FarmaMedical
BRONKVİDİAZİNA SR
BRONKVİDİAZİNA SR oral suspenziya
Beynəlxalq patentləşdirilməmiş adı: Trimetoprim + Sulphametoxazol + Bromhexin hydrochloride + Sodium Benzoate + Tolu balsam fluid extract
BRONKVİDİAZİNA, Tərkibi
Təsiredici maddələr: 7,5 ml məhlulun tərkibində 80 mq trimetoprim, 400 mq sulfametoksazol,
4 mq bromheksin hidroxlorid, 250 mq natrium benzoat, 325 mq toluol
balzamının duru ekstraktı vardır.
Köməkçi maddələr: metilparaben M, natrium saxarin, distilləedilmiş su, polisorbat 80, propilparaben M, cirə essensiyası, köpüklənməyə qarşı agent, ksantan saqqızı, qliserol,
İstifadəsinə göstərişlər
Sulfametoksazol/trimetoprim kombinasiyasına həssas olan qrammüsbət və qrammənfi mikroorqanizmlər tərəfindən törədilən yuxarı və ya aşağı tənəffüs yollarının infeksiyalarının müalicəsi: xroniki bronxitin kəskinləşməsi, orta qulaq infeksiyaları.
Pneumocystis carinii tərəfindən törədilmiş pnevmoniyanın müalicə və profilaktikası.
Sulfametoksazol/trimetoprim kombinasiyası A qrup betahemolitik streptokoklar tərəfindən törədilən farinqo-tonzillitin müalicəsində istifadə edilməməlidir, çünki klinik tədqiqatlar sübut etmişdir ki, penisillin bu halda daha yaxşı nəticələr göstərir.
Əks göstərişlər
Preparatın hər hansı bir komponentinə və ya ümumiyyətlə sulfamidlərə (sulfanil-sidik cövhəri qrupuna aid olan peroral hipoqlikemik vasitələr, tiazid qrupundan olan sidikqovucular, furosemid və ya karboanhidraza inhibitorları) qarşı yüksək həssaslıq.
Ağır böyrək və ya qaraciyər çatmamazlığı.
Qan xəstəlikləri, xüsusilə meqaloblastik anemiya.
Hamiləlik.
2 yaşa qədər körpələr.
Aktiv peptik xora.
Kəskin porfiriya.
Dərmana bağlı immun trombositopeniya.
Hamiləlik və laktasiya dövründə istifadəsi
Sulfametoksazol/trimetoprimin hamiləlik zamanı istifadə təhlükəsizliyi müəyyən edilməmişdir. Bu dərmanlar fol turşusunun metabolizminə mane ola bildiyindən, Bronkvidiazina hamiləlik dövründə əks göstərişdir.
Sulfametoksazol/trimetoprim ana südü ilə xaric olunur. Süd verən analara bu preparatın təyini sarılıq olan uşaqlarda nüvə sarılığın, qlükoza-6-fosfatdehidrogenaza çatışmazlığı olan uşaqlarda isə hemoliz riskinin yaranmasına səbəb ola bilər. Bu dərmanın laktasiya dövründə istifadəsinin mümkünlüyü həkim tərəfindən müəyyən olunur. Bu dərmanın laktasiya dövründə istifadəsindən qaçınılmalıdır.
Nəqliyyat vasitəslərini və digər potensial təhlükəli mexanizmləri idarəetmə qabiliyyətinə təsiri
Klinik təcrübə göstərir ki, bu preparatın pasiyentin avtomobil idarə etmək və ya mexanizmlərdən istifadə etmək qabiliyyətinə təsir etmə ehtimalı azdır.
BRONKVİDİAZİNA, İstifadə qaydası və dozası
Suspenziya daxilə qəbul üçündür.
Mədə-bağırsaq sistemi tərəfindən yarana bilən əlavə təsirləri minimuma endirmək üçün preparatı yeməkdən sonra qəbul etmək məsləhətdir.
İstifadədən əvvəl flakonu çalxalamaq lazımdır.
Böyüklər və 12 yaşdan yuxarı uşaqlar: 7,5 ml gündə 3 dəfə.
2 yaşdan 12 yaşa qədər uşaqlar: 2,5 ml gündə 3 dəfə.
Böyrək çatmamazlığı
Böyüklər
* Kreatin klirensi
30 ml/dəq-dən artıq: böyüklər üçün nəzərdə tutulmuş adi doza.
15-30 ml/dəq arasında: böyüklər üçün nəzərdə tutulmuş adi dozanın yarısı.
15 ml/dəq-dən aşağı: qəbulu məsləhət görülmür.
Uşaqlar
* Kreatin klirensi
30 ml/dəq-dən artıq: uşaqlar üçün nəzərdə tutulmuş adi doza.
20-30 ml/dəq arasında: uşaqlar üçün nəzərdə tutulmuş adi dozanın yarısı.
20 ml/dəq-dən aşağı: əks göstərişdir.
Müalicə müddəti
Müalicə müddəti 7-10 gündən az olmamalıdır.
Aptekdən buraxılma şəraiti
Resept əsasında buraxılır.