PHS Pharmstandard
Kombilipen
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“___”__________ 2020-ci il
Dərman vasitəsinin istifadəsi üzrə təlimat (xəstələr üçün)
KOMBİLİPEN® inyeksiya üçün məhlul
KOMBILIPEN®
Beynəlxalq patentləşdirilməmiş adı: Pyridoxine + Thiamine + Cyancobalamin +
(Lidocaine)
Tərkibi
Təsiredici maddələr: 2 ml məhlulun tərkibində 100 mq tiamin hidroxlorid, 100 mq piridoksin hidroxlorid, 1 mq siankobalamin, 20 mq lidokain hidroxlorid vardır.
Köməkçi maddələr: benzil spirti, natrium tripolifosfat, kalium heksasianoferrat, natrium
hidroksid - pH 4,5 ± 0,2 qədər, inyeksiya üçün su
Təsviri
Spesifik iyli, şəffaf çəhrayımtıl-qırmızı rəngli mayedir.
Farmakoterapevtik qrupu
B qrup vitaminləri + digər preparatlar.
ATC kodu: А11DB/N07X.
Farmakoloji xüsusiyyətlər
Farmakodinamikası
Kombinəolunmuş polivitamin preparatıdır. Preparatın təsiri tərkibinə daxil olan vitaminlərin təsiri ilə müəyyən edilir. B qrup neyrotrop vitaminlər sinir sisteminin və dayaq-hərəkət aparatının iltihabi və degenerativ xəstəliklərinə müsbət təsir göstərir.
Tiamin (vitamin В1) – sinir toxumasının mübadilə proseslərində həlledici əhəmiyyətə malik olan karbohidrat mübadiləsi proseslərində (sinir impulsunun ötürülməsində iştrak edir), eləcə də Krebs siklində tiaminpirofosfatın (TPF) və adenozintrifosfatın (ATF) sonrakı sintezində iştrak etməklə mühüm rol oynayır.
Piridoksin (vitamin В6) – zülal, karbohidrat və yağların mübadiləsinə həyati vacib təsirə
malikdir, normal qanyaranma, mərkəzi və periferik sinir sisteminin funksiya göstərməsi üçün zəruridir. Sinapslararası ötürücülüyü, mərkəzi sinir sistemində (MSS) tormozlanma proseslərini təmin edir, sinir qişasının tərkibinə daxil olan sfinqozinin nəqlində iştrak edir, katexolaminlərin sintezində iştrak edir.
Hər iki vitaminin (В1 və В6) fizioloji funksiyası sinir, sinir-əzələ və ürək-damar sisteminə müsbət təsir kimi təzahür edən bir-birinin təsirini gücləndirməkdir.
Siankobalamin (vitamin В12) – nukleotidlərin sintezində iştrak edir, normal boyatmanın,
qanyaranmanın və epitel hüceyrələrin inkişafının vacib faktorlarındandır; fol turşusunun və mielin sintezinin metabolizmi üçün zəruridir.
Lidokain inyeksiya yerində anestetik təsir göstərir, damarları genişləndirərək vitaminlərin
sorulmasına şərait yaradır. Lidokainin yerli anestetik təsiri potensialdan aslı natrium kanallarının blokadası nəticəsində baş verir, bu da hissi sinir uclarında impulsların generasiyasına və ağrı impulslarının sinir lifləri ilə ötürülməsinə mane olur.
Farmakokinetikası
Tiamin
Əzələ daxilinə yeridildikdən sonra tiamin inyeksiya yerindən tez absorbsiya olunur və qana keçir (yeridilmənin ilk günündə 15 dəqiqə sonra 484 nq/ml) və orqanizmdə leykositlərdə 15 %, eritrositlərdə 75 % və qan plazmasında 10 % olmaqla qeyri-bərabər paylanır. Orqanizmdə vitaminin əhəmiyyətli ehtiyyatları olmadığından, o orqanizmə hər gün daxil olmalıdır. Tiamin hematoensefalik və plasentar baryerdən keçir, ana südündə aşkar edilir. Tiamin böyrəklərlə alfa fazada 0,15 saatdan sonra, beta fazada – 1 saatdan sonra, son (terminal) fazada – 2 gün ərzində xaric olur. Əsas metabolitlər bunlardır: tiaminkarbon turşusu, piramin və bəzi naməlum metabolitlər. Bütün vitaminlərdən tiamin orqanizmdə ən az miqdarda qalır. Böyük adamın orqanizmində 30 mq tiamin var: 80 % tiamin pirofosfat, 10 % tiamin trifosfat və qalan miqdar tiamin monofosfat şəklində.
Piridoksin
Əzələ daxilinə yeridildikdən sonra piridoksin inyeksiya yerindən tez absorbsiya olunur və CH2OH qrupunun 5-ci vəziyyətində fosforlaşmadan sonra koferment rolu oynayaraq orqanizmdə paylanır. Vitaminin 80 %-ə qədəri qanın plazma zülalları ilə birləşir. Piridoksin bütün orqanizmə paylanır, plasentadan keçir, ana südündə aşkar edilir. Qaraciyərdə toplanır və 4-piridoksin turşusuna qədər oksidləşir, o da absorbsiyadan maksimum 2-5 saat sonra böyrəklər vasitəsilə xaric olur.
İnsan orqanizmində 40-150 mq vitamin В6 var və onun gündəlik eliminasiya sürəti, bərpaolunma sürəti 2,2-2,4 % olduqda.1,7-3,6 mq-a yaxındır.
Sianokobalamin
Sianokobalamin əzələ daxilinə yeridildikdən sonra transkobalamin I и II ilə birləşir, orqanizmin müxtəlif toxumalarına daşınır. Əzələ daxilinə yeridildikdən sonra maksimal konsentrasiyaya 1 saatdan sonra çatır. Qanın plazma zülalları ilə birləşməsi - 90 %-dir. Plasentar baryerdən keçir, ana südündə aşkar edilir. Əsasən qaraciyərdə siankobalaminin aktiv forması olan adenozilkobalaminə qədər metabolizmə uğrayır. Qaraciyərdə depolaşır, ödlə bağırsağa ifraz olunur və yenidən qana absorbsiya olunur (enterohepatik resirkulyasiya fenomeni). Yarımçıxarılma periodu uzundur, əsasən böyrəklərlə (7-10 %) və bağırsaqla (50 %) xaric olunur. Böyrəklərin funksiyası azaldıqda, böyrəklərlə - 0-7 % və bağırsaqla - 70-100 % xaric olur.
Lidokain
Əzələ daxilinə yeridildikdən sonra lidokainin maksimal plazma konsentrasiyası inyeksiyadan
5-15 dəqiqə sonra aşkar edilir. Dozadan aslı olaraq 60-80 %-ə qədər lidokain plazma zülalları ilə birləşir. Orqan və toxumalarda yaxşı perfuziya ilə tez paylanır (6-9 dəqiqə ərzində), o cümlədən ürək, ağciyər, qaraciyər, böyrək, sonra əzələ və piy toxumasında. Hematoensefalik və plasentar baryerdən keçir, ana südündə aşkar edilir. (ana qanını plazmasındakı konsentrasiyanın 40 %-i). Qaraciyərdə mikrosomal fermentlərin iştrakı ilə aktiv metabolitlərə qədər metabolizmə uğrayır - monoetilqlisinksilid və qlisinksilid, onların müvafiq olaraq yarımçıxarılma periodu 2 və 10 saatdır. Qaraciyər xəstəliklərində metabolizmin intensivliyi azalır. Böyrəklərlə əsasən metabolitlər şəklində və 10% dəyişilməmiş şəkildə xaric olur.
İstifadəsinə göstərişlər
Kompleks terapiyada:
- müxtəlif mənşəli mono- və polineyropatiyalar;
- dorsalgiyalar;
- pleksopatiyalar;
- lümboişialgiyalar;
- onurğanın degenerativ dəyişiklikləri ilə əlaqədar kötük sindromu
Əks-göstərişlər
Preparatın tərkib hissələrinə qarşı yüksək həssaslıq.
Kəskin ürək çatışmazlığı, dekompensasiya mərhələsində xroniki ürək çatışmazlığı
18 yaşa qədər uşaq yaş dövrü (effektivlik və təhlükəsizlik sübut olunmayıb).
Hamiləlik və laktasiya dövrü.
Xüsusi göstərişlər və ehtiyat tədbirləri
Preparatı yalnız əzələ daxilinə, damar yatağına düşməsinə imkan vermədən yeritmək lazımdır. Təsadüfi vena daxilinə yeridilmə zamanı xəstə həkimin nəzarəti altında olmalıdır, yaxud əlamətlərin ağırlığından aslı olaraq hospitalizasiya olunmalıdır.
6 aydan artıq istifadə olunduqda neyropatiyalara səbəb ola bilər.
Digər dərman vasitələri ilə qarşılıqlı təsiri
В qrup vitaminlər
В1 vitamini(tiamin) sulfidlər olan məhlullarda tamamilə parçalanır. Nəticə olaraq tiaminin parçalanma məhsulları digər vitaminlərin təsirini inaktivləşdirir. Tiamin oksidləşdirici və reduksiyaedici birləşmələrlə uyğun gəlmir, o cümlədən: civə xlorid, yodid, karbonat, asetat, tanin turşusu, dəmir-ammonium sitrat, eləcə də fenobarbital, riboflavin, benzilpenisillin, dekstroza, metabisulfid. Mis tiaminin parçalanmasını tezləşdirir; bundan başqa, tiamin effektivliyini pH artdıqda itirir(3-dən artıq).
Vitamin В6-nın(piridoksin) terapevtik dozaları birlikdə qəbul zamanı levodopanın effektini zəiflədir (levodopanın parkinsonizm əleyhinə təsiri azalır)
Sikloserin, pensillamin, izoniazidlə qarşılıqlı təsir müşahidə olunur.
Vitamin В12 (siankobalamin) askorbin turşusu, ağır metalların duzları ilə uyğun gəlmir.
Lidokain
Lidokainin parenteral yeridilməsi zamanı, norepinefrin və epinefrinin əlavə istifadəsi zamanı ürəyə xoşagəlməz təsirlərin güclənməsi müşahidə oluna bilər. Eləcə də sulfonamidlərlə qarşılıqlı təsir müşahidə olunur. Yerli anestetik vasitələrin doza aşımı zamanı epinefrin və norepinefrin istifadə etmək olmaz.
Hamiləlik və laktasiya dövründə istifadəsi
Hamiləlik və laktasiya dövründə istifadəsi əks göstərişdir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparatın nəqliyyat vasitələrini və mexanizmləri idarə etmək qabiliyyətinə təsiri, eləcə də yüksək diqqət konsentrasiyası və tez psixomotor reaksiya tələb edən fəaliyyət növü ilə məşğul olmasına təsiri barədə məlumat yoxdur.
Lakin preparatın mümkün xoşagəlməz reaksiyalarını nəzərə alaraq ehtiyyatlı olmaq lazımdır.
İstifadə qaydası və dozası
İnyeksiyalar əzələ daxilinə dərin edilir («Xüsusi göstərişlər» bölməsinə bax).
Güclü ağrı sindromu olduqda müalicəni 2 ml olmaqla 5-10 gün ərzində əzələ daxilinə (dərin) yeritməklə başlamaq, sonra daxilə qəbula keçmək, yaxud daha az sayda inyeksiyalarla ( 2-3 həftə ərzində həftədə 2-3 dəfə) və mümkün daxilə qəbulla davam etdirmək məqsədəuyğundur.
Həkim tərəfindən gündəlik nəzarət tələb olunur. Müalicənin davametmə müddəti həkim tərəfindən xəstəliyin əlamətlərinin ağırlığından aslı olaraq fərdi təyin olunur.
Dərman formasının daxilə qəbuluna keçidi tez zamanda həyata keçirmək lazımdır.
Əlavə təsirləri
Əlavə təsirlərin tezliyi ÜST-ün təsnifatına müvafiq olaraq göstərilib:
Çox tez-tez – 1/10, tez-tez – 1/100, bəzən – 1/1000, nadir hallarda – 1/10000, çox nadir hallarda –1/10000-dan az, tezliyi məlum deyil (mövcud məlumatlara başvermə tezliyini müəyyən etmək mümkün deyil).
İmmun sistemə
nadir hallarda: allergik reaksiyalar (dəri səpgiləri, tənəffüsün çətinləşməsi, anafilaktik şok, Kvinke ödemi).
Sinir sisteminə
tezliyi məlum deyil: başgicəllənmə, huşun alatoranlığı
Ürək-damar sisteminə
çox nadir hallarda: taxikardiya;
tezliyi məlum deyil: bradikardiya, aritmiya.
Mədə-bağırsaq sisteminə
tezliyi məlum deyil: qusma.
Dəriyə və dərialtı toxumalara
çox nadir hallarda: tər ifrazının artması, akne, qaşınma, övrə.
Sümük-əzələ sisteminə və birləşdirici toxumaya
tezliyi məlum deyil: qıcolmalar.
Ümumi pozğunluqlar və yeridilmə yerində pozğunluqlar
tezliyi məlum deyil: preparatın yeridildiyi nahiyədə qıcıqlanma; sistemli pozğunluqlar sürətli yeridilmə və doza aşımında müşahidə olunur.
Sürətli yeridilmə zamanı (məsələn, təsadüfi damardaxili yeridilmə, yaxud qan təchizatı ilə zəngin nahiyəyə yeridilmə zamanı), yaxud doza aşımında huşun alatoranlığı, qusma, bradikardiya, aritymiya, başgicəllənmə və qıcolma daxil olmaqla sistemli reaksiyalar baş verə bilər.
Təlimatda göstərilən əlavə təsirlərdən hər hansının ağırlaşması və ya Siz tərəfdən təlimatda göstərilməyən əlavə təsiri müşahidə etsəniz həkimə müraciət edin.
Doza həddinin aşılması
Simptomları: qusma, bradikardiya, aritmiya, başgicəllənmə, huşun dumanlanması və qıcolma daxil olmaqla sistem reaksiyalar mümkündür.
Müalicəsi: doza həddinin aşılması əlamətləri baş verdikdə preparatla müalicəni dayandırmaq, lazım gələrsə, simptomatik müalicə təyin etmək lazımdır.
Buraxılış forması
Əzələ daxilinə yeritmək üçün məhlul.
2 ml, tünd şüşə ampullarda.
5 ampul, polivinilxlorid konturlu-yuvalı qablaşdırmada.
1 və ya 2 konturlu-yuvalı qablaşdırma içlik vərəqə ilə birlikdə karton qutuya qablaşdırılır.
Saxlanma şəraiti
2-8оC temperaturda, işıqdan qorumaqla, uşaqların əli çatmayan yerdə saxlamaq lazımdır.
Yaralılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/İstehlakçının iradlarını qəbul edən təşkilat
ASC «Farmstandart-UfaVİTA».
450077, Rusiya, Başqırdıstan Respublikası, Ufa ş., Xudayberdin küç., ev. 28,
Tel.:/Faks: (347) 272 92 85.