Pharmed
GENFERON LAYT 0,125MIU/5MG N10 SAM
GENFERON LAYT
Beynəlxalq patentləşdirilməmiş adı: Interferon alfa-2b+Taurine
GENFERON LAYT Tərkibi
Təsiredici maddələr:1 şamın tərkibində 125 000 BV və ya 250 000 BV interferon alfa-2b insan
rekombinat (rchIFN- α2b), 0,005 q taurin vardır.
Köməkçi maddələr: bərk piy, dekstran 60000, makroqol 1500, polisorbat 80, emulqator Т2, natrium
hidrositrat, limon turşusu, təmizlənmiş su.
Farmakoterapevtik qrupu
İmmunostimulyatorlar.
ATC kodu: L03A.
Farmakoloji xüsusiyyətləri
İmmunobioloji xüsusiyyətləri
Genferon® Layt – təsiri tərkibinə daxil olan komponentlərlə şərtləndirilən kombinə edilmiş
preparatdır. Yerli və sistem təsir göstərir.
Genferon® Layt preparatının tərkibində Escherichia coli bakteriya ştammı tərəfindən hasil edilən,
rekombinat alfa-2b insan interferonu vardır, bakteriyaya gen mühəndisliyi üsulları ilə alfa-2b
interferon virusəleyhinə, immunomodulator, antiproliferativ və antibakterial təsir göstərir.
Virusəleyhinə effekt virusların replikasiyasını inhibə edən bir sıra hüceyrədaxili fermentlərin
fəallaşması ilə təzahür edir. İmmunomodulator təsir ilk növbədə immun sistemin hüceyrə ilə əlaqəli
reaksiyalarının güclənməsi ilə ifadə olunur, bu da viruslara, hüceyrədaxili parazitlərə və şiş
transformasiyasına məruz qalmış hüceyrələrə qarşı immun sistemin effektivliyini artırır. Buna CD8+
T-killerlərin, NK-hüceyrələrin (təbii killerlərin), B-limfositlərin güclənməsinin və onların məhsulu
olan anticisimlərin, monositar-makrofaqal sistemin və faqositozun, eləcə də 1-ci tip əsas
histouyğunluq kompleksinin molekullarında ekspressiyanın artması sayəsində nail olunur, bu da
immun sistemin hüceyrələri tərəfindən infeksiyaya yoluxmuş hüceyrələrin tanınma ehtimalını artırır.
İnterferonun təsiri altında selikli qişanin bütün qatlarında yerləşən leykositlərin fəallaşması patoloji
ocaqların ləğvində onların fəal iştirakını təmin edir; bundan başqa, interferonun təsiri sayəsində
sektor A immunoqlobulinin istehsalının bərpasına nail olunur. Antibakterial effekt interferonun təsiri
ilə güclənən immun sisteminin reaksiyaları ilə təzahür edir.
Taurin metabolizim proseslərinin normallaşmasına və toxumaların regenerasiyasına səbəb olur,
membranstabilləşdirici və immunomodulator təsirə malikdir. Güclü antioksidant olması ilə əlaqadar
taurin oksigenin aktiv formaları ilə bilavasitə əlagəyə girir, onların orqanizmdə ifrat toplanması
patoloji proseslərin inkişafına gətirib çıxara bilər. Taurin interferonun bioloji aktivliyinə səbəb olaraq,
preparatdan istifadənin terapevtik effektini gücləndirir.
Farmakokinetikası:
Preparatı rektal yolla istifadə etdikdə interferonun yüksək biomənimsənilməsi (80%-dən çox)
müşahidə olunur, bununla əlaqədar olaraq həm yerli, həm də güclü sistem immunomodulator təsir
əldə olunur; intravaginal istifadə zamanı infeksiya ocağındakı yüksək konsentrasiya və selikli
qişasının hüceyrələrində fiksə olunması sayəsində güclü yerli virusəleyhinə, antiproliferativ və
antibakterial effekt əldə olunur, bu zaman uşaqlıq yolunun selikli qişasında sorulmasının zəif olması
nəticəsində sistem təsiri cüzidir. Qan zərdabında interferonun maksimal konsentrasiyası preparatın
qəbulundan 5 saat sonra əldə olunur. A-interferonunun əsas xaricolma yolu böyrək katabolizmidir.
Yarımxaricolma dövrü 12 saat təşkil edir ki, bu da preparatın sutkada 2 dəfə istifadə edilməsini
şərtləndirir.
İstifadəsinə göstərişlər
- Kompleks terapiyanın komponenti kimi – 3-6 yaşlı uşaqlarda kəskin respirator virus
infeksiyaların və bakterial və virus etiologiyalı digər infeksion xəstəliklərin müalicəsində.
- Həkimin təyinatı və nəzarəti ilə spesifik terapiya fonunda uşaqlarda və qadınlarda, eləcə də
hamilələrdə urogenital yolların infeksion-iltihabi xəstəliklərinin müalicəsi üçün.
Əks göstərişlər
İnterferona və preparatın tərkibinə daxil olan digər maddələrə qarşı fərdi dözümsüzlük.
Hamiləliyin 1-ci trimestri.
Xüsusi göstərişlər və ehtiyat tədbirləri
Ehtiyatla
Allergik və autoimmun xəstəliklərin kəskinləşməsi.
Digər dərman vasitələri ilə qarşılıqlı təsiri
Genferon® Layt kompleks terapiyanın komponenti kimi daha çox effektivdir. Antibakterial, funqisid
və virusəleyhinə preparatlarla birlikdə təsiri qarşılıqlı şəkildə büruzə verir, bu da yüksək terapevtik
effektivliyə nail olmağa imkan yaradır.
Hamiləlik və laktasiya dövrü
Genferon® Layt preparatının, hamiləliyin 13-40-cı həftəsində olan qadınlarda istifadəsinin effektivlikvə təhlükəsizliyi klinik tədqiqatlarda sübut edilmişdir. Hamiləliyin 1-ci trimestrində istifadə
olunmamalıdır.
Nəqliyyat vasitələri və digər potensial təhlükəli mexanizmlərin idarəetmə qabiliyyətinə təsiri
Genferon® Layt xüsusi diqqət və sürətli reaksiya tələb edən potensial təhlükəli fəalliyət növlərinin
yerinə yetirilməsinə təsir etmir (nəqliyyat vasitələrinin, digər potensial təhlükəli mexanizmlərin və
s).
GENFERON LAYT İstifadə qaydası və dozası
Preparatın həm vaginal, həm də rektal yolla istifadə oluna bilər. İstifadə qaydası, doza və müalicə
kursunun müddəti yaşdan və konkret klinik situasiyasından aslıdır. Böyüklərə və 7 yaşdan yuxarı
uşaqlara tərkibində 250 000 BV alfa-2b interferon olan Genferon® Layt şamından istifadə olunur.
7 yaşa qədər uşaqlarda, eləcə də südəmər körpələrdə preparatı bir şamda 125 000 BV alfa-2b
interferon olan doza ilə istifadə etmək təhlükəsiz sayılır. Hamiləliyin 13-40-cı həftələrində olan
qadınlarda preparat bir şamda 250 000 BV alfa-2b interferon olan doza ilə istifadə olunur.
Tövsiyə olunan dozalar və müalicə rejimləri
• Uşaqlarda kəskin respirator virus infeksiyaları və virus təbiətli digər kəskin xəstəliklər:
əsas terapiyaya paralel olaraq, 5 gün ərzində gündə 2 dəfə, 12 saatlıq intervalla 1 şam. Əgər 5
günlük müalicə müddəti bitdikdən sonra xəstəliyin simptomları azalmırsa və ya daha da
güclənirsə, pasient həkimə müraciət etməlidir. Klinik göstəricilərə əsasən 5 günlük intervaldan
sonra müalicə kursunun təkrarlanması mümkündür.
• 7 yaşdan yuxarı uşaqlarda xroniki virus etiologiyalı infeksiyon-iltihabi xəstəliklər
Standart terapiyaya paralel olaraq, rektal yolla 1 şam (250 000 BV) 12 saatlıq intervalla gündə 2
dəfə 10 gün ərzində. Sonra1-3 ay ərzində rektal yolla 1 şam günaşırı, gecə vaxtı.
• Uşaqlarda urogenital yolların infeksiyon-iltihabi xəstəliklər
Həkimin təyinatı ilə və nəzarəti ilə spesifik terapiya fonunda 10 gün ərzində 12 saatlıq intervalla,
gündə 2 dəfə 1 şam.
• Hamilələrdə urogenital yolların infeksiyon-iltihabi xəstəliklər
Həkimin təyinatı ilə və nəzarəti ilə spesifik terapiya fonunda vaginal 10 gün ərzində 12 saatlıq
intervalla, gündə 2 dəfə 1 şam (250 000 BV).
• Qadınlarda urogenital yolların infeksiyon-iltihabi xəstəliklər
Həkimin təyinatı ilə və nəzarəti ilə spesifik terapiya fonunda vaginal və ya rektal (xəstəliyin
xarakterindən aslı olaraq) yolla 10 gün ərzində 12 saatlıq intervalla, gündə 2 dəfə 1 şam
(250 000 BV). Xəstəliyin uzun müddətli gedişi zamanı 1-3 ay ərzində günaşırı (həftədə 3 dəfə) 1
şam.
Əlavə təsirləri
Preparat xəstələr tərəfindən yaxşı qəbul edilir. Çox nadir hallarda (10 000 halda 1 və daha az):
allergik reaksiyalar inkişafı barədə tək-tək məlumatlar olmuşdur. Bu hallar geridönəndir və istifadə
edildikdən sonra 72 saat ərzində aradan qalxır. Müalicə davam etdirilməsi həkim məsləhətindən sonra
mümkündür.
Bu vaxta qədər həyat üçün ağır və ya təhlükəli əlavə təsirləri müşahidə olunmamışdır.
Hər növ interferon alfa-2b istifadəsi zamanı, lakin daha çox gündəlik doza 10000000 BV-dən çox
olduqda titrətmə, temperaturun yüksəlməsi, süstlük, iştahanın itməsi, əzələ-oynaq və baş ağrıları,
tərləmə, leykopeniya, trombositopeniya meydana gəlir. Bu hallarda, dərman preparatının istifadəsini
dayandırmaq və ya dozanı azaltmaq barədə qərar qəbul etmək üçün həkimə müraciət etmək tövsiyə
olunur.
Doza həddinin aşılması
Genferon® Layt preparatınınnin doza həddinin aşılması halları qeydə alınmayıb. Təsadüfən birdəfəyə
həkim təyin etdiyindən çox miqdarda şam istifadə etdikdə növbəti istifadənin 24 saat dayandırmaq
lazımdır, bundan sonra müalicəni adi sxem üzrə davam etdirmək lazımdır.
Buraxılış forması
Vaginal və rektal şamlar 125 000 BV+5 mq və 250 000 BV+5 mq.
5 şam, alüminium folqadan və ya polivinilxlorid plyonkadan hazırlanmış kontur-yuvalı qablamada. 1
və ya 2 kontur-yuvalı qablaşdırma. içlik vərəqə ilə birlikdə karton qutuya yerləşdirilir.
Aptekdən buraxılma şərti
(125 000 BV + 5 mq) vaginal və rektal şamlar – reseptsiz buraxılır.
(250 000 BV + 5 mq) vaginal və rektal şamlar – resept əsasında buraxılır.