Pharmed
KANEFRON N 100ML MEHLUL
KANEFRON N
KANEFRON N Tərkibi
Təsiredici maddələr: 1 ml (0,976 qrama uyğun) məhlulun tərkibində vardır: 0,6 q Qızılçətir otunun (Centaurii herba), 0,6 q Levistik köklərinin (Levistici radices), 0,6 q Rozmarin yarpaqlarının (Rosmarini folia) qarışığından (1:1:1) alınmış 976 mq maye ekstrakt (1:56). Ekstragent: etanol 59% (h/h). Köməkçi maddə: təmizlənmiş su. Dərman vasitəsinin tərkibində 19% (h/h) alkoqol vardır.
Farmakoterapevtik qrupu
Urologiyada istifadə edilən digər dərman vasitələri.
ATC kodu: G04ВХ.
Farmakoloji xüsusiyyətləri
Farmakodinamikası: Kanefron N preparatının tərkibindəki inqrediyentlər diuretik, spazmolitik, iltihab əleyhinə və antibakterial xüsusiyyətlərə malikdir. Çoxsaylı klinik tədqiqatlar göstərdi ki, Kanefron N aşağı ifrazat yollarının iltihabi xəstəliklərinin simptomlarının sürətlə azalmasına, həmçinin sidiyin patoloji kristallaşmasının aradan qaldırılmasına səbəb olur. Bu klinik tədqiqatlarda müşahidə edilən təsirlər Kanefron N preparatının iltihab əleyhinə, spazmolitik, antinosiseptiv və antibakterial aktivliyə malik olduğunu göstərir. Klinik effektivliyə dair məlumatlar da preklinik sınaqların nəticələri ilə tamamlanır və təsdiqlənir. In vitro Kanefron N antioksidant xüsusiyyətlərə əlavə olaraq, prostaqlandinlərin və sitokinlərin azad olunmasının inhibə edilməsi və 5-lipoksigenaza fermentinin inhibə edilməsi kimi iltihab əleyhinə təsir də nümayiş etdirmişdir. Kanefron N preparatının iltihab əleyhinə təsiri daha sonra iltihabın in vivo siçovul modelində nümayiş etdirilmişdir. İn vitro spazmolitik təsirlər insanların və siçovulların sidik kisəsi test zolaqlarından istifadə edilməklə göstərilmişdir. In vivo olaraq, Kanefron N eksperimental sistitin siçovul modelində sidik ifrazının tezliyi və sidik kisəsinin tutumu kimi urodinamik parametrləri normallaşdırmışdır və bundan əlavə, çox aşağı dozalarda antinosiseptiv təsir göstərmişdir. In vitro, Kanefron N uropatogen bakteriyalara qarşı antiadheziv təsir göstərmişdir. Bundan əlavə, Kanefron N preparatının fərdi komponentləri antibakterial aktivliyə malikdir və bakteriyaların sidik yollarından yuyulması zamanı antibakterial aktivliyi dəstəkləyən sidikqovucu təsir göstərir. Bundan əlavə, Kanefron N preparatının sidikqovucu və nefroprotektiv təsiri böyrək çatışmazlığının in vivo modelində nümayiş etdirilmişdir.
Farmakokinetikası:Farmakokinetikaya dair nəticələr xroniki toksiklik testləri çərçivəsində aparılan toksikokinetik tədqiqatlardan əldə edilə bilər. Kanefron N-də hər bir dərman üçün markerin plazma konsentrasiyası (12-O-metilkarnozik turşu, z-liqustilid və sverozid) müəyyən edilmişdir. Siçovullarda 350 mq/kq dozada 699 nq/ml-ə qədər Cmax dəyərlərə və 7706 nq/ml*saat AUC0-son dəyərlərə çatmışdır. Orta tmax sverozid və liqustilid üçün 1 saat, 12-O-metilkarnoz turşusu üçün isə 2 saat olmuşdur. Köpəklərdə 250 mq/kq dozada Cmax dəyərləri 577 nq/ml-ə qədər və AUC0-son dəyərləri 3622 nq/ml*saat olmuşdur. Orta tmax 1,67 saat və 6,67 saat idi. Nəticələr plazmada əhəmiyyətli və dozaya mütənasib marker konsentrasiyalarına dair sübutlar təqdim edir. Bundan əlavə, heç bir akkumulyasiya müşahidə edilməmişdir. İnsanlarda dərman preparatı üçün kinetik məlumatlar yoxdur. Heyvanlar üzərində sınaqdan keçirilmiş dozalar insan dozasının 9 və 22 qatına bərabərdir və beləliklə, göstərilən gündəlik doza həddini xeyli üstələyir. Buna görə də, insan dozası ilə əlaqəli heç bir sübut yoxdur.
İstifadəsinə göstərişlər
Dərman aşağıda göstərilən hallarda kompleks terapiya üçün istifadə olunur:
− sidik kisəsinin xroniki infeksiyaları (sistit),
− böyrəklərin infeksion və qeyri-infeksion xroniki iltihabi xəstəlikləri (pielonefrit, qlomerulonefrit, interstisial nefrit),
− urolitiazın qarşısının alınması üçün (həmçinin daşların çıxarılmasından sonra).
Əks göstərişlər
Dərman vasitəsinin tərkibindəki hər hansı bir komponentinə, Apiaceae (Umbelliferae) ailəsindən olan digər bitkilərə (məsələn, razyana, şüyüd), anetola (məsələn, razyana, şüyüdün efir yağlarının tərkib hissəsi) qarşı yüksək həssaslıq. Kəskin mərhələdə mədə və onikibarmaq bağırsağın xoraları. Ürək və ya böyrək funksiyalarının pozulması nəticəsində yaranan ödem zamanı, çoxlu miqdarda mayenin istifadəsi əks göstərişdir, həmçinin həkim tərəfindən maye qəbulunun azaldılması tövsiyə olunarsa. Xüsusi göstərişlər və ehtiyat tədbirləri Xəstəliyin simptomları yaxşılaşmazsa, pisləşirsə və ya vaxtaşırı təkrarlanarsa, həkimə müraciət etmək lazımdır. Davamlı olaraq qızdırma, spazmlar, sidikdə qan, sidik ifrazının pozulması və kəskin sidik ləngiməsi hallarında dərhal həkimə müraciət edilməlidir. Saxlanma zamanı dərmanın keyfiyyətinə və effektivliyinə təsir göstərməyən cüzi opalessensiya (rəngin dəyişməsi) və kiçik presipitatların əmələ gəlməsi mümkündür. Kanefron N preparatının böyüklər üçün birdəfəlik dozasının (50 damcı) tərkibində 500 mq alkoqol (etanol) vardır ki, bu da 152 mq/ml-ə (19% h/h) bərabərdir. Bu dərmanın 50 damcıdakı miqdarı 13 ml pivə və ya 5 ml şəraba bərabərdir. Kanefron N preparatının, 1 yaşdan yuxarı uşaqlar üçün birdəfəlik dozasının (15 damcı) tərkibində 150 mq spirt (etanol) vardır ki, bu da 4 ml pivə və ya 2 ml şəraba uyğundur.Tərkibində etanol olduğuna görə dərman alkoqolizmdən əziyyət çəkən pasiyentlərdə və ya alkoqolizmin uğurlu müalicəsindən sonra istifadə edilməməlidir. Preparatın alkoqol tərkibi hamilə və ya südverən qadınlarda, uşaqlarda və qaraciyər xəstəliyi və ya epilepsiya xəstəliyi olan yüksək risk qruplarına daxil olan pasiyentlərdə nəzərə alınmalıdır. Pediatriyada istifadəsi Kanefron N daxilə qəbul üçün damcının 1 yaşdan kiçik uşaqlarda istifadəsi məsləhət görülmür. Şəkərli diabet xəstələri üçün məlumat: Kanefron N preparatının tərkibində hər sadə dozada (50 damcı) 0,1-dən az “Çörək vahidi” vardır.
Digər dərman vasitələri ilə qarşılıqlı təsiri
Antibakterial preparatlarla yanaşı istifadəsi mümkündür və məqsədəuyğundur. Digər dərmanlarla qarşılıqlı təsiri hazırda məlum deyil.
Hamiləlik və laktasiya dövründə istifadəsi
Hamiləlik zamanı və laktasiya dövründə preparatın istifadəsi yalnız həkim məsləhəti ilə ana üçün gözlənilən potensial fayda döl və yeni doğulmuş körpə üçün gözlənilən potensial riskdən yüksək olduqda mümkündür.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Xüsusi ehtiyat tədbirləri tələb olunmur
KANEFRON N İstifadə qaydası və dozası
Dozalanma rejimi: gündə 3 dəfə (səhər, günorta və axşam), aşağıdakı cədvələ uyğun olaraq və ya müalicə həkiminin tövsiyə etdiyi qaydada istifadə edilməlidir.
1. Yaş: 1-5, Sadə doza: 15 damcı, Ümumi gündəlik doza: 45 damcı
2. Yaş: 6-11, Sadə doza: 25 damcı, Ümumi gündəlik doza: 75 damcı
3. 12 yaş və ondan yuxarı yaşlı yeniyetmələr və böyüklər: Sadə doza: 50 damcı, Ümumi gündəlik doza: 150 damcı. 50 damcı dərman preparatının 3,3 ml-nə uyğundur. Kanefron N dərmanı peroral olaraq qəbul edilir. İstifadə etməzdən əvvəl yaxşıca çalxalayın! Tələb olunan doza flakonun dozator-damcıladıcısından istifadə edilərək ölçülür. Dərman dozası verilərkən flakon şaquli vəziyyətdə saxlanılmalıdır. Lazım gələrsə (məsələn, uşaqlarda acı dadı yumşaltmaq üçün) dərmanı az miqdarda su ilə (məsələn, 1 stəkan) qəbul etmək olar. Dərmanla müalicə zamanı kifayət qədər miqdarda maye içmək tövsiyə olunur. Müalicə kursunun müddəti xəstəliyin gedişatından asılıdır. Yaxşılaşmanın başlanğıcından sonra (xəstəliyin kəskin mərhələsi başa çatdıqdan sonra) dərmanla müalicə 2-4 həftə davam etdirilməlidir. Həkimin tövsiyəsi ilə müalicə müddətini artırmaq və təkrar müalicə kurslarını aparmaq mümkündür.
Əlavə təsirləri
Əlavə təsirlərin tezliyi aşağıdakı parametrlərlə təyin edilir: çox tez-tez (≥1/10); tez-tez (≥1/100 - <1/10); bəzən (≥1/1000 - <1/100); nadir hallarda (≥1/10000 - <1/1000); çox nadir hallarda (<1/10000); məlum deyil (əldə olan məlumatlar görə tezliyi qiymətləndirmək mümkün deyil). Bütün dərman vasitələri kimi, Kanefron N preparatı da hər kəsdə rastlanmasa da, müəyyən əlavə təsirlərə səbəb ola bilər. Tez-tez rastlanan əlavə təsirlərə (100 nəfərdən 1-10-da müşahidə oluna bilər): ürəkbulanma, qusma, ishal kimi mədə-bağırsaq pozğunluqları aiddir. Belə bir dərmana yarana biləcək digər mümkün reaksiyalar (mövcud məlumatlara əsasən raslanma tezliyinin müəyyən edilməsi mümkün olmayan): allergik reaksiyalar. Yüksək həssaslıq reaksiyalarının/allergik reaksiyaların ilkin əlamətlərinin müşahidəsi zamanı dərman vasitəsinin istifadəsi dayandırılmalı və həkimə müraciət edilməlidir. Təlimatlarda sadalanan əlavə təsirlərdən hər hansı birini müşahidə etsəniz və ya əlavə təsirlər daha da pisləşərsə və ya təlimatlarda qeyd olunmayan hər hansı digər əlavə təsirləri rastladığınız halda, zəhmət olmasa, bu barədə həkim və ya əczaçı ilə məsləhətləşin. Əlavə təsirlər barədə məlumat verməklə siz bu dərman vasitəsinin təhlükəsizliyi haqqında daha çox məlumat toplamağa kömək edə bilərsiniz.
Doza həddinin aşılması
Doza həddinin aşılmasına dair məlumatlar mövcud deyil. Doza həddinin aşılması hallarında simptomatik müalicə aparılmalıdır. Buraxılış forması 100 ml daxilə qəbul üçün damcı tünd rəngli, vertikal dozator-damcıladıcı və vidalanmış qapaqlı şüşə flakonda. Şüşə flakonun üzərinə öz-özünə yapışan etiket yapışdırılmışdır.1 flakon içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.