PharmEd

Pharmed

BIOSON ASINO N30 TB

BİOSON ASİNO 

 

BİOSON ASİNO Tərkibi

Təsiredici maddə: 1 tabletin tərkibində Passifloranın (Passiflorae herba) 300 mq quru ekstraktı,
 3,75 mq doksilamin hidrosuksinat vardır.
Köməkçi maddələr:qlisin, mikrokristallik sellüloza, kopovidon, krospovidon,
 prejelatinləşdirilmiş nişasta, susuz kolloidal silisium dioksid, maqnezium
 stearat.
Örtük: göy opadri II (polivinil spirti, titan dioksid (E 171), polietilenqlikol, talk,
 indiqokarmin (E 132), brillyant göyü (E 133), qara dəmir oksidi (E 172)),
 makroqol 6000, mikrokristallik sellüloza, krospovidon, hidrogenləşdirilmiş
 gənəgərçək yağı.


Farmakoterapevtik qrupu

Yuxugətirici və sedativ preparatlar.

ATC kodu: N05CM50.

 

Farmakoloji xüsusiyyətləri

Farmakodinamikası:
Passifloranın ekstraktının komponentləri onurğa və baş beyində sinir impulslarının nəql edilməsini
tormozlayır, mərkəzi sinir sisteminin oyanıqlığını azaldır ki, bununla da, oyanmadan sonra ağırlıq
qoymadan güclü sedativ, yüngül həyəcanəleyhinə və yuxugətirici effektə səbəb olur. Klimakterik və
preklimakterik dövrlərdə sakitləşdirici təsir göstərir. Sinir və ürək-damar sisteminin xəstəlikləri fonunda
vegetativ pozuntular zamanı istifadə edilir (serebral damar krizindən sonra bərpa dövründə hipertonik
xəstəlik, neyrosirkulyator distoniya, keçirilmiş infeksiyalar və digər ağır xəstəliklərdən sonra astenik
vəziyyətlər zamanı). Passiflora ürəkdöyünmə, yüksək tərləmə kimi vegetativ simptomları tarazlayır.
Doksilamin hidrosuksinat etanolamin sinfi H1-histamin reseptorlarının blokatorudur ki, bu da, sedativ,
yuxugətirici və antiallergik effektə malikdir. Yuxuyagetməyə lazım olan vaxtı azaltdığı nümayiş
etdirilmişdir, eləcə də, yuxunun müddətini və keyfiyyətini yaxşılaşdırır.
Farmakokinetikası:
Absorbsiyası:
Doksilamin suksinat qəbul edildikdən sonra qan plazmasında (Сmax) maksimal konsentrasiyaya orta
hesabla 2 saatdan (Тmax) sonra çatır.
Biotransformasiyası və xaric olması:
Qan plazmasından orta yarımxaricolma dövrü (Т½) 10 saat təşkil edir.
Doksilamin suksinat demetilləşmə və N-asetilləşmə yolu ilə qaraciyərdə qismən metabolizmə uğrayır.
Yarımxaricolma dövrü yaşlı pasiyentlərdə və böyrək və ya qaraciyər çatışmazlığı olan pasiyentlərdə
əhəmiyyətli dərəcədə arta bilər. Molekulun parçalanması zamanı yaranan müxtəlif metabolitlər miqdar
nöqteyi nəzərdən əhəmiyyətli deyil, belə ki, dozanın 60%-i sidikdə dəyişilməmiş şəkildə aşkar edilir.

 

İstifadəsinə göstərişlər

Periodik və tranzitor yuxusuzluq.

 

Əks göstərişlər

- Preparatın istənilən komponentinə qarşı yüksək həssaslıq;
- hamiləlik və laktasiya dövrü;
- pasiyentin anamnezində və ya ailə anamnezində bağlıbucaqlı qlaukoma;
- sidiyin ləngiməsi riskilə uretroprostatik pozulmalar.

 

Xüsusi göstərişlər və ehtiyat tədbirləri

Yuxusuzluq müxtəlif səbəblərə malik ola bilər ki, bu da dərman vasitələrinin qəbulu tələb edir, bu səbəbə
görə dərman vasitəsinin istifadəsindən əvvəl həkimlə məsləhətləşmək məsləhət görülür. Həzm
sisteminin ağır üzvi xəstəlikləri olan pasiyentlərdə ehtiyatla istifadə etmək lazımdır.
Bütün digər yuxugətiricilər və sedativ vasitələr kimi doksilamin hidrosuksinat da gecə apnoesi
(tənəffüsün dayanmasının sayının və müddətinin artması) sindromunu kəskinləşdirə bilər.
Toplanma riski:
Doksilamin suksinat orqanizmdə 5 yarımxaricolma dövrü qalır (“Farmakokinetikası” bölməsinə bax).
Yaşlı pasiyentlərdə və ya böyrək və ya qaraciyər funksiyası pozulmuş pasiyentlərdə yarımxarıcolma
dövrü əhəmiyyətli dərəcədə uzana bilər. Çoxsaylı istifadəsi zamanı preparat və ya onun metabolitləri
tarazlıq vəziyyətinə əhəmiyyətli dərəcədə gec və həddindən artıq yüksək səviyyədə çatır. Yalnız tarazlıq
vəziyyətinə çatdıqdan sonra dərman vasitəsinin effektivliyini və təhlükəsizliyini qiymətləndirmək olar.
Dozanın dəyişdirilməsi tələb oluna bilər.
Yaşlı pasiyentlər:
Yaşlı pasiyentlərdə H1-antihistamin vasitələri ehtiyatla istifadə etmək lazımdır, belə ki, koqnitiv
pozuntuların, əzginliyin, reaksiyanın ləngiməsi və/və ya başgicəllənmənin yaranması mümkündür ki, bu
kateqoriyalı pasiyentlərdə nəticəsi çox vaxt ciddi olan yıxılma riskini artırır (məsələn, pasiyent gecə
ayağa qalxanda).
Xüsusi ehtiyat tədbirləri:
Yaşlı pasiyentlər, böyrək və qaraciyər funksiyası pozulmuş pasiyentlər
Yaşlı pasiyentlərdə müalicəni minimal doza ilə başlamaq lazımdır.
Gün ərzində yuxululuğu aradan qaldırmaq üçün yadda saxlamaq lazımdır ki, preparatın qəbulundan
sonra yuxunun müddəti 7 saatdan az olmamalıdır.
Preparatın istifadəsi zamanı alkoqollu içkilərin və tərkibində etanol olan dərman vasitələrinin
qəbulundan çəkinmək lazımdır.
Stimuləedici içkilərlə (kofe, çay) eyni vaxtda istifadəsi məsləhət görülmür, eləcə də, emosional və görmə
gərginliyi, fiziki aktivlik.

 

Digər dərman vasitələri ilə qarşılıqlı təsiri

Barbituratlar, trankvilizatorlar kimi mərkəzi sinir sistemini zəiflədən preparatlarla eyni vaxtda istifadəsi
zamanı dərman vasitəsinin sedativ və yuxugətirici effekti güclənir.
Benzodiazepinlərlə eyni vaxtda istifadəsi məsləhət görülmür. Disulfiramla eyni vaxtda istifadəsindən
çəkinmək lazımdır.
Tövsiyə edilməyən kombinasiyalar:
Alkoqol (içki və ya köməkçi maddə qismində)
Alkoqol əksər H1-antihistamin vasitələrin sedativ effektini gücləndirir. Diqqətin azalması avtomobil
idarə etmək və mexanizmlərlə işləməyi təhlükəli edə bilər. Alkoqollu içkilərin qəbulundan və tərkibində
etanol olan dərman vasitələrinin istifadəsindən çəkinmək lazımdır.
Natrium oksibutirat mərkəzi sinir sisteminin (MSS) zəifləməsinə səbəb olur.
Eytiyat tələb edən kombinasiyalar:
Atropin və atropinəbənzər dərman vasitələri (imipramin antidepressantlar, antixolinergik
parkinsonəleyhinə preparatlar, atropinli spazmolitik dərman vasitələri, dizopiramid, fenotiazin
neyroleptikləri), sidiyin ləngiməsi, qəbizlik, ağızda quruluq kimi əlavə təsirlərin yaranmasının
nəticəsində.
MSS-ə təsir edən digər antidepressantlar:
Morfin törəmələri (ağrıkəsicilər; öskürəyin müalicəsi və əvəzedici terapiya üçün istifadə olunan
dərmanlar), neyroleptiklərlə; barbituratlarla; benzodiazepinlərlə; anksiolitiklərlə; sedativ
antidepressantlarla (amitriptilin, doksepin, mianserin, mirtazapin, trimipramin); sedativ H1-antihistamin
vasitələrlə; mərkəzi təsirli antihipertenziv vasitələrlə; digər (baklofen, pizotifen, talidomid) mərkəzi sinir
sisteminin zəifləməsinin güclənməsi nəticəsində.
Diqqətin azalması avtomobil idarə etməyi və mexanizmlərlə işləməyi təhlükəli edə bilər.
Digər yuxugətirici vasitələr MSS-in zəifləməsinə səbəb olur.

 

Hamiləlik və laktasiya dövründə istifadəsi

Hamiləlik və laktasiya dövründə istifadə etmək olmaz.
Pediatriyada istifadəsi:
15 yaşa qədər uşaqlarda istifadəsinin effektivliyi və təhlükəsizliyi müəyyən edilməyib, bu səbəbə görə
bu kateqoriyadan olan pasiyentlərdə istifadəsi məsləhət görülmür.

 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Bu preparatın qəbulu zamanı inkişaf edə bilən gündüz yuxululuğunun yaranması riskinə diqqət yetirmək
vacibdir, xüsusilə avtonəqliyyat idarə edən və mexanizmlərlə işləyən şəxslərdə. Onlara sakitləşdirici
vasitələrdən, natrium oksibutiratdan, alkoqollu içkilərdən və ya tərkibində alkoqol olan dərman
vasitələrindən yanaşı terapiya kimi istifadə etmək məsləhət görülmür və ya belə kombinasiyaların
istifadəsi zamanı antihistamin preparatların sedativ effektini nəzərə almaq lazımdır. Kifayət qədər
davam etməyən yuxu zamanı diqqətin toplanmasının azalması riski artır.
Müalicə dövründə nəqliyyat idarə etməkdən və digər potensial təhlükəli mexanizmlərlə işləməkdən
çəkinmək lazımdır.

 

BİOSON ASİNO İstifadə qaydası və dozası

Daxilə qəbul edilir. Məsləhət görülən doza 1 tablet təşkil edir, ehtiyac olduqda, dozanı 2 tabletə qədər
artırmaq olar. Preparat yatmazdan 30 dəqiqə əvvəl qəbul edilir.
Yaşlı pasiyentlərə və böyrək və ya qaraciyər çatışmazlığı olan pasiyentlərdə dozanı azaltmaq məsləhət
görülür.
Müalicə kursunun müddəti 10 gündür. Simptomlar aradan qalxmadıqda, həkimə müraciət etmək
lazımdır.
Yuxusuzluq 5 gün ərzində aradan qalxmadıqda, preparatın sonrakı istifadəsinin məqsədəuyğunluğu
barədə həkimlə məsləhətləşmək vacibdir.

 

Əlavə təsirləri

Dərman vasitəsi, bir qayda olaraq, pasiyent tərəfindən yaxşı mənimsənilir.
Ayrı-ayrı hallarda aşağıdakı kimi əlavə təsirlər müşahidə edilə bilər:
həzm sistemində pozğunluqlar: ürəkbulanma, qusma.
Ürək-damar sistemində pozğunluqlar: bradikardiya, mədəcik taxikardiyası.
Sinir sistemində pozğunluqlar: başgicəllənmə, yuxululuq.
İmmun sistemdə pozğunluqlar: dəri səpgisi, qaşınma və vaskulit daxil olmaqla, allergik reaksiyalar
mümkündür.
Antixolinergik effekt: qəbizlik, sidikburaxmanın ləngiməsi, ağızda quruluq, görmənin pozulması
(akkomodasiyanın pozulması, dumanlı görmə, hallüsinasiya, görmə itiliyinin pozulması), sürətli
ürəkdöyünmə, şüurun dumanlanması.
Rabdomioliz, qanda kreatinfosfokinazanın (KFK) səviyyəsinin artması.
Gündüz yuxululuğu: bu cür effektin inkişafı zamanı dozanı azaltmaq vacibdir.
Bundan başqa I nəsil H1-antihistamin vasitələr, məlum olduğu kimi əzginliyə, koqnitiv pozuntulara və
psixomotor fəaliyyətin pozulmasına səbəb olur.

 

Doza həddinin aşılması

Simptomları:
Kəskin zəhərlənmənin ilk simptomlarına yuxululuq və antixolinergik effektlərin əlamətləri aiddir:
oyanıqlıq, bəbəklərin genəlməsi, akkomodasiyanın iflici, ağızda quruluq, üzün və boğazın qızarması,
hipertermiya, sinus taxikardiyası. Deliriy, hallüsinasiya və atetoz hərəkətlər ağır zəhərlənmənin nadir
ağırlaşması, bəzən qıcolmadan xəbər verir. Qıcolma yaranmadıqda belə, doksilaminlə kəskin
zəhərlənmə bəzən rabdomiolizə səbəb olur ki, bu da, kəskin böyrək çatışmazlığı ilə ağırlaşa bilər. Belə
əzələ pozğunluğu geniş yayılmışdır ki, bu da, kreatinfosfokinazanın aktivliyinin ölçülməsi yolu ilə
sistematik skrininqin aparılmasını tələb edir.
Müalicəsi:
Müalicəsi simptomatikdir. Müalicənin erkən vaxtı aktivləşdirilmiş kömürün (böyüklərə 50 q, uşaqlara
1 q/kq) istifadəsi məsləhət görülür.

 

Buraxılış forması

10 tablet, blisterdə. 3 blister, içlik vərəqə ilə birlikdə karton qutuya qablaşdırılır.
 

 

Aptekdən buraxılma şərti

Reseptsiz buraxılır.