Pharmed

ETORISIB 90MG N30 TB (ISP)

ETORİSİB 

Beynəlxalq patentləşdirilməmiş adı: Etoricoxib

ETORİSİB Tərkibi

Təsiredici maddə: 1 tabletin tərkibində 30 mq, 60 mq, 90 mq və ya 120 mq etorikoksib vardır.
Köməkçi maddələr: susuz kalsium hidrofosfat, mikrokristallin sellüloza, natrium kroskarmelloza,
 maqnezium stearat.
Örtük: hipromelloza, titan dioksid (E171), triasetin (E1518), laktoza monohidrat.

Farmakoterapevtik qrupu

Qeyri-steroid iltihabəleyhinə və antirevmatik preparatlar.

ATC kodu: MO1AH05.

Farmakoloji xüsusiyyətləri

Farmakodinamikası:
Təsir mexanizmi:
Etorisib qeyri-steroid iltihabəleyhinə preparat (QSİƏP) olub, tərkibinə fərqli klinik dozalarda
siklooksigenaza-2 (SOG-2) fermentinin selektiv inhibitoru olan etorikoksib daxildir. Etorikoksib gündəlik
150 mq-a qədər dozalarda SOG-1 fermentini inhibə etmədən SOG-2 fermentini dozadan asılı tormozlayır.
Etorikoksib mədə prostaqlandinlərinin sintezini tormozlamır və trombositlərin funksiyasına heç bir təsir
etmir.
Siklooksigenaza prostoqlandinlərin əmələ gəlməsinə cavabdehlik daşıyır. Onun iki izoforması – SOG-1 və
SOG-2 ayırd edilir. Fermentin SOG-2 izoforması iltihabı stimulə edir və əsasən ağrı, iltihab və hərarət
mediatorlarının sintezi üçün cavabdehdir. SOG-2 eləcə də ovulyasiya, implantasiya və botal axacağın
bağlanması üçün, böyrək funksiyalarının və mərkəzi sinir sistemi funksiyalarının tənzimlənməsinə
yönəlmişdir (hərarətin induksiyası, ağrı və tanıma funksiyaları). O, həmçinin mədə və onikibarmaq
bağırsaq xoralarının sağalmasında rol oynayır.
Farmakokinetikası:
Absorbsiyası:
Oral təyin edilmiş etorikoksib yaxşı absorbsiya olunur. Mütləq biomənimsənilmə təxminən 100%-dir.
120 mq dozada gündə bir dəfə təyin edildikdən sonra plazma konsentrasiyasında dayanıqlı halı (həndəsi
orta ilə Cmax = 3,6 µq/ml) acqarına təyin edilmiş böyüklərdə təxminən 1 saat sonra (Tmax) müşahidə edilib.
Əyri altındakı sahənin həndəsi ortası (AUC 0-24 saat) 37,8 µq•saat/ml olmuşdur. Etorikoksibin
farmakokinetikası klinik doza intervalında xəttidir.
120 mq-lıq dozada təyini zamanı qida ilə qəbul edildikdə (yüksək yağlı qida) etorikoksibin absorbsiyası
dəyişərək Cmax 36% azalmış və Tmax 2 saata yaxın artmışdır. Bu məlumatlar klinik əhəmiyyət daşımır.
Klinik sınaqlarda etorikoksib qida qəbulundan asılı olmayaraq qəbul edilib.
Paylanması:
Etorikoksib 0,05-5 µq/ml konsentrasiya intervalında təxminən 92% plazma zülalları ilə birləşir. Paylanma
həcmi dayanıqlı halda insanlarda təxminən 120 l-dir.
Biotransformasiyası:
Etorikoksib orqanizmdə geniş metabolizmə məruz qalaraq, sələf preparatın dozasının 1%-dən az hissəsi
sidiklə xaric olunur. Metabolizminin əsas yolu 6'-hidroksimetil törəmələri CYP (Sitoxrom P) fermentləri
tərəfindən kataliz olunur. CYP3A4 olması etorikoksibin in vivo metabolizminə yardım edir.
İnsanlarda beş metaboliti aşkarlanıb. Əsas metaboliti etorikoksibin 6'-karboksil turşusunun törəməsidir ki,
o da, 6'-hidroksimetil törəməsinin sonradan oksidləşməsindən əmələ gəlir. Bu başlıca metabolitlər ya zəif
aktivlik nümayiş etdirir, ya da ancaq zəif SOG-2 inhibitoru kimi təsir edirlər. Bu metabolitlərdən heç biri
SOG-1 fermentini tormozlamır.
Eliminasiyası:
Sağlam insanlara venadaxilinə birdəfəlik 25 mq radioaktiv etorikoksib təyin etdikdən sonra onun 70%-i
sidikdə və 20%-i nəcisdə, əsasən metabolitlər kimi aşkarlanıb. 2%-dən az hissəsi dəyişikliyə məruz
qalmadan xaric olunur.
Etorikoksibin eliminasiyası ancaq metabolizmə məruz qalmaqla böyrəklərlə ekskresiyadan ibarətdir.
Gündə bir dəfə 120 mq etorikoksib təyin edildikdən sonra onun dayanıqlı halda konsentrasiyası 7 gün
ərzində əldə olunur, kumulyasiya tezliyi təxminən 2 saat, yarımparçalanma dövrü təxminən 22 saatdır.
Venadaxilinə 25 mq təyin edildikdən sonra plazma klirensinin təxminən 50 ml/dəq olması müəyyən edilib.
Xəstələrdə xüsusiyyətləri:
Yaşlılarda:
Yaşlılarda (65 yaş və yuxarı yaşlar) farmakokinetikası cavanlarda olduğu kimidir.
Cins:
Etorikoksibin farmakokinetikası kişi və qadınlarda oxşardır.
Qaraciyər çatışmazlığı: Yüngül dərəcəli qaraciyər çatışmazlığı olan xəstələrə (Child-Pugh 5-6) gündə bir
dəfə 60 mq etorikoksib təyin etdikdə orta konsentrasiya-vaxt asılılığı üçün əyrialtındakı sahə (AUC)
göstəricisi sağlam adamlarla müqayisədə təxminən 16% yüksək olmuşdur. Orta ağırlıq dərəcəli qaraciyər
çatışmazlığı olan xəstələrə (Child-Pugh 7-9) günaşırı 60 mq etorikoksib təyin etdikdə orta AUC göstəricisi
sağlam adamlara gündə bir dəfə 60 mq etorikoksib təyin etdikdə olduğu kimi olub; bu əhali qrupunda
gündə bir dəfə 30 mq etorikoksib təyini tədqiq olunmayıb. Ağır dərəcəli qaraciyər çatışmazlığı olan
xəstələr üçün klinik və yaxud farmakokinetik məlumatlar yoxdur (Child-Pugh ≥10).
Böyrək çatışmazlığı:
Orta və ağır dərəcəli böyrək çatışmazlığı olan xəstələrə, eləcə də hemodializdə olan son mərhələdə olan
böyrək xəstələrində etorikoksibin 120 mq yeganə dozasının farmakokinetikası sağlam insanlarda baş verən
farmakokinetikasından əhəmiyyətli dərəcədə fərqli olmayıb. Hemodializ etorikoksibin eliminasiyasına çox
zəif təsir edir (dializ klirensi təxminən 50 ml/dəq).
Xəstə uşaqlarda:
Etorikoksibin farmakokinetikası xəstə uşaqlarda (<12 yaş) öyrənilməyib.
Yeniyetmələrin (12-17 yaşlar) cəlb olunduğu tədqiqatda 40-60 kq çəkidə yeniyetmələrə gündə bir dəfə 60
mq etorikoksib təyin edildikdə və >60 kq yeniyetmələrə gündə bir dəfə 90 mq etorikoksib təyin edildikdə
preparatın farmakokinetikası böyüklərə gündə bir dəfə 90 mq etorikoksib təyin edildikdə baş verən
farmakokinetika kimi olmuşdur. Xəstə uşaqlarda etorikoksibin effekti və təhlükəsizliyi öyrənilməyib.

İstifadəsinə göstərişlər

Etorisib böyüklər və 16 yaşdan yuxarı yeniyetmələrdə osteoartritin (OA), revmatoid artritin (RA)
ankilozlaşdırıcı spondilitin müalicəsi və eləcə də, podaqra xəstəliyi zamanı iltihabi proseslərin
simptomlarının aradan qaldırılması üçün istifadə oluna bilər. Etorisib böyüklər və 16 yaşdan yuxarı
yeniyetmələrdə ağrılı dental cərrahi patologiyaların qısamüddətli müalicəsi üçün istifadə oluna bilər.

Əks göstərişlər

Təsiredici maddəyə, yaxud hər hansı inqrediyentə qarşı yüksək həssaslıq.
Aktiv peptik xora, yaxud aktiv qastrointestinal (Qİ) qanaxma.
Əvvəllər aspirin və yaxud digər qeyri-steroid iltihab əleyhinə preparatlara (QSİƏP), o cümlədən
siklooksigenaza-2 (SOG-2) inhibitorlarına qarşı yüksək həssaslıq reaksiyaları (məsələn, bronxospazm,
kəskin rinit, nazal poliplər, angionevrotik ödem, yaxud övrə, yaxud digər allergik reaksiyalar) baş vermiş
xəstələr.
Hamiləlik və laktasiya dövrü.
Ağır dərəcəli qaraciyər disfunksiyası (zərdabda Albumin <25q/l, yaxud Çayld-Pyu şkalasına görə ≥10
bal).
Renal kreatin klirensi <30ml/dəq olan xəstələr.
Uşaqlar və 16 yaşına qədər olan yeniyetmələr.
Bağırsaqların iltihabi xəstəlikləri.
Durğunluq-ürək çatışmazlığı (NYHA II-IV).
Arterial qan təzyiqi 140/90 mmHg (civə sütunu) həddindən yüksək olan və adekvat müalicə almayan
xəstələr.
Ürəyin işemik xəstəliyi, periferik arterial xəstəlik və/yaxud serebrovaskulyar xəstəlik.

Xüsusi göstərişlər və ehtiyat tədbirləri

Qastrointestinal təsirləri:
Etorisib qəbul edən xəstələrdə, qastrointestinal (Qİ) fəsadlar riskinin yüksək olduğu hallarda, o cümlədən
yaşlılarda, yanaşı olaraq digər hər hansı QSİƏP, yaxud asetilsalisil turşusu qəbul edən xəstələrdə, eləcə də,
xora və ya qastrointestinal qanaxma anamnezli xəstələrdə əlavə təsirlərin (qastrointestinal xora və ya digər
qastrointestinal fəsadlar) riski artmış olduğundan bu preparatın qəbulu zamanı ehtiyatlı olmaq məsləhət
görülür.
Kardiovaskulyar təsirlər:
Selektiv SOG-2 inhibitorları tromboz hallarını artıra bilər. Kliniki sınaqlara görə selektiv SOG-2
inhibitorları kardiovaskulyar riski artıra bilər, ona görə nəzərəçarpacaq kardiovaskulyar risk faktorları olan
xəstələr (məsələn, hipertenziya, hiperlipidemiya, şəkərli diabet, siqaret çəkmək) Etorisib ilə müalicə
olunduqda diqqətli olmaq lazımdır.
Böyrəklərə təsiri:
Böyrək prostaqlandinləri böyrək perfuziyasının idarə olunmasında kompensator rol oynaya bilərlər. Odur
ki, böyrək perfuziyasının pozulması təhlükəsi olduğu zaman etorikoksib preparatının tətbiqi
prostaqlandinlərin əmələ gəlməsini azaltmaqla ikincili olaraq, renal qan dövranını azalda bilər və bununla
böyrək funksiyaları pozula bilər. Belə xəstələrin Etorisib ilə müalicə olunarkən böyrək funksiyalarının
monitorinqinin aparılması nəzərdə tutulmalıdır.
Mayenin orqanizmdə ləngiməsi, ödem və hipertenziya:
Etorisib qəbul edən xəstələrdə mayenin orqanizmdə ləngiməsi, ödem və hipertenziya halları müşahidə
oluna bilər. Etorisib preparatının istifadəsi ürək çatışmazlığı, sol mədəciyin disfunksiyası, hipertenziya və
hər hansı səbəbdən ödemi mövcud olan xəstələrdə ehtiyatla həyata keçirilməlidir. Yüksək dozada Etorisib
ilə müalicə zamanı digər QSİƏP-larla müqayisədə arterial təzyiq daha çox arta bilər. Xəstələr müalicəyə
başlayandan 2 həftə ərzində arterial təzyiqi nəzarətdə saxlamalıdırlar.
Qaraciyərə təsiri:
Etorisib preparatının gündəlik 60 mq və 90 mq dozaları ilə bir ilə qədər müalicə aparıldıqda
alaninaminotransferaza (ALT) və/yaxud aspartataminotransferaza (AST) fermentlərinin artması baş verə
bilər. Əgər qaraciyər çatışmazlığının əlamətləri görünərsə, yaxud qaraciyərin funksional testləri dayanıqlı
olaraq qeyri-normal yüksələrsə, Etorisib ilə müalicə dayandırılmalıdır.
Qalaktoza intoleransı, total laktaza çatışmazlığı və qlükoza-qalaktoza malabsorbsiyası olan xəstələr bu
preparatı qəbul etməməlidirlər.

Digər dərman vasitələri ilə qarşılıqlı təsiri

Farmakodinamik qarşılıqlı təsirlər:
Oral antikoaqulyantlar: xroniki təyin edilmiş varfarin müalicəsi ilə stabilləşdirilmiş xəstələrə etorikoksib
preparatını 120 mq/gün dozada təyin etdikdə protrombin vaxtının daha 13% artması qeyd edilmişdir. Odur
ki, oral antikoaqulyantlarla müalicə alan xəstələr protrombin vaxtına görə sıx izlənməlidirlər, xüsusilə də,
etorikoksib müalicəsinə başlanan gündən bir neçə gün sonra, yaxud etorikoksibin dozasının dəyişildiyi
vaxt.
Diuretiklər, AÇF inhibitorları və angiotenzin II antaqonistləri: QSİƏP diuretiklərin və digər
antihipertenziv preparatların təsirini zəiflədə bilər. Böyrək funksiyalarının pozulması təhlükəsi olan bəzi
xəstələrə (məsələn, dehidratasiya olunmuş xəstələr, yaxud renal funksiyaları təhlükədə olan yaşlılar) AÇF
inhibitorları, yaxud angiotenzin II antaqonistləri ilə yanaşı siklooksigenaza inhibitorlarını yanaşı təyin
etdikdə, bu, böyrək funksiyalarının bir qədər də pisləşməsi ilə, o cümlədən geridönən kəskin böyrək
çatışmazlığı ilə nəticələnə bilər. Bu qarşılıqlı təsirlər xəstəyə etorikoksib ilə yanaşı AÇF inhibitorları,
yaxud angiotenzin II antaqonistləri təyin edildikdə nəzərə alınmalıdır. Ona görə bu kombinasiyalar xüsusi
ilə yaşlılara ehtiyatla təyin edilməlidir. Xəstələrə adekvat hidratasiya aparılmalı və yanaşı terapiyaya
başladıqdan sonra mütəmadi olaraq böyrək funksiyalarının yoxlanması nəzərdə tutulmalıdır.
Asetilsalisil turşusu: tədqiqatda dayanıqlı rejimdə, sağlam insanlara gündə bir dəfə 120 mq etorikoksib
təyin edilməsi asetilsalisil turşusunun (81 mq gündə bir dəfə) trombositlərin aqreqasiyasına qarşı yönəlmiş
effektinə heç bir təsir etməmişdir. Etorikoksib kardiovaskulyar profilaktika üçün istifadə olunan dozalarda
asetilsalisil turşusu ilə (aşağı dozalarda) yanaşı istifadə oluna bilər. Amma etorikoksib preparatının
ayrılıqda istifadəsi ilə müqayisədə onun aşağı dozalarda asetilsalisil turşusu ilə yanaşı istifadəsi Qİ xora və
digər fəsadların əmələ gəlməsinin artması ilə nəticələnə bilər. Etorikoksibin kardiovaskulyar profilaktika
üçün istifadə olunan yuxarıda göstərilmiş dozalarda asetilsalisil turşusu ilə, yaxud digər QSİƏP ilə yanaşı
istifadə olunması məsləhət görülmür.
Siklosporin və Takrolimus: bu qarşılıqlı təsir baxmayaraq ki, etorikoksib üçün öyrənilməyib, siklosporin və
takrolimusun QSİƏP ilə yanaşı istifadəsi siklosporin və takrolimusun nefrotoksik təsirini artıra bilər.
Etorikoksib və bu preparatlardan hər hansı biri kombinasiyada istifadə olunduğu halda böyrək funksiyaları
izlənməlidir.
Farmakokinetik qarşılıqlı təsirləri:
Etorikoksib preparatının digər dərman preparatlarının farmakokinetikasına təsiri
Litium: QSİƏP litiumun renal ekskresiyasını azaldır və ona görə litiumun plazma konsentrasiyası artır.
Əgər ehtiyac varsa, qanda litiumun səviyyəsini sıx olaraq izləyin və bu kombinasiyanın tətbiqi halında,
eləcə də QSİƏP-ın istifadəsini dayandıran zaman litiumun dozasını tənzimləyin.
Metotreksat: tədqiqatlar vasitəsi ilə aşkar edilmişdir ki, 120 mq etorikoksib metotreksatın plazma
konsentrasiyasını 28%-ə qədər artırmış və metotreksatın böyrək klirensini 13%-ə qədər azaltmışdır.
Etorikoksib və metotreksatı yanaşı təyin edən zaman metotreksat ilə əlaqəli toksikliyin adekvat izlənməsi
məsləhət görülür.
Oral kontraseptivlər: 60 mq etorikoksib ilə yanaşı 21 gün ərzində oral təyin edilmiş tərkibində 35 mkq
etinilestradiol (EE) və 0,5-1 mq noretindron olan kontraseptiv EE üçün əyrialtındakı sahənin (AUC) 0-24
saat dayanıqlı halını 37% - ə qədər artırmışdır. 120 mq-lıq etorikoksib eyni oral kontraseptivlə yanaşı təyin
olunduqda, yaxud 12 saat fasilə ilə verildikdə EE-nin AUC 0-24 saat dayanıqlı halını 50-60%-ə qədər
artırmışdır. EE-nin bu artımı etorikoksib ilə oral kontraseptivlərin birgə təyini üçün seçim halında nəzərə
alınmalıdır. EE-nin bu artımı oral kontraseptivlərin əlavə təsirləri hallarını (məsələn, risk faktorlu
qadınlarda tromboembolik hallar) da artıra bilər.
Hormon əvəzedici terapiya (HƏT): 120 mq-lıq etorikoksib ilə yanaşı 28 gün ərzində konyuqasiya olunmuş
estrogen (0,625 mq) tərkibli hormon əvəzləyici terapiya aparıldıqda, konyuqasiya olunmamış estron üçün
əyrialtındakı sahə (AUC) 0 - 24 saat orta dayanıqlı hal 41% olmuşdur. Etorikoksib ilə yanaşı istifadə etmək
üçün seçici postmenopauzal hormon terapiyası tətbiq edildikdə estrogenin konsentrasiyasında bu artımlar
nəzərə alınmalıdır, çünki estrogenin təsirinin artması HƏT ilə əlaqəli əlavə təsirlər riskini artıra bilər.
Prednizon/prednizolon: Dərmanların qarşılıqlı təsiri tədqiqatlarında etorikoksib prednizon/prednizolonun
farmakokinetikasına klinik əhəmiyyətli təsir etməyib.
Diqoksin: Etorikoksib 120 mq dozada gündə bir dəfə olmaqla, 10 gün ərzində könüllülərə təyin edildikdə
diqoksinin renal eliminasiyasını dəyişməmişdir. Diqoksinin Cmax göstəricisi təxminən 37% artmışdır. Bu
artım, adətən, xəstələrin çoxu üçün vacib deyil. Amma diqoksin toksikliyinə görə yüksək riskə malik
xəstələrə etorikoksib və diqoksin yanaşı təyin edildikdə diqoksinin toksikliyi izlənilməlidir.
Sulfotransferazalar tərəfindən metabolizmə məruz qalan dərman preparatlarına etorikoksib preparatının
təsiri
Etorikoksib insanın sulfotransferaza aktivliyinin inhibitorudur. İnsan sulfotransferazaları (məsələn, oral
salbutamol və minoksidil) tərəfindən metabolizmə məruz qalan dərman preparatları ilə yanaşı etorikoksib
preparatını istifadə etdikdə ehtiyatlı olmaq lazımdır.
Etorikoksib preparatının CYP (Sitoxrom P) izofermentləri tərəfindən metabolizmə məruz qalan dərman
preparatlarına təsiri
İn vitro tədqiqatlara əsasən etorikoksibin P450 1A2, 2C9, 2C19, 2D6, 2E1 və yaxud 3A4 tormozlaması
gözlənilmir. Sağlam insanların daxil edildiyi tədqiqatlarda gündəlik 120 mq etorikoksib təyin olunduqda
eritromisin tənəffüs testi ilə qiymətləndirilmiş qaraciyər CYP3A4 mexanizmində dəyişiklik olmamışdır.
Digər dərman preparatlarının etorikoksib preparatının farmakokinetikasına təsiri:
Etorikoksibin metabolizminin əsas yolu CYP (Sitoxrom P) fermentlərindən asılıdır. CYP3A4 fermentləri
etorikoksibin in vitro metabolizmində yardımçı olurlar. İn vitro tədqiqatları göstərir ki, CYP2D6, CYP2C9,
CYP1A2 və CYP2C19 həmçinin, başlıca metabolik yolu kataliz edə bilərlər, amma onların kəmiyyət rolu
in vivo tədqiq olunmayıb.
Ketokonazol: Ketokonazol CYP3A4 fermentinin potensial inhibitoru olub sağlam könüllülərə 11 gün
ərzində gündə bir dəfə olmaqla 400 mq dozalarda təyin edildikdə tək dozada 60 mq-lıq etorikoksibin
farmakokinetikasına klinik əhəmiyyətli təsir etməmişdir (AUC 43% artmışdır).
Vorikonazol və mikonazol: CYP3A4 fermentinin güclü inhibitorları olan ya oral vorikonazol və yaxud yerli
mikonazol oral gelin etorikoksib ilə yanaşı təyini sonuncunun təsirinin çox az artması ilə nəticələnib,
amma bu klinik əhəmiyyətə malik deyil.
Rifampisin: Etorikoksib ilə yanaşı CYP (Sitoxrom P) fermentlərinin potensial stimulyatoru olan rifampisin
təyin edildikdə etorikoksibin plazma konsentrasiyası 65% azalmışdır. Bu qarşılıqlı təsir etorikoksib
rifampisinlə yanaşı təyin edildikdə simptomların yenidən geri dönməsi ilə nəticələnə bildiyindən onların
yanaşı təyini məsləhət görülmür.
Antasidlər: antasidlər etorikoksibin farmakokinetikasına klinik əhəmiyyətli təsir etmir.

Hamiləlik və laktasiya dövründə istifadəsi

Etorikoksibin hamilə qadınlarda istifadəsi əks göstərişdir. Əgər qadın müalicə müddətində hamilə olarsa,
etorikoksibin qəbulu dayandırılmalıdır.
Etorikoksibin ana südü ilə ekskresiya olunub-olunmaması məlum deyil. Etorikoksib qəbul edən qadınlar
körpəsini əmizdirməməlidirlər.
Nəsil artımı:
SOG-2 inhibitorları kimi tanınmış dərman preparatlarının, o cümlədən, etorikoksibin hamiləliyi
planlaşdıran qadınlarda istifadəsi məsləhət görülmür.
Pediatriyada istifadəsi:
Etorisib preparatının uşaqlarda və 16 yaşına çatmamış yeniyetmələrdə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Etorikoksib qəbul edərkən yuxululuq və başgicəllənmə hiss edən xəstələr sürücülük və diqqət tələb edən
mexanizmlərin idarə olunması fəaliyyətlərindən uzaq olmalıdırlar.

ETORİSİB İstifadə qaydası və dozası

Etorisib oral təyin edilir, qida ilə bərabər və yaxud onsuz qəbul edilə bilər. Bu preparatın təsiri acqarına
qəbul zamanı daha tez baş verə bilər. Tez simptomatik yaxşılaşmaya ehtiyac olduğu hallarda bunu nəzərə
almaq lazımdır.
Etorikoksib preparatının əlavə təsirlərinin meydana çıxması riski onun dozası və istifadə müddəti çox
olduqca artdığından, o, mümkün olan ən qısa müddət və gündəlik ən aşağı dozalarda istifadə olunmalıdır.
Xəstənin simptomatik yaxşılaşması və müalicəyə cavab reaksiyası mütəmadi olaraq təkrar yoxlanılmalıdır.
Osteoartrit:
Məsləhət görülən gündəlik doza birdəfəlik 30 mq-dır. Simptomların kifayət qədər yaxşılaşmadığı bəzi
xəstələrdə dozanın gündə bir dəfə 60 mq-a qədər artırılması effekti artıra bilər. Gündəlik doza 60 mq/gün
həddini aşmamalıdır.
Revmatoid artrit:
Məsləhət görülən gündəlik doza gündə bir dəfə 60 mq-dır. Simptomların kifayət qədər yaxşılaşmadığı bəzi
xəstələrdə dozanın gündə bir dəfə 90 mq-a qədər artırılması effekti artıra bilər. Xəstə klinik stabilləşdikdən
sonra doza yenidən 60 mg-a azaldıla bilər. Gündəlik doza 90 mq/gün həddini aşmamalıdır.
Ankilozlaşdırıcı spondilit:
Məsləhət görülən gündəlik doza kəskin simptomatik dövrdə gündə bir dəfə 60 mq-dır. Simptomların
kifayət qədər yaxşılaşmadığı bəzi xəstələrdə dozanın gündə bir dəfə 90 mq-a qədər artırılması effekti artıra
bilər. Xəstə klinik stabilləşdikdən sonra doza yenidən 60 mg-a azaldıla bilər. Gündəlik doza 90 mq/gün
həddini aşmamalıdır.
Kəskin podaqra artriti:
Məsləhət görülən gündəlik doza gündə bir dəfə 120 mq-dır. Gündəlik doza 120 mq/gün həddini
aşmamalıdır. Müalicə 8 günlə məhdudlaşdırılmalıdır.
Əməliyyatdan sonrakı dental ağrılar:
Məsləhət görülən gündəlik doza gündə bir dəfə 90 mq olub, maksimum 3 günlə məhdudlaşmalıdır.
Xüsusi əhali qruplarında:
Yaşlılar:
Yaşlılarda dozanın tənzimlənməsi vacib deyil. Digər dərman preparatları ilə olduğu kimi, yaşlılarda
istifadə zamanı ehtiyatlı olmaq lazımdır.
Qaraciyər funksiyalarının çatışmazlığı:
İstifadəsinə olan göstərişlərdən asılı olmayaraq, yüngül dərəcəli qaraciyər disfunksiyası olan xəstələrdə
(Çayld-Pyu təsnifatına görə 5-6 bal) dozalar gündə bir dəfə 60 mq həddini aşmamalıdır. İstifadəsinə olan
göstərişlərdən asılı olmayaraq, orta ağırlıq dərəcəli qaraciyər disfunksiyası olan xəstələrdə (Çayld-Pyu
şkalasına görə 7-9 bal) doza gündə bir dəfə 30 mq həddini aşmamalıdır.
Orta ağırlıq dərəcəli qaraciyər disfunksiyası olan xəstələrdə istifadəsi ilə əlaqəli klinik təcrübələr məhdud
olduğundan ehtiyatlı olmaq məsləhət görülür. Ağır dərəcəli qaraciyər disfunksiyası olan xəstələrdə (ÇayldPyu şkalasına görə ≥10 bal) istifadəsi ilə əlaqəli klinik təcrübələr aparılmayıb və ona görə də belə
xəstələrdə bu preparatın istifadəsi əks göstərişdir.
Böyrək funksiyasının çatışmazlığı:
Kreatin klirensi ≥30 ml/dəq olan xəstələrdə dozanın tənzimlənməsinə ehtiyac yoxdur. Etorikoksib
preparatını kreatin klirensi <30 ml/dəq olan xəstələrdə istifadə etmək əks göstərişdir.

Əlavə təsirləri

Aşağıdakı arzuolunmaz təsirlər klinik sınaqlarda OA, RA, xronik bel ağrısı və ankilozlaşdırıcı spondilit
xəstələrinin 12 həftəyə qədər məsləhət görülmüş etorikoksib preparatının, 60 mq və ya 90 mq dozaları ilə
müalicə olunarkən plasebodan daha çox rast gəlinmişdir: “MEDAL” proqram tədqiqatında 3½ il:
qısamüddətli kəskin ağrı tədqiqatında 7 günə qədər; yaxud post-marketinq sınaqlarında 

İnfeksiyalar və invaziyalar: alveolyar ostit, qastroenterit, yuxarı tənəffüs yollarının infeksiyası,
sidik yollarının infeksiyası bəzən

Qan və limfa sisteminin patologiyaları: anemiya (əsasən, qastrointestinal qanaxma ilə əlaqəli),
leykopeniya, trombositopeniya bəzən

İmmun sisteminin patologiyaları: yüksək həssalıq ,angioödem/anafilaktik/anafilaktoid reaksiyalar, o
cümlədən şok

Metabolizm və qida ilə əlaqəli patologiyalar: ödem/orqanizmdə mayenin ləngiməsi
iştahanın artması və ya azalması, bədən kütləsinin artması

Psixi patologiyalar: narahatçılıq, depressiya, əqli fəaliyyətin zəifləməsi, hallüsinasiyalar
çaşqınlıq , oyanıqlıq

Sinir sistemi patologiyaları: başgicəllənmə, baş ağrısı ,disgevziya, yuxusuzluq, paresteziya/hiperesteziya,
yuxululuq bəzən

Göz patologiyaları : dumanlı görmə, konyunktivit bəzən

Qulaq və labirint patologiyaları :qulaqlarda küy, vertiqo bəzən

Kardioloji patologiyalar: ürəkdöyünmə, aritmiya, səyrici aritmiya, taxikardiya, durğunluq-ürək
çatışmazlığı, EKQ-də qeyri-spesifik dəyişikliklər,,stenokardiya, miokard infarktı

Vaskulyar patologiyalar: hipertenziya,pörtmə, serebrovaskulyar hallar
, ötəri işemik həmlə, hipertenziv kriz , vaskulit

Respirator, döş qəfəsi və divararalığının patologiyaları: bronxospazm 
öskürək, təngnəfəslik, burun qanaxması 

Qastrointestinal patologiyalar: abdominal ağrı,
qəbizlik, meteorizm,qastrit, qıcqırma/turş reflüks, ishal, dispepsiya/epiqastral diskomfort, ürəkbulanma, qusma,
ezofaqit, oral xora,köpmə, bağırsaqların peristaltikasının dəyişməsi,
ağızda quruluq, qastroduodenal xora, peptik xora, o cümlədən, qastrointestinal perforasiya və qanaxma,
bağırsaqların qıcıqlanması sindromu, pankreatit

Hepatobiliar patologiyalar: ALT və AST-nin artması,hepatit,qaraciyər çatışmazlığı, sarılıq

Dəri və dərialtı toxumaların patologiyaları: ekximoz , üzün şişməsi, qaşınma, səpki, eritema
“Stivens-Conson” sindromu, toksik epidermal nekroliz, uzun zaman dərman qəbulu ilə əlaqəli
səpgilər 

Sümük-əzələ və birləşdirici toxuma patologiyaları :əzələ qıcolması/spazmı, sümük-əzələ ağrıları/rigidliyi 

Böyrək və sidikçıxarıcı yolların patologiyaları: proteinuriya, zərdabda kreatininin səviyyəsinin
yüksəlməsi, böyrək çatışmazlığı

Ümumi patologiyalar və təyin olunmuş nahiyənin vəziyyəti: asteniya/yorğunluq, qripə bənzər xəstəlik 
döş qəfəsində ağrı

Müayinələr:
qanda sidik cövhərinin, kreatin fosfokinazanın, sidik
turşusunun artması, hiperkaliemiya bəzən
qanda natriumun səviyyəsinin azalması 
 

Doza həddinin aşılması

Klinik tədqiqatlarda etorikoksibin 500 mq-a qədər birdəfəlik dozasının və 150 mq/gün dozada 21 gün
ərzində çoxsaylı dozalarının təyini əhəmiyyət kəsb edəcək toksikiliyə səbəb olmamışdır. Etorikoksibin
doza həddinin kəskin aşılması haqda məlumatlar verilib, baxmayaraq ki, çox hallarda əlavə təsirlər haqda
məlumat verilməyib. Ən çox müşahidə olunan əlavə təsirlər etorikoksibin təhlükəsizlik profili ilə əlaqəli
olub (məsələn, qastrointestinal hallar, kardiorenal hallar).
Doza həddinin aşılması zamanı adi dəstəkləyici tədbirlərin həyata keçirilməsi məqsədəuyğundur, məsələn,
qəbul edilmiş dozanın absorbsiya olunmamış hissəsinin mədə-bağırsaq traktından xaric edilməsi, klinik
monitorinq və tələb olunarsa, dəstəkləyici müalicə aparılması.
Etorikoksib hemodializlə orqanizmdən xaric olunmur; onun peritoneal dializ vasitəsilə orqanizmdən xaric
edilməsinin mümkün olub-olmaması məlum deyil.

Buraxılış forması

Etorisib tabletlər 60 mq/90 mq/ 7 və ya 10 tablet, alüminium blisterlərdə. 7 tabletlik 4 blister və ya 10
tabletlik 3 blister içlik vərəqə ilə birlikdə karton qutuya qablaşdırılır.
Satışda qablaşdırmanın bütün formaları olmaya bilər.

Aptekdən buraxılma şərti

Resept əsasında buraxılır.