OTC Pharm

Kodelak tablet

                 TƏSDİQ EDİLMİŞDİR                                                                         

                  Azərbaycan Respublikası

                  Səhiyyə Nazirliyi

                   Farmakoloji və Farmakopeya

                   Ekspert Şurasının sədri

                                                                                   

                      _____________ E.M.Ağayev

 

                        “___”  __________ 2017-ci il

 

 

                                    Dərman vasitəsinin istifadəsi üzrə təlimat (xəstələr üçün)

 

KODELAK    tabletlər

CODELAK

 

Tərkibi

Təsiredici maddələr: 1 tabletin tərkibində  8 mq kodein, 20 mq lanset termopsis  otu, 200 mq

                                   natrium hidrokarbonat , 200 mq  biyan kökü vardır.

Köməkçi maddələr:   kartof nişastası, jelatinləşdirilmiş nişasta,

                                  natrium nişasta qlikolyatı, mikrokristallik sellüloza, talk.

 

Təsviri

Yastısilindrik, xətli, iki tərəfi iti, yaşıl-sarımtıl – boz-qəhvəyi rəngdə, tünd ya açıq çilənmələrlə, spesifik ətirli tabletlərdir.

 

Farmakoterapevtik qrupu

Öskürəkəleyhinə kombinəolunmuş dərman vasitəsi (öskürəkəleyhinə opioid dərman vasitəsi + bəlğəmgətirici dərman vasitəsi).

ATC kodu: R05FA02.

 

Farmakoloji xüsusiyyətləri

Kombinəolunmuş preparatdır; öskürəkəleyhinə və bəlğəmgətirici təsir göstərir. Kodein öskürək mərkəzinin qıcıqlanmasını zəiflədir və uzunmüddətli öskürək yaradan refleksləri dayandırır, zəif analgeziyaedici və sedativ təsirə malikdir. Tövsiyə olunan terapevtik dozalarda tənəffüs mərkəzinin fəaliyyətini zəiflətmir, səyriyən epitelinin  funksiyasını pozmur, bronxial sekresiyanı azaltmır.

Termopsis  otunun tərkibində aktiv maddə kimi izoxinolin alkaloidləri var. Tənəffüs mərkəzini qıcıqlandırır və qusma mərkəzini stimulə edir. Termopsis  otu bəlğəmgətirici təsirə malikdir: bronxial vəzilərinin sekretor funksiyasını yüksəldir;  kirpikli epitelinin aktivliyini gücləndirir və sekretin ayrılmasını sürətləndirir; mərkəzi vaqotrop effekti nəticəsində bronxların saya əzələlərinin tonusunu artırır. Bitkinin tərkibində olan bioloji aktiv maddələr qanqlioblokator xüsusiyyətə malikdir.

Natrium-hidrokarbonat: bronxial seliyin pH-nı qələvi tərəfə yönəldir; bəlğəmin qatılığını azaldır; səyriyən epitelinin və bronxiolların şirələrinin qatılığına təsir göstərən hərəki funksiyanı stimul-laşdırır.

Biyan kökü bəlğəmgətirici, iltihabəleyhinə və spazmolitik təsir göstərir. Bəlğəmgətirici təsiri tərkibində olan qlisirrizin ilə əlaqədardır, hansı ki, traxeyada və bronxlarda kiprikli epitelinin aktivliyini stimullaşdırır, həmçinin yuxarı tənəffüs yollarının selikli qişasının sekretor funksiyasını gücləndirir. Saya əzələlərə spazmolitik təsiri preparatın tərkibində olan flavon birləşmələri ilə (ən aktivi likviritoziddir) əlaqədardır. İltihabəleyhinə təsiri özünü histamin, serotonin və bradikinin tərəfindən törədilən iltihabi reaksiyaların aradan qaldırılması ilə biruzə verir. Qlisirrizin turşusu orqanizmdə metabolik şəkildəyişməyə məruz qalaraq qlükokortiko-steroidəbənzər təsir göstərir.

 

İstifadəsinə göstərişlər

Böyüklərdə və 12 yaşdan yuxarı uşaqlarda kəskin respirator xəstəlikləri zamanı qeyri-produktiv (bəlğəmsiz) və az produktiv öskürək.

 

Əks göstərişlər

Hiperhəssaslıq, tənəffüs çatışmazlığı, astmatik status, 12 yaşa qədər uşaqlar.

Preparat tənəffüs orqanlarının patologiyası(məsələn,bronxial astma və tənəffüs yollarının digər xroniki xəstəlikləri) olan 12-18 yaş arası yeniyetmələrə, sitoxrom P450(CYP2D6) aktivliyi yüksək olan xəstələrə məsləhət görülmür.

 

Xüsusi göstərişlər  və  ehtiyat  tədbirləri

Böyrək funksiyasının pozulmaları olan pasiyentlərdə kodeinin xaric olması ləngiyir və ona görə bu qrup pasiyentlərdə preparatın qəbulu arasında interval uzadılır.

Preparatın qəbulu zamanı alkoqoldan istifadə etmək olmaz.

İdmançılar nəzərə almalıdır ki, preparatın tərkibində olan kodein dopinqdir.

 

Digər dərman vasitələri ilə qarşılıqlı təsiri

Farmakodinamik qarşılıqlı təsirlər: xloramfenikol kodeinin qaraciyərdə metabolizmini tormozlayır və bunun nəticəsində orqanizmdə onun təsirini gücləndirir. Mərkəzi sinir sistemini zəiflədən dərman vasitələri ilə (yuxugətirici, antipsixotik və s.) birgə istifadəsində tənəffüs mərkəzinə sedativ və tormozlayıcı təsiri güclənə bilər. Kodein etanolun psixomotor funksiyalara təsirini gücləndirir.

Farmakokinetik qarşılıqlı təsirlər: kodeinin yüksək dozaları ürək qlikozidlərinin təsirini gücləndirir, çünki zəif peristaltika nəticəsində onların sorulması artır. Adsorbentlər, büzüşdürücü və bürüyücü vasitələr preparatın tərkibində olan kodeinin və alkaloidlərin mədə-bağırsaq traktın-da sorulmasını azalda bilər.

 

Hamiləlik və laktasiya dövründə istifadəsi

Hamiləlik zamanı  (xüsusən I və III trimestrlərdə), abort təhlükəsi olduğu zaman, laktasiya dövründə (kodeinin plasentar və hematoensefalik baryerlərdən yaxşı keçməsi  ilə əlaqədər olaraq uşaqlarda tənəffüsün zəifləməsi təhlükəsi yaranır) preparat ehtiyatla təyin edilir.

 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Sedativ təsirin inkişafı mümkün olduğu üçün, müalicə müddətində avtonəqliyyatı idarə etmək və yüksək diqqət və sürətli psixomotor və hərəki reaksiya tələb edən potensial təhlükəli fəaliyyət növləri ilə məşğul olmaq tövsiyə olunmur.

 

İstifadə qaydası və dozası

Gündə 2-3 dəfə 1 tablet daxilə qəbul edilir.

Müalicənin maksimal müddəti (həkim başqa cür tövsiyə etmədikdə) 5 gün təşkil edir.

 

Əlavə təsirləri

Allergik reaksiyalar (dəridə qaşınma, övrə), ürəkbulanma, qusma, başağrısı, yuxuyameyillilik ola bilər.

Uzun müddət nəzarətsiz istifadə zamanı kodeinə qarşı dərman asılılığı əmələ gələ bilər.

 

 

 

Doza həddinin aşılması

Simptomlar: qusma, qəbizlik, sidik ifrazının ləngiməsi, başağrısı, yuxuyameyillilik, göz almalarının hərəkətinin koordinasiyasının pozulmaları, mioz, tənəffüs mərkəzinin fəaliyyətinin ləngiməsi.

Müalicə: aktivləşdirilmış kömür və kalium permanqanat ilə mədənin yuyulması.Tənəffüs analeptikləri, atropin və nalokson (kodeinin fizioloji konkurent antaqonisti) yeridilir.

 

Buraxılış forması

10 tablet, konturlu-yuvalı qablaşdırmada.  1 konturlu-yuvalı qablaşdırma içlik vərəqə ilə birlikdə karton qutuya qablaşdırılır.

 

Saxlanma şəraiti

25ºC-dən yüksək olmayan temperaturda və uşaqların əli çatmayan yerdə saxlamaq lazımdır.

 

Yararlılıq müddəti

4 il.

Yararlılıq müddəti bitdikdən sonra istifadə etmək olmaz.

 

Aptekdən buraxılma şərti

Resept əsasında buraxılır.

 

İstehsalçı

A.S.C. “Farmstandart – Leksredstva”

305022, Rusiya, Kursk şəh., 2-ci Aqreqatnaya küç., 1a/18.

Tel/faks: (4712) 34-03-13; www.pharmstd.ru

 

Qeydiyyat vəsiqənin  sahibi /iradları  qəbul edən təşkilat

"Оtisifarm"İSC Rusiya Federasiyası,

123317, Moskva şəh., Testovskaya küç., ev. 10

Tel.: +7 (800) 775-98-19

Faks: +7 (495) 221-18-02.

www.otcpharm.ru