Pharmed
KORVALOL 25ML DAMLA (RUS)
KORVALOL oral damcı CORVALOL
Tərkibi
Təsiredici maddələr: 1 ml məhlulun (26 damcı) tərkibində 20 mq α-bromizovalerian turşusunun etil efiri (100% maddəyə nəzərən), 18,26 mq fenobarbital, 1,42 mq nanə yağı (mentha oil) vardır
Köməkçi maddələr: 96%-li etanol, natrium izovalerianat, təmizlənmiş su.
Təsviri
Spesifik qoxuya malik olan şəffaf rəngsiz mayedir.
Farmakoterapevtik qrupu
Yuxugətirici və sedativ vasitələr. Digər komponentlər ilə kombinasiyada barbituratlar.
ATC kodu: N05CB02.
Farmakoloji xüsusiyyətləri
Farmakodinamikası
Korvalol®- sakitləşdirici və spazmolitik vasitədir və təsiri tərkibində olan maddələrin xüsusiyyətləri ilə əlaqədardır.
α-bromizovalerian turşusunun etil efiri reflektor sakitləşdirici və spazmolitik təsir göstərir ki, bu da əsasən onun burun-udlaq və ağız boşluğunun reseptorlarının qıcıqlanması, mərkəzi sinir sistemində reflektor oyanmanı zəiflətməsi və baş beynin qabıq və qabıqaltı strukturlarının neyronlarında
tormazlanmanı gücləndirməsi ilə, həmçinin mərkəzi damar-hərəkət mərkəzinin aktivliyini azaltması ilə və saya əzələlərə qarşı bilavasitə yerli spazmolitik təsiri ilə əlaqədardır.
Fenobarbital böyük yarımkürələrin qabığına orta və uzunsov beynin retikulyar formasiya mərkəzlərinin aktivləşdirici təsirini inhibə edir, bununla belə baş beynin qabığına və qabıqaltı strukturlarına oyandırıcı təsirlərin axınını azaldır.
Aktivləşdirici təsirin azalması dozadan asılı olaraq sakitləşdirici, trankvilizəedici və ya yuxugətirici effektlər törədir. Korvalol® damar-hərəkət mərkəzlərinə, koronar və periferik damarlara oyandırıcı təsirləri azaldaraq, ümumi arterial təzyiqi azaldır, damarların xüsusilə ürək damarların spazmlarının qarşısını alır və aradan qaldırır.
Nanə yağının tərkibində çoxlu miqdarda efir yağları, o cümlədən 50% mentol və 4-9% mentol efirləri vardır. Onlar ağız boşluğun selikli qişasının “soyuq hissetmə” reseptorlarını qıcıqlandırır və əsasən
ürək və beyin damarlarını genişləndirir, saya əzələlərin spazmlarını aradan galdıraraq sakitləşdirici və yüngül ödqovucu təsir göstərir. Nanə yağı spazmolitik və antiseptik təsir göstərir, meteorizm
əlamətlərini aradan qaldırmaq qabiliyyətinə malikdir. Bağırsaqlar və mədədə rseptorları qıcıqlandıraraq, bağırsaqların peristaltikasını artırır.
Farmakokinetikası
Daxilə qəbul etdikdə sorulma artıq dilaltı nahiyədə başlanır, tərkibində olanların biomənimsənilməsi
yüksəkdir (təxminən 60-80%). Ağızda saxlandıqda (sublinqval sorulması) və ya qəndin üzərində qəbul etdikdə effekt xüsusilə tez (5-10 dəqiqədən sonra) baş verir. Daxilə qəbul etdikdə təsiri 15-45
dəqiqədən sonra baş verir və 3-6 saat ərzində davam edir.
Barbitur turşusunun preparatlarını əvvəllər qəbul etmiş şəxslərdə təsirin davametmə müddəti fenobarbitalın qaraciyərdə sürətli metabolizmi nəticəsində qısalır, harada ki, barbituratlar fermentlərin induksiyasına səbəb olurlar. Yaşlı insanlarda və qaraciyərin sirrozu olan xəstələrdə Korvalol®-un
metabolizmi azalmışdır, buna görə onlarda yarımxaricolma dövrü uzanır ki, bu da dozanın azaldılmasını və preparatın qəbularası fasilələrinin uzadılmasını tələb edir.
İstifadəsinə göstərişlər
- Yüksək əsəbiliklə müşayiət olunan nevrozlar;
- yuxusuzluq:
- hipertoniya xəstəliyinin və vegeto-damar distoniyasının kompleks müalicəsində:
- koronar damarların kəskin nəzərə çarpmayan spazmları, taxikardiya:
- neyrovegetativ pozğunluqlarla əlaqədar bağırsaqların spazmı (spazmolitik preparat kimi).
Əks göstərişlər
- Preparatın komponentlərinə, broma qarşı yüksək həssaslıq;
- qaraciyər və/və ya böyrək funksiyasının nəzərəçarpan pozulmaları;
- qaraciyərin kəskin porfiriyası;
- fenobarbital tərkibli dərman vasitələri nəzərə çarpan arterial hipotenziya, kəskin miokard infarktı, şəkərli diabet, depressiya və suisidal davranışa meylli olan xəstələrdə depressiv pozulmalar , miasteniya, alkoqolizm, narkotik və medikamentoz asılılıq ( eyni zamanda
anamnezdə qeyd olunan), təngənəfəslik ilə müşayiət olunan respirator xəstəliklər, obstruktiv sindrom zamanı istifadəsi əks göstərişdir.
Xüsusi göstərişlər və ehtiyat tədbirləri
Dərman vasitəsi ilə müalicə zamanı sürətli psixomotor və hərəkət reaksiya və yüksək diqqət tələb edən fəaliyyət növləri ilə məşğul olmaq məsləhət görülmür.
Spirtli içkilərin eyni zamanda qəbulundan çəkinmək lazımdır.
Dərman vasitəsinin tərkibində olan fenobarbital Stivens-Conson və Layell sindromunun əmələ gəlməsi riskini gücləndirə bilər ki, bu da ən çox müalicənin ilk həftələrində mümkündür.
Xəstələri simptomlar və əlamətlər haqqında və dəri reaksiyalarına ciddi şəkildə nəzarət etmək haqqında xəbərdar etmək lazımdır
Əgər Stivens-Jonson və ya toksiki epidermal nekroliz ( məsələn, proqressivləşən dəri səpgiləri, tez-tez suluqlar və selikli qişaların zədələnməsi ilə müşayiət olunan) sindromunun əlamətləri müşahidə
olunduqda müalicəni dayandırmaq lazımdır. Stivens –Jonson sindromunun və ya toksiki epidermal nekrolizin müalicəsinin ən yaxşı nəticələri erkən diaqnostika zamanı və qeyd olunan simptomların
yaranmasında şübhəli olan hər hansı bir dərman vasitəsinin qəbulunun dayandırılmasıdır. Daha yaxşı proqnozlar şübhəli olan dərman vasitəsinin istifadəsinin vaxtından əvvəl dayandırılması ilə
əlaqələndirilmişdir. Əgər xəstədə Korvalol® dərman vasitəsinin istifadəsi zamanı Stivens-Jonson sindromu və ya toksiki epidermal nekroliz baş veribsə , heç bir halda bu xəstələr üçün dərman
vasitəsini gələcəkdə istifadə etmək olmaz.
Medikamentoz asılılığın əmələ gəlməsinin təhlükəsi, orqanizmdə bromun toplanması imkanı və
bromla zəhərlənmənin əmələ gəlməsi ilə bağlı preparatın uzunmüddətli istifadəsi tövsiyə olunmur. Preparatın qəbulundan sonra ürək nahiyəsində ağrı keçmədiyi halda kəskin koronar sindromu istisna etmək üçün mütləq həkimə müraciət etmək lazımdır.
Arterial hipotenziya, hiperkinezlər, hipertireoz, böyrəküstü vəzilərin hipofunksiyası,
dekompensəedilmiş ürək çatışmazlığı, kəskin və xroniki ağrı sindromu zamanı, dərman vasitələri ilə kəskin intoksikasiya hallarında ehtiyatla təyin olunmalıdır.
Bu dərman vasitəsinin tərkibində 56 həc.%-i etanol (alkoqol) vardır.
Preparatın minimal dozasında (15 damcı) 254 mq etanol vardır ki, bu da 6,4 ml pivəyə və ya 2,7 ml çaxıra ekvivalentdir. Alkoqolizmi olan xəstələr üçün bu zərərlidir. Qaraciyər xəstəlikləri olan
pasiyentlərdə və epilepsiyalı xəstələrdə istifadə etdikdə ehtiyatlı olmaq lazımdır.
Digər dərman vasitələri ilə qarşılıqlı təsiri və digər qarşılıqlı əlaqə reaksiyaları
Mərkəzi inhibəedici tipli təsiri olan preparatlar Korvalol®-un təsirini gücləndirir, tənəffüsün inhibə olunması ilə müşayiət oluna bilən birgə sedativ-yuxugətirici təsirin artması mümkündür.
Dərman vasitəsinin təsiri valproy turşusunun istifadəsi fonunda güclənir.Alkoqol dərman vasitəsinin təsirini artırır və onun toksikliyinin artmasına səbəb ola bilər.
Fenobarbital qaraciyər fermentlərini induksiya edir və müvafiq olaraq qaraciyərdə metabolizmə uğrayan dərman vasitələrinin ( məsələn, kumarin törəmələri, antibiotiklər, sulfanilamidlər,
virusəleyhinə dərman vasitələri, peroral qəbul üçün nəzərdə tutulmuş qanda şəkər səviyyəsinin azaldan dərman vasitələri, hormonal, immunosupressiv, sitostatik, aritmiya əleyhinə, antihipertenziv dərman
vasitələri) metabolizmini artıra bilər.
Tərkibində barbitur turşusunun törəmələri ilə bağlı Korvalol® yerli anesteziyaedici, ağrıkəsici və yuxugətirici vasitələrin təsirini gücləndirir.
Preparat metotreksatın toksikliyini artırır.
Alkoqol preparatın effektini gücləndirir, həmçinin onun toksikliyini artırır.
Fenobarbital parasetamolun, qeyri-düz antikoaqulyantların, metronidazolun, trisiklik
antidepressantların, salisilatların, ürək qlikozidlərin (diqoksinin) təsirini azaldır. Fenobarbital analgetiklərin, anestetiklərin, narkoz üçün nəzərdə tutulmuş vasitələrin, neyroleptiklərin,trankvilizatorların təsirini artırır. Fenitoinin, karbamazepinin və klonazepamın qanda səviyyəsinə təsiri mümkündür.
Korvalol® dərman vasitəsinin (tərkibnidə fenobarbital olduğu üçün) epilepsiya əleyhinə dərman vasitələri ilə (lamotriсin), tireoid hormonları, doksisiklin, xloramfenikol, göbələkəleyhinə (azol qrupundan), qrizeofulvin, qlükokortikoidlər, peroral istifadə üçün kontraseptivlər ilə qarşılıqlı əlaqəsi arzuolunan deyil, çünki yuxarıda qeyd olunan dərman vasitələrinin təsirinin azalması mümkündür.
Fenobarbital analgetiklərin və yerli anestetiklərin təsirini artırır. Monoaminooksidaza (MAO) inhibitorları fenobarbitalın təsirini uzadırlar.
Rifampisin fenobarbitalın təsirini azalda bilər. Qızıl tərkibli dərman vasitələri ilə birgə istifadəsi zamanı böyrəklərin zədələnmə riski arta bilər. Uzun müddət ərzində qeyri-steroid iltihabəleyhinə dərman vasitələri ilə birgə istifadəsi zamanı mədə xorasının yaranma riski və qanaxma riski mövcuddur. Fenobarbital tərkibli dərman vasitələrinin eyni zamanda zidovudin ilə birgə istifadəsi hər iki dərman vasitəsinin toksikliyini artırır. Dərman vasitəsi metotreksatın toksikliyini artırır.
Hamiləlik və laktasiya dövründə istifadəsi
Hamiləlik və laktasiya dövründə istifadə etmək olmaz.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Korvalol®-un tərkibində etanol və fenobarbital vardır, buna görə dərman vasitəsi müalicə zamanı koordinasiyanın, psixomotor reaksiyaların sürətinin pozulmasına, yuxuya meylliliyə və başgicəllənməyə səbəb ola bilər. Bununla bağlı olaraq, yüksək diqqət tələb edən fəaliyyət növləri ilə məşğul olmaq, o cümlədən nəqliyyat vasitəsini və digər mexanizmləri idarə etmək məsləhət görülmür
İstifadə qaydası və dozası
Korvalol® gündə 2-3 dəfə qida qəbulundan asılı olmayaraq su ilə və ya şəkərlə 15-30 damcı dozada daxilə qəbul edilir. Ehtiyac yarandıqda (nəzərəçarpan taxikardiya və koronar damarların spazmı)
birdəfəlik doza 40-50 damcıya qədər artırıla bilər.
Preparatın istifadəsinin davametmə müddətini həkim klinik effektdən və dözümlülükdən asılı olaraq təyin edir.
Uşaqlar
Uşaqlarda müalicə üçün preparatın istifadə təcrübəsi yoxdur, buna görə dərman vasitəsini pediatrik təcrübədə istifadə olunmamalıdır.
Əlavə təsirləri
Korvalol adətən xəstələr tərəfindən yaxşı keçirilir. Tək-tək hallarda aşağıdaki əlavə təsirlər müşahidə oluna bilər:
Həzm sistemi tərəfindən pozulmalar: ürəkbulanma, qusma, qəbizlik, epiqastral nahiyyədə ağırlıq hissi,uzunmüddətli istifadə zamanı – qaraciyər funksiyasının pozulması;
Sinir sistemi tərəfindən pozulmalar: asteniya, zəiflik, ataksiya, hərəkətlərin koordinasiyasının
pozulması, nistaqm, hallyusinasiyalar, parodoksal oyanma, yorğunluq, reaksiyaların ləngiməsi, baş ağrısı, koqnitiv pozulmalar, şüurun qarışığı, yuxuya meyllik, yuxusuzluq (yaşlı xəstələrdə), yüngül dərəcəli başgicəllənmə, diqqətin cəmlənməsinin zəifləməsi;
İmmun sistemi tərəfindən pozulmalar: hiperhəssaslıq reaksiyalar, angionevrotik ödem daxil olmaqla, çətinləşmiş tənəffüs, üzün ödemi;
Dəriyə və selikli qişalara: allergik reaksiyalar, o cümlədən, dəri səpgisi, qaşınma. Fenobarbitalın istifadəsi zamanı qeyd olunan dəri tərəfindən ağır dərəcəli əlavə təsirlər: övrə, Stivens-Conson sindromu və toksik epidermal nekroliz (Layell sindromu), rinit, konyunktivit, akne, purpura, göz yaşının axması;
Qan sisteminə: meqaloblast anemiya, anemiya, trombositopeniya, aqranulositoz.
Tənəffüs sisteminə: tənəffüsün çətinləşməsi.
Ürək-damar sisteminə: bradikardiya, arterial hipotenziya.
Dayaq-hərəkət aparatına: tərkibində fenobarbital olan vasitələrin uzunmüddətli istifadəsi zamanı osteogenezin pozulması riski mövcuddur. Sümük toxumasının sıxlığının azalması haqqında,
osteopeniya, osteoporoz və sınıqlar haqqında qeydlər uzun müddətli dövr ərzində fenobarbital dərman vasitəsini qəbul edən xəstələrdə müşahidə olunmuşdur. Fenobarbitalın sümük toxumasının
metabolizminə təsir mexanizmi məlum deyil.
Uzunmüddətli istifadə etdikdə bromla zəhərlənmə əlamətlərin baş verməsi mümkündür.
Simptomları: mərkəzi sinir sisteminin ləngiməsi, depressiya, ataksiya, apatiya, rinit, konyunktivit, akne və ya purpura, göz yaşının axması, şüurun qarışması.
Göstərilən əlamətlər dozanın azaldılması zamanı və ya dərman vasitəsinin qəbulu ləğv edildikdə keçib gedir.
Doza hədinin aşılması
Simptomları
Barbituratlar ilə zəhərlənmələr kəskin (yüngül dərəcədən orta ağır dərəcəyədək): başgicəllənmə, yorğunluq, hətta xəstəni yuxudan ayıltmaq çətin olduğu dərin yuxu halları.
Hiperhəssalıq reaksiyaları müşahidə oluna bilər: angionevrotik ödem, övrə, qaşınma, səpgilər.
Kəskin ağır dərəcəli zəhərlənmə: toxuma hipoksiyası ilə müşahidə olunan dərin koma, səthi tənəffüs, əvvəlcədən tezləşmiş, sonradan yavaşlamış tənəffüs, tezləşmiş ürəkdöyüntüləri, ürək aritmiyası, aşağı arterial təzyiq, bradikardiya, damar kollapsı, reflekslərin zəifləməsi və ya itməsi, nistaqm, baş ağrısı, ürək bulanma, zəiflik, ürək fəaliyyətinin pozulması, bədən temperaturunun enməsi, pulsun zəifləməsi, diurezin azalması.
Əgər zəhərlənmə müalicə olunmasa, damar çatışmazlığı, tənəffüs iflici və ya ağciyər ödemi nəticəsində letal nəticə baş verə bilər.
Doza həddinin aşılması preparatın tez-tez və ya uzunmüddətli istifadəsi zamanı mümkündür ki, bu da onun tərkibində olan maddələrin kumulyasiyası ilə bağlıdır. Uzunmüddətli və daimi istifadə asılılıq, abstinent sindrom, psixomotor oyanıqlıq törədə bilər.
Brom tərkibli dərman vasitələrinin uzunmüddətli qəbulu brom ilə zəhərlənmə hallarına gətirib çıxara bilər, hansı ki aşağıdakı simptomlar ilə müşahidə oluna bilər: huşun qarışması halları, ataksiya, apatiya, depressiv əhvalruhiyyə, konyunktivit, soyuqdəymə, akne və ya purpura.
Müalicəsi
Kəskin zəhərlənmə hallarını, digər yuxugətirici dərman vasitələri və barbituratlar ilə zəhərlənmə hallarında olduğu kimi, zəhərlənmə simptomlarının ağırlıq dərəcəsindən asılı olaraq müalicə etmək lazımdır. Xəstəni intensiv terapaiya şöbəsinə köçürmək lazımdır. Tənəffüs və qan dövranını sabitləşdirmək və normallaşdırmaq lazımdır. Tənəffüs çatışmazlığının süni tənəffüsün həyata keçirilməsi ilə qarşısını almaq, şok plazma və plazma əvəzedicilərin infuziyası hesabına aradan qaldırılır.
Dərman vasitəsinin qəbulundan çox vaxt keçdikdə, mədəni yumaq vacibdir (mədəyə 10q aktivləşdirilmiş kömür və natrium sulfat yeridilir). Barbituratların orqanizmdən tez xaric olunması məqsədi ilə qələvi məhlullarla gücləndirilmiş diurez, həmçinin hemodializ və/və ya hemoperfuziya keçirmək lazımdır.
Brom ilə zəhərlənmələrin müalicəsi: brom ionlarının orqanizmdən xaric olunmasını çox miqdarda xörək duzu məhlulunun eyni zamanda saluretik dərman vasitələrinin qəbulu ilə tezləşdirmək olar.Hiperhəssaslıq reaksiyalarının yaranması zamanı desensibilizasiya edici dərman vasitələrini təyin etmək lazımdır.
Buraxılış forması
25 ml, flakonda. 1 flakon, içlik vərəqə ilə birlikdə karton qutuya qablaşdırılır.
Saxlanma şəraiti
25º C-dən yüksək olmayan temperaturda orijinal qablaşdırmada və uşaqların əli çatmayan yerdə saxlanmaq lazımdır.
Yararlılıq müddəti
2 il 6 ay.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Farmak” SC.
Ukrayna, 04080, Kiyev şəh., Kirillovskaya küç., 74.
Qeydiyyat vəsiqəsinin sahibi
“Farmak” SC.
Ukrayna, 04080, Kiyev, Kirillovskaya küç., 63.