Pharmed

FORTRANS 64GR N4 PAKET

FORTRANS

Beynəlxalq patentləşdirilməmiş adı: Makroqol

FORTRANS Tərkibi

Təsiredici maddə: 1 ədəd birdəfəlik paketin içərisində 64,0 q makroqol 4000, 0,75 q kalium xlorid, 1,46 q natrium xlorid, 5,70 q susuz natrium sulfat, 1,68 q natrium hidrokarbonat vardır. Köməkçi maddələr: natrium saxarin.

Farmakoterapevtik qrupu

Qəbizlikəleyhinə vasitələr. Osmotik yumşaldıcılar. Makroqol.

ATC kodu: А06АD65.

Farmakoloji xüsusiyyətləri

Farmakodinamikası: Fortrans, tərkibində Macrogol 4000 (polietilen qlikol) və elektrolitlər (sodium, kalium, bikarbonat və xloridlər) olan osmotik qəbizlikəleyhinə vasitədir. Yüksək molekulyar çəkili Macrogol 4000, hidrogen rabitələri ilə su molekullarını saxlaya bilən uzun bir xətti polimerdir. Daxilə qəbul edildikdən sonra dərman bağırsaqdakı mayenin həcmini artırır. Bağırsaqda absorbsiya olunmamış mayenin həcmi, dərman məhlulunun qəbizlikəleyhinə təsirini təmin edir. Dərmanın tərkibində olan elektrolitlər qan plazmasının tərkibini qoruyur. Fortrans® məhlulundakı elektrolitlərin konsentrasiyası elədir ki, bağırsaq və qan plazması arasındakı elektrolit mübadiləsi praktik olaraq sıfıra endirilir. Beləliklə, Fortrans-da elektrolitlərin olması, dərmanı istifadə edərkən çox miqdarda mayenin mədə-bağırsaq traktından keçməsi zamanı bədəndən elektrolitlərin itməsinin qarşısını alır.

Farmakokinetikası: Elektrolitlərin tərkibinə görə dərmanın 1 paketini 1 litr suda həll edərək hazırlanan məhlul yoğun bağırsağın tərkibinə görə izotonik və izoosmotikdir. Farmakokinetik tədqiqatların nəticələri Macrogol 4000-in oral tətbiqdən sonra absorbsiya və biotransformasiyanın olmadığını təsdiqləyir.

İstifadəsinə göstərişlər

Yoğun bağırsağın aşağıdakı manipulyasilara hazırlığı

- Yoğun bağırsağın endoskopik və ya rentgenoloji tədqiqatlara hazırlığı;

- yoğun bağırsağın cərrahi müdaxiləyə hazırlıqlığı.

Əks göstərişlər

- Preparatın istənilən komponentinə qarşı yüksək həssaslıq;

- orqanizmin susuzlaşması və ya ağır ürək çatışmazlığı kimi ümumi vəziyyətin ağır pozuntusu;

- xərçəngin və ya selikli qişanın həddindən arıq zəifləməsinə səbəb olan yoğun bağırsağın digər xəstəliklərinin özbaşına buraxılmış forması;

- bağırsaq keçməzliyi;

- mədə-bağırsaq obstruksiyası;

- həzm sisteminin perforasiyası və ya perforasiya riski;

- mədənin boşalmasının (məsələn, qastroparez) pozulması;

- toksik kolit və ya toksik meqakolon;

- 18 yaşdan kiçik uşaqlar (bu populyasiyada effektivlik və təhlükəsizlik müəyyən edilməyib).

Xüsusi göstərişlər və ehtiyat tədbirləri

Ümumi vəziyyəti zəifləmiş yaşlı pasiyentlərdə preparatı, yalnız həkim nəzarəti altında istifadə etmək lazımdır. Fortrans istifadə etmədən ən azı iki saat əvvəl və müayinənin sonuna qədər qatı qida qəbul etməkdən çəkinin. Çay, qəhvə (süd yox) və digər alkoqolsuz içkilər kimi içkilərə icazə verilir. Preparatın tərkibində makroqol (polietilenqlikol və ya PEQ) vardır. Makroqol tərkibli pre-paratların istifadəsi zamanı allergik reaksiyaların yaranması barədə məlumat verilmişdir: anafilaktik şok, səpgi, angionevrotik ödem, örə. Fortrans yoğun bağırsaq daxil olmaqla bağırsağın selikli qişasının iltihabı olan xəstələrə təyin olunarkən diqqət yetirilməlidir. Aspirasiya meyilliyi olan pasiyentlərdə və ya yataq xəstələrində və ya nevroloji funksiyası dəyişmiş pasiyentlərdə və/ya hərəki pozuntusu olan pasiyentlərdə aspirasion pnevmoniya riski ilə əlaqədar olaraq, preparat ehtiyatla və yalnız həkim nəzarəti altında istifadə edil-məlidir. Bu cür pasiyentlərə preparat, oturaq vəziyyətdə nazoqastral zond vasitəsilə yeridil-məlidir. Yarı/şüursuz olan xəstələr dərman istifadəsi zamanı diqqətlə izlənilməlidir. Ağrı və ya qarın boşluğunun köpməsi əlamətləri görünsə, dərmanın tətbiqetmə sürəti azaldılmalı və ya bu simptomlar yox olana qədər tətbiqi dayandırılmalıdır. Fortransın istifadəsi zamanı onun izotonik tərkibinə görə elektrolit pozulmalar gözlənilmir; buna baxmayaraq, çox nadir hallarda risk qrupu olan pasiyentlərdə su-elektrolit balansının pozulması barədə məlumat verilmişdir. Elektrolit pozulmaları olan pasiyentlərdə bu pozul-malar bağırsağın təmizlənməsindən əvvəl preparatın yeridilməsinə qədər korreksiya edil-məlidir. Fortrans preparatı, su-elektrolit balansının pozulması riskini artıran, hiponatriemiya və hipokaliemiya daxil olmaqla və ya mümkün ağırlaşmalar riskinin artması (məsələn, böyrək funksiyası pozulmuş, ürək çatışmazlığı olan pasiyentlər və ya diuretiklərlə eyni zamanda istifadə), elektrolit pozuntusu və ya yanaşı preparatlar qəbul edən pasiyentlərdə ehtiyatla istifadə edilməlidir. Bu cür pasiyentlər, müvafiq nəzarət altında olmalıdırlar. Böyrək çatışmazlığı olan pasiyentlərdə su ilə artıq yüklənməyə görə ağciyərlərin kəskin ödemi riski mövcuddur. Fortrans preparatının tərkibində natrium vardır. Preparatın hər paketində 1,967 q natrium vardır. Duzun məhdudlaşdırılması ilə ciddi pəhriz saxlayan pasiyentlərdə bunu nəzərə almaq vacibdir. 18 yaşına çatmayan uşaqlarda Fortrans-ın effektivliyi və təhlükəsizliyi müəyyən edilməyib.

Digər dərman vasitələri ilə qarşılıqlı təsiri

Pasiyentin qəbul etdiyi bütün digər preparatlar haqqında həkimə məlumat verilməlidir. Fortransın təsiri nəticəsində mədənin boşalması səbəbindən digər peroral vasitələr absorb-siya olunmaya bilər. Onları Fortransın qəbul edilməsindən 2 saatdan artıq vaxt ərzində qəbul etmək lazımdır. Tibbi müayinə bitənə qədər preparatın qəbulundan əvvəl və sonra peroral preparatların istifadəsindən çəkinmək lazımdır. Bu, xüsusilə dar terapevtik indeksə və ya qısa yarımxaricolma dövrünə malik preparatlar üçün əhəmiyyət kəsb edir.

Hamiləlik və laktasiya dövründə istifadəsi

Fortransın hamilə qadınlarda istifadəsi üzrə məlumatlar yoxdur və ya çox az saydadır. Reproduktivlik toksikliyə görə heyvanlar üzərində aparılan tədqiqatlar kifayət deyil. Hamiləlik dövründə: Fortransın istifadəsini, yalnız ana üçün gözlənilən fayda riskdən üstün olduğu halda nəzərdən keçirmək olar. Laktasiya dövründə: Fortransın istifadəsi üzrə məlumatlar yoxdur və ya çox azdır. Makroqol 4000 ana südünə keçməsi ilə bağlı məlumat yoxdur. Yenidoğulmuş/körpə üçün risk istisna edilə bilməz. Laktasiya dövründə Fortransın istifadəsi, yalnız gözlənilən faydanın riskdən üstün olduğu halda nəzərdən keçirilə bilər. Macrogol 4000-in fertilliyə təsiri barədə məlumat yoxdur. Pediatriyada istifadəsi: Preparat, yalnız böyüklərdə istifadə üçün nəzərdə tutulub. Fortransın istifadəsinin 18 yaşdan aşağı uşaqlarda təhlükəsizliyi və effektivliyi müəyyən edilməyib.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın nəqliyyat vasitəsini və digər potensial təhlükəli mexanizmləri idarəetmə qabiliyyətinə təsirinə dair tədqiqat aparılmayıb.

FORTRANS İstifadə qaydası və dozası

Daxilə qəbul edilir. Preparat, yalnız böyüklər üçün nəzərdə tutulub. Hər paket 1 litr suda həl edilir. Toz suda tam həll olunana qədər qarışdırılır. Təqribi doza, bədən çəkisinə görə 1 litr məhlul təşkil edir ki, bu da, orta hesabla, 3-4 litr məhlula uyğundur. İstifadə qaydası :Preparatın qəbulu, birdəfəlik doza və bölünmüş dozalarla mümkündür, bir şərtlə ki, hazır məhlulun tam dozası qəbul edilsin (pasiyentin bədən çəkisindən asılı olaraq orta hesabla, 3-4 litr məhlul). Bölünmüş doza 2 litr məhlul, prosedurun əvvəlində və 1 və ya 2 litr səhər prosedur günü qəbul edilir. Fortransın axırıncı qəbulu prosedurdan 3-4 saat əvvəl olmalıdır. Yaxud 3 litr məhlul, prosedurdan əvvəl axşam və 1 litr prosedur günü səhər qəbul edilməlidir. Fortransın axırıncı qəbulu prosedurdan 3-4 saat əvvəl olmalıdır. Birdəfəlik doza 3-4 litr məhlul, prosedurdan əvvəl axşam qəbul edilir. İlk iki litrin qəbulundan sonra 1 saat fasilə mümkündür. Məsləhət görülən istifadə tempi 1-1,5 litr 1 saat ərzində (daha doğrusu hər 10-15 dəqiqədən bir təqribən 250 ml). Pasiyentin klinik vəziyyətə və potensial yanaşı xəstəliklərə uyğun olaraq, həkim məsləhət görülən dozanı tənzimləyə bilər.

Əlavə təsirləri

Preparatın qəbulunun əvvəlində ürək-bulanma və qusma barədə məlumat verilmişdir ki, bu da, adətən, davamlı qəbul zamanı keçib gedir. Aşağıdakı cədvəldə klinik tədqiqatlarda müşahidə edilən xoşagəlməz reaksiyalar, eləcə də, postmarketinq mənbələrdən alınan xoşagəlməz hallar qeyd edilmişdir. Əlavə təsirlərin tez-liyi aşağıdakı tezliklə müəyyən edilir: çox tez-tez (≥1/10); tez-tez (≥1/100 - <1/10); bəzən (≥1/1000 - <1/100); nadir hallarda (≥1/10000 - <1/1000); çox nadir hallarda (<1/10000); məlum deyil (əldə olan məlumatlara görə tezliyi qiymətləndirmək mümkün deyil).

Mədə-bağırsaq sistemində pozulmalar:

Çox tez-tez: Ürəkbulanma, qarın nahiyəsində ağrı, köp

Tez-tez: Qusma

İmmun sistemdə pozulmala:r

Məlum deyil: Hiperhəssaslıq (anafilaktik şok, angionevrotik ödem (Kvinke ödemi), övrə, səpgi, qaşınma)

Doza həddinin aşılması

Doza həddinin aşılması barədə heç bir məlumat verilməyib. Ağır diareya ilə doza həddinin aşılması zamanı su-elektrolit balansının və hidratasiya səviyyəsinin pozulmasının monitorinqinin aparılması vacibdir.

Buraxılış forması

Preparat, alüminium folqa və ya polietilen ilə laminasiya edilmiş paketə qablaşdırılır. 4 paket, içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır.