Bayer
BEPANTEN 50MG 30GR KREM (GER)
Dərman vasitəsinin istifadəsi üzrə təlimat (xəstələr üçün)
BEPANTEN xaricə istifadə üçün krem
BEPANTHEN®
Beynəlxalq patentləşdirilməmiş adı: Dexpanthenol
Tərkibi
Təsiredici maddə: 1 q kremin tərkibində 50 mq dekspantenol vardır.
Köməkçi maddələr: DL-pantolakton, fenoksietanol, amfizol K, setil spirti, stearil spirti, lanolin (E913), izopropilmiristat, propilenqlikol (E1520), təmizlənmiş su.
Təsviri
Ağ rəngli və ya sarıya çalan ağ rəngli, zəif qoxulu homogen qeyri-şəffaf kremdir.
Farmakoterapevtik qrupu
Yara və xoraların müalicəsi üçün vasitə. Digər sikatrizanlar
ATC kodu: D03АХ03.
Farmakoloji xüsusiyyətləri
Dekspantenol – pantoten turşusunun spirtli analoqudur və eyni bioloji aktivliyə malikdir. Dekspantenol hüceyrələrə tez daxil olaraq pantoten turşusuna çevrilir və vitamin В5 kimi təsir göstərir. Pantoten turşusu və onun duzları suda həll olan vitaminlərdir, asetilkoenzim A-nın tərkibinə daxildir, bir cox mübadilə proseslərində mühüm rol oynayır. Beləliklə, dərinin və selikli qişaların reqenerasiyasında və formalaşmasında vacib olan pantoten turşusuna artan təlabatı dekspantenol ödəyə bilər. Orqanizmdən dəyişilməmiş şəkildə sidik və nəcislə xaric olur.
İstifadəsinə göstərişlər
Quru və qıcıqlanmış zədələnməyən dərinin müalicəsi: qızartı, yüngül yanıqlar (gün və məişət), dərinin kobud sahələrinə qulluq (məsələn, bilək, dirsək, diz və s.). Quru və qızarmış dəriyə qulluq. Radio-, fototerapiya və ya UB-şüalanma nəticəsində dərinin qıcıqlanmasında mikrozədələnmələrin (çatlar, sıyrıntılar) epitelizasiyası və sağalmanın tezləşməsi.
Əks göstərişlər
Preparatın təsiredici maddəsinə və digər komponentlərinə qarşı yüksək həssaslıq. Hemofiliyalı xəstələrdə ağır qanaxma riski olduğu üçün yaralarda istifadəsi əks göstərişdir.
Xüsusi göstərişlər və ehtiyat tədbirləri
İstifadəsi zamanı yüksək həssaslıq əlamətləri yaranarsa, dekspantenolla müalicə dayandırılmalıdır. Lanolin, stearil və setil spirtləri dərini qıcıqlandıra bilər (məsələn, kontakt dermatit). Kremin gözlə təmasından çəkinmək lazımdır.
Digər dərman vasitələri ilə qarşılıqlı təsiri
Digər dərman vasitələri ilə qarşılıqlı təsiri məlum deyildir.
Hamiləlik və laktasiya dövründə istifadəsi
Dekspantenolun reproduktivliyə təsiri öyrənilməmişdir.
Hamiləlik və laktasiya dövründə kremin istifadəsinə dair heç bir məhdudiyyət yoxdur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Təsir etmir.
İstifadə qaydası və dozası
Kremi gündə bir necə dəfə zədələnmiş sahələrə çəkmək lazımdır.
Müalicə müddəti xəstəliyin xüsusiyyətindən və gedişindən asılıdır.
Əlavə təsirləri
Göstərilən əlavə təsirlər spontan məlumatlara əsaslanır. Dəqiq rast gəlmə tezliyini təyin etmək mümkün deyil.
Dəri və ya dərialtı toxuma və immun sistem pozğunluqları: allergik reaksiyalar,
həmçinin dəri – kontakt və allergik dermatit, qaşınma, ekzema, eritema, səpgi, övrə, dərinin qıcıqlanması və yaralar.
Doza həddinin aşılması
Dekspantenolun həddindən artıq miqdarda istifadəsi aşağı sistem
toksikliyinə malikdir və xəstənin sağlamlığı üçün təhlükəli əlavə təsirlərə səbəb olmur.
Buraxılış forması
30 q və ya 100 q krem, tubda. 1 tub, içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən yüksək olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
QP Qrenzah Prodakşn QmbH,
Emil-Barell-Ştrasse 7, D-79639 Qrenzah-Vaylen, Almaniya.
Qeydiyyat vəsiqəsinin sahibi
Bayer Konsumer Keya AG,
Peter Merian-Ştrasse 84, 4052 Basel, İsveçrə.