Pharmed
GRIPHOT N12 PAKET
Dərman vasitəsinin istifadəsi üzrə təlimat (xəstələr üçün)
QRİPHOT tək oral məhlul hazırlamaq üçün fışıldayan qranullar GRIPHOT
Tərkibi
Təsiredici maddələr: 1 paketdə 500 mq parasetamol, 10 mq fenilefrin hidroxlorid, 100 mq oksolamin- sitrat, 2 mq xlorfeniramin maleat vardır.
Köməkçi maddələr: çaxır turşusu, limon turşusu, natrium bikarbonat, natrium karbonat, xinolin sarısı, limon aromatizatoru, kollidon K-30, saxarin, şəkər.
Təsviri
Tək dozalı paketlərdə fışıldayan qranullardır.
Ağ-açıq sarı rəngli, homogen, limon qoxusu və dadı olan qranullardır.
Farmakoterapevtik qrupu
Digər soyuqdəyməyə qarşı preparatlar.
ATC kodu: R05X
Farmakoloji xüsusiyyətləri
Farmakodinamikası
Parasetamol ağrıkəsici və qızdırmasalıcı effektlərə malikdir. Siklooksigenaza fermentini inhibə edərək, prostaqlandinlərin sintezini inhibə edir. Trombositlərin aqreqasiyasını inhibə etmir, protrombinin əmələ gəlməsinə təsir göstərmir.
Xlorfeniramin maleat antihistamin (antiallergik) maddə olub, damarlar keçiriciliyini azaldaraq burun axması, asqırma, gözlərin sulanması və qaşınması kimi əlamətləri aradan qaldırır.
Fenilefrin hidroxlorid - əsas adrenergik reseptorlara birbaşa təsir göstərən simpatomimetik maddədir. Ödeməleyhinə nazal vasitə olaraq yuxarı tənəffüs yollarında selikli qişasının şişkinliyini aradan qaldırır, damardaraldıcı təsiri ilə burun və boşluqlarda olan tutulmasını yüngülləşdirir.
Oksolamin sitrat - iltihabəleyhinə vasitədir. Tənəffüs yollarının selikli qişasının iltihabı ilə birlikdə ona bağlı qızdırma, ağrı və spastik qıcıqlanmasını aradan qaldırır; mukolitik təsir nəticəsində bəlğəmi
durulaşdırır.
Periferik təsir göstərdiyinə görə oksolamin mərkəzi təsirli öskürək əleyhinə vasitələrə xas olan əlavə təsirləri (qəbizlik, tənəffüsün tormozlaması, başqicəllənmə, asılılıq) törətmir.
Farmakokinetikası
Parasetamol
Sorulması
Mədə-bağırsaq traktından tam və tez sorulur. Plazmada maksimal konsentrasiyası 30-90 dəqiqə arasında əldə edilir. Daxilə qəbul zamanı biomənimsənilməsi 500 mq-lıq dozadan sonra 63%, 1 q və ya 2 q (tablet) dozadan sonra təqribən 90%-dir.
Paylanması
Paylanma həcmi orta hesabla 0,95 l/kq təşkil edir. Terapevtik dozalarda istifadə edildikdə parasetamol plazma zülalları ilə əhəmiyyətli dərəcədə birləşmir.
Metabolizmi
Qaraciyərdə çoxlu metabolitlərin əmələ gəlməsilə metabolizmə uğrayır.
Xaricolunması
Qəbul edilən dərmanın 4%-dən az dəyişilməmiş parasetamol şəklində xaric olur. Sağlam şəxslərdə təqribən 85-95% 24 saat ərzində sidiklə xaric olunnur.
Fenilefrin hidroxlorid
Sorulması
Monoaminooksidazalara görə mədə-bağırsaq traktından qeyri-müntəzəm sorulur.
Paylanması
Başlanğıc paylanma həcmi 26-61 litr, sabit vəziyyətdə paylanma həcmi 184-543 litr (orta hesabla 340 litr) təşkil edir.
Metabolizmi
Fenilefrin əvvəl bağırsaqda və qaraciyərdə monoaminoksidaza tərəfindən metabolizə olunur. "İlk keçid" effektinə görə peroral biomənimsənilməsi məhduddur.
Xaricolunması
Fenilefrin əsasən qeyri-aktiv metabolitlər şəklində xaric olunur. Yarımxaricolma dövrü alfa fazada təqribən 5 dəqiqə, terminal fazada 2-3 saat təşkil edir.
Xlorfeniramin maleat
Sorulması
Mədə-bağırsaq traktından nisbətən yavaş sorulur. Maksimal plazma konsentrasiyası 2,5-6 saat ərzində əldə edilir. Biomənimsənilmə 25-50% təşkil edir.
Paylanması
70%-i plazma zülalları ilə birləşir. Orqanizmdə, mərkəzi sinir sistemi daxil olmaqla, geniş paylanır.
Metabolizmi
Qaraciyərdə "ilk keçid" zamanı metabolizmə uğrayır. Metabolitlər desmetil- və didesmetilxlorfeniramindir.
Xaricolunması
Dəyişilməmiş dərman vasitəsi və onun metabolitləri əsasən sidiklə xaric olunur. Oksolamin sitrat
10%-i dəyişilməmiş və 0,6%-i neytral törəmə şəklində sidiklə xaric olunur.
Sorulması
Daxilə qəbuldan sonra 1 saat sonra təsir göstərir.
Paylanması
Daxilə qəbul edildikdə sorulmasından sonra orqanizmin toxumalarına yayılır.
Metabolizmi
Dietilamin və neytral törəməyə qədər metabolizə olunur. Dərman vasitəsinin bir qismi dəyişilməmiş şəkildə xaric olunur.
Xaricolunması
Dərman vasitəsinin 10%-i dəyişilməmiş şəkildə, 0,6%-i neytral törəmə və hidrolizəolunmuş dietilamin şəklində sidiklə xaric olunur.
İstifadəsinə göstərişlər
Qrip və soyuqdəymə ilə bağlı ağrı, qızdırma və zökəmin simptomatik müalicəsi.
Əks göstərişlər
Preparatın tərkibində olan təsiredici maddələrə, digər adrenergik dərman vasitələrə və ya preparatın tərkibindəki hər hansı inqrediyentə qarşı yüksək həssaslıq.
Ağır ürək-damar, qaraciyər (Çayld-Pyu təsnifatı üzrə 9 baldan az) və ya böyrək çatışmazlığı. Ağır hipertenziya və taxikardiya ilə müşayiət olunan xəstəliklər.
Ürəyin işemik xəstəliyi. Prostat vəzinin adenoması.
Sidik kisəsi boynunun obstruksiyası. Piloroduodenal obstruksiya.
Stenozlaşdırıcı peptik xora.
Ağciyər xəstəlikləri (astma daxil olmaqla). Bağlıbucaqlı qlaukoma.
Qlükoza-6-fosfat dehidrogenaza (Q-6 FD) çatışmazlığı. Epilepsiya.
Hamiləlik və laktasiya dövrü. 12 yaşdan kiçik uşaqlarda.
Xüsusi göstərişlər və ehtiyat tədbirləri
Anemiya, ağciyər xəstəlikləri, qaraciyər və böyrək funksiyasının pozulması olan xəstələrdə həkim nəzarəti altında ehtiyatla istifadə edilməlidir. Əvvəllər qaraciyər xəstəliyi olanlarda yüksək dozada və ya uzunmüddətli müalicə zamanı müntəzəm olaraq qaraciyər funksiyasının testlərin aparılmasına ehtiyac ola bilər. Böyrək çatışmazlığı (kreatinin klirensi 10 ml/dəq-dən az) zamanı həkim parasetamol istifadəsinin fayda/risk nisbətini diqqətlə dəyərləndirilməlidir. Doza tənzimlənməli və xəstə daimi izlənməlidir.
Tövsiyə edilən doza aşılmamalı və ya bir-birinin ardınca 5 gündən çox istifadə edilməməlidir. Yüksək dozada parasetamol və uzun müddət istifadə edilən ümumi dozanın yüksək olması geriyə dönməz
qaraciyər çatışmazlığı ilə analgetiklərlə bağlı nefropatiyanın yaranmasına səbəb ola bilər. Xəstələr Qriphot preparatı istifadə zamanı parasetamol tərkibli digər preparatlar istifadə edilməməsi haqqında xəbərdar edilməlidir. Parasetamol böyüklərdə uzunmüddətli gündəlik dozalarda istifadə edildikdə
qaraciyərin zədələnməsinə səbəb ola bilər. Parasetamolun alkoqol ilə birlikdə istifadəsi qaraciyərin zədələnməsinə səbəb ola biləcəyindən Qriphot preparatından istifadə edərkən alkoqol içkilər qəbul
edilməməlidir. Alkoqol qaraciyər xəstəliyi olanlarda ehtiyatla istifadə edilməlidir. Alkoqol qəbul edənlər qaraciyərə toksik təsirinin yaranma ehtimalına görə parasetamolun gündəlik dozası 2 q-dan yüksək
olmamalıdır. Parasetamol kəskin yüksək dozada istifadə edildidə qaraciyərə toksik təsirin yaranmasına
səbəb olur. Parasetamolu ilk dəfə qəbul edənlərdə və ya əvvəllər istifadə olanlarda ilk dozada və ya təkrar dozalarda dəridə qızartı, səpgi və ya digər dəri reaksiyaları müşahidə oluna bilər. Belə hallarda həkimə
müraciət edilməli və preparatın qəbulunun dayandırılması və alternativ müalicəyə keçməsi
düşünülməlidir. Parasetamola dəri reaksiyası olan şəxslər bu preparatı və ya parasetamol tərkibli digər preparatları istifadə edilməməlidir. Belə hallar Stivens-Conson sindromu, toksik epidermal nekroliz və kəskin generalizəolunmuş ekzantematoz pustulyoz daxil olmaqla, dəri reaksiyalarının əmələ gəlməsinə səbəb ola bilər. 12–48 saat ərzində qaraciyər fermentləri yüksələ bilər və protrombin vaxtı uzana bilər. Ancaq klinik simptomlar preparatın qəbulundan 1–6 gün sonra müşahidə edilə bilər. Hepatotoksikliyin yaranma riskinə görə, parasetamol tövsiyə ediləndən yüksək dozalarda və ya daha uzun müddət qəbul edilməməlidir. Yüngül və ya orta dərəcəli qaraciyər çatışmazlığı (Çayld-Pyu təsnifatı üzrə 9 baldan az) olan xəstələr parasetamolu ehtiyatla istifadə edilməlidir. Terapevtik dozalarda parasetamolun istifadəsi
zamanı zərdab alaninaminotransferazanın (ALT) səviyyəsi yüksələ bilər. Yüksək dozalarda parasetamolun uzunmüddətli istifadəsi böyrəyin zədələnməsinə səbəb ola bilər. Glükoza-6-fosfatdehidrogenaza
çatışmazlığı olanlarda ehtiyatla istifadə edilməlidir. Nadir hallarda hemoliz yarana bilər. Jilber sindromu olan xəstələrdə parasetamolun istifadəsi sarılıq kimi klinik simptomların və daha ifadəli
hiperbilirubinemiyanın yaranmasına səbəb ola bilər. Buna görə bu xəstələr parasetamolu ehtiyatla istifadə etməlidir. Miokardın simpatomimetiklərə qarşı həssaslığı artıran anestetiklərin istifadəsi zamanı fenilefrin tərkibli preparatlar istifadə edilməməlidir. Fenilefrinin mümkün damardaraldıcı təsirinə görə ürək-damar xəstəliyi olan 70 yaşdan böyük xəstələrdə ehtiyatlı olmaq lazımdır. Təsdiqlənmiş və ya şübhəli
anadangəlmə uzanmış QT sindromu və ya Torsades de Pointes olan xəstələrdə istifadəsindən
çəkinilməlidir. Qalxanvari vəzi funksiyasının pozulmasında istifadəsindən çəkinmək lazımdır. 5 gündən çox istifadə edilməməlidir.
Natrium
Hər paketdə 350 mq sodium bikarbonat və 30 mq sodium karbonat vardır. Bu, nəzarətli sodium pəhrizində olan xəstələrdə nəzərə alınmalıdır.
Şəkər (saxaroza)
Qriphot preparatın tərkibində şəkər (saxaroza) olduğuna görə nadir irsi fruktoza dözülməzliyi, qlükoza- qalaktoza malabsorbsiyası və ya saxaraza-izomaltaza çatışmazlığı problemi olan xəstələrdə istifadə
edilməməlidir.
Digər dərman vasitələri ilə qarşılıqlı təsiri
Parasetamol
Parasetamolun digər dərman vasitələri ilə qarşılıqlı təsiri adətən əhəmiyyətsizdir, digər dərman vasitəsinin (məs., varfarin və kumarin) terapevtik indeksi aşağı olduqda və ya qıcolma əleyhinə preparat olduqda isə əhəmiyyətli olur. Parasetamolun digər qeyri-steroid iltihabəleyhinə preparatlarla (QSİƏP) eyni zamanda istifadəsi QSİƏP-lərin böyrəklərə mənfi təsirini artıra bilər. Birdən çox ağrıkəsici vasitələrilə eyni zamanda istifadəsindən çəkinməsi tövsiyə edilir. Parasetamolun digər ağrıkəsici vasitələrlə (kofein və opiatlar kimi) farmakodinamik qarşılıqlı təsiri aşkar olunmuşdur. Probenesid parasetamolun metabolizminə əngəl törədir. Fenobarbital, fenitoin və ya karbamazepin kimi epilepsiya əleyhinə dərman vasitələrilə eyni zamanda istifadəsi parasetamolun qaraciyərə toksik təsirini artırmır. Vərəmin
müalicəsində istifadə edilən rifampisin və izoniazid parasetamolun qaraciyərə toksik təsirini artırır. Parasetamol və zidovudin, xüsusilə uzunmüddətli müalicə zamanı birlikdə istifadə edildikdə neytropeniya hallarının artmasına səbəb ola bilər. Bu səbəbdən tibbi göstəriş olmadıqda parasetamol zidovudinlə birlikdə istifadə edilməməlidir. Parasetamol (və ya onun metabolitləri) vitamin K-dan asılı koaqulyasiya faktorlarının sintezində rol oynayan enzimlərlə qarşılıqlı təsir göstərir. Parasetamol ilə varfarin və ya kumarin törəmələri arasındakı qarşılıqlı təsir beynəlxalq normallaşdırılmış nisbət (BNN) göstəricisinin yüksəlməsinə və qanaxmanın yaranma ehtimalının artmasına səbəb ola bilər. Buna görə peroral antikoaqulyantlar qəbul edən xəstələrdə tibbi nəzarət olmadan uzun müddət parasetamol istifadə edilməməlidir. Bəzi yuxu gətirici və epilepsiya əleyhinə preparatların (qlutetimid, fenobarbital, fenitoin, karbamazepin və s.) və ya rifampisin kimi qaraciyərdə hepatik mikrosomal enzim induksiyasına səbəb olan preparatların tək istifadə edildikdə toksik olmayan dozalarda parasetamol ilə birlikdə istifadəsi qaraciyərin zədələnməsinə səbəb ola bilər. Alkoqolun həddindən artıq istifadəsi zamanı hətta terapevtik dozalarda parasetamolun qəbulu qaraciyərin zədələnməsinə səbəb ola bilər. Parasetamolun xloramfenikol ilə kombinəolunmuş şəkildə istifadəsi xloramfenikolun yarımxaricolma dövrünü uzada bilər və bu səbəbdən bu dərman vasitəsinin toksikliyinin yaranma ehtimalı yüksələ bilər. 5-hidroksitriptamin (5-HT3) reseptorun antaqonistləri olan tropisetron və qranisetron parasetamolun analgetik təsirinin tamamilə
qabağını ala bilər. Propantelin kimi mədənin boşalmasını ləngidən dərman vasitələri parasetamolun
sorulmasının sürətini azaldıla bilər və beləliklə parasetamolun təsirini gecikdirə bilər. Metoklopramid kimi mədənin boşalmasını sürətləndirən dərman vasitələri parasetamolun daha sürətli sorulmasına və beləliklə parasetamolun təsirinin daha tez başlanmasına səbəb ola bilər. Parasetamolun sorulma sürəti metoklopramid və ya domperion ilə yüksələ bilər və kolestiramin ilə azala bilər. Dazı otu (St. John’s Wort
- Hypericum perforatum) parasetamolun qanda səviyyəsini azalda bilər. Qida ilə birlikdə qəbul edildikdə parasetamolun sorulma sürəti azala bilər.
Fenilefrin hidroxlorid
Fenilefrin monoaminooksidaza (MAO) inhibitorları (maklobemid daxil olmaqla), alfa- və beta-blokatorlar və antihipertenziv preparatlar (debrisokin, rezerpin), fenotiazin tipli antihistaminlər (məs., prometazin), bronxodilatatorlar simpatomimetiklər, trisiklik antidepressantlar (məs., imipramin, amitriptilin), quanetidin və ya atropin, diqitalis, rauvolfiya alkaloidləri, indometasin, metildopa, digər mərkəzi sinir sisteminin stimulyatorları və güman ki, teofillinlə qarşılıqlı təsir göstərmə qabiliyyətinə malikdir.
Oksitosin tərkibli dərman vasitələrilə birlikdə istifadə edildikdə fenilefrinin damardaraldıcı təsiri artır. Bəzi ümumi anestetiklərlə birlikdə fenilefrinin istifadə edilməsi zamanı nadir hallarda aritmiyanın yaranma riskinin olduğu haqqında məlumat verilmişdir. Venadaxili erqot alkaloidləri (erqotamin və metisergit) istifadə edilən xəstələrdə qan təzyiqinin həddindən artıq yüksəlməsi mümkündür. Diqoksin və ürək qlikozidləri qeyri-müntəzəm ürəkdöyünmə və ürək tutması riskini artırır.
Xlorfeniramin maleat
Xlorfeniramin mərkəzi təsirli dərman vasitələrin (simpatomimetiklər, antidepressantlar) təsirini artıra bilər. Alkoqol, barbituratlar, yuxugətirici preparatlar, opioid analgetiklər, anksiolitiklər və antipsixotiklər kimi mərkəzi sinir sisteminə təsir edən preparatların sedativ təsirini artıra bilər. Atropin, trisiklik antidepressantlar və MAO inhibitorlarının antimuskarin təsirini artıra bilər. Xlorfeniramin fenitoinin metabolizmini inhibə edir, buna görə fenitoinin toksik təsirinin yaranmasına səbəb ola bilər. Dəridəki
histamin reaksiyasını inhibə edə biləcəyinə görə antihistaminlərin qəbulu allergik testləri aparılmasından bir neçə gün əvvəl dayandırılmalıdır.
Oksolamin sitrat
Antikoaqulyant preparatlarla müalicə edən xəstələr Qriphot qəbul edilməsindən əvvəl həkimlə məsləhətləşməlidir.
Hamiləlik və laktasiya dövründə istifadəsi
Hamilə qadınlarda istifadəsinə dair kifayət qədər məlumat mövcud deyil. Ehtiyac olmadıqda hamiləlik zamanı və laktasiya dövründə istifadə edilməməlidir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparatın istifadəsi zamanı yuxululuq baş verə bilər. Bu səbəbdən xəstələr nəqliyyat vasitələrini və digər mexanizmləri idarə edərkən diqqətli olmaları barədə məlumatlandırılmalıdırlar.
İstifadə qaydası və dozası
12 yaşdan böyük uşaqlarda və böyüklərdə:
Qriphot fışıldayan qranullar daxilə aşağıdakı şəkildə qəbul olunur.
Bir paketdə olan qranulları ⅔ stəkan qaynanmış isti suda həll etmək, qarışdırmaq və isti halda qəbul etmək lazımdır. Qriphot preparatın qəbulu 6 saat fasilə ilə təkrarlana bilər. Gündə 4 dəfədən çox və 5 gündən çox istifadə edilməməlidir. Alkoqol qəbul edən şəxslərdə qaraciyərə toksik təsirinin yaranma ehtimalına görə parasetamolun gündəlik dozası 2 q-dan (4 paket) yüksək olmamalıdır.
Xüsusi qrup xəstələrə dair əlavə məlumat
Böyrək/Qaraciyər çatışmazlığı olan xəstələr
Qaraciyər və ya böyrək çatışmazlığı olan xəstələrdə ehtiyatla istifadə edilməlidir. Ağır qaraciyər və ya böyrək çatışmazlığı olan xəstələrdə əks göstərişdir.
Pediatrik xəstələr
12 yaşdan kiçik uşaqlarda istifadə edilməməlidir.
Yaşlı xəstələr
Yaşlı xəstələrdə istifadəsi araşdırılmamışdır.
Əlavə təsirləri
Əlavə təsirlər orqan sistemlərinə və rastgəlmə tezliyinə görə aşağıda kimi təsnif edilir: çox tez-tez (≥1/10); tez-tez ( ≥1/100-dən <1/10-dək); bəzən (≥1/1000-dən <1/100-dək); nadir (≥1/10000-dən <1/1000-dək); çox nadir (<1/10000); məlum olmayan tezlikdə (mövcud məlumatlar başvermə tezliyini müəyyən etmək
üçün kifayət deyil).
Parasetamol
Parasetamol istifadəsi zamanı müşahidə edilən əlavə təsirlər adətən əhəmiyyətsizdir.
Qanyaradıcı və limfa sisteminə
Nadir: yüksək dozalarda qəbul edildikdə - anemiya, methemoqlobinemiya, uzunmüddətli istifadə zamanı – hemolitik anemiya ilə əlaqəli trombositopeniya, trombositopenik purpura, leykopeniya, neytropeniya və pansitopeniya; bu əlavə təsirlər parasetamolun istifadəsi ilə bağlı deyil;
Çox nadir: aqranulositoz.
İmmun sistemə
Nadir: allergik reaksiyalar, anafilaksiya; Çox nadir: Layell sindromu;
Məlum olmayan tezlikdə: bronxospazm, allergoloji testin müsbət nəticəsi, immun trombositopenya.
Sinir sisteminə
Tez-tez: başgicəllənmə, yuxululuq, paresteziya;
Məlum olmayan tezlikdə: mərkəzi sinir sisteminin stimulyasiyası, ensefalopatiya, yuxusuzluq, tremor.
Tənəffüs sisteminə, döş qəfəsi və divararası orqanlarına
Tez-tez: yuxarı tənəffüs yolları infeksiyalarının əlamətləri;
Nadir: astma və bronxospazm, analgetik vasitələrin qəbulu ilə əlaqəli astma sindromu daxil olmaqla.
Həzm sisteminə
Tez-tez: ürəkbulanma, qusma, dispepsiya, meteorizm, abdominal ağrı, qəbizlik; Bəzən: mədə-bağırsaq qanaxması;
Nadir: diareya.
Hepatobiliar sistemə
Nadir: yüksək dozalarda qəbul edildikdə - qaraciyər funksiyasının pozulması.
Dəri və dərialtı piy toxumasına
Nadir: övrə və digər dəri səpgiləri, qaşınma, allergik ödem və angioödem, kəskin generalizəolunmuş ekzantematoz pustulyoz, multiformalı eritema, Stivens-Conson sindromu, toksik epidermal nekroliz; preparatın qəbulu dayandırıldıqda simptomlar keçir.
Böyrək və sidikçıxarıçı yollarına
Bəzən: parasetamolu terapevtik dozalarda qəbul edildikdə nefrotoksik effektlər yayğın deyil.
Uzunmüddətli istifadəsindən sonra papilyar nekrozun yaranması haqqında bildirilmişdir. Asetilsalisil
turşusuna qarşı həssas olan xəstələr (məs., astmatik xəstələr) adətən parasetamola qarşı həssas olurlar (5- 10%).
Fenilefrin hidroxlorid
Klinik tədqiqatlarda fenilefrin hidroxlorid istifadəsi zamanı ən çox müşahidə edilən əlavə təsirlər aşağıda göstərilmişdir:
Endokrin sisteminə
Məlum olmayan tezlikdə: metabolik funksiyasının endokrin və digər tənzimləyicilərə təsirləri.
Psixi pozulmalar
Məlum olmayan tezlikdə: əsəbilik, həyəcanlılıq.
Sinir sisteminə
Məlum olmayan tezlikdə: yuxusuzluq.
Ürək-damar sisteminə
Məlum olmayan tezlikdə: qan təzyiqinin yüksəlməsi (xüsusilə hipertenziyalı xəstələrdə), reflektor bradikardiya.
Həzm sisteminə
Məlum olmayan tezlikdə: ürəkbulanma, qusma.
Böyrək və sidikçıxarıçı yollarına
Məlum olmayan tezlikdə: ağrılı sidiyə getmə.
Postmarketinq tədqiqatlarda bildirilən əlavə reaksiyalar aşağıda göstərilmişdir. Rastgəlmə tezliyi məlum deyil, çox güman ki, nadir hallarda müşahidə edilir.
Görmə orqanına
Məlum olmayan tezlikdə: midriaz, bağlıbucaqlı qlaukoma.
Dəri və dərialtı piy toxumasına
Məlum olmayan tezlikdə: allergik reaksiyalar (səpgi, övrə, allergik dermatit) – digər simpatomimetiklərlə çarpaz həssaslıq daxil olmaqla, hiperhəssaslıq reaksiyaları.
Böyrək və sidikçıxarıçı yollarına
Məlum olmayan tezlikdə: dizuriya və sidiyin saxlaması, prostat hipertrofiyası. Xlorfeniramin maleat
Qanyaradıcı və limfa sisteminə
Nadir: anemiya, hemolitik anemiya, methemoqlobinemiya, trombositopeniya, trombositopenik purpura, leykopeniya, neytropeniya, pansitopeniya, aqranulositoz.
Maddələr mübadiləsinə və qidalanmaya
Nadir: anoreksiya.
Psixi pozulmalar
Nadir: depressiya, qarabasmalar.
Sinir sisteminə
Nadir: başgicəllənmə, əsəbilik, diqqət dağınıqlığı;
Məlum olmayan tezlikdə: başağrısı, sedasiya, uşaqlarda – paradoksal oyanma, yaşlılarda – konfuzial psixoz.
Görmə orqanına
Nadir: bulanıq görmə.
Eşitmə orqanına və labirint sisteminə
Nadir: qulaqlarda küy.
Ürək-damar sisteminə
Nadir: taxikardiya, ürəkdöyünmə hissi, aritmiya, hipotenziya. Tənəffüs sisteminə, döş qəfəsi və divararası orqanlarına Nadir: bronxial ifrazatın qalınlaşması.
Həzm sisteminə
Nadir: ağızda quruluq;
Məlum olmayan tezlikdə: ürəkbulanma, qusma, dispepsiya, abdominal ağrı, diareya.
Hepatobiliar sistemə
Nadir: hepatit (sarılıq daxil olmaqla).
Dəri və dərialtı piy toxumasına
Məlum olmayan tezlikdə: övrə daxil olmaqla, allergik reaksiyalar, eksfoliativ dermatit, fotohəssaslıq, dəri reaksiyaları.
Sümük-əzələ sisteminə və birləşdirici toxumaya
Məlum olmayan tezlikdə: əzələlərin dartılması, koordinasiyanın pozulması.
Böyrək və sidikçıxarıçı yollarına
Məlum olmayan tezlikdə: sidiyin saxlaması. Ümumi pozulmalar və yerli reaksiyalar Nadir: halsızlıq, sinədə sıxılma.
Oksolamin sitrat
Görmə orqanına
Nadir: uşaqlarda optik illüziyaların yaranma halları.
Həzm sisteminə
Nadir: ürəkbulanma, qusma, mədədə yanma hissi, bağırsaq hərəkətliliyin artması, ağızın selikli qişasının hissiyatının keçici azalması.
Dəri və dərialtı piy toxumasına
Çox nadir: övrə.
Şübhəli əlavə təsirlər haqqında məlumatın verilməsi
Dərman vasitəsinin qeydiyyata alınmasından sonra şübhəli əlavə reaksiyalar haqqında həkimə məlumatın verilməsi vacibdir. Belə məlumatlar dərman vasitəsinin fayda/risk nisbətinə nəzarətin davam etdirilməsinə imkan verir.
Əlavə təsirlər baş verdikdə həkimə müraciət edin.
Doza həddinin aşılması
Artıq doza qəbul etdikdə qusma refleksi törətmək və tezliklə mədəni yumaq lazımdır. Simptomların ağırlığına görə dəstəkləyici və simptomatik müalicə təyin olunur.
Buraxılış forması
Qriphot fışıldayan qranullar, tək dozalı paketlərdə. 12 paket, içlik vərəqə ilə birlikdə karton qutuya qablaşdırılır.
Saxlanma şəraiti
25 °C-dən yüksək olmayan temperaturda, öz qutusunda və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
Drogsan İlaçları San. ve Tic. A. Ş.
Esenboğa Merkez Mah., Çubuk Cad. No: 31, Çubuk, Ankara, Türkiyə.