Pharmed
BAZOSID 1,5GR N1 FLK
BAZOSİD 1,5 q əzələdaxili inyeksiya məhlulu hazırlamaq üçün toz (steril – apirogen)
BAZOSID
BAZOSID Tərkibi
Təsiredici maddə: 1 flakonda 500 mq sulbaktama ekvivalent miqdarda sulbaktam natrium və
1000 mq ampisillinə ekvivalent miqdarda ampisillin natrium vardır.
Həlledici: 0, 5%-li lidokain hidroxlorid.
Təsviri
Ağ və ya ağımtıl rəngli axıcı tozdur.
İçərisində inyeksiya məhlulu hazırlamaq üçün toz olan flakon və içərisində həlledici məhlul olan ampul.
Farmakoterapevtik qrupu
Sistem istifadə üçün antibakterial preparat.
ATC kodu: J01CR04.
Farmakoloji xüsusiyyətləri
Farmakodinamikası
Hüceyrəsiz bakterial sistemlərlə aparılan biokimyəvi tədqiqatlarda sulbaktamın penisillinə rezistent
(davamlı) mikroorqanizmlər tərəfindən hasil edilən müxtəlif əhəmiyyətli beta-laktamazaların dönməz
inhibitoru olduğu müəyyən edilmişdir. Sulbaktam yalnız Neisseriaceae-yə qarşı antibakterial aktivliyə
malikdir. Sulbaktam natriumun penisillinlərin və sefalospo-rinlərin parçalanmasının qarşısını alma
potensialı rezistent ştammlardan istifadə edilərək aparılan tədqiqatlarda təsdiq edilmişdir. Bu
tədqiqatlarda sulbaktam natrium penisillinlərlə və sefalosporinlərlə birlikdə istifadə zamanı onlarla
sinergetik təsir göstərmişdir. Sulbaktam eyni zamanda penisillinbirləşdirici zülallarla birləşdiyindən bəzi
həssas ştammlar təkcə beta-laktam antibiotikə nisbətən sulbaktam-penisillin kombinasiyasına qarşı daha
həssas olmuşdur.
Bu kombinasiyada bakterisid maddə ampisillindir və o, benzilpenisillin kimi, mikroorqanizm-lərin
hüceyrə divarının biosintezini inhibə edərək aktiv çoxalma dövründə olan həssas mikroorqanizmlərə
qarşı təsirli olur.
BAZOSİD aşağıdakılar da daxil olmaqla geniş bir spektrdə qrammüsbət və qrammənfi bakteri-yalara
təsir göstərir: Staphylococcus aureus və epidermidis (penisillinə rezistent və bəzi metisillinə rezistent
ştammlar daxil olmaqla); Streptococcus pneumoniae; Streptococcus faecalis və digər streptokokk
növləri; Haemophüus influenzae və parainfluenzae (həm beta-laktamaza hasil edən, həm də hasil
etməyən ştammlar); Branhamellacatarrhalis; Bacteroides fragilis və
bununla bağlı növlər daxil olmaqla anaeroblar; Escherichia morganii; Citobacter növləri; Enterobacter
növləri; Neisseria meningitidis və Neisseria gonorrhoeae.
Ampisillinə rezistent olduğu məlum olan Pseudomonas, Citrobacter və Enterobacter növlərinin
sulbaktam/ampisillin-ə həssas olmadığı nəzərə alınmalıdır.
Farmakokinetikası
Sulbaktam natrium əsas penisillin nüvəsinin törəməsidir. Kimyəvi cəhətdən natrium penisillinat
sulfondur. Suda çox yaxşı həll olan ağımtıl Kristal tozdur. Molekul kütləsi 255,22 Daltondur. Ampisillin
natrium penisillin nüvəsi olan 6-aminopenisillan turşusunun törəməsidir. Kimyəvi cəhətdən D(-)-αaminobenzil natrium duzudur və molekul kütləsi 371,39 Daltondir.
Paylanması
Sulbaktam/ampisillin insanlarda orqanizmin bütün maye və toxumalarına sürətlə nüfuz edir. Beyin
qişasında iltihab (meningit) olmadığı hallarda beyinə və onurğa beyni mayesinə nüfuz etməsi aşağı
dərəcədədir. Venadaxili və əzələdaxili istifadədən sonra qanda sulbaktamın və ampisillinin yüksək
konsentrasiyaları yaranır və hər iki maddənin yarımparçalanma dövrü təqribən bir saatdır.
Xaricolması
Sulbaktam/ampisillin-in böyük bir hissəsi orqanizmdən dəyişilməmiş şəkildə sidiklə xaric olur.
Klinikayaqədərki təhlükəsizlik məlumatları
LD50 (daxilə istifadə zamanı) həm erkək, həm də dişi siçanlarda 8 q/kq-dan və siçovullarda
4 mq/kq-dan yüksəkdir.
Siçovullar və itlər üzərində aparılan uzunmüddətli tədqiqatlarda oral BAZOSİD əsas orqanlar və
sistemlərlə bağlı əhəmiyyətli histopatoloji zədələnmələrə səbəb olmamışdır. Eynilə BAZOSİD-in dölə
toksik təsirini, teratogenliyi və fertilliyə inhibəedici təsirini qiymətləndirmək üçün aparılan testlər
zamanı bu təsirlər aşkar edilməmişdir. Sulbaktam/ampisillin kombinasiyasının mutagen təsiri aşkar
edilməmişdir.
İstifadəsinə göstərişlər
BAZOSİD həssas mikroorqanizmlərin səbəb olduğu infeksiyalarda istifadə olunur. Adətən, istifadəsinə
göstərişlər olan infeksiyalara sinusit, orta otit, epiqlotit, bakterial pnevmoniyalar daxil olmaqla yuxarı və
aşağı tənəffüs yollarının infeksiyaları; sidik yollarının infeksiyaları və pielonefrit; peritonit, xolesistit,
endometrit və çanağın sellüliti daxil olmaqla intraabdominal infeksiyalar; bakterial septisemiya; dərinin,
yumşaq toxumaların və sümük və oynaq infeksiyaları və qonokokk infeksiyaları aiddir.
BAZOSİD abdominal və ya çanaq orqanları üzərində aparılan cərrahi müdaxilə zamanı və peritonun
mikrob çirklənməsi ehtimalı olan xəstələrdə əməliyyat sonrası yara infeksiyası hallarının azaldılması
üçün əməliyyatdan əvvəl də istifadə edilə bilər. BAZOSİD əməliyyat son-rası sepsisin yaranması
hallarını azaltmaq məqsədi ilə, hamiləliyin dayandırılması zamanı və ya keysəriyyə əməliyyatı sonrası
profilaktika üçün istifadə edilə bilər.
Əks göstərişlər
Anamnezində hər hansı penisillin preparatına qarşı allergik reaksiya olan insanlarda BAZOSİD-in
istifadəsi əks göstərişdir.
Həlledici kimi istifadə olunan lidokain hidroxlorid amid tipli yerli anestetiklərə qarşı yüksək həssaslığı
olan insanlarda və ya ürək blokadası olan insanlarda istifadə edilməməlidir.
Xüsusi göstərişlər və ehtiyat tədbirləri
Sulbaktam natrium/ampisillin natrium daxil olmaqla, penisillin müalicəsi aparılan xəstələrdə ciddi, hətta
bəzən ölümlə nəticələnən yüksək həssaslıq (anafilaktik) reaksiyaları barədə məlumat verilmişdir. Bu
reaksiyalar ən çox keçmişdə penisillinə və/və ya bir çox allergenə qarşı yüksək həssaslığ olmuş
insanlarda baş verə bilər. Anamnezində penisillinə qarşı yüksək həssaslıq olan insanlarda
sefalosporinlərlə müalicə zamanı ağır reaksiyaların meydana çıxması barədə məlumat
verilmişdir. Penisillin müalicəsindən əvvəl xəstədən diqqətlə keçmişdə penisillinə, sefalosporinlərə və
digər allergenlərə qarşı yüksək həssaslıq reaksiya-larının olub-olmaması barədə soruşmaq lazımdır.
Əgər allergik reaksiya baş verərsə, dərman preparatının istifadəsi dayandırılmalı və müvafiq müalicə
başlanmalıdır.
Ağır anafilaktik reaksiyalar adrenalin (epinefrin) ilə dərhal təcili müalicə tələb edir. Oksigen, venadaxili
steroidlər və intubasiya daxil olmaqla tənəffüs yollarının açıq olması üçün lazımi tədbirlər görülməlidir.
Hər bir antibiotik preparatında olduğu kimi, göbələklər daxil olmaqla qeyri-həssas mikroorqanizmlərin
inkişaf edərək artması əlamətlərini vaxtında aşkar etmək üçün daimi müşahidə aparmaq lazımdır.
Superinfeksiya baş verərsə, dərman preparatının istifadəsi dayandırılmalı və/və ya müvafiq müalicə
aparılmalıdır.
Sulbaktam natrium/ampisillin natrium daxil olmaqla, demək olar ki, bütün antibiotiklərdən istifadə
zamanı Clostridium difficule ilə bağlı diareya (CDAD) barədə məlumat verilmişdir. Bu vəziyyət yüngül
dərəcəli diareyadan ölümcül kolitə qədər dəyişə bilər. Antibakterial dərman preparatları ilə müalicə
yoğun bağırsağın normal florasını dəyişdirərək Clostridium difficule-nin həddindən artıq artıb
çoxalmasına səbəb olur.
Clostridium difficule CDAD-a səbəb olan A və B toksinləri ifraz edir. Bu infeksiyalar antimikrob
müalicəyə davamlı ola biləcəyindən və kolektomiya lazım ola biləcəyindən Clostridium difficule-nin
hipertoksin ifraz edən növləri xəstəlik və ölüm hallarının artmasına səbəb olur. Antibiotiklə müalicədən
sonra diareya meydana çıxan bütün xəstələrdə CDAD-ın ola biləcəyi nəzərə alınmalıdır. CDAD-ın
antibakterial dərman preparatları ilə müalicəsindən 2 ay sonra meydana çıxması barədə məlumat
verildiyi üçün xəstəlik tarixinə diqqət edilməlidir.
CDAD-a şübhə olarsa və ya o, təsdiq edilərsə, Clostridium difficule-yəyönəlik olmayan antibiotikin
istifadəsi dayandırılmalıdır. Müvafiq maye və elektrolitin miqdarının tənzimlənməsi, zülaləvəzedicillər,
Clostridium difficule-yə yönəlik antibiotik müalicəsi və cərrahi qiymətləndirmə həyata keçirilməlidir.
Digər güclü sistem dərman preparatlarında olduğu kimi, uzun müddət davam edən müalicələrdə böyrək,
qaraciyər və hematopoetik sistemlər daxil olmaqla, vaxtaşırı olaraq orqanlar sisteminin funksiyalarına
nəzarət etmək tövsiyə olunur. Bu, yenidoğulmuşlarda, xüsusilə vaxtındanəvvəl doğulmuşlarda və digər
körpələrdə çox vacibdir.
İnfeksion mononukleoz virus mənşəli olub, müalicəsində sulbaktam/ampisillin istifadə edilməməlidir.
Mononukleozlu xəstələrdən ampisillin alanların böyük bir faizində dəri səpgisi meydana çıxır.
Hər 1,5 q BAZOSİD-in tərkibində (1000 mq ampisillin + 500 mq sulbaktam) 115 mq-a (5 mmol)
natrium vardır. Bu, nəzarət olunan natrium pəhrizi saxlayan xəstələrdə nəzərə alınmalıdır.
Digər dərman vasitələri ilə qarşılıqlı təsiri
Allopurinol: ampisillin və allopurinolun birlikdə istifadəsi zamanı meydana çıxan dəri səpgisi halları
yalnız ampisillindən istifadə zamanı meydana çıxan dəri səpgisi hallarına nis-bətən əhəmiyyətli
dərəcədə artıq olur.
Aminoqlikozidlər: ampisillin və aminoqlikozidlərin in vitro qarışdırılması hər iki birləşmənin aydın
inaktivləşməsi ilə nəticələnmişdir, əgər bu qrup antibacterial preparatların birlikdə istifadəsi lazım
gələrsə, onları ən azı bir saatlıq intervalla və fərqli nahiyələrə yeritmək lazımdır (bax bölmə
“Uyuşmazlıqları”).
Antikoaqulyantlar: parenteral penisillinlər laxtalanma testlərinin nəticələrinə və trombositlərin
aqreqasiyasına təsir göstərə bilər. Bu təsirlər antikoaqulyantlarla birlikdə istifadə zamanı arta bilər.
Bakteriostatik dərman vasitələri (xloramfenikol, eritromisin, sulfanilamidlər, tetrasiklinlər):
bakteriostatik dərman vasitələri penisillinlərin bakterisid təsiri ilə qarşılıqlı təsirdə ola bilərlər; bu
dərman preparatlarının birlikdə istifadə edilməsindən qaçmaq tövsiyə edilir.
Metotreksat: penisillinlərlə birlikdə istifadə metotreksatın klirensinin azalması və metotreksatın toksik
təsirinin güclənməsi ilə nəticələnmişdir. Bu preparatların birlikdə istifadəsi zamanı
xəstələr ciddi müşahidə olunmalıdırlar. Kalsium folinatın dozasının artırılması və ya daha uzun müddət
istifadə edilməsi lazım gələ bilər.
Estrogen tərkibli oral kontraseptivlər: ampisillin istifadə edən qadınlarda oral kontraseptivlərin
effektivliyinin azalması barədə məlumatlar olmuşdur ki, bunlar da gözlənilməz hamiləliklə
nəticələnmişdir. Ona görə də ampisillindən istifadə zamanı xəstələrə alternativ və ya əlavə kontraseptiv
vasitə seçmək lazımdır.
Probenesid: birlikdə istifadə zamanı probenesid ampisillinin və sulbaktamın böyrək yumaqcıq
filtrasiyasını azaldır ki, bu da zərdab konsentrasiyasının artmasına və konsentrasiyanın saxlanma
müddətinin uzanmasına, yarımxaricolma dövrünün uzanmasına və toksik təsir riskinin artmasına səbəb
olur.
Laborator analizlərin nəticələrinə təsiri: Benedikt, Fehlinq reaktivləri və Klinitest TM-dən istifadə
edilərək aparılan analizlərdə yanlış müsbət qlükozuriya müşahidə edilə bilər.
Ampisillinin hamilə qadınlarda istifadəsindən sonra ümumi konyuqəolunmuş estriolun, estriolqlükuronidin, konyuqəolunmuş estronun və estradiolun plazma konsentrasiyalarında keçici azalma qeyd
edilmişdir. Bu təsir eyni zamanda sulbaktam natrium/ampisillin natrium-un ƏD/VD istifadəsindən sonra
da meydana çıxa bilər.
Uyuşmazlığı
Aminoqlikozidlərin, aminopenisillinlərin hər hansı birinin mövcudluğu zamanı in vitro inaktivləşmə baş
verdiyindən, sulbaktam natrium/ampisillin natrium və aminoqlikozidlər ayrılıqda həll edilərək ayrı-ayrı
istifadə edilməlidirlər.
Hamiləlik və laktasiya dövründə istifadəsi
Hamiləlik kateqoriyası – B.
Doğuş potensialı olan qadınlar/doğuşa nəzarət (kontrasepsiya)
Ampisillin daxilə istifadə olunan doğuşa nəzarət dərmanları ilə qarşılıqlı təsirdə olur. Bu səbəbdən
müalicə dövründə doğuşa alternativ, daha effektiv və etibarlı nəzarət metodlarından istifadə edilməlidir
(bax: “Digər dərman vasitələri ilə qarşılıqlı təsiri”).
Hamiləlik dövrü
BAZOSİD-in hamiləliyə təsirinə dair klinik təcrübə yoxdur.
Heyvanlar üzərində aparılan tədqiqatlarda BAZOSİD-in hamiləliyə/embriona/dölün inkişa-fına/doğuşa
və doğuşdan sonrakı inkişafa birbaşa və ya dolayı mənfi təsiri aşkar edilmə-mişdir.
Hamilə qadınlarda kəskin ehtiyac olduğu zaman istifadə edilə bilər.
Laktasiya dövrü
Sulbaktam və ampisillinin laktasiya dövründə təhlükəsiz istifadə edilə biləcəyi təsdiq edilməmişdir.
Sulbaktam və ampisillin az miqdarda ana südünə nüfuz etdiyi üçün laktasiya dövründə ehtiyatla istifadə
edilməlidir.
Reproduktiv qabiliyyət/fertillik
Heyvanlar üzərində aparılan tədqiqatlarda reproduktivliyə və ya dölə hər hansı zədələyici təsir meydana
çıxmamışdır.
Xüsusi əhali qrupları ilə bağlı məlumatlar
Mövcud deyil.
Uşaqlar
Mövcud deyil.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Məlum deyildir.
BAZOSID İstifadə qaydası və dozası
BAZOSİD + lidokain hidroxlorid məhlulu əzələdaxili dərinə yeridilir.
Lidokain məhlulu qətiyyən venadaxili yeridilməməlidir.
Həkim tərəfindən başqa cür tövsiyə edilməzsə preparat aşağdakı dozalarda istifadə edilir:
• Böyrək funksiyası normal olan böyüklərdə BAZOSİD-in adi gündəlik doza diapazonu 1,5 q (1000
mq ampisillin + 500 mq sulbaktama müvafiq gələn 1 q-lıq 1 flakon BAZOSİD) ilə
12 q-dır (8000 mq ampisillin + 4000 mq sulbaktama müvafiq olan 1 q-lıq 8 flakon BAZOSİD).
Sulbaktamın maksimal gündəlik dozası 4 q-dır. BAZOSİD-in gündəlik dozaları adətən 6-8 saatlıq
intervallara bölünərək istifadə edilir. Ağır olmayan infeksiyalarda pre-parat 12 saatdan bir istifadə
edilə bilər.
İnfeksiyanın ağırlığı
Yüngül 1,5-3 q (1-2 q ampisillin + 0,5-1 q sulbaktam)
Orta 6 q-a qədər (4 q ampisillin + 2 q sulbaktam)
Ağır 12 q-a qədər (8 q ampisillin + 4 q sulbaktam)
• Dozaların istifadə tezliyi xəstəliyin ağırlıq dərəcəsinə və xəstənin böyrək funksiyalarına görə
təyin edilə bilər.
Müalicə adətən qızdırma düşdükdən sonra 48 saat müddətində və ya qeyri-normal simptomlar
aradan qalxana qədər davam etdirilir. Müalicə adətən 5-10 gün ərzində aparılır. Xəstəliyin ağır
olduğu hallarda müalicə müddəti artırıla və ya əlavə olaraq ampisillin istifadə edilə bilər.
Cərrahi əməliyyat infeksiyalarının profilaktikasında, əməliyyat müddətində qan zərdabında və
toxumalarda effektiv konsentrasiyanın saxlanmasına kifayət qədər vaxt qalması üçün
anesteziyanın başlanğıcında 1,5-3 q BAZOSİD (1 q-lıq 1-2 flakon BAZOSİD) istifadə edilir.
Doza 6-8 saat intervalla təkrarlana bilər. Əgər BAZOSİD ilə müalicəvi prosedura ehtiyac
olmazsa, əməliyyatların əksəriyyətində profilaktik istifadə 24 saatdan sonra dayandırılır.
Fəsadlaşmamış süzənəyin müalicəsində 1,5 mq birdəfəlik dozada BAZOSİD (1 q-lıq 1 flakon
BAZOSİD) istifadə oluna bilər. Sulbaktam və ampisillinin plazma konsentrasiya-larının
saxlanma müddətini uzatmaq üçün eyni zamanda daxilə 1 q probenesid qəbul edilməlidir.
Xüsusi xəstə qrupları ilə bağlı məlumatlar
Böyrək/qaraciyər çatışmazlığı
Böyrəklərin ağır funksional pozğunluğu olan xəstələrdə (kreatinin klirensi < 30 ml/dəq)
ampisillin və sulbaktam orqanizmdən xaricolma kinetikası oxşardır və biri o birinin plazmada
yerləşməsinə təsir göstərmir.
BAZOSİD-in tövsiyə edilən dozası
< 30 1 6-8 saatdan bir 1,5-3 q
15-29 5 12 saatdan bir 1,5-3 q
5-14 9 24 saatdan bir 1,5-3 q
Uşaqlarda istifadəsi
Uşaqlarda, körpələrdə və yenidoğulmuşlarda infeksiyaların əksəriyyəti üçün doza 150 mq/kq/gün təşkil
edir (100 mq/kq ampisillinə və 50 mq/kq sulbaktama uyğundur).
Ampisillinin adi dozalarına uyğun olaraq uşaqlarda, körpələrdə və yenidoğulmuşlarda dozalar adətən 6-
8 saatdan bir istifadə edilir. Yenidoğulmuşlarda (xüsusilə vaxtındanəvvəl doğulmuşlarda) həyatın ilk
həftəsində tövsiyə olunan doza 12 saatdan bir bölünmüş dozalar şəklində 75 mq/kq/gün-dür (25
mq/kq/gün sulbaktama və 50 mq/kq/gün ampisillinə uyğun-dur).
Əlavə təsirləri
Digər parenteral antibiotiklərdə olduğu kimi gözlənilən əsas əlavə təsir, xüsusilə əzələdaxili yeridilmə
ilə bağlı olan inyeksiya yerində ağrıdır (16%). Lidokainin istifadəsi ilə bu əlavə təsirin qarşısı
alınmışdır.
Qan və limfa sistemində baş verən pozğunluqlar
Sulbaktam natrium/ampisillin natrium-la müalicə zamanı anemiya, hemolitik anemiya,
trombositopeniya, eozinofiliya və leykopeniya barədə məlumat verilmişdir. Bu reaksiyalar dönər olur və
dərman preparatının istifadəsi dayandırıldıqdan sonra aradan qalxır və yüksək həssaslıq reaksiyaları
hesab edilirlər.
İmmun sistemdə baş verən pozğunluqlar
Anafilaktoid reaksiya və anafilaktik şok baş verə bilər.
Sinir sistemində baş verən pozğunluqlar
Nadir hallarda qıcolma, başgicəllənmə və başağrısı meydana çıxa bilər.
Mədə-bağırsaq traktında baş verən pozğunluqlar
Ürəkbulanma, qusma və diareya ən tez-tez baş verən əlavə təsirlərdir. Enterokolit və psevdomembranoz
kolit də meydana çıxa bilər.
Hepatobiliar sistemdə baş verən pozğunluqlar
Bilirubinemiya, qaraciyərin disfunksiyası və sarılıq müşahidə edilə bilər.
Dəridə və dərialtı toxumada baş verən pozğunluqlar
Dəri səpgisi, qaşınma və digər dəri reaksiyaları ən çox qeyd edilən əlavə təsirlərdir. Nadir hallarda
Stivens-Conson sindromu, epidermal nekroliz və multiformalı eritema baş verə bilər.
Böyrəklərdə və sidik yollarında baş verən pozğunluqlar
Nadir hallarda – interstisial nefrit.
Müayinələr
ALT (SGPT) və AST-nin (SGOT) keçici yüksəlməsi.
Ampisillinin təklikdə istifadəsi zamanı meydana çıxan əlavə təsirlər sulbaktam natrium/ampisillin
natrium-un əzələdaxili istifadəsi zamanı da meydana çıxa bilər.
Doza həddinin aşılması
Sulbaktam natrium və ampisillin natriumun insanlarda kəskin toksikliyinə dair məlumatlar
məhduddur. Dərman vasitəsinin doza həddinin aşılması zamanı əsasən dərman vasitəsi ilə bağlı əlavə
təsirlərin meydana çıxacağını gözləmək olar. Beta-laktam antibiotiklərin BOS-da yüksək
konsentrasiyasının yaranması nəticəsində qıcolma daxil olmaqla, nevroloji təsirlərin meydana çıxa
bilməsi nəzərə alınmalıdır. Sulbaktam və ampisillinin hər ikisi qan dövranından hemodializ
vasitəsilə orqanizmdən xaric edildiyindən, doza həddinin aşılması böyrəklərin funksional pozğunluğu
olan xəstələrdə baş verərsə, bu prosedur dərman vasitəsinin orqanizmdən xaric edilməsini asanlaşdıra
bilər.
Buraxılış forması
1,5 q toz, alüminium qoruyucu qapaq və rezin tıxacla bağlanmış rəngsiz şüşə flakonlarda.
3,5 ml 0,5%-li lidokain hidroxlorid məhlulu, 4 ml-lik ampulda.
1 flakon və 1 ampul həlledici şəffaf PVX separatorda içlik vərəqə ilə birlikdə karton qutuya
qablaşdırılır.
Saxlanma şəraiti
25°C-dən aşağı otaq temperaturunda, uşaqların əli çatmayan yerdə saxlamaq lazımdır. Əzələdaxili
istifadə üçün məhlul hazırlandıqdan sonra 1 saat müddətində istifadə edilməlidir.
Artıq qalmış dərman vasitələrinin və tullantıların atılması zamanı ehtiyat tədbirləri
İstifadə olunmuş dərman preparatlarının qalıqları və ya tullantı materialları (Tibbi tullantıların
atılmasına nəzarət” və “Qablaşdırmaların və qablaşdırma tullantılarının atılmasına nəzarət” qaydalarına
uyğun olaraq atılmalıdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Deva Holding A.Ş.,Türkiyə / Deva Holding A.Ş.,Turkey.
Toz
Çerkezköy Organize Sanayi Bölgesi, Atatürk Cad., No:32, Karaağaç Mah.,Kapaklı-Tekirdağ, Türkiyə.
Həlledici
Dumlupınar Mah., Ankara Cad.No:2, Kartepe-Kocaeli, Türkiyə.
Qeydiyyat vəsiqəsinin sahibi
Deva Holding A.Ş.
Halkalı Merkez Mah. Basın Ekspres Cad. No:1.
34303 Küçükçekmece/İSTANBUL.
Tel.: 0212 692 92 92.
Faks: 0212 697 00 24.