PharmEd

Pharmed

KALSIY D3 NIKOMED N60 TB

KALSİUM-D3 NİKOMED

Beynəlxalq patentləşdirilməmiş adı: yoxdur.

 

KALSİUM-D3 NİKOMED Tərkibi

Təsiredici maddə: 1 tabletin tərkibində 1250 mq kalsium karbonat (500 mq elementar kalsiuma
 ekvivalent), 2,20 mq xolekalsiferol konsentratı* şəklində 5,5 mkq (200 BV D3
 vitamini) xolekalsiferol (D3 vitamini) vardır.
Köməkçi maddələr:ksilitol, portağal aromatizatoru qranulları (tərkibində izomalt, portağal dadlı
 maddə, yağ turşularının mono- və diqliseridləri vardır), povidon, maqnezium
 stearat, sukraloza.
 *10% artıq daxil olmaqla, xolekalsiferol konsentratının tərkibində vardır:
 xolekalsiferol, DL-α-tokoferol, orta uzunluğa malik triqliserid zənciri,
 modifikasiya olunmuş qarğıdalı nişastası, saxaroza, natrium askorbat, silisium
 dioksid.


Farmakoterapevtik qrupu

Mineral əlavələr. Kalsium preparatları. Kalsium preparatları digər preparatlarla kombinasiyada.

ATC kodu: A12AX.

 

Farmakoloji xüsusiyyətləri

Farmakodinamikası:
Orqanizmdə kalsium və fosfor mübadiləsini tənzimləyən kombinəolunmuş preparatdır.
Orqanizmdə kalsium və D vitamini çatışmazlığını bərpa edərək rezorbsiyanı (sorulmanı) azaldır və
sümük toxumasının və dişlərin sıxlığını artırır.
Kalsium sinir keçiriciliyinin, əzələ yığılmalarının tənzimlənməsində iştirak edir və qan laxtalanma
sisteminin komponentidir.
Vitamin D3 bağırsaqda kalsiumun sorulmasını artırır.
Kalsium və D3 vitaminin qəbulu, kalsium çatışmazlığı nəticəsində yaranan və kalsiumun
sümüklərdən sorulmasının artmasına səbəb olan paratiroid hormonunun (PTH) səviyyəsinin
artmasının qarşısını alır.
Farmakokinetikası:
Kalsium
Adətən, mədə-bağırsaq traktından (MBT) sorulan kalsiumun miqdarı qəbul edilən dozanın
təxminən 30% -ni təşkil edir.
Orqanizmdə kalsiumun 99%-i sümüklərin və dişlərin sərt strukturunda cəmləşir. Qalan 1%-i
hüceyrədaxili və hüceyrədənkənar mayelərdə mövcuddur. Qandakı ümumi kalsiumun təxminən
50% -i fizioloji aktiv ionlaşmış formadadır, təxminən 10%-i sitrat, fosfat və ya digər anionlarla
birlikdə, qalan 40% -i zülallarla, ilk növbədə albuminlə bağlıdır.
Kalsium nəcis, sidik və tərlə xaric olunur. Böyrək xaricolunması yumaqcıq filtrasiyadan və
kalsiumun borucuq reabsorbsiyasından asılıdır.
Xolekalsiferol
Vitamin D3 nazik bağırsaqda asanlıqla mənimsənilir.
Xolekalsiferol və onun qanda dövr edən metabolitləri spesifik qlobulinə bağlanır. Xolekalsiferol
qaraciyərdə hidroksilləşmə yolu ilə 25-hidroksi xolekalsiferola çevrilir. Sonra böyrəklərdə aktiv
forma 1,25-dihidroksi xolekalsiferola çevrilir. 1,25-dihidroksi xolekalsiferol kalsiumun
sorulmasının artmasına cavabdeh olan metabolitdir. Metabolizmə uğramamış vitamin D3 piy və
əzələ toxumalarında depolaşır.
Vitamin D3 nəcis və sidiklə xaric olunur.

 

İstifadəsinə göstərişlər

- Kalsium və D vitamini defisitinin profilaktikası və müalicəsi.
- Kalsium və D vitamini defisiti riski olan pasiyentlərdə osteoporozun müalicəsi zaman əlavə
terapiya qismində kalsium və D vitamininin qəbulu.

 

Əks göstərişlər

- Preparatın istənilən komponentinə qarşı yüksək həssaslıq;
- ağır böyrək çatışmazlığı (yumaqcıq filtrasiyasının sürəti < 30 ml/dəqiqə/1,73m2)
- hiperkalsiemiya və/və ya hiperkalsiuriyanın inkişafı ilə əlaqədar xəstəlik və/və ya vəziyyət;
- böyrək daşı xəstəliyi (nefrolitiaz);
- D vitamininin hipervitaminozu.
- Kalsium-D3 Nikomed preparatının tərkibində izomalt (E953) və saxaroza vardır. Bu səbəbə
görə fruktozaya qarşı nadir irsi çatışmazlıq problemi, qlükoza-qalaktoza sorulmasının
pozulması və saxaroza-izomaltaza çatışmazlığı olan pasiyentlər bu preparatı qəbul
etməməlidirlər.

 

Xüsusi göstərişlər və ehtiyat tədbirləri

Uzunmüddətli müalicə zamanı qan zərdabında kalsium səviyyəsinə nəzarət edilməli və qan
zərdabında kreatinin səviyyəsinin ölçülməsi ilə böyrək funksiyasına nəzarət edilməlidir. Ürək
qlikozidləri və diuretiklərlə eyni vaxtda müalicə alan yaşlılarda və daş əmələ gəlməsinə meyilli
pasiyentlərdə nəzarət xüsusilə vacibdir. Hiperkalsiemiya və ya böyrək funksiyasının pozğunluğu
əlamətləri olduqda, doza azaldılmalı və ya müalicə dayandırılmalıdır.
Hiperkalsiemiya və ya böyrək funksiyasının pozğunluğu əlamətləri olan pasiyentlərə Xolekalsiferol
ilə kalsium karbonat ehtiyatla təyin edilməli və qan zərdabında kalsium və fosfat səviyyəsinə
nəzarət edilməlidir. Yumşaq toxumaların kalsifikasiyası riski nəzərə alınmalıdır.
D vitamininin digər mənbələri və/və ya kalsium tərkibli preparatlar və ya qida maddələri ilə yanaşı
müalicə zamanı hiperkalsiemiya və böyrək funksiyasının pozğunluğu ilə nəticələnən süd-qələvi
sindromu riski vardır. Belə pasiyentlərdə kalsiumun zərdab səviyyəsinə və böyrək funksiyasına
nəzarət edilməlidir.
Kalsium-D3 Nikomed preparatı, D vitamininin onun aktiv formasına yüksək dərəcədə çevrilməsi
riski səbəbindən sarkoidozdan əziyyət çəkən pasiyentlərə ehtiyatla təyin edilməlidir.
Belə pasiyentlərdə qan zərdabında və sidikdə kalsiumun səviyyəsinə nəzarət edilməlidir.
Kalsium-D3 Nikomed preparatı, hiperkalsiemiya inkişaf riski səbəbindən osteoporozlu
immobilizasiya edilmiş pasiyentlərə ehtiyatla təyin edilməlidir.

 

Digər dərman vasitələri ilə qarşılıqlı təsiri

Tiazid diuretikləri sidikdə kalsiumun sekresiyasının azalmasına səbəb olur. Hiperkalsiemiya
riskinin artması səbəbindən tiazid diuretiklərinin yanaşı istifadəsi zamanı zərdabda kalsium
səviyyəsinə mütəmadi olaraq nəzarət edilməlidir.
Hiperkalsiemiya kalsium və D vitamini ilə müalicə zamanı ürək qlikozidlərinin toksikliyini artıra
bilər. Pasiyentlər elektrokardioqrafiya (EKQ) ilə nəzarət edilməli və həmçinin qan zərdabında
kalsiumun səviyyəsinə nəzarət etmək lazımdır.
Kalsium karbonat eyni vaxtda qəbul edilən tetrasiklin preparatlarının sorulmasına təsir göstərə bilər.
Bu səbəbdən tetrasiklin preparatları kalsium karbonatın peroral qəbulundan ən azı iki saat əvvəl və
ya dörd-altı saat sonra qəbul edilməlidir.
Xinolon antibiotiklərinin absorbsiyası kalsiumla eyni vaxtda qəbul edildikdə pozula bilər.
Xinolon antibiotikləri kalsium preparatlarının qəbulundan iki saat əvvəl və ya altı saat sonra qəbul
edilməlidir.
Bifosfonatların yanaşı istifadəsi zamanı, bu preparatların mədə-bağırsaq traktından sorulmasının
azalması səbəbindən, onlar Kalsium-D3 Nikomed preparatının qəbulundan ən azı bir saat əvvəl
qəbul edilməlidir.
Levotiroksinin sorulmasının azalması səbəbindən kalsiumun eyni vaxtda istifadəsi zamanı
levotiroksinin effektivliyi azala bilər. Kalsium və levotiroksinin qəbulu arasında ən azı dörd saat
keçməlidir.
Kalsium duzları dəmir, sink və stronsium ranelatın sorulmasını azalda bilər. Bu səbəbdən, dəmir,
sink və ya stronsium ranelat preparatları kalsium preparatların qəbulundan ən azı iki saat əvvəl və
ya sonra qəbul edilməlidir.
Orlistat ilə müalicə yağda həll olunan vitaminlərin (məsələn, vitamin D3) sorulmasını potensial
olaraq poza bilər.

 

Hamiləlik və laktasiya dövründə istifadəsi

Hamiləlik:
Kalsium-D3 Nikomed preparatı hamiləlik dövründə kalsium və D vitamini çatışmazlığı zamanı
qadınlar tərəfindən istifadə edilə bilər. Hamiləlik dövründə gündəlik doza 2500 mq kalsium və 4000
BV vitamin D-dən çox olmamalıdır. Lakin daimi hiperkalsiemiya inkişaf edən dölə mənfi təsir
göstərdiyi üçün hamiləlik zamanı kalsiumun və D vitamininin doza həddinin aşılmasından
qaçınmaq lazımdır.
Terapevtik dozalarda D vitamini teratogen təsir göstərmir.
Laktasiya:
Kalsium-D3 Nikomed preparatı laktasiya dövründə istifadə edilə bilər. Kalsium və D3 vitamini ana
südünə keçir. Bu, uşağa D vitaminin əlavə təyini halında nəzərə alınmalıdır.

 

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Kalsium-D3 Nikomed preparatı nəqliyyat vasitələrini və digər potensial təhlükəli mexanizmləri
idarəetmə qabiliyyətinə təsir göstərmir.

 

KALSİUM-D3 NİKOMED İstifadə qaydası və dozası

Kalsium və D vitamini defisiti
- Böyüklər: gündə 1-3 dəfə 1 tablet.
- Uşaqlar: gündə 1-2 dəfə 1 tablet.
Osteoporoz zamanı əlavə terapiya
- Böyüklər və yaşlı pasiyentlər: gündə 2-3 dəfə 1 tablet.
Böyrək çatışmazlığı:
Kalsium-D3 Nikomed preparatını ağır böyrək çatışmazlığı olan pasiyentlər qəbul etməməlidirlər.
Tableti çeynəmək və sormaq olar.

 

Əlavə təsirləri

Əlavə təsirlər orqan sistemləri sinfi və yaranma tezliyi sadalanmışdır üzrə aşağıdakı kimi təsnif
edilmişdir: bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (<
1/10000); məlum deyil (əldə olan məlumatlar görə tezliyi qiymətləndirmək mümkün deyil).
Metabolizm və qidalanmada baş verən pozuntular: bəzən-hiperkalsiemiya və hiperkalsiuriya; çox
nadir hallarda-süd-qələvi sindromu (tez-tez sidiyəgetmə; davamlı başağrı; iştahanın uzun müddət
itməsi; ürəkbulanma və ya qusma; yorğunluq və ya zəiflik; hiperkalsiemiya, alkaloz və böyrək
çatışmazlığı). Bir qayda olaraq, doza həddinin aşılması zamanı müşahidə edilir.
Mədə-bağırsaq sistemində baş verən pozuntular: nadir hallarda-qəbizlik, dispepsiya, meteorizm,
ürəkbulanma, qarın nahiyəsində ağrı və diareya.
Dəridə və dərialtı toxumada baş verən pozuntular: çox nadir hallarda-qaşınma, səpgi və övrə.
Böyrək çatışmazlığı olan pasiyentlər: hiperfosfatemiyanın, nefrolitiazın və nefrokalsinozun
potensial riski.
İmmun sistemdə baş verən pozuntular: məlum deyil-Kvinke ödemi və ya qırtlağın ödemi kimi
hiperhəssaslıq reaksiyaları.
Dərman vasitəsilə müalicəyə başladıqdan sonra bütün şübhəli əlavə təsirlər barədə məlumat vermək
vacibdir. Bu, dərman vasitəsinin fayda/risk nisbəti profilinə fasiləsiz nəzarət etməyə imkan verir.

 

Doza həddinin aşılması

Doza həddinin aşılması hipervitaminoz D və hiperkalsiemiyaya səbəb ola bilər.
Hiperkalsiemiyanın simptomlarına anoreksiya, susuzluq, ürəkbulanma, qusma, qəbizlik, qarında
ağrılar, əzələ zəifliyi, yorğunluq, mental pozğunluqlar, polidipsiya, poliuriya, sümük ağrıları,
nefrokalsinoz, böyrəklərdə daşların əmələ gəlməsi və ağır hallarda ürək aritmiyaları aid ola bilər.
Hiperkalsiemiyanın son dərəcəsi komaya və ölümə səbəb ola bilər. Kalsiumun davamlı yüksək
səviyyələri böyrəklərin geridönməyən zədələnməsinə və yumşaq toxumaların kalsifikasiyasına
səbəb ola bilər.
Böyük miqdarda kalsium və absorbsiya olunan qələvi istifadə edən pasiyentlərdə süd-qələvi
sindromu inkişaf edə bilər.
Müalicə: kalsium və D vitaminin qəbulu, həmçinin tiazid diuretikləri və ürək qlikozidləri ilə
müalicə dayandırılmalıdır. Şüurun pozğunluğu olan pasiyentlərdə mədənin təmizlənməsi
aparılmalıdır. Bundan əlavə, rehidratasiya (mayenin qəbulu) və ağırlıqdan asılı olaraq, ilgək
diuretiklərin, bifosfonatların, kalsitonin və kortikosteroidlərin fərdi və ya birgə istifadəsi tələb
olunur. Bundan əlavə, qan zərdabında elektrolit səviyyəsi, böyrək funksiyası və diurez nəzarət
edilməlidir. Ağır hallarda, EKQ aparılmalı və mərkəzi venoz təzyiqə (MVT) nəzarət edilməlidir.

 

Buraxılış forması

30, 60 və ya 120 tablet burulan qapaqlı yüksək sıxlığa malik polietilen flakonda. 1 flakon içlik
vərəqə ilə birlikdə karton qutuya qablaşdırılır.
 

 

Aptekdən buraxılma şərti

Reseptsiz buraxılır.