.