pharmed
D-KOLEROL 5000 IU N28 CAP
D-KOLEROL 5000 BV daxilə qəbul üçün yumşaq kapsullar
D-COLEROL
Təsiredici maddə: 1 kapsulda 5000 BV xolekalsiferol (125 mkq Vitamin D3) (qoyun
yunundan alınan) vardır.
Köməkçi maddələr: günəbaxan yağı, E vitamini, qida jelatini (mal ətindən alınan jelatin), təmiz su,
qliserin, sorbitol.
Təsviri
Şəffaf, açıq sarıya yaxın rəngdə, oval yumşaq kapsuldır.
Farmakoloji xüsusiyyətləri
D-KOLEROL-un tərkibində təsiredici maddə olan xolekalsiferol (qoyun yunundan alınan) (Xolekalsiferol, D3 vitamini kimi də adlanır) vardır. Köməkçi maddə kimi isə tərkibində qida jelatini (mal ətindən alınan jelatin) vardır.
İstifadəsinə göstərişlər
D vitamini çatışmazlığının müalicəsi, dəstəklənməsi və profilaktikası (qarşısının alınması) üçün istifadə edilir.
Əks göstərişlər
Preparatın komponentlərindən hər hansı birinə qarşı allergiya (yüksək həssaslıq), Ağır yüksək qan təzyiqi (hipertenziya)
İnkişaf etmiş damar gərginliyi (arteroskleroz),
Aktiv ağciyər vərəmi mövcud olarsa, bu dərman uzun müddət yüksək dozada istifadə edilməməlidir. D hipervitaminozu (D vitamininin həddindən artıq miqdarda qəbul edilməsi və ya toplanması ilə bağlı olaraq yaranan bir xəstəlik olub, iştahanın itməsi, qəbizlik, du-manlı görmə və əzələ zəifliyi kimi simptomlarla müşayiət olunur).
Hiperkalsiemiya (qanda kalsiumun konsentrasiyasının normaldan yüksək olması) və ya hiperkalsiuriya (sidiklə xaric olan kalsiumun miqdarının artması).
Nefrokalsinoz (böyrəktə kalsium kristallarının toplanması) və/və ya böyrəkdaşı (kalsium tərkibli) xəstəliyi.
Kalsium tərkibli böyrək daşlarının yaranmasına meyillilik, Kalsiuma qarşı həssaslıq,
Ciddi böyrək çatışmazlığı və ya ciddi böyrək problemlərinin olması, 11 yaşdan aşağı körpələrdə və uşaqlarda istifadə edilməməlidir.
Xüsusi göstərişlər və ehtiyat tədbirləri
Əgər,
çox hərəkət etmirsinizsə,
benzotiadiazin törəməli diuretik (sidikqovucu) istifadə edirsinizsə,
böyrək funksiyalarınızda pozğunluq və ya anamnezinizdə böyrəkdaşı xəstəliyi varsa, sarkoidozunuz (bütün toxuma və orqanları əhatə edə bilən xroniki, qranulomatoz xəstəlik) varsa, Psevdohipoparatireozunuz (qalxanabənzərətraf vəzi çatışmazlığının müəyyən forması) varsa, Qaraciyər və ya böyrək xəstəliyiniz varsa,
Tərkibində D vitamini və onun törəmələri olan başqa bir dərman istifadə edirsinizsə, Mədə-bağırsaq sisteminizdə iltihab (enterit, kolit, divertikulit və xoralı kolit) varsa
Mədəaltı vəzinin iltihabı (pankreatit) və mədə xorası (mədənin xora xəstəliyi) zamanı preparatın istifadəsini ciddi qiymətləndirmək lazımdır.
11 yaşdan aşağı körpələrdə və uşaqlarda istifadə edilməməlidir. Ürək-damar xəstəliyinə görə müalicə alırsınızsa.
Piylənməniz (bədən kütləsi indeksi (BKİ) 30 kq/m2-dən yüksəkdirsə) varsa. Hiperfosfatemiyanız (qanda fosfatların səviyyəsinin yüksək olması) varsa.
D vitamininin terapevtik indeksi körpələrdə və uşaqlarda olduqca aşağıdır. Hiperkalsiemiya uzun müddət davam edərsə, körpələrdə zehni və fiziki inkişaf ləngiyir. Müalicəvi (terapevtik) dozlarda D vitamini alan anaların südəmər uşaqlarının qanında kalsiumun səviyyəsinin yüksəlmə riski (hiperkalsiemiya) vardır.
Tərkibində D vitamini olan dərmanların hamiləlik dövründə istifadəsi tövsiyə olunmur, əgər hamiləlik dövründə onların istifadəsi zəruri olarsa, həkim nəzarəti altında istifadə edilməlidir.
Tərkibində D vitamini olan dərmanların hamiləlik dövründə profilaktik məqsədlə istifadəsi zamanı
maksimum doza 1000 BV/gün-ü keçməməlidir.
Dəstəkləyici (davamedici doza) doza risk qruplarında müalicə və profilaktika (qarşısının alınması) üçün ən yüksək dözülə bilən dozadır (bax: “İstifadə qaydası və dozası”):
Yenidoğulmuşlar: 1000 BV/gün (25 mkq/gün)
1 aylıq-1 yaş: 1500 BV/gün (37.5 mkq/gün)
1-10 yaş: 2000 BV/gün (50 mkq/gün)
11-18 yaş: 4000 BV/gün (100 mkq/gün)
18 yaşdan yuxarı böyüklər: 4000 BV/gün (100 mkq/gün).
D-KOLEROL-un tərkibində olan bəzi köməkçi maddələr haqqında mühüm məlumatlar
Bu preparatın tərkibində sorbitol (E 420) vardır. Əgər həkiminiz Sizdə bəzi şəkərlərə qarşı yüksək həssaslığın olmasını söyləmişdirsə, bu dərman preparatını istifadə etməyə başlamazdan əvvəl həkiminizlə məsləhətləşin.
Əgər bu xəbərdarlıqlar keçmişdə istənilən vaxt da daxil olmaqla, Sizin üçün keçərlidirsə, lütfən, bu barədə həkiminizə məlumat verin.
Digər dərman vasitələri ilə qarşılıqlı təsiri
Qıcolmaəleyhinə dərman preparatları (qıcolmaların müalicəsi üçün istifadə olunan dərmanlar), fenitoin, fenobarbital, hidantoin, barbitüratlar və ya pirimidon (epilepsiya zamanı istifadə olunan dərmanlar), rifampisin (vərəmin müalicəsi üçün istifadə olunan antibiotik) və qlü-kokortikoidlər (hormona bənzər dərmanlar) ilə birlikdə istifadə zamanı vitamin D-nin təsiri zəifləyə bilər.
Kalsitonin, etidronat, qallium nitrat, pamidronat və ya pliamisin tərkibli dərmanlar ilə hiperkalsemiyanın (qanda kalsiumun səviyyəsinin yüksək olması) müalicəsi üçün eyni zamanda istifadəsi adı çəkilən bu dərmanların təsirini zəiflədə bilər.
Tərkibində yüksək dozada kalsium olan dərmanlar və ya diuretiklər (sidikqovucular) ilə eyni zamanda birlikdə istifadə zamanı qanda kalsiumun konsentrasiyası normal səviyyədən yüksək ola bilər (hiperkalsemiya riski).
Uzunmüddətli müalicələrdə zərdabda və sidikdə kalsiumun konsentrasiyasına diqqətlə nəzarət
edilməsi lazımdır.
Multivitaminlər daxil olmaqla, tərkibində D vitamini və ya onun törəmələri olan digər dərmanlarla birlikdə istifadəsi zəhərlənmə (toksiklik) ehtimalını artırdığına görə tövsiyə edilmir.
İzoniazid (vərəmin müalicəsi üçün istifadə olunan dərman), vitamin D3-ün effektivliyini azalda bilər. Ürək qlikozidləri (ürək çatışmazlığı zamanı istifadə olunan dərmanlar) ilə müalicə edilən xəstələr, kalsiumun yüksək səviyyələrinə qarşı həssas ola bilər və bu səbəbdən bu xəstələrin EKQ (ürəyin rentgenoqramı) parametrlərinə və kalsiumun səviyyəsinə həkim tərəfindən mütləq nəzarət edilməlidir. Yağların absorbsiyasını azalda bilən preparatlar, orlistat (piylənmənin müalicəsində istifadə olunan dərman), duru parafin (mineral yağ) və kolestiramin kimi öd turşularını birləşdirici qətranlar (xolesterinin yüksək səviyyəsinin müalicəsi üçün istifadə olunan dərmanlar) vitamin D-nin absorbsiyasını azalda bilər.
Aktinomisin (xərçəng dərmanı) və imidazol (göbələkəleyhinəı dərman) D vitamininin aktivliyinə təsir göstərə bilər.
Tərkibində D vitamini olan dərmanlar qanda alüminium-hidroksidin (mədə turşuluğunu azaldan bəzi dərmanların tərkibində ola bilər) səviyyəsini yüksəldə bilər.
Danazol (süd vəzisinin bəzi xəstəlikləri və müxtəlif ginekoloji xəstəliklərin müalicəsi üçün istifadə olunan dərman) D vitamininin hiperkalsiemik təsirini gücləndirir.
D vitaminləri fosfatların səviyyəsini dəyişdirərək erdafitinibin (xərçəng dərmanı) müalicəvi təsirini azalda bilər.
Mineral yağlar D vitamini törəmələrinin qanda konsentrasiyasını aşağı sala bilər. Mineral yağlarla D vitamini törəmələrinin birlikdə istifadəsindən qaçmaq lazımdır. Qarşılıqlı təsir riskini azaltmaq üçün bu dərmanlar bir neçə saat intervalla ayrı-ayrı istifadə edilə və qanda kalsiumun səviyyəsi həkiminiz tərəfindən izlənməlidir.
Orlistat (piylənmənin müalicəsi üçün dərman) D vitamini törəmələrinin absorbsiyasını pozaraq qanda onların konsentrasiyasını aşağı sala bilər. Əgər D vitamini ilə müalicə müddətində orlistat istifadə etməyiniz mütləq zəruri olarsa, vitamin D törəmələrinin orlistatın istifadəsindən ən azı 2 saat əvvəl və ya sonra istifadəsi tövsiyə olunur və qanda kalsiumun səviyyəsi və müalicəyə cavab reaksiyanız həkiminiz tərəfindən izlənməlidir.
Tərkibində D vitamini olan dərmanlar sukralfatın (mədəqoruyucu dərman) qanda səviyyəsini yüksəldə bilər.
Əgər reseptsiz və ya resept əsasında buraxılmasından asılı olmayaraq hazırda hər hansı digər dərman preparatı istifadə edirsinizsə və ya yaxın zamanlarda istifadə etmisinizsə, lütfən, bu barədə həkiminizə və ya əczaçıya məlumat verin.
Hamiləlik və laktasiya dövründə istifadəsi
Bu dərmanı istifadə etməyə başlamazdan əvvəl həkiminizlə və ya əczaçı ilə məsləhətləşin.
Tərkibində D vitamini olan dərmanların hamiləlik dövründə istifadəsi tövsiyə olunmur, əgər hamiləlik dövründə onların istifadəsi zəruri olarsa, həkim nəzarəti altında istifadə edilməlidir.
Tərkibində D vitamini olan dərmanların hamiləlik dövründə profilaktik məqsədlə istifadəsi zamanı
maksimum doza 1000 BV/gün-ü keçməməlidir.
Müalicə müddətində hamilə olduğunuzu hiss etsəniz, dərhal bu barədə həkiminizə və ya əczaçıya məlumat verin.
Laktasiya dövrü
D-KOLEROL laktasiya dövründə həkim nəzarəti altında istifadə edilə bilər. Ana südünə nüfuz etdiyi üçün həkiminizin tövsiyə etdiyi şəkildə istifadə edin.
Bu dərmanı istifadə etməyə başlamazdan əvvəl həkiminizlə və ya əczaçı ilə məsləhətləşin.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
D-KOLEROL-un nəqliyyat vasitələrini və digər potensial təhlükəli mexanizmləri idarəetmə qabiliyyətinə təsirinə dair hər hansı məlumat yoxdur.
İstifadə qaydası və dozası
D-KOLEROL daxilə qəbul edilir.
Hər bir yumşaq kapsulda 5000 BV (125 mikroqram) Vitamin D3 vardır. 11 yaşdan kiçik uşaqlarda və körpələrdə istifadə edilməməlidir.
Uşaqlarda istifadəsi
11-18 yaşlı uşaq və yeniyetmələrdə D vitamini çatışmazlığının profilaktikası və müalicəsi üçün: gündəlik 400-800 BV doza ekvivalent şəkildə həftədə 1 ədəd D-KOLEROL 5000 BV yumşaq kapsul həkimin tövsiyə etdiyi şəkildə istifadə edilməlidir.
11-18 yaşlı uşaq və yeniyetmələrdə D vitamini çatışmazlığının müalicəsində: gündəlik 3000-5000 BV doza ekvivalent şəkildə həftə ərzində gündə 2 ədəd D-KOLEROL 2000 BV yumşaq kapsul həkimin tövsiyə etdiyi şəkildə istifadə edilməlidir.
11-18 yaşlı risk qrupunda dəstəkləyici müalicə və profilaktika üçün ən yüksək dözülə bilən doza gündə 1 ədəd D-KOLEROL 5000 BV yumşaq kapsuldur.
Böyüklərdə istifadəsi
Vitamin D çatışmazlığının profilaktikasında və dəstəkləyici müalicəsində: gündəlik 600-1500 BV doza ekvivalent şəkildə həftədə 1-2 ədəd D-KOLEROL 5000 BV yumşaq kapsul həkimin tövsiyə etdiyi şəkildə istifadə edilir.
Vitamin D çatışmazlığının müalicəsində: gündəlik 7000-10000 BV doza ekvivalent şəkildə gündə 2 ədəd D-KOLEROL 5000 BV yumşaq kapsul həkimin tövsiyə etdiyi şəkildəvə müddət ərzində istifadə edilir.
* Lazım gələrsə, 1000 BV-yə qədər yüksəldilə bilər.
** 6-8 həftəyə qədər istifadə edilə bilər.
*** gündəlik yerinə həftəlık dozanın istifadəsi istənilərsə, 50 000 BV birdəfəyə həftəlık doza olaraq 6-8 həftəyə qədər istifadə edilə bilər.
Tərkibində D vitamini olan dərmanların hamiləlik dövründə istifadəsi tövsiyə olunmur, əgər hamiləlik dövründə onların istifadəsi zəruri olarsa, həkim nəzarəti altında istifadə edilməlidir.
Tərkibində D vitamini olan dərmanların hamiləlik dövründə profilaktik məqsədlə istifadəsi zamanı
maksimum doza 1000 BV/gün-ü keçməməlidir.
Müxtəlif yaş qrupları
Uşaqlarda istifadəsi
0-11 yaşlı uşaqlarda istifadəsi tövsiyə olunmur.
Yaşlılarda istifadəsi
Dozaya düzəliş edilməsi tələb olunmur.
Xüsusi istifadə halları
Aşağıdakı əhali qruplarından bəziləri Vitamin D çatışmazlığına görə yüksək riskə məruz qalır, ona görə də zərdabda D vitamininin yüksək dozalarının və səviyyəsinin monitorinqinin aparılması lazım gələ bilər:
Qulluğa və ya stasionara ehtiyacı olan xəstələr. Dərisi tünd rəngdə olanlar.
Günəş şüalarının təsirinə kifayət qədər məruz qalmayan və ya daim günəşdən qoruyucu krem istifadə edən insanlar.
Osteoporoza (sümük toxumasının sıxlığının azalması) görə qiymətləndirilən xəstələr. Tosqun (yüksək bədən kütləsinə malik) insanlar.
Bəzi dərmanların eyni zamanda istifadəsi, məsələn, qıcolmaəleyhinə dərmanlar (epilepsiya zamanı istifadə olunan dərmanlar), qlükokortikoidlər (hormona benzər dərmanlar), anti-retrovirus preparatlar (virus infeksiyalarının müalicəsi üçün istifadə olunan dərmanlar).
D vitamini çatışmazlığına görə yaxın zamanda müalicə alanlar və dəstəkləyici müalicəyə ehtiyacı
olanlar.
Qaraciyər və ya böyrək xəstəliyi olanlar.
Malabsorbsiyası (bağırsaq absorbsiyasının pozğunluğu), iltihabı, bağırsaq xəstəliyi və seliakiya xəstəliyiı (bağırsağın buğda məhsullarına qarşı həssaslıqla müşayiət olunan iltihabi xəstəliyi) olanlar. Qaraciyər çatışmazlığı zamanı istifadəsi
Dozaya düzəliş edilməsi tələb olunmur.
Böyrək çatışmazlığı zamanı istifadəsi
Dozaya düzəliş edilməsi tələb olunmur. Lakin, xolekalsiferol ciddi böyrək çatışmazlığı olan xəstələrdə istifadə edilməməlidir. D3 vitamininin uzun müddət istifadə edilməsini lazımlı edən hallarda böyrək funksiyalarına nəzarət edilməlidir. Ağır böyrək çatışmazlığı zamanı kalsium ilə birlikdə istifadə edilməməlidir.
D-KOLEROL-un qida və içkilərlə birlikdə istifadəsi
Qida və içkilərlə heç bir qarşılıqlı təsiri yoxdur.
D-KOLEROL-u istifadə etməyi unutmusunuzsa
Unudulan doanı əvəz etmək üçün ikiqat doza qəbul etməyin.
Unudulan dozanı buraxın və növbəti dozanı qəbul etməli olduğunuz vaxtda qəbul edin.
D-KOLEROL ilə müalicə dayandırıldığı zaman meydana çıxa biləcək təsirlər
Müalicə dayandırıldığı zaman hər hansı bir təsirin meydana çıxması gözlənilmir. Həkiminiz tərəfindən göstəriş olmadığı halda, D-KOLEROL ilə müalicəni dayandırmayın.
Əgər D-KOLEROL-un təsirinin çox güçlü və ya zəif olduğunu müşahidə edirsinizsə, həkiminizlə və ya əczaçı ilə məsləhətləşin.
Əlavə təsirləri
Bütün dərmanlar kimi, D-KOLEROL-un tərkibində olan maddələrə həssas olan insanlarda əlavə təsirlər meydana çıxa bilər.
Geniş kompleks klinik tədqiqatlar aparılmadığı üçün əlavə təsirlərin başvermə tezliyi məlum deyil. D-KOLEROL-un normal dozalarda və uzun müddətdə istifadəsi zamanı əlavə təsirlərin meydana çıxması az ehtimal olunur. D3 vitamininin yüksək dozlarda istifadəsi və müalicə müddətinin nəzarətsiz bir şəkildə uzadılması aşağıdakı əlavə təsirlərin meydana çıxmasına səbəb ola bilər: Aşağıdakı əlavə təsirlərdən hər hansı biri meydana çıxarsa, D-KOLEROL-un istifadəsini dayandırmaq və DƏRHAL həkimə və ya ən yaxın xəstəxananın təcili yardım şöbəsinə müraciət etmək lazımdır:
Qaşınma, səpgi, dəridə ağ və ya qırmızımtıl qabarlar (övrə) kimi yüksək həssaslıq simptomları.
Bunların hamısı çox ciddi əlavə təsirlərdir. Əgər bunlardan biri sizdə mövcuddursa, bu, sizin D- KOLEROL-a qarşı ciddi allergiyanızın olması deməkdir. Təcili tıbbi müdaxiləyə və ya xəstəxanaya yerləşdirilməyinizə ehtiyac ola bilər.
Bu çox ciddi əlavə təsirlərin hamısı olduqca nadir hallarda müşahidə edilə bilər. Əlavə təsirlər başvermə tezliyinə görə aşağıdakı kimi sadalanır:
çox tez-tez: l0 xəstənin ən azı 1-ində meydana çıxa bilər.
Tez-tez: l0 xəstənin birindən azında, lakin l00 xəstənin birindən çoxunda meydana çıxa bilər. Bəzən: l00 xəstənin birindən azında, lakin 1000 xəstənin birində və ya birindən çoxunda meydana çıxa bilər.
Nadir: çox nadir:1000 xəstənin 1-dən azında, lakin, 10000 xəstənin 1-də və ya 1-dən çoxunda Çox nadir:10000 xəstənin 1-dən azında meydana çıxa bilər.
Məlum deyil: mövcud məlumatlara əsasən başvermə tezliyini müəyyən etmək mümkün deyil.
Bəzən
Sidiklə xaric olan kalsiumun miqdarının artması.
Qanda kalsiumun miqdarının normalan yüksək olması (hiperkalsiemiya)
Nadir Qaşınma Səpgi Övrə
Məlum deyil
Kanda arta kalan (rezidüel) azot miktarının yükselmesi (Kan ve idrar testleri ile tespit edilir.)
Qəbizlik
Mədədə qaz toplanması Ürəkbulanma
Qarın nahiyəsində ağrı İshal
Həddindən artıq miqdarda sidyəgetmə (poliuriya) Həddindən artıq susama (polidipsiya)
Sidiyə gedə bilməmək (anuriya) Qızdırma
Əgər bu içlik vərəqədə qeyd edilməyən hər hansı bir əlavə təsir meydana çıxarsa, bu barədə həkiminizə və ya əczaçıya məlumat verin.
Əlavə təsirlər haqqında məlumatın verilməsi
Dərman vasitələrinin istifadəsi zamanı yaranan əlavə təsirlər haqqında məlumatlar Azərbaycan Respublikası Səhiyyə Nazirliyi Analitik Ekspertiza Mərkəzinin Farmakonəzarət Şöbəsinə verilməlidir (Ünvan: AZ1065, Azərbaycan Respublikası; Bakı şəh., Cəfər Cabbarlı küç., 34.; Faks: (99412) 596- 07-16 ; e-mail: adr@pharma.az; Tel.:(99412)596-05-20 Qaynar xətt (99412) 596-07-12).
Meydana çıxan əlavə təsirlər barədə məlumat verməklə, istifadə etməkdə olduğunuz dərmanın təhlükəsizliyi barədə daha çox məlumatın toplanmasına kömək etmiş olursunuz.
Doza həddinin aşılması
D vitamini uzun müddət ərzində yüksək dozada istifadə olunarsa, vitamin artıqlığına (hipervitaminoza) səbəb olur.
Əgər həddindən artıq miqdarda D-KOLEROL istifadə edilərsə, Sizdə hiperkalsiemiya (qanda kalsiumun səviyyəsinin normadan yuxarı olması) inkişaf edə bilər. Hiperkalsiemiyanın simp-tomları: yorgunluq, psixiatrik simptomlar (eyforiya (nəşə, özünəgüvən, güclülük kimi duyğuların aşırı şəkildə biruzə verməsi), başgicəllənmə, şüurun dumanlanması kimi), ürəkbulanma, qusma, iştahanın itməsi, bədən kütləsinin azalması, susama, poliuriya (artıq miqdarda sidiyəgetmə), böyrək daşının inkişafı, nefrokalsinoz (böyrəkdə duz toplanması), sümüklərdə həddindən artıq kirəcləşmə və böyrək çatışmazlığı, EKQ-də (ürəyin elektrik aktivliyi) dəyişikliklər, ürək ritminin pozulması və pankreatit (mədəaltı vəzinin iltihabı).
Müalicəsi: D vitamininin istifadəsi dayandırılır, aşağı səviyyədə kalsiumlu. Günəş şüalarının təsirindən qorunmaq lazımdır.
Dərman təzəcə qəbul edilmişdirsə, mədə yuyula və ya qusma törədilə bilər.
D-KOLEROL lazım olduğundan artıq miqdarda istifadə edilmişdirsə, həkimlə və ya əczaçı ilə məsləhtləşmək lazımdır.
Buraxılış forması
28, 60 və ya 120 kapsul içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən aşağı otaq temperaturunda, qablaşdırmasında və uşaqların əli çatmayan yerdə saxlamaq lazımdır.
Yararlılıq müddəti bitmiş və ya istifadə edilməyən dərmanları məişət tullantılarının içərisinə atmayın! Atılmalı olan dərman preparatının hara atılmalı olduğunu əczaçıdan soruşun. Bu tədbirlər ətraf mühitin qorunmasına xidmət edir.
Yararlılıq müddəti
Yararlılıq müddəti qablaşdırmanın üzərində qeyd edilmişdir. Yararlılıq müddəti bitdikdən sonra istifadə etmək olmaz.
Əgər preparatda və/və ya qablaşdırmada hər hansı pozğunluq hiss edilərsə, D-KOLEROL istifadə edilməməlidir.
Aptekdən buraxılma şərti
Resept əsasında buraxılır.
İstehsalçı
Vefa İlaç San. ve Tic. Ltd. Şti. Beylikdüzü/İstanbul/Türkiye.
Lisenziyanın sahibi
Vefa İlaç San. ve Tic. Ltd. Şti. Mermerciler San. Sit. 2. Cadde No:3 Beylikdüzü/İstanbul/Türkiye Telefon: (0212) 438 70 85
Faks: (0212) 438 70 87.