Pharmed

DILUTIKS 75MG N28 TB

DİLYUTİKS

Beynəlxalq patentləşdirilməmiş adı: Clopidogrel

DİLYUTİKS Tərkibi

Təsiredici maddə: 1 tabletin tərkibində 75 mq klopidoqrel (97,875 mq klopidoqrel bisulfat şəklində) vardır. Köməkçi maddələr: susuz laktoza, mikrokristallik sellüloza (Avisel PH 102), natrium kroskarmelloza, silisium dioksid (Aerosil 200), talk, maqnezium stearat. Örtük: çəhrayı opadri II 32K14834 (laktoza monohidrat, hipromelloza, titan dioksid, triasetin, qırmızı dəmir oksidi) vardır.

Farmakoterapevtik qrupu

Antitrombotik vasitələr. Trombositlərin aqreqasiyasının inhibitorları (heparin istisna olmaqla).

ATC kodu: B01AC04.

Farmakoloji xüsusiyyətlər

Farmakodinamikas: Klopidoqrel, metabolitlərindən biri trombositlərin aqreqasiyasının inhibitoru olan prodərmandır. Trombositlərin aqreqasiyasını inhibə edən aktiv metabolitin əmələ gəlməsi üçün klopidoqrel CYP450 enzim vasitəsilə metabolizə olunmalıdır. Klopidoqrelin aktiv metaboliti trombositlərin ADF (adenozindifosfat) ilə P2Y12 reseptorunun birləşməsini və GPIIb/IIIa qlikoprotein kompleksinin ADF ilə törənən sonrakı aktivləşməsini selektiv olaraq inhibə edir, bu da trombositlərin aqreqasiyasının qarşısını alır. Geriyə dönməz birləşməsinə görə trombositlər ömrünün sonuna qədər (təqribən 7-10 gün) zədələnmiş olaraq qalır və onların normal funksiyasının bərpası trombositlərin yenilənmə sürətinə müvafiq olaraq baş verir. Klopidoqrelin gündə 75 mq dozada təkrar qəbulu ilk gündən trombositlərin ADF-dən asılı aqreqasiyasını əhəmiyyətli dərəcədə inhibə edir; bu, tədricən artır və 3-7 gün ərzində sabit vəziyyətə çatır. Trombositlərin aqreqasiyası və qanaxma müddəti müalicə dayandırıldıqdan sonra 5 gün ərzində tədricən bərpa olunur.

Farmakokinetikası: Sorulması Gündə 75 mq tək və təkrar dozada daxilə qəbul edildikdə klopidoqrel sürətlə sorulur. Qan plazmasında dəyişilməmiş klopidoqrelin orta Cmax (75 mq tək dozada daxilə qəbulundan sonra - təqribən 2,2-2,5 nq/ml) qəbulundan 45 dəq sonra əldə olunur. Metabolitləri sidiklə xaric olunduğuna görə, klopidoqrelin sorulması 50%-dən az təşkil edir. Paylanması: Klopidoqrel və onun əsas sirkulyasiya edən qeyri-aktiv metaboliti in vitro geriyə dönən şəkildə insanın plazma proteinləri ilə (müvafiq olaraq 98% və 94%) birləşir. Biotransformasiyası: Klopidoqrel qaraciyərdə aktiv metabolizmə uğrayır. Xaricolunması İnsanlarda daxilə qəbuldan sonra 120 saat ərzində 14С kimi nişanlanan klopidoqrelin təqribən 50%-i böyrək vasitəsilə və təqribən 46%-i bağırsaqla xaric olunur.

İstifadəsinə göstərişlər

Aterotrombotik pozğunluqların 2-cili profilaktikası Miokard infarktı (bir neçə günündən başlayaraq 35 gün ərzində), işemik insult (7-ci günündən başlayaraq 6 ay ərzində) keçirən və ya periferik arteriyaların xəstəliklərindən əziyyət çəkən yetkin yaşlı pasiyentlərdə aterotrombotik pozğunluqların profilaktikası. Kəskin koronar çatışmazlıq sindromu qeyd olunan yetkin yaşlı pasiyentlərdə aterotrombotik pozğunluqların profilaktikası:

- asetilsalisil turşusu (AST) ilə kombinasiyada perkutan koronar müdaxilənin gedişində stentləşməyə məruz qalan pasiyentlər daxil olmaqla, ST seqmentinin yüksəlməsi qeyd olunmayan kəskin koronar çatışmazlığı sindromu (qeyri-stabil stenokardiya və ya Q dalğası olmayan miokard infarktı);

- AST ilə kombinasiyada trombolitik müalicənin aparılması üçün müvafiq medikamentoz müalicə qəbul edən pasiyentlərdə ST seqmentinin yüksəlməsi ilə müşayiət olunan kəskin miokard infarktı.

-Qulaqcıq fibrillyasiyası zamanı aterotrombotik və tromboembolik fəsadların (insult daxil olmaqla) profilaktikası: damar fəsadlarının yaranmasının ən azı bir risk faktoru olan, K vitaminin antaqonistləri ilə müalicə ala bilməyən və qanaxmanın yaranma ehtimalı aşağı olan böyük xəstələrdə qulaqcıq fibrillyasiyası zamanı (asetilsalisil turşusu ilə kombinasiyada).

Əks göstərişlər

Klopidoqrelə və ya preparatın digər komponentlərinə qarşı yüksək həssaslıq. Ağır qaraciyər çatışmazlığı. Peptik xoradan qanaxma və ya kəllədaxili qansızma kimi kəskin patolojı qanaxmalar.

Xüsusi göstərişlər və ehtiyat tədbirləri

Qanaxma və qanyaradıcı sistemi tərəfindən arzuolunmaz reaksiyaların yaranma riski Klopidoqrel ilə müalicə zamanı qanaxma və arzuolunmaz hematoloji reaksiyaların yaranma ehtimalına görə mümkün qanaxmanın klinik simptomları meydana çıxdıqda dərhal qanın ümumi analizi və digər lazımi müayinələr aparılmalıdır. Digər antiaqreqantlarda olduğu kimi travma, cərrahi əməliyyat və ya digər patoloji hallar nəticəsində qanaxma riski yüksək olan xəstələrdə, həmçinin asetilsalisil turşusu, heparin, IIb/IIIа qlikoprotein inhibitorları, QSİƏP (SOG-2 inhibitorları daxil olmaqla) və selektiv serotonin geri tutulması inhibitorları (SSGTİ) ilə müalicə alan xəstələrdə klopidoqrel ehtiyatla istifadə olunmalıdır. Klopidoqrel qəbulu zamanı, xüsusilə müalicənin birinci həftəsində və/ və ya invaziv kardioloji prosedurlardan və ya cərrahi əməliyyatlardan sonra qanaxma (o cümlədən gizli) əlamətlərini istisna etmək məqsədi ilə xəstə həkimin ciddi nəzarəti altında olmalıdır. Klopidoqreli AST (asetilsalisil turşusu) ilə kombinasiya şəklində qəbul etdikdə keçici (tranzitor) işemik həmlə və işemik halların residivlərinin yüksək riski olan xəstələrdə ciddi qanaxmanın yaranma ehtimalı yüksəlir. Bu səbəbdən belə xəstələrdə adı çəkilən kombinasiya ehtiyatla və yalnız klinik faydası sübut edilmiş hallarda istifadə edilməlidir. Klopidoqrel, qanaxma müddətini uzatdığına görə, qanaxmaya meyilli (xüsusilə də mədə-bağırsaq və göz daxili) olan xəstələrdə ehtiyatla istifadə edilməlidir. Klopidoqrel qəbulu zamanı (monoterapiya kimi və ya asetilsalisil turşusu ilə kombinasiyada) qanaxmanın dayanması üçün daha çox vaxtın tələb olunması və həmçinin onlarda qeyri-adi qanaxma olduqda müalicə həkiminə müraciət etməyin vacibliyi haqqında xəstələr xəbərdar edilməlidir. Hər hansı bir əməliyyatdan və yeni dərmanın təyin edilməsindən əvvəl xəstələr klopidoqrel qəbul etdikləri haqqında həkimə (o cümlədən stomatoloqa) məlumat verməlidirlər. Trombotik trombositopenik purpura (TTP) Klopidoqrel çox nadir hallarda, hətta qısa müddətdə qəbul edildikdə (2 həftədən az) trombotik trombositopenik purpura (TTP) halları qeyd olunmuşdur. TTP həyat üçün təhlükəli və plazmaferez daxil olmaqla, təxirəsalınmaz tədbirlərin aparılmasını tələb edən haldır. O, nevroloji və böyrək funksiyası pozulmaları və ya qızdırma ilə müşayiət olunan trombositopeniya və mikroangiopatik hemolitik anemiya ilə səciyyələnir. Kəskin işemik insult Kifayət qədər məlumat olmadığından kəskin işemik insultdan sonra klopidoqrelin istifadəsi ilk 7 gün ərzində tövsiyə olunmur. Qazanılmış hemofiliya Klopidoqrelin istifadəsindən sonra qazanılmış hemofiliyanın yaranması haqqında məlumat verilmişdir. Qanaxma ilə müşayiət olunan və ya olunmayan aktivləşdirilmiş qismən tromboplastin vaxtının (AQTV) təsdiqlənmiş izoləedilmiş uzadılması zamanı qazanılmış hemofiliyanın mümkünlüyü düşünülməlidir. Təsdiqlənmiş qazanılmış hemofiliya diaqnozu olan xəstələrdə klopidoqrelin qəbulu dayandırılmalı və оnlar mütəxəssislər tərəfindən müalicə və müşahidə edilməlidirlər. Sitoxrom P4502C19 (CYP2C19) Farmakogenetika: CYP2C19 izofermentinin aktivliyi aşağı olan xəstələrdə preparatın tövsiyə edilən dozalarda istifadəsi zamanı klopidoqrelin aktiv metaboliti daha az miqdarda əmələ gəlir və onun trombositlərin funksiyasına olan təsiri azalır. Xəstənin CYP2C19 izofermentinə görə genotipini müəyyən etmək üçün müvafiq testlər mövcuddur. Tienopiridinlər arasındakı çarpaz allergik reaksiyalar: Tienopiridinlər arasındakı çarpaz allergik reaksiyaların yaranması səbəbindən xəstələrdə digər tienopiridinlərə (tiklopidin, prasuqrel kimi) qarşı hiperhəssaslıq reaksiyalarının olub-olmaması haqqında anamnez toplanmalıdır. Tienopiridinlər səpgi, angionevrotik ödem, trombositopeniya və neytopeniya kimi orta və ağır dərəcəli allergik reaksiyaların yaranmasına səbəb ola bilər. Əvvəllər tienopiridin qrupundan olan hər hansı bir preparata qarşı allergik və/ və ya hematoloji reaksiyaları olan xəstələrdə bu qrupun digər preparatına qarşı da oxşar reaksiyaların yüksək yaranma ehtimalı var. Tienopiridinlərə qarşı məlum allergik reaksiyaları olan xəstələrdə hiperhəssaslıq əlamətlərinin yaranma ehtimalına görə monitorinq tövsiyə olunur. Böyrək funksiyasının pozulması Klinik təcrübə məhdud olduğundan böyrək çatışmazlığı olan xəstələrdə klopidoqrel ehtiyatla istifadə edilməlidir. Qaraciyər funksiyasının pozulması Orta dərəcəli qaraciyər çatışmazlığı və hemorragik diatezin yaranma ehtimalı olan xəstələrdə klopidoqrelin istifadə təcrübəsi məhdud olduğundan bu qrup xəstələrdə preparat ehtiyatla təyin olunmalıdır. Köməkçi maddələr: Dilyutiks örtüklü tabletlərinin tərkibində laktoza vardır. Qalaktozaya qarşı dözümsüzlük, Lapp laktaza çatışmazlığı və ya qlükoza-qalaktoza malabsorbsiyası sindromu kimi nadir irsi xəstəlikləri olan xəstələrdə bu preparat istifadə olunmamalıdır.

Digər dərman vasitələri ilə qarşılıqlı təsiri

Peroral antikoaqulyantlar: Klopidoqrelin və peroral antikoaqulyantların birgə istifadəsi tövsiyə olunmur (qanaxmaların intensivliyi arta bilər). Qlikoprotein IIb/IIIa inhibitorları Klopidoqrel qlikoprotein IIb/IIIa inhibitorları ilə müalicə alan xəstələrdə ehtiyatla istifadə olunmalıdır. Asetilsalisil turşusu: Asetilsalisil turşusu klopidoqrelin trombositlərin ADF-dən asılı aqreqasiyasına göstərdiyi inhibəedici təsirini dəyişmir, lakin klopidoqrel asetilsalisil turşusunun trombositlərin kollagendən asılı aqreqasiyasına göstərdiyi təsiri gücləndirir. Asetilsalisil turşusunun 1 gün ərzində 2 dəfə 500 mq dozada, klopidoqrel ilə birgə istifadəsi klopidoqrelin qəbulu ilə bağlı qanaxmanın müddətini əhəmiyyətli dərəcədə artırmamışdır. Klopidoqrel və asetilsalisil turşusu arasında, qanaxma riskinin artması ilə nəticələnən qarşılıqlı farmakodinamik təsir yarana bilər, buna görə də bu preparatların birgə istifadəsi zamanı ehtiyatlı olmaq lazımdır. Heparin: Sağlam könüllülər üzərində aparılan klinik tədqiqatların nəticələrinə əsasən klopidoqrel ilə birgə istifadəsi zamanı heparinin dozasının tənzimlənməsinə ehtiyac olmayıb və onun antikoaqulyant təsiri dəyişməyib. Heparinlə birgə istifadəsi klopidoqrelin trombositlərin aqreqasiyasına inhibəedici təsirini dəyişmir. Klopidoqrel və heparin arasında qanaxma riskinin artması ilə nəticələnən qarşılıqlı farmakodinamik təsir ola bilər, buna görə də bu preparatların birgə istifadəsi zamanı ehtiyatlı olmaq vacibdir. Trombolitik vasitələr: Klopidogrelin fibrin spesifik və ya fibrin qeyri-spesifik trombolitik vasitələrlə və heparinlə birgə istifadəsinin təhlükəsizliyi kəskin miokard infarktı keçirən xəstələrdə araşdırılmışdır. Klinik əhəmiyyətli qanaxmaların sıxlığı, trombolitik vasitələrin və heparinin asetilsalisil turşusu ilə birgə istifadəsindəki kimi olmuşdur. Bu səbəbdən klopidoqrelin digər trombolitiklərlə birgə istifadəsi zamanı ehtiyatlı olmaq lazımdır. Qeyri-steroid iltihabəleyhinə preparatlar(QSİƏP) Klopidoqrel QSİƏP-lə (SOG-2 inhibitorları daxil olmaqla) birgə ehtiyatla istifadə edilməlidir. CYP2C19 induktorları. CYP2C19-un güclü induktorları (rifampisin) ilə eyni vaxtda qəbulu tövsiyə edilmir. CYP2C19 izofermentinin inhibitorları CYP2C19 izofermentinin inhibitorları olan omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksasin, simetidin, karbamazepin, efavirenz, okskarbazepin və xloramfenikol ilə birgə istifadəsindən çəkinmək lazımdır. Serotoninin geriyə tutulmasının selektiv inhibitorları (SGTSİ) SGTSİ-nin trombositlərin aktivləşməsinə təsir göstərməsinə və qanaxmanın yaranma ehtimalının yüksəlməsinə görə SGTSİ klopidoqrellə birgə ehtiyatla istifadə edilməlidir. Digər yanaşı gedən müalicəsi: Klopidoqrel qismən CYP2C19 izofermenti vasitəsilə öz aktiv metabolitinə qədər metabolizə olunduğundan, bu izofermentin aktivliyini inhibə edən dərman vasitələrinin istifadəsi klopidoqrelin aktiv metabolitinin əmələ gəlməsinin azalmasına səbəb ola bilər. Ehtiyat tədbiri olaraq CYP2C19 izofermentinin güclü və orta güclü inhibitorları (omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksasin, simetidin, karbamazepin, okskarbazepin, xloramfenikol) ilə birgə istifadəsindən çəkinmək lazımdır. Proton pompasının inhibitorları (PPİ) Omeprazol və ya ezomeprazol ilə birgə istifadəsindən çəkinmək lazımdır. Lansoprazol və ya pantoprazol klopidoqrelin antitrombotik aktivliyinə omeprazol və ya ezomeprazoldan daha az təsir göstərir. Pantoprazol ilə birgə istifadə oluna bilər. CYP2C8 sitxromu substratları Klopidoqrel CYP2C8 izofermentinin iştirakı ilə metabolizə olunan dərman vasitələri (məs., repaqlinid, paklitaksel) ilə eyni zamanda ehtiyatla istifadə edilməlidir. Digər dərman vasitələri: Klopidoqrelin və güclənmiş antiretrovirus müalicənin eyni zamanda təyin olunmasından çəkinmək lazımdır. Klopidoqrelin atenolol və/ və ya nifedipin ilə birgə istifadəsi zamanı klinik əhəmiyyətli qarşılıqlı farmakodinamik təsiri müşahidə olunmayıb. Fenobarbital və ya estrogen ilə eyni vaxtda istifadə zamanı klopidoqrelin farmakodinamik təsiri əhəmiyyətli dərəcədə dəyişilmir. Klopidoqrel ilə birgə istifadə zamanı diqoksin və teofillinin farmakokinetik göstəriciləri dəyişməmişdir. Antasid vasitələr klopidoqrelin sorulmasını dəyişdirməmişdir. Fenitoin və tolbutamid ilə klopidoqrelin birgə istifadəsi təhlükəsizdir. Diuretiklər, beta-blokatorlar, AÇF inhibitorlar, kalsium antaqonistləri, hipolipidemik vasitələr, koronar vazodilatatorlar, hipoqlikemik vasitələr, hormon əvəzedici müalicədə istifadə olunan preparatlar klinik tədqiqatlarda klinik əhəmiyyətli arzuolunmaz qarşılıqlı təsir göstərməmişdir.

Hamiləlik və laktasiya dövründə istifadəsi

Hamilə qadınlarda klopidoqrelin klinik istifadəsi haqqında kifayət qədər məlumat olmadığından ehtiyat tədbiri olaraq, hamiləlik dövrdə klopidoqrelin istifadə edilməməsi dha məqsədəuyğundur. Fayda/risk nisbəti qiymətləndirilməli və ehtiyac olduğu zaman həkim nəzarəti altında təyin oluna bilər. Farmakokinetik/toksikoloji tədqiqatlar göstərmişdir ki, klopidoqrel və onun metabolitləri ana südü ilə ifraz olunur. Bu səbəbdən klopidoqrelin qəbulu zamanı ana südü ilə qidalandırma dayandırılmalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın qəbulu nəqliyyat vasitələrini və digər mexanizmləri idarəetmə qabiliyyətinə hər hansı bir təsir göstərmir və ya cüzi təsir göstərir. Beləliklə preparatın qəbulu zamanı xəstələr nəqliyyat vasitələrini və digər mexanizmləri idarə edə bilərlər.

DİLYUTİKS İstifadə qaydası və dozası

Gündə 1 dəfə daxilə yeməkdən asılı olmayaraq qəbul olunur. Miokard infarktı, işemik insult və ya müəyyən edilmiş periferik arteriyaların okklüzion xəstəliyi zamanı klopidoqrel gündə 1 dəfə 75 mq dozada təyin olunur. Kəskin koronar sindromu zamanı: ST seqmentinin yüksəlməsi ilə müşayiət olunmayan (qeyri-stabil stenokardiya və ya Q dalğasız miokard infarktı zamanı): klopidoqrel ilə müalicə 300 mq birdəfəlik yükləyici doza ilə başlanmalı və gündə 1 dəfə 75 mq doza ilə davam etdirilməlidir (gündə 75-325 mq dozada asetilsalisil turşusu ilə kombinasiyada). Asetilsalisil turşusunun yüksək dozalarda istifadəsi zamanı qanaxmaların yaranma ehtimalı yüksək oldğuna örə tövsiyə olunan doza 100 mq-dan artıq olmamalıdır. Müalicənin optimal müddəti formal olaraq müəyyən olunmamışdır. Klinik tədqiqatların nəticələrinə əsaslanaraq preparat 12 aya qədər istifadə edilə bilər, maksimal müsbət təsiri müalicədən 3 ay sonra müşahidə edilir.

- ST seqmentinin yüksəlməsi ilə müşayiət olunan kəskin miokard infarktı zamanı klopidoqrelin 300 mq birdəfəlik yükləyici dozadan başlanaraq gündə 1 dəfə 75 mq dozada asetilsalisil turşusu ilə kombinasiyada, trombolitiklərlə və ya trombolitiklərsiz təyin olunur. 75 yaşdan yuxarı olan xəstələrdə yükləyici doza təyin olunmur. Kombinəolunmuş müalicəni simptomların yaranmasından sonra mümkün qədər tez başlayır və ən azı 4 həftə ərzində davam edirlər. Kəskin miokard infarktı zamanı klopidoqrelin asetilsalisil turşusu ilə kombinasiyada 4 həftədən sonra istifadəsinin terapevtik təsiri öyrənilməmişdir. Qulaqcıq fibrillyasiyası zamanı klopidoqrel gündə 1 dəfə 75 mq dozada təyin olunur. Müalicəyə gündə 1 dəfə 75- 100 mq asetilsalisil turşusu ilə başlanılır və klopidoqrel ilə kombinasiyada davam etdirilir.

Xüsusi qrup xəstələrə dair əlavə məlumat: Böyrək/Qaraciyər çatışmazlığı olan xəstələr: Böyrək çatışmazlığı olan xəstələrdə klopidoqrelin istifadə təcrübəsi məhdud olduğundan bu qrup xəstələrdə ehtiyatla istifadə edilməlidir. Orta ağırlıq dərəcəli qaraciyər çatışmazlığı olan və hemorragik diatezə meyilli olan xəstələrdə klopidoqrelin istifadə təcrübəsi məhdud olduğundan bu qrup xəstələrdə ehtiyatla istifadə edilməlidir. Pediatrik xəstələr: Pediatrik qrupda klоpidоqrelın istifadəsinin təhlükəsizliyi və effektivliyi öyrənilməmişdir və bu səbəbdən bu qrup xəstələrdə preparat istifadə edilmir. Yaşlı xəstələr: ST seqmentinin yüksəlməsi ilə müşayiət olunan kəskin miokard infarktı olan 75 yaşdan yuxarı xəstələrdə klopidoqrellə müalicə yükləyici doza olmadan başlanmalıdır.

Əlavə təsirləri

Əlavə təsirlərin rastgəlmə tezliyi: çox tez-tez (≥1/10); tez-tez ( ≥1/100-dən <1/10-dək); bəzən (≥1/1000-dən <1/100- dək); nadir (≥1/10000-dən <1/1000-dək); çox nadir (<1/10000); məlum deyil (mövcud məlumatlar başvermə tezliyini müəyyən etmək üçün kifayət deyil).

Qanyaradıcı və limfa sisteminə :Bəzən: trombositopeniya, leykopeniya, eozinofiliya; Nadir: neytropeniya, ağır dərəcəli neytropeniya daxil olmaqla; Çox nadir: trombotik trombositopenik purpura (TTP), aplastik anemiya, pansitopeniya, aqranulositoz, ağır dərəcəli trombositopeniya, qranulositopeniya, anemiya; Məlum deyil: qazanılmış hemofiliya A.

İmmun sistemə: Çox nadir: anafilaktoid reaksiyalar, zərdab xəstəliyi; rastgəlmə tezliyi məlum deyil: tienopiridinlərə (tiklopidin, prazuqrel kimi) qarşı çarpaz-reaktiv hiperhəssaslıq reaksiyaları, autoimmun insulin sindromu.

Psixi pozulmalar: Çox nadir hallarda: hallüsinasiyalar, şüurun dolaşıqlığı.

Sinir sisteminə: Bəzən: kəllədaxili qanaxmalar (ölümlə nəticələnən tək-tək halları haqqında bildirilmişdir), başağrısı, başgicəllənmə, paresteziya; Çox nadir: dadbilmə qabiliyyətinin pozulması.

Görmə orqanına: Bəzən: göz daxili qansızmalar (konyunktival, окulyar, retinal).

Eşitmə orqanına və labirint sisteminə: Nadir hallarda: vertiqo.

Ürək-damar sisteminə: Tez-tez: hematoma; Çox nadir: ciddi qansızmalar, əməliyyat yaralarından qanaxma, vaskulit, hipotenziya. Məlum deyil: Kounis sindromu.

Tənəffüs sisteminə, döş qəfəsi və divararalığı orqanlara :Tez-tez: burun qanaxması; Çox nadir: tənəffüs yollarından qanaxma (qanqusma, ağciyərlərdən qanaxma), bronxospazm, interstisial pnevmonit, eozinofil pnevmoniyası.

Həzm sisteminə :Tez-tez: mədə-bağırsaq traktında qanaxma, dispepsiya, qarın nahiyəsində ağrılar, diareya; Bəzən: ürəkbulanma, qastrit, meteorizm, qəbizlik, qusma, qastrik və duodenal xoralar; Nadir: retroperitoneal qansızmalar; Çox nadir: ölümlə nəticələnə bilən qastrointestinal və retroperitoneal qanaxmalar, pankreatit, kolit (xoralı və limfositar kolit daxil olmaqla), stomatit.

Hepatobiliar sistemə: Çox nadir hallarda: hepatit, kəskin qaraciyər çatışmazlığı, qaraciyər funksiyasının normal göstəricilərinin dəyişilməsi.

Dəri və dərialtı piy toxumasına: Tez-tez: hematoma, qançır. Bəzən: səpgi, qaşınma, dəridə qansızmalar (purpura); Çox nadir: makulo-papulyoz eritematoz və ya eksfoliativ səpgisi, məxmərək, qaşınma, angioödem, bullyoz dermatit (Stivens-Jonson sindromu, kəskin qeneralizəolunmuş ekzantematoz pustulyoz, toksik epidermal nekroliz), dərmanla induksiya olunmuş hiperhəssaslıq sindromu, eozinofiliya ilə və sistem simptomlarla müşayiət olunan dərman səpgisi (DRESS-sindrom), ekzema, qırmızı yastı dəmrov.

Reprоduktiv sistemə və süd vəzilərinə: Nadir: ginekоmastiya.

Sümük-əzələ sisteminə və birləşdirici toxumaya: Çox nadir: sümük-əzələ qansızmalar (hemartrozlar), artrit, artralgiya, mialgiya.

Böyrək və sidikçıxarıсı yollarına: Bəzən: hematuriya; Çox nadir: qlomerulonefrit, qanda kreatinin səviyyəsinin artması.

Ümumi pozulmalar və yerli reaksiyalar: Tez-tez: damarların deşilmə yerindən qanaxma Çox nadir: qızdırma.

Laborator göstəriciləri: Bəzən: qanaxma müddətinin uzanması, neytrofil və trombositlər miqdarının azalması. Arzuolunmaz effektlər baş verdikdə həkimə müraciət edin.

Doza həddinin aşılması

Klopidoqrel doza həddinin aşılması qanaxma müddətinin uzanmasının və hemorragik fəsadların yaranmasına səbəb ola bilər. Spesifik antidotu yoxdur. Uzanmış qanaxma müddətinin təcili korreksiyası məqsədi ilə trombositar kütlənin transfuziyasının keçirilməsi tövsiyə olunur.

Buraxılış forması

Dilyutiks 75 mq, 14 örtüklü tablet blisterdə. 2 blister (28 örtüklü tablet), içlik vərəqə ilə birlikdə karton qutuya qablaşdırılır.

Aptekdən buraxılma şərti

Resept əsasında buraxılır.