Pharmed

BIFRENDS N20 CAP

BifrenDS

BifrenDS Tərkibi

Təsiredici maddə: 1 kapsulda 250 mq fenibut vardır. Köməkçi maddələr: mikrokristallik sellüloza, natrium kroskarmelloza, susuz kolloidal silisium dioksid, maqnezium stearat, talk. Kapsulun tərkibi: jelatin, titan dioksid (E 171).

Farmakoterapevtik qrupu

Psixostimulyatorlar və nootrop vasitələr

ATC kodu: N06BX22.

Farmakoloji xüsusiyyətləri

Farmakodinamikası: BifrenDS preparatı γ-aminoyağ turşusunun və feniletilaminin törəməsidir. Onun dominant təsiri antihipoksik və antiamnestik təsiridir. Trankvilizasiyaedici təsirə malikdir, yaddaşı və öyrənmə qabiliyyətini stimulə edir, fiziki iş qabiliyyətini artırır; psixoemosional gərginliyi, həyəcanı, qorxunu aradan qaldırır və yuxunu yaxşılaşdırır; yuxugətiricilərin, narkotik, neyroleptik və qıcolmaəleyhinə vasitələrin təsirini gücləndirir. Xolino- və adrenoreseptorlara təsir etmir. Preparat nistaqmın latent dövrünü uzadır və davametmə müddətini və təzahürünü qısaldır, epilepsiya əleyhinə təsirə malikdir. Asteniyanın təzahürünü və vazovegetativ simptomları, o cümlədən baş ağrısını, başda ağırlıq hissini, yuxunun pozulmasını, qıcıqlanmanı, emosional labilliyi əhəmiyyətli dərəcədə azaldır, əqli iş qabiliyyətini artırır. Trankvilizatorlardan fərqli olaraq, BifrenDS preparatının təsiri altında psixoloji göstəricilər (diqqət, yaddaş, sensor-motor reaksiyaların sürəti və dəqiqliyi) yaxşılaşır. Asteniyalı pasiyentlərdə və emosional labilliyi olan pasiyentlərdə artıq preparatla terapiyanın ilk günündən sedativ effekt və ya oyanıqlıq olmadan əhval-ruhiyyə yaxşılaşır, maraq və təşəbbüs, aktiv fəaliyyətə motivasiya artır. Müəyyən edilib ki, fenibut beynin bioenergetikasını yaxşılaşdırır.

Farmakokinetikası: Preparat peroral qəbuldan sonra yaxşı sorulur və orqanizmin bütün toxumalarına nüfuz edir, eləcə də, hematoensefalik baryerdən keçir. Qaraciyərdə və böyrəklərdə demək olar ki, bərabər paylanır, beyində və qanda isə bir qədər ondan az paylanır. 3 saatdan sonra qəbul edilən fenibut əhəmiyyətli dərəcədə sidikdə aşkar edilir, bu zaman beyin toxumasında preparatın konsentrasiyası azalmır, daha 6 saat sonra o, beyində aşkar edilir. Sonrakı gün fenibutu, yalnız sidikdə aşkar etmək olar, o, sidikdə qəbuldan daha 2 gün sonra da aşkar edilir, lakin aşkar edilən miqdar qəbul edilən dozanın cəmi 5%-ni təşkil edir. Fenibutun daha çox birləşməsi qaraciyərdə baş verir (80%), o, spesifik deyil. Təkrar qəbulu zamanı kumulyasiya müşahidə edilmir.

İstifadəsinə göstərişlər

Astenik və həyəcanlı-nevrotik vəziyyətlər (emosional qeyri-stabillik, yaddaş pozğunluqları, diqqət konsentrasiyasının aşağı düşməsi), narahatlıq, qorxu, həyəcan, sayrışan hallar nevrozu; uşaqlarda – kəkələmə, enurez, tiklər; yaşlı şəxslərdə – yuxusuzluq, gecə narahatlığı. Əməliyyatlardan və ağrı ilə müşayiət olunan diaqnostik müayinələrdən əvvəl stress vəziyyətlərinin profilaktikası. Abstinent sindromu zamanı alkogolizmin müalicəsində köməkçi vasitə kimi təyin olunur. Bundan əlavə, preparat Menyer xəstəliyində, vestibulyar aparatın disfunksiyası ilə əlaqəli olan başgicəllənmələrdə, dəniz və təyyarə xəstəliyinin profilaktikası məqsədi ilə istifadə olunur.

Əks göstərişlər

Preparatın istənilən komponentinə qarşı yüksək həssaslıq. Kəskin böyrək çatışmazlığı. 11 yaşa qədər uşaqlar.

Xüsusi göstərişlər və ehtiyat tədbirləri

BifrenDS dərman vasitəsinin qıcıqlandırıcı təsiri nəticəsində həzm sisteminin patologiyası olan pasiyentlərdə ehtiyatlı olmaq lazımdır. Belə pasiyentlərə kiçik dozalar təyin edilir. Uzun müddətli istifadəsi zamanı qanın hüceyrə tərkibinə, funksional qaraciyər sınaqlarının göstəricilərinə nəzarət etmək lazımdır.

Digər dərman vasitələri ilə qarşılıqlı təsiri

BifrenDS və onunla birlikdə istifadə edilən dərman vasitələrinin dozasını azaltmaqla, BifrenDS preparatını psixotrop vasitələrlə kombinə etmək olar. BifrenDS preparatı yuxugətiricilərin, narkotik, neyroleptik və qıcolma əleyhinə vasitələrin təsirini uzadır.

Hamiləlik və laktasiya dövründə istifadəsi

Hamiləlik və ya laktasiya dövründə BifrenDS preparatının istifadəsi əks göstərişdir, belə ki, bu dövrlərdə preparatın istifadəsinə dair kifayət qədər məlumat yoxdur. Pediatriyada istifadəsi Preparat 11 yaşdan yuxarı uşaqlarda istifadə edilir.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Preparatla müalicə dövründə yuxululuq, başgicəllənmə və ya sinir sistemində baş verən digər əlavə təsirlər yaranan pasiyentlər, nəqliyyat vasitələrini və ya digər mexanizmləri idarə etməkdən çəkinməlidirlər.

BifrenDS İstifadə qaydası və dozası

Preparatı qida qəbulundan əvvəl, su ilə birlikdə daxilə istifadə etmək lazımdır. Astenik və həyəcanlı-nevrotik vəziyyətlərdə böyüklərə – sutkada 3 dəfə 250-500 mq dozada təyin etmək lazımdır. Birdəfəlik yüksək dozaları: böyüklər üçün – 750 mq, ahıl yaşlı pasiyentlər üçün – 500 mq. Müalicə kursu 2-3 həftə təşkil edir. Zərurət yarandığı halda, müalicə kursunu 4-6 həftəyə qədər uzatmaq mümkündür. 11 yaşdan yuxarı uşaqlara – sutkada 3 dəfə 250 mq dozada. 14 yaşdan yuxarı uşaqlara – böyüklər üçün müəyyən edilən dozalar təyin olunur. Vestibulyar aparatın infeksiya mənşəli disfunksiyası (otogen labirintit) zamanı başgicəllənmənin aradan qaldırılması və Menyer xəstəliyinin kəskinləşməsi dövrü: BifrenDS preparatını 5-7 gün müddətində sutkada 3 dəfə 750 mq, vestibulyar pozğunluq təzahürləri aşağı düşdükdən sonra 5-7 gün müddətində sutkada 3 dəfə 250-500 mq və daha sonra 5 gün müddətində sutkada 1 dəfə 250 mq dozada təyin etmək lazımdır. Xəstəliyin nisbətən yüngül gedişi qeyd olunduğu halda, BifrenDS preparatını 5-7 gün müddətində sutkada 2 dəfə 250 mq dozada və daha sonra, 7-10 gün müddətində sutkada 1 dəfə 250 mq dozada təyin etmək lazımdır. Vestibulyar aparatın damar və ya travmatik mənşəli disfunksiyası zamanı başgicəllənmənin aradan qaldırılması üçün – BifrenDS preparatını 12 gün müddətində sutkada 3 dəfə 250 mq dozada təyin etmək lazımdır. Dəniz və təyyarə xəstəliyinin profilaktikası məqsədi ilə preparatı 1 dəfə 250-500 mq dozada yola çıxmazdan 1 saat əvvəl və ya ilk simptomlar meydana çıxdığı halda, təyin etmək lazımdır. Preparatın dozasını artırdıqda, BifrenDS preparatının təsiri güclənir. Şiddətli təzahürlər (qusma, ürəkbulanma) qeyd olunduqda, preparatın hətta 750-1000 mq dozalarda təyin edilməsi belə, az effektivdir. Alkoqolizmin müalicəsi zamanı abstinent sindromun aradan qaldırılması üçün: müalicənin ilk günlərində BifrenDS preparatını sutkanın günorta vaxtlarında 3 dəfə 250-500 mq və gecə 750 mq dozalarda təyin etmək və gələcəkdə sutkalıq dozanı tədricən böyüklər üçün müəyyən edilmiş adi dozaya qədər aşağı salmaq lazımdır. Preparatın 1 və ya bir neçə dozasının istifadəsi ötürüldüyü halda, onun istifadəsini əvvəlcədən təyin edilən dozalarda davam etdirmək lazımdır. Zərurət yarandıqda və ya pasiyentin vəziyyəti pisləşdiyi halda həkimlə məsləhətləşmək lazımdır.

Əlavə təsirləri

Sinir sistemində baş verən pozğunluqlar: yuxululuq (müalicənin əvvəlində), başağrı və başgicəllənmə (sutkada 2 q-dan artıq dozada, doza azaldıldıqda, əlavə təsirin təzahürü azalır).

Mədə-bağırsaq sistemində baş verən pozğunluqlar: ürəkbulanma (müalicənin əvvəlində), qusma, diareya, epiqastral nahiyədə ağrı.

Qaraciyərdə və ödçıxarıcı yollarda baş verən pozğunluqlar: hepatotoksiklik (yüksək dozaların uzun müddət istifadəsi zamanı).

İmmun sistemdə baş verən pozğunluqlar: səpgi, qaşınma, övrə, dəri hiperemiyası daxil olmaqla, allergik reaksiyalar.

Psixikanın pozulması: emosional labillik, yuxunun pozulması (bu əlavə təsirlər uşaqlarda dərman vasitəsi istifadə təlimatına müvafiq istifadəsi zamanı müşahidə olunur).

Doza həddinin aşılması

BifrenDS preparatı kiçik toksikliyə malik birləşmədir, ancaq 7-14 q sutkalıq dozada uzun müddət istifadəsi zamanı o, hepatotoksik ola bilər (eozinofiliya və qaraciyərin piy distrofiyası müşahidə edilib). Simptomları: yuxululuq, ürəkbulanma, qusma, arterial hipotenziyanın mümkün inkişafı, kəskin böyrək çatışmazlığı. Müalicəsi: mədənin yuyulması. Terapiya simptomatikdir. Ağırlaşmalar zamanı (arterial hipotenziya, böyrək çatışmazlığı), köməkçi və simptomatik tədbirlərdən istifadə edilir.

Buraxılış forması

10 kapsul, blisterdə. 2 blister, içlik vərəqə ilə birlikdə karton qutuya qablaşdırılır

Aptekdən buraxılma şərti

Resept əsasında buraxılır.