Pharmed
CALGEL 1/3,3MG 10GR GEL
CALGEL
CALGEL Tərkibi
Təsiredici maddə: gelin tərkibində 0,33% ç/ç lidokain hidroxlorid, 0,10% ç/ç setilpiridinium xlorid vardır. Köməkçi maddə: kristallaşmayan sorbitol məhlulu 70%, ksilitol, etanol 96%, qliserin, hidroksietilsellüloza 5000 cps, makroqolqliserol hidroksistearat, hidroksipolietoksidodekan (lauret-9), makroqol 300, natrium saxarin, levomentol, bitki aromatizatoru, karamel (E150), natrium sitrat, sitrat turşusu monohidrat, təmizlənmiş su. Təsviri Sarımtıl-qəhvəi, səciyyəvi iyi olan geldir. Homogendir, düyüncüklərdən, tozcuqlardan və yad cisimlərdən azaddır.
Farmakoterapevtik qrupu
Yerli anestetik (amid tipli). Lidokainin kombinəolunmuş preparatı.
ATC kodu: N01BB52.
Farmakoloji xüsusiyyətləri
Farmakodinamikası: Lidokain selikli qişalara yaxıldıqda, anesteziyaedici təsir göstərir, lidokain hidroxlorid/setilpiridinium xlorid diş geli analgetik (ağrıkəsici) preparat hesab olunur və selikli qişaya istifadə olunur. Setilpiridinium xlorid antiseptik xüsusiyyətlərə malikdir.
Farmakokinetikası: Absorbsiyası Lidokain selikli qişalardan tez bir zamanda sorulur. Paylanması Lidokain alfa 1-turşu qlikoproteinləri daxil olmaqla, plazma zülalları ilə birləşir. Birləşmə dərəcəsi dəyişilir, lakin təxminən 66% təşkil edir. Plazma zülalları ilə birləşməsi həm lidokainin səviyyəsindən, həm də alfa 1-turş qlikoproteinlərin səviyyəsindən asılıdır. Alfa 1-turş qlikoproteinlərin səviyyəsində baş verən hər hansı dəyişiklik lidokainin konsentrasiyasına əhəmiyyətli dərəcədə təsir göstərə bilər. Metabolizmi Lidokain əhəmiyyətli dərəcədə qaraciyərdə metabolizə olunur. Qaraciyərdə metabolizmi sürətlidir və istifadə edilən dozanın 90%-i monoetilqlisineksilidid və qlisineksilididə qədər dealkilləşir. Eliminasiyası Lidokainin metabolitləri böyrəklər vasitəsilə xaric olur, bu zaman 10%-dən aşağı lidokain dəyişilməmiş şəkildə xaric olur. İstifadəsinə göstərişlər Lidokain hidroxlorid/setilpiridinium xlorid tərkibli diş geli 5 aylıqdan başlayan uşaqlarda, qeyri dərman vasitəsi olan müalicə üsulları, kifayət gədər rahatlaşdırma gətirmədiyi halda, dişlər çıxan zaman ağrının və diskomfortun rahatlaşdırılması üçün təyin edilir. O, həmçinin mülayim antiseptik təsirə malikdir.
Əks göstərişlər
Lidokain hidroxlorid/setilpiridinium xlorid tərkibli diş geli aşağı halda əks göstərişdir: Lidokain hidroxloridə və/yaxud setilpiridinium xloridə yaxud köməkçi maddələrdən hər hansı birinə qarşı yüksək həssaslığı olan pasiyentlərdə istifadəsi.
Xüsusi göstərişlər və ehtiyat tədbirləri
Uşaqlar üçün istifadə olunur. Lidokain tərkibli dərman vasitələrinin eyni zamanda birindən artıq istifadə etməyin. Tövsiyə olunan dozanı aşmaq olmaz. Uşaqların əli çatmayan və gözü görməyən yerdə saxlayın. Digər dərman vasitələri ilə qarşılıqlı təsiri Lidokain hidroxlorid/setilpiridinium xlorid tərkibli diş gelinin digər dərmanlarla qarşılıqlı təsiri məlum deyil. Venadaxili yeridilmə zamanı lidokainlə oral istifadə olunan aşağıdakı preparatlar arasında qarşılıqlı təsirin olmasına dair məlumatlar vardır: prokainamid, monoterapiya şəklində fenitoin və ya fenitoinin fenobarbitalla kombinasiyası, primidon və ya karbamazepin, propranolol və bumetanid, furosemid, həmçinin tiazid diuretikləri daxil olmaqla, kaliumqoruyucu olmayan diuretiklər. Bu dərmanlarla qarşılıqlı təsirlərin lidokain hidroxlorid/setilpiridinium xlorid diş gelinin istifadəsi ilə baş verməsi ehtimalı azdır. Uyuşmazlığı Müvafiq məlumat yoxdur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Lidokain hidroxlorid/setilpiridinium xlorid diş gelinin nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri yoxdur.
CALGEL İstifadə qaydası və dozası
Ağız boşluğunun selikli qişalarına yaxılır. Böyüklərdə istifadəsi Müvafiq məlumat yoxdur. Uşaqlarda istifadəsi Lidokain hidroxlorid/ setilpiridinium xlorid 5 aylıqdan yuxarı körpələr üçün nəzərdə tutulmuşdur. Noxud ölçülü miqdarda (0,2 qram) lidokain hidroxlorid/setilpiridinium xlorid diş gelini təmiz bir barmağınızla selikli qişanın zədələnmiş sahəyə çəkin. Zəruriyyət hallarında hər 3 saatdan bir, 24 saat ərzində, maksimum 6 dozaya qədər təkrarlana bilər. Semptomlar aradan qaldırıldıqdan sonra müalicə dayandırılmalıdır. 7 gündən çox istifadə etməyin. Müalicə zamanı, uşağın vəziyyəti pisləşərsə, valideynləri və ya öhdəçiləri həkimə müraciət etməlidirlər. Qusma, tüpürmə və ya təsadüfən udduqda, doza dərhal təkrarlanmamalıdır. Zəruriyyət hallarında doza 3 saatdan sonra təkrarlana bilər. Yaşlılarda istifadəsi Müvafiq məlumat yoxdur. Böyrək çatışmazlığı zamanı istifadəsi Müvafiq məlumat yoxdur. Qaraciyər çatışmazlığı zamanı istifadəsi Müvafiq məlumat yoxdur.
Əlavə təsirləri
Təlimata uyğun istifadə edildikdə, heç bir əlavə təsir gözlənilmir. Tək-tək hallarda böyüklərdə və 12 yaşdan yuxarı uşaqlarda inyeksiyadan sonra lidokain hidroxloridə qarşı yüksək həssaslıq reaksiyaları barədə məlumatlar daxil olmuşdur. Bu hallarda yüksək həssaslıq reaksiyaları ödem, nəfəsalmada azca çətinlik və ya səpgi ilə müşayiət olunur. Aromatizator kimi istifadə olunan çobanyastığı komponenti kiçik allergik reaksiyalara səbəb ola bilər. Çobanyastığına qarşı yüksək həssaslıq reaksiyası adətən çətin nəfəsalma ilə təzahür edir. Çobanyastığı çayı içən şəxslərdə anafilaktik şokun meydana çıxması ilə bağlı məlumatlar qeydə alınıb (çay astması). Həssas uşaqlarda tərkibində çobanyastığı olan preparatlara qarşı dəri reaksiyaları meydana çıxa bilər. Əlavə təsirlər meydana çıxarsa, gelin istifadəsi dayandırılmalı və həkimə müraciət edilməlidir. Əlavə təsirlər Beynəlxalq əlavə təsirlər lüğətinə (MedDRA) əsasən, sistem orqan sinfinə və başvermə tezliyinə görə qeyd olunub. Tezliklər aşağıdakı kimi təsnif edilir: Çox tez-tez: ≥1/10 Tez-tez : ≥1/100 -dən <1/10 –dək Bəzən: ≥1/1000-dən <1/100-dək Nadir: ≥1/10000-dən <1/1000-dək Çox nadir: <1/10000 Məlum deyil (mövcud məlumatlara əsasən başvermə tezliyini müəyyən etmək mümkün deyil). İmmun sistemdə baş verən pozğunluqlar Məlum deyil: yüksək həssaslıq (dermatit daxil olmaqla) Ümumi pozğunluqlar və dərmanı istifadə edilən sahənin vəziyyəti Məlum deyil: istifadə yerində reaksiyalar (eritema daxil olmaqla)
Doza həddinin aşılması
Setilpiridinium Setilpiridiniumin böyük dozalarda qəbulu mədə pozğunluğuna və mərkəzi sinir sisteminin depressiyasına səbəb ola bilər. Doza həddinin aşılması simptomları, bu preparatda olan setilpiridiniumin dozasından 70 dəfə yüksək doza qəbul edildikdə müşahidə olunmuşdur. Lidokain Yerli anestetik (istifadənin bütün növlərində) mərkəzi sinir sisteminə və ürəyə sistem toksik təsir göstərə bilər. Marketinqdən sonraki məlumatların təhlili nəticəsində bu dərmana aid doza həddinin aşılması əlamətləri müəyyən olunmamışdır. Müalicə klinik gostərişlərə və ya milli toksikologiya mərkəzinin tövsiyələrinə əsasən aparılmalıdır.
Buraxılış forması
10 q gel, membranla möhürlənmiş, daxildən lakla örtülmüş, qatlana bilən alüminium tubda. Tuba polipropilen qapaqla bağlanır. 1 tub içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.